標籤: 溝女

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日想超快講下點解你每次溝女嘅時候，你一定要喺頭一分鐘之內開始掂女仔。

 

其中一個被friendzone嘅原因，

 

就係你唔能夠打破所謂嘅『Touch Barrier』，你唔能夠同女人盡快有第一次嘅身體接觸。

 

你越係遲掂女仔，即使你嘅『語言攻勢』你嘅verbal game好勁，你整體能夠溝到佢嘅機會率都係偏低。

 

Touching之所以喺其中一個成功好重要嘅關鍵，

 

係因為每次人與人之間有身體接觸，我哋身體就會釋放一種荷爾蒙叫做Oxytocin／催產素。

 

Oxytocin／催產素除咗係女性子宮收縮嘅激素，

 

亦都係每逢我哋感受到『戀愛時』會釋放嘅一種人體化學物質，令我哋有激動／愉快／甜蜜／快樂嘅感覺。

 

你每次有策略地掂女仔，同佢有適當嘅身體接觸，你就會刺激Oxytocin嘅釋放，

 

令女仔感到舒服，並且減低佢嘅緊張感，令佢感到喺你身邊好安全。

 

所以當你approach咗個女仔，並且打開口同佢開始傾計，你一定要喺頭一分鐘之內就要略略掂下佢；

 

令佢意識到你係一個有自信嘅男人，而你同佢傾計唔係純粹一個friendly conversation，

 

而係一個充滿sexual tension性緊張感，一個man-to-woman嘅對話。

 

正如之前某幾集講過，你一開頭最合適嘅位置就係略略拍佢手臂或者手前臂嘅外邊，

 

而每當你同佢講笑或者『咁橋搵到共通點』嘅時候，你亦都可以同佢high five。

 

溝女最差勁嘅一樣嘢，就係嘗試『扮識朋友』。

 

即使有啲女人同你講，佢哋一定要『首先做咗friend先，深入了解你之後先至會考慮成為情人』，但係呢啲全部都係誤導嘅！

 

女人真正嘅意思係：

 

佢哋想感覺到可以『相信你先』，如果你令到佢哋有feel，並且能夠令佢哋覺得你『信得過』，咁樣你帶領佢哋之後去搞咩春佢哋都會願意。

 

BTW，講開掂女仔，等我好快畀三個小貼士你，讓你成功盡快打破呢個所謂『Touch Barrier』嘅難關啦！

 

＃1  唔好太快掂得太多。

 

頭十分鐘到，你都係主要可以掂下手同手臂；最多可能係bar度經過佢後面嘅時候，輕輕掂到佢背脊。

 

每一次都係輕輕賴過，千祈唔好捉實佢，更加唔好咁快掂佢啲敏感部位，e.g.胸／蘿柚等等。

 

＃2 唔好draw attention落你掂緊嘅位置到。

 

千祈唔好好白痴地一路掂佢，一路望住你隻手嗰個位置，呢樣嘢睇落係好變態好creepy！

 

男女之間嘅身體接觸只係一件好小事，無需要特登放大佢；你只需要一路掂佢嘅時候，一路正常地繼續傾計『令佢分心』。

 

＃3 無論係身體邊一個部位，唔好掂佢掂得太耐。

 

你大部分嘅觸碰，係一兩秒最多三秒嘅事。

 

你掂得太耐，成件事就會變得好唔舒服，女仔就好容易做咗『take it away』嘅嗰一個人，你亦都成為一個睇落好似『好有陰謀』嘅男人。

 

所以今集嘅重點就係，要記得：

 

當你初初識女仔嘅時候，女仔係需要好快地並且有自信地被你觸碰；

 

咁樣佢先至會即時意識到你係一個sexual man，而你亦都絕對唔會墮進friendzone嘅陷阱。
已經喺私人newsletter裡面嘅巴打，你應該會收到相關解決被friendzone困難嘅全新training，

 

 

有咩問題歡迎email我哋索取詳情，希望今集幫到你！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

你有聽開MTFU你都應該知道，whatsapp／texting嘅主要目的係約女仔出街，而唔係喺度嘥時間互相問候大家。

 

所以今集好正，

 

我將會列出男仔whatsapp女仔最常見嘅七大死亡位，令到女仔對佢失去吸引力；你學識之後，請你以後唔好再犯呢啲錯誤喇！

 

死亡位＃1 誤解女仔覆你whatsapp = attraction，誤以為佢對你有吸引力。

 

尤其是你只係見過佢一兩次，同佢仲未有first date；

 

就算女仔畀電話你同你text，都唔一定代表佢對你好有feel，你唔好以為佢覆你機就代表佢一定鍾意你。

 

事實上：

 

你喺約佢出街之前越係腥得多whatsapp，越係講得多無聊嘢，你約到佢出嚟見到佢真人嘅機會就會越低。

 

所以千祈唔好腥啲『How’s your day』之類嘅悶爆text，每次你想send嘢畀佢一句之前，你問下你自己：

 

『究竟我呢一個text，係咪令到我同呢個女仔，可以更接近出到街嘅機會呢？』

 

如果你嘅答案係『No，但我想認識佢多啲深入啲』，咁唔該你唔好send果一句！

 

死亡位＃2 你嘅text好撚悶，完全顯示唔到你好玩嘅一面。

 

如果你whatsapp嘅時候，唔能夠當下誘導女仔某一啲情感出嚟，咁樣佢好難花時間花幾個鐘見你真人。

 

任何一啲太過認真／死板嘅text例如『Hi，Nice to meet you』，或者畀太大壓力佢去同你keep the conversation going，又或者不斷問佢問題…

 

呢啲都係顯示你係一個超級悶蛋。

 

所以由呢一刻開始，你要選擇一啲用語係能夠顯示你嘅fun，某啲位可以誇張少少，

 

並且你提及嘅每一樣嘢都要講到好撚正，並且製造到『哎呀，你冇去到XYZ實在太可惜喇！』少少玩佢嘅感覺。

 

死亡位＃3 冇你個人嘅Whatsapp Style

 

要明白，每個女仔幾乎每日都有其他男人想追佢，

 

e.g. 佢嘅ex想搵佢，佢公司啲同事想溝佢，佢中學嘅男班長無啦啦某一日好random哋約佢，又或者前幾日識到嗰三個男仔想同佢食飯等等。

 

所以喺佢電話每分鐘被轟炸嘅時候，你搵佢嘅text一定要顯示你個人風格同性格；

 

就算佢冇咗你嘅電話顯示，從你嘅whatsapp style之中佢應該都估到你係邊個。

 

所以問下自己：有乜嘢詞語／句子／標點符號／或者emojis係可以突顯你嘅style呢？

 

死亡位＃4 你send嘅whatsapp實在太撚長！

 

各位年紀比較大啲嘅巴打，你要明白，whatsapp唔係畀你寫論文嘅地方。

 

所以所有嘅繁文縟節，所有嘅formalities，所有無關痛癢嘅small talk，唔該你唔好再做。

 

新年嘅時候你無啦啦send張恭喜發財嘅相俾女仔，

 

又或者聖誕節腥一段key咗特朗普個頭喺聖誕老人上跳舞嘅片，

 

只會顯得你係一個on9嘅煩膠親戚，成件事真係好唔sexy！

 

所以每次你whatsapp，

 

當你一開頭send咗句少少嘅teasing，加一個花名或者短短搞笑嘅趣聞軼事，

 

令女仔留意你之後，你就要盡快move the conversation forward，去約佢出嚟。

 

死亡位＃5 約佢之前冇嘗試spark emotions

 

另外一個極端，就係有啲男人會失驚無神，第一句就嘗試約女仔出街。

 

邏輯上，你可能覺得之前女仔對你有興趣，所以直接約佢冇乜問題；

 

但係，你可能忘記咗，女仔嘅情感每一秒都係流動，每一秒都係改變緊。

 

所以比較有效嘅方式，係首先engage佢嘅emotions先，好快觸動佢少少情緒上的波動；

 

flirt少少，幽默少少，令佢feel到少少正面嘅情感先，之後先至約佢出嚟。

 

死亡位＃6 你太過predictable，令女仔完全估得到你諗咩。

 

呢個死亡位係傾向之後少少嘅階段，

 

譬如你可能約到佢一兩次出嚟之後，諗住十拿九穩，所以次次都係用同一招texting，同一堆笑話，同一啲嘅問題。

 

Texting或者Dating嘅最大錯誤，就係太快自滿！

 

你必須間唔中就有啲『特別嘢』／戲劇少少嘅drama發生，

 

間唔中同女仔講『遲啲會有surprise畀佢』，但係又唔話佢知係乜嘢嚟，

 

間唔中同女仔講話『佢令你諗起一啲嘢…』，但係又唔開估係乜嘢嚟住，

 

間唔中無啦啦send一張唔需要佢覆你嘅random搞笑嘅相等等。

 

重點係：只要你令到女仔keep住估唔到你下一句whatsapp會係乜嘢，佢就會keep住對你有興趣，期待再次見到你。

 

死亡位＃7 誤以為『某個女仔』係好特別，唔同其他一般嘅女仔！

 

我講咗好多次，永遠都唔好喺whatsapp上面『表白』或者所謂『打開個心同佢講你真正嘅感受』！

 

每次你嘗試透過電話confess your feelings，你就一定會嚇親條女。

 

每次你嘗試同自己講『呢個女仔同其他女仔唔同』／『呢個女仔好特別』，就係一個警號，話你知你準備會失去佢！

 

點解？

 

因為每次你覺得佢『真係好撚特別』嘅時候，你原本有吸引力嘅行為表現，就會無啦啦開始有所改變。

 

你就會開始whatsapp得太多，你就會開始太明顯讚佢，又或者你就會開始諗太多先至敢約佢出街…

 

事實係：She’s NOT different！

 

唔好因為某個女仔，而改變到你原本吸引到佢嘅行為特質；

 

唔係嘅話，佢就會好快對你失去興趣！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

其中一樣男人最痛，就係當自己鍾意嘅人唔再想要佢；好多時分手之後，男人都會想再同返個ex一齊。

 

今日會同你分享，如果你想令到前度女友再次要你，三樣你必須做嘅事。

 

Tip #1： Get Some Distance

 

喺你想再次變得親密之前，你一定要首先分隔大家嘅距離。

 

我知，我知你個心好痛，我亦知你好掛住佢，好想見佢。

 

但係你諗諗，你分手後嘅情緒好多時都仲未平復：可能你好唔開心，可能你好嬲，可能你好困惑，

 

所以喺呢啲情緒高漲嘅時候你去搵佢，你嘅行為舉動一定係會變得非常依賴非常desperate。

 

你有冇試過飲醉酒跟住乘機打畀你嘅ex啊？

 

呢啲咁戲劇性嘅嘢，我就有好7哋試過喇 lol

 

結果係點？

 

結果當然係個女仔只會覺得你好廢，覺得你比佢更加癡情needy，跟住就會覺得你好煩唔會再覆你。

 

所以第一個貼士就係，你一定要分隔大家嘅距離。

 

最好就斬斷曬所有溝通嘅渠道，包括你嘅電話／Whatsapp／IG／FB／SC， 至少兩三個月都唔好搵大家，『騰出空間』讓呢個女仔思念掛住你。

 

你可能會問：驚唔驚佢會喺呢個時候搵其他男人？

 

你都唔驚得咁多。

 

啱啱分手嘅時期，其實係睇下邊個控制唔到自己會搵返對方。

 

兩個人都經歷緊一啲情感上嘅波動，

 

但係你作為男人你一定要畀女人更加控製到自己嘅情緒。唔係嘅話，佢都唔能夠完全相信你日後，能夠冷靜處理更大嘅問題。

 

Tip #2： Pick Yourself Up

 

即係話你要再次為自己振作起番身。

 

好多時候，你都會因為拍拖而放棄咗一啲嘢，

 

所以分手後嘅時間，係一個perfect timing去再次做一啲你不嬲鍾意做或者對自己有益嘅嘢，咁樣你先至可以再次提升自己嘅自信。

 

例如定時去返做gym， 去搵返你少見咗嘅兄弟，

 

去重新upgrade自己嘅衣櫃，去睇返一齣你好想睇嘅打交戲，去再次自己探險去旅行等等。

 

如果你嘗試用一個『靈魂被傷害』嘅狀態去溝番你嘅ex，你就一定會失敗。

 

Tip #3： Get Back In The Game

 

你一定要放自己喺番個dating market裏面，你一定要做返一個desirable，有女仔想要，有女仔想爭嘅男人。

 

要記住一個好簡單嘅道理：

 

Women want what other women want。

 

女人係想要其他女人想要嘅嘢！

 

所以點解你成日會聽到，我建議巴打一定要出去識女仔，

 

咁樣你自己先至擁有一個客觀嘅睇法，知道自己除咗小姐A鍾意之外，仲有其他十幾廿個小姐-Z對你有興趣。

 

咁樣你嘅前度女友見到，佢先至會有更大嘅慾望去爭你追番你。

 

另一方面，你當然要略略比佢知道，『原來分咗手之後你生活過得更精彩』。

 

所以呢個時候，你就可以利用social media嘅幻象，畀佢間接地望到你好正嘅lifestyle。
以上幾個tips其實好簡單，但係如果你肯咁樣做，你將會大大增加前度女朋友想要番你嘅機會！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

Here’s the question Bill asked:

 

『Hi man 一直都有聽開你既片 email都有收到newsletter，我都知要投資係多幾條女身試同唔可以暴露自己既需求比女仔知，但係我好想知仲有無機會可以發展落去？

 

話說小弟當時有女朋友，宜家分左手半年到，當時個女仔都有男朋友但就成日都會用whatsapp傾下計，我無同佢講自由有女朋友，因為我果時對佢無興趣，就會玩下佢問佢唔驚我會中意你咩，

 

又問下佢男朋友既野但佢都唔會點答，慢慢我識埋佢個fd，係whatsapp開左個gp，而佢都講話男朋友成日陪唔到佢，之後佢個fd有問我係咪中意佢，當然果時我有女朋友我就成日話人地都有男朋友啦。之後有次臨時就約左第一次出去。

 

當時個女仔就話想買鞋，叫我去找佢地、佢地就好離奇甘比左個雲吞麵鋪既地址我去 、一去到就比佢個朋友串我 好易找架wo呢到。

 

唔知係咪大家都怕羞，我同佢既互動唔多，佢都無咩點講野、只係我同佢個fd講野多串下大家甘、之後佢無啦啦話要走話要番屋企、甘大家就走左。

 

開始懷疑佢係咪當緊我係兵、但我都要去接女朋友、就由佢，走左半個鐘到佢打左個電話黍，但我無接。

 

之後大家都有曖昧下甘、後來我發覺佢用左個假既ac follow我ig ，佢入面post左我打比佢既文幾句甘，又有我中意既花同圖。

 

之後佢個fd都不停問做咩唔追佢呀 、係咪對會有意思、一一都話佢有男朋友就算。

 

之後佢離開左香港但都有同我日日傾計，佢有日番左黍就send左佢同佢男朋友既對話比我入面就話要分手，呢段時間佢掛住第個甘、又話黍左我屋企樓下、我知玩大左就話我唔係屋企、佢就話自己岩岩好慘唔識路好辛苦先黍到我屋企樓下，仲跌傷左隻腳流血，

 

但果時我都仲中意女朋友，而太突然我都唔知點做所以就話我黍唔到、佢就話甘自己走去飲酒，我都無理過佢。

 

之後我就封鎖哂佢既所有聯絡，因為果時都係中意女朋友。而佢都有留意我ig知道我有女朋友、後來佢同番之前一直果個男朋友一起番。

 

宜家分左手，發覺其實佢都唔錯想發展下。但佢改左電話、我知果時令佢好傷心，佢連ig都block左我。大約係2年前到同呢個女仔既事、而係係做sales公司識佢後來佢無做同佢用whatsapp傾計多、出街就只有一次、但大家其實都一直曖昧緊只係我一直用佢有男朋友黍做藉口、無明顯甘追佢。

 

無諗過佢會突然同男朋友分手、當時佢地拍左two year拖、宜家就4年。我知道果時佢對男朋友係好淡、因為陪唔到佢。

 

呢排我用ig message 寫左少少野比佢都無覆過我、但佢無再block我Instagram 而佢男朋友ig就無啦啦block左我。佢都解封左我ig比我睇佢既野 、但佢唔比我follow ，無再block 我、但我所有massage佢又無覆！

 

我唔係好知佢想點、如果唔想做番朋友或者無可能既、講一句我唔會再煩佢、但佢由頭到尾都無講過野！令我唔知應該繼續諗方法令佢找番我定放棄好？

 

但其實我做既行動都好明顯，而佢一直都無表示甚至拒絕比聯絡方法我、我宜家無佢電話，只有ig fb但佢都唔比我add做朋友，但可以寫messages 比佢

 

點先可以溝番reject 過既女呢？

 

唔該哂man』

 

Hi Bill，下次你腥email呢，麻煩你精簡啲100字內寫完，唔係嘅話我好難覆你，因為我仲有好多其他巴打問題要答。

 

畀幾個重點你諗諗啦：

 

＃1 你話『人地都有男朋友啦』你已經輸咗，個女仔嘅mutual friend一定同返佢講，你嘅神秘感已經冇曬。

 

再加上，冇需要成日喺度問人哋男朋友嘢囉，who cares？你想畀人friendzone先會成日問呢啲嘢，你想溝佢以後就唔好再咁做。

 

＃2 雲吞麵舖事件

 

－人哋叫你出去你就出去，你冇其他嘢做架咩？佢兩個擺到明shittest你，睇下你係咪隨傳隨到，點知你真係去咗，即係你係一個畀人踩上心口都唔識反抗嘅beta male。

 

佢哋梗係走啦，咁悶有冇咩嘢傾，咁樣你話呢個『group gathering』有咩意義？

 

－用假ig follow你，又做好多小動作？

 

Bro，呢兩條女有毒㗎，佢哋兩個喺度用情感manipulate操控緊你。

 

一個扮曬畀mixed signals你等你去追佢，另一個又扮曬幫你游說你去追佢。

 

我未睇你下面啲details，我都知道你必須馬上斬斷同呢兩個變態女人嘅聯絡！

 

＃3 返咗香港XYZ等等事件

 

A bunch of bullshit！

 

佢真係有毒，做十萬樣小動作希望攞到你attention，扮曬可憐咁等你同情。

 

唔知佢諗咩，但佢係一個好邪惡想拆散你同女朋友嘅人。

 

＃4 『之後我就封鎖哂佢既所有聯絡』

 

Well done，做得好。

 

＃5 『宜家分左手，發覺其實佢都唔錯想發展下。』

 

下？佢痴線㗎，你唔好畀佢外表同變態嘅行為蒙蔽自己喇。

 

＃6 IG block嚟block去

 

痴撚線，唔好嘥時間同佢哋玩埋啲小學雞遊戲啦！

 

佢唔覆你咁又點啫？點解你仲嘥時間喺佢度！？

 

＃7 『我唔係好知佢想點….』

 

做咩朋友啫？

 

佢絕對係一個有毒嘅女人，佢係不斷玩弄緊你嘅情感，絕對係一個super drama girl無事生非搵痴線嘢嚟搞，你再係黐埋去你一定觸礁死硬！

 

＃8 『我宜家無佢電話etc.』

 

連呢條變態女都封鎖咗你，你仲要搵佢，仲話想媾返佢？

 

溝乜春！？

 

你要做嘅係斬斷同佢所有聯絡，ig fb 都唔可以有佢存在。

 

Anyway，我好撚激動，係因為呢一條係絕對有毒嘅女人，會毀滅你，摧毀你一生。

 

雖然你冇同我講，但係過咗咁耐你都記得咁多details，擺到明你呢幾年肯定冇出去識女仔，所以沉迷係一個變態女人身上。

 

所以我今日必須對你決絕啲，宣佈以下呢樣嘢：

 

我係唔會再幫你再答任何關於呢條女嘅問題，因為佢有毒，所以所有關於佢嘅嘢都係有毒。

 

我畀你嘅建議係，

 

＃1 由今日開始， 無論如何，呢條女唔可以再任何方法聯絡到你；

 

而當佢喺唔知咩情況下再次搵到你，你一次都唔會回覆佢。

 

＃2 你係時候出去識女仔，咁樣你先知道咩叫做冇毒嘅女仔。

 

呢一刻嘅你太過pure，完全係畀人玩緊；

 

你必須增加同正面嘅女性相處嘅機會，你先至能夠溝到對你身心有益嘅女仔。
希望今集幫到你！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

可能有好多巴打都曾經問過自己：

 

唔知幾時先算係學完溝女呢？

 

唔知幾時先算係學習嘅道路上『畢業』呢？

 

唔知幾時先可以『放鬆落嚟，終於咩都唔使諗去享受人生』呢？

 

如果你係咁樣諗，我有個壞消息要話你知啊…

 

呢條道路係去到你死嗰一日先至會完結！

 

史丹福大學嘅心理學女教授Carol Dweck，喺2006年寫咗一本書叫做《 Mindset：How You Can Fulfill Your Potential》。

 

Carol同我哋講：呢個世界上只有兩種人，第一種人擁有Fixed Mindset，第二種人擁有Growth Mindset。

 

第一種擁有Fixed Mindset嘅人，佢哋覺得所有嘢都係整定嘅，並且覺得佢哋已經係一件『完成品』。

 

佢哋已經過咗學習嘅階段，而因為佢哋已經『成咗人』，所以佢哋已經唔能夠改變佢哋嘅未來。

 

相反， 第二種擁有Growth Mindset嘅人，

 

佢哋睇嘅世界係一個永遠唔會完，永遠都有得進步，永遠都可以進化改變嘅一個世界。

 

所以佢哋覺得自己永遠係『work in progress』，係一件『正在被打造嘅事物』，佢哋係唔會有完嘅一日。

 

喺佢哋眼中，life is either growing or dying；

 

如果你唔係成長緊，你就係死亡緊。

 

所以去返我哋一開頭嘅問題，究竟『溝女』會唔會有學完嘅一日呢？

 

又或者係套用其他任何嘅技能，究竟『學炒股』會唔會有學完嘅一日呢？

 

究竟『學打網球』會唔會有學完嘅一日呢？

 

究竟『學英文／普通話／西班牙文』會唔會有學完嘅一日呢？

 

究竟『學人類大腦構造』會唔會有學完嘅一日呢？

 

究竟『學唱歌跳舞拉小提琴』會唔會有學完嘅一日呢？

 

個答案當然係No啦！

 

任何一種你想精通嘅技能，

 

任何一種需要花時間每一日去練習嘅skills，

 

任何一種需要重複又重複又重複做相同嘅嘢去達到mastery世界級水平嘅東西，

 

都係唔會有完嘅一日！

 

歷史可以話畀我哋知：人類喺不停進化，係會將『以往認為無可能做到嘅事物』逐一實現。

 

無數嘅奧運紀錄，攀山紀錄，潛水紀錄，或者任何世界健力士大全嘅紀錄，

 

都話咗畀我哋知『人類係有能力不斷擴闊自己嘅極限』。

 

無論你想精通任何一種技能，

 

包括學溝女／學新嘅語言／學計數／學功夫／學機械工程／學滑雪／學做運動／學做間諜黑客等等，

 

所有嘢都有下一個關，所有嘢都有更勁嘅level，所有嘢都有更進階嘅技巧去學習。

 

你想成為世界上嘅Top1%，你就一定要保持『終生學習』呢一種嘅edge，呢一種嘅優勢。

 

唔好諗住讀完大學／讀完master／係law firm做到partner／係銀行做到亞洲區CEO，你之後就諗住停止學習。

 

每逢你自滿，

 

每逢你覺得『識曬所有嘢』，

 

每逢你覺得生活一切過得特別『舒服滿足』，

 

你就係正正步向一個黑暗嘅未來，

 

正正被眼前嘅『名成利就』蒙蔽，

 

正正暗地裏被其他人超越你原本擁有嘅優勢。

 

問題係：呢一刻你擁有Fixed Mindset定係Growth Mindset呢？

 

當你開始發覺自己溝到女，越來越多女仔鍾意你嘅時候，你又會唔會自滿而放棄繼續精通呢一門學問呢？

 

你又會唔會喺你人生其他嘅任何一方面，永遠抱著一個謙虛學習嘅心，永遠準備放棄舊有嘅觀念同自我意識，

 

去迎接新嘅資訊，迎接新嘅改變，迎接新嘅自己呢？

 
你咁勤力每日聽得我哋MTFU，我相信你喺識得點樣揀嘅，

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第7集，今集嘅主題係叫做Never Change Your Mind Just To Please A Woman！

 

好簡單亦都係我經常講嘅重點：就係你永遠唔好為咗奉承女人而改變自己諗法！

 

冇錯，正如作者所講，你當然係應該仔細聆聽女人嘅意見，應該了解一下佢哋嘅感覺感受。

 

但係，喺你用心聽完佢講之後，你喺應該根據你最新嘅資訊，去自己決定應唔應該更新你嘅諗法。

 

你絕對唔可以為咗『唔好嗌交』，為咗同意佢『免傷和氣』，為咗奉承女人而去背叛自己心裏面最深入嘅『智慧』『直覺』同『真相』。

 

你咁樣做，你同你嘅女人都會被削弱。

 

大家之後就會因為種種嘅『虛偽／唔真實』而怨恨大家，你哋背叛咗大家之間嘅真愛。

 

因為當你係咪都同意女人嘅時候，你嘅潛台詞就係『我唔相信自己嘅智慧』。

 

即使表面地你地冇乜語言衝突，但係你覺得你嘅女人仍然會相信你嘅智慧咩？

 

當你為咗please女人而否定自己最深入嘅真相，你身邊嘅人都會感覺到你『個人好假』，你完全係lack authenticity。

 

就算你嘅朋友／你嘅仔女／你嘅生意上夥伴好愛你，佢哋都唔能夠完全相信你，因為你自己都唔相信自己嘅core。

 

『自己相信自己』／Self-Trust係令到人哋相信你嘅第一步。

 

即使你最後可能係錯，但係如果你願意去忠於自己並且發掘真相，你就能夠從人生嘅經驗之中學習成長。

 

冇錯，聽前人嘅建議係重要，但係到最後都係你嘅責任去做『你嘅決定』，結果最後係點樣你都唔可以怪任何人。

 

你更加唔可以因為『選擇聽女人講』之後瀨咗嘢，就責怪佢做錯嘢；如果你咁樣做，你都算係幾仆街幾無賴幾不負責任囉！

 

Anyway，重點就係：

 

你要保持一個open mind去聆聽女人揭露畀你聽嘅嘢 ，

 

（無論係透過佢嘅言語或者body language都好），你之後就要base on自己嘅知識直覺同智慧，決定下一步點做。

 

結果係啱係錯都唔重要，

 

重要嘅係你已經盡力作出一個當時最好嘅決定，並且忠於自己去take action。
希望今集幫到你！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

呢排收到好多巴打嘅Q＆A，今日亦都唔例外，收到一條由Mr.N提供好有質素嘅問題，佢就問我：

 

『Hi， you can call me Mr.N

 

近日有追你D片，發現自己平時都有捉人地心理既習慣，

 

可能仲係低手段既關係，成日都係引左D 自己都唔大興趣過泥，希望可以跟man SIR學下野。

 

情境題:  假設你係都幾好傾既人，但係在大形場合不會太出聲。

 

一日，你出席你朋友搞既活動，你朋友又有個女性朋友帶左一大堆女來。

 

因為你知道在大形場合盡量表現自己只會令自己的market下降，所以你只好用你的安静制造神秘感，令有意者上門。

 

但你其實心裹已經看上了一個，可惜那一個不被你的神秘感吸引，(可能自己不是她的Type)

 

到最後可能只係傾左一D好普通既野，令到對方留不下好好的印象。

 

最後只可以用不在意的心態離場。

 

想問下，如果自己可能自己不是她的Type，但有無辨法利用神秘感吸引對方？

 

唔該ching』

 

各位巴打需要注意，以上有好多個位，都暗藏著錯誤嘅觀念，所以以下有幾個重點我同咗Mr.N講，你亦都必須注意。

 

所以我嘅回覆係：

 

『Yo Mr.N，多謝你咁詳盡有質素嘅問題。

 

睇完你條問題，我發覺你有好幾個觀念係唔太正確，所以以下講嘅嘢請你注意一下。

 

＃1 你話『 假設你係都幾好傾嘅人，但係在大形場合不會太出聲，因為咁樣會降低自己market value，所以喺度製造神秘感令人哋上門。』

 

Bro，呢樣嘢完全唔make sense囉。

 

你出去得玩出／出得去識朋友／出得去溝女你就一定要預咗自己social啲，你就一定要做嗰一個會主動開口講嘢嘅人。

 

你知唔知大部分男仔出去玩會做啲咩呀？

 

佢哋唔出聲，佢哋收自己皮，佢哋瑟縮於一個角落裏面等人哋同佢傾計。

 

你真係以為咁樣就係一個策略，係幫你製造神秘感咩？

 

Fvck No！

 

你喺人哋眼中只係一個anti social嘅人，只係一個淆底唔同人傾計嘅人，又或者係一個自負睇唔起其他人傾計嘅人。

 

邊個同你講話『喺大型場合出聲會降低自己market value』㗎？

 

Fvck that！

 

我明白你想顯得自己non-needy，我明白你唔想顯得太過猴擒，我明白你唔想喺咁多人面前扮小丑喺度好7地表演；

 

但係『神秘感』唔係咁樣製造囉。

 

你主動開口同人傾計唔代表你一定要『低聲下氣乞求人哋』，

 

你仍然可以保持你嘅social但係『不在乎結果』嘅態度，去同人哋有一個好玩輕鬆有良好氣氛嘅attractive conversation。

 

『製造神秘感』係喺你對話期間，選擇性地透露一啲嘢，但係又唔咁快講曬你自己背景出嚟，等人哋有一種衝動去追問你更多嘅details。

 

如果一整晚都唔出聲等女仔同你傾計，除非你係明星或者半個IG男神，呢一招暫時係唔work㗎，呢一招係需要長時間喺背後去慢慢develop㗎。

 

所以呢一刻嘅你絕對唔可以咁被動／自負地等人哋同你傾計，你一定要製造一個social god嘅reputation：

 

你係一個喺任何gathering會主動同唔同人傾計嘅人，男又好，女又好，有興趣嘅好，冇興趣都好；

 

你一定要咁樣去訓練自己嘅social muscle，到你之後要開口同『鍾意嘅嗰一個女仔』傾計將會更加順利容易。

 

＃2 承接我啱啱講嘅嘢，你咁樣做亦都係一個聰明嘅策略。

 

因為喺你不斷同唔同人傾幾分鐘計嘅同時，在場『你鍾意嗰個女仔』係會留意到你嘅行為。

 

除咗你會暗地裏令佢自己覺得『你係一個正常social嘅人』之外，你亦都會喺佢眼中產生一種神秘感，

 

佢會覺得『啊，呢個男仔邊個嚟㗎？點解好似個個人都識佢咁嘅？』，製造一種social proof。

 

更有威力嘅係，

 

如果你能夠同其他女仔傾計嘅時候，畀佢見到『其他女仔同你傾計有講有笑，對你有一個正面嘅反應』；

 

咁樣係會更加令『你有興趣嘅女仔』自己終結你係一個有吸引力嘅人，並且有衝動想去知道你係一個咩人。

 

＃3 點解你講咗兩次『可能自己不是她的Type』呢？

 

Fvck this bro！

 

係呀，我係Man Sir，所以我有責任去鬧醒你。

 

但係重點係：我強調咗好多次，always assume she likes you！

 

你一定要假設所有嘅signals都係佢話俾你知佢想要你，呢一個frame係永遠牢不可破。

 

你唔明嘅話，請你睇睇『點知女仔鍾唔鍾意你？一條不變定律… How To Know If She Likes You』嗰一段片。

 

重點就係，你咁快畀藉口自己，假設人哋唔鍾意你，咁你實會未打先輸啦！

 

你咁叻知道人哋諗咩，你實唔會主動同佢傾計啦。

 

你咁叻知道人哋諗咩，你實會『合理化』自己唔approach佢呢個動作啦。

 

你咁叻知道人哋諗咩，你實會不斷同自己講話要『等下一個出現』，你實會拖延你嘅行動㗎。

 

想問下你，你覺得咁樣嘅心態對你呢一刻溝女有冇幫助呢？

 

如果冇嘅話，你係唔係應該開始social啲，主動同唔同嘅人傾計呢？

 

同人傾偈唔代表你要chur住人哋幾個鐘，咁樣做當然係needy㗎！

 

但係如果你每個人都傾兩三分鐘，跟住就同其他人傾，不斷咁樣埋下種子，不斷咁樣埋下下一次對話嘅伏線…

 

 

我保證，你睇得上嘅嗰一個女仔，一定會對你產生神秘感，一定會期待著同你傾計！

 

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日好興奮，因為即將share比你嘅嘢係好正！

 

Approach Anxiety，即係驚走過去打開口同女仔傾計，係好多男士都會遇上嘅困難；

 

就等我好快分享四個mindset，協助你解決呢個問題。

 

Mindset＃1：無論我當時有乜嘢心理狀態，都係一個最好嘅狀態去同女仔傾計。

 

其中一個男人畀自己唔approach最大嘅藉口，

 

就係同自己講話嗰一刻佢未ready好，佢仲未『入狀態』，佢仲未『熱身』，

 

所以佢就同自己講話『不如買杯嘢飲先啦／不如去個廁所先啦／不如下一首歌先啦／不如等我high啲先啦／不如睇定啲先啦』等等。

 

真相就係：

 

你越係『等多陣先』，你越係搵藉口唔去approach嗰個女仔，你之後會發現越嚟越大壓力去再做呢個動作。

 

你個腦就會比越嚟越多藉口你唔去approach，你亦都會有越來越多負面嘅諗法點解你唔應該approach。

 

所以由呢刻開始，每次你見到合眼緣嘅女仔，無論你有心理準備好未，你都要馬上行動，亦都係我哋第二點講嘅嘢。

 

Mindset＃2 ：我隻腳行嘅速度，一定要快過我個腦諗到嘢嘅速度。

 

你要開始訓練自己，每逢你見到合眼緣嘅女仔嘅時候，你要馬上郁你隻腳行去佢嘅方向。

 

即使你未諗到要講咩好，即使你最後會唔會真係停低佢開口講嘢；

 

喺你啱啱學習approach女仔嘅階段，

 

你一定要訓練到自己有一個條件反射嘅自動反應，就係『當我見到心動嘅女仔，我就會即刻行過去，拉近我同佢嘅距離』。

 

當你develop到有呢一種habit，當你習慣將自己放喺靚女附近，並且感受佢令你產生嘅緊張感；

 

你下一步再去學習點樣開口講嘢將會更加容易，亦都係同我哋第三點講嘅嘢有關。

 

Mindset＃3：當我開口say hi，我就已經係一個贏家。

 

事實就係，無論係乜嘢場合，90%嘅男人都係驚做打開口say hi嘅人，幾乎個個人都係等緊對方『將冰山劈開』。

 

咁所以，當你能夠淨係講一句半秒嘅Hi，你就已經係馬上將自己放喺Top10%嘅位置；

 

咁簡單直接就可以拋離對手並且成功嘅嘢，你唔係唔做吖嘛！？

 

再加上，我強調咗好多次：

 

ACTION/行動係永遠重要過OUTCOME/結果。

 

如果我哋將成功嘅定義同未發生嘅『結果』掛鈎，咁我哋人生快唔快樂就會係取決於永遠無法100%肯定，將來先至發生嘅結果。

 

相反，如果我哋將成功嘅定義同『當下嘅actions』掛鈎，咁我哋人生嘅快樂係絕對100%控制喺自己手上面；

 

只要你願意去take action行動，無論結果係點樣，你都係100%成功，你都係100%快樂。

 

所以要好好記住呢個approach必須有嘅心態，就係：當我開口say hi，我就已經係一個贏家。

 

Mindset＃4： 每一次嘅approach你都問下自己：

 

『吖！呢一刻我可以做啲乜嘢，令到我會好好享受呢個moment呢？What can I do to have a great time？』

 

太多男人都將opening／開場白嘅一刻睇得太重要，覺得如果佢哋唔能夠製造一個『完美嘅』approach，佢哋就一定溝女失敗。

 

Bro，that’s not true。

 

開場白只係你同女仔傾計嘅interaction，佔千分之一，萬分之一，億分之一嘅一樣小事，

 

對你將來同佢嘅任何可能性根本冇咩太大影響。

 

你要focus嘅，只係喺每一次對話之中，你可以點樣令到成件事變得好好玩呢？

 

點樣可以令到大家都enjoy嗰十幾秒／幾分鐘／甚至幾十分鐘嘅對話呢？

 

如果三唔識七，你一開頭就問人哋好深入好deep好heavy嘅問題，係人都會驚咗你啦。

 

相反，如果你係抱住一個『好奇睇下有乜得意嘢可以發生』嘅心態，無論你同個女仔將來會唔會有咩事發生，你哋都能夠喺當下享受溝通嘅過程。

 

以上就係解決『驚開口同女仔傾計』必須擁有嘅四個mindsets，我哋總結多次：

 

Mindset＃1：無論我當時有乜嘢心理狀態，都係一個最好嘅狀態去同女仔傾計。

 

Mindset＃2：我隻腳行嘅速度，一定要快過我個腦諗到嘢嘅速度。

 

Mindset＃3：當我開口say hi，我就已經係一個贏家。

 

Mindset＃4：每一次approach都問下自己：『吖！呢一刻我可以做啲乜嘢，令到我會好好享受呢個moment呢？』

 

 

只要你開金口，你就已經係比起90%嘅其他人更大機會贏；

 
以上咁寶貴幾乎必贏嘅溝女態度，請你由今日開始好好背熟佢哋嘞！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今集嘅溝女人生Q&A比較複雜，因為呢位叫Simon嘅巴打連續問咗我幾條問題，我相信任何一條都會對聽緊嘅你有幫助。

 

咁我哋就逐一解答Simon嘅問題啦，佢首先同我講：

 

『 Hi Man，我係Simon。

 

我係最近才觀看你的影片，我花了兩天終於把所有影片看完了，因此我相信你可以教我解決我以下幾個問題。

 

1.目的性

我發現我溝女比較難放鬆，可能是因為我仍然是A0，兩年間不停地失敗。開始對自己不信任，害怕去溝女。

 

但我同意仍很希望自己能夠順利拍拖，所以不斷去觀看不同溝女影片，

 

但我開始把所有東西公式法，例如我做A是希望她會B。』

 

好，等我哋解答第一條問題先。

 

我就同Simon講：

 

『Yo Simon！

 

多謝你咁勤力支持，等我以下逐一解答你嘅問題。

 

＃1  溝女其中一個最大，你必須學識嘅paradigm shift，

 

就係你一定要『Focus On Your Actions & Behaviors，Let Go Of Any Outcomes』

 

意思係，你要將『成功嘅定義』， 同你自己嘅行動行為直接掛鈎，而唔係同結果／成績掛鈎。

 

你要著重你喺『過程』做過啲乜嘢，

 

而之後得出嚟嘅『結果』係點，並唔係你可以完全控制得到，最後成績係點都唔重要。

 

當然，我哋學溝女梗係想結果『溝到女』啦，

 

但係每一次你將自己嘅自信／自尊（self-esteem）同控制唔到外來嘅成績睇齊，你每次所謂嘅『失敗』，就會嚴重打擊你下一次付諸行動嘅勇氣同動力。

 

所以如果你將溝女嘅嘢太過邏輯化，太過公式化，

 

你就係令到自己有一種『當你做A，女仔一定會有B反應』自欺欺人嘅幻象。

 

 

真相就係：

 

我哋只能夠盡力去『感染』個女仔，盡力去『誘發』佢一啲emotions出嚟，盡力去『色誘』佢哋；

 

但係就算係最正嘅碧咸，C朗，彭宇晏，黃曉明，吳彥祖，Justin Bieber，Johnny Depp，George Clooney定係Dan Bilzerian，

 

地球上最有吸引力最sexy嘅男人，都係無可能令到100%嘅女仔鍾意佢或者同佢上床。

 

所以你要明白：

 

你要focus嘅，係展露更加多有吸引力嘅行為特質，盡力去take action誘發女人嘅情感，

 

即使你能夠大大十倍增加佢愛上你想搞你嘅機會，之後最終佢受唔受，都係一個不可預知嘅變數。

 

Goals／targets／有目標係好事，但係process過程+action行動先至係你90%時間需要專注嘅嘢。 』

 

 

好！第一條問題搞掂，跟住Simon問我嘅第二條問題係：

 

『2.紳士與兵

 

如何分別紳士的風度體貼和兵仔的盲目奉獻？

 

約會後，送一個女仔回家是？

 

她去洗手間我幫她提一提手袋是？

 

去戲院睇戲借被子給她是？』

 

 

好！以下就係第二條問題嘅回應：

 

『＃2 其實做有風度／體貼細心嘅紳士係冇問題，女人當然唔會鍾意一個對佢好衰，對佢仆街打佢嘅男人啦，

 

所以你畀嘅例子都係一啲好sweet好caring嘅行為。

 

但係坦白講，今時今日大部分嘅男仔都識得『對女人好』架啦，識得尊重女人，識得有禮貌地仔細聆聽佢嘅story。

 

所以喺呢個sexual market上面，你繼續做同樣嘅嘢係唔能夠令你stand out。

 

紳士嘅嘢你可以繼續做，但係唔係一開頭你啱啱識咗佢冇耐就咁快做。

 

你頭幾次嘅date（尤其喺你同佢瞓咗之前），你一定要展露大部份男人唔會展露嘅一面。

 

亦即係我成日所講嘅teasing，challenging，一開頭就要假設大家係好熟，大膽啲笑下佢串下佢。

 

有時好不經意carefree地略略講下sexual嘅話題， 有時無視佢嘅問題轉topics，有時對佢熱情，有時對佢冷淡等等。

 

佢絕對唔可以咁快知道曬你嘅所有底牌，永遠唔可以完全知道你諗咩，

 

你一定要保持神秘感，不斷製造機會畀佢去諗你，去猜測你，去掛住你。

 

並且要讓佢知道，你做人係有高要求嘅，

 

唔會純粹因為佢樣靚身材正，就咁快奉承佢／討好佢／投資落佢度，唔係嘅話你就會變成兵！』

 

 

第二條問題搞掂，到最後嘅一條問題，Simon問我：

 

『3. 減肥方法 有一些成功減肥方法提供?』

 

咁我嘅回應就係：

 

『＃3 至於減肥，千祈唔好選擇一啲『三個月就減廿磅』嘅gimmick，嗰啲就算短期有效果，你之後好快就會唔小心增返磅。

 

減肥係應該從lifestyle入手，並且清晰列出自己點解要減肥嘅原因。

 

你唔減肥短期長期有乜嘢痛苦呢？

 

你唔減肥有咩後果呢？

 

當你擁有理想嘅身形，你會得到乜嘢感覺？

 

你夏天去海灘嘅時候仲敢唔敢除衫？

 

你每日工作嘅時候會多咗幾多energy？

 

至於方法，其實唔需要複雜化。

 

首先，你一定要改變你食嘢嘅習慣。

 

除咗每餐應該最多食70－80%飽之外，你必須要有30－40%嘅greens／vegetables， 其餘係食肉食紅米糙米飯都ok。

 

汽水可樂甜品高糖份嘅嘢我不嬲都『一年先一次』，糖份係fvck up你身體嘅主要原因，比起脂肪更加邪惡有毒。

 

如果你淨係由飲食開始，再加埋每日出去行20－30分鐘，一個咁簡單嘅生活模式改變，都會對你體重有顯著嘅改善。

 

 

你肯咁樣做，我遲啲就再specific啲去分享更多心得啦。

 

 

希望今集幫到你！』

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日為你準備咗一條頗長嘅溝女Q＆A ，協助巴打解答問題，呢位叫做Ray嘅巴打問我：

 

『Hey, bro. 我睇左你d片幾日，而家開始調整自已心態，

 

要變成一個吸引女人的Alpha Male， rather than just a nice guy who goes after girls。

 

但我想問溝一些已經有男友嘅女仔，同一些單身嘅女仔喺心態上同技巧上有咩唔同?

 

是咁的，我對一個女仔已經有好感好耐，佢係一個非常內向嘅女仔，說話不多、朋友都好少，

 

我當時同佢相處得幾好，對住我嘅時候佢亦比平時多說話同外向，不過佢當時有男朋友，所以我冇去追到。

 

一年後，即係而家，佢竟然主動同我講佢近排同男友關係變差，

 

佢非常不滿她男友的性格，佢都有問我作為男性嘅睇法。

 

我冇太直接答佢，只係同佢講下大家對戀愛嘅睇法同埋講下近況，同埋講d開心野，整個對話以良好氣氛結束。

 

而家我有d想追佢，但唔知點入手，應該用咩心態、手法同策略應對?

 

係咪應該借d意約佢出嚟，表面為她男友說話，實際上踩佢？應該點先可以令佢變心？

 

P.S. 佢仲未同男友分手』

 

非常詳細嘅一條問題呀，

 

亦都係好多男仔想知道，當女仔有男朋友同冇男朋友嘅時候，應該點樣入手溝佢嘅一條問題。

 

以下就係我對阿Ray嘅回覆：

 

『 Yo Ray！

 

唔錯唔錯，冇錯係要首先focus喺自己有吸引力嘅behaviors先，啲女之後先會嚟。

 

睇完你嘅descriptions，有幾點可以注意下。

 

＃1 無論對方有冇男朋友，你嘅attractive behaviors都唔應該有咩改變。

 

Attraction is NOT a choice，

 

如果你係一個有吸引力嘅人，無論對方有冇『家室』，佢都係會情不自禁被你吸引。

 

你只需要繼續做返我平時教你F+C，做多啲push+pull，咁樣女仔係會情不自禁被你『拉埋去』。

 

你要記住：

 

Attraction係一種emotion，一種自己控制唔到嘅情感，並唔係一種邏輯性嘅嘢。

 

當你顯示到一啲有吸引力嘅行為特質，咁樣就係你溝到佢嘅第一步。

 

＃2 你同個女仔係點識㗎？

 

聽落好似係同學咁樣，所以你話一年前『同佢相處幾好』，有可能當時佢已經只係當你係一個幾nice嘅普通朋友。

 

＃3 你意思係，你哋之間真係一年冇傾過計，跟住無啦啦某一日佢同你講男朋友嘅嘢？

 

要小心，女仔係會經常揾佢哋嘅『gay best friend／無性關係嘅男仔朋友』去訴苦；

 

如果你太過為佢分析成件事，太過仔細聆聽佢嘅痛苦，你只會墮進friendzone嘅陷阱。

 

＃4 我感覺你哋之間建立太多rapport，太多好朋友傾計嘅vibe。

 

正如你所講，每次嘅對話都係以『良好氣氛結束』，呢種未必係好事。

 

因為當你冇咩challenge玩下佢，當你淨係不斷pull佢埋嚟，佢只會覺得你係一個好男人好朋友，

 

而唔係一個unpredictable／唔知你下一步會做咩／令佢會有緊張感嘅sexual man，再係咁樣落去會好難溝到佢。

 

＃5 點都好，既然佢搵得你，就直接啲話『咁耐冇見，約出嚟啦』，同佢搵啲fun activities一齊玩下。

 

約咗出嚟之後，唔好特登提佢男朋友嘅嘢，

 

你要focus嘅係『佢同你一齊相處嘅時候，你能夠帶畀佢 a wide range of emotions』，

 

要有刺激開心嘅情感，要有少少痛苦少少挑戰佢嘅情感。

 

如果佢主動提佢男朋友，

 

你要有一種『一定係你自己衰啦，你男朋友冇咩錯呀，對你咁好，成日黐住你，咩都就曬你，聽曬你話咁好人等等，我就一定做唔到咁樣啦』類似嘅說話。

 

每逢女仔想投訴，

 

你就話係佢嘅問題，跟住tease下佢話『唔怪得知你冇咩男人想要啦，你男朋友肯你，你都算執到啦』類似講笑嘅說話。

 

 

並且同時暗地裏frame個男仔係一個beta male，係會容許女人嘅臭脾氣；

 

 

暗示你自己先係Alpha，會好忙，會有高嘅standards，世界唔會淨係圍繞著個女人轉。

 

 

如果你肯根據以上所講咁樣做，條女就會慢慢發覺並且自己總結，

 

『原來同你一齊好似更加興奮，更加刺激，更加好玩』，到時佢就會認真考慮仲同唔同嗰條粉腸一齊喇！

 

 

希望今日幫到你！