標籤: Social Life

Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。

 

好喇, 嚟到最後一集, 我哋完成埋四大點解你可能驚畀人知道你去學溝女嘅最後兩點。

 

但如果你未聽之前嗰兩集, 我奉勸你聽咗Part 1同Part 2先至聽今集。我哋事不宜遲, 即刻開始!

 

#3 可能有人認為,如果你要學溝女, 就代表你爭咁一啲嘢, 就等於承認自己失敗。

 

我哋不如作一個誠實嘅評估先, 大部分的男人同女人溝通相處嘅技巧都係非常平庸, 而大部分嘅女人同男人溝通相處嘅技巧亦都係非常平庸。

 

喺現今嘅社會裏面, 大部分嘅男士既relationship都幾乎係因為嗰個一般嘅女仔願意同佢一齊, 係冇其他選擇嘅情況下, 先至兩條lonely友無啦啦走埋下半世…

 

呢個唔係我個人目標囉, 亦都唔應該係你嘅target。我嘅taste好簡單嘅啫, 我淨係要最好嘅嘢, 我淨係要世界上最好嘅女人啫。

 

講到尾, 都係想有得揀, 有選擇, 好簡單。

 

比個例子你, 喺1982年春天嘅一個早上, Michael Jordan 並未成為世界上最偉大既籃球員, 佢當時仲係瞓喺張床度同自己講,

 

“唉,  我仲未成為世界上最偉大既籃球員, 我真係希望我已經係… 我自己欠缺咗一啲嘢…喂, 等陣先, 我真係好想成為世界上最偉大既籃球員, 我Diu你老母呀, 我feel到我係命中註定贏好撚多MVP,總冠軍… DIU, 起身去刷牙洗面操返個下晝先!”  

 

個重點係, 你學溝女嘅skills唔代表你有病, 或者你欠缺咗某啲嘢, 或者你個人未夠完整…

 

MIchael Jordan, 每一日四點幾起身去gym, 每一日喺個籃球場度操十幾個鐘, 每一日個腦淨係諗住點樣打好啲籃球, 每一日同friend講嘅都係打波, 亦都唔代表佢有病, 佢欠缺咗某啲嘢, 或者佢個人未夠完整…

 

佢淨係唔想成為一個平庸嘅人, 唔想得過且過, 唔想淨係要好, 或者唔錯, 佢就好似你咁想要更好!

 

所以先至點解你而家喺度, 因為你見得到圍繞你身邊嘅都係一啲平庸嘅人, 日日對住佢哋都好撚心煩…

 

因為你心底裏知道你自己係有能力得到更多,係有能力去進步, 所以你先至唔會停低直至你得到你想要嘅嘢!

 

任何人認為想媾女有進步會令到你唔係一個男人, 其實佢哋暗示話畀你聽, 佢哋係一個平庸嘅人, 唔夠膽去追隨更美好嘅生活, 佢哋淨係識得跟住自己係一個舒適安全嘅監獄裏面!

 

所以下次有人再咁樣同你講嘅時候, 你可以望住佢雙眼, 心裏面同情地咁諗, “頂… 其實做你個人都幾可憐架喎, 成世停留喺一個位度, 好慘呀你…” 🙂

 

話你知, 你掌握到溝女嘅技巧, 只會令你成為一個更正,更美好,更優秀嘅男人, 唔撚再使理其他垃圾講嘅廢話!

 

#4 可能有人認為,如果你學溝女, 你會因為你嘅轉變而冒犯好多其他人…

 

心理學上其實有一個現象叫做 spotlight effect 焦點效應, 亦都叫做社會焦點效應, 即係話人係會高估周圍其他人對自己外表或者行為關注度嘅一種表現。

 

有冇試過飲嘢嘅時候整濕衫之後擒擒青整乾佢驚自己樣衰?

又或者有冇試過喺條街度仆街, 跟住幾秒之內 即刻起番身, 仲要扮曬冇嘢咁樣繼續行?

如果你有試過, 咁即係你都試過焦點效嘅心理影響。

 

喺1999年, 有兩位喺美國康奈爾大學Cornell University嘅科學家 Thomas Gilovich同埋 Kenneth Savitsky, 佢哋做咗一個實驗, 佢哋邀請一班學生著咗一件好尷尬嘅好核突嘅衫走落個班房度上堂。

 

上完之後, 佢哋問啲學生估計有幾多人留意到佢哋件樣衰衫, 啲學生就估有起碼一半人, 但係結果係只有23%嘅人注意到。

 

換言之, 我哋假設多咗成一大倍其他人會注意到我哋, 我哋往往會不自覺地放大咗人哋對我哋嘅關注程度, 高估咗自己嘅突出程度。

 

所以當你去學溝女嘅時候, 就算畀其他人見到, 畀你啲屋企人發現, 畀你啲朋友察覺, 咁又點啫?

 

你知道你做乜先至對你自己最好, 你知道你做乜先至係最開心最自由, 咁你更加應該畀佢哋見到你去做呢樣嘢, 點解?

 

因為印度領袖甘地話過, “Be The Change You Wish To See In The World.” 你自己必須成為你喺世上想見到嘅嗰個改變!

 

你可能會覺得未必所有人都好似你咁樣想溝女溝勁啲, 但係我估你都想你身邊嘅人勇敢地去追隨佢哋自己想要嘅嘢,去做一啲佢哋最開心最自由嘅嘢, 係咪?

 

你依家咪就係為你自己做緊呢樣嘢囉!

 

當然我哋頭先講過, 因為焦點效應的影響, 大部分人其實即使見到你咁學溝女, 佢哋轉頭都已經忘記咗。

 

假設真係有幾個特別留意你, 佢哋見到你以身作則, 去追隨自己想要嘅嘢, 佢哋都會發覺,

“生命只有當下, 如果我自己依家都唔做一啲我想做嘅嘢, 咁我幾時先做呢? 你睇下呢條友仔, 佢又自由又開心又做緊一啲佢自己鍾意做嘅嘢, 我應該都咁樣做, 其實我都可以怎樣做…頂! 我要開始咁樣做!”

 

結論就係, 當你終於學識愛你自己,相信你自己, 為你所學嘅所有嘢感到驕傲, 容許你自己喺現實生活去測試去發揮學到嘅skills…

 

你唔單只會創造一個與眾不同令人羨慕嘅dating life, 你更加成為一個啟發到其他人去追隨佢哋夢想嘅人!  

 

畀心機兄弟, 我撐你!

 

Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。

 

上一集, 我問咗你”你對於你自己需要去學溝女有冇保留呢?”, 並且我哋講咗點解如果有人對你批判, 其實只係顯示佢哋嘅self-image受到你嘅威脅, 所以佢想講說話令你氣餒, 令你繼續原地踏步, 好似佢哋咁樣過返一啲平庸嘅生活…

 

好啦我哋廢話少講, 以下係四大原因或者四大恐懼, 點解你可能驚畀人知道你去學溝女。

 

#1可能有人認為, 學溝女係一種操縱女人嘅行為, 學完之後係用嚟擺佈人哋嘅…

 

我畀兩個情景你幻想一下…

 

情景A:

 

你學咗一個新技巧, 你而家識得點樣令一個女仔笑, 識得點樣令佢好興奮好想同你connect…

 

咁你出街某一日, 你識咗一個你鍾意嘅女仔,你同佢傾傾下計, 你知道係時候用呢個技巧去引佢笑…

 

但係你猶疑, 你冇咁樣做到, 因為你覺得你喺度操控緊女人去笑, 你唔想成為一個支配人哋選擇嘅人, 你繼續選擇隨遇而安, 睇下命運點樣安排你哋之間嘅故事。

 

情景B:

 

你啱啱睇咗一本雜誌, 佢話hold住一個強而有力嘅eye contact 眼神交流係會令女仔對你產生吸引力。

 

咁你出街某一日, 你識咗一個你鍾意嘅女仔,你哋有講有笑, 你醒起係時候要有strong eye contact。

 

你勇敢地hold住呢個眼神, hold得比你平時耐, 大約8-10秒, 之後個女仔對你產生吸引力, 覺得同你好啱傾, 之後你哋仲有一個美好嘅晚上。

 

問題嚟啦, 以上依兩個情況, 其實有咩分別呢?

 

點解有啲男士覺得hold住eye contact唔係一個操控人哋嘅行為, 但係又覺得用語言技巧或者其他嘢就係邪惡呢?

 

事實上, 兩者根本冇分別, 你都係有策略地做某一啲嘢, 嘗試得到某一啲結果。

 

你諗下, 一個花兩三個鐘set頭化妝嘅女人, 佢知道男人係比較視覺既動物, 佢咁樣做吸引更多男人又係唔係嘗試去操控男人呢? 佢係唔係誤導男人嘅判斷呢? 佢係唔係個人唔夠真呢?

 

以上男女所做嘅嘢根本就冇問題, 你要明白嘅係 , 全世界都嘗試做一啲嘢或者唔做一啲嘢, 去增加佢哋得到想要嘅嘢嘅機會率 。

 

如果有啲人同你講, “你唔應該去學溝女, just be yourself, 做番自己就得㗎喇, 屬於你嘅嘢始終會屬於你, ” 你估佢當時都做緊咩呀? 佢又咪係嘗試去操控你嘅行為?!

 

對於我嚟講, manipulation, 操控人意味著令到某啲人做一啲未必佢哋自己想做嘅嘢;

 

但係influence, 影響人, 感染人係去領導人哋做一啲至少某一part嘅佢自己係想去做嘅嘢 。

 

其實呢啲影響力, 操控力, 說服力每一日隨時隨地喺你身邊發生緊, 咁你自己去增加你喺世界嘅感染力其實有咩問題? 你覺得點解咁多巴打聽咗Man The Fvck Up 之後佢哋嘅dating life 會豐富咗咁多?

 

你有你嘅夢想, 你有你嘅願景, 你take action 付諸行動, 你創造你想要嘅成果, 你所做嘅嘢全部都係想影響一個結果, 所以去感染其他人根本唔係一件邪惡嘅事, 尤其是當你係領導其他人去做一啲佢哋心裏面好想做, 但係又唔夠膽做嘅事 。

 

咩係真正嘅邪惡? 無知先至係真正嘅邪惡, 明知自己有不足都唔去改善先至係邪惡, 人哋見到你進步唔抵得想拉番你落嚟先至係邪惡 。

 

所以你學溝女, 學點樣去感染佢, 帶領佢去一個更好嘅地方,你嘅intention意向係想 “Leave Women Better Than You Found Them”, 咁樣你學溝女根本係一件令世界變得更美好嘅事!

 

#2 可能有人認為,如果你要學溝女, 承認自己唔夠man, 自己依家唔係男人…

 

我想你幻想下呢一個情景:

 

有兩個男人喺度打網球, 咁佢哋個level係差唔, 贏大家嘅勝算都係50/50。

 

男人A就決定佢以後都想贏男人B, 佢想進步, 所以佢請咗一個網球教練,每一個星期都想好幾堂去打好基礎,去學新嘅技巧。

 

喺呢個過程, 佢有進步嘅日子, 亦都有失敗嘅日子, 但係隨著日積月累, 男人A打網球越嚟越叻。

 

過咗好幾個月之後, 男人A同男人B打咗一場比賽, 男人A贏咗男人B九條街。

 

男人B有啲嬲, 就問男人A, “ 頂你呀, 做乜勁撚咗咁多嘅?”

 

男人A 就答佢, “冇乜嘢啫, 我請咗個私人教練, 呢幾個月佢係咁幫我操, 幫我補返底啫!”

 

男人B有啲驚奇咁樣答佢, “ 嘩, 幾時變得咁撚醒㗎你? 我都應該請返個教練, 我打反手有啲廢…”

 

打完波之後呢, 佢哋就換咗件衫, 出咗去一齊飲杯嘢。

 

去到覺bar嗰度, 啱啱輸咗波嘅男人B見到條索女自己一個喺個吧枱度飲嘢, 作為一個social嘅男人,佢就直接行咗埋去hi條女。

 

過多幾分鐘之後, 男人A見到條女雙眼發光, 對男人B非常著迷。

 

男人B之後返嚟, 攞咗條女個電話同埋已經約咗聽日見面…

 

男人A目瞪口呆咁樣問, “ 你啱啱做咗啲乜嘢呀!? 咁撚勁咁快攞咗人哋電話仲約埋人哋聽日出街!?”

 

男人B好淡定咁樣講, “冇乜嘢啫, 我請咗個私人教練, 呢幾個月佢係咁幫我操點樣去溝女, 幫我補返底啫!”

 

男人A就平復情緒地同佢講, “ 咁撚醒嘅你, 我都應該請返個教練, 我有時唔知同女仔講啲乜好…”

 

故事就完咗喇, 問題就嚟喇:

 

呢兩位巴打, 有冇因為佢哋個兄弟喺某一方面需要幫忙而睇小對方? 有冇因為佢哋喺某一方面冇對方咁叻, 於是覺得對方唔係男人?

 

唯一一樣嘢可以令到一個人唔係男人, 就係當你知道自己既弱點嘅時候, 而呢個弱點係影響緊你生命某樣好重要嘅嘢時候, 你都唔嘗試去改善佢, 你先至唔係男人囉!

 

但係當你察覺自己嘅弱點, 承認自己需要人哋幫忙, 去學習改善你嘅弱點, 將你嘅弱點變為優點, 呢個先係真正有力量Man The Fvck Up 嘅男人囉!

 

 

Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。

 

今集非常重要, 想同你討論一個好重要嘅問題, 一條關於你自己嘅問題, 一條我之前學溝女都問過我自己嘅問題, 就係:

 

“你對於你自己需要去學溝女有冇保留呢?

 

即係話,你介唔介意話畀你啲屋企人, 朋友或者其他人聽, 話你其實喺度學緊一啲誘惑女人嘅技巧,學緊點樣同異性溝通connect, 聽緊一啲dating advice等等呢?”  

 

因為你點樣搭呢條問題, 係會好大咁影響你將來同女人之間有幾成功。

 

我自己曾經問過好多男人類似嘅問題, 問佢哋覺得佢哋屋企人或者朋友會可能會講啲乜, 如果佢哋知道你學緊一啲dating advice.

 

咁其實大部分嘅諗法, 都唔係真實所發生嘅事, 佢哋比我大部分嘅回應都係基於佢哋自己憑空想像可能會發生嘅嘢 , 因為佢哋根本就冇同其他人直接講過呢個問題。

 

所以佢哋所講嘅嘢, 只係佢哋自己嘅story, 只係佢哋base on 恐懼自己同自己喺心裏面講嘅說話。

 

第二樣嘢就係, 大部分人都係好驚其他人去批判佢哋所做嘅行為, 驚其他人以道德判官嘅身份去judge佢哋。

 

雖然我哋都知道, 唔應該咁care人哋對我哋自己嘅諗法,但呢樣嘢係對好多男人嚟講都係一個好大嘅心理障礙。

 

所以點解, 即使我見到越嚟越多人聽Man The Fvck Up, 學完呢啲已經證實咗有效嘅溝女攻略, 佢哋仍然未創造做到佢哋想要嘅戀愛生活…

 

解釋就係, 如果你對某一件事並唔感到自豪, 你係會嘗試將佢隱藏/埋藏。

 

例如, 如果你潛意識覺得唔想畀人知道你學緊Dating Advice, 學緊點樣可以識得多啲女仔, 咁你就絕少可能去應用你學咗嘅技巧, 因為你心理上覺得你有需要去將呢件事收埋;

 

相反, 如果你係覺得學溝女係一件好自豪嘅事 , 知道呢件事係對於你自己同其他人長遠都有好處, 咁你每次學到一啲新嘢, 你就會急不及待, 一有機會就去練習, 去試下呢啲新技能,新技巧work唔work。

 

所以你要對於你之前所做過嘅嘢, 以前發生嘅嘢, 你而家所做嘅嘢, 你將來想做到嘅嘢…

你要搵一個方法去為呢啲嘢感到自豪, 你先至可以邁向將來理想嘅成功。

 

咁我打算咁樣做, 我以下會去列出一啲主要原因或者主要藉口, 點解有啲男士會覺得學dating學溝女係有啲內疚, 有啲羞愧感。

 

但係喺我哋開始之前,

我想先講講, 點解去批判人哋或者去judge自己呢個行為其實係好無謂同埋愚蠢嘅。

 

因為我哋頭先都講過啦, 我哋每個人都好驚畀人去judge, 所以先至點解搞到我哋會驚畀人知道, 我哋每日喺度學緊點樣溝女。

 

第一, 無論係正面地或者負面地去批判人哋, 其實都係嘥你自己時間嘅行為。

 

如果你鍾意佢所做嘅嘢, 咁你咪同佢身上學習, 模仿佢嘅行為囉。

 

如果你唔鍾意佢所做嘅嘢, 咁你咪唔Q好理佢, 繼續專注番喺你自己身上, 繼續係屬於你自己嘅道路上打拼囉!

 

第二,

如果將來有人去批判你, 又或者你驚某啲人可能會judge你, 咁我想你記得呢個事實:

 

就係, 任何負面地批判你嘅人, 其實佢哋都披露咗佢哋自己最深層嘅一面,

 

佢哋其實係話緊俾你聽:

“佢哋覺得佢哋嘅自我形象,佢哋嘅self-image受到你嘅威脅。

所以佢嘅自然反應, 最容易反擊嘅行動就係去負面的批判你, 希望從中可以利用負面嘅社會壓力, 去防止你繼續勇敢地行你自己揀畀自己嘅一條路。”

 

所以你明白咗呢一點之後, 你就可以明白任何嘅批判, 任何形式嘅judgement, 根本就係好似放屁咁, 嘗試去虛張聲勢咁嚇走你; 實質對你係零傷害, 根本就冇任何真正嘅意義同實質基礎。

 

再問心講, 你依家身邊所識嘅人, 有幾多個真真正正擁有佢哋想要嘅關係, 有幾多個嘅戀愛生活係你自己想要嘅?

如果佢哋都冇一啲正面嘅參考價值, 你係咪應該仲聽佢哋喺度豬噏呢?

 

仲有就係,

如果呢啲你認為重要嘅人, 會因為你嘅誠實, 因為你坦白同佢哋講話你想學習成為一個更加有吸引嘅男人而去批判你, 佢哋三言兩語仲值唔值得你去聽入耳?

 

請你諗諗今集所講嘅嘢…
我哋下一part正式開始解答一啲主要原因或者主要藉口點解有啲男士, 會覺得學dating學溝女係有啲內疚感。

 

 

Yo, 歡迎嚟到新一集嘅Man The Fvck Up, 協助你創造一個你想要嘅戀愛生活。

 

最近收到聽眾一條好得意嘅問題, 總括嚟講佢就問我 “阿Man, 我點樣先可以做一個好玩啲嘅人?”

 

因為你聽開我Man The Fvck Up 你都知道要溝到女嘅秘密, 就係你要夠好玩,夠寸嘴,夠難先至追到你得到你, 你製造一個情況係個女仔去追你。

 

咁今日係星期六啦, 係一個好日子出去蒲下玩下, 去social去識下嘅新朋友, 去畀個機會女仔去追下你。

 

咁所以呢個週末, 當你出街嘅時候,我想你諗下呢一樣嘢:

 

“你仲記唔記得細個嗰陣時, 漫無目的咁樣為咗玩而去玩嘅感覺?”

 

你每次出街玩, 你當時唔係諗, 點樣製造一啲好玩嘅嘢, 或者營造一個歡樂的時刻令到女人鍾意你埋你身…NO!

 

我個問題係,

“你仲記唔記得你自己係小朋友嘅時候, 因為你想玩就無拘無束咁樣去玩嗰一種感覺?”

 

當你落club嘅時候, 又或者去唱k, 又或者去任何social嘅活動, 同一啲陌生人傾計, 喺度搗亂, 喺度互串,  你係應該有相同的感覺, 你係應該just having a good time。

 

當你係抱住一個純粹為咗玩而玩嘅心態,去享受每一個moment, 唔係為咗達成某一啲目的先至出街玩 …

 

當你做到呢一點, 所有人男同女都會因為你咁好玩而吸引埋你身邊 。
所以呢個禮拜, 當你出街玩嘅時候, 你嘗試下為咗玩而玩, 講你想講嘅嘢, 做你想做嘅嘢,寸你想寸嘅人, 練習一下呢一種為咗玩而玩心態,

咁你就會好自自然然吸引到一啲額外收穫, 一啲你想要嘅嘢 。

 

Yo, 歡迎嚟到新一集嘅Man The Fvck Up, 協助你創造一個你想要嘅戀愛生活。

 

時間過得好撚快, 腥message或者whatsapp呢個遊戲喺呢幾年都改變咗好多。

 

可能曾經你認為,

 

只要你message嗰陣時夠搞笑, 腥啲夠聰明嘅message, 個女仔覆返你haha或者lol或者某個又喊又笑嘅emoji,  咁條女就屬於你㗎啦…

 

但係問心講, 有幾多個同你send呢啲message嘅女仔最後真係肯同你出街?

 

又或者即使你約到佢見到佢真人, 你send message嗰時咁好笑咁聰明, 又對你之後長遠溝到佢有幾大幫助?

 

好啦我唔再兜圈…

 

現實就係, 每一句哈哈, 每一個笑話, 每一個懶係聰明嘅msg係傷害緊你喺佢眼中真正嘅價值。

 

你諗下, 如果佢係single又係索嘅, 佢全日都會收到好撚多男人同佢text。

 

如果佢係in a relationship 又係索嘅, 佢會相對收到少啲msg, 但係照樣比正常男仔多十倍。

 

而每一個唔係戇鳩嘅男仔, 佢哋都明白, text女仔嘅時候, 一定要夠搞笑要夠聰明…

 

但係佢哋咁樣諗就錯喇!

 

因為大部分嘅男仔都try so fvcking hard,

 

喺度扮搞笑扮聰明, 而女仔係完全知道佢哋做緊乜, 完全知道佢哋想impress佢溝佢, 所以先至成日諗埋啲咁特別嘅嘢佢講。

 

所以你嗰啲搞笑text, 得意圖片,sorry, 對女仔嚟講係NOTHING, 零價值。

 

如果你想喺佢部電話度突圍而出, 你就要做大部分人相反嘅嘢,就係send一啲簡短而且一針見血嘅message.

 

呢樣嘢暗示你係一個大忙人,

你喺現實生活裏面好忙咁樣做緊啲有意義嘅嘢, 所以你根本唔得閒去為咗一啲識咗冇耐嘅靚妹而去雕琢一啲得意搞笑嘅message!

 

你覺得女人鍾唔鍾意一啲唔在乎去impress去討好佢嘅男人?

你覺得女人鍾唔鍾意一啲有神秘感, 唔太care,唔依賴佢嘅男人?

你覺得女人鍾唔鍾意一啲同大部分人做法唔同, stand out 嘅男人?

你覺得女人鍾唔鍾意一啲專注自己道路上打拼, 唔得閒停低send一啲戇鳩message嘅男人?

 

你知道答案嘅…

 

或者五年前十年前, 腥一啲好笑嘅message係有用嘅, 但係今時今日係一個完全嘥你時間嘅行為。

 

係今日, 你最多可以做嘅, 係腥一啲令佢對你有少少好奇嘅message, 例如話, “我同我班frd今晚會去XYZ, 帶埋你個frd過嚟。”

 

呢個message會work 係因為:

 

#1 喺你咁忙咁精彩嘅生活之中, 你根本就唔care去impress討好佢。

夠一針見血, 零廢話。

 

#2 即使佢唔得閒, 你都唔會輸任何嘢,

因為你本身就已經會同埋你啲friend做一啲正嘢, 你只係一個social嘅leader 去邀請佢嚟 依個好玩嘅活動。

 

#3 就算佢唔嚟,佢都會喺度幻想你哋嗰晚有幾好玩, 當中可能有啲索女一齊, 咁佢就會更加會掛住你。
你點樣都係贏, 所以唔好再嘥時間喺部電話度啦, 師兄。

Yo, 歡迎嚟到新一集嘅Man The Fvck Up, 協助你創造一個你想要嘅戀愛生活。

 

你應該都之前聽過我講話要give value, 要對女人對世界創造價值, 但係對女人嚟講, 咩先至係真正有價值?

 

因為有好多好男人都搞錯嘅一樣嘢係, 佢哋只會係咁give give give, 係咁不問回報地奉獻自己,認為只要佢哋對女人好,對人夠nice,咁樣就可以吸引到女人。

 

但係我前幾集已經講過啦, nice對任何人對成個地球係零價值, 因為任何人都可以做到。

 

相反, 你應該對自己好啲, live on your terms, 係應得嘅時候去錫自己。

 

請你永遠唔好忘記我以下講嘅事實…

 

大部分女仔都被社會擔憂/恐懼嘅氣氛而束縛住, 佢哋係好渴望一啲好玩嘅嘢, 一啲新奇刺激嘅嘢,去探險去冒險, 去試一啲佢哋未試過, 預測唔到嘅adventures.

 

咁當你知道呢一個女人心底嘅秘密, 你覺得對佢嚟講, 咩先至叫做有價值?

 

我已經講咗啦, 好玩嘅嘢, 刺激感, 大膽去做嘅嘢, 好有energy嘅嘢, 挑戰自己嘅嘢, 估計唔到要冒險/探險嘅嘢等等…

 

如果你可以帶領佢去體驗呢啲野, 佢就冇可能唔愛上你!

 

當然你要有技巧去做呢壇嘢啦, 你要keep住我成日教你嘅有時好玩有時寸嘴嘅vibe, 你要好chill好non-needy 唔依賴咁樣, 你要set一個challenge畀佢去追你,

 

令佢覺得:

除咗你個人好正之外, 你亦都係一個唔係咁容易追到手嘅男人, 你要製造一啲空間等佢好掛住你, 等佢思考你諗乜嘢等等。

 

你做到我以上講嘅呢一炸野, 咁你就係一個係女人眼中真正有價值, 值得去愛嘅一個男人。:)

 

Yo, 歡迎嚟到新一集嘅Man The Fvck Up, 協助你創造一個你想要嘅戀愛生活。

 

今日我有啲新嘢想share畀你聽, 呢一樣嘢都算係秘密嚟嘅 , 因為我從來冇公過我咁多年嚟喺clubbing舞池溝女嘅方法。

 

但係呢今日心情靚, 所以算你好彩啦 😉

 

當我啱啱去學game嘅時候, 好多人都成日話喺舞池係好難識女仔。哈, 都唔撚知邊個豬噏嘅,呢個完全唔係事實。

 

想當年讀大學嘅時候, 我次次識親嘅女仔都幾乎係我未同佢傾過計, 就直接同佢跳舞, 跳咗幾個字, 先至帶佢埋一邊正式同佢傾計。

 

所以, 其實舞池係一個好好嘅位置直接識女仔, 而且你唔需要真係跳舞叻, 只要你唔好7下7下咁樣跳,咁就好ok。

 

好啦啱啱應承咗你, 我會share我用咗好多年嘅秘密方法, 點樣喺舞池溝女;

 

但係應承我一樣嘢, 就係唔該你依個禮拜落club嘅時候, 去用我呢個方法。你聽得Man The Fvck Up, 我就預期你會去應用呢啲資訊去改善你嘅dating life.

 

你應承我啦嘛? 好啦, 信住你先, 舞池溝女三部曲就係:

 

跳 -> 磨 -> 放 跟住再 跳 -> 磨 -> 放

 

只要你一兩首歌都係依住呢個次序, 佢就好快成身著曬火 😉

 

你問任何一個女仔, 佢亦都會話你聽: 大部分嘅男仔都係一開頭係舞池到成隻狗咁樣係咁磨, 呢一種咁撚猴擒 ,咁撚飢渴嘅行為係 完全over咗嘅。

 

相反, 你應該去挑逗下佢, 要佢做某啲行為先可以同到你正式跳舞。

 

即係話, 你一開頭同佢跳舞, 係應該保持大約一隻手嘅距離 。

 

轉佢一個圈, hold住佢隻手一陣, 或者行近一步幾秒, 之後就行返後兩步 。

 

總之一開頭就要有收有放, 有遠有近, 幾分鐘之後, 你就可以慢慢拉佢埋身, 開始磨下佢。

 

你一定唔可以成隻狗咁樣攞碌鳩係咁隊佢pat pat, 你一定要開頭慢慢黎, 挑逗下佢, 蝦下佢, 之後鬆手甩開佢, 又離開佢遠少少, 睇落好似enjoy自己一個跳多過同佢跳。

 

如是者, 過多一分鐘到, 你又行返去開始磨, 你咁樣跳 -> 磨 -> 放 三次到左右, 佢就好想要你慢慢錫佢頸, 喺佢耳仔邊呼吸, 咁樣就得咗喇!
之後你想帶佢去邊,就你自己決定啦 🙂

Yoyo, 歡迎嚟到新一集嘅Man The Fvck Up, 協助你創造一個你想要嘅戀愛生活。

 

今日想單刀直入, 好快為你解答兩條非常常見嘅問題!

 

第一, “當一個女仔同你講話你好nice或者好好人,或者nice to meet you, 佢究竟係咩意思呢?”

 

首先我哋分析一下, 做一個好nice嘅男人點解會令你溝唔到女呢?

 

因為大部分好nice嘅男人, 成日都會暗地裏收埋佢哋自己嘅感受同思想, 並且認為只要佢哋夠nice,只要佢哋夠sweet, 佢哋就可以冧掂條女,娶得美人歸。

 

事實就係, fvck that shit! 喺呢個地球冇人可以靠nice就可以得到佢哋想要嘅嘢!

 

你知唔知點解呀? 因為要得到自己想要嘅嘢, 你一定要開始 give more value, 為人哋為世界創造更多價值。

 

Nice喺世界上最容易做嘅嘢,完全唔需要任何技能, 才華, 氣力都慳番. 咩人都做到, 所以nice喺係對任何人零價值!

 

女人係唔會因為你夠nice而同你上床,

 

但係, 女人係會因為你夠好玩夠, 夠寸嘴, 夠企得硬而同你上床…

 

係會因為你會做你講過嘅嘢, 你get到佢嘅emotions, 你明白社交嘅潛規則而同你上床…

 

因為呢一啲特質係好罕有, 呢一啲特質喺佢哋心裏面先有價值。

 

所以你唔好再咁nice, 係時候開始好玩啲寸嘴啲。

 

第二條問題, “ 當一個女仔話佢做某一樣嘢好悶嘅時候, 究竟佢真正意思係講緊乜嘢?”

 

首先你要記住嘅係, 永遠你要聽嘅並唔係佢把口講啲乜嘢, 你要聽嘅係佢當時emotion情感上講啲乜嘢。

 

假設佢同你text 緊, 講緊佢今晚有咩做, 有三個情況係可能會出現嘅:

 

情況#1 佢話你知佢會做一啲好正好特別嘅嘢.

 

喺呢個情況, 佢係想impress 你,留下一個好印象, 即係話佢重視你嘅attention或者認同。

 

呢一件係好事嚟嘅, 但係未必代表佢即刻想見你。

 

情況#2 佢含含糊糊唔太想講佢會做啲乜。

 

喺呢個情況, 好簡單,

 

佢根本就唔太care去impress你, 或者暗示想你約佢。

 

情況#3 佢直接話你知佢好悶, 冇乜嘢做, 甚至可能會話你知自己喺屋企開酒飲。

 

喺呢個咁撚明顯嘅情況下, 係想話你知佢今晚得閒, 亦都可以去飲嘢, 其實暗示叫你有下一步行動嘅。

 

咁你可以做啲乜呢?

 

第一, 你可以邀請佢去做一啲原本你已經會去做,會去玩嘅嘢。

 

第二, 如果你咁好彩有自己地方住, 咁你就直接邀請佢去你屋企, 叫佢帶酒,

 

總之要有少少challenge set畀佢先至可以嚟到你屋企嘅。

 

第三, 你可以直接拆穿佢, 同佢講笑話 “ 喂, 如果你想今晚見我, 你直接講得㗎啦  :p” 如果你係text嘅話呢,你就笑笑口咁啦。

 

總言之, 逢係女仔話你知佢嗰一晚好悶, 即係同你講佢嗰一晚available,好得閒等你約佢。
咁好嘅機會, 你係咪唔應該錯過呢? 🙂

Yoyo, 歡迎嚟到新一集嘅Man The Fvck Up, 協助你創造一個你想要嘅戀愛生活。

 

你覺得Steve Jobs 溝得多唔多女呀喇?我今日將會為你解答呢一條非常重要嘅問題。

 

因為最近喺度睇緊佢嗰一本自傳, 有兩點係令到我覺得佢溝女可以好勁, 但係睇睇下又發覺有另外兩點令我覺得佢溝女應該麻麻地。

 

咁首先我哋講咗佢有邊兩點, 對於溝女嚟講係好既先啦:

 

優點#1 Steve Jobs 雙眼可以啤到你實一實。

 

因為喺佢嗰本自傳裏面, 每一個chapter 都會有人憶述反Steve Jobs 同佢傾計嘅時候,當Steve Jobs 好興奮講佢嘅idea嘅時候, 佢係可以望實你唔眨眼…

 

佢可以完全hold住eye contact直到嗰一個人同意佢嘅觀點, 因為呢一樣嘢畀好多人好大壓力, 大部分人都逼住要agree 或者望向第二個方向先可以抖到氣。

 

所以第一樣嘢你可以重佢身上學到嘅, 就係去學識hold住強而有力但又有少少放鬆既eye contact,

呢一樣嘢係可以話俾人知你係深深相信自己, 好有自信, 因為大部分嘅人都唔能夠抵受直接望住人哋雙眼嘅無形壓力。

 

優點#2 Steve Jobs 有一個超強嘅Frame 框架

 

Steve Jobs有樣非常出名嘅能力叫做 “Reality Distortion Field”, 即係佢有一個扭曲現實嘅磁場。

 

即係話, 每當Steve Jobs在場嘅時候, 有佢嘅出現, 佢嘅世界觀, 佢嘅現實就會變為你嘅世界觀你嘅現實。

 

佢嘅Frame 框架係會無意中食咗你嘅框架。

 

所以無論你講啲乜, 無論你做啲乜, 無論你點樣去拗, Steve Jobs都會設法令你相信佢自己所相信嘅嘢…

 

所以十幾廿年前Apple 嘅員工, 係應放棄咗同Steve Jobs 對抗, 因為每當Steve Jobs對某一樣嘢非常之有興趣, 覺得係會work嘅, 好快佢嘅夥記就會迫住有同樣嘅感受。

 

女人係想男人有一個強而有力, 點整都唔爛嘅frame。

因為當全世界都優柔寡斷, 遲疑不決嘅時候, 一個擁有超強硬嘅frame 嘅男人係會令到女人覺得喺佢身邊好有安全感。

OKAY,係時候講一講Steve Jobs點解未必溝到女喇。

 

缺點#1: 當世事並唔係佢預料之內, Steve Jobs係會有時喺度喊嘅…

 

男人喊其實都係一件正常嘅事, 有時喊並唔代表你唔堅強。

但係如果你係嗰啲好似細路咁樣發脾氣lur地喊, 咁女人係成世都唔會想同一個BB仔上床嘅 。

 

缺點#2: Steve Jobs 有時係一個好needy, 好依賴嘅人。

 

佢對住某一啲人嘅時候, Steve Jobs 係會突然之間變得好嗲, 乜都依靠住某一啲事情或者某一啲情感。

 

最令女人反感嘅第一樣嘢就係一個依賴嘅男人!

 

一個成日都要女人喺佢身邊,

一個要女人贊同/批准,

一個要女人認同,

一個要女人經常留意佢嘅男人係最冇吸引力…

 

所以唔該你, 無論如何喺咩情況之下, 都唔好咁needy, 都唔好成個細路咁成日要人讚。

 

你要認同自己,

你要有一啲目標, 嗜好係令你好興奮嘅,

你要take charge 去為你自己創造一個美好嘅生活,

你要首先一個人單身嘅生活都變得好完滿,

先至會變得全面地有吸引力。

 
好啦, 你應該get到我講啲咩, 畀心機師兄 🙂

 

Yoyo, 歡迎嚟到新一集嘅Man The Fvck Up, 協助你創造一個你想要嘅戀愛生活。

 

最近我哋收到好多聽眾嘅email問題, 咁所以如果我未答你嗰條問題, 唔使急呀,佢係排緊隊, 好快就會答到你㗎啦。

 

咁今日嘅一條問題係話

“喂 阿Man, 自從我聽咗你哋嘅channel, 我發覺女人開始對我嘅行為冇咁反感, 但係我想知道有冇咩步驟可以lead到佢上床? 如果我唔係一啲bar或者club, 如果我喺街或者學校,我可以點樣切入傾一啲關於性愛嘅話題?”

 

我唔公開呢一位聽眾嘅名啦, 但係如果你依家有聽緊,你所犯嘅基本錯誤就係你認為某一啲topics只可以喺某一個場合先可以講。你認為sex 只可以喺bar 到講, 唔可以喺條街度講。

 

我以前都有咁嘅諗法, 以為只有男人先會諗sex, 以為只有男人先enjoy上床; 完全冇諗過原來女人都鍾意食仔, 鍾意含撚, 鍾意畀人狗仔後上。

 

事實就係: 你喺任何地方都可以講性, 同埋當你係公眾場合可以好事無忌憚,完全唔覺得係一回事咁樣講sex, 呢一樣對女仔嚟講係一個正面同埋有吸引力嘅特質。

 

但係有兩點你要記住:

 

1) 你主動開始呢哋性愛話題, 你講完之後, 一定要好似冇咩大不了咁樣完咗個topic, 之後轉話題。

 

因為有啲仔一講做愛, 就好撚興奮停到停唔到, 係咁去chur呢一個topic.

你千祈唔好咁樣做, 唔係嘅話條女就會覺得你肯定冇咩女, 如果唔係你唔會一講扑嘢就講得咁興奮, 控制唔到自己。

 

相反, 如果你可以好casual 咁樣講做愛呢啲話題, 然後主動轉topic, 再加埋責怪下佢無啦啦做乜引導你去講呢啲咸濕嘢,

呢個behavior 係暗地裏話俾佢知你豐富嘅性經驗, 同埋你完全唔依賴黐身, 喺佢眼中你就會變得好惹火。

 

2) 當你哋真係喺一個好多人嘅公眾場合, 你可以謹慎小小講嘢嘅。

 

例如你哋兩個喺一間cafe,周圍嘅人係隨時聽到你哋講嘢, 你就可以喺佢耳仔竊竊私語咁講, “ 唔… 我諗到一啲好好玩嘅嘢去講, 但係因為呢一度有太多無聊人會偷聽, 我哋坐嗰邊鑼…” 跟住你就lead佢去少啲人嘅corner 位置…

 

你想像一下, 你講完呢一句之後, 加埋少少嘅奸笑, 佢係會get 到你講乜, 佢會微微咁偷笑,心諗你個衰仔, 但係又唔太肯定你一陣會帶佢既emotions去邊度, 又興奮, 又緊張…

 

而當你哋坐好之後, 你就可以嗌喺張櫈度, 好chill咁樣問佢…

 

“你做愛嗰時最鍾意啲乜嘢? 發生嘅時候有咩感覺?”

 

或者係 “做愛嘅時候最激最high係邊一個moment呢?”

 

又或者係 “你最鍾意邊一個姿勢俾條仔插呢? 有咩feel令你好爽?”

 

就係咁多, 女人係想同你傾一啲性愛話題, 佢淨係唔想三唔識七嘅陌生人都知道佢鍾意講呢一啲嘢。

 

希望今集幫到你大開眼界, 令你講嘢嘅時候更加自由,更加收放自如, 令你知道世界上有咩可能性, 令你喺你嘅dating life 裏面有更多選擇。
慢慢揀啦師兄 🙂