Yo! 我喺MTFU嘅Man神啊，歡迎嚟到新一集嘅ManTheFvckUp，
協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。
嚟到超男之道系列嘅第51集，
今集就叫做：從寧靜中恢復自己人生目的與其他男人的關係，Restore Your Purpose in Solitude and with Other Men！
＃1 作者意思係：只有喺絕對嘅寧靜獨處之中，只有係充滿挑戰嘅情況，只有喺其他唔會忍受你bullshit嘅男人陪伴下，
一個男人先至可以重新發現並且調校佢自己人生真正嘅purpose／目的。
相反，女人亦都只能夠喺其他女人嘅陪伴下，以互相慶祝同歡樂嘅方式，去加強佢哋雌性女人容光煥發喜悅嘅一面。
所以男人必須安排兩種嘅『修復』：
佢自己嘅獨處加上同其他男人嘅聚會， 同埋佢女人同其他女人相處嘅時間。
＃2 花太多嘅時間同你嘅女人一齊，你係會損害大家嘅本質！
因為正如琴日所講，男人同女人相處得太耐，
女人就會開始採用你雄性嘅語言模式去同你相處，慢慢否定咗自己雌性嘅慾望去輕鬆冇壓力地喺歡樂之中流動，而唔使下下都好似男人咁充滿目的性地做人。
相反，男人同女人相處得太耐，
男人就會開始採用女人充滿柔和嘅觸碰同愛情去同人相處，你就會慢慢否定自己雄性最深層次嘅慾望，去征服自己嘅人生任務。
簡單嚟講，『女神』同『戰士』嘅角色就會被去極化／被中和，
男人變得越嚟越似女人，女人變得越嚟越似男人，最後大家就失去所有嘅性愛激情同吸引力。
＃3 所以要充滿女人雌性嘅內在本質，女人係應該每日以絕對嘅『拋棄／放縱／慶祝』去做人。
喺呢啲載歌載舞充滿歡笑嘅期間，佢嘅身體同思想先至能夠完全釋放，
唔再需要以雄性男人嘅責任，充滿方向性，充滿框架地，充滿目標地，以一種controlled／克制嘅方式去做人。
＃4 如果你嘅女人缺乏呢種雌性嘅滋潤，佢就會開始變得憂鬱，出現種種嘅疾病，缺乏生命力，缺乏性慾望，人生變得灰暗沮喪。
＃5 現今有唔少嘅男性運動，係鼓勵男人去尋找番自己內在雌性嘅力量。
當然如果一個男人係被困係一種『每日都充滿方向性去打拼』嘅工作狂模式之中，
而佢嘅生命係缺乏快樂同分享，尋找番自己內在雌性力量係一種好好嘅良藥。
＃6 但係如果你係嗰一種缺乏人生目的，唔知道自己生命係為咗咩而去活，或者唔知道自己生命意義嘅人，
每日淨係頹廢地載歌載舞去玩去打機去YOLO（you only live once）嘅話，呢種就唔係解決你人生頹廢嘅方法。
解決自己缺乏purpose嘅方法，
就係你必須搵嘢去挑戰自己嘅能力邊緣，去每日live at your edge，因為你已經缺乏一種獨立／自己一個活著嘅生存能力。
＃7 有兩種方式可以協助你攞番自己雄性男人嘅power，佢哋分別係austerity／樸素嚴厲嘅生活，或者challenge／挑戰。
Austerity意思係攞走曬你依家人生非常舒適舒服嘅『安全網』，
冇電話冇電視冇電影冇零食冇性愛冇得睇書冇得傾計，令自己放棄世間享樂出家做和尚。
當你冇曬娛樂冇曬引誘，你每日嘅受苦就會係你雄性成長嘅溫床，你就能夠感受自己嘅suffering，並且學識接受呢種犧牲。
＃8 另一種方法就係透過challenge／挑戰。
比較表面容易理解嘅challenge包括一啲身體上嘅挑戰，
例如：爬山，競爭性嘅運動比賽，軍訓等等，呢啲活動都能夠瞬間喚醒你雄性嘅目的同方向。
＃9 較深層次嘅挑戰，就係尋找自己恐懼嘅限制，跟住透過自己fear嘅嘢直接地分享你嘅禮物。
例如如果你好驚public speaking／公開演講，你就可以challenge自己嚟緊三個月每個星期都公開演講一次。
例如你一直好想寫一本小說，但係永遠都完成唔到，
你就可以同你嘅朋友講嚟緊呢一年每個月你都會完成一個chapter，一年後就會寫完，如果每個星期你唔能夠完成細小嘅目標，你每星期就會畀500蚊佢去懲罰自己。
＃10 重點就係：你任何面對嘅恐懼，每當你退縮嘅時候，你必須製造一啲有懲罰性嘅後果，去迫你自己必須完成挑戰。
呢一種嘅獨處或者挑戰，就係一種極端好有威力去探索自己雄性遠景嘅方法；
就算你淨係每日花十分鐘坐喺度，斬除所有騷擾你嘅distractions，跟住自己獨處冥想，都能夠增長你嘅清晰度。
#11 另外你亦都必須定期同你嘅兄弟有一啲淨係屬於男人嘅聚會，去協助你嘅兄弟毫無bullshit地解決各自嘅問題。
如果你感覺你嘅朋友浪費緊自己生命，你就直接話畀佢知，因為心底裏你係愛佢。
大家亦都可以建議唔同嘅challenge比大家，各自去帶出自己嘅恐懼，繼而征服佢哋去擴大自己嘅潛能。
＃12 總結就係：男人同女人都必須安排一啲自己獨處嘅時間，
並且一啲同自己性別相處嘅聚會，咁樣大家先至記得自己嘅本性係一個點樣嘅人。
唔係嘅話，你哋就會因為親密關係嘅sexual neutralization／性愛中和，
最後雙方都會迷失自己！
希望今集幫到你！
VIDEO
