Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
好快宣布少少嘢先：我最近寫完一本免費43頁嘅溝女書，讓你學識10樣女人暗地裡想你知道嘅秘密。你有興趣嘅話，可以去㩒一下片中description嗰條link，或者去www.manthefvckup.com/freebook 去下載呢本書。
返返嚟今日嘅主題：點解『港女』對你咁撚串？
首先要多謝一位小朋友嘅啟發，令到我想今日講一講呢個問題。
你可能會留意到，幾個禮拜前我有一段片叫做『溝女萬用開場白』嘅，咁有一位小朋友前幾日留言，同我講：
『係香港，通常你hi佢，條女都只會好生梗咁笑一笑，之後就唔理你，hi乜春？有屁就放啦』
之後再送多我句：『重有，你d口音可唔可以唔好咁扮嘢，好撚反感。』
咁首先我諗我嘅口音短期內都比較難有突破，所以我邀請咗佢如果覺得唔夠動聽，佢係隨時可以unsubscribe嘅。
好可愛嘅係，佢之後好落力連續為我最近期嘅廿幾段片全部dislike曬，胸襟真係廣闊。
咁但係今日嘅重點，就係呢位小朋友好似唔太接受到香港女仔淨係對佢微笑，可能佢覺得daygame嘅時候個女仔即刻幫佢含撚先叫做成功。
Anyway，講到尾，其實又係講番rejection嘅問題，又或者好多男人覺得，點解啲港女特別臭串，特別冇禮貌，唔同人哋外國女仔會禮貌地拒絕你。
咁以下有幾點事實你可能需要明白嘅：
＃１ 香港女仔算真係比較聰明，識著衫識打扮，亦都越嚟越多女仔成績，事業，甚至成就都畀男仔叻。
咁所以用傳統觀念果把尺上面，男仔過往嘅所謂『優勢』喺真係減少咗好多，女仔有越嚟越高嘅standard，越嚟越有要求亦都無可厚非。
＃２ 有禮貌嘅人固然係討人喜歡啦，但係陌生人對你有禮貌其實唔係必然，你唔可以下下expect人哋一定要有禮貌地拒絕你。
你點知人哋嗰日係咪啱啱俾老闆炒魷魚所以情緒唔好呢？
你點知人哋上個禮拜係咪touch wood有親人離世，所以唔想同陌生人講嘢呢？
你點知人哋係咪日日都有10條仔hi佢，所以先入為主同時覺得你都係一舊『煩膠』呢？
如果因為人哋負負氣氣唔理你呢十幾秒嘅interaction，你咁快定義／標籤佢係一個『仆街港女』，你會唔會武斷咗啲呢？
＃３ 小弟同唔少嘅bros真係唔覺得港女『特別串』，或者係我哋好彩，或者係我哋太charming，或者係我哋選擇用另一個lens去詮釋呢件事。
喺我哋角度嚟講，港女其實好正好好玩；
有邊一個地方嘅女仔，可以同你用母語廣東話鬥智鬥寸鬥玩嘢，並且同時佢有能力財政上照顧好自己，又識飲識食識fashion識去嘆世界呢？
＃４ 就咁聽我講，我好似幫晒啲『港女』咁。
但係假設『港女』真係比任何國家嘅女仔都串，假設佢哋真係『高竇 』啲，假設佢哋真係鍾意挑戰你多啲，咁你可以點呢？
一係你就移民出去，求證一下係咪其他國家嘅女仔一定好啲，一定有禮貌啲。
一係你就『切７』成世唔好溝女做太監。
一係你就step the fvck up and handle the shit!
點樣去handle the shit呢？
第一步，就係你要明白點解女人會shit test你，點解有時佢哋會畀面色你睇。
雌性feminine嘅女人係會被雄性masculine嘅男人吸引，而雄性masculine嘅男人其中一樣最大嘅特點，係佢哋擁有好強勁好似warrior戰士嘅一種精神／能量。
而一位眉清目秀嘅女士，喺今時今日嘅社會裏面，最有效嘅方法去篩選個男仔係咪一個『強勁嘅戰士』，就係去嘗試reject佢，跟住睇下佢有咩反應。
如果個男人因為少少嘅冷淡，少少嘅無禮貌而大受打擊，一厥不振…
你覺得個女人仲可唔可以相信個男人可以handle到將來社會對佢嘅打擊，世界對佢嘅打擊？
如果一位女士講少少嘢，做少少嘢就可以咁輕易摧毀個男人，你覺得佢仲會唔會相信你去保護佢同佢嘅後代？
所以你要明白其實rejection係好多女仔嘅自然反應，係一種實用嘅方法去篩走一啲弱雞男人。
如果佢下下都咁友善，下下都接受陌生人嘅約會邀請，咁佢每日淨係去食飯都好撚唔得閒啦！
我之前講咗唔少次，佢所謂嘅bitch face或者好mean嘅態度只係一塊面紗，只係一張面具等待一位雄性嘅真男人去揭穿佢。
Btw，你覺得俄羅斯嘅女仔定係港女串啲啊哪？
以前讀書嘅時候，我都有唔少鬼仔朋友。佢哋同我講，俄妹真係好撚串，因為佢哋個個都又索又model身材，好似好撚難溝。
但係佢哋嘅經驗同我講，只要你頭一兩分鐘捱過咗佢對你嘅冷淡，捱過咗佢對你嘅不屑，捱過咗佢對你嘅『冇禮貌』，佢就會開始放鬆有笑容，並且開始打開個心同你傾計。
你要記住，邊個國家嘅女仔都好，
只要你唔好俾佢所謂嘅『rejection』而影響你嘅情緒，
只要你『處之泰然』當乜事都冇發生繼續傾計，
只要你顯示得到你係一個唔會因為少少困難而投降放棄嘅戰士，
佢總會慢慢被你雄性的力量融化，佢就會慢慢顯示佢內在熱情有禮貌溫柔女性嘅一面。
係咪個個『港女』都可以做一位溫柔嘅東方女性呢？當然唔係啦，世界上總有幾個特例，仲有幾個冇得救嘅病人。
但係我可以好肯定話畀你聽，你嚟緊遇到嘅『港女』，你認識越嚟越高level嘅靚女，佢哋串你只係一種自我保護意識，只係用嚟測試你係咪一個『不能被摧毀』嘅真男人。
世界上仲有更大更多嘅難題等我哋去解決㗎巴打，如果你真係想得到高質素嘅女人並且建立高質素嘅生活，咁你就唔好咁容易畀佢哋嘅表面呃到啦！
