標籤: 畀女溝

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

最近遇上一位問題少年嘅巴打，喺過去呢一兩個月已經問咗我十幾廿條問題；

 

雖然我唔係慈善家，但係我都好鍾意創造更多價值比各位巴打，

 

所以等我今日一連分享三條溝女Q＆A比大家啦！:-)

 

以下三條都係由譚仔提供嘅：

 

Q1： 『Man sir:

 

唔好意思我想再請教一下，

 

因為我approach緊嫁心宜對象9月要去外國留學，所以我都一值思考應唔應該投資落去佢度呢？

 

假設我得到呢一個人，又真係要佢放棄佢自己響往既外國生活，定係d人所講既long D呢？』

 

A1： 『No，long d 係好唔明智嘅選擇，

 

你要『一齊咗』好幾年+有相應嘅skills level 先有機會 work。

 

你更加唔應該『為咗一齊』而要對方放棄『響往既外國生活』，

 

this is not love, this is fvcking selfish!

 

Move on, let her go, and let YOURSELF go.

 

Timing 唔啱，要增加options，揀其他。Have a great weekend. 』

 

Q2： 『Hi Man呢個係代我朋友想問你既問題，我自己都好有興趣想知，

 

就係你溝緊嫁目標忽然間同別人in relationship，咁應該點做心態上調整，

 

同埋呢種stituation 仲有冇機會得到番個女仔呢？thx』

 

A2： 『Well，心態就係：『有仔？So fvcking what？我永遠都係最高價值嘅男人』

 

如果條女肯繼續同你flirt／身體接觸，證明佢都唔care條仔，你哋可以繼續做你哋想做嘅嘢。

 

如果佢中斷你哋嘅關係，

 

你嘅心態就係：『Chiu！你啲taste真係好差，我都唔應該嘥時間喺呢啲taste差嘅女，出面仲有百幾條索女等緊我囉！』

 

Q3： 『Hi Man（1）我想請教下點解有d女仔會一兩個月無text，然後可以突然搵番你？

 

（2）同埋如果之前係社交圈子有水溫，同我地有水溫既女性突然無搵一兩個月，真係唔會降溫？

 

（3）我記得你又講過女人既情感，係會一秒一秒咁流逝個wo???』

 

A3：『Yo，

 

#1 因為女人心情=天氣，如果佢feel like to 搵你，就會無啦啦搵你。

 

如果唔feel like to，就唔會。亦都係點解唔需要care佢無啦啦變冷，因為佢係會之後變返暖。

 

#2 Again，女仔係可以一秒後降溫，永遠唔會話可以無限keep住，

 

she has a LIFE as well，唔好預期日日都咁熱情。

 

 

#3 一秒一秒咁流逝？

 

唔係流逝，而係飄忽流動，變幻莫測。』

 

Remember to watch 超男之道 for masculine／feminine dynamics！

 

希望今集幫到你！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日有一段好搞笑，好可能係最長嘅溝女Q＆A對答，分享畀各位巴打；

 

相信如果你能夠明白當中嘅內容，係對你非常有價值。

 

因為今次我同呢位Aape巴打呢一兩個月嚟對話咗好幾次，所以今日我哋就會一問一答嘅方式去講呢一集。

 

呢位Aape巴打首先嘅標題就係『hi, 我是 Aape， 老實講，睇完你啲片，真係返唔到轉頭，初頭咁啱睇到，不自覺咁，就睇在好耐，而家日日睇，

 

正，越嚟越喜歡你嘅 fvck up 👏,真心說話講到呢度，你俾人讚嘅嘢，真係讚唔完。』

 

跟住佢條問題就繼續講話：

 

『問題就係咁嘅:  首先你信我，我做到你教嘅嘢 糸我溝緊嗰條女度， 最好嘅時期已經達致一個曖昧關係，

 

就系哩個時候呢，有條高佬輝走咗出嚟，同條女玩咗成日game(淩晨都玩)。之後條女就冇再主動搵我咁濟… … 問題我矮個條女。

 

我樣幾好,經濟幾好,係 160cm.中四學生。咁我可以做啲咩??? 喊出嚟。條女係大陸嘅。』

 

My Reply：『Yo Aape（Caesar？猿人爭霸戰？）！

 

哈哈，多謝你咁鍾意咁支持先，係咪發覺原來上癮都可以係一件好事呢？:p

 

Anyway，答番你問題先：

 

＃1 樣幾好,經濟幾好,係160cm <— 呢啲全部唔係溝女成功嘅主要因素，學歷背景身材樣貌雖然係可以有少少加分，但係唔係最終決定結果嘅重點。

 

＃2 要明白，基本上靚嘅女仔任何時候都有其他男仔溝緊佢，所以好少可會係零競爭。

 

＃3 雖然係咁講，你要繼續保持一種『有其他男人溝你咁又點啫？全部都係beta male垃圾，我先係真正嘅雄性領袖，根本就冇對手！』嘅心態。

 

之後用番我一直教你哋嘅F+C氣氛同女仔溝通，不斷去激發佢嘅emotions，唔需要理會其他對手。

 

＃4  請你睇睇呢段片：[溝女Q&A] 生得矮點溝女?! How To Attract Women If You Are Short?!

 

 

＃5 呢段時間唔好『係咁搵條女』，咁樣做你會變得好needy／依賴。

 

＃6 你依家中學生階段，記得要著重去建立自己好玩嘅social circle，咁樣先至能夠長遠確保有大把女仔不斷認識你。

 

Btw，你同條女係同學關係？』

 

His Reply：『个女同学个样一般,佢之前成日同我倾暧昧野,然后最近冇再倾,我应该等佢主动搵我? 定係我係咩时候可以搵佢? 系同学关系啊。』

 

My Reply：

 

『你哋成日都會見到？

 

如果係，正如我所講：#5 呢段時間唔好『係咁搵條女』，咁樣做你會變得好needy／依賴。

 

只需要見到時F+C一兩分鐘，跟住take it away，唔好咁黐身。』

 

之後Aape巴打過咗幾個星期之後，再次send email問我嘢，

 

今次嘅標題就係『HELP, MAN .HELP HELP求救,希望你喺呢兩個鐘內複到我』

 

（Quick NOTE：我雖然係救世主，但係救世主嘅我需要屙屎／食飯／做gym／自我進修／social／同其他女玩／睇書學習上course／瞓覺／同埋協助其他巴打嘅！

 

所以除非你係我最高level嘅private clients，唔係嘅話，唔該你唔好命令／預期我會隨傳隨到，即叫即到！）

 

His Question：

 

『我溝緊嗰條女,佢今日翻大陸(一翻就兩個月),應該大約 6:00 ,我話想見佢最後一面,佢話可以,佢話出門口打俾我,

 

點樣先可以令到佢留低好深刻,同更加想搵我嘅印象。  有啲咩方法可以,見佢(最後一面)。令佢會掛住我。

 

中五 ，學生，嗰個女仔屬於單純(未拍過拖)』

 

My Reply：『No, you should NOT do anything special even you are seeing her!

 

『最後一面』 LOL

 

又唔係死人，又唔係移民，咁驚做乜，你好needy，講左幾多次唔好咁。

 

『留低好深刻,同更加想搵我嘅印象』

 

=》 唔好咁emotional，你已經喺下巴位，條女知道你底牌了，再係咁你會輸晒，一無所有。』

 

His Question：『好. 同埋,嗰個眼神,系咪要望住佢雙眼。好有feel 咁』

 

My Reply：

 

『No，最好be playful，唔好太過『掛著佢／唔捨得佢咁』；佢而家係走緊，唔需要色誘佢。

 

自信啲嘅eye contact，加埋奸笑，

 

最好話：『我有嘢做呀，走先啦，有緣再見 :p』跟住轉身瀟灑走人，佢下次返嚟永遠會記得呢一幕，先會想要你。Good luck。』

 

 

His Reply：『好，多謝曬  教主man』

 

再過多幾個禮拜之後，呢位猿人Aape有好消息同我分享，佢話：

 

『今次有個好消息,同條女嘅距離，feel到大家對大家有d嘢。  

 

我有個惗頭，就係打俾佢講

 

(省略…其實我只係當你朋友,然後聽佢把聲有冇竟滾,  再講 so不如做我條女)  所以當然想問下你意見先啦。

 

我唔想對你同巴打唔住😂。我自己咁惗~令佢跌到好低,再一下升翻高。』

 

My Final Reply：『Hey Appe,

 

打俾佢講(省略…其實我只係當你朋友,然後聽佢把聲有冇竟滾,  再講 so不如做我條女)

 

=> 真人做會好好多，電話上太多變數，佢好容易比外界interrupt，令你嘅計劃失敗。

 

我明你”令佢跌到好低,再一下升翻高”，所以見到真人，觀察佢reaction會可靠好多。

 

Stop having movie fantasy of sweet calling, it DOES NOT work in the real world』

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

又嚟到另一條嘅溝女Q＆A，今日嘅問題由Andrew提供，佢嘅email標題就係：

 

『Men 知你有料， 救我』

 

佢話：『Men 知你有料， 救我！

 

女朋友大過我少少， 大家都讀緊大學。

 

因為佢係外國讀書， 之前都係wtsapp同佢溝通。 大家真人少見面。

 

電話 wtsapp 互溝左一排，加埋之前D date 都feel到佢meet到我個criteria, 所以傾傾下一齊左。

 

（其實5太想玩long D，不過佢就讀完書翻黎，同埋我好鍾意佢所以先開始）

 

問題黎喇( I try to keep it as concise as possible)：

 

i） 最近date左佢， 有拖手， q下手， 擁抱下個D，言語間都有tease下佢。

 

但係佢話我真人比較怕醜。 雖然 I tried to enjoy every moment as if it was my last date， 但聽到呢句有D失落。

 

ii）佢大過我， feel到有D時間比佢lead住。

 

其實as long as 佢無做D against my value ge 野，同肯比我領導下我係無所謂。

 

呢個mindset 會5會令我變成一個小Dee Dee/Beta male?

 

iii) 有時傾到性嘅話題大家有D尷尬。

 

佢話同我一樣，同fd講係無問題 不過情侶間講就有D尷尬。 好笑嘅係佢話遲下可以傾。

 

雖然我同佢一齊5係為左diu 9佢（堅係），而係build close relationship ，但係我又5想佢覺得我5敢搞佢 and lose my masculinity。

 

iv) How to kiss close?

 

我知我5應該依賴電話作為媒介， 我知我心裡面有D insecure，我知我5夠霸氣。

 

佢約左我下次再見面，下次可以點Man the Fvck up ？求解決方法。

 

Thank you for your time! 』

 

以下就係我嘅回覆：

 

『Andrew，我係Man，not X-MEN lol

 

#1 『最近date左佢， 有拖手， q下手， 擁抱下個D，言語間都有tease下佢。』

 

聽落其實只係一啲普通少少曖昧嘅碎料咋喎？

 

你連咩都未錫／咩都未摸／咩都未搞／咩都未插，就話佢係女朋友？

 

哈哈，年輕嘅你實在太年輕啦，乜你真係以為咁樣就叫做男女朋友喇咩？

 

年少無知嘅你，令我諗起當年自己犯嘅最大錯誤。

 

所以請你由呢一刻記住：

 

直至你同個女仔進行任何穿透性嘅動作，

 

直至你同佢瞓咗幾次『佢主動問你咁我哋而家即係點／究竟我哋嘅關係係點樣？』，

 

直至你開口決定你想大家咩類型嘅關係，

 

根本就唔存在有所謂嘅『一齊咗／佢係你女朋友／拍緊拖』嘅任何象徵式稱謂。

 

#2 『佢大過我， feel到有D時間比佢lead住。』

 

Well，最理想嘅情況係你lead返多啲啦，80-90% you 10-20% her；

 

因為女人天性係想flow／follow／咩都唔諗去跟風，佢想無拘無束地相信佢嘅男人，並且跟從佢去任何方向。

 

你要女人做決定，就等於叫佢用佢嘅masculine energy，叫女人用『返工嗰種』雄性力量去同你相處，

 

咁佢仲點會feel到你嘅雄性力量，feel到你嘅領導，feel到對你嘅吸引力／性趣呢？

 

不過間唔中嘅話，你都絕對可以下放權力畀佢帶你去玩。

 

因為身為皇帝，你都唔能夠處理所有朝廷嘅大小事務；

 

你間唔中下放權力畀佢去處理一啲事情，都唔會顯得自己太過beta／被動／無主見。

 

再加上，女人有時都想發揮佢哋嘅母愛去照顧一下你，

 

所以間唔中畀佢哋咁樣做，都係一種雙方開心滿足嘅嘢。

 

#3 『有時傾到性嘅話題大家有D尷尬。』

 

佢話尷尬，係因為佢feel到你自己傾性話題都淆底尷尬，

 

所以佢驚如果佢仲『開放』過你，你會judge／批評佢係雞。

 

所以你必須首先自己容許自己verbally freeflow，就好似同你嘅best friend一樣鍾意講乜春就講乜春，

 

咁樣先係冇壓力嘅對話，咁樣先至能夠令大家放鬆講自己鍾意講嘅嘢。

 

再加上，你話『我同佢一齊5係為左diu 9佢』，

 

你對佢冇性慾望嘅話，你唔想同佢上床做愛嘅話，

 

咁你要個女朋友嚟做乜？

 

不如出去是但識下其他人啦？

 

所以請你記住：

 

Every long term relationship starts from a passionate SEXUAL encounter。

 

任何一啲長遠發展得好嘅男女關係，全部都係由某一次嘅激情性愛開始。

 

唔係嘅話，嗰一段無性關係一定keep唔到耐，最終你哋最多只係大家嘅好朋友。

 

呢條係不能違法嘅定律，所以請你記住多次：

 

Every long term relationship starts from a passionate SEXUAL encounter，

 

一定由激情性愛開始！

 

#4 Kiss Close咁短好難講晒，

 

但你要學識build sexual tension + physical escalation，係適當時候放慢所有能量交流嘅節奏，slow everything down。

 

奸笑，strong eye contact，幻想自己同佢搞嘢，令自己撻着；

 

透過emotional transference你就能夠之後撻着女人，

 

再喺適當嘅位置製造寧靜嘅時刻，

 

讓性緊張感sexual tension不斷增加，

 

身體越嚟越接近，

 

跟住再去慢慢去kiss落去。

 

Anyway，

 

呢條女都算係咁，好似俾咗好多機會你去lead／escalate，但唔知點解你好似唔想去馬。

 

所以唔該你唔好再喺度諸多藉口，左度右度，猶豫不決啦；

 

唔係嘅話，下一個男人果斷嘅男人將會穿透你嘅女人佢！

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

好耐都冇分享過巴打腥嚟問題，就等我哋呢幾日一年幾集講下不同嘅溝女Q&A。

 

以下嘅問題由Ken提供：

 

『Hi Man，

 

從6月大學放假開始就聽你既片，你講既個人提升，成功學都好有用幫到我好多。

 

我不嬲都係一個不斷努力完善自己既男人。

 

但最近我女朋友同我分手話，我只係識得諗自己冇顧及佢既感受。

 

我知我本身出身低所以要努力成為精英中既精英，但女人好似中意男人係一個Beta咁24小時做個廿四孝男友。

 

我想問點樣balance努力自我完善同Nice to 自己既女人，太多原則好似對身邊既人太mean，而太好人又會比人當兵。

 

我應該點做呢？

 

Alpha 同Nice guy兩者係要點平衡呢？

 

希望你可以解答我既問題，Thanks *;) 擠眼

 

Yours Best, Ken 』

 

以下就係我嘅回覆：

 

『Yo Ken, 多謝你支持，glad that you’re learning a lot from MTFU.

 

＃1『但女人好似中意男人係一個Beta咁24小時做個廿四孝男友』

 

=》Yes，女人嘅betazaisation 會係自然地發生，有時係可能佢哋對你片刻失去信心，想再次測試你係咪真係一個牢不可破嘅masculine man。

 

有時可能係佢只需要更多嘅emotional reassurance，想確定你仍然係嗰一個充滿吸引力，充滿激情，充滿目的性有大志嘅男人，確保佢仍然係愛你。

 

點都好，要明白其實好多女仔每日都俾news／media/drama shows洗腦，所以變得有病，

 

會嘗試去將同你嘅關係，變到好似電視劇／電影中咁樣嘅關係，潛意識地去轉變你成為一個大眾接受嘅beta male。

 

所以如果你真係太過自私，對佢完全零關心，冇顧及佢感受，咁樣你當然需要改善呢種陋習啦；

 

但係同時你亦都要明白，

 

如果佢分手嘅原因係因為接受唔到你嘅core values，接受唔到你做人嘅真相，接受唔到你必須忠於自己嘅purpose／mission而女人只能夠成為第二位，

 

咁樣其實呢位女士根本唔適合有質素嘅你，

 

she is just NOT the right relationship material for you，

 

係佢無質素，無quality同有大志嘅你一齊，所以唔需要太過怪責自己未能夠同佢維持一段關係。

 

＃2『我想問點樣balance努力自我完善同Nice to 自己既女人，太多原則好似對身邊既人太mean』

 

=》 要明白，你口講嘅『身邊既人』，大部分都係average／平庸／唔開心／生活如意嘅失敗者。

 

要成為Top 1% (money, women or other areas of life)，你就唔可以妥協於佢哋average嘅意見。

 

你驚人哋覺得你好Mean？你驚人哋唔buy你睇法？ 你驚自己會成為一個孤獨嘅人？

 

=》Fvck that！

 

特朗普講嘢咁受爭議性，佢都能夠做到美國總統啦，

 

如果佢下下淨係識得好似其他虛偽嘅政客講一啲好聽嘅濕鳩嘢，根本冇人會留意佢！

 

所以你做人夠真，講出自己嘅真相，講出自己相信嘅嘢，堅持自己認為係正確嘅事，

 

就算有一批人好憎你，你點都會有另一批人撐硬你。

 

所以其實做人好簡單，you just need to live YOUR OWN TRUTH，

 

以你感受到嘅現實去做人，而唔係一味follow一啲權威或者既得利益者叫你做乜就做乜。

 

Anyway，重點就係，

 

如果你赤裸嘅原則／真相影響其他人嘅情緒，如果你『自我改善進步嘅慾望』『冒犯』到其他人，

 

其實只係揭露咗佢哋自己嘅無能／懶惰／低價值／insecurities，唔係你嘅問題。

 

=》當然唔係下下屌鳩佢哋唔跟你一齊進步嘅，

 

but you MUST set a HIGH STANDARD for your own life，唔好再同啲豬hang out 得咁多。

 

＃3 『Alpha 同Nice guy兩者係要點平衡呢？』

 

其實做一個友善／nice嘅好人係絕對冇問題嘅，

 

但係條件係你絕對唔能夠透過你對其他人嘅『nice／好人／有禮貌』，而暗地裏希望從別人身上得到某啲嘢，或者預期對方一定會對返你好。

 

你有expectations人哋一定會好好地對返你，就係你開始有neediness／對某某結果有依賴性嘅邪惡病毒開始！

 

另外，Being Alpha = 根據自己嘅意向+想法，去勇敢take action，邁向目標。

 

所以根本就同being nice無衝突，你絕對可以對人友善／好客／尊重／有禮貌，

 

但喺唔代表你嘅好就係願意比其他人（包括索女）踩上心口，

 

不斷攞你著數，不斷情緒欺凌你，不斷利用情感操控你！

 

係呢啲時候，Alpha就會step the fvck up捍衛自己嘅尊嚴／權益，

 

帶領自己或者佢想保護嘅人，離開任何唔再正面地幫到佢哋嘅人或者地方。

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日想同各位巴打講下，

 

點解喺你不斷升呢進步嘅旅程上面，喺你邁向成功嘅日子裏面，你身邊嘅『所謂朋友』好可能會有意無意地阻止你成功。

 

首先要明白，我同你要成為Top1%，得到世界上所有最好嘅嘢，

 

我哋就明白精英其實係一隻獨行俠，佢係一隻能夠自己單獨相處都能夠飛翔嘅鷹，

 

而唔係需要其他人令到佢哋感覺良好嘅鴨。

 

鷹並唔需要其他人都感覺有自信，有動力，有穿透性，

 

遇上風暴困難嘅時候，佢哋係會識得衝上雲霄，繼續喺雲層上面衝刺飛翔，

 

佢哋永遠係喺自己嘅paths裡面。

 

相反，鴨雖然係好得意，但係佢哋需要其他鴨先至能夠感受到自己價值；

 

佢哋係會跟從大隊quack quack quack咁叫，人做乜佢就做乜，人去邊度去就去邊度，毫無主見。

 

所以當你每一日進步，每一日成為更高地位更高價值嘅人嘅時候，

 

你向世界咆哮，你向世界出發，你離開唔再幫到你嘅舒適環境，

 

你就必定會遇上其他人quack quack quack聲嘅投訴，

 

大部分嘅佢哋就一定會開始同你講好多垃圾嘢，嘗試令你維持現狀，唔好離開走咁遠。

 

點解佢哋會咁樣做呢？

 

點解有時最親密嘅伴侶，最認識你嘅朋友，最愛你嘅親人都會咁樣做呢？

 

原因就係：

 

每逢你作出一種徹底性的改變，每次你令自己嘅生命變得更加圓滿，每次你提升自己嘅社會價值，

 

大部份嘅人都會負面地評擊你，係因為佢哋感受到你喺佢哋攞走咗一啲嘢。

 

意思就係：

 

每個人都有一種human need／人性需求叫做the need for significance，

 

就係每個人都想感受自己嘅重要性，自己好特別，自己好獨特，自己係被其他人睇得到聽得到。

 

所以當一個人開始『崛起』嘅時候，你頓時就會對世界變得更有重要性，你就會得到更多價值認同。

 

相反你身邊嘅朋友，當佢哋同你比較嘅時候，突然之間佢哋就會畀你嘅光芒掩蓋，

 

佢哋突然之間感受到失去咗一啲重要性，拍住你自我感覺渺小。

 

再加上Loss Aversion Bias／損失厭惡嘅心理盲點，

 

佢哋更加會將呢種『失去嘅感覺』放大2至3倍，所以令到佢哋更加渺小，更加憎恨你。

 

所以你要明白，每逢你身邊有haters出現，

 

其實係意味著你嘅『崛起』威脅到佢自己感受到嘅價值，你威脅到佢嘅『自尊心』，所以佢想撳住你，好讓自己心裏好過啲。

 

要明白，

 

其實佢哋都可以選擇同我哋一齊，去投資賭博喺自己身上，去用功努力提升自己嘅價值，成為一個一齊進步嘅人。

 

好可惜嘅係，99%嘅人都係唔會好似你同我咁早開竅，願意睇清事實嘅真相，

 

所以比較容易簡單嘅解決辦法，就係嘗試去bring you down，拉返你落嚟，令你原地踏步。

 

好搞笑嘅就係，

 

當你生活唔如意，當你掙扎緊喺自己生命裏面，當你好頹好灰唔知點算好憎自己嘅時候，

 

呢一班嘅仆街朋友反而變得好支持，

 

去同你講話『係人都係咁慘㗎啦，係人都咁樣捱㗎啦，係人都買唔到樓㗎啦，係人都溝唔到最想要嘅女㗎啦，係人都離婚收場㗎喇，係人都食煙飲酒㗎啦』等等嘅洗腦式濕鳩廢話。

 

但係你想升起嘅時候，佢哋就好憎你，唔想你嘅『野心進步』反映出佢哋嘅『頹廢退步』。

 

重點就係，要明白無論你做啲乜嘢，

 

你永遠唔能夠令100%嘅人開心愛上你，你亦都唔能夠令100%嘅人唔開心憎死你。

 

所以面對一啲豬朋狗友，面對一啲近墨者黑嘅劣質人類，

 

你冇需要聽佢哋任何一言一語，最好更加永遠斬斷呢啲有毒嘅關係。

 

唔需要痛恨佢哋嘅，因為你睇到真相，你知道佢哋只係因為『自我感覺渺小』，所以做出一系列嘅自我保護反應啫。

 

畀啲同情心佢哋，

 

如果佢哋有得救嘅話，鼓勵佢哋去建立佢哋自己想要嘅帝國，去增加自己嘅價值同重要性。

 

你明白咗今日嘅智慧之後，

 

我哋就可以抱著一種同理心同大愛，

 

一路同情呢一班仲未睇到真相嘅大眾，

 

一路繼續努力為自己嘅理想願景打拼。

 

各位巴打畀心機！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第24集，

 

今集叫做 Your Attraction to the Feminine Is Inevitable，雄性男人被雌性女人吸引係無可避免！

 

作者意思係：

 

雄性男人係會比不同形式嘅雌性能量／feminine energy吸引，

 

無論係活潑可愛光芒四射嘅女人，定係簡單嘅啤酒高貴嘅紅酒，定係抒發感情嘅音樂，又或者係心曠神怡嘅大自然等等。

 

所以如果一個男人嘗試隱藏佢被雌性能量嘅吸引，

 

咁樣其實揭露咗佢對自己作為男人嘅性別／性慾／性吸引係有一定程度嘅羞愧感。

 

如果你好似大部分男人，你每一日都好可能嘗試隱藏自己對見到嘅女士嘅性吸引。

 

無論返工嘅時候，定係喺條街上面，又或者喺超級市場裏面，

 

你都係能夠見到一啲撻著你性慾嘅女人，有時你更加會馬上幻想同佢上床做愛添。

 

但係更多嘅時候，呢種感覺係比較似一種清新嘅大浪，打響你塊面上，令你為之一振。

 

所以能夠見到一個充滿活力嘅女人，係能夠令到你成日充滿喜悅，

 

佢嘅出現／佢嘅氣味／佢嘅笑容係絕對可以帶俾你人間天堂嘅感覺。

 

但係處理呢啲『你被雌性力量吸引』日常嘅『Ahha moment』，係有兩種選擇：

 

一種係聰明地，另一種愚蠢地。

 

聰明嘅回應，就係你必須明白點解你被某個女人吸引；

 

原因就係你嘅性本質／sexual essence，係永遠被相認嘅能量場去吸引。

 

即係話，本質係雄性嘅雄性男人，係會無可避免地被本質係雌性嘅雌性女人吸引。

 

而相反，本質係雌性嘅雌性男人，就會被本質係雄性嘅雄性女人吸引，亦都係點解會有TB／TBG／HEHE／基佬嘅出現。

 

喺今時今日嘅世界，視乎不同國家同文化，大概有80-90%嘅男人嘅本質係雄性男人，所以呢啲男人就會無可避免地被雌性女人吸引。

 

其實唔單止喺被雌性女人吸引，而係被任何radiant，充滿生命力，充滿生氣，放鬆流動嘅東西吸引。

 

雌性能量喺能夠帶領你離開你不斷諗野嘅頭腦，返返去感受世界嘅身體 。

 

所以音樂，啤酒紅酒，大自然，女人等等，全部都係雌性能量嘅一種形式。

 

如果一個女人係自由自在，能夠帶俾你一種煥然一新嘅清新感覺，就算佢視覺上唔係你嘅女神，你都會某程度上被佢吸引。

 

呢種嘅吸引力係一種自然健康嘅徵兆，就好似電池正負極兩極吸引嘅自然現象，絕對冇需要感到羞愧。

 

所以如果你發覺自己對『被女人吸引』呢種自然生理反應感到唔舒服，

 

好可能係因為你為自己作為雄性男人本質感到唔舒服，導致你去責怪或者抑壓自己嘅性慾望。

 

任何呢啲『被女人吸引』負面嘅態度／諗法，都好可能係由於你細個嘅時候，唔知咩時候有個仆街灌輸你洗你腦，

 

同你講『呢種性慾喺唔好／壞／唔啱／唔正確／邪惡／污糟／道德淪亡／會落地獄／唔尊重人』等等嘅bullshit。

 

由今日起，你必須明白，

 

你被女人吸引，喺一種自然正常美麗嘅事情，係一種最終能夠帶領你達到靈性自由嘅方法。

 

你被女人吸引，係因為你嘅靈魂有一種『結合為一』嘅慾望；

 

如果你為自己嘅慾望道歉／致歉，就等於你向自己嘅生命道歉／致歉。

 

你想擁抱生命，

 

你就必須放鬆容許自己有『結合為一』嘅慾望，容許雄性雌性力量因為愛而結合嘅一種靈性解放。

 

所以任何能夠令到你心動嘅人或者事物，都係一種上天畀你嘅祝福！

 

我哋必須首先接受sexual attraction，我哋先至有相應嘅容量去感受身體嘅快感。

 

但係sexual attraction／性吸引係有別於having sex／真係上床做愛，

 

選擇同一位女士親密，係唔同純粹被佢嘅雌性能量吸引。

 

Intimacy is a choice，你想唔想同某個人親密／相愛／侍奉大家係一種選擇；

 

而一種因為雄性雌性力量而被雙方吸引，就係一種無可避免嘅能量自然流動。

 

所以記住，一位女士能夠觸動你感覺係一種非常美麗嘅祝福。

 

但係你之後會唔會act on that desire，會唔會因為嗰種慾望而去有所行動，

 

而去行前認識佢，就好取決於呢種行動，會唔會真正地對你哋兩個都有好處。

 

所以下一次你遇上一位能夠喺你身體製造不可形容嘅感覺嘅女士，你可以放鬆去享受呢種快感。

 

容許佢嘅雌性能量喺你嘅身體走動，深深呼吸，

 

唔好嘗試去抑壓佢無形中帶畀你嘅快感，用力呼吸令你每一寸嘅肌膚都充滿快樂。

 

咁樣你就能夠真實地感受『被女人吸引』嘅attraction，能夠擴大並且維持你嘅慾望，

 

令你全身都公開地深切地被呢種能量吞噬，以一種欣賞的態度去接受佢嘅禮物。

 

希望今集幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第23集，

 

今集叫做 Don’t Force the Feminine to Make Decisions，唔好再逼女人做決定！

 

今集係好正，

 

因為正正講出我提倡咗好耐嘅『男人永遠要lead住領導住女人』嘅一大重點。

 

作者意思係：

 

如果一個男人放棄自己嘅責任，跟住預期佢嘅女人會經常為佢做決定，

 

並且要求女人負上100%責任，自己就攤大隻手咩都唔做，

 

呢種嘅態度係等同抑制住男人本身可以賦予世界嘅禮物。

 

因為做決定就係一種masculine quality，係一種雄性男人supposed要做嘅嘢，

 

你將呢個決定權畀女人，就係迫女人用一種雄性力量同你相處；

 

而作為雄性男人嘅你，放棄自己雄性嘅清晰度clarity+果斷性decisiveness，係會令雌性女人唔再相信你；

 

佢會變得銳力，變得有攻擊性，變得自我保護，

 

你嘅女人就會自動變成佢想要嘅男人，非常恐怖。

 

如果你嘅女人問你意見，你又同佢講『咩都冇所謂／你點揀我都ok』，

 

呢種係friend做嘅嘢，而唔係一個情人／愛人會做嘅嘢。

 

朋友嘅相處方式，就係公平地對待大家，畀大家有各自的空間同獨立性。

 

但係情人愛人嘅相處方式，你想大家keep住有激情有吸引力有性趣，

 

男人就一定要保持自己嘅masculine qualities／雄性特質，令到女人留返喺自己最原始嘅feminine qualities／雌性特質。

 

你想女人有一種女神溫柔體貼，善解人意，咩都聽曬你話嘅感覺，你就一定要提供雄性禮物畀佢；

 

而你其中一樣最有價值嘅雄性禮物，

 

就係能夠喺眾多嘅選擇之中，清晰地分析各種可能性，最後果斷地做一個決定，make a fvcking decision！

 

女人做決定係base on果樣嘢『feel唔feel right，感覺正唔正確』，好多時呢種都係唔錯嘅方法去做決定。

 

但係喺一段親密嘅關係之中，『做一個最好嘅決定』係唔足夠嘅，

 

你一定要同時間保持masculine/feminine polarity，雄性雌性嘅對立極性，你哋之間先至能夠保持對大家嘅吸引力。

 

所以如果你想你嘅女人以最美麗嘅雌性特質示人，

 

你就一定要step the fvck up，以一種雄性特質扮演你suppose應該要做嘅角色，果斷地去提供你嘅睇法並且作出決定。

 

就算係雞毛蒜皮嘅事，你永遠都唔好就咁『你鍾意啦／你揀啦／我冇所謂呀』hea答，

 

you MUST make a fvcking DECISION，你永遠一定要做決定！

 

唔係嘅話，女人就會相信自己嘅雄性特質，多過你作為男人嘅雄性特質，

 

之後就更加可能唔再願意同你有親密接觸，唔再願意屈服於喺你嘅之下，唔再願意同你上床，

 

因為佢根本唔能夠完全放鬆並且相信你。

 

所以作為日常練習，非常重要嘅重點就係：

 

請你記得要協助你嘅女人作出決定，

 

你要話畀佢知你嘅睇法同埋畀著你，你會點樣揀，

 

並且同時讓佢知道，無論佢最後作出乜嘢決定， 你仍然會愛佢。

 

跟住你再進一步鼓勵佢去感受一下成個整體情況，

 

用佢嘅第六感去sense成件事，並且相信佢嘅直覺感覺，

 

因為好多時女人嘅感覺，係比起男人嘅分析更加神奇地準確。

 

只要你保持自己呢種雄性果斷做決定嘅力量，

 

你愛嘅女人就會繼續以一種雌性嘅美麗特質去愛你，

 

你哋雙方嘅關係先至會長遠地保持激情。

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日星期五，即係又嚟到weekend假期，又係一個離開屋企出去social嘅好時段。

 

問題係，你plan好咗今個星期出去邊度玩未呢？

 

我之所以咁講，係因為我見到有好多巴打好想溝女溝叻啲，

 

但係同時又好驚出去現實世界take action，運用佢哋喺MTFU所學嘅技能；

 

所以如果持續咁樣，係會嚴重影響你進步嘅速度，亦都係一個惡性循環。

 

因為你溝唔到女，好多時係因為你唔夠大膽take action；

 

而你唔出去現實世界嘗試，你就唔能夠鍛鍊自己更加大膽；

 

但係你唔出去嘅原因，又係因為你好驚預計唔到可能會發生嘅事情。

 

所以你學習嘅過程基本上冇開始過，

 

因為你想成為一個womanizer，先決條件就係你要習慣放自己喺身邊有女人嘅位置。

 

矛盾就係，你驚嘅時候就唔想出街，但係你唔出街又唔可以進步，

 

最後唯一可以做嘅，就係決定留喺屋企閱讀多啲，學習多啲。

 

雖然我好鼓勵你不斷學習不斷研究，

 

但係壞消息就係：單憑閱讀學習係唔能夠神奇地令到一個女仔坐喺你大髀上面un。

 

所以如果你係新手，

 

唯一一個我可以幫到你解決嘅方案就係，令到出去social出去玩出去蒲呢件事，變得簡單容易冇壓力。

 

所以我想你首先暫時放棄任何遙遠宏大嘅目標理想，

 

唔好覺得出去識女仔就係想搵到『十分有十分嘅完美女神做你女朋友』，

 

又或者出去social就係為咗cold approach女仔，

 

又或者希望能夠色誘佢跟住當晚即刻上床，

 

又或者同佢傾偈希望能夠攞到佢電話就為之成功等等。

 

以上呢啲『目標性』嘅嘢，暫時對你嚟講都係不切實際，

 

只會令到你太大壓力，減低你出去social嘅意欲。

 

Instead，你係應該定下一啲比較細嘅暫時性目標，而我想你記住你嘅目標有三個。

 

第一個目標就係：

 

喺任何social嘅環境場合或者夜場裡面，能夠正常地運作，感覺自己喺嗰一個環境自然地function。

 

第二個目標就係：

 

喺任何social嘅環境場合或者夜場裡面，能夠正常地同某啲人有正常嘅對話交談。

 

最後第三個目標就係：

 

喺任何social嘅環境場合或者夜場裡面，能夠同某一個女仔或者某一班女仔正常地傾計五分鐘，而唔會感到緊張或者負面。

 

只有當你做到以上三個簡單目標嘅時候，

 

首先能夠正常喺某個場合正常運作，

 

之後能夠正常地同某個人有簡單嘅對話，

 

最後能夠同某一位女仔正常地傾計五分鐘，

 

你先至能夠邁向，將來能夠色誘你睇上眼嘅高質索女嘅現實。

 

所以今集就係咁精簡，麻煩你依家即刻寫低你想開始係邊一個場合簡單練習，

 

唔好再留喺屋企學習，今個星期開始出去同人social並且識下女仔喇！

 

希望今集幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

各位巴打，琴日講關於James Bond嘅教學片係咪好正呢？:D

 

你仲未睇嘅話，或者想我遲啲拍多啲類似嘅片嘅話，

 

你就記得入去睇番段片like完再留comment比我喇！

 

另外我最近亦都發現，

 

有唔少巴打問我類似『究竟我要花幾多時間，先至可以溝女溝叻啲快啲？』嘅問題。

 

呢啲問題令我諗起，

 

好多時學習任何技能嘅初階／發現新大陸嘅同學仔，都好想盡快完全掌握某一種新技能跟住『畢業』；

 

無論係打波勁啲／攞first hon畢業／考執業試／考車牌／空手道攞黑帶／彈琴演奏級等等，

 

我哋都好想盡快『過關』之後再移去下一個目標。

 

所以今日我想分享一個故事，去提醒你除咗要定下宏大目標之外，

 

你亦都必須享受『溝女進步』呢一趟旅程，你聽完之後就話我知你有咩感想。

 

故事就係講喺日本，有一位年青人好想成為一個日本最偉大嘅武術家。

 

因為佢知道要達成呢個目標係好困難，

 

所以佢就千方百計去尋找日本最好嘅師父，一個幾千公里外好遙遠嘅師父。

 

 

過咗好幾個月嘅資料搜集同旅程，喺佢鍥而不捨嘅精神下，終於搵到呢位師父。

 

呢位師父就問呢個年青人：『你究竟想從我身上學到啲咩呀？』

 

年青人就答佢：『我想你教我你識嘅功夫，協助我成為日本最頂尖嘅習武高手，

 

但係我都有一個問題，就係我究竟要學習幾耐先至可以達到呢個目標呢？』

 

咁呢位師父就答返佢：『至少10年。』

 

咁呢位年青人就心諗『Larn De!? 十年咪好耐！』，

 

佢想再快啲可以達到目標，因為覺得自己冇乜時間剩，

 

 

所以佢就同我師父講：『咁如果我比任何人努力兩倍，又會需要花幾多時間呢？』

 

 

跟住師父就答返佢：『努力兩倍嘅話就要至少20年。』

 

年青人唔忿氣再問：『下？仲多咗嘅？你玩戇我呀？

 

咁如果我用盡我所有努力，日以繼夜夜以繼日去練習，咁又會花幾耐先至可以變成日本No.1呢？』

 

師父就講話：『30年。』

 

年青人覺得好困惑，唔明白點解師父點解越講越長 ，

 

所以最後就問師父：『師父師父，點解每次我同你講我越係勤力用功，即係花時間去鑽研練習，你就同返我講係需要更多時間呢？』

 

師父最後就答返佢：『年青人，答案其實好簡單啫。

 

當你有一隻眼集中喺你最終嘅目的地，咁你就淨返一隻眼去集中睇你嘅路途上面，去搵到自己正確嘅方向，

 

你又點會進步得比其他人更加快呢？』

 

故事就好快完咗喇，個重點就係：

 

當你有一半嘅注意力喺放喺你嘅目標上面，你就剩低只有一半嘅注意力去集中喺你必須經歷嘅練習階段。

 

你要記住，

 

任何嘅旅程，任何嘅理想，任何嘅遠景都係需要龐大嘅effort／努力去實現；

 

但係更重要嘅係，更加需要你嘅耐性／patience去令到某一件事，實現喺你眼前。

 

如果我哋只有努力effort而無耐性patience，又或者只有耐性而無努力，我哋都係唔能夠達到目標。

 

缺乏耐性patience = 你會嘗試再嘗試，

 

 

但係當你見唔到想要嘅成績，或者覺得成績嚟得太慢，你就會好憔悴困惑，跟住覺得好攰，好容易放棄。

 

 

相反，缺乏努力effort = 你永遠都係半桶水／吊兒郎當地去做某件事，

 

 

你一樣係冇必需要嘅責任感／commitment去100%投入，令一件事變得完滿。

 

 

無論你係想溝女溝得勁啲容易啲，返學讀書想考好啲成績，

 

定係你想練習meditation鍛鍊控制自己嘅情緒，又或者係去成為下一個打MMA嘅Conor Mcgregor，

 

你都係一定要有耐性加努力練習，先至有機會攀越人生嘅巔峰，接著另一個巔峰。

 

希望你get到今集嘅重點，

 

所以如果你仲未睇琴日嘅James Bond《Spectre》開場溝女分析片，

 

你喺度做乜撚嘢！？

 

快啲去仔細研究呢一段26分鐘嘅詳細教學，之後再畀個like同comment我啦，

我哋聽日再講！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

咁多年嚟，James Bond喺幾乎所有男人嘅男神，

 

因為佢每一次嘅出場，佢都係又打得又睇得又屌得，

 

喺女都冧死，係所有男人都想做到嘅Alpha Male。

 

Just saw this clip yesterday, rmb how stunning it was when I first saw it in cinema.

 

One of my favorable scenes, definitely we should 模仿 his behaviors。

 

今日就會同大家分析一下，

 

2015年《Spectre》一開場嘅時候Jame Bond係有啲乜嘢行為特質咁吸引女仔，

 

相信大家今日亦都會獲益良多！

 

 

There’s 9 specific learnable behaviroal traits you’ll want to learn.

 

 

＃1 White Suits Guy High Status WALK (00:20-00.47)

• Heads Straight like a line
• Comfortable Walk
• Stick = symbolic power
• Head never fidget

 

 

#2 Patience + Unreactive (00:20-0:50)

• Bonds hands comfortable in front, not back!

 

#3 LEAD her + left hand 拖手without even fvcking looking！ (0:50- 1:10)

－ Eyes on his prize
－ Beware of enemies (1:03)

 

 

#4 拖手note (your thumb over her thumb) (1:10-1:30)

• fvcking STRAIGHT body language, head straight
• NOT beta male playing phones/ fidgeting
• 100% present +alert + beware of enemies (1:39-1:44)

 

 

#5 She starts to SEDUCE him (1:47)

• No response from Bond, use her breast, but Bond still alert on MISSION
• 咬耳仔 (1:58- 2:05)
• She did sth good (got key?), bond looks at KEY first (2:03) !
• Turn body, Reward her with your ATTENTION slightly, SHE touches his body (2:04-2:15)
• Her Seductive Look (2:18-2:25)
• Immediate Mission Mode, Be Alert (2:26-2:30)

 

 

#6 Escalation, Build Tension (2:30)

• Tension, NOT breaking eye contact
• Slow, walk slowly to her, dominant presence  (2:30-2:40)
• Her eyes look down and up (mouth, she wants to be kissed!) (2:37-2:38)

 

 

#7 Kissing

• NOT hurry, NOT suffocating
• Stop 2-3 secs, before kiss (2:40-42)
• BETTER if Bond pulls away, but she pulls away, but BOND remains unreactive  (2:45)

 

 

#8 She wants to get fvcked, but she can’t (2:51-3:00)

• 諗住十拿九穩，but SHOCKED that Bond is leaving

• Bonding is MOVING already
• She asked where are you going, Bond said “I won’t be long”
  =>Meaning, my MISSION is No.1, I will get it down first, then I will come back and fvck the shit out of you 😉

#9 Fvcking Badass Mission Mode Walk (3:04)

• Eyes Always on target when preparing
• Heads always up, even needs to tidy collar
• Steady no-fidgeting pace
• 100% present on moment, Be alert to see if any enemies behind (3:38)

 

 

Let me know if you want MORE of these kinds of 溝女分析，now go PRACTICE the above! 🙂

 

希望今集幫到你！