標籤: 畀女溝

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

嚟到超男之道系列嘅第45集，

 

今集叫做 Ejaculation Should Be Converted or Consciously Chosen，射精應該有意識地選擇！

 

＃1 作者意思係：如果男人控制唔到自己嘅射精，佢係無法滿足女人情感同性嘅需要。

 

因為女人知道佢可以隨時虛脫男人，弱化男人，將男人嘅生命力虛耗。

 

當男人太過容易射精，女人就會感覺自己未必能夠完全相信佢；

 

因為佢同世界可以好輕易就能夠將個男人耗盡同化，慢慢暗中顛覆男人喺世界上嘅行動。

 

＃2 你可能都留意得到，如果你日常生活儲咗好多壓力／張力／tension，射精係能夠帶畀你暫時嘅釋放同放鬆。

 

但係隨著你每一日生活越嚟越有目的性／purpose，你每一日就唔會儲咁多壓力／張力／tension，

 

你就會發現原來射精，大部分時候都其實係不斷消耗虛／脫脫／弱化自己。

 

＃3 過量嘅射精，其實暗地裏係減少自己去冒險嘅勇氣，無論係專業上事業上定係靈性上。

 

因為射精係會浪費自己『cutting through／過五關斬六將』嗰一種嘅能量，

 

令你唔能夠不斷勇猛地衝刺take action，去闖蕩世界帶畀你一個又一個嘅難關。

 

＃4 大部分女人都可以感受多次+越來越深入嘅性高潮，所以佢哋嘅性器官同佢哋嘅心係有一種自然嘅連繫。

 

相反，當你射完精失去咗勃起嘅能力，

 

你就係剝奪女人能夠完全地接收你不斷嘅penetration，令到佢再感受唔到你勇猛嘅穿插。

 

＃5 當然講緊嘅唔係純粹身體上嘅穿插啦！

 

女人最想感覺到嘅penetration，就係你透過愛去穿透佢，係關於感受你完完整整嘅presence／存在感，

 

透過你嘅意識入侵佢，讓佢完全陶醉喺你嘅存在之中。

 

＃6 女人嘅一部份當然好開心能夠令到你射精，佢當然好開心你能夠放鬆享受自己。

 

但係女人嘅另一部分其實會感到少少失望，

 

因為你容許自己選擇一啲暫時性嘅抽搐享受，放棄咗不斷享受佢同世界嘅慾望。

 

＃7 其實心底裏，男人女人最想得嘅喺對方嘅愛。

 

所以如果你唔強加自己嘅需要喺佢身上，讓你嘅愛去穿透深刻嘅佢，佢就能夠接收到你嘅愛。

 

慢慢地，透過你身體之間嘅溝通／意識同關懷，

 

你哋就能夠感受到大家性能量嘅混合，佢就能夠開始相信你真係愛佢。

 

＃8 每一次女人能夠令你不能控制地射精，女人就係征服咗你，控製到你，完全將你掌握喺手掌之中。

 

佢旭一旭條脷，佢銷魂嘅呻吟，佢上下旭動盤骨，就能夠輕易地消耗你一切嘅生命力。

 

＃9 但係如果你係一個超級男人，你係有能力自我選擇幾時去射精，你係能夠透過自己嘅雄性性別，去決定擴大自己嘅愛。

 

就算女人喺床上測試你，如果你能夠選擇自己幾時射精，佢就能夠感受你嘅完整性，你嘅力量，你嘅愛。

 

＃10 所以總結就係：每次你嘅射精如果唔係自己有意識嘅選擇，你嘅女人就會知道佢係喺性方面控制緊你。

 

只要當佢知道自己話緊事，佢就唔能夠完全地相信你，佢就唔能夠完全放鬆自己浸淫喺你嘅愛之中；

 

而好多時候，亦都代表世界係接收唔到你真正嘅禮物。

 

只有當你有強化自己選擇射精嘅能力，

 

你先至能夠強化自己有意識地喺世界闖蕩嘅能力，製造一個同女人世界美滿嘅生活。

 

希望今集幫到你！

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

喺酒吧或者clubs嘅setting裡面，一切嘅power都係傾向女人嘅。

 

所以大部分去夜場嘅女人，其實都係存在戒心，雖然好想被溝，但係又唔想要唔適合嘅人去靠近佢。

 

所以今日想好快分享，幾樣男人喺酒吧好基本唔應該做嘅事情。

 

大忌＃1 企喺度唔知做乜q嘢！

 

我可以向你保證，你喺度戇企最後嘅結果，

 

就係第二朝會發覺自己唔知洗咗幾多錢，有啲hangover頭暈，並且後悔琴晚冇同啲女仔傾計。

 

所以你一定要做一個proactive嘅人，

 

一定要不斷做嘢take action，採取主動同唔同嘅人傾計，

 

採取主動首先自己have fun，跟住協助其他人have fun，你嗰一晚先至會過得精彩！

 

大忌＃2 攞住成大支酒唔知係度做乜撚嘢！

 

（呢樣嘢可能你會有時喺club見到某啲有錢仔開枱嘅時候見到。）

 

首先你咁樣做，其實就係一個防衛機制，令你感覺手上揸住一祿嘢安心啲。

 

第二就係，你攞住啲酒，喺會阻礙你一陣同女仔傾計嘅時候有身體接觸。

 

第三就係，你長期揸住一啲凍飲，你隻手就會變得冰冷僵硬，而你每次去掂女仔嘅時候，都會令到佢哋感覺好唔舒服。

 

所以無論如何，請你唔好再咁低b攞住支酒四圍fing喇！

 

大忌＃3 同女仔講野講得太快

 

（你可能自己唔察覺，但係每逢你緊張，你講嘢嘅速度都會突然提升，令到對方聽唔到你講咩。）

 

所以記住：請你將你說話嘅語速同埋身體嘅旭動減慢一半！

 

呢樣嘢雖然好簡單，但係將會大大提升你嘅自信，唔好忽略咗佢。

 

BONUS 大忌＃4  同條女喺度面試！

 

要記住你嘅focus喺have fun，跟住協助對方have fun。

 

所以頭幾分鐘你喺唔應該問佢太多問題，唔係嘅話，個感覺就好似無啦啦喺玩嘅場合畀人質問身世，悶死人！

 

只要你防止自己做以上嘅白痴嘢並且集中去玩去social，你就好容易能夠自由享受嗰一個晚上；

 

無論最後認識到幾多條女，you still have a fvcking great night！

 

希望今集幫到你！

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

＃1 各位巴打有冇試過，原本你target個條女同你打得火熱，發展得幾好，

 

但係因為佢某某嘅煩膠朋友嘅出現，最後令到你哋兩個做唔到你哋想做嘅嘢？

 

無論係另外嗰條女飲醉酒，定係嘗試喺度保護佢個frd，

 

定係佢情緒低落需要你嘅target陪，又或者係佢要早走第二日返工，

 

你總會遇上某個阻住你同你嘅target進一步發展嘅麻煩女人。

 

＃2 你要明白嘅喺：

 

係每一個小圈子裏面，你嘅target總會有一個當時最重要嘅朋友，

 

而呢個當時最重要最關鍵嘅朋友，將會係最大程度地影響你目標嘅一舉一動。

 

所以今集就想好快教你點樣確認邊個先係你target嘅『關鍵朋友』。

 

＃3 首先你要知道嘅就係：女仔幾乎都係會一班人出去玩，但係好消息就係你未必需要嗰班人每一個人都鍾意你；

 

只要你賺取到佢當時某一兩個『最關鍵嘅frd』嘅芳心，你之後做嘅嘢將會順利好多。

 

＃4 點樣去搵邊個先係『關鍵朋友』呢？ 畀一啲例子你參考下。

 

如果係某某人生日，某某人就係當時嘅關鍵人物。

 

如果佢其中一個女仔frd果晚玩得唔開心， 佢就會成為當時嘅關鍵人物。

 

如果你嘅target係遊客而另外一個係local嘅朋友，佢local嘅frd就會係關鍵人物。

 

如果其中一條女第二朝要早起身返工，但係你嘅target唔係，咁要早走嗰條女就會係關鍵人物。

 

 

＃5 重點就係： 當你嘅target見到另外一個女仔『犧牲自己時間』同你social，咁你嘅target都會覺得冇問題同你social；

 

所以你就要睇下，有邊個人同你相處嘅時候，係會『犧牲』較多呢？

 

＃6 E.g. 如果佢嘅friend無咁靚，但係決定同你social，

 

佢係會知道如果你之後溝佢嘅friend，佢自己係會有好大風險一陣自己一個，佢就會『犧牲』較多。

 

E.g. 如果聽朝要早返工嘅姊妹決定同你哋繼續一齊玩，

 

咁你嘅target就會完全覺得冇問題，因為佢聽朝唔使返工，唔會點樣『犧牲』。

 

＃7 所以當你搵到佢『關鍵嘅朋友』嘅時候，你就要首先賺取佢對你嘅好感，之後先至慢慢喺你嘅target身上出招。

 

希望今集幫到你！

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

＃1 喺好耐之前，我曾經教過各位巴打，

 

去稱讚女人理想中嚮往嘅自我形象，去讚賞佢理想中想見到嘅自己，而未必係一定要讚現時版本嘅佢。

 

但係如果你唔識得咁做，或者覺得咁樣有啲難度，有冇啲咩方法可以簡單啲讚女仔呢？

 

＃2 Great questions! 你問得Man Sir我，我當然有方法教你啦！

 

不過首先我要再次提醒你，如果你讚女仔純粹係讚佢個樣靚外表，基本上係冇咩作用，

 

因為靚女由細到大已經聽咗過千次，唔會覺得係乜嘢特別事。

 

況且每次你讚佢靚女嘅時候，你根本就係剝奪緊自己一個機會，

 

去真係認識面前呢個人係一個真正點樣嘅人，並且正常啲交談一下。

 

＃3 所以你要記住，讚人嘅基本規則就係：

 

People prefer to be complimented about things they have actually DONE。

 

任何人都係prefer俾人讚佢一啲有make an effort，佢真係用功做過嘅某啲嘢。

 

所以如果你想讚佢靚，更好嘅方式係讚佢襯衫襯得好睇，有自己嘅style；

 

又或者係讚佢行路行得幾優雅，個人行出嚟幾有composure。

 

你咁樣就唔係因為一啲天生好運嘅外表而讚佢，而喺一啲佢有勤力train過，畀過心機去改善嘅性格特點。

 

＃4 另外如果你覺得同佢幾好傾，你就可以讚佢說話技巧都唔錯，講嘢有啲內涵，睇唔出佢唔係一個膚淺嘅靚女lol

 

OR 你可以讚佢幾有腦，你講嘢書佢都有睇過搭到嘴，算係對世界各地發生嘅事情都有見聞，而唔係一個宅女公主。

 

＃5 Anyway，重點就係：

 

最簡單最有效讚女人嘅方式，就係你能夠透露到你留意到比佢外表以外正面嘅內涵／性格特質。

 

雖然聽落喺好簡單嘅嘢，但係你能夠喺認識佢一段時間之後，顯示你對佢唔膚淺嘅appreciation，你同佢嘅關係將會親密好多！

 

希望今集幫到你！

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

＃1 嚟到一連三日最後一日嘅conversation series，

 

相信各位巴打都更加明白製造良好對話嘅背後原則，並且更有信心去運用我教你嘅技巧去同女仔傾計。

 

今日等我教埋你第二同第三招，點樣去令到自己成為女仔鍾意嘅傾偈達人！

 

＃2 第二招其實就係好簡單地，引導女仔畀一啲交流性嘅feedback你。

 

意思就係：傾偈絕對唔係monologue，絕對唔係你喺度獨白，絕對唔係你喺度lecture條女。

 

尤其當你想講一個比較長嘅故事，好多時女仔都冇咁樣嘅耐性坐喺度，聽曬你講十分鐘嘢；

 

所以方法就係你要一路講故事，一路叫佢畀一啲互動嘅反應你。

 

＃3 如果你想令到你嘅故事充滿色彩充滿energy，你就需要喺講故事嘅期間令女仔一齊participate，問佢一啲小問題；

 

之後根據佢俾你嘅答案，去modify你嘅回應，再之後繼續講故事。

 

＃4 例如：『咁我同我嗰friend喺London嘅 Hyde Park踩單車…啊，你有冇去過果度啊？』

 

如果佢話有，你就可以點頭，跟住繼續講：『係囉，咁我哋之後喺附近一間cafe食嘢喎，啲三文治超正…』

 

如果佢話冇，你就可以話：

 

『Okay，咁呢個Hyde Park海德公園係倫敦最大亦都係最古老嘅嘅皇家庭園嚟嘅，基本上你喺任何一個位置都可以chill成日，好舒服好寫意…Anyway，咁我哋之後喺附近一間cafe食嘢喎，啲三文治超正…』

 

＃5 當你能夠以上製造呢啲yes/no moments，成個感覺就好似你嘅故事係直接同緊對方講嘢，

 

keep住令到女仔感覺新鮮同有趣，令到你成為一個更加迷人嘅storyteller。

 

＃6  第三招就係叫做Thread Amplification／脈絡擴展法，係非常好玩嘅一招！

 

用法就係：每當女仔表露一啲你鍾意嘅良好行為，

 

例如佢讚你／講一啲你鍾意聽嘅說話／又或者任何一啲你鍾意嘅行為特質，你就可以將嗰樣嘢誇張地放大。

 

＃7 譬如佢讚你著衫嘅style好睇，你就可以首先扮聽唔到，跟住講話咩話？

 

當佢第二次講話：『我話你著衫好睇呀！』，你就可以扮曬唔信，講話：『哈哈，nah，我唔信你會咁講囉。』

 

如果佢係認真讚你嘅，佢就會堅持己見話：『唔係呀，我認真㗎。』

 

跟住你就可以話：『哦，係咩？咁你最鍾意我著咩呀？』

 

跟住女仔就會話：『Ng….我最鍾意你著…』

 

＃8 運用脈絡擴展法嘅目的，就係將同一句句子意思不斷重複『放大』。

 

一開頭你就喺度扮聽唔到等佢重複，

 

之後你就扮曬唔信佢等佢再次強調自己意見，

 

最後就深入地問佢有咩specific嘅例子『顯示佢鍾意你嘅style』。

 

＃9 點解你扮曬同佢嗌交，話你唔信佢會咁有效呢？

 

原因就係：每逢你同人爭論／argue，九成九嘅時間對方都會更加堅持己見，

 

更加堅定自己立場，而基本上冇咩人會嗌嗌下交會無啦啦改變主意！

 

＃10 點樣利用呢種技術去溝女呢？

 

Well，每逢你鍾意女仔講某樣嘢嘅時候，你就可以扮曬唔相信佢／同佢嗌交。

 

E.g. 女仔話佢鍾意煮嘢食，你就可以話：

 

『你！？你都鍾意煮嘢食？No way…』，佢就一定會反駁話自己認真地鍾意煮嘢食。

 

E.g. 女仔話佢覺得你幾cute，你就可以話：

 

『講呢啲？你咁樣擦鞋冇著數架波…』，佢就一定會話佢唔係擦鞋囉，佢真係覺得你幾cute。

 

E.g. 女仔話佢都幾鍾意打機嘅男仔，你就可以話：

 

『邊有女仔鍾意打機嘅毒男㗎？』，佢就一定會維護自己，話其實自己都鍾意打機。

 

Anyway，希望各位巴打鍾意呢幾日一連三集『點樣同女仔有良好對話？』嘅series，

 

鍾意嘅話就畀個like我啦，希望今集幫到你！

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

＃1 男人天生係鍾意競爭嘅，男人天生係鍾意贏，男人天生係鍾意突圍而出。

 

每逢有機會嘅時候，幾乎所有品種嘅雄性動物昆蟲都會向雌性性別嘅另一方，

 

去展現自己有幾勁，展示自己高超嘅技藝，展示自己英勇無懼嘅行為。

 

所以你會見得到大猩猩會揼心口，孔雀會展現自己美麗嘅羽毛，

 

某啲動物就會喺度勁歌熱舞，務求證明自己係最值得交配嘅對象。

 

呢個方法對所有生物品種都work嘅，但係對今時今日嘅人類交配機制就唔work。

 

＃2 好多時巴打們都問我，究竟同女仔傾計應該傾乜嘢呢？

 

點樣先可以有最好嘅conversation呢？

 

今日上堂嘅重點就係：

 

雖然係違背直覺，但係好多時溝到女／令女仔鐘意同你傾計，就係講返少啲嘢，畀番多啲機會女仔講嘢。

 

＃3 首先要明白嘅concept，就係叫做Cost同Worth嘅關係。

 

意思就係：從經濟學上嚟講，越係畀得多錢去得到某樣嘢，人類越係會覺得嗰樣嘢有價值。

 

就好似畢加索嘅真跡名畫一樣，只有當你畀咗十幾億去買一幅畫嘅時候，你就會backrationalize 邏輯地解釋點解當中咁有價值。

 

所有免費同平嘅嘢都會被take it for granted，

 

冇人會珍惜佢，又或者因為佢定價平，所以被標籤為劣質貨。

 

＃4 所以Cost/Worth嘅concept話畀我哋知：

 

只有對方付出一定程度嘅代價去做某件事／承擔做某件事嘅成本或者風險，佢哋先至會覺得做嗰件事係有價值。

 

換句話嚟講：只有當女仔為你付出一定程度，佢先至會意識到自己鍾意你！

 

＃5 所以亦係點解我三番四次同你講過話，

 

你絕對唔可以令到自己太過available，太快讓一個鍾意你嘅女仔太過容易得到你。

 

可能喺幾百幾千年前，

 

穿上盔甲去為你嘅城堡公主，披荊斬棘屠殺巫婆惡魔巨龍係可以令到你溝到女。

 

但係到咗今時今日嘅21世紀，你係時候要喺呢種『童話式嘅fantasy』起身啦，

 

係時候明白聖誕節係冇聖誕老人係窗口送禮物畀你㗎！

 

＃6 重點就係：如果條女完全無投資喺你身上，完全無去為你做任何嘢，完全無付出去得到你嘅青睞，

 

sor9ry，佢喺點都唔會解釋自己點解鐘意你。

 

＃7 你亦都要明白，你畀機會女人去為你做事，其實係令佢好開心嘅一件事；

 

大部分心理健康嘅人，其實都鍾意去幫人，尤其是係一啲佢哋關心嘅人。

 

所以你畀機會女仔去為你做嘢，其實你係間接地令佢開心；

 

相反，你下下咩都幫佢做曬，你就係剝奪佢開心嘅權利，你咁樣先係絕對嘅自私！

 

＃8 你明唔明我今日講嘅重點係咩？你準備好知道同女仔有良好對話嘅秘訣未？

 

準備好嘅話，就留意聽日同後日嗰兩集技巧篇啦！

 

希望今集幫到你！

 

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

嚟到超男之道系列嘅第45集，

 

今集叫做 Use Her Attractiveness as a Slingshot Through Appearance，讓女人的美麗成為自己的動力！

 

＃1 作者意思係：一個好嘅女人係能夠成為男人闖蕩世界嘅啟發，

 

但係男人絕對唔可以忘記，自己存在嘅目的絕對唔係為咗女人而活。

 

男人必須練習透過感受女人同世界，去尋找自己最原始嘅根源。

 

＃2 你必須明白，女人都會有死亡嘅一日。

 

女人可以吸引你，治療你，啟發你去分享更多禮物，

 

但係女人係永遠都絕對唔能夠完全地滿足你，帶俾你由心出發嘅fulfillment。

 

＃3 你應該都感受過，當你得到一個好想要嘅女人嘅時候，

 

嗰種感覺其實係冇你想像咁正咁滿足，但係你就不斷地被呢種『慾望嘅海市蜃樓』欺騙完一次又一次。

 

唔好責怪女人，你只係被自己嘅興奮蒙蔽咗，正確嘅女人係應該被珍惜嘅。

 

＃4 就好似一個彈弓咁，你對女人嘅慾望係可以作為一種動力，去帶領你尋找『想要女人』呢種慾望嘅根源。

 

＃5 女人只係『表面嘢』嘅典型例子，

 

而所有嘅『表面嘢』好多時睇落都好似應承你會得到一啲你內心真正想要嘅嘢。

 

譬如你想事業成功，你想從女人身上得到愛， 你想身體得到快感，你想你隻狗聽你話etc。

 

＃6 你得唔到呢啲表面嘢嘅時候，你就會好唔開心；

 

但係當你得到嘅時候，你會發覺原來你只係冇咁唔開心。

 

要真真正正開心，就係當你放過自己呢啲『需要』，消除呢種需要從『表面事物』之中得到任何嘢嘅念頭。

 

＃7 你其實一早已經有你想要嘅嘢，you already have what you seek，

 

睇落你想要嘅『表面事物』，其實只係反映你內心深層次樂而忘憂嘅福氣。

 

其實『你』就係你一直尋找緊想要嘅嘢，

 

只係你不斷向外四圍望，不斷四圍追逐尋找。

 

＃8 你真正靈性上嘅需要， 就係希望透過自己意識／consciousness尋找到自己發光發亮嘅根源。

 

你其他表面嘅慾望，只係一啲途徑去令到你得到靈性上嘅合一／spiritual oneness。

 

＃9 所以當你感受到被女人吸引嘅時候，除咗讓你嘅慾望去感受佢之外，

 

你必須學識不被打擾嘅情況下感受女人嘅每一種形態。

 

唔好被表面嘅名成利就大波大籮令自己分心，

 

唔好被表面嘅名成利就大波大籮令自己沉迷 ，

 

學識點樣從自己的慾望之中，感覺出同世界合一／oneness嘅慾望，你就能夠得到真正嘅滿足。

 

希望今集幫到你！

 

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

嚟到超男之道系列嘅第43集，

 

今集叫做 Never Allow Your Desire to Become Suppressed or Depolarized，別容許自己慾望被淡化！

 

＃1 作者意思係：每當男人否定自己對雌性女人嘅慾望，無論係透過自己選擇又或者因為太過親密熟悉大家，

 

你就有被去極化／depolarized嘅跡象。

 

＃2 去極化／Depolarization嘅意思，

 

就係當男人同女人相處得太耐嘅時候，男人就會慢慢失去咗自己嘅edge，

 

失去咗自己嘅雄性力量／masculinity，變得越嚟越似『女人』，同伴侶越嚟越相似。

 

最後因為雙方都失去咗自己原先嘅極性／polarity，所以失去咗大家關係之間嘅激情／passion。

 

＃3 但係要知道，作為男人嘅你係有責任去培養一個polarized嘅關係，一個雄性雌性分明嘅relationship，咁樣你哋雙方先至會保持到對大家嘅吸引力。

 

唔係嘅話，你就會開始埋怨世界同女人，你就會開始損害自己分享禮物嘅能力。

 

＃4 當然一個全新嘅女人／工作，係會令到你暫時性地興奮；

 

但係如果你純粹為咗追求新鮮感嘅刺激，呢種嘅excitement係永遠唔會維持得耐，你最後又喺希望得到更加新嘅女人／工作。

 

＃5 要記住就係：Familiarity／熟悉親密，係會同化／neutralize咗男女嘅極性，令到雙方出現depolarization（去極化現象），

 

變得越嚟越似大家，慢慢失去自己原本嘅極性。

 

最後因為『男人唔似男人，女人唔似女人』，

 

原本嘅愛人就會怨恨大家唔再似係當初嗰個有吸引力嘅人，互相輕視對方嘅存在。

 

＃6 當女人感覺到你無咗雄性果種『穿透性』，無咗雄性嘅目的性／purpose，無咗雄性嗰種不斷衝鋒嘅penetration，

 

佢就唔再能夠感受到你雄性嘅sexual energy，繼而損害咗自己雌性嘅radiance／燦爛，你亦都會覺得佢越嚟越唔吸引。

 

＃7 你將來留意到有depolarization嘅時候，

 

你留意到自己開始太過舒服太過安於現狀嘅時候，

 

你留意到同女人嘅關係開始失去passion嘅時候，應該要點做呢？

 

＃8 要明白嘅係：出現depolarization嘅原因，好多時都係因為你自己停止咗『搏盡無悔／不斷進步打拼』嘅精神，

 

好多時都係因為你自己開始hea，開始得過且過開始人云亦云，所以女人同世界都停止去回應你嘅需求。

 

＃9 所以解決方法就喺，你必須再次重整你嘅生命，以你當下最啟發到你嘅life purpose再次活著，重新定義你嘅人生目的。

 

只有當你再次燃起自己對生命嗰一團火，

 

你先至能夠再次帶領女人從黑暗中走出嚟，

 

你先至能夠利用自己嘅存在感去啓發女人對你嘅熱愛，

 

你先至能夠激發大家想要大家嘅慾望。

 

希望今集幫到你！

 

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

＃1 喺好幾個月之前呢，我曾經拍過一段叫做『點樣正式用『推拉法』溝女？』嘅片，

 

今日想再同大家講下，點解所謂嘅push pull喺你溝女上係咁重要。

 

＃2 『推拉法』之所以有效，原因係你能夠製造情感上嘅張力／emotional tension，令到女仔被你吸引。

 

所謂嘅Emotional Tension，就係講緊每逢你製造一啲『未解決』／unresolved嘅情感矛盾，

 

不斷增加呢種tension，去到某個位就釋放出來，之後又再次引發一啲火花出嚟。

 

＃3 呢種咁樣嘅emotional tension，

 

其實就係點解電視劇／三部曲嘅電影／小說／話劇等等，咁引人入勝嘅原因。

 

咁多年嚟，好睇好賣嘅書籍或者電視劇嘅結構，永遠都係：

 

一開頭有一啲矛盾嘅conflict，出現某啲衝突或者drama，

 

之後每一集都解決咗某個問題，resolve咗某啲tension，

 

但係之後又出現下一個潛在危機或者衝突，之後重複又重複呢個結構。

 

＃4 你能夠製造到類似嘅結構，你就能夠令到你嘅觀眾上癮期待著睇下一集，

 

因為心理上佢哋好想得到某啲答案，消除內心嘅tension。

 

所以你做push pull嘅目的，就係同時製造空間令女人遠離你，但係之後又製造機會畀佢親近你。

 

＃5 畀個例子你：試諗下你最鍾意食嘅嘢 e.g. 朱古力。

 

如果你過去嘅三個月好努力節制飲食，完全冇食過你最鍾意食嘅朱古力。

 

到你過咗三個月終於可以食朱古力嘅時候，你會唔會有比起之前更加大嘅慾望去食呢？

 

再想像下，正當你終於可以食朱古力嘅時候，

 

食咗幾啖之後，突然之間有個仆街搶咗你包朱古力，令到你冇得食。

 

你除咗想打鑊金佢之外，你估下你對食朱古力嘅渴求，會唔會再幾何級增加呢？

 

Of course！

 

＃6 重點就係：『推拉法』／Push Pull，喺要以淘氣／玩下／講笑嘅心態去做，

 

你嘅目的絕對唔係用嚟傷害女人，你嘅目的只係playfully tease her！

 

你利用你嘅言語去推走佢，但係你嘅subcommunications／能量又暗地裏拉佢埋嚟。

 

最典型嘅就係一種『友善嘅辱罵』，一路口講話佢『傻仔』，

 

但係一路露出眼神嘅微笑+嘴角向上翹起奸笑+用一種好似話小朋友嘅語調去話佢。

 

做得正確嘅時候，女人就會覺得你好charming好有吸引力。

 

＃7 例如，你同某個女仔好好傾並且有身體接觸嘅時候，

 

喺適當嘅moment你就可以輕輕捉住佢一隻手同佢講：

 

『啊，乜你笑得咁開心嘅，搞到我都有啲開心添，你嘅笑容應該係我今日見過最靚嘅一個。』（Obvious Verbal + Physical Pull）

 

通常女仔嘅回應都會講多謝。

 

之後你就可以一路用另一隻手數手指，一路講話：

 

『唔使客氣，不過等陣先…我好似今日同過好幾個其他女仔傾計，佢哋啲笑容都唔錯…我諗咁多個嚟講，我諗你都係排第四嘅，不如我叫你做阿四啦！』 ，

 

跟住你就輕輕推開佢隻手 （Verbal + Physical Push）。

 

好多時候，肯同你玩嘅女仔就會講：『唔得喎！我要做第一！』

 

跟住你就扮曬諗下先個樣，跟住講話：『唔…好啦，見你頭先表現咁好，等我靜靜雞排你做我嘅小三啦！』，

 

再可以輕輕攬下佢。（Verbal + Physical Pull）

 

＃8  你咁樣做女人會唔會覺得你好mean呢？當然唔會啦！

 

除非佢係有情緒問題，大部分嘅女人都會覺得呢啲叫做funny／charming／搞笑／好玩；

 

更重要嘅係，呢種就係製造令佢想要你更加多嘅感覺。

 

＃9 Push pull嘅組合可以有好多，身體上言語上都可以各自有不同推拉嘅組合。

 

總結就係，只要你精通push pull嘅技巧，你就能夠打好製造吸引力嘅基礎。

 

希望今集幫到你！