Yo! 我喺MTFU嘅Man神啊，歡迎嚟到新一集嘅ManTheFvckUp，
協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。
首先就係，
你唔係仲未follow我哋MTFU嘅IG（www.instagram.com/manuptoday）吖嘛？
你快啲搵manuptoday並且follow啦，
因為我哋將會好快就推出每日全新價值性嘅溝女小貼士，你千祈唔好錯過！
各位巴打，
我同你都係活喺一個因果關係／cause and effect 嘅世界，好多嘢都係因為A事件，之後導致B事件發生。
譬如話如果天氣凍，你就會著多件衫；
如果行過地盤打緊樁好嘈，你就會掩住自己耳仔；
如果你見到心儀嘅靚女，你嘅心就會卜卜咁跳 etc.
隨時間過去，我哋就會忽略咗原來好多嘢都係有因果關係，
因為我哋唔會每一刻都會花時間去諗邊一樣喺『因』，邊一樣喺『果』；
所以好多時當某一個『因』出現咗嘅時候，
我哋就會毫無疑問地根據慣性嘅『果』去做潛意識嘅行為，作出自動化嘅決定。
其實呢種進化論嘅反應喺有好處，因為佢能夠幫我哋簡化生活嘅程序，
協助我哋根據過往嘅行為，唔需要花太多『精神／思考』去諗就能夠作出相應合適嘅行為舉動。
有一本書我非常建議大家去睇嘅，
就係由Dr. Robert Cialdini所寫嘅《Influence: The Psychology of Persuasion》。
佢裡面就講咗一個真實嘅實驗，嘗試研究睇下講唔同嘅說話能夠點樣影響人嘅行為。
個實驗就需要參加者去問一啲用緊影印機嘅陌生人，可唔可以借畀佢用先。
第一組嘅參加者就要問對方：『唔好意思呀，你介唔介意借部影印機畀我用先呀？』
第二組嘅參加者就要問對方：『唔好意思呀，你介唔介意借部影印機畀我用先呀？因為我需要影幾張嘢。』
實驗結果就係：
當參加者提供一個原因點解佢要用部影印機，對方願意借部影印機畀佢用先嘅機會率將會大大提升！
更加重要嘅就係：
無論你喺背後提供一個有冇邏輯嘅原因，你都能夠大大增加對方接受你要求嘅機會率！
點解我哋人類會出現呢啲咁得意嘅行為舉動呢？
點解當你能夠加一句少少嘅『because XYZ／因為XYZ』，其他人就會比較願意去服從你嘅指引呢？
其中一個好可能嘅原因，就係因為我哋細個嘅時候，我哋阿爸阿媽總會要求我哋服從某一種指令；
而每當我哋問點解嘅時候，佢哋都會畀一啲似是非是嘅原因比我哋。
最後由於我哋細個無知，我哋都會將大部分嘅所謂『原因』當作事實，
慢慢地我哋就會習慣性地相信任何提供原因嘅陳述句。
咁呢樣嘢可以點樣運用喺溝女身上呢？
非常非常簡單，以下提供幾句例子畀你用：
『不如我哋去呢間餐廳囉，因為最近好多人食過都話裏面嘅海膽壽司好好食。』
『喂，我哋好快上一上我屋企先，因為我要放低個袋。』
『我哋去飲杯咖啡呀，因為你知唔知原來有少少咖啡因，喺能夠令到雙方enjoy多啲個conversation架？』
『我哋去呢間bar呀，因為佢裏面整嘅cocktails係好多女仔飲過都話係好正嘅。』
以上嘅所有句子，
就係因為一個小小嘅『because／因為』呢個字，就能夠大大增加被接納嘅機會。
咁容易嘅技術去增加對方嘅服從性，醒目嘅你由今日開始唔係唔用吖嘛？
希望今集幫到你！
