Yo！我喺MTFU嘅Man神啊。
各位巴打，如果你唔係住喺山窿嘅話，我相信你都好似我一樣曾經感受過『被拒絕』嗰種嘅痛楚。
但係你有冇曾經諗過，
點解當人哋reject我哋嘅時候（無論係條女分手reject你定係你cold call人哋跟住人哋cut你線），
點解呢種『被拒絕』嘅感覺喺咁痛呢？
原來有幾份進化心理學嘅研究報告，喺透過磁力共振發現：
原來社交上嘅拒絕／social rejection，喺同身體上嘅痛楚／physical pain， 佢哋兩種嘅感受原來對我哋大腦嚟講係幾乎一模一樣。
咁所以好多時當我哋感覺被人reject嘅時候，
嗰種嘅痛楚就好似真係畀人哋打咗一拳落肚腩甚至桶咗一刀入心，所以係我哋會感到非常痛苦。
點解人類會有咁樣嘅生理／心理機制呢？
進化論心理學家相信，係因為幾百萬年前人類係好難獨自生存；
所以當年嘅原始人如果俾部落排斥甚至逐出社群，其實就等於死刑一樣咁嚴重。
咁所以呢種嘅生理機制仍然係深入喺我哋每一個人嘅大腦之中，令到我哋可以繼續喺社群之中互相合作，增加生存機會。
但係好可惜嘅係，對我哋最大嘅傷害有時唔係rejection；
而係我哋之後對自己非常負面嘅自我批評，我哋去將嗰一種的憤怒／失望去責怪自己！
問題就係以上嘅處理方式係只會令到你越嚟越低自信，令到你越嚟越憎自己。
咁所以有啲乜嘢比較健康嘅方式，去面對呢啲被人拒絕嘅情景呢？
＃1 第一步就係：當你面對呢啲rejection之後，你千祈唔好馬上去反思甚至列低你自己『點解／做錯咗啲乜嘢』。
因為其實大部分嘅rejection（無論係感情上／事業上／定係社交上），
好多時都係基於當時Context環境外在原因嘅不恰當，
或者對方佢嗰一刻係處於一個唔好嘅情感狀態／emotional state， 佢哋先至會reject你。
好多時rejection根本就唔關你做錯事／講錯嘢，更加唔關你個人『唔夠好／唔夠價值』或者本質有問題。
所以第一步處理rejection就係你千祈唔好係咪都將問題歸咎於自己！
＃2 第二步就係：喺呢啲情緒低落嘅時候，
你係必需再次透過自愛去保護自己嘅自尊，你係必須提醒自己『點解我係一個有價值嘅人』。
最好嘅方法，就係馬上寫低10樣你擁有正面+有價值嘅性格特質，
譬如話你係一個會支持身邊朋友嘅好朋友，你係一個愛錫小動物愛護環境嘅人，你係一個有大志有理想會為自己夢想打拼嘅人等等。
當你再次提醒自己重視嘅『values／價值觀』嘅時候，
你就能夠再次增加對自己嘅自信，並且減少被呢啲外在嘅事情打擊自己。
＃3 最後第三步就係：由於人類本身就係一種社交嘅動物，所以我哋出去socialize其實係一種生理心理健康嘅需要。
咁所以我哋係必須尋找一班志同道合，同我哋有相近信念／價值觀，
會互相鼓勵支持大家願景嘅朋友，透過呢班『弟兄姊妹』去情感上支持大家。
所以如果你嘅舊朋友唔再支持你去改善進步嘅時候，
或者你係時候需要出去尋找另一班更加好嘅reference group，正面地去互相幫助大家活出各自嘅理想人生。
如果你有應用我以上呢三個小貼士嘅話，
（＃1唔好下下責怪自己
＃2 透過自愛去提醒自己點解你一個有價值嘅人
＃3 出去主動尋找一班互相幫助嘅social reference group），
你將會發現就算將來你再次『被拒絕』，你都唔會再覺得係一回咩大件事，
你將會更快恢復元氣並且自信地移動去下一個挑戰！
鍾意今集嘅話就like，跟住留言話我知『你係一個挑戰係啲乜呢？』， 下集再見你！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，下集再見啦！
