標籤: Attract Women

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日想好快教你一條方程式，點樣去將你嘅夢想變為現實，

 

咁因為你聽得我哋MTFU，我相信你都係一個鍾意令自己進步嘅人，所以我以下落嚟分享畀你嘅嘢，你應該都會鍾意。

 

咁喺美國紐約大學嘅一位心理學教授Gabriele Oettingen，佢係專門研究，究竟有冇科學根據可以令到我哋學識『夢想成真』嘅science呢？

 

咁佢就開2014年嘅時候，寫咗一本書叫做《Rethinking Positive Thinking》，

 

同我哋講話淨係做visualization，淨係用vision-board去幻想自己嘅理想生活係唔足夠嘅。

 

雖然你嘅願景你嘅vision係好重要，但係我哋都要同現實接軌，所以佢就發明咗一條叫做WOOP嘅方程式去令我哋夢想成真。

 

簡單嚟講，

 

W就係Wish，

 

O就係Outcome（或者你嘅背後原因／Why），

 

另一個O就係Obstacles，最

 

後P就係Plan。

 

首先第一步就係 Wish。

 

你要問自己你究竟想要啲乜嘢呢？

 

如果你有一支神奇魔法棒，你會想變啲乜嘢結果出嚟呢？

 

如果你可以完成得到任何嘢，你會想要啲乜嘢願望呢？

 

第二步就係當你嘅願望成真嘅時候，你嘅現實Outcome會變成點，亦都係你會得到乜嘢好處。

 

你夢想成真會有乜嘢見到呢？

 

你對自己嘅生活有乜嘢感覺呢？

 

每日起身見到自己想見嘅嘢，做一啲自己想做嘅嘢，同一啲自己想同嘅人一齊，會有乜嘢feel呢？

 

第三步就係好重要嘅Obstacles，你一定要知道喺呢一個『夢想成真』嘅過程，你會遇上乜嘢嘅困難呢？

 

要喺人生任何一方面成功，無論你嘅健康／事業／學業／感情／身家／朋友／人生意義等等，你都必須承認你一定會受到不同程度困難嘅挑戰。

 

接受咗呢種現實之後，就嚟到我哋第四部嘅Plan，亦都係一啲叫做Implementation Intentions／『執行意向』嘅東西。

 

你係需要首先去預期你會受到乜嘢嘅挑戰，會遇到大約咩形式嘅困難，然後你要首先Plan好『當X發生嘅時候，我就會做Y。』

 

例如，當我感覺自己好懶唔想去做gym嘅時候，我就會首先換衫著鞋跟住踏出門口一步。

 

 

或者，當我感覺到自己想去approach個女仔但係個心無啦啦僕僕跳，我就知道我唔係緊張，我只係好興奮去好奇睇下呢個女仔適唔適合我。

 

 

或者，當我唔識得點樣再進一步grow我嘅business，我就知道係時候要搵我嘅mentor，諮詢下佢嘅意見等等。

 

 

所以你又有乜嘢Plan去處理嚟緊嘅Obstacles，令到自己可以得到將來有好處嘅Outcomes，從而將你嘅Wish實現出嚟？

 

記住呢個字：WOOP，Wish Outcome Obstacle Plan，

 

佢就係令你夢想成真嘅方程式。

 

 

用完之後，你就根據你嘅計劃去take action將夢想變為現實！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

又有一封好正嘅巴打email我需要同你分享，一位叫做CY嘅巴打同我講：

 

『 多謝啊Man係Youtube share咁多溝女經驗，我聽完都覺得好有說服力同學到好多。

 

Manthefvckup裡邊完全聽得出啊man係個有樣子有學歷又有轉數既才子，所以好多好有型好charm既招數你使用出黎簡直有型又霸氣。

 

[自high mode :D]

 

但小弟向來轉數不快，所以想請教一下：

 

有無方法係男仔唔識幽默，轉數唔快，同女仔既話題不多既情況下，可以稍微吸引到女孩子或者追求到理想既對象？

 

睇過啊Man既Youtube channel發覺啊Man對溝女超級超級有經驗，小弟十分敬佩！

 

希望Manthefvckup繼續落去，比我地學到更多！thx』

 

[Humble mode :D]

 

多謝你嘅讚賞同奉承，I love that haha

 

有幾點你需要注意：

 

＃1 幽默／轉數快／being charming呢啲特質可以係話訓練出嚟。

 

（我以前不嬲都畀個physics／maths補習老師話我轉數遲鈍 lol）

 

所以都唔係一朝一夕嘅事，你要keep住留意一啲高地位男人既舉動，跟住嘗試練習模仿model佢哋嘅行為表現，慢慢你都可以喺呢一方面有所進步。

 

建議你去參考一下Ironman嘅Robert Downey Jr.，

 

又或者美劇《Suits》裏面嘅Harvey Spector，佢哋兩個嘅personality traits絕對係溝女無數嘅典範。

 

＃2 其實我平時都係比較靜比較introverted比較內向，講嘢唔係特別快特別搞笑嘅人。

 

如果呢種都係你嘅性格特質，咁你只需要focus多啲係你嘅高地位subcommuications。

 

譬如同女仔講嘢嘅時候要搵少少嘢disagree（當然係平靜嘅語氣）；

 

平時你講嘢嘅時候穿透性嘅眼神佢望住佢80-90%，到佢講嘢嘅時候淨係望住佢50－60%，製造一種佢需要去追你attention嘅感覺。

 

仲有講嘢嘅時候，記得間唔中用一種『向下break rapport』嘅tonality，千祈唔好係咁『聲音向上seek rapport』嗰種低地位溝通。

 

[Example Time…]

 

冷靜控制自己嘅Body Language，唔好旭嚟旭去成個青春期發育未完成嘅靚仔咁樣。

 

如果你做到以上幾點，唔需要特別講啲咩嘢，你都已經比好多男人stand out。

 

多謝你嘅支持，希望幫到你！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

多謝佛祖今日賜我哋一日假期吖，

 

咁高興日子，除咗可以睇搶包山之外，當然需要幫另一位巴打解答問題，令佢今晚袋袋平安啦 😀

 

呢位叫做WLS嘅巴打，問咗我一條好得意嘅問題，佢問我：

 

『我想問下點樣先可以型啲咁約女仔出街？

 

我地有用app chat黎chat去，但冇出過街。同埋佢就黎生日想比啲驚喜佢，但前提係要佢肯比我約出黎。 請指教thanks。』

 

咁我聽完呢條問題之後，呢位巴打有幾點需要注意一下，不過喺我講之前，你要有心理準備，我講既野將會好直接好入肉。

 

如果你驚自己handle唔到呢，我奉勸你依家停咗呢一集做其他嘢啦。

 

你仲喺度？

 

Good，咁我哋開始啦：

 

＃1 我之前應該講過一集，最理想約女仔出街嘅方法，並唔係就咁無啦啦同佢傳統地1-2-1 date。

 

一嚟，咁樣你哋需要好大壓力去令一整晚嘅conversation繼續；

 

二嚟，如果你啱啱識佢冇耐，你咁快畀你私人時間佢，其實已經暗示咗你唔係一個高地位男人。

 

所以我一向建議巴打們，應該邀請女仔去你原本已經會做嘅social activities，邀請佢去玩一啲你原本會去玩嘅活動。

 

好處一，就係你可以同時邀請幾個女仔去你嘅朋友圈一齊玩，喺呢一個過程去qualify佢哋，並且讓各人知道你有大把選擇，製造競爭機會畀佢哋去追你。

 

好處二，就係你每次都可以同佢傾幾句玩一陣之後呢一招takeaway，唔好理佢一陣去做其他嘢；咁樣係一個完美嘅pushpull策略，會令佢對你嘅吸引力不斷增加。

 

如果你真係想同佢1-2-1 date，你約佢出去嘅方式，都要係講到你想去做去玩某啲嘢，佢有興趣嘅話可以嚟。

 

感覺一定要係你完全唔在乎佢會唔會嚟，total indifference，呢啲先係高地位男人有型地約女仔出街嘅方式。

 

＃2 我見到你講話『我地有用app chat黎chat去，但冇出過街。』

 

如果你嘅意思係你哋玩緊online dating，仲未見過真人所以冇出街，

 

唔該你快啲記住玩app識女仔嘅真正目的：就係盡快喺app裏面約佢出街並且同時攞佢電話。

 

其他做嘅嘢都係次要，唔好花咁多時間喺度搵共同話題，喺度build rapport，喺度談天說地。

 

一日你見唔到佢真人，一日你都係嘥緊大家時間。

 

所以你message咗幾句之後，就要引導大家去set up一個date，最好更加係盡快邀請佢去你準備去嘅social events。

 

＃3 如果你係仲未見過佢，你做乜無啦啦要生日俾驚喜佢！？

 

你係佢邊嗰？

 

溝都未溝到就咁快為佢慶祝，你真係一個好好嘅朋友囉！唔好你唔好咁做啦，好無？

 

＃4 你略略講咗一句『但前提係要佢肯比我約出黎』

 

親愛的巴打，what the fvck is that!?

 

唔好意思，不過你有咁樣嘅mindset一定死硬，

 

究竟有乜嘢原因你先至會覺得自己咁低地位，要去欸呢個女仔畀一個機會你去同佢出街呢！？

 

Fvck that！你一定要馬上殲滅呢種嘅low-status嘅諗法！

 

我講咗幾多次，女人係唔會屌Beta架，

 

你先至係佢嘅寶藏，

 

你先至係佢要追嘅目標，

 

你先至係最終決定會唔會畀時間佢同你一齊嘅人。

 

係時候停止呢啲『覺得自己唔夠好』／『佢係專貴嘅女神』等等咁嘔心嘅諗法啦；

 

唔係嘅話，佛祖都保你唔住，

 

而你永遠亦都做唔到你口講嘅『好型約女仔出街』嘅效果！

 

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日想好快解答巴打email嘅一條問題，佢問我：

 

『Hi Man

 

睇左你幾篇既分享&心得，個人認為很貼地到位。

 

雖然我冇參加過坊間既戀愛班之類既課程，但係睇住你係keep住update巴打們，then不收分毫就好自然地follow住。

 

Btw其實我係想請教用咩方法去表白or確認雙方關係會最大成數

 

講返d backgrounds 我就大個女仔6年 我有拍拖經驗 女仔冇 大家keep住有日日chat（冇乜傾電話） and 出過去食飯 自己感覺雙方都有興趣發展。

 

不過問題就係，我係諗緊應該約多佢幾時出街習慣2人模式先，

 

還是用文字去帶出我對佢既好感繼而表示，然後先正式2人行。

 

當然我知道呢類情況唔會有包生仔既sure win策略，所以就黎請教請教。

 

最後祝你越黎越掂，幫到更多需要你既巴打。謝！派迪』

 

以下就係我嘅回覆：

 

『Yo派迪！多謝你先，同埋你個名都幾型，唔錯唔錯。

 

明白你嘅情況，

 

想問下你哋識咗幾耐？

 

透過咩渠道認識？

 

你哋係喺你20s定係30s？

 

聽落你哋似乎係同事。

 

另外有幾點你需要注意：

 

＃1  根本唔需要表白。

 

每逢係講『XYZ關係』嘅嘢，一定要等女仔主動問你先，唔係嘅話你就會失去曬所有神秘感，佢對你再冇好奇。

 

＃2 千祈唔好用whatsapp／text嘅方式去表達好感！

 

文字太過unemotional，所有感覺幾乎都係真人面對面先至全面feel到。

 

同埋你同佢kiss咗瞓咗未？

 

如果未呢，其實真係唔叫做咩relationship。

 

暫時嘅策略係下次出街嘅時候必須身體上escalate，

 

你認識咗佢咁耐都冇進一步行動嘅話，你就好容易被friendzone，到時就好難翻新㗎喇。』

 

希望今集幫到你！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

如果你跟咗我哋MTFU一段時間呢，你都知道我個人唔係幾鍾意嘥時間同女仔whatsapp嘅，

 

所以我嘅texting風格都係比較精簡，主要係要邀請女仔去social events或者出街嘅時候先至會用。

 

但係如果你問我，有冇一句可以令女仔之後九成九都覆你嘅電話開場白，咁我諗你可以用以下呢一句。

 

喺你攞完佢電話之後，你就可以whatsapp佢講：

 

『Yo，你唔係嗰種永遠唔覆人whatsapp嘅女仔呀嘛？;) 』

 

或者『Yo，你唔係嗰種等成個禮拜先覆機嘅女仔啊呵？:-)』

 

點解呢一句可以好有效呢？

 

＃1 如果你開頭同佢嘅interaction唔錯，你咁樣text佢，佢會有一種衝動去證明自己唔係嗰一類『黑人憎』嘅人。

 

＃2 當佢第一次覆你message嘅時候，佢潛意識地就會繼續將來都以一種『應該覆你whatsapp』嘅心態同你保持聯絡。

 

原因就係因為心理學呢一種現象叫做『Commitment & Consistency』，承諾與一致。

 

即係話，當某個人輕輕地承諾咗佢會做某樣嘢，而佢真係有呢一種嘅行為表現，佢之後再重複做返相同嘅嘢嘅機會率就會大大增加。

 

所以你以上嘅text，暗地裏就係叫佢承諾自己要做一個『回覆你whatsapp』嘅人，

 

當佢第一次咁樣做之後，佢以後再覆你嘅機會率就會大大增加。

 

你下一次有新嘅電話冧把嘅時候，就是試下呢一招啦！

 

最後今集我想強調嘅重點就係：

 

＃1 雖然我以上畀你嘅詭計可以好有效，但係你都唔會想做佢嘅texting buddy。

 

記住你whatsapp嘅主要目的係籌備下次見面嘅細節，而唔係喺度同佢build rapport，講一啲好deep嘅嘢。

 

＃2 你每一種嘅行為表現，無論係真人定係喺虛擬世界，你都要問自己『你呢種行為係唔係一個高價值男人會做嘅嘢』。

 

你focus嘅應該係你呢一刻嘅行動能唔能夠提升你個人嘅價值，係咪幫到你去vision願景踏前一步。

 

美劇《金裝律師/訴訟雙雄／Suits》裏面嘅Harvey Spector，

 

佢係唔會喺度諗應該whatsapp女仔啲乜嘢，應該約出嚟做乜嘢，或者女仔唔覆佢嘅時候佢應該點做。

 

飾演Ironman嘅羅拔唐尼Robert Downey Jr.喺戲裏面亦都唔會因為一啲女記者好索，

 

而容許佢哋去侮辱佢爸爸發明嘅武器，遺留落嚟過千億嘅帝國。

 

所以你週不時需要宏觀啲睇溝女呢件事，

 

『吸引女人』之所以叫做『吸引女人』，就係因為你作男人必須首先focus喺你嘅道路使命之上；

 

你一定要成為a man in motion，

 

咁樣女人先至會被吸引去參與你原本已經做緊嘅嘢，你原本已經好精彩嘅生活，並且喺嗰一個過程唔小心愛上你！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

其中一樣最令男人洩氣嘅，就係當女人Shit Test你嘅時候你唔識得點樣反擊。

 

點解女人要咁樣做呢？

 

原因就係，索女一整日都有男人撩佢哋傾計，

 

而佢去篩選你係咪一個『真男人』，就係揼一啲Shit Test落你到，睇下你識唔識得反擊，睇下你係咪真係你所講嘅Alpha咁勁。

 

Shit Test最常見的例子，就係當佢同你講：『啊，不如你買杯嘢飲畀我呀。』

 

或者『欸，其實我有男朋友㗎喇。』

 

或者『我唔會同XYZ類型嘅男仔出街囉。』

 

或者『你呢條pick up line通常work唔work㗎？』

 

又或者當佢知道你溝好多女或者食過多女嘅時候，佢會同你講『依，你嘅行為好嘔心囉！』

 

以上呢啲都係其中一啲女人測試你最常見嘅例子，如果你唔識得點樣回應，佢就會好快對你失去興趣。

 

如果你有subscribe落我哋私人嘅newsletter裡面，你都應該會知道我哋最新嘅training係會教你點樣摧毀女人畀你最常見嘅33種Shit Test。

 

等我依家好快教你其中一條啦。

 

其中一條最常見嘅Shit Test，就係當佢同你講：『依，你咁player／你咁玩家／你咁食家㗎。』

 

又或者係：『話，你肯定同過好多女人瞓啦／你肯定好濫啦。』

 

你有冇試過聽過女仔咁樣同你講你呢？

 

畀著你又會點樣回應呢？

 

好多男人都唔知其實佢哋喺嗰一刻畀個女仔測試緊，如果fail咗呢，你就拜拜係咁先，你會輸咗個遊戲。

 

咁應該點樣回應呢？

 

錯誤嘅方式，

 

就係好似大部分男人咁樣去『保護自己形象』，話自己真正唔係咁樣，同佢講話：『唔係啦，我真正想要一段long term relationship囉。』

 

咁樣做就錯喇巴打：

 

無論女人把口講啲乜嘢，佢哋內心係想要一個有好多女人都想要嘅男人，一個有無限sex options嘅男人。

 

所以佢係想你Own It，佢係想你承認你有好多選擇，你嘅反擊就可以直接係：

 

『係呀我係player啊，咁你嘅重點係？』

 

或者『係呀咁點呀？你係咪想而家同我走？』

 

或者『係呀，我由朝到晚都同女人瞓㗎喇，你又想同我瞓啊？』

 

個重點係：

 

永遠唔好搵藉口話你自己唔係，唔好嘗試去解釋話佢點解睇錯你。

 

Own It，你係一個喺dating market嘅玩家，

 

你係一個有好多女想追你嘅男人，

 

你係一個可以隨時move on唔在乎得唔得到呢個女仔嘅高地位男人。
以上只係最常見嘅Shit Test嘅少少，

 

你有興趣再學多啲嘅話，你就喺我哋嘅newsletter同我繼續討論啦。

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第4集，今集嘅主題係叫做Live As If Your Father Were Dead！

 

聽落去非常有爭議性，但係係一個非常之有威力嘅定律你必須遵守，因為佢正正hit得中生命嘅真相。

 

即使你好愛你嘅父親，如果你想成為一個真正自由嘅成熟男人，你都必須放棄『為你daddy俾你嘅預期或者批評』而去活你嘅生命。

 

大部分男人都係live in a quiet desperation，默默地喺一種絕望之中生活。

 

每一日都係好似隻倉鼠咁樣重複做同一樣嘢，潛意識地跟住大部分人做佢以為應該做嘅嘢，好似一隻喪屍咁樣『夢遊』佢嘅人生…

 

原因就係因為佢哋潛意識地，仍然好驚佢爸爸會批判佢。

 

好驚老豆會批評佢嘅選擇，好驚老豆會話佢嘅成就唔夠好， 好驚佢哋嘗試做任何嘢都會畀老豆reject或者鬧，

 

所以一直以嚟佢都係以一種『討好老豆嘅方式』去活佢哋嘅生命。

 

有啲更極端嘅例子，就係某啲男人會非常反叛，嘗試去180度調返轉做佢老豆叫佢唔好做嘅嘢。

 

但係其實佢哋都係仍然被動地圍繞著『父親』而活佢嘅生命，而唔係主動地為自己規劃佢真正想要嘅生命，

 

佢嘅父母仍然係控制緊佢。

 

所以今日嘅重點就係：

 

你必須假設你爸爸已經死咗，即使你好愛佢，你都必須咁樣做。

 

你幻想一下如果你Daddy已經走咗，你會唔會有一種唔需要再比佢批評，放鬆咗嘅感覺呢？

 

你會唔會覺得有一種唔需要再討好你父親嘅感覺呢？

 

你會唔會覺得有一種唔需要再特登證明自己叻過佢嘅感覺呢 ？

 

喺接下來嘅72小時，我想你至少做一樣活動，一樣因為你爹哋嘅存在，而你嘗試抑制或者放棄嘅活動。

 

你要開始練習點樣唔好再活喺佢嘅陰影之下，唔好再因為佢對你嘅期望或者批評而去做決定。

 

即使你有可能會感到恐懼，感到自卑，或者感到壓力，

 

你都要學識點樣放下呢啲心理負擔， 讓內心真正嘅自己慢慢呈現出嚟。

 

只有咁樣嘅抽離，只有咁樣嘅方法，

 

先至可以令你真正得到解脫，先至能夠讓你自己活喺屬於你嘅『真相』之中。

 

唔係你Daddy嘅『真相』，唔係你Mammy嘅『真相』；

 
係你嘅『真相』，係你嘅『道路』，今集慢慢咀嚼下！

 

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日想好快教你五種女人好想男人有嘅特質，咁點解我哋要學呢樣嘢呢？

 

其實好簡單，

 

你想吸引一個有質素嘅女仔去你生命，咁你就必須有特定嘅素質display到出嚟，佢先至會想更加要你。

 

問題係，大部分男人都唔知道有乜嘢qualities女人先至會覺得好吸引，而你亦都應該知道qualities唔係講緊有錢有車有樓有大J等等。

 

亦都唔係女人喺公眾場合講嘅廢話例如：

 

男仔要有自信，要funny啲，要對佢嘅情感有敏感度etc. ，呢啲advice完全幫唔到忙。

 

咁我哋事不宜遲，馬上開始喇。

 

特質＃1：你能夠對住女人『內心最真實嘅佢』講說話。

 

如果你已經係我哋『誘惑式冷讀術』training嘅VIP巴打，你應該好清楚點樣做呢樣嘢。

 

個重點就係，當你能夠繞過佢表面嘅防線，減低佢對你嘅戒心，你就能夠『同佢內心最真實嘅佢』傾計。

 

你就會成為佢世界裏面極少數嘅男人，可以真正了解明白佢。

 

你對佢就會變得非常重要，因為好少人有咁樣嘅觸覺知道佢真正係一個點樣嘅人。

 

另外好多男人都唔知道，其實女人係冇一個好強嘅『自我認同感』，

 

佢哋唔係好清楚自己係一個點樣嘅人，佢哋冇男人咁肯定自己嘅價值。

 

女人嘅自我價值觀係比較有流動性，所以好多時候，連佢自己都唔係好肯定佢係點樣嘅人。

 

所以當你能夠幫佢揭開佢嘅面紗，能夠更加清晰地解釋佢其實係一個點樣嘅人，佢係幾乎必定會愛上你！

 

特質＃2：就係你對自己有Conviction，擁有一個堅定信念，一種對自己嘅肯定性。

 

譬如你知道自己去緊嘅方向，你嘅信念，你相信嘅嘢， 你有幾接受自己嘅優點缺點等等。

 

就算你未有好清晰嘅未來，最容易顯示到你嘅conviction就係開始對某啲事物有自己嘅意見。

 

雖然講政治唔係一個太好嘅topic，但係你可以講下你自己嘅哲學人生觀等等。

 

呢樣嘅特質亦都顯示到你唔係人云亦云，隨波逐流嘅一件死物。

 

 

特質＃3：就係你嘅Skills，你嘅技能。

 

任何一種嘅skills都係冇問題嘅，例如玩音樂，玩爬山單車，煮嘢食好叻，就算係整電腦好叻都okay。

 

最重要係，呢啲你獨有嘅技能係你花咗好多時間去練習精通佢，亦都暗示到你有一種『持之以恆』嘅特質。

 

另外就係呢種skills係一樣挑戰自己嘅東西，暗示到當你有目標嘅時候，你係會相信自己能夠達到終點。

 

最後就係你係自願去鍛鍊呢種skills，暗示你係一個為自己做選擇，唔係咁輕易放棄嘅男人。

 

（BTW，你都應該知道PUA從來唔會講呢啲嘢㗎啦？

 

溝女skills當然係重要，但係如果你唔係同時間develop緊自己嘅人生，你始終唔係一個真正長遠有吸引力嘅男人。

 

所以我以上講嘅全部係一啲雌性女人鍾意雄性男人有嘅特質，你想每一年成為一個更有吸引力嘅男人，你就必須要做呢啲事。）

 

特質＃4：Dominance ＆ Strength，即係你嘅支配性同力量。

 

當然唔係講緊你要練到好大隻成個bodybuilder咁表面啦！

 

Dominance嘅意思係你要去主宰統治某啲嘢，

 

例如你喺某一方面你有絕對嘅權威，你有精湛嘅技藝，或者你精通某一方面嘅嘢。

 

雌性女人天生就係submissive嘅，佢哋係鍾意順從你嘅領導嘅。

 

另外，顯示你嘅支配性有好多種方法：

 

例如你嘅身體有幾fit，你有幾多領導能力，你有幾野心同埋自我鞭策自己。

 

因為如果將來世界真係變到好似Walking Dead咁，你有冇呢啲特質，就意味著你能唔能夠喺一個弱肉強食嘅世界裏面生存。

 

 

特質＃5：就係你嘅Social Value，社會價值。

 

Social Value嘅意思係，你嘅朋友屋企人同事等等有幾重視你呢？

 

喺你環境身邊嘅人有幾尊重你呢？

 

Social Value亦都有幾種方式去顯示嘅：

 

例如你係咪一個好玩嘅人一齊hang out呢？

 

你通常係咪都有一種正面嘅態度呢？

 

你係一個giver定係taker呢？

 

如果你係一個giver，就意味著你有一個豐裕嘅mindset，你知道就算送一啲『資源』畀人哋，你都能夠輕易地再得到更多。

 

相反如果你係一個taker，當佢需要某啲嘢嘅時候你就唔能夠畀佢，

 

例如佢想要你情感嘅支持emotioanl support，你嘅愛，你有時對佢嘅愛慕等等。

 

最後就係你係咪一個好chill，唔太在乎結果，識得放鬆自己嘅人？

 

因為通常一啲好繃繃緊嘅男人，都係因為佢哋好冇信心去處理生活嘅挑戰。
以上就係五種女仔想你有嘅雄性特質，

 

即使今集講嘅嘢比較宏觀，

 

你都千祈唔好忽視呢啲長遠塑造你成為一個更有吸引力嘅男人嘅重點啊！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日想好快講講所謂嘅Alpha Male／雄性男人嘅三個最大特點，點解我哋要略略搞清楚咩先至係叫Alpha呢？

 

就係因為你都應該聽過，上一兩代嘅人以前成日都會用『大男人』呢個term去形容一啲好專制野蠻，甚至會用暴力欺負女人嘅男人仆街。

 

亦都可能係因為咁，會令到好多我哋呢一代嘅巴打們好驚去做咗嗰一種嘅仆街大男人，

 

所以就走向另一個極端，變得越嚟越溫柔體貼，斯文有禮等等。

 

但係你都應該知道，nice guys係永遠溝唔到女嘅，就算佢哋溝到，佢哋好快都會畀人哋cheat咗都唔知咩事 。

 

咁所以我哋點先可以唔做嗰一種『大男人』嘅同時，又可以做一個有男子氣概嘅真正雄性男人呢？

 

#1 第一種嘅Alpha Male特徵，就係佢有一種領導人嘅態度，佢係會take charge。

 

女人係鍾意一個領袖，一個勇敢做決定嘅男人。

 

即使佢做嘅決定最後係錯誤，但係如果佢知道佢想要啲乜嘢，跟住願意冒險去做一個決定，咁樣嘅態度已經係有吸引力。

 

女人最唔鍾意嘅就係一啲猶豫不決嘅男人，一啲左諗右諗都唔知下一步去邊到嘅男人。

 

所以你要記住嘅係：Lead，Lead， Lead！

 

無論你肯唔肯定個結果，你都必須盡快做一個決定，向前踏出第一步去睇下結果係點樣。

 

＃2 第二種嘅Alpha Male特徵，就係有自信嘅男人。

 

『有自信』嘅意思係，

 

你係一個愛自己嘅人，你係一個尊重自己嘅人，你係一個知道自己大方向嘅人，

 

亦都係因為咁樣人哋先至會尊重你。

 

當你係擁有一種對自己嘅certainty，對自己嘅肯定，你做嘢就能夠更加果斷，更加堅定自信。

 

＃3  第三種嘅Alpha Male特徵，就係一個絕對控製到自己情緒嘅男人。

 

佢嘅情感要係好似石頭咁堅硬，唔會因為外在嘅事物輕易影響自己嘅情緒，包括女人間唔中畀佢嘅shit test。

 

點解呢？

 

因為你都應該知道，女人嘅情感就好似每一刻流動緊嘅春水，

 

所以當佢間唔中情緒去到谷底嘅時候，如果你又因為佢唔開心而搞到自己唔開心，咁女人就唔可以依靠你去帶佢離開谷底！

 

女人唔想要一個大喊包，一個控制唔到自己情緒嘅男人。

 

咁當然呢個你需要好好平衡啦，你當然要有一種同情體諒嘅心，去感受其他人嘅痛苦辛酸啦，

 

但係你都唔可以因為呢啲情感嘅流動令到自己都隨波逐流，大失所措。

 

你亦都唔好去否認自己嘅情感，因為抑壓自己情緒亦都係唔健康嘅。

 

 

感到唔開心或者覺得好嬲係冇問題嘅，但係千祈唔可以讓自己當時嗰一刻嘅情感而佔領咗你做理性決定嘅能力。

 

 

最後畀個Bonus Tip你：

 

當你感到情緒高漲嘅時候，

 

當你feel到自己開始被外來嘅事物影響內在心態嘅時候，

 

當你察覺到自己開始瀨嘢之前，

 

你必須喺你做任何決定之前停低三四十秒，

 

跟住深呼吸吸氣4秒，落你個肚嘅腹部位置並且令佢脹肚，

 

之後閉氣4秒，再呼氣6至8秒。

 

 

如果你可以重複做呢十零秒嘅動作2至3組，我保證你之後做嘅決定會畀30秒前嘅理智好多。

 
唔信嘅話，你下次俾人挑釁嘅時候試一試，之後再話我知你嘅決定有幾聰明得多啦！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

我想你而家誠誠實實評估一下自己。

 

你同女仔相處嘅時候，你係咪嗰一種通常有power話到事嗰一個呢？

 

你識女仔嘅時候，你係咪主動做approach嗰一個，定係你已經建立到一種lifestyle係女仔主動approach你呢？

 

你係咪嗰一個主動約女仔出街，成日喺度諗點樣先可以令到佢肯同你出街，點樣之後可以有2nd date， 定係個女仔會主動去約你呢？

 

 

我之所以咁樣問你，其實我想你睇清楚現今dating嘅一個真相：

 

我哋今時今日生活喺呢個社會，九成九嘅男人都係將屬於自己嘅power雙手供奉畀女人，

 

已經去到一個已經『被合理化』嘅狀況，

 

已經去到一個社會心理學家同研究人員用一種叫做『Sexual Power Shift』嘅term去形容呢種現象。

 

點解叫做一種shift，一種兩性嘅力量大變換呢？

 

就係因為N年前個世界唔係咁樣㗎，以前嘅『現實』係女人需要被訓練去溝條仔返嚟，男人係有絕對嘅power去決定同唔同個女仔一齊。

 

今時今日嘅男人，所受到嘅教育基本上都係細個由阿媽家姐教；

 

更影響得我哋深遠嘅係荷里活電影，主流社會意識政治正確嘅薰陶，永遠都係講失戀嘅愛情歌等等…

 

你都可以見得到以上嘅例子，都係嘗試輸入一種『男人應該追女仔』嘅觀念俾你。

 

 

我自己好清楚，好幾年前嘅我，我係完全buy晒呢一種嘅觀念，

 

我以為『當我可以堅持係咁追個女仔，佢就總會有一日被我嘅誠意打動』…

 

 

我以為喺佢生日嘅時候送隻啤啤熊公仔畀佢成件事就會好啱好浪漫…

 

 

我以為只要我個人夠真心，夠好人，夠細心，夠上進，佢就會想同我一齊…

 

 

好可惜真相就係，以上所有嘅觀念都係錯誤，

 

 

喺現實生活中係唔work㗎，亦都係其中一個原因點解『Sexual Power Shift』會出現。

 

我更加聽過一個研究講，女人係會喺頭1-9秒之中決定會唔會同你上床，

 

即使我未正式搵到呢篇研究，但一個不可爭論嘅事實就係：

 

今時今日嘅女人係會越嚟越快喺瞬間決定你係咪一個『有性價值』嘅男人！

 

 

你明白咗呢一點之後，你就要知道今時今日其實喺有三種男人嘅。

 

#1 永遠都唔會主動學習dating advice嘅平庸普通人。

 

 

呢啲男人所得到嘅『溝女知識』都係由佢阿媽阿爸電視電影電台學番嚟。

 

佢哋好多時都係嗰種nice guy， 嘗試用傳統嘅方式去追個女仔返嚟，跟住唔小心畀個女仔friendzone咗。

 

佢哋嘅服從性係好強，係會完全將自己嘅power畀曬女人，係會成日送花送朱古力，更加可能喺公眾場合畀女人掌摑都唔識得反抗嘅人。

 

 

呢種男人，一係就會繼續做『佢嘅好人』跟著成世妥協於一個佢唔鍾意嘅女人，永遠對住佢恭恭敬敬成個太監咁樣。

 

 

一係佢就極端化，開始好憎恨女人，開始歧視女人，開始做個大仆街打女人，甚至開始做啲變態嘢傷害女人。

 

 

＃2 就係嗰啲會學習dating advice嘅人，但係佢哋被PUA形式嘅教學洗腦。

 

 

佢哋可能會學習唔同嘅pickup lines，唔同嘅routines，而呢啲學習亦真係畀到少少成績個男仔。

 

 

但係如果問心講，呢種形式嘅溝女方法其實唔係真正fulfill到自己，唔係好由內而外地滿足到自己，而且生活質素長遠地唔係真正有改善。

 

 

原因就係因為，你唔可以真係靠一啲聰明嘅句子或者一套特定嘅動作，而長遠地吸引到女人返嚟，

 

你真正嘅底／你最真實嘅性格始終會隨著時間而揭穿。

 

 

所以呢一種嘗試game女仔嘅男人，當佢遇到嗰一個佢真係好鍾意嘅女仔，佢好快就會輸咗，

 

因為其實佢只不過係用另一種方式去『追女仔返黎』，同第一種男人冇太大分別。

 

 

＃3 就係嗰一種唔太在乎得唔得到女人嘅男人，亦都係我最近講過嘅he doesn’t give a fvck嘅男人。

 

佢在乎嘅，係佢喺呢個世界可以創造啲乜嘢。

 

佢在乎嘅，係點樣可以首先『自私啲』擴大自己嘅能力，令自己升呢先，之後利用佢嘅力量去協助身邊嘅人令佢哋嘅生活變得更好。

 

即使呢種男人幾乎唔會cold approach女人，但係好多女人都會被佢吸引，主動去認識佢。

 

佢係有無限量供應嘅貨，鍾意幾時揀邊個女仔過一晚就揀邊個。

 

女人係會爭住約佢出街， 女人喺會做主動去make the first move，女人係會用盡一切方法得到佢嘅注意。

 

所以你見唔見到ManTheFvckUp教你嘅嘢比出面任何人教你嘅嘢喺幾唔同呢？

 

你見唔見到我哋嘅focus係協助你成為一個更全面，更有價值，更有吸引力嘅男人呢？

 

你見唔見到點解我哋嘅brotherhood，係集中喺點樣長遠地令你無論溝女上， 工作上，成就上，社會地位上，人生意義上都有突破性嘅發展呢？

 

你都見到我哋去緊嘅方向，所以問題係：

 

你願唔願意投資係你自己身上，

賭博喺自己身上，

努力為自己增值，

踏出自己嘅舒適範圍做一啲未試過嘅嘢，

就好似我哋其他精英巴打咁樣真真正正成為社會嘅Top 1%呢？

 
我而家都要出去為自己增值進步，希望聽得今集嘅你都識得點樣揀！