標籤: Dating

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今集想好快教你一啲比較高level嘅身體升溫技巧，各位巴打請你留心聽住喇。

 

咁首先講明先，當你不斷kino／身體升溫嘅時候，

 

如果去到某一個位女仔真係開口叫你停嘅話，你就唔該停止一切嘅身體升溫！

 

唔係嘅話呢，你就真係非禮強姦緊一個女仔，

 

所以你絕對必須尊重佢嘅意願，停止你嘅進一步嘅kino。

 

 

但係有啲情況，就係當你搵到地方同個女仔單獨相處，

 

而佢又知道你哋之間已經互相撻著咗，

 

有時候佢都會畀你一啲『偽反抗』或者『表面嘅防衛』去象徵式地停止你進一步嘅升溫。

 

咁所以以下有四招你可以試下用，用來摧毀佢嘅resistance。

 

＃1 好白痴地玩枕頭大戰／Pillow Fight

 

如果有條女唔想你係咁升溫，你就可以輕輕用枕頭打下佢，跟住撩佢『打交』。

 

有時候你可能會發覺，某啲女仔因為知道同你撻著得好快，

 

所以同你單獨嘅時候，佢會可能嘗試坐得比較遠，

 

又或者行咗去玩你屋企嘅寵物，

 

又或者喺度分散你注意力講其他無謂topics，令你唔記得咗去escalate。

 

 

呢個時候就係一個好好嘅機會利用『枕頭大戰』去break咗呢個僵局，慢慢將你哋之間嘅溫度再次提升。

 

 

＃2 好白痴地 Bu Bu Zik 佢 lol

 

 

你只需要無啦啦好白痴地zik佢一兩下，令到佢周身痕，你就能夠將整個沈靜嘅氣氛改變。

 

當然唔好係咁zik佢啦，唔係嘅話你就好難將呢個hyper嘅energy，

 

 

帶番落去一個充滿sexual tension，充滿緊張感嘅氣氛喇。

 

 

＃3 抱起佢，跟住輕輕揼佢落床；又或者同佢玩摔角

 

呢一點冇咩特別需要解釋，

 

 

因為兩種都係一啲小朋友會玩嘅遊戲，用嚟將成個氣氛再次帶返去一個白痴好玩嘅vibe，之後先至再escalate。

 

 

＃4 一路白痴地開始捉住佢隻手打佢自己，一路同佢講話：『哎呀，你唔好係咁打自己啦。LOL』

 

 

如果你有兄弟姊妹嘅話，可能你哋細個時候都有玩過。

 

 

你咁樣做，女仔會覺得好苦惱，反抗唔到好有挫敗感，

 

但係同時又覺得你好有支配性，深刻感受到你嘅雄性力量。

 

 

但係你千祈唔可以太過大力捉住佢打佢！

 

 

你只需要用足夠嘅力量去令到佢感受到自己嘅『無助』，感受到你嘅dominance，

 

 

咁就已經足夠之後去進一步錫佢，或者輕輕扯佢頭髮，或者摧毀佢任何『象徵式嘅防衛』喇。:-)

 

 

希望今集幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

琴日就教咗各位巴打點樣去篩選女人同朋友啦，

 

上個禮拜就教咗你咩叫做Screening Frame，篩選人嘅框架；

 

今日就想教各位巴打點樣去Qualify人哋，

 

即係點樣令到人哋被你暗地裏篩選完之後，取得資格同你相處之後，從而得到一種良好嘅感覺。

 

簡單嚟講，qualify人哋其實就喺類似去讚賞人哋；

 

但係你之唔可以一開頭就讚賞人，係因為你三唔識七就去讚人哋，會顯示得自己好膚淺，

 

完全冇內涵冇standards，甚至有啲低價值有啲desperate，你嘅行為有啲擦鞋feel。

 

重點就係：You have to make people EARN your compliemnt。

 

你要令到人哋去賺取你嘅讚賞返嚟。

 

當對方要某程度上下過苦工做過一啲嘢，而你睇到佢哋嘅背後嘅付出辛勞，

 

你之後先至讚賞佢哋，會顯得成個compliments有意義有價值。

 

所以之前嗰幾集我教你點樣首先screen人哋，用一啲大嘅open-ended questions，

 

對方就會仔細諗下呢條問題，會投資落呢條有質素嘅問題，跟住再畀一個有質素嘅答案你。

 

所以佢嘅答覆愈係詳盡詳細，有思考過，你之後嘅讚賞／qualification可以越有威力。

 

無論你點樣讚賞佢哋，記住包括呢句句子：『啊，我都幾鍾意你咁XYZ喎。』

 

例如：你問個女仔最鍾意去邊個國家旅行，個女仔同你講話佢最鍾意去西班牙；

 

跟住你問佢西班牙邊一個地方佢最鍾意，跟住佢就講係巴塞羅拿；

 

你就問佢嗰個地方帶畀佢乜嘢感覺

 

（BTW，同女仔傾計，最重要係focus問佢一啲關於Feelings／感覺／感受嘅嘢，咁樣你先至能夠喚醒佢某一啲嘅情感。）

 

例如：佢第一次去睇Casa Mila米拉之家有咩感覺呢？

 

當地嘅clubbing夜生活又係點樣呢？

 

跟住佢好興奮講完一大輪之後，就算你未去過西班牙，你都可以開始用相同嘅經歷RELATE落佢度。

 

例如：你可以講番你嗰次去韓國clubbing有幾好玩，又或者你嗰次去冰島當地嘅人原來都咁熱情等等。

 

但係去到呢個位呢，即是你哋識得大家簡單連繫大家，

 

呢條女仲未正式愛上你嘅，呢種只係朋友之間好好傾嘅connection。

 

所以你一定要表達你嘅appreciation，你對佢嘅欣賞。

 

譬如：佢話佢自己一個好癲地跟咗一班新識嘅friend，去咗某個local嘅屋企食飯飲酒，

 

之後大家一齊去落clubbing玩，玩到朝早六七點，瞓咗幾個鐘之後又即刻去第二個city探索。

 

咁樣你就可以簡單同佢講話：

 

『Wow，聽落都幾癲喎，我都幾鍾意你個人夠瘋狂夠大膽去試唔同新嘅嘢，真真正正去感受生命。』

 

 

你咁樣去set up一個情況令佢表達自己，之後先至再去讚賞佢嘅個人特質，

 

成件事就會顯得真誠真摯好多，而佢亦都會對你嘅compliments感到真正嘅開心。

 

 

就係咁簡單一句『啊，我都幾鍾意你咁XYZ喎』，

 

再加埋輕輕嘅身體觸碰，拍下佢嘅手臂外面，或者坐喺度嘅時候佢大髀外面，

 

咁樣你就能夠同時將『正面開心嘅情緒』同『舒服嘅身體接觸』combine埋一齊喇。  

 

所以如果你係一個老闆，你喺好應該用呢種方式去讚賞你嘅員工；

 

 

又或者你係一個員工，當老闆同你講一啲比較私人嘅嘢時候，喺適當嘅時候你亦都可以表達你對佢嘅appreciation；

 

 

咁樣就能夠好快增加大家之間嘅personal connection，並且讓對方愛上同你相處喇。

 

 

希望呢幾次關於social技巧嘅集數幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

呢排你都應該知道我講咗好多關於social嘅技巧，同埋點解你應該小心選擇朋友；

 

所以今日想教你點樣去一開頭認識新朋友嘅時候，有智慧地去篩選佢。

 

所謂嘅Screening，除咗能夠令人哋感覺你係一個有standard嘅男人，

 

人哋亦都會感覺得到你係評估緊大家適唔適合大家繼續來往，或者呢一刻應唔應該繼續花時間溝通傾計。

 

正如我之前所講，高價值高地位高成就嘅人，喺會絕對嚴謹地保護自己嘅attention同埋時間，

 

因為佢哋知道佢哋嘅注意力同energy係有幾咁珍貴。

 

 

所以Screening嘅技巧其實好簡單，

 

就係你需要去發掘一下，目前呢個人有冇一啲特質一啲qualities係你想要嘅。

 

而第一步你要做嘅，

 

就係好白痴地首先諗下有乜嘢quality traits係你自己想要嘅！

 

所以今日想同你做個小練習，唔該你一陣停咗呢段片，攞一張紙同筆出嚟，

 

跟住寫低十種你想人哋擁有嘅性格特質（唔包括外表啊！），

 

呢個包括你理想嘅女人，同埋你理想嘅新朋友。

 

所以依家唔該停咗呢條片，花兩三分鐘寫低十種嘅quality traits。

 

 

Okay，歡迎再次返到嚟！

 

 

咁呢一刻你有咗十種嘅性格特質，

 

 

第二同第三步就係，

 

我依家就想你再諗下十個你享受傾偈嘅話題，同埋你覺得自己擁有嘅十種（非外表嘅）性格特質。

 

 

咁唔該你再次停咗呢段片，花4-5分鐘寫低佢哋。

 

 

Okay，再次歡迎光臨吖LOL

 

 

你做完以上嘅練習之後，依家你就有三十種嘢可以去用嚟篩選人喇。

 

因為依家你知道你想要嘅女人或者朋友有乜嘢性格特質，

 

你知道自己係屬於邊類嘅人，所以會容易啲搵到可能嘅的共通點，

 

同埋你知道有乜嘢傾計嘅topics係能夠令你有興趣地講嘢。

 

畀個例子你，

 

例如我身邊嘅女人／朋友必須係正面，non-needy，誠實，識得點樣去be present而唔係成日喺度撳電話打機， 佢哋係著重健康同自己嘅成長等等。

 

至於我鍾意講嘅topics，

 

包括創業嘅思維，溝女，提升自己能量嘅優質食物，EDM嘅歌或者近排有咩正DJ，成功之道，做gym或者關於fitness嘅嘢，行山去旅行好去處等等。

 

 

Anyway，咁你依家有以上30種嘅材料之後，你嘅策略就係簡單地問一啲『令人哋打開自己』嘅問題。

 

 

譬如話去旅行，

 

instead of 問人哋『啊，你鍾唔鍾意去旅行？』呢類嘅yes/no question，

 

你應該問一啲較大嘅open-ended questions，例如：『啊，你最鍾意去邊度旅行呀？』

 

呢條問題暗藏少少嘅潛台詞：

 

＃1 你係一個鍾意成日去旅行探險嘅人，

 

而平時你身邊嘅朋友都係果種『會去旅行嘅人』，所以你都假設面前呢條女都應該鍾意去旅行。

 

＃2 你淨係畀一個選擇佢，問佢最鍾意去邊一度。

 

咁樣係因為通常成日去旅行嘅人，都幾乎唔記得晒自己去過邊度，

 

所以只有無咩去旅行嘅人先會問一啲『你去過邊個國家？』呢類型嘅問題。

 

咁所以你條問題『啊，你最鍾意去邊度旅行呀？』其實係一種positive assumption，

 

一種利用正面嘅假設去問人哋問題，假設人哋同你一樣都鍾意同一樣嘢。

 

又例如，如果你個人好鍾意arts嘅話，你就可以問『啊，你最鍾意邊類型嘅arts呀？』，

 

咁樣就能夠正面假設呢條女都係同你一樣咁有藝術氣質喇。

 

 

另外一樣重點就係，你又可以點樣偵測到人哋，有冇你想要嘅十種性格特質呢？

 

除咗你可以利用頭先講嘅positive assumption嘅方法之外，你都可以嘗試問下自己一個問題，

 

就係：『 啊，如果呢個人有呢一種嘅性格特點，有啲乜嘢證據或者表徵係可以透露得到呢？』

 

例如：如果你想要一個聰明不懂撒嬌的女人，

 

咁可能佢需要讀過Master/PHD，或者有一份好pro好高級嘅工作，咁樣佢就可能係一個聰明女。

 

又或者你想要一個會上進嘅朋友，

 

咁佢可能係一種好鍾意睇書上course學習嘅人，又或者同你傾計嘅時候鍾意討論一啲ideas，而唔係喺度講是非八卦嘢。

 

 

Anyway，以上提供咗足夠嘅彈藥去幫助你篩選有質素嘅女人同朋友，

 

 

請你由呢一刻開始，攞住你嗰三十種嘅資料，去睇下有咩人係適合你帶領佢哋去自己嘅生命裏面喇。

 

 

希望今集幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第12集，亦都係我哋MTFU一直強調嘅一條做人嘅宗旨，

 

就係叫做 If You Don’t Know Your Purpose, Discover It Now。

 

你必須盡快搵到你人生嘅目的，活著嘅意義。

 

一個冇意識，冇自己選擇嘅使命，冇屬於自己purpose嘅男人，

 

其實係一隻隨處漂流迷失嘅小羔羊。

 

佢唔能夠主動地去『製造事件』，

 

佢只能夠去『適應事件』，只能夠跟住社會節奏／世界大事去飄浮。

 

所以一個無life purpose嘅男人，係過住一種好弱雞嘅生活，

 

擁有一種好虛弱嘅存在感，

 

而最終亦都好可能真係變得性無能，或者只能夠得到機械式嘅性愛。

 

男人嘅purpose就係你人生嘅core，你做人嘅核心價值。

 

喺你生命嘅任何一樣嘢，由你嘅飲食到你嘅工作，都必須同你嘅purpose連成一致，

 

咁樣你先至能夠連貫性地+正直完整地喺世界上面立足。

 

所以當你知道自己嘅purpose，自己最深層嘅慾望，你嘅生命就會變得好簡單：

 

你成功嘅秘密，

 

就係有紀律地將所有行為行動，變成一啲支持你人生目的嘅材料，並且同時盡量減低外界令你分心嘅騷擾。

 

但係如果你唔知道自己最深層嘅慾望，你就唔能夠 live in alignment。

 

如果你嘅工作並唔係連接你自己嘅purpose，你返工就只會係打工，只係為咗搵錢嘅途徑，

 

所以你每一日都會覺得非常無意義，虛度緊自己人生。

 

如果你係漫無目的地為咗見下屋企人或者朋友而去見下佢哋，

 

咁樣你哋其實相處嘅每一刻，都係『為見而見』，並唔係有威力地令大家得到更深層次嘅連繫。

 

所以每逢你同你嘅core失去連接，你就會感到成個人好虛弱。

 

一種空虛嘅感覺唔單止會暗中破壞你喺世界上嘅『立足』，

 

而你見到你心愛嘅女人嘅時候，亦都好可能陽痿扯唔撚到旗。

 

相反，你知道自己人生嘅核心價值，亦都係你最深層次嘅慾望，

 

咁樣每一刻每一個moment你都能夠係完全表達最真實嘅自己。

 

每一刻嘅工作，每一刻嘅親密，全部都係充滿你內心有目的性嘅能量，

 

you’re living in your TRUTH.

 

最後就係，一個超級男人並唔係透過工作／女人去得到滿足感／成就感；

 

對於超男嚟講，工作同親密關係只係一種機會去分享佢對世界嘅禮物，

 

而佢亦都會喺呢一種分享嘅快樂之中，慢慢隨風消失。

 

 

希望今集幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第11集，

 

今集嘅concept亦都係好多男人比較難接受嘅一種挑戰，

 

就係叫做Enjoy Your Friends’ Criticism，你要學識去享受朋友對你嘅批評。

 

一個男人能唔能夠容納另一個男人嘅直接批評，係一種量度去睇下佢有冇咁嘅能耐，去接受雄性嘅力量。

 

如果男人同雄性力量冇一種良好的關係（例如佢同佢父親嘅關係唔好），

 

呢個男人就好容易成個女人咁樣，聽到其他男人對佢嘅批評嘅時候，佢就會好容易受到傷害或者變得非常防衛保護自己。

 

所以作者建議我哋，

 

大約每星期一次，我哋都應該坐低同我哋身邊最親密嘅男性朋友，討論一下大家近排有咩搞作，並且同大家坦白講自己有乜嘢喺好驚去做。

 

跟住你嘅朋友就應該畀一個行為實驗你做，一啲action steps去揭露一啲關於自己內心嘅嘢，從而協助你得到更多自由。

 

譬如你可能同你嘅朋友講：

 

『我好想同我嘅秘書Denise搞嘢啊，但係我又好驚會傷害我嘅老婆囉，我好驚我老婆會之後發現我出軌…』

 

咁你嘅朋友可能會challenge你講：

 

『屌，你講Denise都講咗半年啦，你知唔知你自己其實係嘥緊你嘅能量係呢啲fantasy之中架？

 

一係你就聽晚約佢出嚟扑9佢，一係你就徹徹底底放棄呢個念頭，唔撚好再同我哋講同一番說話，okay？』

 

雖然聽落好un耳，但係作為雄性男人嘅你，你必須接受其他男人嘅challenge，

 

因為其實佢哋喺幫緊你，去解決你平庸嘅猶豫不決。

 

你考慮清楚之後就可以回答：『屌，你都講得啱嘅，我決定唔會咁做啦。

 

仔細諗下，其實我覺得我同老婆嘅婚姻係比起我對Denise嘅慾望更加重要，

 

所以我會放棄出軌呢個念頭，將我嘅focus放返喺其他priorities上面啦，多謝你巴打。』

 

所以你最close嘅男性朋友，喺應該願意去challenge你平庸嘅諗法，

 

並且建議一種實質嘅行動令你可以離開呢個『無限loop嘅漩渦裏面』，咁樣你先至能夠move on行返一條屬於你嘅道路。

 

而你亦都絕對需要去願意接受冷酷嘅真相，咁樣你先至能夠徹底成長。

 

好朋友係唔應該容忍對方嘅平庸，所以如果你係『活喺自己能力的邊緣』，

 

你其他男性朋友應該尊重你，但係你頹嘅時候亦都唔可以縱容你。

 

佢哋應該尊重你嘅恐懼，但係亦都必須因為佢哋對你嘅『兄弟情』，佢哋需要繼續去間接地『鞭策你』去超越自己。

 

所以如果呢一刻你唔鍾意其他男仔friend對你嘅挑戰，好可能係因為你同你父親有一啲『未解決嘅問題』，無論你爸爸仲在唔在生。

 

『父親嘅力量』就係一種tough love，一種因為愛你所以挑戰你並且引導你嘅能量。

 

如果你生命冇呢一種嘅masculine force，你人生嘅方向就會好模糊，

 

你亦都會因為你嘅『模棱兩可／優柔寡斷／遲疑不決』不斷迂迴曲折地唔知自己走去邊度。

 

所以你身邊最close嘅男仔friend，係應該能夠協助你提供一種光明，令你更加清晰自己想行嘅方向。

 

Btw，各位巴打，

 

曾經一位同佢嘅學生總共製造過千億財富嘅business mentor同我講：

 

Show me your friends and I’ll show you your future.

 

意思係：

 

你只需要畀我睇到你圍繞喺你身邊嘅朋友係乜嘢質素，我就能夠預測得到你將來嘅成就。

 

『近朱者赤，近墨者黑』呢條道理我相信你同我小學都已經開始聽過，

 

但係你又有冇認真地篩選你身邊嘅朋友呢？

 

你嘅朋友係咪因為『大家住得近／大家讀同一間中學大學』所以一直keep住聯絡？

 

定係你係有意識地因為大家有類似嘅宏大目標+有益嗜好，

 

大家都願意push大家一齊進步，大家都願意喺危難嘅時候協助大家，大家鍾意正面嘅mindset鍾意不斷令自己成長，

 

所以先至一直keep住聯絡呢？

 

你想成功嘅話，

 

你喺絕對需要選擇一啲同你一樣都係『願意活喺自己邊緣』嘅男性朋友，一啲願意勇敢面對自己恐懼，並且不斷擴闊自己舒適範圍嘅男人。

 

只有呢一種嘅男人先至能夠一邊『愛你』，一邊『唔會太過保護你』去讓你接受現實嘅挑戰。

 

 

所以喺呢一個禮拜，請你重新審視一下，

 

你身邊最親密嘅三至五個男性朋友，究竟係拖緊你落水『維持現狀』，

 

定係令你不斷進步raise you up，一齊去到各自理想嘅彼岸。

 

 

希望今集幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

呢幾日教咗大家點樣去建立自己嘅社交圈子，今日想好快講下點樣令任何人都愛上你。

 

其中一樣關於社交嘅矛盾位，就係如果你想『新認識嘅朋友』愛上你，

 

你喺其實唔應該做某啲嘢特登去討好奉承人哋，令佢哋愛上你。

 

因為如果你散發一種『想人哋鍾意你』嘅感覺出嚟，人哋係會feel都你好try-hard，

 

你好擦鞋，而你好似本身冇咩價值，並且好可能之後會喺佢身上take value，所以先會咁樣做。

 

所以你聽清楚：

 

你要做嘅就係一定要首先建立一個Screening Frame，一個會篩選人哋嘅框架。

 

 

Screening Frame嘅意思就係：

 

 

一個你用嚟詮釋事情／閱讀過濾世界嘅鏡片，並且從嗰件事或者對話之中，賦予一種意思／意義。

 

 

所以當你有一個會篩選人哋嘅框架，你就會開始好快對呢個人進行評價，並且考慮佢哋值唔值得你花時間繼續同佢傾計。

 

我知道我咁樣講好可能屬於『政治不正確』，但係who gives a fvck？

 

呢個就係超成功嘅人嘅現實，

 

每一個高地位／高價值／高成就嘅人，都絕對會非常保護自己寶貴有限嘅時間／精神／注意力，

 

佢哋會好快去決定『你同佢之間fit唔fit大家，會唔會識得為對方諗，令大家生活變得更好』；

 

更重要嘅係，你會唔會係一個成隻吸血鬼咁樣suck value嘅潛在危機。

 

重點：當你有一個Screening Frame，你就唔會喺度諗『我可以點樣去impress呢個人／呢條女呢？』，

 

 

但係你就會喺度諗『呢個人／呢條女，值唔值得我花時間同佢繼續傾計呢？』。

 

 

咁樣嘅話，你就能夠防止自己去不斷擦鞋，成為一個低價值嘅人。

 

 

當然，『真實嘅價值』喺需要你花時間不斷去建立嘅；

 

但係隨著你不斷進步，

 

不斷提升自己影響力感染力，

 

不斷建立更多值得自豪嘅成就，

 

你嘅自尊心就會越嚟越強，你就會自自然然有一個會篩選人哋嘅框架。

 

 

但係你未去到嗰一個位之前，你一定要不斷訓練你自己嘅大腦去習慣有一個screening frame，

 

咁樣你先至能夠適應去用一個『成功人嘅諗嘢方式』去睇世界。

 

 

所以嚟緊你再用任何形式去approach人哋，你唔好再諗『點樣去令到人哋鍾意你』，

 

instead，你要諗嘅係『唔，唔知目前呢個男人／女人係點嘅呢？唔知我哋有冇咩嘢可以幫到大家手架呢？

 

唔知我哋夾唔夾，會唔會有機會花多啲時間一齊合作相處呢？』。

 

如果佢係女嘅話，你更加要諗『唔，佢雖然睇落幾靚，但唔知佢性格好唔好呢？佢係咪痴線中晒韓毒呢？佢係咪得個樣完全冇內涵嘅呢？』。

 

最後嘅補充就係：

 

既然你有一個高價值成功嘅screening frame，

 

唔該你真係喺現實生活中都建立真實嘅價值，令到自己有能力去幫其他人add value。

 

總括嚟講，喺現代嘅生活之中，

 

如果你能夠幫人哋提升佢哋嘅財政能力／人際關係／家庭關係／健康方面等等，你就絕對係幫到人哋add value。

 

所以如果你能夠首先喺以上呢幾個範疇為自己build value，

 

咁樣好自自然然你就成為一個更加有價值嘅人，人哋亦都會好自自然然容易鐘意同你相處。

 

再加埋你嘅screening frame，你就可以問下自己：

 

『面前呢個人係咪值得我花時間繼續同佢傾計？

 

定係我應該將呢段時間去提升自己真實嘅價值呢？

 

去做下gym令自己健康啲？去搵返我以前嘅舊朋友？

 

去提升我嘅搵錢能力？或者去增長自己對某範疇嘅知識技能呢？』

 

 

你肯咁樣做嘅話，你就能夠有一個高價值嘅鏡片去篩選朋友同女人喇，

 

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

噚日嗰集教咗你點樣有效率地認識新朋友或者女仔，並且享受當中嘅過程，

 

今集想教你點樣進一步利用你建立嘅社交籌碼，去塑造自己成為一個團體嘅領袖。

 

正如琴日所講，如果你去到一個全新嘅城市或者地方，

 

第一步去建立自己社交圈子嘅方法，係首先去join其他人搞+你又有興趣嘅團體活動，

 

慢慢建立你喺當中嘅影響力，讓唔同嘅人每個星期都『感受到你嘅為人』，

 

並且開始social地得到大家嘅私人聯絡方式，咁樣幾個月之內你就會有一個唔錯嘅foundation去下一步。

 

假設你已經開始同十個八個裏面嘅人熟落咗，

 

假設你同佢哋每個人私底下覺得幾啱傾，

 

假設呢啲人算係幾好玩並且你覺得值得長遠投資有質素嘅人，

 

 

進階嘅下一步去繼續擴闊自己社交圈子，

 

就係開始做host搞一啲迷你版嘅gathering。

 

如果你經濟唔錯有自己私人地方住，咁樣你絕對應該邀請大家一齊上你屋企玩，一齊試下酒／試下煮嘢食／傾下計chill下；

 

 

如果你仲未有自己apartment住，都冇問題；

 

你可以邀請大家『落堂後』或者某一日去食餐飯／去bar飲嘢／去食糖水／去一啲能夠容納十個八個人嘅地方一齊聚下。

 

 

點解做host呢樣嘢咁重要呢？

 

就係因為你開始成為一個『籌劃人／搞手』嘅時候，

 

你就係當時嗰個迷你社交場合嘅正中心，你就係潛意識地大家嘅焦點／領袖。

 

咁樣你之後喺任何場合再認識其他嘅新朋友／女仔嘅時候，

 

你就可以開始邀請佢哋一齊參與你搞嘅group events，而唔係一嚟就傳統地咁大投資花幾個鐘1-2-1 date一個唔認識嘅女人。

 

 

你用咁樣嘅方法去邀請索女去玩團體活動，佢就唔會一嚟就絕對知道你想溝佢所以約佢出去；

 

 

你只係一個social安全嘅人，而你亦都係一個『已經被其他人接受+鍾意』嘅人，

 

 

所以個女仔未認識你，都已經會自動總結你係一個『受歡迎+有其他女仔接受+佢都有啲好奇想進一步認識下』嘅男人。

 

再加埋你每次叫你嘅舊朋友『帶啲friend嚟』，

 

咁樣你每個星期嘅mini gatherings都會充斥著舊女仔新女仔，你就會開始製造到一個不斷有貨嘅運輸帶。

 

 

最後記住：除咗你要做嗰個迷你社交圈子嘅搞手，

 

你要記得邀請一啲本身都好玩嘅朋友，並且確保你自己都能夠bring out the fun，

 

大家一齊做大家都喜歡嘅活動，

 

有好聽嘅音樂，

 

有唔同嘅酒飲（如果你哋鍾意飲嘢嘅話），

 

有唔同嘅嘢食，

 

最重要就係有後備嘅活動去令大家『唔會坐咗喺度唔知做乜』。

 

好啦，一連三日我教咗你：

 

點樣訓練自己變得social啲；

 

點樣有效率地認識新朋友新女仔；

 

同埋今日嘅點樣塑造自己成為一個社交領袖。

 

 

如果未聽頭兩集嘅話記得聽番，咁樣你就有足夠嘅知識去開始建立自己嘅社交帝國；

 

 

今日講住咁多，希望呢幾集幫到你！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

琴日教咗各位巴打點樣容易啲令自己進入social嘅狀態，

 

今日想教各位巴打點樣可以經常何時何地都識到新朋友，並且令佢哋愛上你。

 

如果你有聽坊間唔少嘅PUA講溝女，你都知道有daygame同埋nightgame嘅玩法。

 

Daygame就係日光日白喺條街度random地同女人搭訕，而nightgame就係通常夜媽媽去啲bar／club裏面溝女。

 

其實兩種方法喺完全冇問題嘅，對於一啲想學pickup既男仕們亦都係一種好興奮嘅嘗試；

 

但係我想你諗一諗，呢兩種嘅方法係咪真係一種最有效率嘅途徑去識女仔呢？

 

每一個週末花費整個下晝喺條街度同陌生女人傾偈，

 

跟住可能夜晚直踩繼續喺夜場附近遊離朗蕩識女仔，係咪最好嘅方法去善用自己有限嘅時間呢？

 

每次識女仔都要由零開始嘗試『互相認識』，

 

每次就係『因為人哋靚』就要放棄自己原本進行緊嘅任務，

 

每次見到一條索女又要『抽離自己原本行緊有目的性嘅path』專登走去同佢傾計，

 

你覺得呢一樣嘢係咪一個真正高地位，高價值，身邊有好多女人選擇嘅雄性男人會做嘅嘢呢？

 

我個人係唔鍾意做一啲低效率或者長遠低迴報率嘅事情，

 

而你亦都應該知道cold approach係認識女仔最低層次嘅一種方法。

 

所以你可能會聽過我講，要長遠地不斷吸引到有質素嘅女人埋身，

 

你絕對唔應該好似做cold calling咁樣，好random地出街睇下邊條女對你有興趣。

 

就好似打工係永遠做唔到億萬富豪，

 

你一定要學識點樣建立一種system，

 

一條不斷供應你囡囡嘅運輸帶，

 

一種類似間接收入／passive income嘅系統，

 

咁樣你先至能夠長遠地唔需要點樣做咩嘢，都可以『被女仔認識』。

 

所以今日嘅重點就係：

 

你一定要精心策劃一下，點樣改變你嘅生活方式，令到『認識女仔』係成為你生活必然出現嘅一部分。

 

 

You MUST orchestrate your lifestyle so that you meet people and girls naturally.

 

 

一開頭最好嘅方式，就係去join多啲唔同嘅group events或者興趣為focus嘅活動。

 

你一定要首先揀一啲自己鍾意玩嘅團體social activities，例如：

 

跳舞，公開演講，棟篤笑／戲劇班，language class，yoga班，crossfit或者一啲高強度嘅fitness class，一班人一齊做運動嘅gathering等等。

 

咁樣一嚟，你能夠學習到新技能，

 

 

二嚟，你能夠享受原本做緊並且自己鍾意嘅活動，

 

 

三嚟，你能夠利用呢個機會去訓練自己同任何人都傾到偈，擴闊自己朋友圈，

 

 

四嚟，你能夠以一種好低成本低投資嘅方式去『非常正常地』warm approach認識女仔，並且從中篩選佢係咪一個值得投資嘅人，

 

 

五嚟，你喺呢啲活動中，絕對經常有『新血』加入，

 

而你絕對會對超過一個女仔有興趣，所以你唔會令自己太容易『愛上某一個女仔，跟住變得好依賴needy』，因為有咁多選擇係會令到你有宏觀嘅視野。

 

 

所以如果你能夠將自己嘅lifestyle，規劃成一種『每個星期都有至少一兩次嘅團體social活動』去認識新朋友，

 

咁樣你就根本唔需要特登出去識女仔／溝女。

 

最正嘅係，雖然你去參加某啲活動一開頭都係一個新人，

 

但係你每一次嘅參與，都能夠增加你喺嗰個團體嘅影響力，

 

每次都係增長緊自己嘅social proof，

 

每次其他人對你嘅『認識／好感／信任』都會隨著時間而提升。

 

 

你係咁樣嘅條件下認識舊或者新加入嘅女仔，你唔覺得係聰明有效率好多㗎咩？

 

 

所以你今日要問自己嘅問題有兩條：

 

 

＃1 究竟我鍾意做啲乜嘢嘅團體活動？或者我對乜嘢嘅group social activities最好奇，最有興趣想試下？

 

 

＃2 究竟我想認識有質素嘅人，通常會喺咩場合出現？我去嘅呢啲group social activities係咪會充斥著好多嘅女仔？

 

 

以上嘅問題就係你今日嘅功課，

 

你做完之後，聽日返嚟我再教你點樣進一步擴展你嘅社交價值，

 

 

希望今集幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

喺我過去呢幾年協助唔同巴打創造自己理想戀愛生活嘅時候，

 

我發現原來有一個好大嘅『量度指標』，

 

可以預測得到呢位男士，能唔能夠好快應用佢學嘅dating skills，並且開始得到顯著嘅進步。

 

所以如果你都能夠習慣性地做到呢一樣嘢，咁你學嘅所有溝女技巧同埋mindsets都會好快融會貫通；

 

否則嘅話，你嘅溝女成績將會進步得好慢。

 

呢樣嘢係乜嘢？

 

答案好簡單：就係Be A Social Guy，做一個習慣交際嘅人。

 

如果你想盡快識得同女人相處，你就必須首先掌握同一般人傾計嘅技能，並且將呢件『同陌生人傾計』嘅事習以為常。

 

當你能夠開始進入一個social mood，一個社交嘅心情，一個開聲講嘢嘅狀態，

 

咁樣你行去approach女仔或者開聲同人講野就會容易好多，而你當時嘅energy亦都會喺有吸引力好多。

 

Social First，Sexual Second。

 

如果你畀人嘅感覺係扮型／扮勁／扮高竇，好多時你都顯得太過try-hard，太過想得到人哋注目認同。

 

所以正如我前幾集所講，千祈唔好try to be cool，做一個黑暗沉默寡言嘅偽James Bond；

 

你應該著重係做一個Social Guy。

 

問題係：你可以點樣訓練自己大腦變得更加social呢？

 

如果你係聽緊今集嘅話，好可能你嘅工作或者生活習慣，唔係一種好自然就會認識新朋友嘅環境裡面。

 

你亦都可能同我一樣，本身個人係偏向內向，

 

又或者通常做嘢都係自己一個，可能每日大部分嘅時間都係對住部電腦。

 

當你一日做完十個八個鐘嘢，離開辦公室之後，

 

你好大機會都唔係喺一個Social Mood／社交心態上面。

 

咁所以唯一一個方法將自己慢慢轉化成為一個比較social嘅人，

 

就係你之後必須見到人嘅時候，要開口講一啲無關痛癢嘅嘢。

 

譬如你入𨋢嘅時候，你同某個人有眼神接觸，你就可以輕輕簡單講一句Hello，跟著微笑點頭。

 

 

又或者你一朝早起身，見到你樓下嗰個看更管理員，你都可以就咁略略講聲『早晨呀叔！』，跟住先至出去返工。

 

 

又或者你買咖啡嘅時候，你略略問下嗰個barista今日有冇乜嘢special promotion，略略講一兩句之後先至order你杯嘢飲。

 

其中一條超聰明嘅小貼士，

 

就係嘗試搵一啲做客戶服務中心／Customer Service嘅職員傾計，因為佢哋嘅職責就係有禮貌地同你傾計 LOL

 

所以你絕對有權去善用佢哋嘅service，去鍛鍊你自己嘅social muscle，為接下來嘅interactions做好熱身。

 

另一個超好嘅技巧，就係同個的士／Uber司機大佬搭訕，

 

揸車嘅人都好撚鍾意同人傾計，你亦都可以從佢哋嘅口中學到好多嘢，

 

講下新聞，講下佢哋最近生意點，講下佢哋最近有冇遇上一啲麻煩客等等。

 

 

喺我哋亞洲國家，雖然同人搭訕唔算係一種普遍嘅行為現象，

 

但係你咁樣做一定會正面地令自己stand out『突圍而出』，

 

因為你係喺度add value，你係識放緊正能量，營造一種良好嘅氣氛，協助其他人脫離佢哋沉悶嘅生活。

 

你唔係喺度take value，

 

你唔係喺度從某人身上得到一啲嘢，

 

你唔係喺度叫人買旗／捐錢／簽合約／睇樓etc，

 

你只係關心身邊陌生人嘅一個友善嘅人。

 

所以由你踏出門口嗰一刻開始，到你夜晚返返屋企，

 

你要開始習慣同唔同嘅人就咁say hi，完全冇目的地打招呼。

 

你真係想溝女進步嘅話，我邀請你今個禮拜做一個任務：

 

就係嚟緊嘅七日，每一日都要同五個陌生人Say Hi，就係咁撚簡單！

 

你會好愕然，當你同人講『早晨／午安／或者就咁Hello』，

 

加埋你友善嘅眼神同微笑，絕大部份嘅人都會有禮貌地同番你打招呼，甚至願意同你傾計。

 

 

記得今個禮拜做呢樣功課，希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

前幾日收到一位叫做PK巴打腥嚟嘅一條問題，標題為『中途鍾意左個女同事』，

 

相信我哋嘅對答將會再次提醒巴打溝女嘅時候，應該同唔應該做嘅嘢。

 

PK巴打問我：

 

『Hello man

 

我以前對好多我有feel嘅女仔我都可以keep到上把位

 

但係今次因爲一開始冇feel，所以keep住朋友咁同佢相處。

 

之後佢男朋友對佢唔好， 女嘅一時又話想分手，  一時又比個男嘅氹返

 

佢唔開心冇胃口 我咪氹佢笑 叮熱左D朱古力奶比佢飲。

 

不過慢慢就開始鍾意左佢 之前一直中下把位點去返上把位，突然轉變又好奇怪。

 

上面已經多過100字 下面有更多有關經歷

 

其實之前都相處得幾好 放工都有約去食d野

 

但係有一次食食下兒到佢笑容幾好睇 就諗其實我地一齊好似幾好

=> Future Projection

 

之後就約佢睇戲 但係係睇前一晚 佢話男朋友約左佢 唔知夠唔夠時間

 

之後我發左佢脾氣 話點解佢對你咁 點解仲要咁聽話 最後冇去 之後返工黑佢面

 

不過佢好似好慘咁 想同我講野又唔夠膽 三日就同佢講返野 問佢要我點原諒你 之後我話同我返 之後真係睇左

 

見大家相處得幾好 過左兩日諗住約佢去d浪漫d地方 拒絕左幾次 話想多d人

 

之後用firm d語氣逼佢決定 個情況係佢同我出 佢就係受溝

 

之後佢話我知佢有男友 唔可以單獨同男出街

 

之後我應ok 之後大家就忽冷忽熱 我見佢冷我就冷 佢見我冷之後就對我熱 對我熱我過兩日就對佢熱返

 

不斷重複 不過多數單獨相處時佢對我都係熱』

 

睇到人都癲！以下就係我嘅回覆 ：

 

『Yo PK，

 

嘩，好Q長嘅一條問題 lol

 

睇到有幾點你可以注意：

 

＃1 『你無啦啦氹番佢笑』

 

做乜咁做啫你？

 

呢啲係一種nice guy behavior，係話畀女仔知『你鍾意佢，所以你想以好人嘅方式話畀佢知你有幾好，令佢放棄原本嘅男朋友去揀你』。

 

唔好再咁做，佢雖然開心，但係唔代表佢因為咁樣會揀你。

 

＃2  『之前約佢食嘢睇戲等等』

 

全部都係一啲被friendzone嘅行為，所以其實你一開頭已經喺以『朋友／同事』嘅狀態同佢相處。

 

你一定要首先break咗朋友／同事呢個frame，之後遊戲先有得玩。

 

＃3 『你因為佢男朋友對佢差嘅事發佢脾氣，之後仲要返工黑面』

 

坦白講，wtf are you doing bro!?

 

對女仔嚟講，你幾乎係冇資格去嬲佢點樣選擇，你嘅憤怒只會顯得你妒忌個男仔得到佢，而你得唔到佢。

 

所以個女仔都算對你好，仲肯間唔中睬下你。好大嘅原因係因為，

 

＃1 你係佢同事佢；

 

＃2 佢知你對佢好，所以唔想咁快失去你呢個好朋友（冇錯，係好朋友！）

 

＃4 你無啦啦咁惡，佢梗係拒絕你去一啲浪漫嘅地方啦，點知你癲起上嚟會做啲咩呀！？

 

＃5 巴打，你逼得佢太緊喇，逼女人做選擇係最差嘅招式，唔好再咁做。

 

所以你依家唯一嘅出路，係唔好再咁煩，迫佢同男朋友分手跟住同你一齊。

 

佢都好大壓力，日日返工對住你唔知會發生咩事；

 

所以你要後退番一兩步，變番做一個原本F+C嘅男人，唔好再咁needy地係咁約佢溝佢。

 

調整返一個輕鬆嘅氣氛先，唔係嘅話真係會輸到渣都冇得淨！

 

希望今集幫到你！