標籤: Manuptoday

Yo！我喺MTFU嘅Man神啊。

 

各位巴打，2018年已經差唔多過咗三分一喇，究竟你得到你想要嘅女人未呢？

 

其實喺今時今日，咩先為之叫做『戀愛成功』呢？

 

成功嘅dating life，係咪代表你有足夠嘅錢買嘢畀女人，定係你有能力去隨時得到你想要嘅女人呢？

 

呢個就係我哋今日第399集MTFU探討嘅重點，

 

繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！

 

＃1 首先再講多次：下一集就係我哋MTFU嘅第400集，

 

而我喺第400集將會有一個小小surprise送畀大家；

 

咁所以各位巴打就請你留意下一集，小弟係有啲乜嘢宣佈啦！;)

 

返返嚟我哋今日嘅主題，就係：

 

無論『戀愛成功』對你有乜嘢特別意思，好多男人都覺得dating life嘅成功係好重要。

 

亦都係因為咁，所以好多單身嘅男士或者暫時冇乜女嘅男仔，

 

好多時都會被佢哋依家未溝到女前嘅日常生活感到好苦悶，會覺得自己好孤獨好坎坷。

 

Man神我係完全明白呢種感受有幾憔悴，

 

咁所以今日我就想分享教你點樣一步一步離開呢種困境，

 

令到你嚟緊咁多個月甚至咁多年，都能夠得到你想要嘅戀愛生活。

 

＃2 首先第一樣嘢你要知道嘅係：

 

身為男人，我哋好多時都會自然地因為自己『豐厚嘅財力同女人嘅選擇有幾多有幾成功』，而去確立自己嘅價值。

 

亦都即係話：好多時我哋都會覺得，

 

我哋越係有錢嘅話，我哋越係食到更多女嘅話，

 

我哋就會越係一個『成功真男人』，我哋就係『The Fvcking Man』。

 

咁所以傳統嘅方程式就：

 

財富+女人=成功+快樂

 

或者呢條方程式某程度上都啱嘅，

 

但係呢條方程式就忽略咗一樣嘢，

 

佢係忽略咗一啲仲未擁有財富同女人嘅男人。

 

＃3 MTFU開咗咁耐，我係coach咗好多好多唔同類型唔同年紀嘅巴打；

 

好多時一啲年紀比較輕嘅巴打會同我講類似話：

 

『Manson，我依家好唔開心好痛苦因為依家我身邊係無女。』

 

換句話嚟講，

 

佢哋覺得只有當佢哋有女人嘅時候，佢哋先至可以開心快樂。

 

＃4 但係好矛盾嘅一樣嘢就係：

 

女人係唔會被一啲唔開心唔快樂負能量嘅男人吸引而一齊嘅，

 

女人係想要一啲一早已經開心嘅男人。

 

咁所以對於呢啲未有財富未有女人未有任何資源嘅巴打，

 

佢哋又可以點樣成為一個有吸引力嘅男人，

 

佢哋又可以點樣溝女，

 

佢哋又可以點樣離開呢種負面嘅漩渦呢？

 

當你由零開始嘅時候，

 

你又可以點樣防止自己變得needy／desperate／依賴饑渴，從而去吸引女人埋你身邊呢？

 

＃5  好重要好重要嘅答案就係：

 

如果你想2018年或者之後咁多年想喺戀愛溝女上有更多成功嘅話，

 

你係必須首先接受唔完美嘅自己！

 

如果你夠聰明留意得到，

 

MTFU好多時教你嘅就係採取一個對自己更加好嘅『自我形象／self image』，

 

去更加無條件地愛惜呢一刻版本嘅自己，

 

去學識 love who you are。

 

如果你唔率先愛惜自己唔完美嘅每一面，你係永遠永遠都冇可能得到你想要嘅女人！

 

＃6 你現時溝女最大嘅敵人，其實就係你自己非常負面地去批判自己。

 

但係如果你今年可以去學習愛錫並且接受全部嘅自己，

 

你就會發現好多新奇嘢，譬如女人會開始主動approach你，

 

你人生每一方面都會更加快樂滿足，唔同嘅機遇都會自動送上門等等。

 

＃7 好多搵我coaching嘅巴打，一開頭會覺得自己係有病，

 

覺得自己係唔完整，所以想搵我去『修理佢』。

 

但係我依家同你講：

 

我同你喺完美嘅原因，就正正係因為我哋都係一個唔完美嘅人！

 

如果我哋能夠無條件地去愛錫自己唔完美嘅每一面，我哋先至可以將我哋內在嘅光芒完全釋放！

 

＃8 真相就係：女人並唔係被你嘅錢或者靚仔樣吸引；

 

女人真正想要嘅，喺你對自己嘅『Self Acceptance／自我認同』同埋『Self Love／自愛』！

 

所以真正嘅溝女方程式就係：

 

自我認同+自愛=女人+快樂 🙂

 

#9 當一個男人學識接受並且愛錫唔完美嘅自己，

 

佢所有嘅恐懼，所有嘅缺點，所有嘅缺乏自信同insecurities都會逐一消失。

 

你唔會再怕去同嗰條索女傾偈，你唔會再怕做愛時可能你只係一個處男；

 

你唔會再怕去表達自己嘅思想同感受，

 

你更加唔會再怕因為得唔到別人嘅認同批准而放棄自己嘅夢想！

 

＃10 點樣可以開始接受愛惜自己呢？

 

好簡單嘅一個練習就係：

 

請你每一日起身嘅時候，刷完牙洗完面就開始對住塊鏡望住自己講：

 

『我愛我自己，我接受自己，我係值得嘅！』

 

如果你每一日都咁做嘅話，

 

我保證你三十日之後你會唔認得眼前進化咗嘅自己！

 

＃11 你想成為一個對女人更加吸引嘅男人嘅話，

 

就請你commit自己由今日開始接受愛惜自己。

 

呢個就係你長遠戀愛成功必須做嘅第一步，

 

你又會唔會為自己開始去做呢？

 

鍾意今集嘅話就like並且留言話我知啦， 下集第400集再見你！

 

喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。

 

想睇埋今集文字blog嘅話，當然可以去manthefvckup.com啦！

 

同埋最後想睇埋每日update嘅Instagram，可以去IG search manuptoday，下集再見啦！

Yo！我喺MTFU嘅Man神啊。

 

巴打你有冇問過自己，

 

究竟我應唔應該同女人鬥cool鬥冇興趣鬥『西面』，以咁樣嘅方式去慢慢溝佢呢？

 

究竟我哋應該點樣去balance『唔好令自己顯得太過猴擒低價值』，但係又唔會令到囡囡覺得你對佢冇興趣呢？

 

解決呢個兩難嘅問題就係我哋今日第398集MTFU探討嘅重點，

 

繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！

 

＃1 首先想講嘅就係：過埋今集同下一集之後，我哋MTFU就會去到第400集；

 

而我喺第400集將會有一個小小surprise送畀大家，咁所以各位巴打就請你留意後一集，小弟係有啲乜嘢宣佈啦！;)

 

返返嚟我哋今日嘅正題，就係：

 

究竟我哋應該點樣正確地『play hard to get』呢？

 

究竟我哋應該點樣高價值得嚟，又唔會令到條女覺得你遙不可及，或者你推走條女推得太盡呢？

 

＃2 第一點各位巴打你要注意嘅：

 

冇錯，neediness／依賴性，太過try hard或者過份猴擒過份chur條女係你溝女失敗嘅第一大原因。

 

但係另一方面，你溝唔到女既另一個反面，

 

就係當你太過扮型扮cool，太過高傲扮曬對條女零interest，或者當你完全唔顯示你對條女絲毫嘅興趣！

 

＃3 做一個高自我價值嘅男人，唔代表你溝女嘅時候要完全扮曬對佢冇興趣；

 

因為就算條女好冧你，佢都會因為覺得你對佢零興趣，而決定放棄轉移視線到其他男人。

 

所以如果你錯誤地玩扮型扮cool玩『play hard to get』嘅話，好多時你都唔會令到條女繼續對你有興趣。

 

＃4 問題就係：

 

我哋可以點樣顯示有興趣得嚟，但係又唔會太過明顯太過chur太過依賴太過『追女仔做兵』feel呢？

 

答案就喺：Instead of 被動地扮曬冇興趣，

 

你係應該主動地一邊好奇curious地同條女傾計，一邊製造challenge比佢去通過！

 

＃5 『Challenge』嘅意思，

 

就係代表你令到條女感到有種『需要』去work for you，去證明自己價值畀你睇，去做一啲嘢賺取你嘅注意力同芳心。

 

咁所以當你能夠一邊表達自己少少嘅興趣，

 

一邊製造challenge比囡囡去贏你返嚟，

 

並且同時你容許佢真係慢慢贏取你芳心返嚟，

 

佢就會感到一種成就感滿足感。

 

＃6 咁所以你明唔明點解扮型扮cool，同做一個有挑戰性嘅男人有咩分別呢？

 

扮型扮cool扮被動係代表『條女溝到你係零機會』，

 

但係當你主動地同囡囡傾計但係同時間又製造challenge比佢，你就係利誘佢去投資更多能量喺大家嘅對話之中。

 

佢越係畀心機證明自己價值嘅話，佢就會更加容易鍾意迷戀你！

 

＃7 咁所以我想你由今日開始，

 

再次記得你先至係比賽中嘅獎品禮物，而女人贏到你返嚟嘅話係佢哋好彩！

 

當你開始容許女人贏取你返嚟，

 

當你『allow girls to win you over』嘅時候，

 

你當然唔會突然之間『畀佢過一關就贏大獎啦』！

 

你喺會開始慢慢流露其實你對佢個人都有少少興趣，

 

你可能會開始問佢關於自己嘅問題，

 

你都會可能『透露關於自己少少嘅嘢』去投資係大家嘅對話之中。

 

＃8 亦都即係話：當你證實佢係可以一個正面好玩嘅人，

 

並且透過challenge同對話qualify佢，

 

發現佢係一個都唔錯嘅女仔嘅時候，

 

你就可以開始更加主動地build rapport，

 

慢慢考慮之後將來一齊『進行更多活動』嘅可能性。

 

到時你就可以諗：

 

『唔…既然呢個女仔同我又幾玩得，大家tease嚟tease去又幾有火花，

 

佢又願意嘗試跨過我俾佢嘅challenge，佢又願意傾偈投資喺對話之中，

 

或者係時候進一步同佢hangout呢？

 

或者攞佢電話／畀電話佢，之後約個時間繼續咁正嘅interaction呢？』

 

＃9 重點就係：對話一開頭就好似爬山咁樣，你係要特登製造障礙畀囡囡去通過；

 

如果佢肯玩你嘅遊戲嘅話，你就要喺適當嘅位置『容許佢慢慢贏取你芳心』，

 

容許佢慢慢落山，慢慢『冇咁難地』得到你更多嘅注意力。

 

所以溝女嘅時候請你唔好扮得太cool太冷漠太遙不可及，

 

唔係嘅話女人就要放棄並且move on去其他男人。

 

你嘅工作喺『讓女人一步一步贏取你份獎品返嚟』，

 

你做到嘅話，你就能夠達到溝女真正嘅雙贏！

 

鍾意今集嘅話就like並且留言話我知啦， 下集再見你！

 

喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。

 

想睇埋今集文字blog嘅話，當然可以去manthefvckup.com啦！

 

同埋最後想睇埋每日update嘅Instagram，可以去IG search manuptoday，下集再見啦！

Yo！我喺MTFU嘅Man神啊。

 

巴打你依家係咪覺得自己係一個比較內向怕醜嘅人呢？

 

你出面對人嘅時候係咪通常比較靜冇乜微笑唔多講嘢呢？

 

你又會唔會覺得呢種『性格』搞到啲女留意唔到你呢？

 

點樣解決呢個問題就係我哋今日第397集MTFU探討嘅重點，

 

繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！

 

＃1 首先想講嘅就係：仲有兩集MTFU就會去到第400集，

 

我喺第400集將會有一個小小surprise送畀大家，

 

咁所以各位巴打就請你留意幾集之後，小弟係有啲乜嘢宣佈啦！;)

 

Anyway，今日第一樣嘢想分享畀大家嘅就係：

 

小弟間唔中就會收到某啲巴打嘅email，大約話我知『由於自己性格比較內向，所以就溝唔到女』類似嘅意思。

 

正如你都知道：係一個社交social情況裏面，

 

你嘅內向你嘅沉默好多時喺對事情冇幫助，你係好難純粹靠『等人哋去搵你傾計』咁樣去認識新朋友。

 

雖然好多人以為只有『外向』嘅人先可以做一個社交領袖，但係呢種只係一個謬誤。

 

因為好多人都誤解咗『性格外向者／性格內向者』嘅真正意思，

 

亦都有好多人誤以為『性格』就係定義你嘅『行為』。

 

＃2  所以第一樣嘢你必須明白嘅就係：

 

所謂嘅extrovert／外向者，只係講緊一啲透過social／社會交際令自己recharge，更加活躍賺取能量嘅人；

 

相反所謂嘅introvert／內向者，只係講緊一啲透過『自己一個獨處』令自己recharge賺取能量嘅人，

 

而佢哋social得耐會感到疲倦，失去能量嘅人。

 

兩種性格嘅人之間仲有啲咩唔同呢？

 

＃3 『外向者』係鍾意同一大班人傾計，鍾意多啲朋友，講多啲嘢，

 

容易接受改變，容易分心被打擾，比較開放，同任何人都好open，好快做決定，

 

鍾意得到別人注目，唔介意係嘈吵嘅環境下工作，開會嘅時候通常會講多啲嘢嘅人。

 

相反，『內向者』係鍾意一對一咁樣傾計，

 

比較享受深入親密但係可能冇咁多嘅朋友關係，比較喜歡聆聽，比較難接受改變，

 

可以長時間集中，比較保守，只會同少數人打開自己，

 

通常會思考好耐先至做決定，唔太鐘意得到注目，

 

鍾意喺靜嘅環境工作，只有人哋問佢先至會分享自己意見嘅人。

 

＃4  咁雖然你嘅性格並唔係100%內向者或者外向者，好多時我哋都係呢個光譜之中傾向某一邊，

 

但係你要明白：就算你係比較內向／怕醜／靜，其實你係冇需要改變自己性格先至溝到女！

 

關鍵喺：你能唔能夠喺重要嘅時刻，展現一啲相對外向嘅行為表現；

 

亦都即係話，你能唔能夠喺social嘅場合，仍然主動地去表達自己，而唔係收埋自己！

 

＃5 『內向者』喺social嘅場合，最重要就係要be present，你係100%『在場』。

 

喺社交場合你係唔應該不斷思考，不斷分析，不斷『諗嘢』；

 

因為每次你去做thinking嘅時候，你就係入番自己嘅思想念頭之中，你就唔係being present緊。

 

相反，你係應該去透過你嘅五官感受當時所有嘢：

 

你睇到啲乜嘢？你摸到啲乜嘢？你聞到啲乜嘢？你聽到啲乜嘢？或者你食嘢飲嘢有咩味道？

 

最容易的方法去離開你活躍嘅無限思想，就係你要focus返喺你嘅body／身體上感受到啲乜嘢！

 

＃6 點解being present係溝女嘅必要條件呢？

 

原因就係，當一條女同你傾計嘅時候，

 

佢係唔想對住一個『人在心不在，扮曬聽緊但係其實自己喺度諗緊其他嘢』嘅男人！

 

如果你係有仔細聆聽，停一停先至選擇回應嘅話，

 

呢一種雄性男人嘅presence，就係99%男仔缺乏非常有吸引力嘅特質！

 

＃7 去令對方知道你係『存在緊』係有幾種方法。

 

除咗你認真地係需要仔細聆聽，唔好諗你自己下一句講咩之外；

 

你可以等待每當對方講完佢嘅說話之後，你重覆返佢最後所講嘅幾個字。

 

譬如佢同你講話：『我家姐好鍾意去旅行。』

 

你就可以講話：『去旅行？』

 

雖然聽落好簡單，但係當你咁講嘅時候，對方好多時都會接住繼續講佢想講嘅故事。

 

＃8 Anyway，今集唔係教你說話技巧，

 

如果你想知道點樣同女仔傾計嘅話，請你自己research返我之前幾十段嘅教學。

 

今日嘅重點就係：

 

就算你同我Man神一樣，喺一個『需要有獨處時間，比較鍾意靜去賺取能量嘅內向者』嘅話，

 

呢種嘅性格都唔代表你有藉口話自己溝唔到女！

 

因為事實就係：『內向者』其實有一種優勢，我哋係好自然地識得集中聆聽對方，令對方感受到被重視；

 

而好多時『外向者』係唔識得收聲，淨係識得有佢講冇人講。

 

咁所以只要你喺社交場合停止你嘅思考分析，集中返去透過你五官感受身邊嘅人與事，

 

你就能夠透過獨有嘅presence，去同唔同嘅女仔F+C，

 

並且如果對方過到你篩選機制嘅話，你同佢之後連繫。

 

以上就係每一位內向男士必須認清嘅溝女真相，

 

鍾意今集嘅話就like並且留言話我知啦， 下集再見你！

 

喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。

 

想睇埋今集文字blog嘅話，當然可以去manthefvckup.com啦！

 

同埋最後想睇埋每日update嘅Instagram，可以去IG search manuptoday，下集再見啦！

Yo！我喺MTFU嘅Man神啊。

 

要令囡囡性高潮其實係咪真係咁難呢？

 

你又想唔想知道十幾年前有一份研究報告，發現當你穿著咗某樣嘢，原來係可以令到性高潮出現嘅機會率增加30%呢？

 

呢個就係我哋第396集MTFU探討嘅重點，

 

繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！

 

＃1 首先想講嘅就係：仲有3集MTFU就會去到第400集，

 

我喺第400集將會有一個小小surprise送畀大家，

 

咁所以各位巴打就請你留意幾集之後，小弟係有啲乜嘢宣佈啦！;)

 

今日分享嘅研究，係由荷蘭嘅格羅寧根大學／University of Groningen所做，

 

原來喺2005年英國BBC新聞都有報導過。

 

當年呢份研究原來係想透過腦部素描，去分析一下當一對情侶做愛並且高潮嘅時候，佢哋嘅大腦係會有啲乜嘢反應。

 

＃2 研究人員發現第一組嘅人，有50%係能夠達到性高潮；

 

但係相反第二組嘅人，佢哋係有80%能夠達到性高潮，究竟兩者有乜嘢分別呢？

 

原來答案就係：第二組嘅情侶做愛嘅時候係有著襪！

 

咁點解著咗襪係會協助情侶性高潮呢！？

 

＃3 原因就係：根據研究所講，著襪能夠增加性快感原因，喺因為佢幫助調節你嘅體溫同血液循環。

 

我哋雙腳係喺我哋身體嘅極端，所以我哋嘅身體係需要『用力啲』去泵血落去；

 

亦都係點解血液運行得唔好嘅時候，我地手手腳腳通常係最率先覺得冰冷嘅地方。

 

但係當我哋著襪嘅時候，我哋腳部嘅血管就會擴張，變相增加血液去其他身體部位嘅運行。

 

你仲唔明呀？

 

意思就係：你就有更多血流落去你同囡囡嘅生殖器！

 

＃4 所以重點就係：雖然你哋唔一定次次做愛都要一齊著襪，

 

但係如果你能夠令到你哋雙方身體夠溫暖嘅話，（無論你哋喺『被』裡面做愛，定係唔好開咁大冷氣），

 

你哋都可以協助大家提升性快感，同埋增加性高潮嘅出現機率！

 

但係以上只係研究次要發現到嘅嘢，

 

研究最主要係想偵測究竟女人係咪扮緊性高潮，同埋男女性高潮有咩分別。

 

＃5 研究人員發現：原來男女感受性快感係有顯著嘅分別。

 

男人係集中肉體上嘅stimulation／刺激，

 

而女人能否高潮係同佢內外覺得有幾舒服安全有莫大關係！

 

女人係需要一個安全嘅環境，令到佢嘅頭腦完全放鬆，

 

佢先可以集中喺自己嘅性快感上面；如果佢係覺得好驚好唔放心嘅話，

 

佢係好難let go，佢係好難享受做愛。

 

＃6 咁所以最後各位巴打，身為男人嘅你，

 

如果你想令女人鍾意同你做愛嘅話，

 

你喺必須首先令佢感受到『被你保護protect緊』，你係一定要令佢feel safe，佢先至能夠投入同你做愛。

 

當你做到呢樣嘢，你再令到大家嘅體溫溫暖先至去做愛嘅話，

 

你同佢就會得到最大嘅性快感！

 

鍾意今集嘅話就like並且留言話我知啦， 下集再見你！

 

喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。

 

想睇埋今集文字blog嘅話，當然可以去manthefvckup.com啦！

 

同埋最後想睇埋每日update嘅Instagram，可以去IG search manuptoday，下集再見啦！

Yo！我喺MTFU嘅Man神啊。

 

各位巴打覺唔覺得有時溝女喺需要主動，但係太過主動太過猴擒嘅話又變得needy，呢種矛盾好煩惱呢？

 

你有冇聽過一啲『有囡嘅朋友』話，『溝女就一定要打鐵趁熱唔好拖』，咁樣你就可以幾日一個星期之內『得到手』呢？

 

究竟我哋可以點樣balance push同pull呢？

 

呢個就係我哋今集MTFU探討嘅重點，

 

繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！

 

#1 首先想講嘅就係，今集嘅靈感係來自某位巴打阿Fung，問咗我一系列比較長嘅問題。

 

根據佢所講，佢話『追女唔主動就fail，主動又fail。朋友都話追女要打鐵趁熱唔好拖，要主動。

 

佢地幾日一個星期就得手，係咪個女仔真係鐘意到想同你一齊你先可以主動aggressive呢？定係對方仲考慮緊時先至用MTFU咁多集嘅教學呢？』

 

跟住佢再講話：『因為我朋友都係用個幾招，例如買小禮物，買野食，車佢，講D冧佢個說話，氹佢，帶佢玩，體貼，買早餐之類。

 

感覺大家都好似係咁追女。』

 

『其實女仔想要男仔識氹佢，識講冧佢嘅話，對佢細心，要有上進心和事業先令佢地有安全感，覺得你會穩定才有將來，係咪?』

 

佢最後就講話：『因為我覺得條女係鐘意你你做乜佢都鐘意你。條女唔鐘意你你做到全部啱嗮做都好好俾個心佢，佢都唔會理你。』

 

＃2 各位巴打你有冇曾經感受過類似以上好亂嘅感覺呢？

 

如果你有聽開MTFU嘅教學，你又睇唔睇到以上有幾多錯誤嘅觀念呢？

 

首先我必須強調嘅就係：

 

溝到女嘅人或者有女朋友／未婚妻／甚至有老婆嘅人，佢哋唔一定係一個你應該學習嘅對象，

 

因為溝到女根本唔代表你就係Alpha！

 

呢個世界上九成男人都係beta males，

 

九成男人都係『追女／氹女／冧女嘅暖男』，

 

九成男人都係為咗女而放棄自己尊嚴，放棄自己價值觀，

 

放棄自己passion嗜好，為咗結婚為咗名份而放棄自己努力累積返嚟嘅一半身家，

 

放棄自己人生目的，放棄自己使命嘅弱雞垃圾廢柴！

 

咁所以冇錯，

 

即使女人過咗高峰期之後好多時都會揀一啲對佢好好嘅beta males去『安定落嚟』甚至同你結婚生仔，

 

但係你又係咪想做一個咁冇骨氣嘅人呢？

 

你又係咪想做一個『為咗囡而放棄自己理想』嘅人呢？

 

你又係咪想做一個溝女要低聲下氣，

 

用錢用時間用盡一切『坊間大眾教你追女／氹女／冧女嘅暖男方法』，

 

去希望終於有一日能夠奉承／感動／證明俾對方知道你對佢嘅忠誠，

 

自甘墮落去做一隻可以用完即棄嘅兵，去服侍你嘅女王呢？

 

＃3 Fvck that shit bro！

 

如果你想好似九成人咁樣做嘅話，唔緊要嫁；

 

因為由Day 1開始我一早同你講咗MTFU只係屬於一啲Top1%，厭倦跟從主旋律方式做人，有大志有理想有尊嚴會愛錫自己嘅巴打，

 

所以如果你想繼續做返一個beta male嘅話，我都唔會阻止你。

 

但係如果你係愛錫自己，

 

如果你係有足夠嘅洞察力去睇穿『追女／氹女／冧女』嘅社會謊言，

 

咁我就唔該你唔好再繼續弱智地相信beta males口中教你溝女嘅說話！

 

因為雖然你睇到佢哋表面好似有女好風光，拍拖成日曬情侶照好似好撚幸福；

 

你係根本唔知道條仔喺背後承受咗幾多氣，

 

你係睇唔到佢喺背後浪費咗幾多金錢時間精神心機去為咗『追到某條女』，

 

你係唔知道原來佢係犧牲咗幾多自己嘅快樂／幸福／自由同男人尊嚴！

 

＃4 第二樣嘢就係，我係MTFU所教你嘅任何嘢，目的就只有一個：

 

就係去協助你塑造自己成為一個最有自我力量，最有吸引力，最有影響力嘅現代雄性男人，

 

令到你能夠自動吸引一啲內外最高質素，對你身心最好嘅優質女士。

 

講得叫做『最有吸引力版本嘅自己』，就代表你係去透過自己嘅價值，

 

透過自己嘅『埋下激發吸引力嘅種子』，去喺時機成熟嘅時候收割，

 

去吸引一啲高質素女士返嚟，而唔係叫你去低價值低聲下氣地去追一啲女返嚟！

 

咁所以我講多次：『追女』呢種行為，喺beta males過千年嚟交配嘅策略，

 

如果你願意成為嗰99%去同其他人爭一條女返，『追女』係絕對冇問題嘅。

 

但係如果你唔想溝女咁辛苦，

 

如果你唔能夠接受自己可以咁乞兒奴隸嘅話，

 

咁樣你喺應該選擇Top1%嘅策略，

 

你係應該做一個『選擇者』而唔係一個『被選擇嘅人』，

 

你係應該做一個『買家』而唔係做一個『賣家』！

 

＃5 最後我想講嘅就係：

 

其實『買小禮物，買野食，車佢，講D氹佢個說話，冧佢，帶佢玩，體貼，買早餐之類』等等嘅行為本身係冇錯嘅，

 

『對於一啲好女人好／照顧好女人』係男人應該做嘅事。

 

但係，呢啲嘢只係你溝到女之後先至會開始考慮做嘅事，

 

而唔係一開頭你哋仲未有性關係之前就做嘅事！

 

原因就係：Women will fall in love with you AFTER they fvck you, but it’s rare that they are in love with you BEFORE they fvck you！

 

意思就係：喺你令到條女濕曬令到佢好想屌你之前，佢係好難愛上你；

 

但係如果你首先令到佢覺得你好hot，覺得你好正，覺得好想屌你好想食左你嘅話，佢哋好多時之後先至會真正愛上你！

 

＃6 亦都即係話：你一日未同女人發生性關係，你同佢一日都未係算係真正男女朋友，甚至仲未有potential成為男女朋友！

 

你哋之前所有嘅甜言蜜語／你對佢幾好／你哋傾幾多次電話／你哋出幾多次街／Facetime幾多次全部都係bullshit，

 

全部都係一啲『好似好浪漫但係其實冇實質意思』嘅事情，佢係唔會有『希望你做佢男朋友』嘅真正慾望。

 

＃7 Sexual Attraction／女人想屌你嘅嗰一種吸引力，係一定必須首先出現，

 

你哋之後先至有機會過渡去一種『大家好好傾，大家好夾好投契』嘅連繫，

 

令到佢想更加要你，令到佢更想愛你，令佢更想忠誠於你。

 

如果你唔能夠令囡囡佢想屌你，

 

如果你一日仲未同佢上床，

 

男人同女人係冇可能進入一種長遠充滿激情充滿愛嘅男女關係！

 

呢條就係永恆嘅溝女定律，請你好好自己消化今集所講嘅嘢。

 

鍾意今集嘅話就like並且留言話我知啦， 下集再見你！

 

喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。

 

想睇埋今集文字blog嘅話，當然可以去manthefvckup.com啦！

 

同埋最後想睇埋每日update嘅Instagram，可以去IG search manuptoday，下集再見啦！

Yo！我喺MTFU嘅Man神啊。

 

巴打你有冇諗過試下某一日揼低所有嘢，拋開所有煩惱，就咁求其買張機票去下旅行呢？

 

又或者你想唔想每幾個星期就離開你嘅居住環境，飛去一個陌生嘅地方渡下假呢？

 

去旅行嘅益處可能你都聽唔少，

 

但係你又知唔知道原來旅行對你嘅relationship同你嘅sex life有莫大好處呢？

 

呢個就係我哋今集MTFU探討嘅重點，

 

繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！

 

＃1 首先一個少少宣布先：

 

就係MTFU就嚟進入第400集，我喺第400集將會有一個小小surprise送畀大家，

 

咁所以各位巴打就請你留意幾集之後，小弟係有啲乜嘢宣佈啦！;)

 

返番嚟正題：根據US Travel Association／美國旅遊協會嘅研究，佢哋發現去旅行係對relationship有正面嘅影響；

 

一啲會一齊去旅行嘅伴侶，佢哋係會有一段更健康更開心嘅伴侶關係。

 

＃2 呢份研究有幾樣重點嘅，譬如話：

 

－63%嘅情侶表示去幾日weekend嘅旅行喺比起接收大小嘅禮物更加浪漫。

 

－77%嘅情侶表示去旅行會令到佢哋有更美滿嘅性生活，每四對就有一對情侶表示去完旅行之後嘅性生活係有顯著改善。

 

－59%嘅情侶去旅行嘅原因係為咗令大家更加親密，並且可以多啲時間享受性愛。

 

＃3 你可能會問，點解去旅行對你嘅性生活有改善呢？

 

好大嘅原因，就係因為去旅行會帶畀你全新體驗嘅刺激感。

 

無論你係單身定係拍緊拖，當你將自己放喺一個全新嘅環境裏面，

 

你係能夠喚醒自己嘅五官同知覺，令你重新得到生命力，

 

所以每次你去完旅行都會感覺更加自由更加open更加快樂。

 

＃4 小弟雖然唔係任何嘅旅遊達人，

 

我亦都係呢一兩年先至開始盡力離開『去旅行嘅comfort zone』並且感受到去旅行嘅好處；

 

但係其實就算你冇乜錢，出面都有好多好平去幾日旅行嘅deals或者優惠團，

 

你留意到嘅話都可以好開心地『窮遊』。

 

除咗Airbnb之外，你都可以subscribe唔同嘅航空公司或者酒店，

 

去睇下佢哋定期有啲乜嘢平機票或者平酒店去住去玩，詳情就請大家資料搜習下其他旅遊嘅專家啦。

 

＃5 另外就係就算你依家係單身嘅話，你都絕對應該去旅行。

 

除咗旅行會令到你更加充滿生命力，對女人嚟講更有吸引力之外，

 

你獨自去旅行其實係可以識到好多其他外國嘅單身女士，要搵到其他地方嘅索女過一晚夜其實唔係咁難。

 

事實就係：一個單身自己去旅行嘅女士，好大機會佢都係一個open願意嘗試旅行期間享受刺激性愛嘅人。

 

所以當你旅行期間遇上『佢』，你哋兩個絕對係能夠過一晚充滿激情嘅晚上，

 

所以你絕對應該趁單身嘅時候嘗試多啲唔到『美酒佳餚』。

 

＃6 Anyway，去旅行其實都係一種放鬆去感受生命嘅mindset，而唔係一種下下需要仔細跟從規則去plan嘅活動；

 

所以當你有一種渡假嘅心態，你去任何嘅地方都可以當自己渡緊假。

 

小弟嚟緊好快都有幾個大trip去探索世界，巴打你今年又會去邊度呢？:-)

 

鍾意今集嘅話就like並且留言話我知啦， 下集再見你！

 

喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。

 

想睇埋今集文字blog嘅話，當然可以去manthefvckup.com啦！

 

同埋最後想睇埋每日update嘅Instagram，可以去IG search manuptoday，下集再見啦！

Yo！我喺MTFU嘅Man神啊。

 

今集有一啲好有趣好精簡嘅嘢想分享畀各位巴打。

 

就係你有冇試過發現，某啲女仔可能完全擁有你一直想要嘅性格特質，

 

譬如話佢又靚女，身材又正，又有智慧，

 

人品又好，個人又善良，對你又好又幾貼心，

 

佢又幾鍾意你，佢係完全符合你紙上面嘅『女神』女朋友條件，

 

但係唔知點解你哋真人一齊嘅時候，你嘅第六感或者身體總係覺得好似同佢唔太夾呢？

 

又或者調返轉，有時就算你認真喺女仔紙上面嘅『男神』，

 

就算條女理智上喺鐘意你，但係身體卻唔願意進一步行動呢？

 

＃1 喺科學雜誌《Nature》裏面原來曾經發佈過一份研究，講話原來我哋嘅身體係會知道幾時對方『喺適合自己』。

 

原來我哋每個人都有獨特嘅 Human Leukocyte Antigen（HLA）／人類白細胞抗原，

 

而HLA係協助我哋嘅免疫系統分辨清楚自己嘅細胞同埋『外邊』嚟嘅病毒／細菌／細胞。

 

研究人員發現：原來當兩個人嘅HLA越係唔同嘅時候，佢哋雙方就會有越大嘅性吸引力，佢哋就會越想同大家交配。

 

＃2 而我哋身體分辨不同人類白細胞抗原嘅方法，好大程度上就係透過身體自然發出嘅『體味』。

 

身體嘅體味原來係能夠製造瞬間嘅性吸引力，

 

亦都係點解可能你覺得你女朋友『唔喺點搽香水但係都好香』嘅原因。

 

但係同時間，『體味』亦都係會導致失去性吸引力嘅原因，

 

令到你『唔知點解』對住前嗰個『中曬你紙上條件』嘅完美女神竟然真人冇性趣嘅原因。

 

＃3  咁點解我哋會自然地想同一啲擁有不同HLA嘅人交配呢？

 

可能嘅原因就係因為一個擁有不同HLA嘅女人，好大機會同你擁有不同嘅基因，

 

所以好可能你哋就無血緣關係，所以就適合交配。

 

＃4 Anyway，我哋又可以點樣善用以上嘅資訊，協助我哋溝女呢？

 

第一就係：請你明白有時你哋雙方就算表面好夾好適合大家，但係唔知點解第六感或者身體就係話畀你知『唔太對路』嘅話，又唔係太想一齊嘅話，

 

可能係你嘅身體話畀你知『你唔適合對方或者對方唔適合你』。

 

咁所以既然你哋嗅覺上係唔適合大家嘅話，

 

請你都唔好咁強求，亦都唔需要傷心或者自責；

 

呢啲只係自然生理機制協助緊人類選擇伴侶嘅方法，

 

呢個唔鍾意你或者你覺得有條女唔夠香嘅話，咁咪move on去下一個囉！

 

第二：雖然你嘅『體味』未必有得揀，但係請你都盡力去除『臭味』！

 

即係話，你打完波嗰啲汗味，又或者做運動太耐出汗太多散發個啲臭味，

 

嗰一類型嘅味道就唔該你盡力清除！

 

唔係嘅話，你嘅『體味』有幾香都會被你嘅『臭味』遮蓋！

 

第三：除咗止汗劑可能幫到你之外，少量嘅cologne／古龍水都會係好嘅溝女輔助工具。

 

揀合適嘅古龍水最好都係一啲你同條女都覺得香覺得性感嘅味道，

 

如果有需要嘅話你絕對可以帶個女仔friend或者問店裏面嘅女職員，佢哋鐘意自己男朋友噴邊一隻味。

 

＃5 最後重點就係：有時鍾唔鍾意一個人好可能係因為『某個人嘅體味』能唔能夠挑起你嘅性慾。

 

如果你問心盡咗力又或者唔知點解對方總係對你冇興趣，請你都唔好再責怪自己『唔夠好』，

 

有時只係因為你哋嘅氣味唔夾令到大家唔想一齊，

 

咁所以你要做嘅就係搵返一啲適合大家『鼻哥』嘅伴侶啦！

 

鍾意今集嘅話就like並且留言話我知啦， 下集再見你！

 

喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。

 

想睇埋今集文字blog嘅話，當然可以去manthefvckup.com啦！

 

同埋最後想睇埋每日update嘅Instagram，可以去IG search manuptoday，下集再見啦！

Yo！我喺MTFU嘅Man神啊。

 

首先一個少少宣布先：就係MTFU就嚟進入第400集，

 

我喺第400集將會有一個小小surprise送畀大家，

 

咁所以各位巴打就請你留意幾集之後，小弟係有啲乜嘢宣佈啦！;)

 

如果巴打你發現你嘅感情開始變得冷淡，

 

好可能係因為你同你嘅伴侶已經到咗『七年之癢』嘅階段，究竟有冇方法去解決呢個問題呢？

 

或者你哋其實只係一齊左大約三年，

 

但係你就發現大家無以前咁鐘意上床做愛，或者成日為一啲小事嗌交，

 

遇上咁樣嘅情況你又應該點做呢？

 

呢個就係我哋今集MTFU探討嘅重點，

 

繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！

 

＃1 首先想講嘅就係：正如我前一集所講，

 

科學家發現咗大部分嘅long term relationship通常都會喺3-7年之內開始終結，

 

原因就係我哋嘅biology／生理設計只係design令我哋好想頭幾年不斷同伴侶做愛，令到我哋繁衍下一代。

 

咁所以人類嘅自然交配規律其實同其他動物非常似，頭三五七年我哋同伴侶都會好想生仔並且照顧小朋友；

 

當小朋友過咗嬰兒期之後，因為舊時社會嘅長輩或者兄弟姊妹親戚會照顧小朋友，

 

所以你同伴侶都會開始失去passion／『想一齊』嘅感覺，令我哋繼續去湊仔或者出去搵下一個伴侶。

 

面對住呢啲人類嘅自然生理弱點嘅時候，

 

如果我哋仍然想增長感情增加激情嘅話，

 

我哋又可以點樣防止自己七年五年甚至三年之癢呢？

 

＃2 如果你撫心自問喺感覺到嗰一種心癢癢嘅感覺嘅話，咁樣你首先就必須仔細思考『點解』你會有咁樣嘅感覺。

 

意思就係：你一定要嘗試搵下究竟你同伴侶係咪有啲元素失去咗呢？

 

你依家relationship通常會做嘅嘢，同你當年一開頭一齊會做嘅嘢，係咪有好大差異呢？

 

如果係嘅話，就請你馬上填補番一啲你自己或者一齊無再做嘅事情！

 

好多時，你今日嘅relationship之所以咁沉悶失去活力，

 

原因就係你變得自滿／complacent，自己開始因為『相處太舒服』而懶散，搞到你以前有做嘅嘢今日都已經冇做。

 

＃3 譬如話：你之前可能我有動力去做gym嘅，

 

但係因為已經溝到女，所以就將成個人放per，搞到你今日又肥又無能量又無形象，唔再去挑戰自己極限，唔再活喺自己能力嘅邊緣。

 

又或者以前你係會成日諗點樣增加自己嘅吸引力，你會不斷去challenge並且揶揄條女從而啟發佢為自己進步；

 

但係過咗幾年之後你哋雙方都唔再活喺自己嘅comfort zone之外，你兩個都唔再離開居住環境出去探險，所以你哋兩個嘅lives都開始慢慢死亡。

 

＃4 重點就係：如果你想你嘅生命充滿新奇刺激好玩嘅元素，如果你想感情充滿激情嘅話，我哋都唔可以逗留喺『舒服嘅位置』太耐！

 

每當你發現自己太舒服嘅時候，

 

每當你發現感情太過穩定嘅時候，

 

每當你發現自己開始講『大家實在太了解大家』嘅時候，

 

就係一種警告話你知其實你哋係溫水煮蛙自殺緊，

 

就係代表你哋兩個嘅lives已經妥協咗，失去激情必須有嘅多樣性／variety！

 

＃5 另一樣嘢你必須做嘅，就係坦白地同你嘅partner溝通你內心嘅感受。

 

你選擇得某個人做你伴侶，都代表你哋坐埋同一條船，

 

都代表你哋雙方係需要持續不斷溝通，協助大家更加開心更加成熟更加活出一個精彩嘅人生。

 

＃6 最好坦白溝通嘅時刻，就係每次你哋做完愛喺床上攬住大家嘅時候。

 

一啲會談及大家性生活係咪開心滿足嘅伴侶，絕對會比起一啲『只做唔講嘢』嘅partners快樂。

 

咁所以你不妨下次上完床之後，去問下你嘅伴侶究竟佢今次享唔享受／舒唔舒服呢？

 

佢會唔會想要一啲額外嘅角色扮演，唔同嘅性玩具，甚至加一啲SM嘅元素去一齊嘗試新事物呢？

 

＃7 要明白，除咗性愛嘅頻密度之外，性愛嘅質素都係非常重要嘅。

 

如果你能夠同你嘅伴侶坦誠溝通，互相發掘點樣為對方變成一個更好嘅性伴侶，

 

做愛嘅時候更加focus喺對方嘅快感上面，你哋嘅感情絕對會再次被重燃！

 

雖然relationship仲有好多嘢可以分享，

 

但係以上就係如何防止七年之癢嘅簡短重點，

 

想我再講多啲嘅話就like並且留言話我知啦， 下集再見你！

 

喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。

 

想睇埋今集文字blog嘅話，當然可以去manthefvckup.com啦！

 

同埋最後想睇埋每日update嘅Instagram，可以去IG search manuptoday，下集再見啦！

Yo！我喺MTFU嘅Man神啊。

 

各位巴打知唔知道睾丸酮／testosterone，點解係對男人最重要嘅一種荷爾蒙呢？

 

你又知唔知道睾丸酮過低嘅話係會令到你又攰又冇精神又冇性慾呢？

 

你又想唔想點樣純天然地增加自己性慾嘅方式呢？

 

呢個就係我哋今集MTFU探討嘅重點，

 

繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！

 

＃1 今日嘅研究分享係由ECNP（European College of Neuropsychopharmacology／神經精神藥理學）喺2016年9月進行嘅，

 

佢哋想去測試一下究竟『光』對性慾有乜嘢影響。

 

你可能會心諗：『唔撚係吓嘛？光都會影響我性慾！？』

 

但係其實背後係有科學根據嘅，

 

背後嘅概念係取自於light therapy／光線治療，點樣去醫治季節性情緒波動／Seasonal Affective Disorder（SAD）嘅症狀。

 

＃2 簡單嚟講呢，

 

『季節性情緒波動』亦都即係話住喺比較凍／持續黑暗地方嘅人，又或者我哋每逢去到冬天，某啲人就會覺得特別憂鬱特別sad。

 

咁光線治療原來醫治呢種病喺好有效，

 

所以研究人員就想去睇下『究竟光線治療可唔可以協助一啲缺乏性慾嘅男士呢？』。

 

實驗嘅詳細運作我就唔多講喇，但係實驗結果就係：

 

所有接受連續兩個禮拜每日30分鐘嘅光線治療嘅男人，

 

佢哋驗血嘅時候係多咗超過70%睾丸酮，並且同時佢哋嘅性慾係有至少300%嘅增長！

 

＃3 雖然呢個實驗規模非常細，只有38名嘅研究對象，

 

咁所以呢種方法並未正式算係一種臨床治療；

 

但係巴打你可以帶走嘅就係：

 

維他命D同睾丸酮係有密切的關係，而依家幾乎每個人身體都係缺乏足夠嘅維他命D。

 

所以你除咗飲食上喺需要攝取足夠嘅維他命D之外，

 

你係必須透過『陽光嘅日照』去讓你嘅皮膚攝取維他命D。

 

咁樣嘅話你就可以增加你嘅睾丸酮指數，並且同時大大增加你嘅性慾！

 

今集就係咁短小精幹，各位巴打又鍾唔鍾意呢？;)

 

鍾意今集嘅話就like並且留言話我知啦， 下集再見你！

 

喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。

 

想睇埋今集文字blog嘅話，當然可以去manthefvckup.com啦！

 

同埋最後想睇埋每日update嘅Instagram，可以去IG search manuptoday，下集再見啦！

Yo！復活節快樂呀！我喺MTFU嘅Man神。

 

＃1 一段男女關係能唔能夠keep得耐，90%都係取決於你選擇咗一個點樣嘅對象。

 

譬如話：有冇仔細篩選過擁有良好性格特質嘅人做你嘅伴侶？

 

你開頭吸引佢嘅階段喺點樣去set up大家之間嘅frame同角色？

 

並且點樣由純粹瘋狂刺激性愛嘅關係，過渡去一段拍拖嘅男女關係？

 

＃2 好多溝女上有困難嘅初級中級巴打，

 

一開頭嘅問題總喺問我一啲比較起步階段『點樣溝到條女／食到條女』等等嘅問題。

 

玩完一輪比較高級嘅巴打，

 

當佢哋已經建立到自己嘅朋友圈，已經有唔少嘅女性朋友同埋性伴侶選擇，

 

佢哋就會可能問我『點樣令某某女性伴可以做自己女朋友』等等比較長遠嘅問題。

 

但係最精英最成熟嘅巴打，當佢哋溝女已經不成問題有女朋友s嘅時候，

 

當佢哋明白原來『維持／grow一段關係』係比起『溝女食女』難十倍嘅時候，

 

佢哋就會問我『點樣令感情保鮮？』等等嘅問題。

 

咁所以今日就想好快分享下『點解感情幾年後一定會變淡』嘅原因；

 

如果各位巴打鍾意類似嘅話題嘅話，

 

就請你依家首先like咗呢段片，

 

咁我遲啲就開多幾集講多啲關於relationship嘅話題。

 

＃3  首先想講嘅就係：大部分嘅情侶都會喺一年半至三年（最多五年）呢段期間，

 

感情就會開始自然地下跌，失去激情或者新鮮感。

 

原因就係你哋之間嘅『蜜月期』已經過咗，

 

互相去發掘了解大家嘅時期開始消失，

 

一開頭對住一個新嘅人嗰種未知數同刺激感已經冇咗，

 

所以大部分情侶都會喺一齊咗兩年幾嘅時期感受到一種『激情顯著下降』嘅感覺。

 

＃4 不過各位巴打，

 

你又知唔知道原來呢種係一種正常人類進化演變嘅反應嚟㗎呢？

 

原來我哋嘅進化演變機制，係特登預留2-3年嘅時間令到情侶特別鍾意對方，

 

增加佢哋不斷上床做愛嘅機會，從而繼續衍生後代。

 

但係evolution其實淨係care你有冇『生仔』，佢係唔care你哋兩個係咪開心；

 

如果你哋兩個係有無限激情嘅話，你哋就只會浸淫於二人世界性愛歡樂，

 

咁樣人類就無人去打獵或者照顧社群，最後一樣會絕種。

 

＃5 咁所以喺兩三年嘅位置，

 

進化演變機制就會令到你哋兩個由一種passion／激情為主嘅關係，

 

推向companionship／家庭友誼為主嘅關係，令到你哋雙方『穩定安穩』落嚟。

 

當你同你女朋友嘅passion減少嘅時候，好自然地你哋就會開始重複做routine相同純粹舒服嘅事情；

 

你哋兩個就開始重複『一齊起身返工放工瞓覺，或者一個禮拜見一次／一個禮拜機械式地做一次愛』嘅沉悶生活。

 

如果你哋兩個又冇乜知覺意識嘅話，你哋兩個嘅感情就會自然地變淡，

 

最後就會成為一對『互相了解大家但係完全無性慾搞野嘅好朋友』，

 

which is 現今大部分情侶處於嘅位置。

 

＃6  Anyway，我想你今日攞走嘅知識就係：

 

頭兩三年嘅男女關係之所以係充滿激情同快樂，

 

原因就係進化演變機制係特登令到你哋有咁多激情，令到你哋更加容易搞嘢並且繁衍後代。

 

但係進化演變機制之後會刪減你哋嘅passion，令到你哋想『安定落嚟』去繼續湊仔，並且繼續做返一個工作有效率社會嘅一份子，

 

呢個就係點解感情幾年後必定會變淡嘅原因。

 

＃7 最後想略略講嘅就係：

 

如果你想不斷維持passion嘅話，你係必須加入一啲刺激新奇嘅surprise元素，

 

不斷去創造全新嘅習慣，

 

不斷一齊去探索新事物，

 

不斷各自進修成長讓對方學習全新嘅你等等。

 

Instead of 做埋一啲『舒服pleasant』嘅嘢（例如行街食飯睇戲煮嘢食），

 

你係應該做一啲相對『刺激exciting』嘅嘢（例如去學跳舞去外國行山去旅行探險等等）。

 

Anyway，如果巴打你鍾意我再講多啲類似嘅topic嘅話，

 

就請你like並且留言話我知啦， 下集再見你！

 

喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。

 

想睇埋今集文字blog嘅話，當然可以去manthefvckup.com啦！

 

同埋最後想睇埋每日update嘅Instagram，可以去IG search manuptoday，下集再見啦！