標籤: 畀女溝

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

你聽咗咁耐MTFU，你而家應該明白，

 

女人係唔想毫無challenge／毫無挑戰地就得到某一個男人，

 

所以我上個禮拜講嗰一集嘅『如何成為女人眼中的challenge』係對你溝女非常重要。

 

好簡單嘅一個心理學原則就係：

 

每逢我哋需要用功花時間精力心機先至能夠得到一樣嘢，我哋先至會珍惜得到嘅嗰樣嘢，先至會覺得嗰樣嘢係高價值，包括personal relationships。

 

 

所以當我哋challenge女仔去『step up her game』，挑戰佢去顯示一啲價值畀你，我哋就能夠喺佢身上製造一種對你好深切嘅attraction。

 

 

要成為challenge嘅最高境界，最好嘅方式當然唔係淨係玩心理戰扮曬challenge啦，

 

最好嘅方式永遠係創造一種已經包含challenge已經包含game嘅lifestyle，

 

慢慢俾佢睇到你真實嘅自己，你平時好忙做啲乜嘢，你點樣面對人生，你係有一樣比你自己個人利益更加大嘅人生目的，

 

令到你係一個真正高價值高地位喺世界上創造緊巨大影響嘅男人。

 

 

我呢幾日一連3集嘅片，將會解答你以下可能嘅問題，例如：

 

－我哋可以點樣challenge女仔，而又唔會好假地淨係好似啲PUA喺度玩mind games，嘗試操控女人行為呢？

 

－當我哋暫時生活未必有其他女人嘅時候，又可以點樣善用其他異性成為一個challenge呢？

 

－ 我哋點樣可以防止自己，一開頭好想話畀女仔知你對佢嘅真正感受，因為你覺得如果你唔咁樣做，佢會對你失去興趣呢？

 

－幾時先至係合適嘅時間話畀女仔知我哋真正嘅感受，但係又唔會將原本有嘅challenge毀於一旦，嚇走佢呢？

 

所以你記得一路聽住呢3集，一路問你自己呢啲問題啦，我哋馬上開始！

 

Challenge ＃1：愛惜你自己並且真正享受生命，有自己嘅興趣同熱愛嘅passions，跟住challenge邀請女仔去進入你嘅世界。

 

其中一樣最大嘅challenge，就係當你非常非常重視自己嘅生命，

 

知道自己嘅生活充滿價值，並且確保自己係每日都好享受。

 

坦白講，如果連你自己都覺得你嘅生活好沉悶，

 

完全唔好玩，完全冇激情，完全冇目的，有質素嘅女仔又點會有意欲去進入你嘅世界呢？

 

所以我成日都講，溝女之前最重要就係take care你自己先。

 

只有當你真實對自己生命有興趣，你先至能夠引導lead女仔對你嘅『現實』有興趣，你先至能夠draw佢哋去你嘅reality。

 

最重要嘅係：

 

要記得去challenge睇下佢有冇你想要嘅性格特質，之後先至邀請佢去體驗你嘅世界，而唔係一味死唉爛唉／不斷追佢叫佢去體驗你。

 

 

Challenge ＃2：容許足夠嘅思想空間，畀女仔去想像你做緊乜嘢。

 

基本上，如果你根據我教你challenging嘅第一點，你自己每一日生活都好忙，

 

因為你不斷創造緊更正嘅lifestyle，不斷投資賭博喺自己身上，所以你好自然地會畀足夠嘅space女仔，你亦都好難變得needy。

 

但係你要咁樣做嘅另一種原因， 就係因為你可以：

 

－畀女仔有足夠嘅空間去活佢嘅生命，有佢嘅life

 

－畀女仔有足夠嘅空間去犯錯，並且容許佢從錯誤中學習並且成長

 

－畀女仔有足夠嘅空間去思念掛住你

 

好多時，原本好地地嘅關係之所以會破滅，

 

就係因為某一方突然變得太過依賴／needy，令到雙方窒息，完全唔能夠獨立地繼續活自己嘅生命。

 

所以當你容許適當嘅space畀女仔live her own life，

 

你真係challenge佢去成為一個佢想成為嘅人，並且放手畀佢唔依賴你嘅情況下成長。

 

無論如何你都要記住：你嘅生命永遠絕對唔可以圍繞著某一個女人而去活，你嘅人生目的永遠係比女人更重要。

 

咁樣你就能夠永遠成為女人嘅challenge。

 

Challenge ＃3：真實嘅Social Proof，講一啲女仔friend嘅搞笑故事

 

Social Proof係challenge女仔嘅非常重要嘅一環，你試想像下：

 

一個完全冇social life，完全冇朋友，完全冇社會地位，完全無正常傾計嘅skills嘅人，又會有幾大嘅吸引力呢？

 

第二樣嘢就係，表達social proof只需要學習一種新嘅技巧，去講一啲咁橋你嘅frds係女人嘅故事。

 

要小心，千祈唔好有一種喺度曬命嘅感覺。

 

所以instead of講話：『我同我嘅好朋友Mandy嗰日去行街睇衫…』

 

你應該講話：『我識得呢個好好玩嘅女仔叫Mandy，咁嗰日我哋出咗去行街睇衫…』

 

以上兩句有咩細微嘅分別呢？

 

答案就係：你要學識省略一啲同故事唔重要冇關係嘅資訊。

 

Mandy只係你嘅普通朋友，呢樣嘢係唔重要，所以可以省略你哋嘅關係。

 

重要嘅資訊係，Mandy係一個好好玩嘅女仔，你同佢有一次搞笑嘅經歷，就係咁多。

 

咁樣就能夠間接證明你係一個有好玩嘅friends，

 

有女人喺身邊，你唔係needy，你平時都會做好玩嘅嘢，你有有趣嘅故事可以講。

 

至於你故事中提及嘅女人對你有冇性趣，你可以省略，

 

讓呢個女仔自己去無限思考FF一下，咁樣女仔就會好自然開始覺得你係一個challenging嘅男人。

 

以上就係頭三種challenge女仔嘅方式，我哋聽日同後日就會講埋另外嘅六種，

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第28集，

 

今集叫做 Young Women Offer You a Special Energy，年青女士會帶畀你一種特別能量！

 

作者意思係：

 

整體嚟講，一個相對後生嘅女仔，係會擁有一種燦爛，無阻礙，好新鮮活潑嘅雌性能量／feminine energy，

 

因為通常佢哋係未受到社會洗禮，未被外界迫使佢哋用一種雄性能量去做人。

 

 

所以面對一啲十零廿歲嘅女仔，感覺總係好refreshing，

 

佢嘅容光煥發，佢清晰嘅眼神，佢唔裝作嘅笑容，佢自然流露嘅情緒，佢毫無保留嘅說話，

 

所有嘢都係好新鮮，亦都係所有擁有雄性本質嘅男人想要嘅特別感覺。

 

所有任何毫無保留，青春嘅雌性能量，

 

喺能夠打開你男人嘅心，你會覺得充滿力量，充滿愛，充滿精神。

 

視乎唔同嘅文化同城市，

 

大部分嘅女性隨著年齡增長，隨住佢哋喺社會上擔當越嚟越多雄性嘅角色責任，佢哋嘅radiance／光輝就會下降。

 

雖然某啲女性係會變得越嚟越alive，但係整體嚟講，後生嘅女仔係會有一種特別嘅能量。

 

身為男人，係你嘅責任去honor／尊敬年青女士帶畀你呢種恢復精神嘅禮物，

 

並且唔好因為你對佢嘅性慾，去違反呢一種神聖嘅尊重。

 

就算你對佢有性慾，fine！

 

但係你要學識點樣將你嘅性能量喺體內循環流動，學識點樣circulate 你嘅sexual desire，而唔係下下都釋放佢出嚟。

 

其中一個非常主要控制自己sexuality嘅部份，

 

就係學識點樣保持喺身體裏面感受到越嚟越大嘅慾望同快感，但係又唔需要『因為自己控制唔到，所以一定要將佢釋放出嚟』。

 

所以當你發覺自己被一位年青女士搞到更加有生氣嘅時候，請你將佢嘅能量呼吸進你嘅體內， 將佢嘅香氣呼吸進你嘅體內。

 

放鬆你嘅身體，喺佢嘅存在感面前，容許你嘅心打開；

 

容許你身上每一個細胞，都吸收佢嘅美麗；

 

用你自己對佢嘅仰慕，從你嘅心流去佢嘅心。

 

你保持呢一種尊重嘅形式，

 

呢位年青女士就能夠繼續自由地無拘無束地去釋放佢嘅禮物，而唔需要擔心你會將自己個人慾望強加於佢身上。

 

你接收到佢嘅能量，

 

你就應該轉化呢種energy去服務其他人，將呢一種有活力有激情嘅禮物去傳畀其他人。

 

咁樣嘅話，

 

所有之後接觸到你嘅人，都會因為你得到呢位年青女士感染嘅快樂，

 

而繼續被你嘅life force正面地感染。

 

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第27集，

 

今集叫做 You Will Often Want More Than One Woman，你永遠想要超過一個女人！

 

作者意思係：任何一個擁有雄性能量本質嘅男人，都係鍾意有不同性愛選擇嘅慾望。

 

即使佢好心愛佢親密嘅伴侶，並且完全commit落佢度，佢仍然會自然地想同其他女性有性接觸。

 

雖然點樣處理自己對其他女人嘅慾望係佢嘅選擇，但係男士們要明白，呢種慾望係無可避免；

 

男士們亦都要明白，每次慾望被挑起嘅時候就嘗試去滿足自己慾望，

 

雖然短暫係好爽／好有快感／好有解放感覺，但係好多時呢種行為只會令你嘅生活變得更加複雜，未必真係值得。

 

作者繼續講：

 

就算你係忠誠於你嘅親密伴侶，就算你嘅女人滿足到你嘅性需要，你好可能仍然會係成日諗同其他女人上床做愛。

 

要明白：

 

你對其他女人嘅慾望，並唔係反映喺你親密關係缺乏咗某啲嘢，呢種只係雄性能量本質嘅自然生理反應。

 

但係呢種性慾望並唔係一種選擇濫交嘅藉口，就好似喺度睇電視好舒服並唔係你癡肥嘅藉口。

 

如果你想成為一個正直誠實嘅人，你就一定要識得分辨你任何慾望嘅來源，跟住有紀律地根據對最多人嘅最大利益去作出合適嘅行為。

 

就算你每日都想同不同嘅女人上床，你點樣去回應呢種自然反應，係反映到你人生嘅purpose／目的。

 

如果你人生目的，係無論結果如何都要將肉體嘅快感咁放喺第一位，咁樣當然你可以盡力去搞最多嘅女人啦。

 

如果你人生嘅目的，係去成為一個好nice好友善好聽話嘅『mama boy』，咁樣當然你應該去用盡一切方法放下尊嚴令身邊嘅女人開心。

 

但係如果你嘅人生目的，係去解放自己同其他人，得到更多自由與愛，

 

咁你做任何事情嘅目的，都係應該為咗去擴大自由與愛。

 

全部都係你嘅選擇！

 

要記住，Self-discipline／自我紀律並唔係一種self-suppression／自我抑壓。

 

Self-suppression／自我抑壓係當你嘗試去掙扎／反擊自己嘅慾望，將所有嘅慾望埋喺心裏面，抑壓防止佢流露出嚟。

 

但係Self-discipline／自我紀律就係當你將你高層次嘅慾望，透過自我明白，透過同理心，透過愛嘅流動，凌駕於相對低層次嘅慾望。

 

同幾多個女人上床做愛係你嘅事，

 

但係喺你考慮搞多幾個之前，你最好首先擁有處理同一個女人親密嘅能耐。

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

最近拍到好多集溝女Q＆A，咁高興嘅日子，千祈唔好畀佢停，我哋今日整多一集畀你。

 

呢位叫做Tim嘅巴打嘅Email Subject Line：

 

『幾個中意既都未到手、係咪集中增值自己 ，溝易到手既女先，再出去溝中意既正女？』

 

Q1：『Hey Man,我叫呀Tim 一直都有睇你既片,令我生活有番少少方向唔再沈迷失戀入面、增值自己。

 

最近不停訓練同幾個女仔傾計flirting、但好快就投入感情、

 

每日都有傾計，但發覺自己好needy，好緊張佢地既一舉一動。

 

Bro我覺得有少少辛苦，一個完左又要找下個，重新由傾計到開始flirting。 其中有個突然拍拖我就好似失戀甘、好掛住佢日日同我傾計。

 

我知自己條件唔夠人地好，講野唔夠幽默、幾個中意既都未到手、

 

係咪應該集中增值自己 ，溝易到手既女先，再出去溝中意既正女？

 

睇住一個又一個岩既女係手中走，好難受。我應該點再去進步好？

 

希望睇到我呢篇問題啦唔該哂Man』

 

A1：『Hey Tim，幫到你實在太好了。

 

『但好快就投入感情』

 

《== 點解呢？點解咁緊張佢地既一舉一動？There’s no need to invest in anything SO QUICKLY.

 

『係咪應該集中增值自己 ，溝易到手既女先，再出去溝中意既正女』

 

《== 集中增值自己 yes，永遠都係。

 

溝易到手既女先，I don’t think so，咁樣係哂時間，你應該對任何有興趣嘅女仔都flirt下，鍛煉下attraction skills；

 

但係真係要溝，就真係揀啲自己鍾意嘅溝，唔係嘅話你溝女成個過程都唔享受，所有嘢都又唔自然。

 

『睇住一個又一個岩既女係手中走』

 

《== Don’t worry about it，係佢哋眼光狹隘，睇唔到你將來超級成功，超級高價值，超級有吸引力嘅一面。

 

你一定要有abundance mindset，出面真係有大把好正嘅單身女，唔駛急『有女就要』，

 

focus喺增加自己personal value，增加自己嘅skills，有耐性啲，睇長線啲。』

 

Q2：『想知佢有無同第個出街、一齊左

 

但仲同我flirt 、驚做左傻仔，哂時間

 

暫時對flirt既都好易動左真情  當佢係女朋友甘

 

就算有男友都照flirt 當練習、學習點flirt

 

同時練下失去 唔比自己沈船 既感覺

 

如果太快講野曖昧關心佢

 

例如叫佢餵我食野  佢驚話攬住佢  小心濕身病

 

係咪好易變狗公，低價值? 』

 

A2：『#1 有無其他仔同佢出街？Of course有啦，索嘅女每一刻都有人想追佢。

 

Don’t be needy，有無其他男人喺irrelevant，YOU are the fvcking best，永遠。

 

#2 唔好咁快『中個頭』落去啦，it’s just a girl!

 

你要搵下女人以外嘅嘢（purpose／嗜好／朋友／健康／事業／interest／passion）做，咁先可以balance your life。

 

#3 曖昧嘢is okay，it’s flirting。

 

但係以playful／玩下嘅心態去講，唔好預期有咩事會發生，

 

咁就唔係needy，唔係低價值，唔會太快令自己中個頭落未知數身上。』

 

希望今集幫到你！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

好多巴打都曾經問過我，咩叫做Fun，咩叫做Challenge，兩樣嘢應該點樣去做。

 

首先，我係我哋嘅免費newsletter裏面係額外教多咗好多嘢，

 

所以如果果你仲未加入我哋嘅話，你真係走曬寶，

 

你而家可以去到www.manthefvckup.com/freebook 下載你本免費43頁溝女書，

 

並且開始收到免費嘅額外資訊。

 

第二，我今日就想講下，

 

點解being a challenge，成為一個有挑戰性嘅男人，

 

係其中一樣最有威力嘅嘢，去喺任何地方突出自己，去啟發女人去追你。

 

好簡單嘅原因就係：

 

因為大部分九成嘅男人都係太過easy，太過容易得到，太過容易被impress，太過冇自己standards；

 

而女人係知道，任何時候只要佢哋say yes，只要佢哋想要，呢類男人係可以隨時得到，毫無挑戰性。

 

你要成為一個擁有挑戰性的男人，成為一個對女人嚟講嘅challenge，

 

就係能夠增加你自己優勢，調轉槍頭，畀佢去追你，增加自己溝到佢嘅機會。

 

問題係，點樣成為女人眼中嘅challenge呢？

 

如果你問任何女仔咩令到佢哋心神恍惚，成日諗住掛住一個男仔，佢哋會同你講似：

 

－當佢哋自己以為個男人一定會覆message電話嘅時候，呢個男人竟然唔係成日會覆；有時佢話會之後打畀你whatsapp你，但係佢又唔知點解冇咁做。

 

－呢個男人唔係成日得閒hangout，唔係次次都可以成功約到佢出街。

 

－個女仔唔係好確實知道呢個男人係咪真係鍾意佢，就算個男人話係鍾意，個女仔都唔太清楚佢鍾意嘅程度有幾多。

 

所以親愛嘅巴打，以上嘅例子畀到幾多啟示你呢？

 

明白點解做一個challenging嘅男人對女人有幾大嘅吸引力呢？

 

記住呢個人性事實：

 

People ALWAYS want what they can’t have，人類係永遠都想得到一啲佢哋得唔到嘅嘢。

 

而係今時今日呢個年代，女人已經習慣咗去識一啲非常easy嘅男人，一啲太容易得到嘅弱雞男人，

 

所以你又咁easy，係絕對冇可能令到女仔想追隨你。

 

你可能會問，咁可以點樣識佢一開頭嘅時候，成為佢眼中嘅challenge呢？

 

就等我好快今日分享三個方法，點樣暗地裏令自己突圍而出。

 

方法＃1：唔好咁快揭露曬你嘅牌同底牌

 

意思就係，唔好講／流露／透露太多你對呢個女仔嘅興趣。

 

例如：－直至佢問你叫咩名之前，你未必需要即刻介紹自己。

 

－唔好問一啲扮曬醒目但係暗地裏白痴irrelevant嘅問題，

 

例如：『乜你今日唔洗陪男朋友咩？你通常鍾意咩類型嘅男仔㗎？我係咪你嘅type呢？LOL』

 

－唔好成日喺佢身邊成隻冤鬼咁樣徘徊，打極都唔走嘅烏蠅，不斷比attention佢。

 

方法＃2：誘導佢令佢向你投資

 

例如：

 

－你嘅目標係令到女仔去主動約你出街，主動搵你，或者去join你一啲原本已經會做嘅活動

 

－拒絕或者忽視佢第一次嘅主動邀請

 

（e.g. 佢問你『想唔想去XYZ果度？』，你就可以答佢：『唔知呢，睇下你一陣表現成點啦 :p』，完美嘅playfully challenging嘅例子）

 

－令女仔去qualify自己，令佢證明自己價值比你睇，令佢去解釋自己有咩好。

 

（所以你對住女仔嘅態度就係：『吖，你比起其他女仔，究竟有咩特別有趣呢？除咗樣幾靚之外，你仲有咩額外3樣嘅特質係吸引男人呢？』）

 

－又例如同佢玩一啲白痴嘅測試遊戲，問佢最鍾意食咩味嘅雪糕；

 

之後無論佢講咩未到嘅，你都可以反白眼，跟住佢講：『唉，朱古力？你嘅答案完全扣曬分囉，咁冇taste架你。』

 

呢啲輕鬆搞笑嘅對話，暗地裏就能夠frame你自己成為一個selector／選擇者，

 

暗示係你考慮緊揀唔揀佢，而唔係佢揀你。

 

 

方法＃3：我最鍾意嘅Takeaways／喺高潮嘅時候攞走一啲正嘅情感嘢

 

 

例如：－你令到女仔笑／hyper之際，搵個藉口走開離開一陣

 

e.g. 係Club度， 『吖，有啲急尿添，一陣再搵你』跟住去完廁所，特登過多20分鐘先至唔小心畀佢搵到你。

 

e.g. 同佢傾電話，講到興高采烈嘅時候，中斷對話，

 

同佢講：『喂！有啲緊要嘢要做，晏啲再同你傾／我哋whatsapp住先啦。』，跟住唔再搵佢，等佢之後再搵你。

 

e.g. （超級邪惡，從曾經hurt得我好深嘅ex身上學到 lol） 出完街之後，用一個溫暖的微笑say goodbye，跟住講：『我哋一陣喺Whatsapp再講啦 :-)』，跟住完全唔覆機，等到第二日先覆佢 lol

 

 

－保持unpredictable，估唔到你諗緊咩 e.g. 一隻手搭住佢膊頭，但係你又唔理佢，一路同你其他friend傾計

 

 

－用『可能啦／或者啦／maybe』呢個詞語 e.g. 『我要搵返我啲friend嗱，或者一陣再見啦…』

 

 

－又或者傾傾下計嘅時候，佢好冇禮貌地玩電話，你可以選擇直接行開唔理佢，

 

 

又或者更好嘅係，可以攞起你電話，相對大聲地扮同人傾電話講話：

 

『 係呀，係街呀，啱啱同緊呢個過度活躍嘅靚妹傾緊計，不過佢啱啱又病發啦，靈魂出竅咗，所以唔理佢lu…』

 

好！

 

以上三個方法只係being a challenge嘅冰山一角，但係我嘅經驗話我知，

 

無論你用乜嘢嘅方法technique都好，

 

最重要都係要畀女人感覺到有一種『佢唔係咁容易得到你／你係一種挑戰』嘅vibe。

 

每一次你一開頭甚至relationship中段唔繼續成為一個challenge，

 

讓佢逐少逐少一步一步賺取你嘅attention，賺取你對佢嘅鍾愛，

 

女人又會覺得你只係另一隻容易得到嘅cute cute小狗，

 

叫你hand hand就hand hand，

 

叫你擺尾就擺尾，

 

叫你出街就出街，

 

最後你就完全失去咗原本擁有嘅機會！

 

所以各位巴打，今日分享咗好多價值畀你，

 

唔該你馬上take action，用我一直以嚟教你嘅嘢落你日常生活之中，

 

鍾意今集嘅話就畀個like同留言畀我啦，

 

我哋下一集再講！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

最近有一段頗受爭議嘅片，

 

標題就叫做『 賺得少，係因為你對社會毫無貢獻』，

 

觸動到唔少人嘅情緒，覺得拍呢條片嘅人喺度亂噏24，覺得佢好侮辱一啲『好有貢獻但係賺錢唔多』嘅人。

 

跟住有唔少嘅網民，不斷用唔同嘅實質例子，去證明嗰一句說話係錯，

 

例如話：法官嘅收入，係唔夠出名嘅大律師高；

 

例如話：習近平嘅收入，係唔夠行政長官／奧巴馬／特朗普高；

 

例如話：阿媽做家庭主婦嘅收入係零，所以代表阿媽喺社會毫無貢獻。

 

無論你對呢條片嘅取態點都好，無論你有幾鍾意定痛恨嗰位仁兄所講嘅嘢，

 

你都應該知道MTFU最著重嘅嘢就係：

 

你喺某一件事件或者某個人身上，無論你鍾唔鍾意佢哋，究竟你可以學到啲乜嘢，並且apply落自己人生上面，令自己生活質素有所改善呢？

 

所以想今日同各位巴打分享，點解『 賺得少，係因為你對社會毫無貢獻』呢句說話只係講啱咗一半，

 

真正更加正確嘅講法係：

 

『你對marketplace／自由市場上面創造嘅價值／value，係會絕大部分嘅情況下同你得到嘅收入成正比。』

 

你好可能對你屋企人／親朋戚友係好有價值，

 

你好可能對你嘅社區／你條村／你棟大廈好有價值，

 

你好可能對你所附屬嘅宗教團體好有價值，好valuable，

 

但係，如果你對個marketplace／市場嚟講冇咩value（亦都係金錢世界嘅現實），

 

殘酷嘅現實就會話畀你知，你係唔能夠搵到好多錢，你唔會被人哋用『金錢』去彌補獎勵你。

 

問題就係：

 

單憑『要求老闆公司加人工』／『要求政府加價』絕大部份情況都係冇撚用，又或者你可以等十年之後終於加五點七個巴仙。

 

你當然可以罷工，你當然可以『等某人賞識你』，

 

但係最快最有效嘅方法去搵更多錢，就係我成日叫各位巴打做嘅：

 

＃1 Become more VALUABLE everyday，每一日不斷投資喺自己嘅知識技能身上，

 

＃2 跟住搵方法去協助更多嘅人受惠到你嘅價值

 

一個鐘搵$50蚊嘅人，同一個鐘搵$500/$5000/$50,000 嘅人，

 

唯一嘅分別，就係佢喺嗰一個小時之內能夠創造嘅價值（被認為能夠創造嘅價值－無論係實質或者虛擬都好）。

 

 

一個鐘搵$50蚊嘅人，可能能夠好成功地接好100件衫，幫到十個客人購買到理想嘅產品。

 

 

一個鐘搵$500蚊嘅人，可能能夠好成功地幫助一位中學生解決DSE英文由5星嘅程度，攞到五星星嘅成績。

 

 

一個鐘搵$5,000蚊嘅人，可能能夠好成功地幫助一位生意人，精明地避免法律上嘅訴訟，幫公司慳咗幾十幾百萬嘅訴訟賠償費。

 

 

但係你可能會問，咁一個鐘搵5萬／50萬／500萬／5000萬／5億嘅人呢？呢啲錢又喺邊度嚟呢？

 

Well，答案就係：

 

一個鐘搵5萬蚊嘅人，可能就係一個幾出名嘅演說家，對住幾百人演講。

 

 

一個鐘搵50萬嘅人，可能就係一啲ok出名嘅明星，被邀請去出席某一啲function。

 

 

一個鐘搵500萬嘅人，可能就係一啲國際級歌手，平均每一個鐘喺演唱會得到嘅收入。

 

 

一個鐘搵5000萬嘅人，可能就係一啲國際足球明星／拳手，唔小心被簽約／打下一場比賽，突然得到嘅錢。

 

 

一個鐘搵5億嘅人，可能就係一啲全球大品牌嘅CEO，唔小心同人sign咗個幾千億嘅deal，跟住自己得到嘅收穫。

 

 

重點就係：

 

你越係喺市場上有價值／value，你所創造到嘅價值越係之後可以連鎖效應地改變到更多人，你得到嘅金錢報酬絕大部分情況下都會越豐厚。

 

 

雖然總會有啲特例令到某啲人突然之間搵到好多錢，但係依啲特殊情況根本就應用唔到喺我哋身上，所以都無須理會。

 

 

你想自己變得有錢啲，就要學識呢樣價值不菲嘅秘密：

 

Learn to work harder on yourself than you do on your job。

 

你勤力用功工作係基本，

 

但係你更加要學識去更加勤力地，去投資賭博喺自己身上，塑造做自己成為一個更有價值嘅人，之後學識將你獨有嘅價值帶比市場。

 

記住：

 

Success is not something you pursue. Success is something you attract because of the person you become.

 

成功並唔係一種你去追隨嘅東西，成功係一種根據你成為一個點樣嘅人，之後吸引翻嚟嘅嘢。

 

而成為一個能夠吸錢返嚟嘅人，就必須首先成為一個擁有珍貴技術／skills，並且運用嗰種skills改變世界嘅人。

 

殘酷嘅事實就係：

 

我哋唔會因為我哋工作咗幾多小時，而被市場／marketplace衡量以咩價格去獎勵你，

 

我哋只會因應自己帶比市場幾多value，而相應地換取得到幾多金錢。

 

 

市場／marketplace係唔會care你喺間公司打咗幾多年工／或者係咪一開頭有幫你老細一齊打江山，

 

 

市場／marketplace係唔會care你喺某個職位崗位有幾多年經驗（因為好多工種過咗幾年之後，基本上你再多嘅經驗都係做重複嘅嘢），

 

 

市場／marketplace係唔會care你係咪一個好爸爸／好兒子／好丈夫／好義工／好教友／好人，

 

市場／marketplace只會care你帶到幾多value／價值比市場，句號！

 

你唔需要嘥時間去改變整體經濟環境，

 

你唔需要嘥時間去改變公司制度，

 

你唔需要嘥時間去低聲下氣乞求政府，

 

你唔需要嘥時間去埋怨你現時嘅環境有幾差，

 

你需要做嘅係work on yourself，改變你自己，增加自己嘅市場價值，

 

因為由始至終只有你先至係constant，只有你先至係不變嘅衡量。

 

最後就係，有咩方法可以提升自己市場價值呢？

 

以下係一啲簡單例子：

 

－你嘅expertise／專業知識

－你嘅productivity／生產量

－你嘅efficiency／做事嘅效率

－你嘅automation／點樣規劃東西令到某啲事可以自動完成

－你嘅influence／感染人哋幫你做嘢嘅能力

－你嘅celebrity status／明星效力

－你嘅reputation／聲譽信譽

－你嘅mastermind／身邊最接近嘅圈內朋友，令到佢哋正面地間接感染自己

－你嘅awareness／自我察覺能力，知道自己有咩叻有咩唔叻 etc.

 

各位巴打，你開始睇到我叫你每一日不斷進步嘅重要性未呢？

 

你開始睇到搵唔搵到錢，其實係自己責任，並且有能力操控並且改變嘅事實未呢？

 

你開始睇到原來MTFU教嘅嘢越嚟越正，比起淨係教溝女更高層次，

 

係真係塑造你成為一個更有吸引力，更有影響力，更有力量版本嘅自己未呢？

 

所以唔好再喺度食花生／睇花生／浪費自己時間去爭論某人的言論，去爭論某一啲微細字眼觀點啦，

 

 

係時候focus返屬於自己嘅path，屬於自己嘅purpose，屬於自己嘅mission上面啦，

 

 

鍾意今集嘅話就畀個like我啦，我哋下一集再講！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

問題少年 Q1：『Man sir，我最近都睇返你講返有冇challenge同串女仔嫁事，

 

咁我都諗番起讀中學時，串下自己比較close既女同學，但有時好似真係會串到好似有真火咁。

 

Eg.1喂你今日著衫著到你個阿婆咁嫁！

 

Eg.2 你讀書咁差嫁，你唔好成日po ig fb話自己幾咁努力咁啦！

 

Eg.3你咁嫁樣都係無男人睇嫁啦！

 

有時口快快講左出黎，真係比佢地屌9我or系我成個星期面。

 

你講過alpha male要唔怕得罪女人，但其實係咪當時嫁我真係太串呢？』

 

My Reply：

 

『Eg.1 喂，你今日著衫著到你個阿婆咁嫁！

 

<— 聽落有少少mean，除非你嘅語氣好playful

 

 

Eg.2 你讀書咁差嫁，你唔好成日po ig fb話自己幾咁努力咁啦／Eg.3你咁嫁樣都係無男人睇嫁啦  

 

<— These are ok, 只要你嘅語氣係講笑。

 

記住：

 

It’s not just about the WORDS, it’s 90% about your SUB-COMMUNICATIONS。

 

語氣聲調，身體語言，同埋當時嘅環境CONTEXT，仲有留意佢嘅mood。

 

Alpha male要唔怕得罪女人

 

←- YES，但係唔代表唔識social dynamics，

 

基本嘅社交動態，你要既又係socially intelligent，又要有流露著masculine dominance，雄性嘅征服性，咁就完美。』

 

問題少年 Q2：

 

『Hi Man,咁我想問下如果女性身邊嫁男性朋友，

 

個個都F+C fonmula 佢又對個個都有好似有signal 咁，咁要如何突圍而出呢？』

 

Reply Q2：

 

『#1 唔係個個知 F+C

 

#2 唔係個個識F+C，跟住會用

 

#3 唔係個個識F+C，會用F+C，用得淋漓盡致

 

#4 “佢又對個個都有好似有signal 咁” =》 Of course，女仔不嬲好叻同時溝幾條仔。

 

#5 突圍而出 =》 99% 男仔都係無自己嘅vision/purpose，都係想追佢，不斷比attention佢，差唔多好似溝到佢變得needy；

 

咁我問你，當99%嘅男人係咁做嘅時候，你估下你應該做啲咩呢！？

 

仲有，stop overthinking。

 

我教你嘅嘢就係 the best of the best, 將你塑造為Top 1%，你肯做就突圍而出。』

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到七月嘅最後一日，踏入最後五個月之前，今日有兩條溝女Q＆A送畀大家。

 

第一條由Mr J提供： 『hi man! 我叫阿J

 

睇左你嘅片都有一段時間，我嘅女人緣都開始有返少少起色 😀

 

是咁的，我有幾個溝通緊嘅女性朋友，

 

其中有一個幾附合我嘅擇偶標準，所以我都幾留意佢。

 

但係佢最近因為公司嘅人事問題搞到佢幾唔開心，什至同佢傾計都會聽到佢有語氣。

 

我唔想我地嘅關係因為佢嘅人事問題而變差 我應點做呢?

 

thx man』

 

『Hi J,

 

“我嘅女人緣都開始有返少少起色” <– Well done!

 

“我唔想我地嘅關係因為佢嘅人事問題而變差” <— 兩者根本無關係。

 

#1 佢而家同你似乎係同事／朋友關係？

 

#2『幾個溝通緊嘅女性朋友』，似乎你都係講緊female friends？

 

如果係，咁樣嘅話，好難突然show sexual interest，會好奇怪；

 

同埋你有冇出面識女仔？始終溝同事唔係咁好。』

 

『Hi man! 多謝你回答同埋分析

 

#1 我同佢係同一間公司但係唔同部門，所以偏向朋友關係

 

#2 女性朋友係我自己係社交APPS / 朋友嘅朋友咁識，有用你教D SKILL去溝通，有少少曖昧關係。

 

同埋我可以點把握呢個機會去增加佢對我嘅好感同魅力呢? thx man』

 

Bonus question：我想問跟據push and pull技巧，Dating 頻率點先係最好?

 

Thx man』

 

『Yo，你而家差唔多係比friendzone，你嘅behaviors好有朋友feel。

 

『增加佢對我嘅好感同魅力』

 

=》你要比佢睇到你嘅social/fun/playful side，淨係工作好dry好同事feel，ZERO sexual attraction at all。

 

Dating 頻率

 

=》 兩個人都做緊嘢，所以3-6星期先至見一兩次(1 to 1) 已經好足夠，除非有其他group activities。

 

Push Pull 技巧？

 

Watch this：點樣正式用『推拉法』溝女？How To Push-Pull A Girl？[溝女]

 

Q2：『Hi阿man，我呢排開始睇你啲片，睇完之後覺得好有道理👍

 

其實我想問一問，因為我我呢個月有個女仔系學校成日系對面走廊望住我，

 

但系到我望番距既時候距就望第二度，

 

之前我同距都有一路望住對方甘擦身而過，我驚系我自己會錯意所以無去識距…

 

之前都有睇番你啲片，但系都系吾明吾白甘，所以搵你請教一下😭』

 

『Yo美心，Welcome。

 

『成日系對面走廊望住我』

 

=》聽落好恐怖 lol

 

『但系到我望番距既時候距就望第二度』

 

=》 OF COURSE！佢諗住『暗示完佢對你有興趣』，你會醒目say hi 同佢傾計嗎！

 

『我同距都有一路望住對方甘擦身而過』

 

=》 Girls only keep LOOKING at guys when they are interested，所以係時候食佢啦。

 

試下同佢講：『喂喂，我啱啱見到你望住我，好少女仔可以望我咁耐都唔打招呼架喎，我叫XYZ，你呢？』

 

加埋你嘅奸笑+穿透性eye contact，贏晒 :D』

 

His reply:『多謝你阿man! 我會去嘗試下既』

 

聽緊嘅你，Hope you also take action!

 

希望今集幫到你！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第26集，

 

今集叫做 Know What Is Important in Your Woman，

 

學識乜嘢對你女人最重要／搞清楚同女人關係的首要目的！

 

作者意思係：

 

雌性能量／feminine energy就係生命嘅力量。

 

一個越係masculine嘅男人，佢女人嘅feminine energy就會對佢更加重要。

 

如果你想搵一位女性做你嘅business partner／生意夥伴，你好可能想要嘅特質係：

 

佢好識計數，佢好精明果斷，佢好可靠，佢能夠喺逆境堅持到底直至達到目標。

 

如果你想搵一位女性做你好朋友，你好可能想要嘅特質係：

 

坦白honesty，有同情心compassion，識講笑humor，同埋尊重respect。

 

但係如果你想搵一位女性做你嘅配偶，你應該搵嘅特質就係：

 

佢能夠自由地象徵收錄並且表達佢雌性嘅能量同愛。

 

記住：你越係想一個女人畀曬所有嘢你，你越係咩都得唔到。

 

因為business skills，係一種大部分非常雄性嘅技能；

 

而friendship友誼，個本質就係一種中性嘅無性關係。

 

所以如果你想有sexual passion，充滿激情嘅性愛，

 

咁你就需要有一種對立嘅性極性／sexual polarity，自己係masculine嘅雄性能量 + 對方女人係feminine嘅雌性能量。

 

當你唔搞清楚任何關係嘅priority，唔知道你想喺段關係乜嘢係首選你想要，

 

不同性嘅能量就會互相抵消，最後你就有一種含糊中性唔知想點嘅關係。

 

雖然做生意夥伴／做好朋友／做情侶全部都可以好親密，

 

但係只有當你首先揀咗relationship裡面嘅首要priority，你先至能夠容許任何進行嘅活動，能夠以你嘅main purpose去一齊進行。

 

唔係嘅話，你想發展生意嘅時候，你嘅女人就想你錫佢多啲；

 

你嘅女人想同你傾下計嘅時候，你就想同佢上床搞嘢。

 

最後你哋兩個就會妥協自己本身想要嘅慾望，

 

你哋嘅關係就會下降至一種功能性但係平庸嘅partnership／夥伴關係。

 

所以無論係你想淨係要一位伴侶，又或者同唔同partner發展multiple relationships，

 

你都必須搞清楚每一段關係嘅priority。

 

如果你預期你嘅親密關係可以有多重功能，你哋嘅關係就會開始變得功利主義／實用性。

 

譬如：如果你不斷喺度講大家嘅財政狀況，工作，屋企同小朋友，你就會改變你嘅女人變成一位中性嘅夥伴。

 

你哋因為太過熟識大家，所以原本充滿神秘感嘅性魅力，就會被逼變成系統化機械性嘅普通攬攬錫錫一齊瞓覺嘅關係。

 

大家就會失去對大家嘅性趣，雙方亦都會嚮往曾經感受到嘅性愛緊張感，就會好想喺其他人或者地方得到嗰種感覺；

 

家庭生活就會取代神秘感，性吸引力從此墮進深淵。

 

所以只有你先可以決定你任何關係咩先係最重要，你係唯一一個可以清晰自己任何親密關係嘅目的！

 

 

如果你決定親密嘅目的係為咗有激情充滿愛嘅傳遞，有喚醒靈魂嘅性愛能量，有互相承諾嘅心靈治療，咁你就要小心啲啦。

 

 

要小心唔好迫你嘅女人做你嘅精明會計師，唔好預期佢會永遠幫你解決財政問題。

 

 

要小心唔好為咗日常生活嘅瑣事，捨棄咗你利用身體傳遞互相嘅愛。

 

 

要小心唔好擠擁佢嘅雌性能量，落一啲功能性嘅角色上面，防止佢喚醒你嘅心靈同填滿你嘅身體。

 

 

總結就係：

 

喺任何嘅情況下，你要永遠知道咩對你最重要，你哋親密嘅目的，

 

跟住根據呢個central priority／核心嘅優先事項，去將所有有關嘅活動排列成為一致。

 

 

咁樣你哋雙方嘅親密，先至能夠維持並且隨時間增加！

 

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第25集，

 

今集叫做 Choose a Woman Who Is Your Complementary Opposite，

 

男人係應該揀一個同你互補相配，相輔相成嘅女人！

 

作者意思係：

 

一個本質非常雄性嘅男人，係會好自然地被本質非常雌性嘅女人吸引，因為大家之間嘅能量交流係互配。

 

相反一個比較能量中性嘅男人，就會prefer一個比較能量中性嘅女人。

 

亦都係因為咁樣，

 

一啲比較gay／女人／雌性能量較多嘅男人，佢就會被一個較多雄性力量嘅女人吸引，鍾意個女人有一個強勁嘅目的性同方向感。

 

當你明白咗呢一點之後，你揀女仔嘅時候，就要完全地去接受某個女仔嘅整體package。

 

如果你係想做一個雄性男人，你就要知道，一啲能夠激起你性慾，喚醒你靈魂嘅女人，

 

好多時呢條女同時間亦都會係一個相對wild，相對瘋狂，相對發癲，相對混亂無章，

 

相對難操控，相對難捉摸，相對難以用邏輯去明白佢嘅諗法。

 

但係從能量觀點角度去睇，呢一種嘅女人仍然係會對你比較有治療性，有啟發性，

 

多過一啲相對平均中性嘅女人，一啲好穩定／好合理／好可靠／能夠清晰表達佢想要咩嘅女人。

 

所以你嘅兩難就係：

 

如果你想要一啲好奔放，充滿激情，非常火辣辣sexy嘅女人，你就要預期佢相對『黐線』，可能佢每一秒都會改變主意。

 

但係如果你想要一啲非常合理非常可信嘅女人，

 

你就要預期雖然你同佢可以好好傾，佢唔會令到你覺得好費解，你亦都好鍾意花時間同佢哋一齊，

 

但係佢哋相對冇咁容易激發你對佢嘅激情性慾，冇咁開放同你做一啲好癲嘅嘢。

 

你可能會問：『點解啲女人唔可以好似男人咁，容易明白多啲呢？』

 

但係你要知道，正正係因為佢哋唔似男人嘅某啲性格特質，佢哋先至能夠激起你對佢哋最大嘅性趣。

 

雌性女人發出嘅光芒，佢哋旭動身體嘅方法，佢令人精神為之一振嘅自發性／隨機性，

 

佢甜美嘅笑容，佢情緒不能捕捉嘅神秘感，全部都係吸引你嘅原因。

 

所以佢內心本質愈係擁有雌性特質，佢嘅行為越係唔似雄性男人嘅特質，

 

例如：清晰地表達自己思想同慾望，而唔係純粹根據當時的感覺去做決定。

 

雌性女人可以呢一秒同你講佢好愛你，

 

下一秒因為你做咗一啲你唔留意嘅事，而佢可以突然變得冰冷同你講佢好憎你。

 

呢種就係雌性特質嘅美麗，關係嘅流動同當時嘅感受，永遠係比起言語或者事件更加重要。

 

重點就係：

 

你永遠都會被一啲擁有對等sexual energy嘅女人吸引，

 

你個人越係man／有目的性／有方向感去緊某個地方嘅雄性男人，你

 

就愈能夠被吸引+吸引一啲無憂無慮／跳來跳去／燦爛迷人嘅雌性女人。

 

但係你要小心喎！

 

因為當你哋兩個人一齊咗之後，

 

好多時會有一種叫做depolarization／退極化嘅自然現象出現，

 

會令到你哋雙方越嚟越似對方，而亦都係因為咁，令到雙方嘅吸引力愈來愈下降。

 

呢種就係點解咁多情侶會分手嘅原因！

 

就係因為你哋兩個原本擁有嘅sexual charge變得越嚟越中性，你作為男人變得越嚟越feminine，

 

而你嘅女人變得越來越masculine，最後你哋中和大家嘅sexual charge，大家對大家嘅性趣就會從此消失！

 

所以解決方法嘅秘密就係：

 

就算你同個女人一齊咗之後，你千祈唔好嘗試改變佢雌性本質嘅特性，

 

你係應該協助佢cultivate／培養佢嘅雌性本質變得更加深入，更加有活力。

 

你係應該容許佢繼續去全面地感受生命，感受愛，感受啟發性，

 

不受邏輯或者操控影響，去用心感受自然力量嘅流動；

 

而你就係身旁behold her，欣賞佢自然流露嘅快感。

 

就好似佢性高潮一樣，佢身體嘅自然抽動，完全自由嘅表達，靈魂上嘅快感，

 

你係應該細心觀賞，而唔係一尾鉗制control佢。

 

所以呢種就係你想要雌性女人嘅整體package：

 

佢嘅情感係會經常飄忽流動，

 

佢想做嘅嘢永遠都係三心兩意，

 

佢永遠喺你哋嘅關係之中會更加微細地留意大家嘅能量交流，會對某啲事更加敏感。

 

亦都係呢種嘅雌性女人，會帶畀你最大嘅快樂驚嘆同快感，性愛上同靈性上，當你容許佢嘅身體去自然美麗地流露旭動。

 

所以記住選擇一個同你互補相配，相輔相成嘅女人！

 

只有雌性嘅女人先至可以畀到作為雄性男人嘅你，最想要嘅禮物。

 

而接受呢種禮物係會有等價交換嘅，

 

你就要有心理準備同時接受埋，混亂無章嘅情感風暴，

 

你就要學識點樣喺佢跳舞發癲嘅時候，繼續stand firm，

 

用愛去完全地擁抱佢完整雌性女人嘅光明黑暗兩邊嘅力量。

 

希望今集幫到你！