標籤: Dating

Yo！又嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

我不妨開門見山同你講，每一個人都必定會喺某一個位『被女仔拒絕』。

 

我唔理你而家溝女有幾勁，我唔理你練咗幾多，冇人係能夠每一次都溝到某一條女嘅。

 

如果你想成為一個ladykiller，

 

但係你又驚rejection或者尷尬，咁你就對成功嘅過程充滿太多不切實際嘅fantasy。

 

想溝女成功，先決條件就係能夠handle一啲對大部分人尷尬嘅情況。

 

如果因為尷尬或者social pressure阻住自己，你好可能仲未有決心取得驚人嘅成就。

 

無論你想成為一個食好多嘢嘅player，定係淨係想要一個女朋友開開心心，

 

你都係會面對排山倒海嘅挑戰，永遠都唔會完嘅challenge，所以你一定要習慣overcome任何困難。

 

我成日都聽到有人問，有冇啲100%會work嘅開場白或者技巧去溝女或者成功。

 

事實就係，你問得有冇100%成功嘅開場白，就係意味著你害怕失敗，

 

你害怕不可預測嘅uncertainty，所以你嘗試play it safe，表面上穩穩陣陣地去做嘢。

 

但係女人係唔被『穩穩陣陣／play it safe／輸少當贏』嘅人吸引，

 

女人係鍾意大膽有guts搏盡無悔止贏家！

 

要明白，你屋企出面喺有與眾不同嘅女人。有啲可能同你好夾，有啲可能同你好唔夾。

 

聽清楚：你開場白嘅目的，並唔係希望令到每一個女仔都同你傾計！

 

你開場白嘅目的，係盡快揭露呢條女係咪有足夠嘅質素，可以成為同你長遠相處嘅人！

 

你approach佢，就係想盡快令佢顯示佢嘅真面目真性情；

 

你絕對應該篩選佢哋，並且盡快踢走一啲唔適合你嘅低質素人類！

 

所以如果你接近女仔開口同佢傾偈嘅首要目的，係為咗篩選評估佢，

 

你散發出嚟嘅能量女人係會feel到嘅，佢係會被你吸引。

 

原因就係因為你approach嘅動機唔同咗。

 

你唔係因為驚樣衰所以淆底冇approach，你唔係因為你嘅ego／自我／想威俾人睇你可以溝到所有女所以approach；

 

你approach嘅motivation喺源自一個有自信嘅信念：

 

就係你相信世界出面，係有足夠嘅高質素女人會同你夾得到，

 

依家你只係感覺下，你主動認識嘅人，係咪嗰一個幸運嘅女人，比你揀到。

 

你有呢種心態，你唔覺得係有威力，有自信好多㗎咩？

 

再講，建立你嘅厚面皮係一個做任何嘢成功嘅必要條件。

 

你每一次approach，你都會一開頭遇上三個情況：

 

＃1 女仔被你吸引

＃2 佢reject你唔理你  

＃3 傾咗半個鐘計最後零收穫

 

女仔被你吸引當然係最理想嘅情景啦，

 

但係至於option＃2 #3，你會寧願被佢即時拒絕，定係浪費30分鐘講埋一啲平平無奇嘅野最後零結果呢？

 

我就寧願畀佢狠狠地reject喇，因為被拒reject係能夠賺取返30分鐘嘅寶貴生命。

 

對我嚟講30分鐘係好撚珍貴。

 

30分鐘可以溝另外一條更索嘅女跟住可能帶佢走，

 

30分鐘可以學習一樣將來能夠賺幾百萬嘅課堂，

 

30分鐘可以同一位好耐冇見嘅朋友建立返親密嘅連繫，

 

30分鐘可以好快跑6km做吓帶氧運動促進血液循環，

 

就算我坐喺度乜都唔做，我都可以做30分鐘meditation，練習男人必須要有嘅presence。

 

所以如果條女真係零反應，收細聲，明顯地好悶；

 

你係咁問佢問題，佢又淨係答你兩個字，佢啲friend又喺度望住你笑。

 

咁個問題好可能唔係喺你身上囉，係條女本身係一個悶蛋，你唔會想佢黐住你囉！

 

一個唔識得傾計，唔識得講笑，唔識得幽默，唔識得social，

 

害怕冒險玩一啲新嘅嘢，害怕享受上床嘅女人，你都唔會想要佢喺身邊啦？

 

要明白，有問題／有情緒病嘅女仔喺任何國家都有唔少，

 

你approach嘅首要責任就係做一個selector／選擇者，filter曬呢啲渣宰，隔離曬有心理問題嘅痴線女囉！

 

最後，你應該點樣處理被拒絕呢？

 

你最唔應該做嘅，就係灰曬頹曬好唔開心，夾著尾巴走人。

 

你應該做嘅，就係完全唔care呢啲小事，更加要感激呢條女送番寶貴嘅30分鐘生命畀你。

 

好多男人都怕尷尬，怕俾其他人見到你畀女仔reject，令你喺嗰一個場合嘅價值下降。

 

但係記住，embarrassment is a choice，尷唔尷尬係你嘅選擇。

 

因為喺幾尺距離之外，根本冇人知道你比條女拒絕。

 

睇落去就好似兩個認識嘅人互相傾計，跟住其中一方或者雙方，轉移佢哋嘅注意力去其他東西上面。

 

而防止自己價值下降嘅方法有兩個：

 

＃1 唔好迫條女繼續同你傾計。

 

當佢拒絕你或者有禮貌地同你講『Nice to meet you』，

 

你只需要答返佢『Nice meeting you too』，跟住停留喺你嘅位置，唔使即刻雞咁腳走人。

 

你只需要轉身，將你嘅背脊面對佢，轉移自己嘅attention。

 

保持正面保持放鬆，或者攞佢隔離張櫈坐，但係身體面向其他地方，搵下下一個目標。

 

你咁樣做，其他人根本唔察覺你被reject，你睇落只係兩個人傾完計。

 

＃2 另一個選擇就係唔好停低係咁諗嘢，因為通常你越諗就越負面。

 

你只需要拎向右面／左面，跟住馬上用返頭先你用嘅開場白喺下一個你見到嘅女仔身上面，咁你就唔需要比你嘅負面思維搞到你嘅情緒越嚟越差。

 

只有當你持續不斷地take action，有行為上嘅實質行動，

 

你先至能夠繼續提升自己嘅自信心，繼續修煉自己嘅inner game。

 

要記住，你係會寧願選擇畀50%嘅女仔reject但係另50%對你產生吸引，

 

都唔會選擇100% 同任何人都開到場白，但係條條女對你都係中性，冇咩性趣。

 

唔好再被『尷尬』限制自己想要嘅嘢啦，

 

係時候厚面皮啲，攞番你兩粒蛋蛋，

 

and go for what you REALLY REALLY want！

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

好幾個月前，我拍過一條片叫做『點解港女對你咁撚串？Why Women Act Cold Or Bitchy？』

 

最近收到一位巴打嘅留言，唔太同意我條片嘅睇法，

 

覺得啲女成日bitch face好冇禮貌，做人好低賤，

 

淨係識得係高富帥嘅仔面前拆曬鞋，含曬撚咁。

 

佢認為，尊重人係基本禮貌，

 

就算你心情唔好，都唔應該對一個陌生人咁冇禮貌。

 

所以呢位巴打想請教我有冇咩可以再指導一下，應該用咩心態面對。

 

好好嘅一條問題，

 

我亦都非常之同意， 尊重人係基本禮貌，唔應該對住陌生人西面咁冇禮貌。

 

我亦都同意，間唔中你係會無可避免地遇上一啲『明明好聲好氣同佢傾計，跟住受人氣』嘅人類

 

（男又好，女又好，年紀大嘅阿伯阿婆又好，細路仔又好）， 會覺得唔服氣。

 

 

Well，關於西面，我有以下嘅重點想帶出：

 

＃1 正如我剛剛所講，『西面』唔係女人嘅專利，

 

其實『男女老少多富窮，外死動植飛職攝』（蕭源）全部都係會有機會西你面。

 

你有冇試過好聲好氣問老豆一啲嘢，佢無啦啦好大反應發脾氣吖？

 

你有冇試過用盡一切方法氹細路仔笑同佢玩，佢下一秒無啦啦唔鳩睬你當你冇到吖？

 

你有冇試過好有禮貌地邀請人哋買旗，跟住條友當睇你唔到行開咗吖？

 

冇禮貌嘅人，又何嘗只係一位陌生女子呢？

 

所以首先嘅心態就係，唔好咁快用一個框，框住你自己嘅思維，

 

概括化地覺得『港女=西面=冇基本禮貌

 

=唔識尊重人=冇家教=下流賤格=雞全部都係雞=將來冇人要抵撚死』。

 

 

＃2  『西面』嘅出現好多時都係Context-Based，即係好取決於你同佢初次接觸say hi嘅當時場合環境。

 

 

你估下如果政府安排條女要見習總，佢仲夠唔夠薑西面吖嗱？

 

 

你估下如果佢明知道你係當日搞event嘅大粒搞手，佢夠唔夠膽對你冇禮貌吖嗱？

 

 

又或者係，如果佢見你喺個bar／club裏面不斷同唔同嘅人傾計，好似個個都識，到你走去同佢傾計嘅時候，佢夠唔夠吉士唔撚理你吖嗱？

 

 

所以其實對話嘅Context係好重要，你要留意一下你當時係處於一個咩環境下開口同佢講嘢。

 

 

如果係一個social嘅地方（e.g. 聚會／群體活動／networking event），女仔係甚少會唔識趣地西你面。

 

 

＃3 如果你喺星期五六晚夜媽媽出去蒲識女仔，出現『西面』嘅機會率係會大大增加。

 

原因就係：條女一早假設咗你落場玩都係想溝女，你行得埋去傾偈都係唔單止淨係想『做個朋友』咁簡單，

 

再加上佢化曬妝戰鬥格咁樣，佢好難唔覺得自己係女神喎！

 

 

所以你喺嗰一個地理環境之中，喺嗰一個『只歡迎男人洗無謂錢』嘅場合，

 

你嘅起跑線根本處於一個劣勢，而所有嘢都係支持『女人靚女人索就得』嘅概念，

 

 

就算你有好精湛嘅技能，你都係好難完全扭轉大環境嘅局勢夠喎。

 

 

＃4  『啲女見到高富帥就流晒水』咁又有咩問題？

 

你見到36D 175cm 有樣有身材嘅辣妹咪又係流晒水？

 

你咪又係對一啲冇樣冇身材嘅女冇性趣？

 

你係咪好肯定當一件豬扒向你拋頭露面，不斷同你傾計，展示興趣嘅時候，

 

你係願意好有禮貌充滿微笑地同佢情感交流傾計半個鐘，眼白白睇住其他索女喺你面前走曬先？

 

如果你做得到，我好欣賞你嘅捨生取義。

 

但係如果唔係，說穿了，其實我同你週不時都會瞄人，

 

週不時都會『睇唔起』一啲冇乜價值嘅人，

 

週不時都會唔想同一啲『有禮貌但係感覺太chur太hardsell嘅人』傾計囉！

 

就算有時道德上我哋知道唔應該咁做，但係有時我哋都係控制唔到地做咗先／西佢面先，之後先再懺悔。

 

＃5 最後就係，除咗你選擇係咩環境場合同人傾計，

 

除咗任何人都會有機會西你面，除咗係人都鍾意望一啲外表靚嘅嘢，

 

只要你能夠subcommunicate你係一個高價值高地位嘅男人，女人根本就唔夠膽西你面。

 

你要問自己嘅就係：

 

喺你approach個一刻你嘅body language係透露緊啲咩呢？

 

你當時講嘢嘅聲線有幾響亮有幾清晰肯定呢？

 

你同佢傾計嘅時候有幾多eye contact呢？

 

你行過去嗰一刻嘅時候係用咩方式行過去呢？

 

你見到佢頭十秒嘅西面／木口木面／呆滯面／零反應冷淡面，又會唔會影響你當時嘅情緒，畀佢睇到你站不住腳呢？

 

你係咪永遠有一種預期，覺得『你去approach人，人哋必須微笑有禮貌地正面回應你』先至係啱呢？

 

如果呢種expectation無出現，你又係咪好唔開心覺得好唔公平呢？

 

 

你當日approach，你嘅衫褲鞋襪又係透露咗你咩style呢？

 

 

高地位男人係唔會要求『我做ABC行動，就一定要有XYZ結果出嚟，唔係我唔做！／事情必須根據我嘅計劃』進行先夠膽去做某件事，

 

 

高地位男人係唔會因為『結果未如想像一般發生』，而情緒大受打擊，跟住以受害者心態責怪對方，

 

 

更加重要嘅係，高地位男人係唔會因為一啲雞毛鴨蒜bitch face嘅小事，而阻礙自己邁進更宏大，比女更重要嘅任務理想。

 

 

『每次遇上的港女都是bitch face』只係你呢一刻嘅story，只係你用呢個lens去詮釋任何事情；

 

如果呢一刻你嘅故事『港女西面=佢唔鍾意我』幫唔到你嘅話，

 

點解你唔試下reframe成件事做『港女西面=佢想測試我係咪受得住壓力嘅雄性男人=呢條女對我有興趣』呢？

 

就算你真係同一百個女仔傾偈，一百個女仔都西面，

 

會唔會係時候檢討一下你present緊一個咩image比世界？你approach嘅energy有咩可以改善呢？

 

好喇，去到尾，盡曬力，呢條女都係有病要西你面，

 

又會唔會係時候walk away and leave that shit alone 呢？

 

今集講咗好多重點，

 

你get到嘅話，你前途將會無可限量！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

如果各位巴打有聽過PUA嘅嘢，你都會知道有Opinion Opener／意見開場白呢樣嘢；

 

佢之所以被PUA提倡，係因為佢哋相對簡單容易去用嚟打開金口。

 

坦白講，

 

我個人係唔鍾意+唔需要再用一啲死記硬背嘅Opinion Opener，好假地去同陌生人傾計。

 

因為我係主張你用你活在當下嘅觀察力，去根據現場實質情況講出當時發生嘅嘢。

 

但係如果你真係想用，我以下有幾點想你可以參考一下。

 

＃1 好多用意見開場白嘅男人所犯嘅錯誤，就係呢一種超級有禮貌好沉悶嘅聲調去嘗試打開話題。

 

感覺上就好似你走入百佳，

 

跟住問啲職員『唔好意思呀，請問你哋有冇賣牛油果㗎？』

 

呢種超級有禮貌+沉悶嘅語調，

 

喺會同女仔暗地裏講咗『你唔想打擾佢或者嘥佢時間』，

 

所以你嘅潛台詞係你係一個低價值冇自信嘅人。

 

所以請你留意一下，每次你打開口嘅時候，你所用嘅聲調係營造緊乜嘢氣氛出嚟。

 

＃2 你之所以用雞仔聲，原因係:

 

－你唔習慣同陌生人傾計，諗太多無謂控制唔到嘅結果，導致AA；

 

－同埋，喺你心裏面，你唔相信自己值得同呢位女士傾計。

 

你唔相信自己有足夠價值同佢講嘢或者flirt，所以你最後冇take action。

 

 

＃3 以下就係一啲小貼士去處理呢啲問題。

 

－ 正如我一直教你，你一定要首先喺自己現實生活中，真係建立一種有價值嘅lifestyle；

 

不斷提升你嘅健康，好玩嘅嗜好，人際關係，財富，影響力，知識，人生任務等等。

 

因為如果你單憑一啲操控性嘅技倆去溝女，而唔係真係塑造自己成為一個有吸引力嘅高地位男人，

 

你嘅雕蟲小技係會好快穿崩。

 

當你係不斷提升自己價值，不斷活喺自己極限邊緣，

 

你先會有足夠嘅原因去說服自己you are good enough for women ALL THE TIME。

 

－當你去講Opinion Opener嘅時候，要記住慢慢講，唔好急，冷靜啲。

 

因為你製造停頓空間，就係製造佢嘅好奇感，期待著聽你下一句講咩。

 

你就可以講：

 

『喂喂！我想好快問你一條問題… [停+眼神交流 = 建立緊張感tension]

 

…因為呢條問題都幾重要…』

 

－記住唔好用『由下而上』，卑躬屈膝，approval-seeking嘅聲調，

 

用一種比較低沉嘅Manly Voice（有關聲調你睇返琴日『如何利用不同聲線色誘女人』短片啦！）

 

－當你面前呢個女人係你已經識咗好耐嘅best friend咁樣傾偈，

 

唔使太過客套，咁樣先可以製造自然嘅舒服感覺。

 

＃4 最後就係，我重複講多一次，

 

我係唔主張用Opinion Opener，因為感覺上實在太假太過做戲。

 

我個人最鍾意嘅開場白，

 

就係根據任何場合／任何環境／任何當下嗰一個moment所發生嘅嘢，我觀察留意到嘅現象，我就會講當時我好奇嘅嘢。

 

 

E.g. 喺一個酒會上面，我可能會講：『Hello，我啱啱見到你同阿Mike傾計呀，乜你都識佢㗎？』

 

E.g. 喺一個行山活動裏面，我可能會講：『咦，乜你又係著Columbia㗎？你覺得對鞋抓唔抓地呀？』

 

E.g. 喺Citysuper裡面，我可能會講：『Hi，我啱啱見到你攞咗呢包XYZ牌子嘅意粉，我諗緊買唔買，你有冇試過好唔好食呀？』

 

E.g. 喺書店裏面， 我可能會講：『Hello，我見你喺度睇緊呢本《The Alchemist》嘅書，你覺得好唔好睇呀？』

 

E.g. 甚至係喺酒樓飲茶嘅時候，你都可以講：『Hi，我見你點咗呢籠鵪鶉蛋燒賣，想請教你你覺得好唔好食呢？』

 

最後呢一句開場白，其實係我阿媽身上學嘅，佢係好鍾意有時不經意地問陌生人意見。 LOL

 

連中年嘅女性都冇approach anxiety，

 

連『女人仔』都可以打破冰山利用佢嘅observational skills 開場白，

 

你作為一個雄性男人係咪應該要做得到呢！？

 

所以無論你用唔用opinion opener，無論你點樣開場，

 

只要你打開金口你就已經贏咗，唔好再比咁大壓力自己去幻想無限個可能性啦！

 

希望今集幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

你聽咗MTFU咁耐，你應該知道，

 

你同女人講嘢嘅聲調／Vocal Tonality，係比起實際詞語／Wording更加重要。

 

女人係會絕對根據你所用嘅聲調，對你嘅為人作出一系列嘅假設。

 

佢會留意你同佢傾計嘅時候係咪自然放鬆呢？

 

你係咪一個有威力有power嘅男人呢？

 

你係咪一個接受到有性關係嘅男人呢？

 

以上呢啲問題，全部都可以透過你適當嘅聲調，去透露畀女人聽你係點樣嘅人。

 

問一問你呀：

 

你有冇試過喺街上面停低，仔細聆聽一下你身邊嘅人講嘢嘅時候，係用乜嘢語調呢？

 

如果你有細心留意，

 

你係應該察覺到佢哋講嘢係有特定嘅曲調特定嘅旋律，係有一種tone係度。

 

其實人互相傾計並唔係單純就咁講嘢，佢哋其實係對住對方唱緊歌嘅。

 

每一個音高音低，都係溝通緊不同嘅情感比另一方。

 

如果你真係從來冇留意過，

 

我建議你真係仔細聆聽一下身邊嘅人通常用咩聲調語氣，或者睇下電視電影嘅演員有乜嘢voice tone，

 

因為最好嘅演員係一定會不斷留意，鍛煉自己應該用乜嘢聲線去表達乜嘢嘅情景。

 

Anyway，好簡單講講，

 

你想同女人相處得好，你就要留意以下五種嘅聲調。

 

＃1 好有男子氣概好Man嘅音調

 

呢種就係通常比較低音，比正常大聲少少，有權威性嘅音調。

 

你要保持自己嘅聲音低沉，講嘢係堅決有決心嘅，聽落好似有少少命令人哋嘅；

 

並且喺句子中間有適當嘅停頓，

 

因為你應該知道停頓位，

 

係用嚟製造anticipation，等人地集中去期待你下一句將會講啲乜嘢。

 

所以呢種音調最好用嘅時刻，

 

就係啱啱你開頭接近approach女仔，或者講故事，或者叫女人做某樣嘢嘅時候。

 

 

＃2 比較好玩比較Playful嘅音調

 

呢種聽落係多啲抑揚頓挫，多啲高低起伏，相對冇咁成熟小朋友玩嘢嘅音調。

 

你嘅聲音就係由好低層嘅位置，去到比較高音嘅位置。

 

譬如你喺度扮『鍾景輝講嘢』，

 

又或者扮某啲好搞笑嘅口音，

 

又或者扮女人講嘢嘅時候都係可以用得到。

 

所以每逢你想扮低b，同佢調情，間接地揶揄佢等等都可以用得到。

 

＃3 上台公開演講嘅音調  

 

所謂嘅『Stage Voice』，

 

就係當你係一啲好嘈雜嘅環境或者好大班人聚集social嘅時候，去用力投射你嘅聲調出嚟。

 

雖然你唔會講嘢特登高音咗，

 

但係你今次係會用你把好Man嘅聲，講嘢講得比較大聲。

 

你亦都可以喺某啲特定嘅字眼裏面，強調嗰幾個字，令到人哋get到你嘅重點。

 

所以如果你想練習自己能夠大聲啲講嘢，

 

你就要幻想一下你上台公開演講，但係冇咪畀你用，你嘅音量就要絕對可以大聲到最後嗰排觀眾都聽到你講嘢。

 

係需要一段時間練習嘅，

 

如果你真係覺得好困難，你可以去想一啲話劇或者做戲嘅訓練班，佢地係可以教到你點樣用一把上到枱講嘢嘅聲音。

 

對你第時喺好嘈嘅club，

 

或者一大班人去玩，

 

或者同人對質嘅時候想更加保持自己嘅frame，擁有一把咁樣嘅聲音係有絕對嘅優勢。

 

 

#4 比較柔弱比較女人溫柔嘅音調  

 

有時候你係想用溫柔啲嘅聲音去達到某啲結果嘅。

 

例如同小朋友講故事，

 

一對一同女仔嘅特定時候想令女仔舒服啲安心啲，

 

想稱讚女士嘅時候，

 

又或者打開心透露自己少少軟弱嘅時刻，能夠適當運用溫柔嘅聲音係可以令到你嘅性格更加全面。

 

＃5 上床sexy嘅聲調

 

你要用一把性感『鄭子誠』誘惑嘅音調，你先至能夠更有效令到女人進入一個想上床曳曳嘅狀態。

 

呢種聲音係能夠更舒服地安撫佢嘅情緒，顯示你哋之間係有一種sexual energy嘅交流。

 

你只需要喺佢耳仔邊靜靜雞竊竊私語，講嘢嘅時候比較慢，比較細聲；

 

你想增加強烈感嘅時候，就可以突然講嘢講得比較快，加返一啲緊張感；

 

但係你想緩和氣氛嘅時候，又可以慢返落嚟。

 

時快時慢，

 

一時大聲一時細聲，

 

好似波浪咁樣，

 

一下一下咁樣，

 

穿穿插插，

 

進進出出。

 

講一啲好性感嘅嘢，

 

講一啲好肉麻嘅嘢，

 

講一啲好dirty嘅嘢，

 

講一啲令佢感到安全嘅嘢，

 

令佢意識到今晚係你話事，而家係你主場。

 

所以呢種音調係識用於一對一嘅情況，

 

當你同佢一齊肉體升溫嘅時候， 測試下佢對你嘅sexual communication有咩反應。

 

只要你精通以上五種嘅音調，你就能夠有一把全面嘅聲音，

 

去展露自己獨特嘅性格，令女人感受到全面獨特嘅你。

 

希望今集幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日想同各位巴打好快分享一啲好得意嘅嘢，

 

就係你以前有冇聽過『活化能／Activation Energy』呢樣嘢呢？

 

如果你以前中學有讀過chem或者bio，你係應該有聽過Activation Energy嘅。

 

字典嘅解釋就係：

 

活化能=讓化學反應發生所需的最低能量。

 

簡單嚟講，亦都即係話，

 

一種化學物質需要特定至少嘅Activation Energy，先至能夠之後得到某啲特定嘅化學反應／結果。

 

畀一個好悶嘅例子你：

 

清水係需要達到至少攝氏100度／華氏212度，先至能夠開始水滾嘅。

 

攝氏45度絕對唔能夠令佢沸騰，90度都唔得，就算係99度都唔得；

 

100度以下係會搞到啲水好興烚烚，但係一定要到咗100度先至能夠水滾。

 

換句話講，

 

你想啲水滾，就一定要畀足夠嘅能量（即係100度火），

 

畀佢達到自己嘅活化能／Activation Energy，你先至能夠得出特定嘅化學反應（i.e. 水滾效果）

 

火亦都係跟從同樣嘅道理。

 

如果你想轉木取火，你一定要令到佢哋達到攝氏232.7度／華氏451度，

 

200度唔得，230度唔得，232.0度都唔得！

 

一定要係攝氏232.7度，你先至能夠成功達到鑽木取火嘅化學反應。

 

活化能／Activation Energy咁神奇嘅話，又同我哋有咩關係呢？

 

關係就係：

 

你呢一刻究竟係咪『兩頭唔到岸，又唔係冇用力去做嘢，但係又唔係好有效率』去做某件事呢？

 

定係『已經撻著咗自己，超過自己嘅活化能，on fire開曬turbo爆緊上去』呢？

 

 

因為如果你唔能夠啟動自己，go all in，

 

100%盡力俾盡油，絕對commit落自己嘅任何工作上面，

 

你係絕對唔能夠達到所需嘅Activation Energy，去達到你自己真正嘅英雄潛能。

 

除咗科學話畀你知你想成功就需要盡全力之外，

 

其實西方哲學家Socrates／蘇格拉底過千年前已經講過類似相同嘅道理。

 

佢同佢啲學生講：

 

人面對自己生命嘅intensity強烈度，係要好似當自己塊面喺水底掙扎緊需要氧氣時候嗰種嘅強烈程度。

 

東方嘅神話都用過類似嘅比喻，佢同我哋講：

 

如果你想得到一種被喚醒嘅生活方式，

 

你面對自己生命，就要好似當一個男人嘅頭髮著曬火，需要搵水塘星期一，下火咁緊急。

 

最後我想講嘅就係：

 

我哋好多時起身之所以好似冇咗琴日嘅動力，

 

係因為我哋瞓醒嘅時候處於一種休息嘅狀態，我哋當時嘅turbo仲未超過自己嘅活化能。

 

正如牛頓第一定律所講，『動者常動，靜者常靜』，

 

我哋唔係即時有意欲去做嘢，物理上都係好正常。

 

但係你想去征服自己懶惰嘅心態，或者跨越自己嘅『慣性／inertia』，

 

你一開頭就一定要有意識地畀多啲力，去超越自己嘅Activation Energy先 ，

 

你之後先會覺得有狀態，

 

先至會覺得有動力，

 

先至會覺得進行嘅行為動作變得容易。

 

呢樣嘢每一日你都係冇得逃避，

 

你都係需要面對，

 

你都係必須克服。

 

所以你想每日征服自己道路嘅話，

 

就請你每日記得今日所教嘅concepts，

 

記得所有嘢都係先難後易，記得成功係必須keep fvcking going。

 

 

希望今集能夠幫到你，去征服嚟緊呢個星期，

 

下一集再講！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第20集，

 

今集叫做 Don’t Analyze Your Woman，唔好再分析女人。

 

作者意思係：

 

女人嘅心情／情感／意見就好似天氣一樣咁變幻莫測，

 

一時一樣，三心兩意，絕對冇一個特定嘅根源。

 

亦都係因為咁，你係絕對冇可能有效分析佢嘅行為舉動，

 

絕對冇一種A+B=C嘅直線因果關係去解釋某啲『問題』。

 

根本就冇問題，

 

你遇到嘅只係無可避免嘅風浪，過眼雲煙嘅暴風雨，不能預測嘅天氣突變。

 

 

好多時有冇呢啲風暴，係取決於女人感受到愛嘅高低程度。

 

 

如果女人深深地感受到愛嘅流動，無論背後原因喺咩，佢嘅心情係頓時變得充滿喜悅。

 

身為男人，

 

你好可能經常想搵到問題嘅癥結，任何事情出現嘅原因，將所有陋習連根拔起，好讓自己以後唔再需要面對同樣嘅問題。

 

所以每當你見到女人好似有情感嘅問題，你就會好想知道背後原因。

 

你會想知道有咩搞到佢唔開心，

 

你假設咗導致佢唔開心係一定有特定嘅因素，

 

你想知道有咩事件觸發佢發癲，咁樣你就可以之後有效處理個情況。

 

 

因為你愛佢，所以你開始係咁問佢問題，嘗試找出問題根源。

 

你就開始問佢：

 

『究竟發生咩事呀？我係咪做錯嘢令你唔開心呀？點解你喺度喊呀？

 

你係咪就嚟M到呀？係咪有人蝦你呀？Blah blah blah。』

 

你錯誤嘅地方，

 

就係誤以為當你能夠找出影響佢情緒嘅根源，你就能夠搵到治療佢嘅方法。

 

But it doesn’t work that way！

 

女人唔係咁樣運作㗎，

 

女人出現嘅情緒問題，九成時候都係因為佢感覺唔到愛嘅流動。

 

所以唔好好似醫生咁樣係咁診斷佢有咩病，或者好似心理治療師係咁問佢問題；

 

Instead，你需要馬上畀更多愛佢。

 

行去佢身邊，深刻地望住佢雙眼，

 

拖住佢攬住佢，肯定地話畀佢知你有幾愛佢，

 

互相對望微笑，喺佢耳仔邊輕輕哼著佢最鍾意嘅歌，捉住佢慢慢跳舞，

 

咁樣好大機會佢所有嘅情緒問題都會馬上消失。

 

雖然佢現實可能真係有事情需要處理，

 

但係當你能夠首先讓佢感受到你對佢嘅愛，佢所有情感方面嘅問題都會被轉化成為愛。

 

所以唔好再嘗試fix你嘅女人啦，下次你見到佢唔開心發脾氣嘅時候：

 

試下假設佢係感受唔到你嘅愛先，

 

假設佢係一朵需要灌水滋潤嘅小花，

 

假設佢喺渴求得到你嘅注意，得到你深刻強烈持續嘅愛。

 

跟住用愛嘅方式望著佢雙眼，

 

用愛嘅觸碰去用手掂佢身體唔同嘅部位，

 

用愛嘅聲音同佢傾計唱歌，

 

你就能夠融化任何影響佢情緒嘅問題。

 

只有當愛嘅連繫出現，你先至有機會之後發掘背後真正嘅問題！

 

希望今集幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第19集，

 

今集叫做 Tolerating Her Leads to Resenting Her，

 

如果你成日縱容女人，係會導致你將來痛恨女人。

 

作者意思係：

 

如果一個男人因為太過軟弱，太過驚，太過無技巧去以愛嘅方式，穿透女人嘅情緒同埋佢嘅測試，

 

個男人最終係會因為女人嘅變幻莫測而充滿怨恨。

 

可能個男人會希望佢嘅女人容易啲處理，

 

但係女人嘅冇禮貌或者投訴，其實都唔可以完全怪曬女人；

 

好多時佢惡劣嘅情緒都係因為佢感受唔到，被佢嘅男人用愛去penetrate去穿透佢。

 

每當一個男人變得順從，變得被動後退，放peer任由女人自我毀滅自己嘅情緒，

 

其實係顯示男人嘅軟弱。

 

男人嘅態度就會變咗『逃避女人逃避世界』，而唔係用佢最大嘅能力／技巧／持之而行去以愛為女人為世界服務。

 

如果男人真係盡咗一切能力，個女人都係唔願意打開接受佢嘅愛，

 

咁樣男人先至可以考慮決定結束佢哋嘅關係，完全冇怨恨或者憤怒地結束，

 

因為佢問心無愧，自問佢已經盡咗力。

 

人之所以需要『Intimacy／親密』，

 

目的就係去侍奉雙方，令雙方一齊成長一齊感受愛，從而希望對方搵到更好嘅方法去侍奉自己。

 

如果唔係因為想得到成長同愛，咁樣倒不如自己一個人單獨生活啦！

 

Intimacy／親密，就係希望能夠透過mutual giving，透過彼此不求回報嘅奉獻，去令雙方成長得更快。

 

而作為男人，可以畀女人最大嘅禮物，

 

就係『當女人心處於封閉狀態嘅時候，你仍然能夠用方法打開佢個心嘅能力。』

 

你當然可以任由佢自己係『發癲嘅時候』喺黑暗之中自我毀滅啦，

 

但係你雄性嘅力量就係可以以愛嘅方式penetrate／穿透佢嘅黑暗，協助佢離開一個自己離開唔到嘅地方。

 

但係如果你好似大部分男人咁樣，你好可能覺得女人變幻嘅情緒係你嘅負擔。

 

你覺得佢哋好撚煩，你希望佢可以獨立啲冷靜啲，你希望佢可以自己照顧自己唔洗你粗心。

 

你唔明白佢有咩情緒病，你唔明點解佢成日可以一秒開心一秒唔開心，變臉變得咁快。

 

久而久之，你開始被女人嘅情緒搞到自己好攰，好憔悴，

 

最後就選擇咗『Diu，是撚但啦，唔撚理啦』嘅態度，

 

一路縱容佢嘅心情，一路內心建立一種惡性嘅怨恨。

 

你要明白Feminine Women／雌性女人有兩種特質：

 

佢一係可以放鬆浸淫自己係一種充滿愛嘅環境裏面（亦都係一種好容易相處好吸引嘅狀態），

 

但係佢同時亦都可以完全情感上封鎖自己，去測試你能唔能夠打開佢嘅心（亦都係你好頭痛嘅時刻）。

 

呢種高低起伏又開又閂嘅雌性特質喺一個循環，喺一個永遠都唔會完結嘅cycle。

 

所以 instead of 任由女人封閉自己投訴發癲，

 

你係應該用你有技巧嘅愛，去帶領佢打開正面嘅心情，咁樣你哋兩個都會馬上成長。

 

女人嘅心情並唔係一種咀咒，

 

而係對男人嘅一種challenge，一種挑戰，一種充滿戲劇性嘅娛樂。

 

 

可以點樣有創意地去協助佢打開自己呢？

 

你可以去zik佢搞到佢全身好痕係咁笑。

 

你可以除衫喺度跳白痴舞。

 

你可以唱首歌劇畀佢聽。

 

你可以喺度扮動物鳩叫。

 

你可以好大聲地嚇一嚇佢『Hey！』，跟住充滿激情地錫番佢，

 

將你嘅腹部接近佢嘅身體，直至佢融化為止，跟住你可以抱起佢轉佢幾個圈。

 

 

同佢傾偈當然可以幫到手，但係幽默感同埋用身體表達嘅愛意係永遠比較有效。

 

 

但係如果你真係用盡一切有創意幽默嘅方法，去愛佢去引導佢正面嘅情緒，最後都係徒勞無功，佢唔願意打開自己心，

 

你都唔需要太自責。

 

你已經盡咗力，可能只代表呢個女仔唔願意接受你嘅禮物，你可能揀錯女仔。

 

總之你要記住：

 

如果你嘅女人本性係有一種雌性特質，

 

佢係會成日無啦啦無原因地『情緒收埋自己』，你係絕對唔能夠停止避免呢種自然現象。

 

唔好縱容佢嘅情緒，唔好好理性地同佢講道理。

 

你係應該『參與』佢嘅情緒，

 

用你嘅身體旭動佢嘅身體，

 

用你嘅幽默打開佢嘅心，

 

用你無畏無懼嘅勇氣同存在感去penetrate／去穿透佢嘅封閉。

 

女人當然可以自己『自救』啦，

 

但係如果女人自己可以唔需要你嘅時候成長得更加快，咁佢都唔應該同你一齊喇！

 

希望今集幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

各位巴打應該記得，我最近所講關於neediness／依賴性嘅片呀呵？

 

所以聽緊嘅你，

 

我預期你expect你喺應該知道當你『需要女人喺身邊去令你圓滿』嘅時候，

 

你喺絕對唔會吸引到有質素嘅女人進入嚟嘅生命。

 

 

問題係，點樣可以防止自己走去極端嘅另一面，最後太過被動咩都唔做呢？

 

Neediness係代表『你想從某人身上得到某啲嘢』，

 

但係如果你對個女仔冇性趣，你唔想認識佢，你唔想色誘佢，點解你又要一早approach接近佢呢？

 

 

點解你又要qualify佢？

 

 

非常好有質素嘅問題，絕對係當各位巴打去到中級，想升呢到高級嘅時候會問嘅問題，

 

亦都係我曾經問過自己嘅一啲問題。

 

所以你留心啲聽我以下所分享嘅嘢：

 

作者Stephen Covey（史蒂芬‧柯維）寫咗一本非常出名嘅書叫做

 

《The Seven Habits of Highly Effective People》／《與成功有約／高效人士的七個習慣》。

 

佢喺書裏面講過話人嘅『生活模式／有效率程度／成熟程度／屈機程度』係有三個levels嘅，

 

佢哋分別係Dependence，Indepedence，Interdependence。

 

最低第一個level就係叫做being dependent，

 

即係依賴人哋，亦都係我講咗十萬次唔可以有嘅neediness。

 

例如我哋講溝女，

 

如果你係以呢種最低／最無價值／最needy嘅心態去搵女朋友，

 

咁樣就會意味著你係想利用人哋女仔去令你快樂，去令你搵到人生方向，去畀一種生命意義你。

 

意思就係 you are dependent on THEM；

 

你需要『人哋』嘅認同認可， 自己先可以感覺到快樂或者有價值。

 

Fvck that，你知道咁樣做係唔啱嘅，

 

你知道being needy係會嚇走曬所有有質素嘅人，呢種就係最低level嘅人嘅可悲現實。

 

第二個level就係當你由dependence去到independence，由依賴人哋去到獨立地靠自己。

 

呢種係好好嘅心態，

 

因為你唔再需要外界任何人令到你開心，令到你有動力，令到你自我感覺良好，令到你每日活得有意思。

 

你自給自足，you don’t need ANYONE，

 

係一個非常有威力嘅狀態，亦都係開始開竅嘅巴打們最經常逗留嘅位置。

 

所以你每次同女仔傾計嘅時候，你嘅intention／意向並唔係為咗『成功色誘佢哋同你上床』，

 

而係『喺度自high自娛，just to have fun』，

 

完全冇必須逼嘅特定結果／outcome出嚟，只要你當下覺得好玩，

 

最終條女會唔會同你上床都係之後其次順其自然嘅事。

 

你嘅結果／你嘅意向／你嘅目標就係享受當中嘅過程，享受當下嘅interaction，

 

享受鍾意講啲乜就講啲乜，享受鍾意做乜就做乜，

 

享受睇住自己有幾聰明識得轉彎經常搵到好正嘅位揶揄女仔。

 

所以呢個位置係好好嘅，你係練習緊點樣唔依賴地活在當下，

 

你係練習緊F+C嘅基本功，你係練習緊giving value freely，你係練習緊一個高價值男人係有乜嘢嘅行為特質。

 

但係如果你想去到第三個最高層次，你就要知道第三個level係叫做Interdependence／互相幫助。

 

意思就係當你能夠掌握第二個level嘅所有技巧：

 

－你識得點樣利用你嘅魅力，你嘅teasing skills，你嘅attraction skills，

 

你嘅F+C，你嘅眼神交流，你有策略性嘅講嘢停頓位，

 

你製造嘅sexual tension性緊張感，你揀女人嘅standards同boundaries，你點樣篩選女人／朋友，你嘅高地位潛意識溝通等等－

 

當你掌握晒呢啲技巧，當你能夠自由發揮去用呢啲工具，

 

你去到第三個Level嘅時候，

 

就係即使你唔依賴地需要佢哋任何嘢，你仍然知道自己係想要某啲嘢，並且會付諸行動盡力令事情發生。

 

因為喺現今嘅社會同地理環境，可能除咗深山野人打獵為生嘅人之外，

 

冇人可以真係100%唔理會其他人，唔同人哋合作一齊創造結果。

 

你仍然想塑造最好嘅環境去支持你嘅使命，

 

你仍然係想要有質素比你更加叻嘅人圍繞喺自己身邊令你進步，

 

你仍然想要美貌與智慧，有正確價值觀嘅高質素女人喺你身邊，  

 

You want them，but you don’t NEED them。

 

你想要佢哋，但係你絕對唔需要佢哋，所以最終得唔能得到結果唔係最重要。

 

咁所以溝女嘅時候，當你F+C佢，當你有魅力地同佢玩，當你暗地裏篩選佢，

 

當你發現原來佢meet到你嘅standards，原來佢真係一個有質素可以考慮長遠投資嘅女人嘅時候，

 

你當然會想要呢個人喺身邊，你當然會想再次見到佢，你當然會想認識佢更加深入啦！

 

所以你係絕對會 take action and make it happen，付諸行動令事情發生，

 

但係絕對唔係 I NEED this to happen／我需要呢件事一定發生囉！

 

呢一種就係最高地位最高價值嘅男人應該有嘅mindset／心態：

 

你想要某件事發生，但係你絕對唔需要嗰件事發生。

 

Want同Need係有好大分別㗎，唔該你唔好再混淆兩者喇，

 

希望今集幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

如果你有聽開MTFU呢，

 

你應該聽到我成日講話，溝女要有push有pull，

 

係開頭嘅階段，要表達到『你好似對佢有興趣，但係又好似對佢冇興趣』，令到女仔心神恍惚成日諗住你。

 

問題係，

 

點樣先知道自己會唔會push得太遠／或者pull得太勁嘅？

 

點知幾時應該講笑好玩地去reject佢challenge佢唔睬佢，幾時應該認真少少了解佢？

 

好好嘅一條問題。

 

如果你有類似嘅疑問，我感覺你呢一刻係溝女上面嘅Level ２。

 

唔知你仲記唔記得我講過，溝女基本上有三個levels。

 

第一個Level１嘅男人基本上佔全世界九成嘅男人：

 

佢地會係咁追女人，

 

佢地係過份nice嘅小男人，

 

佢地係比女人踩上心口都唔識出聲嘅鵪鶉，

 

佢地睇AV多個真正搞嘢；

 

基本上呢九成嘅男人同MTFU大欖都扯唔上任何關係，

 

絕對冇問題嘅，係佢哋嘅決定去繼續做一個beta pussy male。

 

第二個Level ２嘅男人就係，

 

當你發現咗MTFU原來可以幫你得到你想要嘅女人，原來溝女係有咁多智慧同學問，原來吸引女人係可以咁容易。

 

通常搵到我哋MTFU嘅巴打會發生咩事呢？

 

佢哋當然好興奮喇，因為過去十幾／20／30/40年佢哋對女人係完全冇頭緒，每次都係得到一啲負面嘅反應；

 

但係當佢哋開始專注學習，

 

當佢哋開始投資喺自己身上，

 

當佢哋開始試下運用我教嘅『吸女大法』，我教嘅teasing，我教嘅F+C公式，我教嘅高地位行為特質，

 

你就會開始得到女仔正面嘅回應，

 

你發現女仔想黐住你，

 

你發現女仔開始調返轉追你，

 

女仔開始同你調情同你玩，所以你都好開心享受呢一啲時刻。

 

但係你要好小心嘅係，正正係呢啲時刻非常之爽皮，你有可能對呢啲『正面嘅反應』上咗癮。

 

有呢種情況出現，就係證明你已經達到Level 2；

 

上咗癮唔緊要嘅，亦都好正常，因為由冇女鍾意到有女鍾意係好爽皮嘅事，係男人都會上癮。

 

但係達到Level 2只係遊戲嘅開始，你未必經常次次都可以扑到嘢，

 

但係至少你唔需要擔心身邊冇女人，因為你係the source of good emotions，

 

女仔好鍾意同你hang out 玩，所以對你嚟講呢種感受都係唔錯。

 

所以你就好可能好似成日攞住鎚仔，利用你嘅attraction skills，見到女就扑落去，

 

不斷係咁F+C佢，push完又pull，pull完又push，溝完一個又一個，

 

boom boom boom，係咁扑，好撚好玩，所以你上咗癮，停留咗喺Level 2好一段時間。

 

你準備好再次升呢去到Level 3未呢？

 

準備好嘅話，你就要明白：

 

第三個Level 3 嘅男人就係你明白你嘅attraction skills係非常有威力嘅工具，亦都係九成男人都唔識用嘅工具，

 

但係你明白到唔係每一條女都係一粒釘，你唔一定每次見到女就扑落去。

 

你知道咩情況應該spark attraction，咩情況應該用其他工具去達到你想要嘅結果。

 

所以如果呢一刻你係喺Level 2，已經持續地不斷吸引到女人埋身，已經停留咗一段長時間，

 

而家就係一個機會畀你去進階升呢去Level 3。

 

而家就係一個機會畀你開始食好多唔同種類嘅菜，食最高質8／9／10分嘅高質女。

 

當然你可以揀淨係好似好型地『同好多靚女傾計』啦，但係我問下你：

 

當你臨終嘅時候，當你最後一次望落下低同細佬傾計嘅時候，

 

你會想好自豪地同佢講『Bro，我哋呢半個世紀總算並肩作戰，征服過唔少有質素嘅妹妹』，

 

定係『Bro，我對你唔住，咁多年嚟要你忍辱負重，kun完一件肥妹又一件肥妹』？

 

你自己選擇，我唔迫你，每個人嘅口味都唔同。

 

但係如果你想同我哋最Top嘅MTFU巴打一樣，淨係想食最有質素最多汁最令你回味無窮嘅一品鮑，

 

你就必須升呢去到Level 3。

 

做嘅方法就係除咗『適當嘅時候用適當嘅工具』，就係留意自己幾時push得太遠／pull得太勁。

 

你push得太遠嘅徵兆就係：

 

當你有太多teasing，太多講笑，太多breaking rapport，太多challenge，太過串嘴，令到女仔覺得有少少被你冒犯，覺得你太過仆街，你得到一啲負面嘅反應。

 

相反，你pull得太勁嘅徵兆就係：

 

當你展露太多『我對你有好感』嘅行為，當你鍾意佢嘅行為開始太過明顯，太過needy，太過過火變態，你花過多嘅時間精力『去得到某一條女』等等。

 

（而家嘅你應該唔會pull得太勁，因為通常pull得太勁係屬於Level 1男人『追女仔』經常做嘅垃圾嘢，

 

我相信只要你keep住聽住MTFU，你就唔會再次跌返落去嗰一個無底深潭。）

 

重點就係：

 

Level 3嘅男人係意識到自己已經打好attraction嘅基礎，已經唔需要係push條女，

 

係時候建立番多少少嘅emotional connection，個女仔需要多少少嘅正面嘅鼓勵，正面嘅連繫。

 

 

所以對於Level 2 巴打嚟講，『開始建立返多啲情感連繫』喺對你呢一刻嘅挑戰。

 

 

你需要開始真實地了解面前呢個女仔係一個點樣嘅人，

 

你先有更大嘅機會同佢有真實嘅抽插動作發生。

 

今集就係咁多！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

上個禮拜我就同咗各位巴打講解咗，點解你永遠唔應該追女仔啦；

 

今日我又想講下另一個非常普遍嘅問題，

 

如果你唔識得點樣去處理，你係絕對會『即時死亡』嘅。

 

就係呢幾個月另一樣我成日聽到好火滾嘅問題，

 

就係有啲小朋友問我：『阿Man，我應該點樣同女仔表白？』

 

又或者係：『阿Man，我係想請教用咩方法去表白or確認雙方關係會最大成數？

 

我係諗緊應該約多佢幾時出街習慣2人模式先，還是用文字去帶出我對佢既好感繼而表示，然後先正式2人行？』

 

又或者係：

 

『阿Man，我上個月希望測試水溫，所以我snapchat她：「其實同你傾計幾舒服，如果你不是在外國，我猜我就追你了。」』

 

又或者係：

 

『阿Man，我同一個女仔既關係好好，誇張黎講仲親密過自己屋企人，其實起初我當佢系阿妹咁錫，但系後黎我發現自己鐘意左佢，

 

我怕表白左會破壞彼此既關係，加上我唔知佢對我既感覺系點，所以好迷惘。』

 

又或者係：

 

『阿Man，話說我就同個女仔相處左都幾耐，幾日前我就同佢表左白，當時佢話遲d答我，之後兩日之後我再問多佢一次，佢就應成了。

 

果日就去第一次約會行街，可能係我太緊張，所以有少少尷尬，導致我有時好沉默少講嘢，果日我feel到個女仔覺得有d辛苦，到底有咩可以解決成日緊張諗唔到，講唔出野？』

 

又或者係：

 

『是咁的，個女仔上網識左3-4個月 一開始都傾得幾火熱，都有少少曖昧 ，之後WTS開始淡左佢開始hea覆。

 

約過兩次出街，情況都唔錯 ，我地兩個都係DSE生。係咪我太遲冇表白感情先變淡? 依加佢好HEA覆，冇之前咁熱情我應該點做好？』

 

我明明已經叫咗佢唔好表白，

 

呢條友之後扮聽唔到，繼續同我講：『可能我太遲，個時候冇向佢表白。個女仔好怕羞好純，咁我應該點做？』

 

Fvck that shit！

 

仲有無數個典型失敗例子未能夠一次過盡錄。

 

所以當我今日拍完呢一集之後，

 

如果我又再次聽到有任何人問我關於表白嘅嘢，

 

我只會send返啲短片畀你自己睇，你終於明白咗之後我先會答返你問題。

 

以下就係點解當你作為男人所謂『表白 ／表達愛意／公開自己對女仔嘅內心感受』，係會殲滅女仔原本對你有嘅吸引力。

 

＃１ 我從來都冇建議過任何巴打去用言語表達你對某個女仔嘅感受，所以我唔知道你聽邊個講話要『表白先至能夠得到個女仔』。

 

你係咪睇電影學返嚟㗎？

 

Diu ９啲電影啦！

 

幾乎所有電影嘅愛情橋段都係垃圾，喺現實中係唔撚work嘅，

 

你見到荷里活所有『男主角最終取得美人歸』嘅過程，

 

所有迪士尼『王子與公主最終永遠幸福快樂地生活落去』嘅故事，全部都係呃細路架咋！

 

Fvck that shit！

 

你永遠都唔會用言語／verbal language去同女仔講你自己感受，

 

呢啲『小學三年班靜靜雞叫個女仔小息去操場同你傾偈跟住你去表白』，呢啲小學雞嘅嘢唔該你唔好再做，

 

let that shit go。

 

 

＃２ 正確嘅方式同女仔講你對佢有興趣有性趣，唔撚係用言語，而係用你嘅sub-communications，你非語言嘅潛台詞。

 

例如你望住佢嘅方式，可能比正常望多佢一兩秒。

 

或者你對住佢嘅身體語言。

 

或者你對佢嘅身體觸碰，比正常朋友係多少少。

 

 

又或者好基本push-pull嘅調情，你哋之間playfully challenging嘅氣氛。

 

當你同佢係不斷flirt黎flirt去，女人係會get到你對佢有興趣，

 

因為女人潛意識係知道當男人同佢flirt，個男人係應該對佢有性趣。

 

你唔撚會係擘大口用言語同佢正式表達你對佢嘅傾慕囉！

 

女人係鍾意有少少嘅神秘感，女人係鍾意有少少估你唔到嘅；

 

如果你無啦啦開口表白，直接同佢講你好撚鍾意同佢一齊，

 

你估下你所有嘅unpredictability，你所有嘅mystery，會發生啲乜撚嘢事呀喇？

 

白痴嘅都知道你揭開咗底牌喇！

 

佢又仲點會嘥時間去每日好奇諗住你，諗住『究竟你係咪鍾意佢』呢！？

 

所以，如果你真係想表達你對佢有性趣：

 

你只需要保持好玩保持挑戰佢嘅氣氛，

 

你只需要不斷『行前兩步退後一步』利用身體觸碰升溫，

 

你只需要同佢傾正常計嘅時候，『不經意』幻想同佢上床嘅畫面，跟住用穿透性嘅眼神望住佢+嘴角微微翹起奸笑，

 

咁樣女仔絕對會get到你暗示緊你鍾意佢。

 

你肯根據以上指示嘅話，

 

你就要有心理準備將會有一群又一群嘅女仔爭住坐喺你大髀上面，

 

係咁打圈又打圈，磨完又磨，

 

到時唔該你練好啲持久力啦！

 

今集就係咁多！