標籤: EDM

================================

Manson!  我有問題！

.

我地所host嘅活動係咪一定要雙方都有好大興趣？

.

攞個example就應該明白！

.

我對唱K興趣不大，但我喜歡認識中意唱歌嘅女仔，

 

我係唔係姐係要be active去搞一啲follow人地其他女仔feel interested嘅活動？

 

定係我要再host一個brand-new嘅idea去suit自己？

.

仲有另一方面嘅疑問：

 

我對野外活動嘅興趣好大，但係我冇法子從目前生活圈中認識有呢種興趣嘅人，我要點樣起步？

.

It maybe naive but that’s my question

Thx， Alex

================================

Alex,

 

In the long term, you do want to find people with similar interests, hobbies, mindsets and passions.

 

That’s a more sustainable social group because neither of you are accommodating oneself to do stuff you don’t like.

 

Compatibility is an important element if you’re looking for something long term, especially a girlfriend.

 

However, in the short term where you’re training your social skills,

 

it’s okay to do both to allow yourself meet more new people and discover what kind of personality/character you like or not.

 

After a while, you’ll feel what resonates with YOU the most and have more clarity what you truly want.

 

 

P.S. Sometimes we may slowly find interest in stuff we used NOT to like.

 

To me, I used to HATE singing K because I didn’t like my voice.

 

But now, I LOVE it because I started to know how to project my voice better, and girls complimented on my singing and fun attitude lol

================================

想請教你一d問題！ 我同C小姐相識十年， 中學曾經喺埋一齊幾個月！ 最近兩年先聯絡返！

 

我個心儀對象C小姐最緊同男朋友分手， 佢哋喺埋一齊咗接近三年！

 

係佢主動飛左男仔！ 佢話個男仔經常望其他女，望足幾秒！ 因為呢個原因經常吵架！

 

琴日佢去男朋友屋企執曬嘢走，晚上佢約咗我， 喺我樓下公園跑步！

 

大部分時間都係講佢男朋友啲衰嘢， 佢仲教我點樣追女仔！

 

跑完步我順便送佢返屋企， 當日嘅凌晨佢瞓唔著， 打咗畀我，

 

約我下個月去旅行( 之前曾經同佢講過我想去旅行，但冇人陪)，

 

但係唔單止我哋兩個， 仲有佢媽媽同細路都會去！

 

唔清楚佢對我有無好感？ 處女座好難捉摸！

 

同佢whatsapp，佢經常隔1－2個鐘先覆我！

 

請問Man神，如果想追返佢有冇咩方法？

Thank you !

================================

 

#1 To be honest,  if she’s angry because ” 佢話個男仔經常望其他女，望足幾秒 ” , then she is a very immature and insecure girl that you probably shouldn’t get close with.

 

#2 It seems that she is treating you as a GOOD FRIEND, and your behaviors are more like a good friend than a potential sexual partner/bf.

 

#3 Stop using the word ” 追”, it fvcks up everything.

 

Watch these for reference:

 

點解同女仔表白等於自殺？

 

男仔應該幾時表白!?

 

點解追女仔等於自殺？

 

#4 Stop being needy, ” 隔1－2個鐘先覆我” is such a normal thing.

 

#5 You can’t “get her as a gf” if she’s seeing you as a friend.

 

Let me ask you, what’s your current social life like?

 

How many other girls are you seeing?

 

鍾意今集嘅話就like，留言俾我知並且share比你值得分享嘅朋友睇啦， 下集再見你！

Yo！我喺MTFU嘅Man神啊。

你都知道對住女人講一啲pickup lines係唔work嘅，

 

但係你又可以做啲乜嘢，聽到你所講嘅嘢可以stand out／突出自己呢？

 

好簡單嘅一個方法：

 

就係如果你真心想稱讚囡囡嘅時候，你就一定要記得去稱讚一啲嗰條女獨有／unqiue嘅特質。

 

譬如話：

 

如果你對住佢講話：

 

『OMG，你把髮真係好靚，我淨係見到你喺度撥頭髮，我都已經扯曬旗…』，

 

你係呢世都唔使旨意溝到佢。lol

 

原因就係：女人雖然想男人覺得佢sexy，

 

但係佢更加想個男人係覺得佢夠SPECIAL夠特別， 係比起其他所有女人更能夠以獨特／unique嘅性感令到你扯旗。

 

咁所以當你想稱讚女人嘅時候，又或者share你嘅感受嘅時候，

 

記住你所講嘅嘢都盡量唔好係一啲copy and paste，可以套用喺其他女人身上，好旱嘅說話。

 

譬如你可以話：

 

『啊，雖然同你傾咗一陣計，

 

但係我覺得你係一個充滿正能量做嘢有passion嘅人。

 

幾好呀呢樣嘢，因為我超唔鍾意啲日日淨係識得喺度投訴放負嘅人囉。』

 

你咁樣講嘅話，

 

除咗係讚佢一啲內在嘅特質之後，

 

你更加係透露緊你自己揀人嘅standards，

 

你亦都係同時暗地裡篩選緊佢，一舉幾得！

 

今集就係咁精簡啦，鍾意今集嘅話就like，

 

留言俾我知並且share比你值得分享嘅朋友睇啦， 下集再見你！

Yo！我喺MTFU嘅Man神啊，繼續協助你去成為一個有吸引力嘅現代男人，創造你想要戀愛生活。

 

其中一個好多男人都會遇上嘅問題，就係唔知道喺咩情境咩場合下去開始掂女仔，唔識得點樣做physical escalation。

 

咁你都應該知道，男人同女人就算有幾好傾，如果大家之間係冇身體接觸嘅話，你哋係冇可能開始任何嘅親密關係。

 

咁所以今日就想好快教你點樣可以完全唔會creepy地去掂任何女仔。

 

＃1 首先第一個貼士就係：如果你冇乜經驗掂女人，你就要首先學識留意自己幾時做咗啲行為係令女人唔鍾意。

 

譬如話：如果你行前同佢身體開始接近嘅時候，

 

但係呢個時候佢就back off／身體不自覺地退後一步，你就要醒水自己都要back off番少少，因為當時佢嘅反應暗示佢仲未ready好同你咁親密。

 

又例如：如果佢同你傾傾下計開始翹手唔耐煩，你都要開始翹返手；又或者如果佢無啦啦有少少轉身turn away，你都要學識turn away少少，即使你哋繼續傾計。

 

你就可以過渡去下一步。

 

＃2 當你識得點樣去模仿佢負面嘅身體語言嘅時候，第二個小貼士就係：你要學識掂女仔嘅時候唔好focus喺你掂佢嘅位置。

 

譬如話：你同佢傾緊計嘅時候想掂佢手臂外側，你係唔會無啦啦望住佢手臂外側跟住去點佢㗎嘛！

 

又或者你輕輕掂佢大髀嘅時候，你係唔會無啦啦望住佢大髀係咁摸架嘛…

 

如果你咁樣做嘅話，嗰啲就係creepy，嗰啲就係鹹濕變態佬。

 

另外一點就係：

 

你掂任何一個位置嘅時候都唔好掂太長，唔好stay喺同一個位置太耐，通常兩三秒內就已經足夠。

 

因為視乎你佢邊一個位置，如果你放喺同一個位置太耐，好多時一開頭都會變得太過creepy，所以你每次都需要暗地裏留意住佢嘅接受性。

 

＃3 最後第三個小貼士就係： 你要明白身體接觸喺分兩種，一種就喺叫明顯嘅touching，另一種就係隱蔽嘅touching。

 

所謂『明顯』，就係一啲擺到明肉眼可以見得到身體觸碰，譬如話你十指緊扣拖住佢隻手。

 

所謂『隱蔽』，就係譬如話你引導佢過馬路嘅時候，你輕輕喺佢背脊伴住佢過馬路。

 

兩者嘅分別，就係通常女人係會較容易畀你做一啲『隱蔽嘅觸碰』，但係你做『明顯嘅觸碰』就要小心啲， 睇錯時機做嘅話你就會攪和成件事。

 

譬如話啱啱識佢無耐，喺餐廳食嘢嘅時候你係唔會無啦啦揸佢屎忽嘅；但係如果你同佢平排坐，你隻手『唔小心』high到佢大髀，好多時佢都唔會即刻反曬面。

 

＃4 Anyway，以上就係你自然地掂女人嘅三個小貼士。

 

總結就係：當巴打以後做escalation嘅時候，記得觀察自己某啲觸碰行為會唔會太快過咗火，並且觀察住囡囡嘅反應從而一步一步升溫。

 

每逢你發現對方唔太舒服唔太enjoy嘅話，就請你馬上停止你嘅行為，唔好等到佢開口叫你停！

 

唔係嘅話，佢嘅感覺就會覺得你好煩好猴擒好痴身，你就會失去之前佢對你擁有嘅興趣！

 

鍾意今集嘅話就like，留言俾我知並且share比你值得分享嘅朋友睇啦， 下集再見你！

[溝女] 同陌生人傾計的唯一目的！

[溝女人生Q&A] 如何解決負面憂鬱情緒？當你溝女工作無mood時…

Yo！我喺MTFU嘅Man神啊。

 

各位巴打有冇曾經試過妒忌其他人擁有你想要嘅嘢呢？

 

譬如話：『頂，條仆街明明冇我咁高大靚仔有錢，但係條女竟然咁索！？』

 

又或者你行過街上聽到Fuooon一聲有架車喺你面前停低，

 

望過隔離見到有條靚仔戴住副超揸住架藍黑色嘅Bugatti Chiron，

 

當時你又會唔會心諗

 

『你條木契富二代，未識搵錢就學人揸靚車，肯定你老豆送畀你㗎喇，鬼唔望你一陣炒車呀你！』

 

LOL…

 

事實就係：我哋由細細個就開始被朋友屋企人或者社會宗教灌輸話『某啲情緒就係壞／某啲情緒就係負面』；

 

所以好多時我哋都會覺得『自豪／性慾望／或者妒忌』等等嘅emotions全部都係唔應該去感受。

 

但係我今日就想為各位巴打解釋點解其實每一種情緒，每一種emotion，

 

都係教緊你一啲關於你自己嘅嘢，並且解釋點解jealousy係一個好好嘅學習工具。

 

＃1 簡單嚟講：『妒忌』嘅出現，其實就係每當你覺得某啲嘢，可能會威脅到你原本重視嘅嘢嘅存在。

 

譬如話：如果你重視你嘅工作，

 

當你見到隔離team個個新人喺你嘅department做得好好，你就會開始妒忌佢，因為你覺得佢威脅到你份工或者升職機會。

 

又例如：如果你重視你條女嘅話，當你見到佢眼甘甘望住嗰個靚仔model嘅時候，

 

你可能就會妒忌嗰條友，因為你唔想嗰條仔會威脅你哋之間嘅感情。

 

但係點解每逢你觀察到『妒忌』出現嘅時候，其實你係應該歡迎呢種情感呢？

 

＃2 答案就係：因為jealousy係話咗畀你知，其實你嘅人生有啲乜嘢你係會重視。

 

譬如話：如果你妒忌其他拍拖有女嘅朋友，可能就係一種信號話你知『其實暗地裏你都想拍拖，而唔係淨係想ONS』。

 

又例如：如果你妒忌某個人嘅IG表面上嘅lifestyle好似好正，影親嘅相都好靚，好似成日都冇乜煩惱咁；

 

咁樣可能就係一種信號話你知你為咗工作賺錢而忘記咗放下假，或者你係時候都需要平衡一下自己social嘅一面。

 

簡單嚟講：你妒忌嘅嘢，好多時都係你想要嘅嘢。

 

所以下次『妒忌』出現嘅時候，你不妨聽下佢講啲乜嘢，或者你都會發掘更多關於自己嘅真相。

 

＃3 另一樣嘢就係：『妒忌』喺能夠俾你見識到自己嘅黑暗面，

 

因為好多時『妒忌』都係會透露一啲你嘗試隱藏嘗試欺騙自己嘅事情。

 

『妒忌』其實就係一盞趙照耀內心嘅燈，佢係會搵到你內心嘅恐懼或者insecurities。

 

譬如你條女同你講話覺得『公司新嚟嗰個阿John好型仔』，你就突然之間妒忌一個你唔認識嘅人，點解會發生呢樣嘢呢？

 

你咁驚嘅原因係咪因為驚你女朋友會離開你呢？

 

又或者當呢個畫面有機會出現嘅時候，會唔會係再一次『印證』『其實我唔夠好／唔值得擁有女朋友』嘅恐懼呢？

 

又或者你係咪好驚當你條女離開你嘅時候，你就唔能夠搵到一個同樣咁好或者更加好嘅女人呢？ 咁樣又係咪揭穿咗你『低自尊』嘅真相呢？

 

重點就係：你妒忌嘅感覺，好多時都會比起你嘅伴侶更加了解你，所以請你好好聆聽佢同你分享嘅說話。

 

＃4 最後想講嘅就係：你係必須學習點樣將『妒忌』呢種emotion轉化成為一種慶祝嘅celebration，並且從對方身上學習。

 

意思喺：如果你都想成為一個有錢人，你就必須首先唔好因為『妒忌』而痛恨辱罵佢，

 

唔係嘅話你潛意識地永遠都唔會將自己變成一個有錢人。

 

Instead，你係應該欣賞並且慶祝人哋嘅成功，並且睇下有咩方法可以從佢身上學到嘢。

 

又例如：如果你發現大部分女仔都鍾意你班上某個男仔。

 

Instead of嘗試同其他無女嘅男仔杯葛中傷佢，你不如慶祝佢咁有吸引力，並且嘗試從佢身上學習點解咁多女仔都鐘意佢。

 

以上就係各位巴打將來你面對『妒忌』呢種情感需要有嘅態度，

 

希望你都能夠細心聆聽自己嘅emotions從而學習更多關於自己嘅嘢！

 

鍾意今集嘅話就like，留言俾我知並且share比你值得分享嘅朋友睇啦， 下集再見你！

Yo各位巴打，我喺MTFU嘅Man神啊。

 

你都應該聽過我講過話，雄性嘅男人嘅優先處理事項，喺必須搵到自己人生嘅方向，然後每一日去征服自己選擇嘅人生任務。

 

所以自大學後期起，小弟就用咗好多年嘅時間去嘗試尋找我自己嘅life purpose，亦都花咗好多時間去為自己設計我嘅人生任務。

 

喺我今日想分享俾各位年青巴打有啲乜嘢策略去搵自己嘅人生目的之前，我想你再次記住呢個比喻…

 

就係：我哋嘅life purpose其實就好似一個洋蔥咁樣，我哋係需要不斷一塊一塊咁樣撕開每一層；

 

而每次我哋去到下一層嘅時候，我哋就會搵到一個更加deep地去連繫自己嘅心嘅人生目的；

 

當我哋每隔幾年再重複做呢件事嘅時候，我哋就會越嚟越接近最後終極嘅人生目的。

 

譬如話：細個嘅時候可能你會覺得自己嘅purpose就係做一個職業籃球員，

 

但係當你可能打波打咗十幾年，到你廿幾歲嘅時候，你就突然之間會覺得好想做一個社會創業家。

 

到你可能創業成功做咗十幾年，到你三十幾歲嘅時候，你可能就會突然之間發覺，原來最連繫到你嘅係做一個『保護亞馬遜熱帶雨林』嘅volunteer，跟住可能你就會唔再做CEO而過渡去下一個人生目的。

 

重點就係：Life purpose係需要用好多年不斷嘗試不斷做實驗咁樣最後慢慢演化出嚟，而成個過程係需要不斷鼓起勇氣令自己升呢去到下一個階段。

 

咁所以就算呢一刻嘅你未知道自己嘅人生目的，唔需要洩氣沮喪嘅；

 

你除咗可以睇返我以前拍嘅《超男之道》系列之外，你依家可以思考以下一系列嘅問題。

 

＃1  問題一就係：如果你100%肯定自己唔會失敗嘅話，你會想選擇做啲乜嘢呢？

 

你嘅夢想喺想追隨啲乜嘢呢？

 

有啲乜嘢你每次聽到嘅時候，你個心都會突然之間好興奮，卜卜咁跳呢？

 

有啲乜嘢畫面你想像嘅時候，你係會情不自禁地想流淚㗎哩？

 

＃2 問題二就係：如果你知道你父母或者任何親戚朋友永遠都冇人發現發覺嘅話，你係有啲乜嘢個人目標好想去追隨達到㗎呢？

 

今時今日之所以越嚟越少人追夢，

 

原因就係我哋嘅社會文化，我哋成長嘅教育，全部都只係灌輸你『有啲乜嘢你喺supposed應該去做，有啲乜嘢你喺supposed唔應該去做。』

 

每次你同人分享講話你想行某條路，

 

大部份心腸好嘅人都會警告你話『你行嗰條路好危險』或者『嘗試說服你不如一齊行返大眾選擇普遍嘅路』。

 

Well，我同你講：Fvck that！

 

因為世界上根本就冇一啲啱曬所有人嘅『教育制度』，根本就冇一啲專為你設計嘅career path 或者『筍工金飯碗』！

 

最重要嘅學習，永遠都係一啲由你好奇心驅使嘅education；

 

你係必須聆聽自己嘅心同直覺，睇下佢哋引導緊你去咩位置，絕對冇人（包括我）可以去批評／騷擾／阻止你想行嘅道路。

 

講到未，去到你臨死嘅果一日，最重要嘅感情，就係你能唔能夠同你自己內心建立好嘅關係，你對唔對得住自己。

 

當你瞓喺床上同你嘅子孫朋友分享嘅時候，你係想同佢哋講話『唉…我好後悔，因為咁多年我喺選擇咗妥協於一個average／平庸嘅人生』，

 

定係你會充滿喜悅地同佢哋講話『我好開心自己有搏盡無悔，我為自己爭取達成到我定下嘅目標！呢？』

 

你點樣揀都係你嘅選擇。

 

＃3 問題三就係：你平時得閒嘅時候，有啲乜嘢書本，電影或者娛樂你喺會好有興趣自動自覺地去鑽研嫁呢？

 

一啲出自你真心有興趣嘅事物，好多時都係暗示『你係屬於嗰一類範疇嘅人』。

 

譬如話好多年前小弟讀緊U嘅時候，其實喺對我所修讀嘅LLB完全冇興趣；

 

但係去到中後期嘅時候，

 

我發現自己得閒無事就會想睇一啲關於心理學，社交動態，男女感情，成功哲學，傳奇人物自傳，點樣令親密關係變得更豐盛等等嘅書籍。

 

而亦都係因為我選擇忠於自己嘅curiosity，忠於自己靈魂畀我嘅信號，

 

最後慢慢就演變成搵到小弟今日喺MTFU所做嘅嘢。

 

＃4 第四條問題就係：你做啲乜嘢係特別容易上手嫁呢？

 

你有啲乜嘢skills係好容易地學一排就會成為你嘅強項嫁呢？

 

正於正向心理學嘅始祖 Dr. Martin Seligman所講：

 

當我哋能夠運用自己獨特嘅強項同埋品德去主導自己人生嘅時候，我哋除咗可以令到自己更加快樂成功滿足之外，

 

我哋亦都同時能夠為一個比起自己個人利益更加大嘅cause去貢獻，咁樣先至係創造一個理想，豐盛，有意義嘅人生嘅方法！

 

如果巴打你聽完以上啲嘢有興趣嘅話，我建議你去閱讀更多關於Martin Seligman分享嘅資訊。

 

＃5 最後想講嘅就係：我哋每一個人細個十歲前嘅時候都有自己一啲遙不可及嘅夢想，

 

只可惜我同你都係成長於一個『叫你實際啲炒樓炒股票嘅社會裡面』，令到我要慢慢忘記咗自己真正想要嘅『玩具』。

 

炒樓炒股唔係問題，賺大錢脫貧亦都係我哋每個人應該做嘅事；

 

我只係講緊，喺你追隨更多名成利同女人等等嘅路途上，

 

請你唔好忘記你內心嘅truth，唔好忘記『有啲乜嘢人或事先至係對你重要』，唔好忘記去追隨你內心一直好想做嘅事情。

 

祝各位巴打絲打有一個美滿成功嘅將來，

 

鍾意今集嘅話就like，留言俾我知並且share比你值得分享嘅朋友睇啦， 下集再見你！

Yo各位巴打，我喺MTFU嘅Man神啊。

 

你都應該知道，好多男人都係非常之棹忌去『同自己嘅內心連繫』，去承認自己軟弱嘅一面，或者去『放下面子』承認自己犯過嘅錯誤。

 

點解呢？因為好多時啲男人都會同你講話：人生

 

『Huh？顯示我嘅軟弱，咪即係同人講我都有弱小嘅一面？咁beta咪溝唔到女囉？』

或者『下？之前我明明同我個ex好坦白好open架喇喎，最後咪又係分手！？』

 

或者『下？要軟弱啲呀？冇問題呀，Manson你可唔可以教我有咩技巧可以令到其他人覺得我係軟弱啲呢？』LOL…

 

＃1 首先我想講嘅就係：男人之所以咁驚顯示自己任何軟弱嘅一面，

 

好多時都係因為佢哋細個被教導話『男人流血不流淚，或者男子漢大丈夫做人就一定要夠硬淨』等等嘅思維，所以有任何情感或者軟弱嘅一面就會馬上被其他人爆轟為死廢柴！

 

其實就好似女人好驚被社會朋友標籤為『蕩婦淫娃』一樣，男人係好驚被標籤為軟弱或者無能。

 

＃2  咁樣嘅洗腦程式下，最後就出現咗兩個現象：

 

一，好多男人都完全唔接受，或者唔想畀人見到自己軟弱／無能／低社會地位嘅一面。

 

二，有啲男人就嘗試『扮軟弱』，將vulnerability呢樣嘢變成一種技術去得到自己想要嘅嘢。

 

無論係邊個情況，呢啲男人都係嘗試做一個控制狂，嘗試控制其他人對自己嘅印象，嘗試控制某個特定結果出現。

 

呢種就係當一啲內心缺乏實質自信，想嘗試盡快表現得好有自信嘅人嘅行為方式。

＃3  正如我哋上幾集都講咗，雄性力量同雌性力量喺過去幾個世紀都有巨大嘅改變。

 

我哋由以前阿爺『大男人』阿嫲紮腳『小女人』嘅時代，過渡去到我哋老豆老母經歷嘅free love free hugs自由戀愛年代。

 

原本都係離開封建思想嘅社會進步嚟嘅，亦都令到更多男人明白女人嘅感受，更多女人有獨立經濟嘅能力 …

 

…但係亦都令到更多男人開始失去咗方向，唔知道自己男人嘅角色，變得越嚟越needy依附喺親密關係上面，同親密伴侶漸漸失去激情；

 

而女人亦都變得越來越『巴辣強權話事』，並且開始對愛情失去希望。

 

＃4 Anyway，重點就係：女人係會被男人嘅behaviors同character吸引，所以如果你唔能夠完全接受自己每一面，如果你永遠都封鎖自己喺你個頭腦裡面…

 

你嘅neediness／依賴性同reaction-seeking／『嘗試得到女比你特定反應』嘅行為，係會阻止你成為最有吸引力版本嘅自己。

 

咁我哋可以點樣更加接受到自己情感上嘅軟弱，更加勇敢地擁抱自己真實內心嘅感受呢？

 

＃5 第一樣嘢就係：你必須完全擁抱『你自己認為係弱點』嘅所有嘢。

 

我嘅意思係：如果你係純粹為咗ONS嘅話，好多時你係唔需要講啲咩真心嘢，大家都可以呃呃氹氹戴住個面具就可以上到床。

 

但係如果你想同女人建立長遠嘅關係，如果你唔能夠逐漸透露一啲你真心驚或者弱點嘅事情，女人嘅直覺係知道佢唔可以信任你。

 

因為如果一個男人唔能夠承認自己做錯過嘢，或者唔能夠勇敢地感受並且承認自己軟弱嘅一面，女人就知道佢無辦法信任你嘅為人。

 

你對自己有幾誠實，好多時女人就會有幾誠實對住你。

 

＃6 第二樣嘢就係：你必須學識放下／let go你慣性嘅面紗。

 

意思係，當你自己一個人嘅時候，當你放下你嘅社交面具嘅時候，你係咪坦白地覺得自己係一個有吸引力唔怕任何女人嘅人呢？

 

定係你平時做咁多嘢，純粹係為左顯示畀人知道你係一個not give a fvck嘅壞男孩呢？

 

無錯，我哋每個人係唔同場合都需要以唔同版本嘅自己去做人。

 

但係蹺妙就係，你係咪真係可以隨時有意識嘅進入你想去嘅位置呢？

e.g. 想誘惑囡囡嘅時候用你『seductive』嘅一面，想令囡囡愛上同你做愛嘅時候用你『野獸』嘅一面；

 

想領導你嘅下屬嘅時候用你『領導者』嘅一面，被感動嘅時候用你感性嘅一面；

 

想老人家開心嘅時候用你『柔和體恤』嘅一面，想氹小朋友開心嘅時候用你『天真爛漫充滿童真』嘅一面等等。

 

如果你唔能夠隨時access你想用嘅energy，就代表你以前你習慣咗抑壓『你覺得係唔好／唔應該去做』嘅一面，好多時都係基於羞愧嘅原因令到你咁樣withdraw自己，

 

最後你永遠都只能夠活喺一個狹窄嘅情感框框裏面，你永遠都唔能夠同任何男人女人深入地連繫！

 

＃7 最後想講嘅就係：無錯，當我哋打開心講出自己恐懼嘅時候，我哋好多時都會害怕我哋身邊嘅人或者部落唔會接受我哋。

 

但係你要記住，今時今日我哋嘅『部落』已經唔係得幾百人，就算你講出心裡面嘅真相，亦都唔會畀所有人逐出社群。

 

喺幾百萬甚至幾十億人口之中，你總會搵到一啲會完全接受你真實為人嘅人，佢哋先至係你需要嘅部落。

 

＃8 就好似MTFU咁，我喺裏面分享嘅嘢好多時都係一啲同社會意識形態推崇嘅嘢180度相反，所以好多人都唔會buy我所講嘅嘢。

 

但係呢樣嘢唔緊要，因為我只係忠於自己做番最原始最原汁原味最真實版本嘅自己，我唔係要去奉承討好任何人；

 

而好多時亦都喺我呢種嘅rawness，我先至會吸引到一啲真心鍾意我嘅朋友同女人，而我亦都鼓勵你去勇敢做相同嘅事，唔好為咗得到更多『鮑鮑』而捨棄自己嘅靈魂。

 

Anyway，MTFU嘅內容將會講得越嚟越deep；

 

如果巴打你都想變成一個更加authentic，更加有勇氣地能夠access自己不同嘅情感，更加想發掘自己真實為人嘅話，

 

就請你馬上like，留言俾我知並且share比你值得分享嘅朋友睇啦， 下集再見你！

Yo！我喺MTFU嘅Man神啊。

 

喺過去幾年嘅時間，我發現每逢我講及『吸引力行為』嘅時候，總係會有一部分嘅private coaching學生嘅成績突飛猛進，好快一兩堂就溝到自己想要嘅女人；

 

但係有一部分嘅學生就總係進度比較慢，佢哋總係無信心馬上take action行動。

 

我今日以下所分享嘅嘢，就係我發現進度比較慢嘅學生，佢哋喺缺乏咗某啲溝女基本功元素；所以我一陣分享嘅時候，請各位巴打誠實地睇下自己有冇以下嘅素質。

 

＃1 想長遠溝到女嘅第一樣嘢，就係你必須相信其他人係值得你去認識。

 

如果你係想改善自己嘅朋友圈，同任何人建立關係，又或者學識吸引並且維持同某啲女人嘅關係，你係一定要深信they are worth it。

 

如果你嘅內心係覺得『世界上個個都係自私㗎啦。』／『所有女人都淨係想要一啲高大威猛靚仔有錢嘅男人啦。』／『所有人都會利用我傷害我 。』等等嘅信念，你永遠都好難同其他男人或者女人建立關係。

 

你要記住：好多時你點樣睇世界，你點樣預期人哋會對待你，人哋好多時都會用返嗰一種嘅方式去對待你，呢個就係『自我應驗預言』嘅威力。

 

所以，只有當你相信其他人會係對友善，其他人都係一啲和藹可親會give value嘅人，你先至可以睇到世界光明嘅一面。

 

咁當然去到某啲位你係需要客觀啲分析成件事啦，但係如果你下下都唔相信『其他人係值得你去認識』，你係基本上冇可能溝到女或者識到其他志同道合嘅人。

 

＃2 想長遠溝到女嘅第二樣嘢，就係你嘅內心係必須擁有『愛惜女人』嘅心態，而唔係『痛恨女人』嘅心態。

過去幾年大約有九成九成半搵我幫手嘅巴打，佢哋都係一啲想正確地『愛惜女人』嘅男人；

 

佢哋都想學習點樣可以長遠地吸引更多較高質素嘅女人，希望可以比起以前有更健康更成功嘅戀愛關係。

 

呢一批嘅男人都係一啲『愛錫女人』嘅lovers，所以佢哋嘅出發點都係想改善自己成為一個更有吸引力嘅男人。

 

但係有一小撮幾個%嘅男人，好可能係曾經『被分手』好幾次，又或者因為某啲謬誤覺得所有女人都係會呃自己，所以最後變成一啲終極haters。

 

前者所講嘅lovers，佢哋係相信每個人都總有自己獨特嘅價值，所以佢哋係一種正直嘅心態去認識新朋友或者溝女。

 

但係後者所講嘅haters，雖然佢哋亦都好可能會用盡一切辦法去得到某啲女人；

 

但係佢哋背後溝女嘅motivation，係因為過去自己被女人hurt，而演變成今日需要去『證明自己比女人優越』嘅haters。

 

雖然做一啲真心仆街嘅haters都可以溝到女嘅，但係你內心充斥住咁多負能量最終都只會令你吸引其他『過往不斷被男人hurt嘅女人，又或者一啲有心理病想向男人報復嘅haters女人』。

 

冤冤相報何時了，我就會用盡一切方法唔去吸引呢一批嘅女人喇，你呢？

 

＃3  最後第三樣長遠溝到女嘅重點，亦都係點解MTFU係獨一無二嘅原因，就係究竟你係純粹學習溝女skills啊？定係由頭到尾develop緊你嘅為人呢？

 

亦都即係話，你係咪學習緊吸引力等等嘅技巧去吸引一段關係？定係你係集中去由內而外去改善自己呢？

 

真正高質素有社交智慧嘅女人，係可以瞬間分辨出一啲『學習變得有吸引力』嘅男人，同埋一啲『事實係有吸引力』嘅男人。

 

咁我係咪叫你唔好去學習同女人相處呢？ Fvck no！

 

如果你有睇開我嘅片同newsletter，你都知道我係極力主張你去學習點樣增加自己嘅吸引力，去吸引更多異性。

 

但係你要記住：如果你嘅意圖只係希望令到自己『睇落』好似勁過你真人，『睇落』好似高價值過你真人，（btw，which is大部分PUA教你嘅tricks），

 

你唔係實質地 BEING better，實質地做一個更有價值更有吸引力嘅人嘅話，

 

你將來嘅溝女路途上係會絕對好快就會遇上樽頸位，你都係點解你係必須集中喺真實嘅個人成長之中。

 

＃4 呢個亦都係MTFU嘅長遠任務，希望可以啟發你喺你實質嘅為人／character上面有實質嘅成長。

 

如果你只係想要一啲quick fix，淨係想要一啲權宜之計暫時綁住你流曬血嘅傷口，我諗你可以從好多其他地方都搵得到。

 

但係如果你想成長成為一個男人，吸引一啲會愛錫你真人嘅高質素女人，

 

能夠無畏無懼地表達你多種嘅情感，成為一個會受其他人尊重並且仰慕嘅人……

 

咁我相信你就嚟啱咗地方。:-)

 

以上就係你想長遠溝到女需要明白嘅嘢，

 

which is ＃1 相信其他人係值得你認識；

 

＃2 做一個愛錫好女人嘅男人，而唔係因為以往嘅傷害令自己成為終極haters嘅男人

 

＃3 除咗學習短暫嘅溝女skills之外，更加需要集中長遠成為一個實質有吸引力嘅人，

 

鍾意今集嘅話就like，留言俾我知並且share比你值得分享嘅朋友睇啦， 下集再見你！