男人其中一樣天職，就係去以戰士嘅身份，去保衛自己家園，防止敵人侵略自己嘅領土。
可惜嘅喺，第一二次世界大戰之後，大部分社會都進入咗一個相對和平嘅時代，令到新一代嘅男士失去咗勇士戰士嘅訓練，變得越嚟越弱雞缺乏攻擊性。
要牢牢掌握社會管治權嘅第一步，就係用一系列嘅手法去順化男人，令佢哋變成一班得把口嘅評論書生，但身體上就無法作出抵抗嘅羊群，跟住掉住你條命去成為強權嘅奴隸。
咁所以今日就想同各位巴打分享4種成為戰士嘅原則，令你記得返自己喺咩人，有能力對抗黑暗。
原則＃1 你一定要征服自己嘅身體。
戰士除咗識得打交打獵之外，最重要嘅元素就係佢哋各方面釋放到strength／力量。
無論喺體格上嘅強壯，定係心理上唔怕辛苦操練嘅堅持，呢啲qualities都係需要透過物理上嘅挑戰先至可以訓練到。
咁所以你想做戰士，你就要每日push你嘅body去變得越嚟越強，征服你身體上嘅極限，呢樣喺冇得妥協嘅最低標準。
原則＃2 戰士嘅精神，就係深深地知道自己生命好脆弱，所以佢哋每日都會以死作為自己指引，去搏盡無悔地活好嗰一日。
咁所以巴打你要融入嘅做人宗旨喺：如果我嘅生命只剩返24小時或者6個月，我會點樣好好地運用呢啲時間去做我一直想做嘅事情呢？
我仲會唔會浪費時間打機睇Netflix做埋啲瑣碎嘢呢？
原則＃3 戰士喺知道每個人最後結局都係死，咁所以佢更加會揀一條活得精精彩彩令佢最ALIVE嘅道路，都唔會揀一條安穩但無意義嘅道路。
結果當然重要，但你嘅過程亦唔應該忽略。
當你既有死嘅覺悟，亦為自己未來50年嘅命鋪排好旅程，咁樣你就係一個真正為自己戰鬥嘅好榜樣。
原則＃4 每一場大大小小嘅仗，你都會搏盡無悔地去打！
戰士知道人生每一場仗，都會有機會成為自己做人嘅轉捩點，徹底改變以後嘅生命。
咁所以如果你真係可以有全力以赴嘅決心，你就有更大機會喺各方面成功。
當你真係能夠內化呢種精神變成自己嘅Code of Conduct嘅話，你就會成為令人敬仰嘅男人同領袖，你亦會由『受害者』變成一個『主導人生嘅皇者』。
巴打你又會點樣運用呢啲思想改變，令自己行為上作出變革呢？
歡迎你Like呢段片之後話我知，我哋下集見。