Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
好快宣布少少嘢先：我最近寫完一本免費43頁嘅溝女書，讓你學識10樣女人暗地裡想你知道嘅秘密。
你有興趣嘅話，可以去㩒一下片中description嗰條link，或者去www.manthefvckup.com/freebook 去下載呢本書。
返返嚟今日嘅主題，今日又係想幫另一位巴解答一條問題，咁佢篇email都幾長，但係個重點係：
佢識咗一個女仔一段時間啦，每一兩個禮拜就會見到，有時都會一齊食lunch食晚飯，仲要一齊飲過幾次嘢蒲過幾次，亦都搞過幾次嘢。
一切都幾好玩幾causal，但係因為佢對呢位女仔越嚟越有感覺，亦都幾重視佢，所以有一晚佢叫個女仔做佢女朋友。
但係竟然個女仔話雖然自己都幾鍾意佢，但係佢未ready好拍拖。
所以呢位巴打就覺得『唔撚係呀嘛，做埋愛都做唔到男女朋友！？』
佢唔係好明，點解明明大家都鍾意大家，佢又識得同佢玩串下佢咁，更加覺得同佢搞嘢嘅時候佢都嚟咗幾次高潮，究竟佢有咩做錯！？
好搞笑既一條問題呀，我睇佢呢段email嘅時候都笑咗幾次 lol
ANYWAY，等我好快分享幾點畀你啦：
＃1 其中一條你需要遵守嘅定律，
就係你永遠都唔好做第一個會提及『男女朋友關係』嘅嘢，你一定要等女人去做呢件事！
除咗你會知道佢幾時真係ready嘅時候，你更加會顯得你自己係一個唔依賴，唔痴身，唔needy嘅男人，你之後喺段關係之中會有更多嘅power。
至於你相信一夫一妻制又好，一夫多妻制都好，
事實就係：太多男人喺太早嘅階段就想同個女人有一個正式的relationship。
你應該知道女人一開頭係需要多啲嘅時間，多啲喺你身上嘅投資，多啲emotional connection，先至會覺得準備好同你拍拖㗎嘛係咪？
你要明白，男人同女人嘅生理心理構造係唔同㗎，女人係更加保護自己，更加有情緒起伏，所以佢哋需要更多嘅時間，去準備正式拍拖。
所以如果你比佢更早透露你已經ready，而佢又未準備好呢，
佢就會覺得你有少少太過快，太過『猴擒』，並且開始會有少少後退，唔想你咁『來勢洶洶』。
＃2 點都好啦，你唔講都講咗啦，你呢一刻唯一可以做嘅，就係保持返鎮定。
個女仔拒絕咗你之後，你就當乜事都冇發生過， 繼續我平時教你嘅同佢繼續玩，繼續challenge佢，繼續唔太在乎哋同佢相處。
因為呢啲嘅特質，就係當初你吸引到佢，同你一齊做唔同嘅嘢嘅原因。你要keep住咁樣做，慢慢等佢開口同你講佢想做你女朋友。
＃3 要個女仔想做你女朋友呢，你係需要多啲比較深層啲嘅emotional connection，要多番少少傾得比較deep嘅話題。
冇錯，你係有同佢玩，你係有串佢，你係有challenge佢，你更加因為咁樣同佢做咗幾次愛！
但係你都需要一啲比較休閒少少嘅vibe，你哋都要傾下你啲朋友最近嘅狀況，你嘅短期目標，你長期嘅計劃，你細個最鍾意睇既戲，你阿爸阿媽係點樣，或者一啲你好少同人講嘅『秘密』等等。
因為佢需要感覺到你，你係有打開個心同佢傾計，你係想真心了解佢係一個點樣嘅人，佢先至可以真正feel到佢同你嘅連繫。
當然一晚嘅傾計唔係齋講呢啲啦！
但係喺你同佢玩嘢，同佢搞嘢嘅同時，你都要多啲將你真誠嘅一面展露出來，咁佢先至覺得舒服安心做你女朋友，可以同你長時間一齊。
你玩得吹得，又同時顯示到你嘅成熟同真誠，又每日聽住ManTheFvckUp，呢一個組合將會令你成為社會上嘅Top 1%！
加油！
