標籤: Sex Life

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

最近拍到好多集溝女Q＆A，咁高興嘅日子，千祈唔好畀佢停，我哋今日整多一集畀你。

 

呢位叫做Tim嘅巴打嘅Email Subject Line：

 

『幾個中意既都未到手、係咪集中增值自己 ，溝易到手既女先，再出去溝中意既正女？』

 

Q1：『Hey Man,我叫呀Tim 一直都有睇你既片,令我生活有番少少方向唔再沈迷失戀入面、增值自己。

 

最近不停訓練同幾個女仔傾計flirting、但好快就投入感情、

 

每日都有傾計，但發覺自己好needy，好緊張佢地既一舉一動。

 

Bro我覺得有少少辛苦，一個完左又要找下個，重新由傾計到開始flirting。 其中有個突然拍拖我就好似失戀甘、好掛住佢日日同我傾計。

 

我知自己條件唔夠人地好，講野唔夠幽默、幾個中意既都未到手、

 

係咪應該集中增值自己 ，溝易到手既女先，再出去溝中意既正女？

 

睇住一個又一個岩既女係手中走，好難受。我應該點再去進步好？

 

希望睇到我呢篇問題啦唔該哂Man』

 

A1：『Hey Tim，幫到你實在太好了。

 

『但好快就投入感情』

 

《== 點解呢？點解咁緊張佢地既一舉一動？There’s no need to invest in anything SO QUICKLY.

 

『係咪應該集中增值自己 ，溝易到手既女先，再出去溝中意既正女』

 

《== 集中增值自己 yes，永遠都係。

 

溝易到手既女先，I don’t think so，咁樣係哂時間，你應該對任何有興趣嘅女仔都flirt下，鍛煉下attraction skills；

 

但係真係要溝，就真係揀啲自己鍾意嘅溝，唔係嘅話你溝女成個過程都唔享受，所有嘢都又唔自然。

 

『睇住一個又一個岩既女係手中走』

 

《== Don’t worry about it，係佢哋眼光狹隘，睇唔到你將來超級成功，超級高價值，超級有吸引力嘅一面。

 

你一定要有abundance mindset，出面真係有大把好正嘅單身女，唔駛急『有女就要』，

 

focus喺增加自己personal value，增加自己嘅skills，有耐性啲，睇長線啲。』

 

Q2：『想知佢有無同第個出街、一齊左

 

但仲同我flirt 、驚做左傻仔，哂時間

 

暫時對flirt既都好易動左真情  當佢係女朋友甘

 

就算有男友都照flirt 當練習、學習點flirt

 

同時練下失去 唔比自己沈船 既感覺

 

如果太快講野曖昧關心佢

 

例如叫佢餵我食野  佢驚話攬住佢  小心濕身病

 

係咪好易變狗公，低價值? 』

 

A2：『#1 有無其他仔同佢出街？Of course有啦，索嘅女每一刻都有人想追佢。

 

Don’t be needy，有無其他男人喺irrelevant，YOU are the fvcking best，永遠。

 

#2 唔好咁快『中個頭』落去啦，it’s just a girl!

 

你要搵下女人以外嘅嘢（purpose／嗜好／朋友／健康／事業／interest／passion）做，咁先可以balance your life。

 

#3 曖昧嘢is okay，it’s flirting。

 

但係以playful／玩下嘅心態去講，唔好預期有咩事會發生，

 

咁就唔係needy，唔係低價值，唔會太快令自己中個頭落未知數身上。』

 

希望今集幫到你！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

好多巴打都曾經問過我，咩叫做Fun，咩叫做Challenge，兩樣嘢應該點樣去做。

 

首先，我係我哋嘅免費newsletter裏面係額外教多咗好多嘢，

 

所以如果果你仲未加入我哋嘅話，你真係走曬寶，

 

你而家可以去到www.manthefvckup.com/freebook 下載你本免費43頁溝女書，

 

並且開始收到免費嘅額外資訊。

 

第二，我今日就想講下，

 

點解being a challenge，成為一個有挑戰性嘅男人，

 

係其中一樣最有威力嘅嘢，去喺任何地方突出自己，去啟發女人去追你。

 

好簡單嘅原因就係：

 

因為大部分九成嘅男人都係太過easy，太過容易得到，太過容易被impress，太過冇自己standards；

 

而女人係知道，任何時候只要佢哋say yes，只要佢哋想要，呢類男人係可以隨時得到，毫無挑戰性。

 

你要成為一個擁有挑戰性的男人，成為一個對女人嚟講嘅challenge，

 

就係能夠增加你自己優勢，調轉槍頭，畀佢去追你，增加自己溝到佢嘅機會。

 

問題係，點樣成為女人眼中嘅challenge呢？

 

如果你問任何女仔咩令到佢哋心神恍惚，成日諗住掛住一個男仔，佢哋會同你講似：

 

－當佢哋自己以為個男人一定會覆message電話嘅時候，呢個男人竟然唔係成日會覆；有時佢話會之後打畀你whatsapp你，但係佢又唔知點解冇咁做。

 

－呢個男人唔係成日得閒hangout，唔係次次都可以成功約到佢出街。

 

－個女仔唔係好確實知道呢個男人係咪真係鍾意佢，就算個男人話係鍾意，個女仔都唔太清楚佢鍾意嘅程度有幾多。

 

所以親愛嘅巴打，以上嘅例子畀到幾多啟示你呢？

 

明白點解做一個challenging嘅男人對女人有幾大嘅吸引力呢？

 

記住呢個人性事實：

 

People ALWAYS want what they can’t have，人類係永遠都想得到一啲佢哋得唔到嘅嘢。

 

而係今時今日呢個年代，女人已經習慣咗去識一啲非常easy嘅男人，一啲太容易得到嘅弱雞男人，

 

所以你又咁easy，係絕對冇可能令到女仔想追隨你。

 

你可能會問，咁可以點樣識佢一開頭嘅時候，成為佢眼中嘅challenge呢？

 

就等我好快今日分享三個方法，點樣暗地裏令自己突圍而出。

 

方法＃1：唔好咁快揭露曬你嘅牌同底牌

 

意思就係，唔好講／流露／透露太多你對呢個女仔嘅興趣。

 

例如：－直至佢問你叫咩名之前，你未必需要即刻介紹自己。

 

－唔好問一啲扮曬醒目但係暗地裏白痴irrelevant嘅問題，

 

例如：『乜你今日唔洗陪男朋友咩？你通常鍾意咩類型嘅男仔㗎？我係咪你嘅type呢？LOL』

 

－唔好成日喺佢身邊成隻冤鬼咁樣徘徊，打極都唔走嘅烏蠅，不斷比attention佢。

 

方法＃2：誘導佢令佢向你投資

 

例如：

 

－你嘅目標係令到女仔去主動約你出街，主動搵你，或者去join你一啲原本已經會做嘅活動

 

－拒絕或者忽視佢第一次嘅主動邀請

 

（e.g. 佢問你『想唔想去XYZ果度？』，你就可以答佢：『唔知呢，睇下你一陣表現成點啦 :p』，完美嘅playfully challenging嘅例子）

 

－令女仔去qualify自己，令佢證明自己價值比你睇，令佢去解釋自己有咩好。

 

（所以你對住女仔嘅態度就係：『吖，你比起其他女仔，究竟有咩特別有趣呢？除咗樣幾靚之外，你仲有咩額外3樣嘅特質係吸引男人呢？』）

 

－又例如同佢玩一啲白痴嘅測試遊戲，問佢最鍾意食咩味嘅雪糕；

 

之後無論佢講咩未到嘅，你都可以反白眼，跟住佢講：『唉，朱古力？你嘅答案完全扣曬分囉，咁冇taste架你。』

 

呢啲輕鬆搞笑嘅對話，暗地裏就能夠frame你自己成為一個selector／選擇者，

 

暗示係你考慮緊揀唔揀佢，而唔係佢揀你。

 

 

方法＃3：我最鍾意嘅Takeaways／喺高潮嘅時候攞走一啲正嘅情感嘢

 

 

例如：－你令到女仔笑／hyper之際，搵個藉口走開離開一陣

 

e.g. 係Club度， 『吖，有啲急尿添，一陣再搵你』跟住去完廁所，特登過多20分鐘先至唔小心畀佢搵到你。

 

e.g. 同佢傾電話，講到興高采烈嘅時候，中斷對話，

 

同佢講：『喂！有啲緊要嘢要做，晏啲再同你傾／我哋whatsapp住先啦。』，跟住唔再搵佢，等佢之後再搵你。

 

e.g. （超級邪惡，從曾經hurt得我好深嘅ex身上學到 lol） 出完街之後，用一個溫暖的微笑say goodbye，跟住講：『我哋一陣喺Whatsapp再講啦 :-)』，跟住完全唔覆機，等到第二日先覆佢 lol

 

 

－保持unpredictable，估唔到你諗緊咩 e.g. 一隻手搭住佢膊頭，但係你又唔理佢，一路同你其他friend傾計

 

 

－用『可能啦／或者啦／maybe』呢個詞語 e.g. 『我要搵返我啲friend嗱，或者一陣再見啦…』

 

 

－又或者傾傾下計嘅時候，佢好冇禮貌地玩電話，你可以選擇直接行開唔理佢，

 

 

又或者更好嘅係，可以攞起你電話，相對大聲地扮同人傾電話講話：

 

『 係呀，係街呀，啱啱同緊呢個過度活躍嘅靚妹傾緊計，不過佢啱啱又病發啦，靈魂出竅咗，所以唔理佢lu…』

 

好！

 

以上三個方法只係being a challenge嘅冰山一角，但係我嘅經驗話我知，

 

無論你用乜嘢嘅方法technique都好，

 

最重要都係要畀女人感覺到有一種『佢唔係咁容易得到你／你係一種挑戰』嘅vibe。

 

每一次你一開頭甚至relationship中段唔繼續成為一個challenge，

 

讓佢逐少逐少一步一步賺取你嘅attention，賺取你對佢嘅鍾愛，

 

女人又會覺得你只係另一隻容易得到嘅cute cute小狗，

 

叫你hand hand就hand hand，

 

叫你擺尾就擺尾，

 

叫你出街就出街，

 

最後你就完全失去咗原本擁有嘅機會！

 

所以各位巴打，今日分享咗好多價值畀你，

 

唔該你馬上take action，用我一直以嚟教你嘅嘢落你日常生活之中，

 

鍾意今集嘅話就畀個like同留言畀我啦，

 

我哋下一集再講！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

最近有一段頗受爭議嘅片，

 

標題就叫做『 賺得少，係因為你對社會毫無貢獻』，

 

觸動到唔少人嘅情緒，覺得拍呢條片嘅人喺度亂噏24，覺得佢好侮辱一啲『好有貢獻但係賺錢唔多』嘅人。

 

跟住有唔少嘅網民，不斷用唔同嘅實質例子，去證明嗰一句說話係錯，

 

例如話：法官嘅收入，係唔夠出名嘅大律師高；

 

例如話：習近平嘅收入，係唔夠行政長官／奧巴馬／特朗普高；

 

例如話：阿媽做家庭主婦嘅收入係零，所以代表阿媽喺社會毫無貢獻。

 

無論你對呢條片嘅取態點都好，無論你有幾鍾意定痛恨嗰位仁兄所講嘅嘢，

 

你都應該知道MTFU最著重嘅嘢就係：

 

你喺某一件事件或者某個人身上，無論你鍾唔鍾意佢哋，究竟你可以學到啲乜嘢，並且apply落自己人生上面，令自己生活質素有所改善呢？

 

所以想今日同各位巴打分享，點解『 賺得少，係因為你對社會毫無貢獻』呢句說話只係講啱咗一半，

 

真正更加正確嘅講法係：

 

『你對marketplace／自由市場上面創造嘅價值／value，係會絕大部分嘅情況下同你得到嘅收入成正比。』

 

你好可能對你屋企人／親朋戚友係好有價值，

 

你好可能對你嘅社區／你條村／你棟大廈好有價值，

 

你好可能對你所附屬嘅宗教團體好有價值，好valuable，

 

但係，如果你對個marketplace／市場嚟講冇咩value（亦都係金錢世界嘅現實），

 

殘酷嘅現實就會話畀你知，你係唔能夠搵到好多錢，你唔會被人哋用『金錢』去彌補獎勵你。

 

問題就係：

 

單憑『要求老闆公司加人工』／『要求政府加價』絕大部份情況都係冇撚用，又或者你可以等十年之後終於加五點七個巴仙。

 

你當然可以罷工，你當然可以『等某人賞識你』，

 

但係最快最有效嘅方法去搵更多錢，就係我成日叫各位巴打做嘅：

 

＃1 Become more VALUABLE everyday，每一日不斷投資喺自己嘅知識技能身上，

 

＃2 跟住搵方法去協助更多嘅人受惠到你嘅價值

 

一個鐘搵$50蚊嘅人，同一個鐘搵$500/$5000/$50,000 嘅人，

 

唯一嘅分別，就係佢喺嗰一個小時之內能夠創造嘅價值（被認為能夠創造嘅價值－無論係實質或者虛擬都好）。

 

 

一個鐘搵$50蚊嘅人，可能能夠好成功地接好100件衫，幫到十個客人購買到理想嘅產品。

 

 

一個鐘搵$500蚊嘅人，可能能夠好成功地幫助一位中學生解決DSE英文由5星嘅程度，攞到五星星嘅成績。

 

 

一個鐘搵$5,000蚊嘅人，可能能夠好成功地幫助一位生意人，精明地避免法律上嘅訴訟，幫公司慳咗幾十幾百萬嘅訴訟賠償費。

 

 

但係你可能會問，咁一個鐘搵5萬／50萬／500萬／5000萬／5億嘅人呢？呢啲錢又喺邊度嚟呢？

 

Well，答案就係：

 

一個鐘搵5萬蚊嘅人，可能就係一個幾出名嘅演說家，對住幾百人演講。

 

 

一個鐘搵50萬嘅人，可能就係一啲ok出名嘅明星，被邀請去出席某一啲function。

 

 

一個鐘搵500萬嘅人，可能就係一啲國際級歌手，平均每一個鐘喺演唱會得到嘅收入。

 

 

一個鐘搵5000萬嘅人，可能就係一啲國際足球明星／拳手，唔小心被簽約／打下一場比賽，突然得到嘅錢。

 

 

一個鐘搵5億嘅人，可能就係一啲全球大品牌嘅CEO，唔小心同人sign咗個幾千億嘅deal，跟住自己得到嘅收穫。

 

 

重點就係：

 

你越係喺市場上有價值／value，你所創造到嘅價值越係之後可以連鎖效應地改變到更多人，你得到嘅金錢報酬絕大部分情況下都會越豐厚。

 

 

雖然總會有啲特例令到某啲人突然之間搵到好多錢，但係依啲特殊情況根本就應用唔到喺我哋身上，所以都無須理會。

 

 

你想自己變得有錢啲，就要學識呢樣價值不菲嘅秘密：

 

Learn to work harder on yourself than you do on your job。

 

你勤力用功工作係基本，

 

但係你更加要學識去更加勤力地，去投資賭博喺自己身上，塑造做自己成為一個更有價值嘅人，之後學識將你獨有嘅價值帶比市場。

 

記住：

 

Success is not something you pursue. Success is something you attract because of the person you become.

 

成功並唔係一種你去追隨嘅東西，成功係一種根據你成為一個點樣嘅人，之後吸引翻嚟嘅嘢。

 

而成為一個能夠吸錢返嚟嘅人，就必須首先成為一個擁有珍貴技術／skills，並且運用嗰種skills改變世界嘅人。

 

殘酷嘅事實就係：

 

我哋唔會因為我哋工作咗幾多小時，而被市場／marketplace衡量以咩價格去獎勵你，

 

我哋只會因應自己帶比市場幾多value，而相應地換取得到幾多金錢。

 

 

市場／marketplace係唔會care你喺間公司打咗幾多年工／或者係咪一開頭有幫你老細一齊打江山，

 

 

市場／marketplace係唔會care你喺某個職位崗位有幾多年經驗（因為好多工種過咗幾年之後，基本上你再多嘅經驗都係做重複嘅嘢），

 

 

市場／marketplace係唔會care你係咪一個好爸爸／好兒子／好丈夫／好義工／好教友／好人，

 

市場／marketplace只會care你帶到幾多value／價值比市場，句號！

 

你唔需要嘥時間去改變整體經濟環境，

 

你唔需要嘥時間去改變公司制度，

 

你唔需要嘥時間去低聲下氣乞求政府，

 

你唔需要嘥時間去埋怨你現時嘅環境有幾差，

 

你需要做嘅係work on yourself，改變你自己，增加自己嘅市場價值，

 

因為由始至終只有你先至係constant，只有你先至係不變嘅衡量。

 

最後就係，有咩方法可以提升自己市場價值呢？

 

以下係一啲簡單例子：

 

－你嘅expertise／專業知識

－你嘅productivity／生產量

－你嘅efficiency／做事嘅效率

－你嘅automation／點樣規劃東西令到某啲事可以自動完成

－你嘅influence／感染人哋幫你做嘢嘅能力

－你嘅celebrity status／明星效力

－你嘅reputation／聲譽信譽

－你嘅mastermind／身邊最接近嘅圈內朋友，令到佢哋正面地間接感染自己

－你嘅awareness／自我察覺能力，知道自己有咩叻有咩唔叻 etc.

 

各位巴打，你開始睇到我叫你每一日不斷進步嘅重要性未呢？

 

你開始睇到搵唔搵到錢，其實係自己責任，並且有能力操控並且改變嘅事實未呢？

 

你開始睇到原來MTFU教嘅嘢越嚟越正，比起淨係教溝女更高層次，

 

係真係塑造你成為一個更有吸引力，更有影響力，更有力量版本嘅自己未呢？

 

所以唔好再喺度食花生／睇花生／浪費自己時間去爭論某人的言論，去爭論某一啲微細字眼觀點啦，

 

 

係時候focus返屬於自己嘅path，屬於自己嘅purpose，屬於自己嘅mission上面啦，

 

 

鍾意今集嘅話就畀個like我啦，我哋下一集再講！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

問題少年 Q1：『Man sir，我最近都睇返你講返有冇challenge同串女仔嫁事，

 

咁我都諗番起讀中學時，串下自己比較close既女同學，但有時好似真係會串到好似有真火咁。

 

Eg.1喂你今日著衫著到你個阿婆咁嫁！

 

Eg.2 你讀書咁差嫁，你唔好成日po ig fb話自己幾咁努力咁啦！

 

Eg.3你咁嫁樣都係無男人睇嫁啦！

 

有時口快快講左出黎，真係比佢地屌9我or系我成個星期面。

 

你講過alpha male要唔怕得罪女人，但其實係咪當時嫁我真係太串呢？』

 

My Reply：

 

『Eg.1 喂，你今日著衫著到你個阿婆咁嫁！

 

<— 聽落有少少mean，除非你嘅語氣好playful

 

 

Eg.2 你讀書咁差嫁，你唔好成日po ig fb話自己幾咁努力咁啦／Eg.3你咁嫁樣都係無男人睇嫁啦  

 

<— These are ok, 只要你嘅語氣係講笑。

 

記住：

 

It’s not just about the WORDS, it’s 90% about your SUB-COMMUNICATIONS。

 

語氣聲調，身體語言，同埋當時嘅環境CONTEXT，仲有留意佢嘅mood。

 

Alpha male要唔怕得罪女人

 

←- YES，但係唔代表唔識social dynamics，

 

基本嘅社交動態，你要既又係socially intelligent，又要有流露著masculine dominance，雄性嘅征服性，咁就完美。』

 

問題少年 Q2：

 

『Hi Man,咁我想問下如果女性身邊嫁男性朋友，

 

個個都F+C fonmula 佢又對個個都有好似有signal 咁，咁要如何突圍而出呢？』

 

Reply Q2：

 

『#1 唔係個個知 F+C

 

#2 唔係個個識F+C，跟住會用

 

#3 唔係個個識F+C，會用F+C，用得淋漓盡致

 

#4 “佢又對個個都有好似有signal 咁” =》 Of course，女仔不嬲好叻同時溝幾條仔。

 

#5 突圍而出 =》 99% 男仔都係無自己嘅vision/purpose，都係想追佢，不斷比attention佢，差唔多好似溝到佢變得needy；

 

咁我問你，當99%嘅男人係咁做嘅時候，你估下你應該做啲咩呢！？

 

仲有，stop overthinking。

 

我教你嘅嘢就係 the best of the best, 將你塑造為Top 1%，你肯做就突圍而出。』

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到七月嘅最後一日，踏入最後五個月之前，今日有兩條溝女Q＆A送畀大家。

 

第一條由Mr J提供： 『hi man! 我叫阿J

 

睇左你嘅片都有一段時間，我嘅女人緣都開始有返少少起色 😀

 

是咁的，我有幾個溝通緊嘅女性朋友，

 

其中有一個幾附合我嘅擇偶標準，所以我都幾留意佢。

 

但係佢最近因為公司嘅人事問題搞到佢幾唔開心，什至同佢傾計都會聽到佢有語氣。

 

我唔想我地嘅關係因為佢嘅人事問題而變差 我應點做呢?

 

thx man』

 

『Hi J,

 

“我嘅女人緣都開始有返少少起色” <– Well done!

 

“我唔想我地嘅關係因為佢嘅人事問題而變差” <— 兩者根本無關係。

 

#1 佢而家同你似乎係同事／朋友關係？

 

#2『幾個溝通緊嘅女性朋友』，似乎你都係講緊female friends？

 

如果係，咁樣嘅話，好難突然show sexual interest，會好奇怪；

 

同埋你有冇出面識女仔？始終溝同事唔係咁好。』

 

『Hi man! 多謝你回答同埋分析

 

#1 我同佢係同一間公司但係唔同部門，所以偏向朋友關係

 

#2 女性朋友係我自己係社交APPS / 朋友嘅朋友咁識，有用你教D SKILL去溝通，有少少曖昧關係。

 

同埋我可以點把握呢個機會去增加佢對我嘅好感同魅力呢? thx man』

 

Bonus question：我想問跟據push and pull技巧，Dating 頻率點先係最好?

 

Thx man』

 

『Yo，你而家差唔多係比friendzone，你嘅behaviors好有朋友feel。

 

『增加佢對我嘅好感同魅力』

 

=》你要比佢睇到你嘅social/fun/playful side，淨係工作好dry好同事feel，ZERO sexual attraction at all。

 

Dating 頻率

 

=》 兩個人都做緊嘢，所以3-6星期先至見一兩次(1 to 1) 已經好足夠，除非有其他group activities。

 

Push Pull 技巧？

 

Watch this：點樣正式用『推拉法』溝女？How To Push-Pull A Girl？[溝女]

 

Q2：『Hi阿man，我呢排開始睇你啲片，睇完之後覺得好有道理👍

 

其實我想問一問，因為我我呢個月有個女仔系學校成日系對面走廊望住我，

 

但系到我望番距既時候距就望第二度，

 

之前我同距都有一路望住對方甘擦身而過，我驚系我自己會錯意所以無去識距…

 

之前都有睇番你啲片，但系都系吾明吾白甘，所以搵你請教一下😭』

 

『Yo美心，Welcome。

 

『成日系對面走廊望住我』

 

=》聽落好恐怖 lol

 

『但系到我望番距既時候距就望第二度』

 

=》 OF COURSE！佢諗住『暗示完佢對你有興趣』，你會醒目say hi 同佢傾計嗎！

 

『我同距都有一路望住對方甘擦身而過』

 

=》 Girls only keep LOOKING at guys when they are interested，所以係時候食佢啦。

 

試下同佢講：『喂喂，我啱啱見到你望住我，好少女仔可以望我咁耐都唔打招呼架喎，我叫XYZ，你呢？』

 

加埋你嘅奸笑+穿透性eye contact，贏晒 :D』

 

His reply:『多謝你阿man! 我會去嘗試下既』

 

聽緊嘅你，Hope you also take action!

 

希望今集幫到你！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第26集，

 

今集叫做 Know What Is Important in Your Woman，

 

學識乜嘢對你女人最重要／搞清楚同女人關係的首要目的！

 

作者意思係：

 

雌性能量／feminine energy就係生命嘅力量。

 

一個越係masculine嘅男人，佢女人嘅feminine energy就會對佢更加重要。

 

如果你想搵一位女性做你嘅business partner／生意夥伴，你好可能想要嘅特質係：

 

佢好識計數，佢好精明果斷，佢好可靠，佢能夠喺逆境堅持到底直至達到目標。

 

如果你想搵一位女性做你好朋友，你好可能想要嘅特質係：

 

坦白honesty，有同情心compassion，識講笑humor，同埋尊重respect。

 

但係如果你想搵一位女性做你嘅配偶，你應該搵嘅特質就係：

 

佢能夠自由地象徵收錄並且表達佢雌性嘅能量同愛。

 

記住：你越係想一個女人畀曬所有嘢你，你越係咩都得唔到。

 

因為business skills，係一種大部分非常雄性嘅技能；

 

而friendship友誼，個本質就係一種中性嘅無性關係。

 

所以如果你想有sexual passion，充滿激情嘅性愛，

 

咁你就需要有一種對立嘅性極性／sexual polarity，自己係masculine嘅雄性能量 + 對方女人係feminine嘅雌性能量。

 

當你唔搞清楚任何關係嘅priority，唔知道你想喺段關係乜嘢係首選你想要，

 

不同性嘅能量就會互相抵消，最後你就有一種含糊中性唔知想點嘅關係。

 

雖然做生意夥伴／做好朋友／做情侶全部都可以好親密，

 

但係只有當你首先揀咗relationship裡面嘅首要priority，你先至能夠容許任何進行嘅活動，能夠以你嘅main purpose去一齊進行。

 

唔係嘅話，你想發展生意嘅時候，你嘅女人就想你錫佢多啲；

 

你嘅女人想同你傾下計嘅時候，你就想同佢上床搞嘢。

 

最後你哋兩個就會妥協自己本身想要嘅慾望，

 

你哋嘅關係就會下降至一種功能性但係平庸嘅partnership／夥伴關係。

 

所以無論係你想淨係要一位伴侶，又或者同唔同partner發展multiple relationships，

 

你都必須搞清楚每一段關係嘅priority。

 

如果你預期你嘅親密關係可以有多重功能，你哋嘅關係就會開始變得功利主義／實用性。

 

譬如：如果你不斷喺度講大家嘅財政狀況，工作，屋企同小朋友，你就會改變你嘅女人變成一位中性嘅夥伴。

 

你哋因為太過熟識大家，所以原本充滿神秘感嘅性魅力，就會被逼變成系統化機械性嘅普通攬攬錫錫一齊瞓覺嘅關係。

 

大家就會失去對大家嘅性趣，雙方亦都會嚮往曾經感受到嘅性愛緊張感，就會好想喺其他人或者地方得到嗰種感覺；

 

家庭生活就會取代神秘感，性吸引力從此墮進深淵。

 

所以只有你先可以決定你任何關係咩先係最重要，你係唯一一個可以清晰自己任何親密關係嘅目的！

 

 

如果你決定親密嘅目的係為咗有激情充滿愛嘅傳遞，有喚醒靈魂嘅性愛能量，有互相承諾嘅心靈治療，咁你就要小心啲啦。

 

 

要小心唔好迫你嘅女人做你嘅精明會計師，唔好預期佢會永遠幫你解決財政問題。

 

 

要小心唔好為咗日常生活嘅瑣事，捨棄咗你利用身體傳遞互相嘅愛。

 

 

要小心唔好擠擁佢嘅雌性能量，落一啲功能性嘅角色上面，防止佢喚醒你嘅心靈同填滿你嘅身體。

 

 

總結就係：

 

喺任何嘅情況下，你要永遠知道咩對你最重要，你哋親密嘅目的，

 

跟住根據呢個central priority／核心嘅優先事項，去將所有有關嘅活動排列成為一致。

 

 

咁樣你哋雙方嘅親密，先至能夠維持並且隨時間增加！

 

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第25集，

 

今集叫做 Choose a Woman Who Is Your Complementary Opposite，

 

男人係應該揀一個同你互補相配，相輔相成嘅女人！

 

作者意思係：

 

一個本質非常雄性嘅男人，係會好自然地被本質非常雌性嘅女人吸引，因為大家之間嘅能量交流係互配。

 

相反一個比較能量中性嘅男人，就會prefer一個比較能量中性嘅女人。

 

亦都係因為咁樣，

 

一啲比較gay／女人／雌性能量較多嘅男人，佢就會被一個較多雄性力量嘅女人吸引，鍾意個女人有一個強勁嘅目的性同方向感。

 

當你明白咗呢一點之後，你揀女仔嘅時候，就要完全地去接受某個女仔嘅整體package。

 

如果你係想做一個雄性男人，你就要知道，一啲能夠激起你性慾，喚醒你靈魂嘅女人，

 

好多時呢條女同時間亦都會係一個相對wild，相對瘋狂，相對發癲，相對混亂無章，

 

相對難操控，相對難捉摸，相對難以用邏輯去明白佢嘅諗法。

 

但係從能量觀點角度去睇，呢一種嘅女人仍然係會對你比較有治療性，有啟發性，

 

多過一啲相對平均中性嘅女人，一啲好穩定／好合理／好可靠／能夠清晰表達佢想要咩嘅女人。

 

所以你嘅兩難就係：

 

如果你想要一啲好奔放，充滿激情，非常火辣辣sexy嘅女人，你就要預期佢相對『黐線』，可能佢每一秒都會改變主意。

 

但係如果你想要一啲非常合理非常可信嘅女人，

 

你就要預期雖然你同佢可以好好傾，佢唔會令到你覺得好費解，你亦都好鍾意花時間同佢哋一齊，

 

但係佢哋相對冇咁容易激發你對佢嘅激情性慾，冇咁開放同你做一啲好癲嘅嘢。

 

你可能會問：『點解啲女人唔可以好似男人咁，容易明白多啲呢？』

 

但係你要知道，正正係因為佢哋唔似男人嘅某啲性格特質，佢哋先至能夠激起你對佢哋最大嘅性趣。

 

雌性女人發出嘅光芒，佢哋旭動身體嘅方法，佢令人精神為之一振嘅自發性／隨機性，

 

佢甜美嘅笑容，佢情緒不能捕捉嘅神秘感，全部都係吸引你嘅原因。

 

所以佢內心本質愈係擁有雌性特質，佢嘅行為越係唔似雄性男人嘅特質，

 

例如：清晰地表達自己思想同慾望，而唔係純粹根據當時的感覺去做決定。

 

雌性女人可以呢一秒同你講佢好愛你，

 

下一秒因為你做咗一啲你唔留意嘅事，而佢可以突然變得冰冷同你講佢好憎你。

 

呢種就係雌性特質嘅美麗，關係嘅流動同當時嘅感受，永遠係比起言語或者事件更加重要。

 

重點就係：

 

你永遠都會被一啲擁有對等sexual energy嘅女人吸引，

 

你個人越係man／有目的性／有方向感去緊某個地方嘅雄性男人，你

 

就愈能夠被吸引+吸引一啲無憂無慮／跳來跳去／燦爛迷人嘅雌性女人。

 

但係你要小心喎！

 

因為當你哋兩個人一齊咗之後，

 

好多時會有一種叫做depolarization／退極化嘅自然現象出現，

 

會令到你哋雙方越嚟越似對方，而亦都係因為咁，令到雙方嘅吸引力愈來愈下降。

 

呢種就係點解咁多情侶會分手嘅原因！

 

就係因為你哋兩個原本擁有嘅sexual charge變得越嚟越中性，你作為男人變得越嚟越feminine，

 

而你嘅女人變得越來越masculine，最後你哋中和大家嘅sexual charge，大家對大家嘅性趣就會從此消失！

 

所以解決方法嘅秘密就係：

 

就算你同個女人一齊咗之後，你千祈唔好嘗試改變佢雌性本質嘅特性，

 

你係應該協助佢cultivate／培養佢嘅雌性本質變得更加深入，更加有活力。

 

你係應該容許佢繼續去全面地感受生命，感受愛，感受啟發性，

 

不受邏輯或者操控影響，去用心感受自然力量嘅流動；

 

而你就係身旁behold her，欣賞佢自然流露嘅快感。

 

就好似佢性高潮一樣，佢身體嘅自然抽動，完全自由嘅表達，靈魂上嘅快感，

 

你係應該細心觀賞，而唔係一尾鉗制control佢。

 

所以呢種就係你想要雌性女人嘅整體package：

 

佢嘅情感係會經常飄忽流動，

 

佢想做嘅嘢永遠都係三心兩意，

 

佢永遠喺你哋嘅關係之中會更加微細地留意大家嘅能量交流，會對某啲事更加敏感。

 

亦都係呢種嘅雌性女人，會帶畀你最大嘅快樂驚嘆同快感，性愛上同靈性上，當你容許佢嘅身體去自然美麗地流露旭動。

 

所以記住選擇一個同你互補相配，相輔相成嘅女人！

 

只有雌性嘅女人先至可以畀到作為雄性男人嘅你，最想要嘅禮物。

 

而接受呢種禮物係會有等價交換嘅，

 

你就要有心理準備同時接受埋，混亂無章嘅情感風暴，

 

你就要學識點樣喺佢跳舞發癲嘅時候，繼續stand firm，

 

用愛去完全地擁抱佢完整雌性女人嘅光明黑暗兩邊嘅力量。

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

最近遇上一位問題少年嘅巴打，喺過去呢一兩個月已經問咗我十幾廿條問題；

 

雖然我唔係慈善家，但係我都好鍾意創造更多價值比各位巴打，

 

所以等我今日一連分享三條溝女Q＆A比大家啦！:-)

 

以下三條都係由譚仔提供嘅：

 

Q1： 『Man sir:

 

唔好意思我想再請教一下，

 

因為我approach緊嫁心宜對象9月要去外國留學，所以我都一值思考應唔應該投資落去佢度呢？

 

假設我得到呢一個人，又真係要佢放棄佢自己響往既外國生活，定係d人所講既long D呢？』

 

A1： 『No，long d 係好唔明智嘅選擇，

 

你要『一齊咗』好幾年+有相應嘅skills level 先有機會 work。

 

你更加唔應該『為咗一齊』而要對方放棄『響往既外國生活』，

 

this is not love, this is fvcking selfish!

 

Move on, let her go, and let YOURSELF go.

 

Timing 唔啱，要增加options，揀其他。Have a great weekend. 』

 

Q2： 『Hi Man呢個係代我朋友想問你既問題，我自己都好有興趣想知，

 

就係你溝緊嫁目標忽然間同別人in relationship，咁應該點做心態上調整，

 

同埋呢種stituation 仲有冇機會得到番個女仔呢？thx』

 

A2： 『Well，心態就係：『有仔？So fvcking what？我永遠都係最高價值嘅男人』

 

如果條女肯繼續同你flirt／身體接觸，證明佢都唔care條仔，你哋可以繼續做你哋想做嘅嘢。

 

如果佢中斷你哋嘅關係，

 

你嘅心態就係：『Chiu！你啲taste真係好差，我都唔應該嘥時間喺呢啲taste差嘅女，出面仲有百幾條索女等緊我囉！』

 

Q3： 『Hi Man（1）我想請教下點解有d女仔會一兩個月無text，然後可以突然搵番你？

 

（2）同埋如果之前係社交圈子有水溫，同我地有水溫既女性突然無搵一兩個月，真係唔會降溫？

 

（3）我記得你又講過女人既情感，係會一秒一秒咁流逝個wo???』

 

A3：『Yo，

 

#1 因為女人心情=天氣，如果佢feel like to 搵你，就會無啦啦搵你。

 

如果唔feel like to，就唔會。亦都係點解唔需要care佢無啦啦變冷，因為佢係會之後變返暖。

 

#2 Again，女仔係可以一秒後降溫，永遠唔會話可以無限keep住，

 

she has a LIFE as well，唔好預期日日都咁熱情。

 

 

#3 一秒一秒咁流逝？

 

唔係流逝，而係飄忽流動，變幻莫測。』

 

Remember to watch 超男之道 for masculine／feminine dynamics！

 

希望今集幫到你！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日有一段好搞笑，好可能係最長嘅溝女Q＆A對答，分享畀各位巴打；

 

相信如果你能夠明白當中嘅內容，係對你非常有價值。

 

因為今次我同呢位Aape巴打呢一兩個月嚟對話咗好幾次，所以今日我哋就會一問一答嘅方式去講呢一集。

 

呢位Aape巴打首先嘅標題就係『hi, 我是 Aape， 老實講，睇完你啲片，真係返唔到轉頭，初頭咁啱睇到，不自覺咁，就睇在好耐，而家日日睇，

 

正，越嚟越喜歡你嘅 fvck up 👏,真心說話講到呢度，你俾人讚嘅嘢，真係讚唔完。』

 

跟住佢條問題就繼續講話：

 

『問題就係咁嘅:  首先你信我，我做到你教嘅嘢 糸我溝緊嗰條女度， 最好嘅時期已經達致一個曖昧關係，

 

就系哩個時候呢，有條高佬輝走咗出嚟，同條女玩咗成日game(淩晨都玩)。之後條女就冇再主動搵我咁濟… … 問題我矮個條女。

 

我樣幾好,經濟幾好,係 160cm.中四學生。咁我可以做啲咩??? 喊出嚟。條女係大陸嘅。』

 

My Reply：『Yo Aape（Caesar？猿人爭霸戰？）！

 

哈哈，多謝你咁鍾意咁支持先，係咪發覺原來上癮都可以係一件好事呢？:p

 

Anyway，答番你問題先：

 

＃1 樣幾好,經濟幾好,係160cm <— 呢啲全部唔係溝女成功嘅主要因素，學歷背景身材樣貌雖然係可以有少少加分，但係唔係最終決定結果嘅重點。

 

＃2 要明白，基本上靚嘅女仔任何時候都有其他男仔溝緊佢，所以好少可會係零競爭。

 

＃3 雖然係咁講，你要繼續保持一種『有其他男人溝你咁又點啫？全部都係beta male垃圾，我先係真正嘅雄性領袖，根本就冇對手！』嘅心態。

 

之後用番我一直教你哋嘅F+C氣氛同女仔溝通，不斷去激發佢嘅emotions，唔需要理會其他對手。

 

＃4  請你睇睇呢段片：[溝女Q&A] 生得矮點溝女?! How To Attract Women If You Are Short?!

 

 

＃5 呢段時間唔好『係咁搵條女』，咁樣做你會變得好needy／依賴。

 

＃6 你依家中學生階段，記得要著重去建立自己好玩嘅social circle，咁樣先至能夠長遠確保有大把女仔不斷認識你。

 

Btw，你同條女係同學關係？』

 

His Reply：『个女同学个样一般,佢之前成日同我倾暧昧野,然后最近冇再倾,我应该等佢主动搵我? 定係我係咩时候可以搵佢? 系同学关系啊。』

 

My Reply：

 

『你哋成日都會見到？

 

如果係，正如我所講：#5 呢段時間唔好『係咁搵條女』，咁樣做你會變得好needy／依賴。

 

只需要見到時F+C一兩分鐘，跟住take it away，唔好咁黐身。』

 

之後Aape巴打過咗幾個星期之後，再次send email問我嘢，

 

今次嘅標題就係『HELP, MAN .HELP HELP求救,希望你喺呢兩個鐘內複到我』

 

（Quick NOTE：我雖然係救世主，但係救世主嘅我需要屙屎／食飯／做gym／自我進修／social／同其他女玩／睇書學習上course／瞓覺／同埋協助其他巴打嘅！

 

所以除非你係我最高level嘅private clients，唔係嘅話，唔該你唔好命令／預期我會隨傳隨到，即叫即到！）

 

His Question：

 

『我溝緊嗰條女,佢今日翻大陸(一翻就兩個月),應該大約 6:00 ,我話想見佢最後一面,佢話可以,佢話出門口打俾我,

 

點樣先可以令到佢留低好深刻,同更加想搵我嘅印象。  有啲咩方法可以,見佢(最後一面)。令佢會掛住我。

 

中五 ，學生，嗰個女仔屬於單純(未拍過拖)』

 

My Reply：『No, you should NOT do anything special even you are seeing her!

 

『最後一面』 LOL

 

又唔係死人，又唔係移民，咁驚做乜，你好needy，講左幾多次唔好咁。

 

『留低好深刻,同更加想搵我嘅印象』

 

=》 唔好咁emotional，你已經喺下巴位，條女知道你底牌了，再係咁你會輸晒，一無所有。』

 

His Question：『好. 同埋,嗰個眼神,系咪要望住佢雙眼。好有feel 咁』

 

My Reply：

 

『No，最好be playful，唔好太過『掛著佢／唔捨得佢咁』；佢而家係走緊，唔需要色誘佢。

 

自信啲嘅eye contact，加埋奸笑，

 

最好話：『我有嘢做呀，走先啦，有緣再見 :p』跟住轉身瀟灑走人，佢下次返嚟永遠會記得呢一幕，先會想要你。Good luck。』

 

 

His Reply：『好，多謝曬  教主man』

 

再過多幾個禮拜之後，呢位猿人Aape有好消息同我分享，佢話：

 

『今次有個好消息,同條女嘅距離，feel到大家對大家有d嘢。  

 

我有個惗頭，就係打俾佢講

 

(省略…其實我只係當你朋友,然後聽佢把聲有冇竟滾,  再講 so不如做我條女)  所以當然想問下你意見先啦。

 

我唔想對你同巴打唔住😂。我自己咁惗~令佢跌到好低,再一下升翻高。』

 

My Final Reply：『Hey Appe,

 

打俾佢講(省略…其實我只係當你朋友,然後聽佢把聲有冇竟滾,  再講 so不如做我條女)

 

=> 真人做會好好多，電話上太多變數，佢好容易比外界interrupt，令你嘅計劃失敗。

 

我明你”令佢跌到好低,再一下升翻高”，所以見到真人，觀察佢reaction會可靠好多。

 

Stop having movie fantasy of sweet calling, it DOES NOT work in the real world』

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

又嚟到另一條嘅溝女Q＆A，今日嘅問題由Andrew提供，佢嘅email標題就係：

 

『Men 知你有料， 救我』

 

佢話：『Men 知你有料， 救我！

 

女朋友大過我少少， 大家都讀緊大學。

 

因為佢係外國讀書， 之前都係wtsapp同佢溝通。 大家真人少見面。

 

電話 wtsapp 互溝左一排，加埋之前D date 都feel到佢meet到我個criteria, 所以傾傾下一齊左。

 

（其實5太想玩long D，不過佢就讀完書翻黎，同埋我好鍾意佢所以先開始）

 

問題黎喇( I try to keep it as concise as possible)：

 

i） 最近date左佢， 有拖手， q下手， 擁抱下個D，言語間都有tease下佢。

 

但係佢話我真人比較怕醜。 雖然 I tried to enjoy every moment as if it was my last date， 但聽到呢句有D失落。

 

ii）佢大過我， feel到有D時間比佢lead住。

 

其實as long as 佢無做D against my value ge 野，同肯比我領導下我係無所謂。

 

呢個mindset 會5會令我變成一個小Dee Dee/Beta male?

 

iii) 有時傾到性嘅話題大家有D尷尬。

 

佢話同我一樣，同fd講係無問題 不過情侶間講就有D尷尬。 好笑嘅係佢話遲下可以傾。

 

雖然我同佢一齊5係為左diu 9佢（堅係），而係build close relationship ，但係我又5想佢覺得我5敢搞佢 and lose my masculinity。

 

iv) How to kiss close?

 

我知我5應該依賴電話作為媒介， 我知我心裡面有D insecure，我知我5夠霸氣。

 

佢約左我下次再見面，下次可以點Man the Fvck up ？求解決方法。

 

Thank you for your time! 』

 

以下就係我嘅回覆：

 

『Andrew，我係Man，not X-MEN lol

 

#1 『最近date左佢， 有拖手， q下手， 擁抱下個D，言語間都有tease下佢。』

 

聽落其實只係一啲普通少少曖昧嘅碎料咋喎？

 

你連咩都未錫／咩都未摸／咩都未搞／咩都未插，就話佢係女朋友？

 

哈哈，年輕嘅你實在太年輕啦，乜你真係以為咁樣就叫做男女朋友喇咩？

 

年少無知嘅你，令我諗起當年自己犯嘅最大錯誤。

 

所以請你由呢一刻記住：

 

直至你同個女仔進行任何穿透性嘅動作，

 

直至你同佢瞓咗幾次『佢主動問你咁我哋而家即係點／究竟我哋嘅關係係點樣？』，

 

直至你開口決定你想大家咩類型嘅關係，

 

根本就唔存在有所謂嘅『一齊咗／佢係你女朋友／拍緊拖』嘅任何象徵式稱謂。

 

#2 『佢大過我， feel到有D時間比佢lead住。』

 

Well，最理想嘅情況係你lead返多啲啦，80-90% you 10-20% her；

 

因為女人天性係想flow／follow／咩都唔諗去跟風，佢想無拘無束地相信佢嘅男人，並且跟從佢去任何方向。

 

你要女人做決定，就等於叫佢用佢嘅masculine energy，叫女人用『返工嗰種』雄性力量去同你相處，

 

咁佢仲點會feel到你嘅雄性力量，feel到你嘅領導，feel到對你嘅吸引力／性趣呢？

 

不過間唔中嘅話，你都絕對可以下放權力畀佢帶你去玩。

 

因為身為皇帝，你都唔能夠處理所有朝廷嘅大小事務；

 

你間唔中下放權力畀佢去處理一啲事情，都唔會顯得自己太過beta／被動／無主見。

 

再加上，女人有時都想發揮佢哋嘅母愛去照顧一下你，

 

所以間唔中畀佢哋咁樣做，都係一種雙方開心滿足嘅嘢。

 

#3 『有時傾到性嘅話題大家有D尷尬。』

 

佢話尷尬，係因為佢feel到你自己傾性話題都淆底尷尬，

 

所以佢驚如果佢仲『開放』過你，你會judge／批評佢係雞。

 

所以你必須首先自己容許自己verbally freeflow，就好似同你嘅best friend一樣鍾意講乜春就講乜春，

 

咁樣先係冇壓力嘅對話，咁樣先至能夠令大家放鬆講自己鍾意講嘅嘢。

 

再加上，你話『我同佢一齊5係為左diu 9佢』，

 

你對佢冇性慾望嘅話，你唔想同佢上床做愛嘅話，

 

咁你要個女朋友嚟做乜？

 

不如出去是但識下其他人啦？

 

所以請你記住：

 

Every long term relationship starts from a passionate SEXUAL encounter。

 

任何一啲長遠發展得好嘅男女關係，全部都係由某一次嘅激情性愛開始。

 

唔係嘅話，嗰一段無性關係一定keep唔到耐，最終你哋最多只係大家嘅好朋友。

 

呢條係不能違法嘅定律，所以請你記住多次：

 

Every long term relationship starts from a passionate SEXUAL encounter，

 

一定由激情性愛開始！

 

#4 Kiss Close咁短好難講晒，

 

但你要學識build sexual tension + physical escalation，係適當時候放慢所有能量交流嘅節奏，slow everything down。

 

奸笑，strong eye contact，幻想自己同佢搞嘢，令自己撻着；

 

透過emotional transference你就能夠之後撻着女人，

 

再喺適當嘅位置製造寧靜嘅時刻，

 

讓性緊張感sexual tension不斷增加，

 

身體越嚟越接近，

 

跟住再去慢慢去kiss落去。

 

Anyway，

 

呢條女都算係咁，好似俾咗好多機會你去lead／escalate，但唔知點解你好似唔想去馬。

 

所以唔該你唔好再喺度諸多藉口，左度右度，猶豫不決啦；

 

唔係嘅話，下一個男人果斷嘅男人將會穿透你嘅女人佢！

 

希望今集幫到你！