歡迎嚟到新一集嘅溝女Q&A，我喺呢度每星期都會協助MTFU嘅巴打，簡單地解答佢哋嘅溝女戀愛問題。
如果巴打你想我親自聆聽你嘅問題，提供更詳盡嘅兩性策略畀你嘅話，你可以報名加入我哋MTFU Insider嘅大家庭，
因為你喺裡面喺可以得到我為你度身訂做嘅訓練課程，讓你得到所有關於溝女／約會／性愛／感情嘅全方位支援。
你有興趣嘅話，就腥email去support@manthefvckup.com 索取詳情啦。
============================
John Wick：你好Man神 我想問點先為之同女仔 係 Wtsapp 上overcmmunication?
係唔同階段上，揾女仔 WhatsApp 嘅頻率係幾多 ? 女仔被我 attract左我應該揾佢 WhatsApp嘅頻率係幾多 ? Date過 2,3 次揾佢嘅頻率幾多 ? 每日揾佢text一兩句幾多句？定隔日？
純粹我覺得，淨係靠social media同佢個連繫唔係好大，因為之前都係同啲女仔日日傾，傾到好似男女朋友咁，約出黎，完左WhatsApp，再傾再約. 所以好迷惑依家
同埋man神 你同女朋友 會唔會每日WhatsApp? 覺得男女朋友 係咪應該日日都揾 大家？ whatsApp , 分享每日早晨早抖？因為之前 比前女友 要求過。我自已其實鐘意有feel先揾對方，試過兩日冇揾佢比佢罵到傻左。
============================
＃1 首先你要明白嘅係，係你仲未同佢上床搞咗嘢之前，你同條女whatsapp嘅主要目的係就係首先約佢出嚟date，透過dating過渡去性愛嘅關係。
咁所以如果你純粹喺whatsapp傾計，但係每次所講嘅嘢都唔係準備有意圖約佢出嚟嘅話，你就係浪費緊自己時間，並且放緊自己落一個無性friendzone嘅位置。
＃2 如果從來冇見過條女但係攞咗個電話嘅話，你同佢短短text一兩晚，每次唔超過十個來回嘅texts，你就要開始約佢出嚟；
如果date過一兩次嘅話，亦都唔需要特登增加頻率，但係每次你想約佢之前嘅兩三日，你就開始text佢，預備下一個date，每次都係鋪排去性愛嘅位置。
＃3 至於你話男女朋友，我嘅假設係你哋已經搞咗至少十幾廿次嘢真正嘅男女朋友。
喺嗰個情況，如果你set up relationship嘅框架做得好嘅話，你根本冇需要主動搵條女佢都會自動搵你。
#4 記住：你係一個高價值有大事要做並且有多條女選擇嘅男人，咁所以大部分時候你都係去到夜晚得閒嘅時候先至會搵條女一陣。
你同我講話試過兩日冇搵佢鬧到傻咗，雖然咁樣都好過條女係完全唔care你，但就暗示咗你條女攞緊上把位，希望透過小事化大能夠攞你更多時間。
我甚至有少少懷疑呢條女係你未同佢搞過嘢就話係女朋友嘅女人，如果係咁樣嘅話，你就要知道自己未識得點樣玩relationship game。
============================
Dee W：Hi Man神, 女人係鍾意俾更好嘅男人帶領，尤其係會令佢生活更精采嘅男人。我鍾意多出去經營自己生活圈，亦會多多嘗試平時生活不同嘅新選擇發掘嗜好，培養個人生活品味及話題。
對於初出社會收入唔高嘅年輕人嚟講，呢種生活係會對財務狀況造成壓力，七除八扣之後，每個月能夠儲下嘅錢實在唔多，我會擔心以呢種儲錢速度會令自己距離實現夢想變得遙遙無期，Man神，請問有冇心得可以分享畀我哋呢啲年輕人？
============================
#1 你講得好啱，有顏值有得揀嘅女人係絕對唔會妥協平庸嘅男人，佢係絕對會揀一啲令到佢生活變得更加好玩精彩高級高地位嘅男人。
但係你要記住，女人係有雙重嘅交配策略：佢係一方面想要短期嘅fun，同一啲好玩刺激興奮嘅型男搞嘢；
但係另一方面（尤其是當佢過咗廿三四歲），佢就會想要一啲長期嘅穩定性，想要一個有錢有資源會忠誠於佢嘅男人照顧佢一生一世。
咁所以Dee巴打如果你純粹集中喺搵更多錢嘅層面嘅話，你就係鋪排緊你嘅長期交配價值，你係present緊自己成為一個『好老公／好男人／好爸爸』嘅形象。
雖然令到自己變得更有錢更有地位係每個男人絕對應該去做，
但係如果你想要女人同你短期地搞嘢嘅話，你要改善嘅係你成個人嘅顏值／身材／著衫型唔型／成個性格係咪夠冒險好玩搞笑等等嘅特質。
你學識呢兩種嘅分別嘅話，你先至可以短期長期內又食到女，又能夠令到女人忠誠於你。
＃2 至於你講緊嘅財政狀況，就算你係一個專業嘅醫生律師或者政府高官都好，純粹依賴『儲錢』係絕對唔能夠令到你致富獲得自由嘅。
你要擔心嘅並唔係儲得夠唔夠錢，你要集中嘅係諗下點樣增加自己嘅技能同埋做事效率先，
去睇下點樣可以令自己創造更多市場上嘅價值先，令到自己成為一valuable person先，你先至能夠有籌碼去要求加薪，搵到更多錢。
另一樣嘢就係，當你真係已經唔可以透過增加更多時間努力去增加你嘅收入嘅話，你下一步就係要諗下點樣製造『被動收入』。
所謂嘅『被動收入』就係講緊你點樣透過槓桿效應，去擁有某一間公司或者透過投資去幾何級倍增你嘅身家。
我建議Dee巴打你去睇睇《窮爸爸富爸爸／Rich Dad Poor Dad》呢本書，你就可以重新理解點樣喺呢個金錢遊戲之中勝出，終於得到你想要嘅財政自由。
Anyway巴打，今集嘅溝女人生Q＆A告一段落啦。
如果你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇，因為你嘅支持喺能夠幫到我哋成長，繼而製造更多價值比你。
有咩問題，就下面留言比我知啦，我哋下集再見！