Yo! 歡迎嚟到新一集嘅Man The Fvck Up,協助你創造一個你想要嘅戀愛生活。
琴日講完『乖乖女』，今日好快講下『主動女』點樣溝。
咁我哋今日不如換個方式，俾個極端少少嘅情景你，去睇下點樣去處理呢個情況。
假設有個女仔，主動行嚟同你傾偈，並且同你講：『Hello，你幾cute喎，你叫咩名？』仲要疊埋佢隻手喺你膊頭，誘惑地望住你雙眼。
咁首先我哋唔好覺得呢樣嘢一定係騙案或者畀人埋伏先，假設呢樣嘢真係發生嘅，你可以點做呢？
咁第一樣嘢逢係溝『主動女』呢，就係你一定要攞番個power先。
你可以答佢 ：『我叫Cyrus。』並且同時間攞走佢放係你膊頭隻手，鎮定地開始同佢有禮貌地握手，比起平時誇張少少上下擺動地握手。
跟住以穿透嘅眼神繼續望住佢雙眼，問返佢：『咁你呢，你係邊個？』。
記得繼續握住佢隻手，越嚟越慢，沉醉喺你哋對望嗰一個moment。
佢同你講佢叫做Emma，咁你就可以答返佢：『Hi Emma，你一啲都唔主動架喎…』
佢有自信地答你：『 哈，我比較鍾意直接去攞我想要嘅嘢…』
你就可以答返佢：『好有野心嘅一個女仔啊，我鍾意。』
佢又同你講：『Well，我諗我唔只有野心囉。』
你就開始準備你嘅奸笑，答返佢：『Well，有野心可以令到你得到好多正面同埋危險嘅結果嘅…』
（Btw，你哋隻手仍然係呃緊，你哋嘅眼神仍然係過緊電，呢啲就係sexual tension build up既過程…）
跟住佢問你：『危險？』
咁你等待幾秒，呢個時候你就可以好大膽地同佢講，『 我諗我會準備錫你…』
跟住佢shit test你：『唔得囉，你唔可以，我哋啱啱先識。』
你就可以答返佢：『Well，我啲friend就走啦，所以我都就走，我想你呢一刻錫你…』
如果你繼續保持你嘅奸笑，你穿透嘅眼神，咁呢啲『主動女』就真係好大機會畀你錫佢。
雖然佢ok咗之後，你可以準備錫佢嘅時候玩返佢，就快錫到佢嘅時候拉返自己埋嚟，同佢講：『算啦，都係唔好啦，太快時間啦，我走啦，拜拜！』跟住轉身扮走！
但係當然我唔建議你咁樣做啦！當個女仔say yes嘅時候，即使係好好笑但係都唔好浪費呢啲機會。
所以，你哋享受完嗰十零廿秒嘅kiss之後，你就拉返走自己，停多幾秒，繼續讓溫度升溫…
之後你就可以畀你電話佢，叫佢寂寞嘅時候whatsapp你，咁你就行走。
過咗兩三日呢，你就好大機會收到佢嘅message，同你講前幾日係其中一個佢人生最美好嘅時刻。
Anyway，雖然呢個係比較極端嘅例子，但係你應付『主動女』，要記得：
＃1 你一定要攞番個power，唔可以畀佢lead住你。
＃2 你一定唔好畀佢嘅主動嚇窒咗，要比佢更加鎮定同放鬆，唔係佢就知道佢食住你。
＃3 慢慢柔和地lead住佢，既然佢咁主動咁心急，你冇需要『火上加油』，升溫得太快。
咁樣做呢，無論個女仔有幾主動，你都唔會畀佢打窒咗你嘅composure，你都能夠按照自己想要嘅節奏，去得到你想要嘅結果！
