標籤: 畀女溝

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日好興奮，因為即將share比你嘅嘢係好正！

 

Approach Anxiety，即係驚走過去打開口同女仔傾計，係好多男士都會遇上嘅困難；

 

就等我好快分享四個mindset，協助你解決呢個問題。

 

Mindset＃1：無論我當時有乜嘢心理狀態，都係一個最好嘅狀態去同女仔傾計。

 

其中一個男人畀自己唔approach最大嘅藉口，

 

就係同自己講話嗰一刻佢未ready好，佢仲未『入狀態』，佢仲未『熱身』，

 

所以佢就同自己講話『不如買杯嘢飲先啦／不如去個廁所先啦／不如下一首歌先啦／不如等我high啲先啦／不如睇定啲先啦』等等。

 

真相就係：

 

你越係『等多陣先』，你越係搵藉口唔去approach嗰個女仔，你之後會發現越嚟越大壓力去再做呢個動作。

 

你個腦就會比越嚟越多藉口你唔去approach，你亦都會有越來越多負面嘅諗法點解你唔應該approach。

 

所以由呢刻開始，每次你見到合眼緣嘅女仔，無論你有心理準備好未，你都要馬上行動，亦都係我哋第二點講嘅嘢。

 

Mindset＃2 ：我隻腳行嘅速度，一定要快過我個腦諗到嘢嘅速度。

 

你要開始訓練自己，每逢你見到合眼緣嘅女仔嘅時候，你要馬上郁你隻腳行去佢嘅方向。

 

即使你未諗到要講咩好，即使你最後會唔會真係停低佢開口講嘢；

 

喺你啱啱學習approach女仔嘅階段，

 

你一定要訓練到自己有一個條件反射嘅自動反應，就係『當我見到心動嘅女仔，我就會即刻行過去，拉近我同佢嘅距離』。

 

當你develop到有呢一種habit，當你習慣將自己放喺靚女附近，並且感受佢令你產生嘅緊張感；

 

你下一步再去學習點樣開口講嘢將會更加容易，亦都係同我哋第三點講嘅嘢有關。

 

Mindset＃3：當我開口say hi，我就已經係一個贏家。

 

事實就係，無論係乜嘢場合，90%嘅男人都係驚做打開口say hi嘅人，幾乎個個人都係等緊對方『將冰山劈開』。

 

咁所以，當你能夠淨係講一句半秒嘅Hi，你就已經係馬上將自己放喺Top10%嘅位置；

 

咁簡單直接就可以拋離對手並且成功嘅嘢，你唔係唔做吖嘛！？

 

再加上，我強調咗好多次：

 

ACTION/行動係永遠重要過OUTCOME/結果。

 

如果我哋將成功嘅定義同未發生嘅『結果』掛鈎，咁我哋人生快唔快樂就會係取決於永遠無法100%肯定，將來先至發生嘅結果。

 

相反，如果我哋將成功嘅定義同『當下嘅actions』掛鈎，咁我哋人生嘅快樂係絕對100%控制喺自己手上面；

 

只要你願意去take action行動，無論結果係點樣，你都係100%成功，你都係100%快樂。

 

所以要好好記住呢個approach必須有嘅心態，就係：當我開口say hi，我就已經係一個贏家。

 

Mindset＃4： 每一次嘅approach你都問下自己：

 

『吖！呢一刻我可以做啲乜嘢，令到我會好好享受呢個moment呢？What can I do to have a great time？』

 

太多男人都將opening／開場白嘅一刻睇得太重要，覺得如果佢哋唔能夠製造一個『完美嘅』approach，佢哋就一定溝女失敗。

 

Bro，that’s not true。

 

開場白只係你同女仔傾計嘅interaction，佔千分之一，萬分之一，億分之一嘅一樣小事，

 

對你將來同佢嘅任何可能性根本冇咩太大影響。

 

你要focus嘅，只係喺每一次對話之中，你可以點樣令到成件事變得好好玩呢？

 

點樣可以令到大家都enjoy嗰十幾秒／幾分鐘／甚至幾十分鐘嘅對話呢？

 

如果三唔識七，你一開頭就問人哋好深入好deep好heavy嘅問題，係人都會驚咗你啦。

 

相反，如果你係抱住一個『好奇睇下有乜得意嘢可以發生』嘅心態，無論你同個女仔將來會唔會有咩事發生，你哋都能夠喺當下享受溝通嘅過程。

 

以上就係解決『驚開口同女仔傾計』必須擁有嘅四個mindsets，我哋總結多次：

 

Mindset＃1：無論我當時有乜嘢心理狀態，都係一個最好嘅狀態去同女仔傾計。

 

Mindset＃2：我隻腳行嘅速度，一定要快過我個腦諗到嘢嘅速度。

 

Mindset＃3：當我開口say hi，我就已經係一個贏家。

 

Mindset＃4：每一次approach都問下自己：『吖！呢一刻我可以做啲乜嘢，令到我會好好享受呢個moment呢？』

 

 

只要你開金口，你就已經係比起90%嘅其他人更大機會贏；

 
以上咁寶貴幾乎必贏嘅溝女態度，請你由今日開始好好背熟佢哋嘞！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今集嘅溝女人生Q&A比較複雜，因為呢位叫Simon嘅巴打連續問咗我幾條問題，我相信任何一條都會對聽緊嘅你有幫助。

 

咁我哋就逐一解答Simon嘅問題啦，佢首先同我講：

 

『 Hi Man，我係Simon。

 

我係最近才觀看你的影片，我花了兩天終於把所有影片看完了，因此我相信你可以教我解決我以下幾個問題。

 

1.目的性

我發現我溝女比較難放鬆，可能是因為我仍然是A0，兩年間不停地失敗。開始對自己不信任，害怕去溝女。

 

但我同意仍很希望自己能夠順利拍拖，所以不斷去觀看不同溝女影片，

 

但我開始把所有東西公式法，例如我做A是希望她會B。』

 

好，等我哋解答第一條問題先。

 

我就同Simon講：

 

『Yo Simon！

 

多謝你咁勤力支持，等我以下逐一解答你嘅問題。

 

＃1  溝女其中一個最大，你必須學識嘅paradigm shift，

 

就係你一定要『Focus On Your Actions & Behaviors，Let Go Of Any Outcomes』

 

意思係，你要將『成功嘅定義』， 同你自己嘅行動行為直接掛鈎，而唔係同結果／成績掛鈎。

 

你要著重你喺『過程』做過啲乜嘢，

 

而之後得出嚟嘅『結果』係點，並唔係你可以完全控制得到，最後成績係點都唔重要。

 

當然，我哋學溝女梗係想結果『溝到女』啦，

 

但係每一次你將自己嘅自信／自尊（self-esteem）同控制唔到外來嘅成績睇齊，你每次所謂嘅『失敗』，就會嚴重打擊你下一次付諸行動嘅勇氣同動力。

 

所以如果你將溝女嘅嘢太過邏輯化，太過公式化，

 

你就係令到自己有一種『當你做A，女仔一定會有B反應』自欺欺人嘅幻象。

 

 

真相就係：

 

我哋只能夠盡力去『感染』個女仔，盡力去『誘發』佢一啲emotions出嚟，盡力去『色誘』佢哋；

 

但係就算係最正嘅碧咸，C朗，彭宇晏，黃曉明，吳彥祖，Justin Bieber，Johnny Depp，George Clooney定係Dan Bilzerian，

 

地球上最有吸引力最sexy嘅男人，都係無可能令到100%嘅女仔鍾意佢或者同佢上床。

 

所以你要明白：

 

你要focus嘅，係展露更加多有吸引力嘅行為特質，盡力去take action誘發女人嘅情感，

 

即使你能夠大大十倍增加佢愛上你想搞你嘅機會，之後最終佢受唔受，都係一個不可預知嘅變數。

 

Goals／targets／有目標係好事，但係process過程+action行動先至係你90%時間需要專注嘅嘢。 』

 

 

好！第一條問題搞掂，跟住Simon問我嘅第二條問題係：

 

『2.紳士與兵

 

如何分別紳士的風度體貼和兵仔的盲目奉獻？

 

約會後，送一個女仔回家是？

 

她去洗手間我幫她提一提手袋是？

 

去戲院睇戲借被子給她是？』

 

 

好！以下就係第二條問題嘅回應：

 

『＃2 其實做有風度／體貼細心嘅紳士係冇問題，女人當然唔會鍾意一個對佢好衰，對佢仆街打佢嘅男人啦，

 

所以你畀嘅例子都係一啲好sweet好caring嘅行為。

 

但係坦白講，今時今日大部分嘅男仔都識得『對女人好』架啦，識得尊重女人，識得有禮貌地仔細聆聽佢嘅story。

 

所以喺呢個sexual market上面，你繼續做同樣嘅嘢係唔能夠令你stand out。

 

紳士嘅嘢你可以繼續做，但係唔係一開頭你啱啱識咗佢冇耐就咁快做。

 

你頭幾次嘅date（尤其喺你同佢瞓咗之前），你一定要展露大部份男人唔會展露嘅一面。

 

亦即係我成日所講嘅teasing，challenging，一開頭就要假設大家係好熟，大膽啲笑下佢串下佢。

 

有時好不經意carefree地略略講下sexual嘅話題， 有時無視佢嘅問題轉topics，有時對佢熱情，有時對佢冷淡等等。

 

佢絕對唔可以咁快知道曬你嘅所有底牌，永遠唔可以完全知道你諗咩，

 

你一定要保持神秘感，不斷製造機會畀佢去諗你，去猜測你，去掛住你。

 

並且要讓佢知道，你做人係有高要求嘅，

 

唔會純粹因為佢樣靚身材正，就咁快奉承佢／討好佢／投資落佢度，唔係嘅話你就會變成兵！』

 

 

第二條問題搞掂，到最後嘅一條問題，Simon問我：

 

『3. 減肥方法 有一些成功減肥方法提供?』

 

咁我嘅回應就係：

 

『＃3 至於減肥，千祈唔好選擇一啲『三個月就減廿磅』嘅gimmick，嗰啲就算短期有效果，你之後好快就會唔小心增返磅。

 

減肥係應該從lifestyle入手，並且清晰列出自己點解要減肥嘅原因。

 

你唔減肥短期長期有乜嘢痛苦呢？

 

你唔減肥有咩後果呢？

 

當你擁有理想嘅身形，你會得到乜嘢感覺？

 

你夏天去海灘嘅時候仲敢唔敢除衫？

 

你每日工作嘅時候會多咗幾多energy？

 

至於方法，其實唔需要複雜化。

 

首先，你一定要改變你食嘢嘅習慣。

 

除咗每餐應該最多食70－80%飽之外，你必須要有30－40%嘅greens／vegetables， 其餘係食肉食紅米糙米飯都ok。

 

汽水可樂甜品高糖份嘅嘢我不嬲都『一年先一次』，糖份係fvck up你身體嘅主要原因，比起脂肪更加邪惡有毒。

 

如果你淨係由飲食開始，再加埋每日出去行20－30分鐘，一個咁簡單嘅生活模式改變，都會對你體重有顯著嘅改善。

 

 

你肯咁樣做，我遲啲就再specific啲去分享更多心得啦。

 

 

希望今集幫到你！』

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日為你準備咗一條頗長嘅溝女Q＆A ，協助巴打解答問題，呢位叫做Ray嘅巴打問我：

 

『Hey, bro. 我睇左你d片幾日，而家開始調整自已心態，

 

要變成一個吸引女人的Alpha Male， rather than just a nice guy who goes after girls。

 

但我想問溝一些已經有男友嘅女仔，同一些單身嘅女仔喺心態上同技巧上有咩唔同?

 

是咁的，我對一個女仔已經有好感好耐，佢係一個非常內向嘅女仔，說話不多、朋友都好少，

 

我當時同佢相處得幾好，對住我嘅時候佢亦比平時多說話同外向，不過佢當時有男朋友，所以我冇去追到。

 

一年後，即係而家，佢竟然主動同我講佢近排同男友關係變差，

 

佢非常不滿她男友的性格，佢都有問我作為男性嘅睇法。

 

我冇太直接答佢，只係同佢講下大家對戀愛嘅睇法同埋講下近況，同埋講d開心野，整個對話以良好氣氛結束。

 

而家我有d想追佢，但唔知點入手，應該用咩心態、手法同策略應對?

 

係咪應該借d意約佢出嚟，表面為她男友說話，實際上踩佢？應該點先可以令佢變心？

 

P.S. 佢仲未同男友分手』

 

非常詳細嘅一條問題呀，

 

亦都係好多男仔想知道，當女仔有男朋友同冇男朋友嘅時候，應該點樣入手溝佢嘅一條問題。

 

以下就係我對阿Ray嘅回覆：

 

『 Yo Ray！

 

唔錯唔錯，冇錯係要首先focus喺自己有吸引力嘅behaviors先，啲女之後先會嚟。

 

睇完你嘅descriptions，有幾點可以注意下。

 

＃1 無論對方有冇男朋友，你嘅attractive behaviors都唔應該有咩改變。

 

Attraction is NOT a choice，

 

如果你係一個有吸引力嘅人，無論對方有冇『家室』，佢都係會情不自禁被你吸引。

 

你只需要繼續做返我平時教你F+C，做多啲push+pull，咁樣女仔係會情不自禁被你『拉埋去』。

 

你要記住：

 

Attraction係一種emotion，一種自己控制唔到嘅情感，並唔係一種邏輯性嘅嘢。

 

當你顯示到一啲有吸引力嘅行為特質，咁樣就係你溝到佢嘅第一步。

 

＃2 你同個女仔係點識㗎？

 

聽落好似係同學咁樣，所以你話一年前『同佢相處幾好』，有可能當時佢已經只係當你係一個幾nice嘅普通朋友。

 

＃3 你意思係，你哋之間真係一年冇傾過計，跟住無啦啦某一日佢同你講男朋友嘅嘢？

 

要小心，女仔係會經常揾佢哋嘅『gay best friend／無性關係嘅男仔朋友』去訴苦；

 

如果你太過為佢分析成件事，太過仔細聆聽佢嘅痛苦，你只會墮進friendzone嘅陷阱。

 

＃4 我感覺你哋之間建立太多rapport，太多好朋友傾計嘅vibe。

 

正如你所講，每次嘅對話都係以『良好氣氛結束』，呢種未必係好事。

 

因為當你冇咩challenge玩下佢，當你淨係不斷pull佢埋嚟，佢只會覺得你係一個好男人好朋友，

 

而唔係一個unpredictable／唔知你下一步會做咩／令佢會有緊張感嘅sexual man，再係咁樣落去會好難溝到佢。

 

＃5 點都好，既然佢搵得你，就直接啲話『咁耐冇見，約出嚟啦』，同佢搵啲fun activities一齊玩下。

 

約咗出嚟之後，唔好特登提佢男朋友嘅嘢，

 

你要focus嘅係『佢同你一齊相處嘅時候，你能夠帶畀佢 a wide range of emotions』，

 

要有刺激開心嘅情感，要有少少痛苦少少挑戰佢嘅情感。

 

如果佢主動提佢男朋友，

 

你要有一種『一定係你自己衰啦，你男朋友冇咩錯呀，對你咁好，成日黐住你，咩都就曬你，聽曬你話咁好人等等，我就一定做唔到咁樣啦』類似嘅說話。

 

每逢女仔想投訴，

 

你就話係佢嘅問題，跟住tease下佢話『唔怪得知你冇咩男人想要啦，你男朋友肯你，你都算執到啦』類似講笑嘅說話。

 

 

並且同時暗地裏frame個男仔係一個beta male，係會容許女人嘅臭脾氣；

 

 

暗示你自己先係Alpha，會好忙，會有高嘅standards，世界唔會淨係圍繞著個女人轉。

 

 

如果你肯根據以上所講咁樣做，條女就會慢慢發覺並且自己總結，

 

『原來同你一齊好似更加興奮，更加刺激，更加好玩』，到時佢就會認真考慮仲同唔同嗰條粉腸一齊喇！

 

 

希望今日幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日又有一條好短嘅Q＆A為巴打解答，呢位叫做MC嘅巴打問我：

 

『Hello 我叫MC， 我係一個肥毒L，睇左你幾集我都發覺幾中point 。

 

但想問點樣可以打扮一下自己，增加自己嘅自信？

 

我唔係幾識得同女仔相處，而且身邊女仔朋友可以話係零，

 

所以想問下，一個肥毒L係咪可以話無資格出Pool拍拖架，

 

利申18歲，肥毒L，165cm，80KG。』

 

喺我解答呢位巴打問題之前呢，我相信如果你有聽過PUA講嘅嘢，

 

佢哋係會同你講一啲類似話

 

『即使你又肥又矮又毒又蠢又窮又hea，但係當你學咗佢呢三種神奇嘅說話技巧之後，你聽日就會即刻溝到女…』等等嘅說話。

 

又或者網上流傳一啲，好撚樣衰嘅外國大肥佬，

 

身邊無啦啦有個大波妹喺隔離攬住佢，跟住就cap圖話有錢就溝到女嘅垃圾謊言…

 

我聽完當堂嚇一跳，然後得啖笑。

 

所以以下係我搭番MC嘅真實答案，我同佢講話：

 

『Yo MC，

 

你知我唔會bullshit你，所以我會講出真相俾你聽。

 

你準備好未？

 

Great。

 

#1 人係一定會有bias嘅，你嘅first impression係絕對會影響女仔對你嘅印象。

 

所以當佢遠處見到你嘅oversize嘅比例，自然反應一定係：

 

『嘩，呢條友一定係唔做運動，食嘢唔節制，唔會take care自己body，間房好污糟，成日喺度打機打飛機嘅肥毒撚啦！』

 

無論事實係咪咁，佢哋都會有咁樣嘅感覺，that’s the cold hard truth！

 

#2 所以其實你嘅priority，係去除身體過多嘅脂肪（去返大喲65－70kg），令你有返實在嘅energy同自信心，之後先至去出去識女仔。

 

因為坦白講，如果你以而家咁樣嘅狀態出去，你嘅成功率一定喺低好多，

 

你只會係 set yourself up for failure.

 

#3 至於短暫嘅打扮，無論身形喺點，著fit嘅衫褲係必須。

 

Slim cut 甚至skinny cut係最好，另外著深黑色嘅衫褲視覺上會瘦少少。

 

#4 我諗你呢一刻未必太過著重飲食。

 

但係記住：

 

最成功嘅人90%嘅時間會focus食物嘅營養同能量價值，nutrition同energy value，間唔中10%先會放縱下，試下唔同嘅味道。

 

 

所以如果你想成為Top1%，成為一個做任何事有效率嘅人，你喺冇可能繼續做一個癡肥嘅人。

 

 

#5 你要開始識女仔friend，增加多啲同女性相處嘅機會。

 

 

唔係就算俾你溝到女，你都會因為『唔明白』女仔而好快被分手。

 

 

以上呢啲都係你需要做嘅準備功夫，亦都係長遠對你多方面有好處必須做嘅事。

 

 

我知道以上嘅advice未必係你想聽到嘅『溝女技巧』，

 

亦都可能好入肉傷害到你嘅ego，

 

 

但係其實你心裏面都知道以上嘅嘢係你應該做嘅事情。

 

 

工欲善其事，必先利其器。

 

 

請你搞一搞你嘅body，操fit你副偈，你可以吸引到女人嘅範圍將會大好多！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

最近收到一位『人夫』巴打嘅問題，

 

由於佢問嘅問題比較敏感，所以今集我哋淨係略略講下重點，希望幫到你解決你將來有機會發生嘅感情困惑。

 

咁呢一位巴打嘅難題就係，

 

因為朝見晚見嘅工作關係，佢發現佢嘅前女上司好似對佢有少少肉體上嘅興趣；

 

但係由於佢已經身為『人夫』，所以佢好驚搞下搞下自己會出軌。

 

咁雖然佢已經轉咗工一段時間，但係最近呢位比佢年紀細嘅前女上司，想約佢出嚟食飯，

 

所以呢位巴打都唔係好清楚係咪自己諗多咗，唔知道應該點樣做。

 

咁我哋其實來回咗幾次email溝通，

 

如果你依家或者將來有機會遇上呢啲情況，以下係有幾點你需要注意嘅：

 

＃1 男人對美麗嘅女人心動係好正常嘅。

 

無論有冇伴侶都會，你唔需要為自己嘅自然嘅生理慾望感到自責。

 

咁所以當你發覺自己『內心已有蠕動』嘅時候，其實已經顯示你對佢有『性趣』，

 

You want to fvck that girl！

 

所以佢嘅行為表現會令到你心動。

 

＃2 女人係鍾意有market嘅男人，係鍾意同其他女人爭男人，所以好多『人夫』會比起『單身男』更加受女人吸引。

 

當你將來有一個『有其他女人想要／想爭』嘅reputation，

 

到時你嘅quality problem，你面對『有質素嘅困難』就會變咗係『唔知道應該揀邊條女？』。

 

係呀，比好多女溝係有可能好煩㗎；

 

不過你唔使唔開心嘅，當你將來遇到呢啲情況嘅時候，我哋再慢慢進一步解決。:D

 

 

＃3 呢位巴打略略講咗好耐無搞嘢，所以性生活好撚悶好dry。

 

從對話之中，好明顯地佢同太太已經無咗passion，大家之間冇咗sexual polarity，所以冇咗一段關係必要嘅元素sex。

 

但係你作為男人，如果你想再有激情，你想『舒服』一下，

 

你就一定要重燃大家之間嘅慾火，因為除咗love + emotional connection，sex都係一段男女關係嘅必須品。

 

 

＃4 呢位巴打有個位講話『因為呢啲言不由衷係好辛苦，如果條女肯攤出來傾，大家會終結，我有勇氣去面對囉！』

 

好一招推卸責任！

 

Bro，聽緊嘅你，唔該唔好將個責任放喺個女人到，

 

唔好話『如果佢肯XYZ』咁我就唔洗咁唔開心之類嘅嘢。

 

You are the fvcking man！

 

你有足夠嘅勇氣+能力+人生經驗去處理呢啲事，一個小小嘅女人你都搞唔掂，你點樣去做大事？

 

Take full responsibility on the situation，

 

自己決定咩行動先係對大局最好。

 

 

之後撞到佢咁又點啫？

 

食果lunch唔會有咩可以發生，除非你比機會佢入。

 

至於食晚飯或者飲嘢就唔好啦，好容易出事。

 

如果你真係唔想同女上司有『出軌』嘅機會，咁你必須一刀切，斷絕任何聯絡方法，斬斷所有見面潛在性嘅可能。

 

最後今集帶俾你嘅重點係：

 

如果你將來遇到類似嘅情況，我係會尊重你任何嘅決定，亦唔會judge你做嘅嘢有咩啱唔啱。

 

生命係你嘅，內心真正開唔開心都只有你一個人自己先至知道。

 

最重要係，記住每個決定都係自己一手造成，

 

千祈唔好因為一啲『恐懼』而令到自己甘於妥協，屈服係一啲唔如意嘅生活或者狹隘嘅價值觀上面。

 

要做一啲『唔會後悔』嘅決定，你嘅人生先至能夠稱得上搏盡無悔！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第6集，今集嘅主題係叫做Always Hold To Your Deepest Realization！

 

我首先需要好坦白同你講，我暫時唔算太完全明白作者喺呢一個chapter所講嘅idea，

 

但係我都略略get到佢想講啲咩，所以今日都好快同你分享一下。

 

作者一開頭就講話，男人一定要每一刻都以『Eternity／永生』作為佢嘅居所，

 

所以佢嘅首要任務係要去做『真正嘅自己』，去以最深入最deep嘅being去做人。

 

其他所有嘅嘢都係次要，

 

無論係你嘅工作，你嘅兒女，你嘅妻子，你嘅財政狀況，你嘅藝術家設計，你嘅娛樂等等。

 

如果你唔係用你最深入有意識嘅being去做人，以上嘅事物都只係一啲空虛膚淺嘅表面。

 

想問你一個問題：每一日你有幾多個鐘喺將自己嘅attention放喺無時無刻嘅外在改變？

 

你會花幾多時間留意世界大事，其他人發生嘅嘢，其他嘅諗法或者experience？

 

你感唔感覺到自己呢一刻係咪『有意識』去做人？

 

你察唔察覺到你內心最深深處係想你點樣做人呢？

 

呢一種最deep既野就係作者所講嘅The Source，你自己嘅根源係永遠唔會變化，佢係永遠留喺度等你去連繫佢。

 

你一定要首先connect你自己內心最deep嘅根源，你先至好再次接觸你嘅工作，你嘅關係，你嘅家人，同埋你創造嘅事物。

 

好多男人犯嘅錯誤，就係將佢哋寶貴嘅attention，放喺一啲塵世間無謂嘅紛爭上面，

 

浪費自己嘅能量喺一啲過眼雲煙嘅世事，日復日年復年，虛度自己嘅歲月，將自己『被吸引入去』一啲無謂嘅『責任』裡面。

 

要將『責任』變得有意義，變得有價值，你就一定要首先connect內心最深處，之後用嗰一種嘅態度去做每一件事。

 

所以作者建議我哋，周不時都要閱讀一啲書籍去提醒自己『真正係一個點樣嘅人』；

 

我哋亦都應該花最多嘅時間，同一啲啟發到自己+最反映到真實自己嘅人相處學習。

 

當你知道自己嘅higher self，

 

當你用盡一切方法以『最deep嘅being』去活出你生命嘅細節，

 

當你能夠stay grounded腳踏實地去面對每日嘅挑戰，

 

 

你就能夠以一種幽默嘅態度去處理每日必需嘅事項，知道其實呢啲都只係霎眼嘅『海市蜃樓』。

 

我相信作者所講嘅『Know Eternity』，就係講緊當你能夠以一個最真實／最深入／最理想版本嘅自己去處理任何事情，

 

你就能夠知道自己嘅『永生』，你就唔會因為一啲日常嘅瑣事而影響自己情緒。

 

你會得到絕對嘅清晰，

 

你會感到完滿嘅每一日，

 

你會以『who you really are』去忠於自己活出精彩嘅每一天！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

其中一樣好多好男人會犯既錯誤（包括曾經嘅我），就係當佢哋喺度所謂『搵女朋友』嘅時候，佢地會有呢一種咁樣嘅idea：

 

覺得佢哋一定要所謂『專一地』搵一個女朋友，

 

覺得如果佢哋同時間date幾個女仔就係『唔道德』，

 

覺得同時間只鍾意有一個女人先至係『正確做嘅事』。

 

我諗其中一個原因點解好多男人都會咁諗，

 

就係我哋好多時自動自覺會覺得，女人係鍾意一啲『專一』嘅男人，佢哋係會鄙視一啲同時間date幾個女仔嘅男人；

 

所以男人會覺得只有對個女仔係『The Only One』既時候，將所有時間畀曬佢嘅時候， 個女仔先至會鍾意佢。

 

但係事實話你知，咁樣嘅態度喺現實生活之中其實係唔work㗎，你可以從無數嘅現實例子之中見得到：

 

每次當個男人將個女人變為佢宇宙嘅正中心，

 

每次個男人對『某個女人』非常沉迷嘅時候，

 

個女人就會好快對個男人失去之前擁有嘅吸引力，並且會同你講『你搞到佢好窒息』，之後更加可能因為咁樣而分手。

 

所以如果咁好彩你搵到一個同你好啱傾嘅女仔，當你變得太專一嘅時候，你會好無奈地因為你嘅『專一』而之後失去佢。

 

對於一啲比較初中階嘅巴打嚟講，

 

其中一個方法去防止自己對某個女仔太過obssessed，太過著迷，搞到你嘅女神好憎你，就係同時間date幾個女仔。

 

能夠有multiple relationships其實有幾個好處：

 

＃1 你能夠develop一個良好嘅自尊心同埋『對女人應有嘅態度』。

 

當然我哋嘅self-esteem永遠一定係由自己首先出發，唔應該依附係外在因素上面。

 

但係坦白講，當你知道自己同時有幾個女仔溝緊你，同時有幾個女仔date緊你爭緊你attention，你嘅自信心唔多唔少都會爆棚啲！

 

如果你淨係得一條女，佢就會有好大嘅power，好容易影響你嘅情緒。

 

每次佢reject你，或者做一啲你唔鍾意佢做嘅嘢，或者發下脾氣搵交嗌，你就好容易睇得件事好重而被佢影響你嘅心情。

 

尤其是你識咗佢冇耐嘅時候，你咁快將『所有嘅蛋放晒係一個籃裏面』，你係好容易畀少少嘢打擊自己嘅自信。

 

相反，當你有3／5／7段嘅relationships，

 

當一個女仔畀一啲negative feedback你，你就唔會咁容易片面地／biased地覺得自己好有問題，

 

因為你其餘嘅囡囡仍然係對你好好feel，所以你唔會因為少少嘢而變得大失所措。

 

再加上，你會真係有一個abundant mindset，唔怕去『得罪』呢個女仔而收埋自己真正嘅諗法，唔會怕做錯事會失去佢。

 

 

＃2 你會有一個更加客觀對女人嘅睇法。

 

當你有唔同嘅女人喺身邊，你就可以比較一下，自己最鍾意邊一類型嘅性格特徵或者行為特質，

 

並且發現有乜嘢嘅standards或者personality traits，先至係最啱同自己相處。

 

譬如，如果你同條女一齊出去party或者social，你會係鍾意佢周圍同其他男人女人social，定係鍾意佢成晚黐喺你身邊呢？

 

又或者，你可能一直認為自己鍾意啲比較乖／比較靜／比較純嘅女仔，

 

但係如果你未試過一啲比較野性／比較開放大膽嘅女仔，你可能又唔會知道，原來你真正唔鍾意啲咁悶成日依賴你嘅女仔。

 

 

所以同時間溝幾個女仔嘅好處，

 

 

就係能夠有效地防止自己去『妥協』一啲你唔鍾意嘅behaviors，防止自己去『合理化』一啲你覺得其實喺離譜嘅行為。

 

 

＃3 擁有Multiple Relationships，喺絕對能夠增加自己對其他女性嘅吸引力。

 

 

溝女其中一樣好大嘅shortcut，就係有策略地增加自己嘅perceived value，製造一種其他女人都溝緊你嘅social proof。

 

呢種就係著名嘅preselection：

 

當女人見到其他女人都想追你嘅時候，佢就會同自己講話你一定係一個有高價值嘅男人；

 

既然其他女人都想要你，咁佢自己都唔需要再諗咁多去觀察測試你，所以佢都好應該鍾意你。LOL

 

 

以上嘅重點就係，

 

當你仲未對女人有太多經驗嘅時候，即使你最終係想搵一個女朋友，你係好應該考慮一下，開頭同時develop幾段嘅感情。

 

其中一樣我最常見嘅問題就係，

 

 

當某啲男人溝到女搵到女朋友之後，佢哋就會好快回復返以前嘅自己，變得非常依賴，非常needy，失去曬原本有吸引力嘅特質。

 

 

所以如果你坦白覺得自己，間唔中都係會無啦啦對某一個女仔特別著迷，覺得冇咗佢就會好唔掂，

 

 

咁樣就係一個好好嘅hints話你知，你仲未修煉到一個 『刀槍不入』嘅level。

 
如果係咁，你就應該好好考慮再次同時溝幾條女，培養自己嘅non-neediness，咁樣你就能夠防止自己再次墮入『The One』嘅陷阱嘞！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

又嚟到溝女Q＆A嘅一集，今日嘅問題由嘉豪提供，佢問我：

 

『 阿Man我一向都支持你既片，但我而家既問題係自己21yrs，正常樣，182cm高，

 

但發覺普遍啲女仔都鍾意大過自己既男仔， 自己出左黎做野，份工無乜女仔，月入二萬四左右，咁咪出去識人，

 

但好難識到細過我or同年既女仔wo，阿man幫下我。』

 

 

簡單嚟講，呢條問題就係問我『應該點樣溝年紀大過你嘅女仔』。

 

好好嘅一條問題，因為小弟近排都係鍾意啲大過自己嘅女仔，

 

一嚟佢哋諗嘢成熟好多，二嚟我喺佢哋身上學習到嘅嘢多好多，三嚟佢哋通常都比較有腦傾到計。

 

咁所以，以下有幾點可以同你分享一下：

 

＃1 首先我需要稱讚嘉豪，而家咁後生21歲，有夠高大，又有一份唔錯嘅收入，

 

你都算係有幾好嘅foundation，都有唔少好多令其他男人羨慕嘅條件，好事嚟嘅。

 

＃2  你要明白，女人之所以會揀一個細過自己嘅男人，

 

好多時係因為佢哋好想再次得到青春嘅感覺，好想感受身體嘅energy，好想感覺自己有無限嘅生命力。

 

你咁後生，你『副偈』咁正，佢見到你嘅小鮮肉都已經答曬糖，

 

唔似嗰啲中年男人得個肚腩，成日喺度話攰，成日淨係識飲酒食嘢，成日淨係識放工坐喺度睇電視咁撚頹廢。

 

所以你要明白後生嘅優勢，就係你仲有一種青春嘅energy，

 

你仲有追隨夢想嘅嗰一團火，你仲有熱愛生命嗰一種嘅passion，你仲有去冒險探險做危險嘢嘅勇敢，

 

最重要嘅係，你仲有可以一晚嚟幾次嘅精力，佢又點會唔想比你征服呢 😉

 

＃3 雖然女人鍾意你嘅青春，佢哋當然同時鍾意成熟嘅男人啦。

 

所以你嘅行為表現亦都唔可以太過靚仔，太過低b白痴，

 

你除咗需要表現到你好玩嘅一面，你亦需要表現到你諗嘢成熟，有目標有野心可以捱得會闖世界嘅一面。

 

當你能夠表現到除咗有自信之外，你做嘢喺有purpose有目的，

 

你係一個雄性男人永遠忠於自己mission嘅人，咁樣年紀根本就唔係問題。

 

因為今時今日無論咩年紀嘅男人，大部分嘅佢哋都冇我以上所講嘅特質，

 

佢哋都係淨係識得隨波逐流，人云亦云，過住一啲物質主義嘅生活，活喺一個『只有醫生律師banker先係成功』嘅舊觀念上面。

 

你表現到自己唔會『跟住羊群走』，你表現到自己係忠於自己嘅人生目的，

 

你咁後生又識得咁樣諗咁樣做，就會更加突顯你嘅優勝之處，令你馬上stand out。

 

要記住：女人知道你得廿幾歲，係唔會批判你現時無乜成就或者冇乜錢。

 

佢哋care嘅，係你嚟緊短短嘅幾年有機會成為一個點樣嘅人，

 

佢會在意你去緊嘅方向係大約邊度，佢會睇下你係咪一隻『潛力股』去投資落你度。

 

＃4 你明白咗個bigger picture之後，等我而家再畀幾個技術位你，去增加佢對你嘅吸引力。

 

第一，成熟男人係可以handle tension，可以喺有高壓力嘅環境下沉著應戰。

 

喺女人面前，你一定要有強而有力／穿透性嘅eye contact。

 

如果佢見到你因為佢外表嘅吸引力而逃避眼神接觸，咁樣你呢個小朋友一定溝唔到佢。

 

第二，我之前教過一招嘅verbal game，就係每逢大過你嘅女仔提及歲數，或者當個女仔話你太後生嘅時候，

 

你就可以反擊同佢講：『係咩？都唔重要啦，你對我嚟講太細個啦。』

 

譬如，你依家21歲，但係佢係28歲，

 

你就可以講話：『係咩？都唔重要啦，你對我嚟講太細個啦，我通常鍾意一啲三十幾歲嘅女人囉。』

 

喺呢啲情況下，你一定要disqualify佢，『推走佢』，佢先至會有一種好奇心證明自己，去追番你。

 

第三，always be leading，你一定要做領導佢嗰一個。

 

 

佢雖然大過你啫，但係你作為男人永遠都係需要lead著女人。

 

 

無論係喺個bar到lead佢去第二度，定係set up一個date，定係邀請佢去其他social events玩，定係喺上床搞嘢嘅時候，

 

 

你都一定要做領導嗰一個。

 

 

呢個係你作為雄性男人嘅責任，

 

 

如果你將話事權供奉畀佢，無論你係咩年紀，你都唔能夠吸引女人。

 
希望幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

曾經喺日本有一個好得意嘅研究我今日想好快同你分享嘅：

 

個實驗嘅過程，就係研究人員首先蒙著學生雙眼，

 

跟住同佢哋講話佢哋嘅右手搽咗一啲有毒植物嘅液體；

 

咁過咗一段時間，全部嘅學生隻右手真係出現咗典型嘅敏感反應，

 

譬如痕癢／腫痛／發炎甩皮等等；

 

但係事實嘅係，其實研究人員只係搽咗一隻無害普通嘅植物喺佢哋嘅右手到。

 

更搞笑嘅係，

 

研究人員同時間喺佢哋左手搽咗真係有毒嘅植物液體，但係同佢哋講話係冇毒嘅；

 

結果13個學生只有兩個隻左手出現敏感嘅反應！

 

係咪好神奇呢？

 

點解搽一樣冇毒嘅嘢可以令到人出現『中毒』嘅反應？

 

但係搽一樣真係有毒嘅嘢反而冇事呢？

 

呢一種就係心理學家所講嘅Expectant Theory，

 

即係話你大腦所製造嘅預期，係可以同現實生活中所出現真正嘅嘢，有等同嘅真實感。

 

呢一種就係我哋嘅creation process， 我哋點樣將『未發生嘅嘢』轉化成為『真實發生嘅嘢』。

 

我哋生命絕大部分嘅嘢都係由自己直接或者間接創造，而你創造嘅嘢好多時都係由你預期／expect嘅嘢所形成。

 

Expectation係好多Creation嘅始祖，

 

如果你一開頭已經唔預期你會做到某啲嘢，好自自然然你都唔會take action去製造嗰一種結果出嚟。

 

例如：

 

如果你唔預期自己減到肥，你做運動嘅時候都冇咁落力，你亦都唔會節制你嘅飲食。

 

如果你唔預期自己嘅優點／價值值得畀面前呢個女仔認識，你亦都唔會行去同佢打招呼。

 

如果你唔預期自己勇敢創業係可以長遠地帶畀你真正嘅自由，你幾乎必定會繼續逗留喺一份你唔願意做嘅工作裏面。

 

咁所以今日嘅action step就係：

 

寫低你其中一樣嘅Positive Expectation，正面嘅預期。

 

 

跟住問下自己，我要進行乜嘢嘅『行動』，要經歷乜嘢嘅『過程』，可以增加呢樣結果出現嘅可能性呢？

 

 

寫低之後，你就一路付諸行動，一路觀察今日慢慢會出現嘅現象啦！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日想好快同你分享你必須有嘅五種行為特質，令你可以建立自己嘅帝國，成為現代嘅皇帝。

 

因為你都知道，要增加自己嘅實力，要建立自己嘅軍隊，要成為一個更好嘅領袖係需要磨練，

 

所以以下分享嘅behavioral traits相信都會幫到你。

 

＃1  Deep Breathing，複式嘅深呼吸

 

如果你有一路聽開我哋MTFU，或者閱讀過我寫俾你嘅免費溝女書，或者訂閱埋我哋嘅免費newsletter，

 

你應該好熟悉我講過嘅聽過『Breathe into your belly, breathe into your balls。』

 

點解深呼吸落你個腹部，甚至幻想自己將空氣呼吸落你兩個蛋蛋下面，係咁重要呢？

 

原因就係，今時今日嘅社會意識形態或者文化，都係好主張我哋花好多時間用頭腦去諗嘢，而忽略咗我哋對自己身體嘅意識。

 

咁樣係好容易令到我哋患上抑鬱症，或者為一啲小事而非常緊張，或者諗好多無謂嘢，呢啲問題其實都可以用『deep breathing』解決。

 

點解咁多人都唔相信自己嘅直覺／gut feelings呢？

 

點解咁多人都會被自己嘅情感／emotions支配呢？

 

原因就係因為我哋唔熟識自己嘅身體。

 

如果你想成為一個真正嘅皇帝，

 

你一定要stay grounded，你一定要對自己嘅身體心理狀況有確實嘅掌握，你一定要除咗識得聰明時候之外，亦都要相信自己嘅直覺。

 

而最簡單嘅開始方式，就係每日花時間去深呼吸，幻想自己嘅腳底同地球連繫著，咁樣你先至能夠真正『腳踏實地』，創造你嘅理想。

 

#2 Healthy Movement，你每日都必須郁下你個身體，做啲有益身心嘅動作。

 

當然我唔係講緊要每日喺個gym到花兩三個鐘係咁舉重跑步啦，除非你係職業運動員，唔係嘅話過多嘅運動係會適得其反，好容易整傷自己。

 

我講緊嘅係，我哋要搵一啲能夠郁動身體嘅movements，去支持自己嘅身體機能運作同埋lifestyle。

 

其實男女老少都需要某程度嘅strength training負重運動，

 

但係喺你開始之前，你亦都需要建立一個強壯嘅foundation，打好個骨骼同埋深層肌肉嘅根基。

 

唔係嘅話，你就會好似好多健身嘅人咁，雖然睇落好多肌肉，但係其實佢哋都有一個fvcked up posture，佢哋靜止／行路嘅時候嘅姿勢係完全錯誤；

 

一係寒背伸唔直條頸，

 

一係前後肌肉比例唔均衡，成隻大猩猩咁樣行路，

 

一係佢哋『外強內衰』，食埋一啲淨係為咗健美比賽大隻嘅野，但係內部身體機能其實係好差。

 

個重點係，一個真正嘅皇帝係唔會有一個好差／唔啱比例嘅身體姿勢，亦都唔會淨係得個樣；

 

佢哋著重嘅係由內而外嘅身心健康，佢哋同時都有良好嘅flexibility柔韌性，

 

並且會著重增加functional muscles，肌肉嘅增長係為咗增加佢哋『運動員嘅能力』，而唔係純粹為咗好睇或者鬥大嚿而去鍛煉。

 

＃3 Mastery，你需要精通某一啲嘅技能。

 

作為一個皇帝，你係需要為自己同你嘅子民服務。

 

當你去精通某一類嘅技能，你就係努力去為你自己同你嘅人民謀求更多福祉，為大家創造更多『溫飽』。

 

最理想嘅skills當然係一啲你本身已經有興趣／熱愛嘅技能啦，

 

但係有時候你都需要建立一啲你未必鍾意，但係能夠協助你實現你願景嘅技能，嗰啲你都需要盡量精通佢。

 

Anyway，當你能夠master a skill，並且能夠教導其他人你認識嘅嘢，

 

你就係『授人魚不如授人以漁』，令佢哋自己有能力去餵飽自己同其他人。

 

＃4 Self-Love，亦都係我經常強調嘅『自愛』。

 

你一定要首先成為愛你自己嘅第一個，你先至會有機會令到人哋愛上你。

 

所以點解你一定要首先照顧好自己嘅身心健康，你先至有最大嘅能力出去為世界服務，出去吸引有質素嘅女人去你生命。

 

最簡單自愛嘅方式，可以係每日比自己有充足6-8鐘嘅睡眠，每日食一啲最健康最有營養嘅食物，每日花10-20分鐘做冥想靈修meditation；

 

每日為自己去主動原諒一啲曾經傷害過你嘅人或事情，每日投資30-60分鐘去進修增值自己等等。

 

要記住：

 

如果你唔能夠首先幫助自己，增加自己既power影響力，你係冇可能最有效率地幫到最多嘅人。

 

#5  Take Huge Fvcking Action，馬上付諸最大嘅行動。

 

以上所講嘅任何一種嘅行為特質都係冇用㗎，除非你將你學識嘅嘢take action。

 

我哋已經擁有太多知識，我哋已經聽過太多knowledge，我哋已經學過太多方法strategies去點樣提升自己，

 

但係我哋仍然係非常缺乏會take action嘅人。

 

你見唔見到有好多非常高學歷嘅『學者』或者『金融專家』或者『最有權威嘅經濟學教授』係窮到仆街嘅咩？

 

你見唔見到有多鍵盤戰士／haters好鍾意喺度講一大堆道理，引經據典，專係搵埋啲無關痛癢嘅位去質疑點解你嘅方法唔work，批評個領導層應該點樣做等等，但係自己永遠唔會step up去實踐佢所講嘅ideas咩？

 

正所謂『知而不行，是為不知』，

 

世界係唔會獎勵一啲淨係有ideas，淨係講而不做，淨係有智慧匿埋喺深山嘅『大師』架。

 

你見得到最成功嘅人，最建設到現實理想生活嘅企業家，

 

全部都係一啲最踴躍最快嘅action-taker，佢哋係會用『實際行動』去引證佢哋嘅諗法啱唔啱，犯錯之後就會course-correct，再搵其他方法嘗試。

 

所以我喺好多謝你咁支持我哋MTFU每一集嘅，但係我都需要問你：

 

你聽咗咁耐，學咗咁多嘢，得到咁多價值，有幾多嘅advice建議你係已經付諸行動架呢？

 

人嘅習慣係需要慢慢一小步去改變嘅，你又有冇每一日去略略踏出你嘅舒適範圍，喺現實生活中做一啲嘢，慢慢改變自己生命呢？
喺你聽下一集之前， 希望你能夠從今日開始，對以上兩條問題say yes！