標籤: 港男

Yo! 歡迎嚟到新一集嘅Man The Fvck Up,協助你創造一個你想要嘅戀愛生活。

 

今日我將會同你share其中一樣最深入，最有影響力嘅女性心理學。

 

但係呢你要應承我，你每日著衫都要型啲，打扮得靚仔啲，聽每一集嘅Man The Fvck Up，投資賭博係自己身上，並且將你所學嘅嘢付諸行動, okay!?

 

Btw, 如果你唔係呢一類人，sor啊，不過呢個brotherhood可能唔係屬於你，你就任由我哋其他精英去挑戰自己，每一日成為一個更加出色嘅人，得到我哋更想要嘅嘢啦！ 😛

 

Anyway 番番今日正題， focus番願意去take action嘅你同我先 🙂

 

我哋頭先講緊，你今日將會學到一個最深層次，最有影響力嘅女性心理學。

 

首先我哋正視下呢一個事實先：

 

啱啱我check咗，呢一刻個地球係有幾乎7.5 BILLION /75億人生存緊…

 

即係話，依家除咗你同我，仲有其他74億，9999萬，9999個人喺個地球上遊蕩，希望有得食，有得住，有得屌。

 

以下呢一個故事將會改變你一生，將會改變你點樣去睇人與人之間點樣相處。

 

我哋就不如randomly咁樣係呢75億人裏面是但揀一個女仔，我哋叫佢做Jessica。

 

Jessica係一個典型嘅25歲女仔，而咁橋佢又係一個畀起『十個有九個靚』嘅靚女。

 

大部分人見到佢Jessica，尤其是係男人，就會即刻標籤佢做一個『女神』。

 

Jessica都有朋友嘅，但係其實大部分嘅朋友，都有少少妒忌佢咁靚女，都會有啲唔gur佢有咁多男仔留意佢。

 

平時同佢出街嘅時候，所有嘅焦點都放曬落佢度，所以其實Jessica同佢啲朋友都好少講一啲好真，好deep嘅話題；

 

大部分嘅時候，佢哋都係風花雪月，鳩噏一下。

 

但係每當Jessica放相放片喺Facebook/IG/Snapchat，唔使一分鐘就會得到過百個like同comment。

 

呢一種嘅validation當然會令到佢『自我感覺良好』啦，佢當然會有一刻感覺『萬千寵愛在一身』啦。

 

但係過咗九秒之後，佢突然之間醒起一樣嘢…

 

佢突然之間醒起，其實佢根本就唔認識任何人，呢啲人亦都根本唔識佢…

 

佢哋最多只係一啲虛擬嘅所謂『朋友』，而隨著時間的過去，佢原本好好feel嘅感覺，亦都被一種無名的空虛感取代，佢亦都開始好驚，唔知道自己將來嘅一舉一動會得到乜嘢反應…

 

好好彩嘅係，Jessica有一個由細識到大嘅best friend叫做Alba。

 

Alba雖然冇咁靚，雖然比Jessica肥少少，但係Alba都係一個好善於社交嘅女仔， 大部分嘅人都好鍾意佢，包括Jessica自己…

 

Alba好清楚Jessica嘅為人，佢完全get到Jessica鍾意啲咩，唔鍾意啲咩，佢完全可以感受到Jessica嘅情緒起伏。

 

所以佢哋成日都會傾偈，成日都會出嚟飲酒shisha一下，有次仲因為大家喺個party裏面飲醉而靜靜雞kiss咗幾秒…

 

佢哋真係好好朋友㗎，大家之間真係好夾㗎，呢一種嘅bonding咁多年嚟一直都培養得好好…

 

直至最近…

 

直至最近Jessica發現咗，原來Alba每個星期日晚咁勤力去做gym…

 

原來係為咗同Jessica開gym嘅男朋友去『打友誼波』，去幫佢男朋友『減下壓』…

 

呢個故事係咪好撚灰呢？

 

如果你認為我喺度鳩吹，咁你就實在太pure喇…

 

呢個故事並唔係小說，Jessica係真係一個索女嚟嘅，而佢亦都真係有好多『所謂朋友 』，一大堆根本唔真正認識佢嘅人，而佢嘅best friend的確同佢男朋友背叛咗佢…

 

我想你呢一刻想像下：

 

故事嘅主角Jessica喺現實世界裏面會有幾寂寞呢？

 

喺呢75億人裏面，你覺得又會有幾多個人，同佢係有一種真實嘅connection呢？

 

同埋我親愛的巴打，你真係覺得我以上嘅形容，係一個女神級嘅女仔身上好少會出現咩？

 

No Fvcking Way Bro!

 

真實嘅係：絕大部分單身又索嘅女仔，其實佢哋內心深深處係覺得好孤獨，好寂寞。

 

咁樣有咩後果呢？

 

＃1 每一個佢哋識嘅人，尤其係男人，只會覺得佢係一個征服嘅對象，只會望到佢索，佢正，佢完美表面嘅一面，並唔會認識佢深入一啲。

 

＃2 就係因為呢啲索女已經習慣咗俾人去讚， 慣咗呢啲外來嘅認同，佢哋已經失去咗真正了解另一個人嘅能力。

 

所以其實你眼見唔少嘅靚女，都唔太識得點樣去同人溝通，佢哋說話的能力有時都幾渣。

 

咁你知道呢兩樣嘢之後， 今日你可以有咩帶走，令你可以溝女成功啲呢？

 

＃1 『女神』嘅心深處其實好多時都係好空虛，因為冇咩邊個睇到真實嘅佢，冇咩邊個明白真正嘅佢，冇人get到佢…

 

＃2 如果一個女仔感覺你好明白佢，感覺你get到佢，感覺你望到真正內心嘅佢，佢就會覺得有一種深刻，不可抑制嘅慾望去連繫你，去connect你。

 

＃3  最重要嘅係，如果你同時間能夠展現你嘅『高地位訊息』，展現你有standard會 challenge佢嘅一面，畀個機會佢去追你，佢就會好想要你。

 

冇錯，因為你能夠咁明白佢，get到佢，佢係會好飢渴地好想要曬你嘅全部，好想打開曬比晒你。
至於你點樣去畀你嘅『全部』佢，至於你送咩『禮物』畀佢，你就自己慢慢決定啦 😉

 

 

Yo! 歡迎嚟到新一集嘅Man The Fvck Up,協助你創造一個你想要嘅戀愛生活。

 

好，前日第1集我哋講咗同女仔有眼神交流嘅時候點樣approach，琴日第2集我哋講咗女仔見唔到你嘅時候點樣approach。

 

今日將會講埋第三,第四個情況。

 

第三個情況，就係 ＃3 佢郁緊行緊

 

呢個就係通常所謂嘅Daygame，點樣喺條街度同陌生女士傾嘅approach。

 

咁其實呢一個方式最好有video睇先至會明白嘅，咁所以將來有呢啲材料嘅時候，我再略略同你分析一下啦。

 

但係呢一刻你要記住嘅重點，係同頭先第一第二個情況差唔多嘅。

 

即係話，你要首先留意佢係咪望到你，唔好無啦啦彈出去嚇親人。

 

第二， 你停低佢嘅方式可以有好多種，你可以一係喺佢幾尺面前，伸你隻手出嚟做一個『交通警停止嘅手勢』，

 

又或者可以輕輕拍一拍佢膊頭，之後再同佢講：『Hi， 我啱啱見到你 XYZ，我覺得你都幾(形容詞)，所以想過嚟同你say hi。』

 

你做到呢兩點呢，就正如我一開頭所講，你嘅opening就已經完成目的㗎啦，之後就可以盡情享受你哋之間嘅conversation!

 

好，到最後第四個情況，就係 ＃4 佢坐低咗，但係你時間有限

 

呢個情況好簡單，你需要注意嘅只有幾點：

 

＃1 慢慢casual少少行過去，坐喺佢隔籬附近

 

＃2 係女仔都會feel到你嘅存在，所以呢個時候你只需要望住佢雙眼，你個身唉後向後傾斜，並且嘴角向上略帶奸笑。

 

＃3 停低兩三秒。

 

呢個超重要，因為你要放鬆鎮定自己， 唔會因為呢一個少少奇怪awkward嘅情況而大失所措。

 

＃4 佢好多時都會覺得好好奇你想搞啲乜嘢，呢個時候你就可以鎮定地同佢say hi。

 

佢通常就會唔太知點樣反應，『Eh…. hi』咁樣，

 

咁你回答佢嘅時候， 你都可以承認呢個奇怪嘅情況，畀佢知道你都係一個socially intelligent嘅人，

 

你就可以講類似：

 

『我知道咁樣同你say hi有少少random，不過我啱啱見到你坐咗喺度， 覺得你睇書嗰一個樣好似好有氣質咁哈哈。我叫Edward啊，你呢？』

 

咁樣呢你又完成咗開波嗰一個位，下一步你只需要仔細聆聽佢答你嘅嘢，跟住繼續喺個對話之中flow落去，到最後個感覺啱嘅時候呢，就可以交換電話，約下一次見面喇。

 

最後最後今集我想你帶走嘅係，雖然呢幾日我哋好詳盡地講咗大部分approach情況下你可以點做，有咩需要注意等等啦…

 

但係我想你記得，Man The Fvck Up並唔係純粹為咗幫你快啲有女朋友，快啲get laid或者淨係改善你嘅戀愛生活…

 

我哋Man The Fvck Up係想令到你整個人生，每一方面都能夠達到你想要嘅結果，去到你想要嘅位置，成為一個全面成功嘅男人。

 

所以我哋會著重教你最有威力最有效嘅方法去創造你想要嘅成果，

 

而喺dating方面，你必須要知道cold approach 只係一個非常非常次要嘅技能，如何建立你嘅social cirlce朋友圈先至係長遠溝女至勝嘅關鍵。

 

Cold Approach雖然係每個男人都要掌握嘅技能，因為能夠任何場合同陌生人傾計係一個對男人好重要嘅skill set。

 

但係你寶貴嘅時間應該投資係一啲最有回報率嘅技能上面，

 

所以我對你嘅承諾，就係如果你想我幫你最快令到你生命變得豐盛充裕，我嚟緊每一日喺呢度，甚至將來所有嘅trainings都會著重教你最有效最有回報嘅技能。

 

你報答我嘅方式，就係應承我你會專心留意我嚟緊教你嘅嘢，並且每一日以一個開放嘅心態去學習，並且學完馬上付諸行動，將你所學嘅嘢apply落你生活之中。
只要你能夠持之而行，每日進步少少，咁樣你三個月，六個月，一年後嘅今日你將會演化成為一個不能想像理想嘅嘅自己！:)

 

 

 

Yo! 歡迎嚟到新一集嘅Man The Fvck Up,協助你創造一個你想要嘅戀愛生活。

 

好，上一集講咗如果同女仔有眼神交流時候應該點樣approach，如果你未聽呢就聽返琴日嗰一集先。

 

今日就講下第二個情況，就係 ＃2 佢未望到你住

 

呢個位就係好多男士做錯嘅位，因為如果個女士未見到你嘅時候，你突然之間喺佢面前飆出嚟，並且開始你溝女嘅攻勢，喺度吟詩作對，背誦你嘅溝女開場白，

 

咁個女士就會覺得，『頂，邊撚個嚟㗎，佢痴線㗎勁恐怖！』

 

所以呢，如果你唔想佢有咁嘅感覺，你要留意以下的重點：

 

＃1  永遠唔好喺佢背脊approach佢。

 

女仔一定要首先知道你嘅存在，你先至好開始同佢講任何嘢。

 

＃2 喺呢個情況，你語言上唔好太直接。

 

因為你未喺佢對你產生好奇之前，你咁快表示你嘅興趣係會嚇親佢嘅。

 

＃3 你哋嘅對話可以精簡的，最理想嘅cold approach係好似去種種子咁樣，你略略同佢傾幾句，埋下伏線之後你就離開，遲少少先至再『連根拔起』

 

即係話，當你第一次行去個女仔或者一班女仔嗰度嘅時候，你打破咗呢一個冰山，你之後最好就由佢哋繼續佢哋自己原本嘅conversation…

 

咁你之後第二次第三次再同佢哋傾計嘅時候，你就可以繼續慢慢淋水，『滋潤你棵植物』，每一次比上一次去得更深入。

 

＃4 盡量嘗試係頭30至60秒期間，好玩地challenge佢，激發佢對你少少吸引嘅情感。

 

當然你略略笑下佢,串下佢嘅時候，你嘅身體語言同時間要係有自信並且擺著一個開放式姿勢。

 

點解要challenge佢呢？

 

就係因為通常就算有男仔approach佢嘅時候，佢哋都係嗰啲馬上表達得太多傾慕嘅男士；

 

喺個女仔眼中，佢會覺得即使你咁大膽同陌生人傾計，你都未全面認識我個人就咁快咁冧我，咁你一定係一個黐身，麻煩，低標準嘅loser喇！

 

所以如果你係頭一分鐘就set少少challenge畀佢，揶揄下佢，你就會令佢好奇覺得，『啊，呢個男仔有少少唔同，究竟佢係邊個嚟㗎？』

 

＃5 同之前第一個情況你同佢有眼神交流接觸一樣啦，記得成個流程要慢慢嚟，要有適當嘅停頓先好開口講嘢。

 

＃6 唔好諗住原本三四個鐘嘅遊戲，你可以幾分鐘就能夠令佢愛上你，呢個係唔可行嘅！

 

你第一個approach，只需要正正常常，冷靜啲，放鬆啲，漠不關心少少，輕鬆同佢玩幾下，種下你嘅種子，埋下伏線，咁你就可以離開。

 

例如，你同佢講完：『Hi，我係Derek啊，你呢？』

 

佢答你佢叫做Stephanie，你就可以笑一笑，跟住同佢講：

『哦，Stephanie，我以前都識過一個Stephanie，佢個人性格好好㗎，希望你唔會令我失望啦 :P』

 

跟住佢可能喺度笑，回應返你少少嘢啦，跟住你就可以講話：

『哈哈，我講笑咋，你咁cutie，性格差都可能有人要嘅 XD』

 

跟住呢，你哋之間嘅能量交流就係一啲好玩嘅題材，但係你又唔好太過玩嘢喎，咁樣嘅情況下，最好大約80－90%係一啲正常少少，輕鬆嘅話題，間唔中先至好揶揄下佢，唔係嘅話呢就會太過咗火㗎喇。

 
當你有咁樣唔奇怪嘅first impression， 你哋下一次再撞到嘅時候，就已經係一個比較warm嘅approach，你再行下一步就會容易好多！

 

Yo! 歡迎嚟到新一集嘅Man The Fvck Up,協助你創造一個你想要嘅戀愛生活。

 

點樣係任何情況下都識到女仔？

 

畀定心理準備你呀，我哋呢個主題會去得好仔細好詳盡，所以會分開三集去探討一下approach呢一個問題。

 

如果你有聽開我之前嘅集數，應該知道我講過，如果你淨係鑽研練習你嘅cold approach技巧，日日不斷咁樣喺條街到同陌生人搭訕，其實就好似一個打NBA嘅籃球員，每日花費佢所有嘅時間,去練習開波嗰時跳起搶波嗰一個動作。

 

你要明白，其實有好多其他溝女成功嘅技巧，比起你練習opening或者cold approach十萬倍更重要。

 

例如：

• 學識點樣令到個女仔想追你？
• 你嘅身體語言
• 明白咩叫做『高地位嘅訊號』或者『高地位嘅潛意識溝通』
• 你嘅標準，底線界線，價值觀
• 你點樣去釋放自己，令自己唔受外來因素影響，自由一啲？
• 點樣成為一個擁有良好溝通技巧，健談嘅人？
• 點樣增加你嘅魅力？
• 你嘅fashion/style sense
• 你嘅床上功夫技巧
• 點樣令到佢啲朋友鍾意你？
• 點樣建立你嘅social circle朋友圈？
• 點樣成為一個領袖？
• 點樣去閱讀女仔情感嘅信號，同埋點樣可以感染佢嘅情緒去另一個方向？
• 建立你好玩嘅特質
• 練習你穿透性嘅eye contact
• 知道咩時候建立一啲深入啲，真實啲嘅聯繫，增加你哋之間嘅connection
• 點樣去建立rapport，令大家融合啲？
• 點樣去建立男女之間嘅bonding，令大家感覺親密啲？
• 點樣令自己好聞啲？
• 知道調情flirting同令人討厭之間的界線
• 每日有充足嘅營養，健康嘅飲食習慣
• Steve Aoki, Chainsmokers 同埋 Dimitri Vegas & Like Mike嘅音樂:D
• 清新嘅空氣等等… 呢啲都係同時間好重要嘅！ LOL

 

個重點係，你想溝女成功，幾乎每一樣嘢畀你一開頭嘅opening或者approaching skills更加重要！

 

所以有時你唔需要太過擔心，要點樣製造一啲奇怪特別嘅開場白，一句普普通通嘅hello或者hi大部份嘅情況下已經好足夠令佢留意你。

 

雖然係咁講，你都知我哋Man The Fvck Up經常做到101分，所以以下我會教你四大最常見嘅情況下點樣去識女仔，當你明白呢啲基本功之後，我哋往後嘅日子就可以專注返係一啲最重要嘅skillset上面。

 

咁最常見去識女仔嘅情況有以下四種：

 

＃1 佢同你有眼神交流

 

＃2 佢未望到你住

 

＃3 佢郁緊行緊

 

＃4 佢坐低咗，但係你時間有限

 

好，請你深呼吸，放鬆，我哋首先講下第一個情況先…

 

＃1 佢同你有眼神交流

 

咁係佢邊隻眼同你有交流呢，我相信你都知㗎喇…

 

你要注意嘅，係女人會經常同你打眼色嘅，佢哋係經常有啲信號會暗示叫你去認識佢哋。

 

例如，如果佢哋想個男仔去approach佢哋，佢哋通常都會喺佢五至十呎附近徘徊，並且會嘗試望向個男仔個方向幾次，希望可以同個男仔有正面嘅眼神接觸。

 

你留意到呢一點嘅時候，好多時就代表個女仔想你過去同佢say hi，因為佢對你有啲好奇，覺得你好似幾吸引幾interesting。

 

所以如果你同時對佢有啲好奇，覺得佢幾吸引幾有趣，咁唔該你行去say hi！

 

你唔需要一啲魔幻嘅句子結構，或者要練習到神手級先可以打招呼嘅。

 

女人係唔鍾意男人try hard，你越係諗勁多特別嘢去做，女人越覺得你鄭子誠有陰謀！

 

所以喺呢個有眼神交流嘅情況下，重點有幾個：

 

＃1 當你同佢四目交投嘅時候，你要保持眼神接觸至少好幾秒，最好加埋一個嘴角翹起嘅陰陰嘴笑。

 

＃2  喺呢個時候你就可以慢慢行過去，並且慢慢望向其他方向，直至你行到喺佢幾尺範圍先至好望返佢。

 

＃3 放鬆啲，唔好衝過去，鎮定啲散步過去，想像自己有一個有自信嘅aura/光環圍繞著你。

 

＃4 當你行到佢面前幾尺範圍，停低一兩秒，等佢沉醉喺嗰一個迷幻嘅moment之中。

 

＃5 最後打開你個口同佢say hi，同時亦都可以伸你隻手出去同佢輕輕握手。
恭喜曬，咁樣你就可以好成功地簡單開場，你哋之間嘅遊戲正式開始！

 

 

 

Yo! 歡迎嚟到新一集嘅Man The Fvck Up,協助你創造一個你想要嘅戀愛生活。

 

今日再嚟多一集溝女Q&A, 好快為另一位聽眾解答佢嘅問題。

 

呢一位巴打問我:

 

“我女朋友主動話想濕吻，但佢完全唔知咩係濕吻，如果我同佢wet kiss既時候應該點算，在口腔裏用舌頭打圈？（我自己都唔太清楚咩係wet kiss,可唔可以指教下）”

 

好精簡嘅一條問題, 就等我以下回答你啦, 以下係我嘅回覆:

 

“Hello,

 

我唔算特別鍾情濕吻(French Kiss/Wet Kiss), 但係從我嘅經驗同research之中,可以分享幾點比你:

 

#1 一個好嘅kissing, 一定要未錫之前慢慢build up.

 

當你準備就緒想鍚佢時，你可以不經意地靠近佢，例如傾偈時幫佢撥一下頭髮, 之後望住佢雙眼,望一望佢嘴唇, 跟住先至慢慢kiss.

 

側側頭避免鼻撞鼻，之後將嘴唇輕按喺佢嘅上唇或下唇上，好似鍚BB額頭咁鍚佢。(記得合埋眼睛!)

 

#2 好好運用你雙唇

 

你可已試用唔同壓力,唔同濕度嘅吻測驗佢既激情指數, 同時細心閱讀佢有咩反應, 搵下佢覺得性感或者舒服嘅性感地帶。

 

#3 濕吻有幾點要注意:

1. 用你舌頭喺佢嘅舌頭輕輕打圈。
2. 頭部輕輕向後側移動，等你哋兩個嘅舌頭有更多靈活空間。
3. 輕咬佢喺舌頭，可以用舌頭探索你女朋友嘅口腔。
4. 最重要係動作要慢, 唔好讓佢覺得你硬塞舌頭過嚟嘅感覺。舌頭應保持放鬆，開始感受對方的舌頭，配合一起移動。

 

#4 你雙手都好重要, 可以放嘅地方有幾個:

1. 放係佢嘅腰上
2. 環係佢嘅肩背/頸上
3. 輕輕抓住佢嘅手臂
4. 手指輕輕撥佢嘅頭髮
5. 大手拉細手

 

#5 最後並且好重要嘅係, 你要記得要保持口腔清新, 冇口氣。

 

唔好kiss得太大力, 唔好將個頭撞落佢嘅牙齒度, 同埋唔該你唔好擘大曬個口,因為真係好撚核突lol.
咁以上就係各位巴打french kiss嘅時候需要注意嘅事項, 喺嚟緊呢個禮拜有機會呢就去嘗試一下, 再話畀我知你嘅囡囡有幾high啦! 🙂

 

 

 

Yo! 歡迎嚟到新一集嘅Man The Fvck Up,協助你創造一個你想要嘅戀愛生活。

 

今日想回答聽眾一條問題, 咁佢send email過嚟嘅時候呢,其實個標題係叫做”唔係幾鐘意做運動點吸引女性?”

 

咁但係佢都打得幾大段嘢, 總括嚟講呢, 佢就話自己鍾意打機,睇動漫,電影, 而呢幾樣嘢真係會令佢覺得開心,學到嘢。

 

但係佢擔心如果女仔知道佢鍾意呢類型嘅題材, 啲女仔就會標籤佢做一個『毒撚』。

 

第二點就係, 雖然睇動漫係佢嘅passion, 但係佢又未去到同人講野唔望人, 又或者真係買啲大波女人做wallpaper或者買figure嗰一個層次, 只不過係一開始認識果陣唔會太熱情。

 

咁最後佢所講嘅就係 (等我copy and paste畀你啦):

 

“其實而家我溝緊一個女仔，佢本身都會睇動漫，不過係少，亦唔介意我打機，可能因為我唔會掛住打機唔理佢。

 

我地都叫做有共同話題，有時會講下電影、動漫，但係佢其實都會睇下NBA咁，而本身我又冇乜睇過NBA,雖然佢都唔討厭我，同佢都單獨出過一次街，亦feel到佢對我有好感，但係我覺得長遠係咁好似唔係辦法，我應唔應該改變下自己嘅興趣呢?”

 

好, 咁我哋就嚟料啦, 以下我有三點想同你分享:

 

#1 其實鍾意睇動漫電影係冇太大問題, 呢樣係你自己嘅興趣或者passion, 係可能某啲原因情況下好啟發到你嘅一種活動。

 

所以, 你唔好因為你嘅興趣而覺得慚愧, 覺得be ashamed of it;

 

相反, 你係應該Own It, 你係應該為屬於你自己嘅嘢感到自豪,你係應該有一種 “我係鍾意睇動漫啊,咁點呀?” 嘅心態。

 

因為當女士感覺到你唔能夠全面接受自己嘅時候, 佢亦都好難去全面接受你。

 

所以如果你真心鍾意睇動漫, 適量地去追隨你嘅興趣係絕對冇問題嘅。  

 

#2 其實所謂『毒撚』之所以吸引唔到大部分女性, 其實都可以歸咎於幾樣行為特質, 例如:

 

• 佢哋唔太著重自己儀容, 唔去打扮一下, sex up 自己

 

• 佢哋缺乏良好嘅溝通技巧, 講嘢嘅時候得一個沉悶嘅聲調…

 

• 佢哋平時做嘅嘢太過單方面 (i.e.即係淨係睇動漫,打機)

 

• 佢哋冇乜野心為將來打算
  (Btw, 如果你係一個有ambition嘅人, 即使呢一刻嘅你未必好成功好有錢, 但係女人見到你咁有上進心, 都會覺得你係一隻藍籌值得去投資一下。)

 

• 佢哋太過needy, 遇到心儀嘅女仔嘅時候, 好可能會即刻當佢女神咁樣拜,做一個所謂『守護佢嘅天使』

 

 

以上呢一啲都係比較unattractive嘅行為動態, 所以女性先會對毒撚冇乜興趣, 但係唔代表你鍾意睇日本某一類型嘅題材就代表你溝唔到女。

 

#3 你問我應唔應該改變你自己嘅興趣, 我有以下嘅睇法你可以去考慮一下:

 

我明白打機睇動漫電影會令到你開心, 會令到你有dopamine release/多巴胺荷爾蒙釋放嗰一種嘅開心愉快嘅感覺。

 

想自己開心係冇問題嘅, 所以間唔中沉醉於自己鍾意嘅娛樂都可以減下壓。

 

但係你要問自己比較deep嘅問題係:

”我嘅人生目的係咪為咗去享受,係咪純粹為咗快樂呢? 每一日去consume,每一日去娛樂, 係咪真係會令到我自己好fulfilling好滿足呢?  

 

定係其實有一啲嘢我係suppose應該去做呢? 我係咪其實有一條屬於自己嘅道路等緊我去行呢?”

 

當你大概有一個答案嘅時候, 下一條你可以問自己嘅問題就係:

 

“假設我選擇去行屬於自己嘅一條路,假設我想去彰顯我嘅生命, 我每一日空餘嘅時間去打機睇動漫電影, 係咪一個長遠可以幫到我快啲達到我理想嘅活動呢? 呢類型嘅嗜好係咪一啲高投資回報率嘅活動呢? “

 

個重點係, 當你能夠知道自己人生想點樣行落去嘅時候, 當你有一個比較清晰嘅方向, 你就會知道呢一刻嘅習慣, 呢一刻嘅興趣嗜好係咪對你長遠有好處, 係咪會幫到你去你想去嘅地方。

 

 

記住, 無論你點樣揀, 都要記得呢個決定係你自己做嘅, 都要記得呢個係你自己嘅選擇 🙂

 

Yo! 歡迎嚟到新一集嘅Man The Fvck Up,協助你創造一個你想要嘅戀愛生活。

 

有時我哋喺一啲semi-formal既社交場合識女仔嘅時候,有機會遇上一開頭握手介紹自己嘅情況,今日想同你分享點樣先至握手握得有魅力一啲, 令到你即刻stand out!  

 

其實握手呢樣嘢好簡單㗎啫, 只有五條好短嘅規則你要遵守:

 

#1 永遠都唔好好正常地同女仔握手,尤其係嗰啲你有興趣嘅。

 

因為9成9嘅人都唔會去諗點樣透過握手令自己突出一啲, 所以你唔想唔小心變咗另外一個普普通通平庸嘅人。  

 

 

#2 同女仔握手嘅時候,記得畀正常握手握耐少少。

 

譬如正常握手係應該大約兩三秒, 你就應該同佢握大約三至五秒。

 

 

#3 同女仔握手嘅時候,要令佢有覺得自己係女性嘅感覺 。

 

意思係, 你唔好握得佢太大力, 唔好好似同一啲男士握手嗰一種力度,又或者商業場合嗰一種比較大力,比較顯示自信,比較firm既感覺。

 

唔係嘅話,個女士就會覺得你哋只係普通社交場合嘅握手, 並唔會聯想到你有機會成為一個potential romantic partner.

 

 

#4 呢一點非常重要, 當你同佢握手嘅時候, 你一定要直視佢雙眼, 用你雙眼穿透佢嘅靈魂。

 

再加埋我平時教你嘅小小嘴角向上斜陰陰嘴笑(smirking), 咁你就會無械可擊㗎嘞。

 

因為你咁樣做, 你畀佢嘅感覺就係:

 

依家係一個man-to-woman嘅接觸, 並唔係純粹友誼嘅身體觸碰, 你嘅奸笑亦都顯示你唔會因為佢美麗嘅外表而即刻當佢係女神, 而你肯掂佢係佢嘅榮幸。

 

 

#5  最後一點你可以做唔做都得, 不過通常我自己介紹嘅時候呢, 我都會嘗試睇下有冇啲好笑嘅問題或者idea可以即刻講下。

 

 

例如一招我好鍾意用嘅, 就係當佢講完佢個名嘅時候, 你就可以話, “你叫Ada? 唔似囉, 你應該叫做Amy先啱 lol.”

 
總之搵一啲你當時果一刻覺得好笑嘅嘢講或者放一啲花名落佢到, 令佢笑出嚟, 覺得你呢個人幾得意幾特別, 咁你就會喺頭十零秒啱啱認識嘅時候馬上突出自己!

 

 

 

Yo! 歡迎嚟到新一集嘅Man The Fvck Up,協助你創造一個你想要嘅戀愛生活。

 

想問你一個問題,你鍾唔鍾意聽秘密嘅呢?

你鍾意入面定係出面呢?

你鍾意入去,出去,再入去定係重複咗呢個動作呢? :p

 

啊,希望你作為Man The Fvck Up入面嘅成員,你係比較鍾意”入去”聽一啲insider secrets啦!

 

Anyway,聽住嘞個各位聰明人:

 

如果你係一個經常所謂被女仔friend zone嘅人, 請你以下留心。就算你冇被friend zone嘅問題,我以下所講嘅嘢都可以作為一個警號…

 

就係有一樣啲PUA好煩嘅嘢就係成日講到friend zone好似好賴大問題…

 

真相就係: 同女仔做朋友根本冇問題!

 

我哋都係鐘意女人嘅動物, 而你亦都應該同時鍾意同佢哋做朋友。

 

更重要嘅係，同好多女仔做朋友係對你嘅dating life有無限嘅好處!

 

當你同好多女仔做好朋友嘅時候, 你就有一個好少男人有嘅機會, 去觀察佢哋一啲平時冇乜防備下嘅行為舉動。

 

例如佢哋點樣化妝, 點樣揀衫, 點樣買鞋, 點樣講人是非, 點樣評論啲男仔等等…

 

而當你同女仔friend出街或者去social去蒲嘅時候, 你亦都有機會觀察, 當有啲random男仔去approach佢哋, 成件事完咗之後佢哋會有咩反應。

 

再講吖， 我之前都應該講過唔少次，擴展你自己嘅social circle，並且經過你嘅social circle佢識女仔，又或者有friend略略介紹你比其他女仔去識，係會畀一個cold approach容易順利好多!

 

另外有樣嘢你必須注意: 做你嘅女仔friend,你一定唔可以諗住去搞佢哋!

 

同呢啲女仔真係純粹好朋友關係, 係你選擇去同佢哋做friend.

 

我講到呢個位,啲PUA出生嘅可能會覺得, “頂…咁咪好嘥!?”

 

即係講到好似佢哋好憎同女仔做friend,講到好似永遠男女唔可以做朋友,講到好似一同女仔做朋友就代表你戀愛失敗…

 

頂, 冇病呀你?

 

唔好講到好似friend zone好大件事先得㗎!?

 

由今日開始你要記住:

 

係你去決定friend 唔friend zone個女仔, 係你決定呢一刻你只想同佢做朋友;

 

當然你對佢好似任何其他女仔一樣, 得閒可以串下佢,揶揄下佢,挑戰下佢,唔太過care佢有咩諗法,並且唔會喺度有咩身體接觸抽人水。

 

佢只係一個普通朋友，一個可能其實暗地裏對你有興趣嘅朋友。

 

而當你哋出街嘅時候，你就有呢啲異性朋友喺你嘅軍團，你估佢鍾意同你做friend嘅時候，會唔會介紹其他女仔畀你識吖嗱？

 

當佢無意中見到其他女仔係咁爭你嘅時候，你估佢會唔會暗地裡遲啲都想要埋你一份吖嗱？

 

有個秘密我想你記住:

 

對一個高質素有地位嘅男人嚟講, 根本冇可能比女仔friend zone,根本就冇friend zone呢一回事。

 

高質素有地位嘅男人係有大把異性朋友，而且呢啲女仔都係佢揀過高質素嘅女仔先至會畀佢留喺身邊。

 

如果遲啲有一日佢發覺有一個特別好 ，或者佢先至會考慮下個女仔，而因為佢本身係咁高質素，佢幾乎可以即刻要邊個就有邊個。

 

個重點係：

 

同多啲女仔做朋友基本上係百利而無一害，對住佢哋嘅時候chill啲，唔好祈求有乜嘢發生，一齊去玩，一齊癲，一齊喺各自嘅道路上去進步！

 

係你選擇將女仔friend zone，亦都係你將來控制你會唔會將佢抽離friend zone去另一個關係。

 
近朱者赤，近墨者黑，花啲時間投資喺你既social circle，建立你自己嘅同性,異性嘅兵團，將會對你整個人生有幾何級嘅正面影響！

 

 

Yo! 歡迎嚟到新一集嘅Man The Fvck Up,協助你創造一個你想要嘅戀愛生活。

 

腥message或者whatsapp依然係好多巴打嘅問題，亦都有唔少巴打email我問我應該點樣做，所以今日想再開一集同大家講一講呢個話題。

 

第一個hint可以俾你嘅，就係如果你仲認為whatsapp或者texting係一個遊戲，咁你就睇錯咗喇。

 

意思係，

 

雖然你可以當腥message係一個男女之間大家玩下嘅工具，但係好重要嘅一點就係，其實一個message係根本冇乜重要性,冇乜價值,it’s no big deal.  

 

Message講到尾都只係一個雙方冇乜時間下而溝通嘅工具, 根本冇得同人與人/面對面真實相處呢種情感嘅connection去比較。

 

(Btw, 你同女仔傾計嘅時候, 你都可以一早講到明你唔太鍾意腥message, 一嚟因為你比較傾向真人相處,真實好多; 二嚟你覺得好嘥時間, 搞到你平時做嘢好分心。

 

你咁樣一開頭講定你對message嘅睇法, 係會之後幫到你set the tone for你哋之後之間點樣去溝通。)

 

講返正題先, 所以我send message嘅第一條規則就係:

 

因為msg呢樣嘢咁低價值, 所以無論如何你都唔可以太過對號入座。

 

乜佢隔咗好耐先至覆你咩? No big deal, whatsapp嚟姐。

 

乜你好忙隔咗成日先有時間覆人咩? No big deal, whatsapp嚟姐。

 

乜佢同你講, “哈哈 你好正呀”再加三個心心眼畀你? No big deal, whatsapp嚟姐。

 

喺message呢個渠道, 無論佢講嘅嘢有幾正面,有幾負面,有幾天花龍鳳, 你都唔可以太過對號入座!

 

至於我平時whatsapp嘅style, 可以有幾點補充:

 

#1 如果你有時打錯字呢, 唔需要特登打個星號下一句去糾正佢嘅。

 

而家唔係寫畀你老闆睇, 唔需要咁認真;

 

間唔中打錯字可以好好笑, 亦都顯示你唔需要 或者唔太過在乎去impress佢, 所以你打錯字就可以由得佢。

 

#2 喺你攞佢電話嘅時候, 最好令佢明白,你唔係經常咁容易畀你電話陌生人嘅。

 

好大嘅原因對於我嚟講, 就係我依家其實真係好少係咪都問女仔攞電話, 因為係同佢傾計嘅時候,大約都知道佢適唔適合我。

 

其次，當我真係去畀電話出去嘅時候, 我盡量都讓嗰啲想見我嘅女仔主動whatsapp我, 因為咁樣可以篩選淨返好多對你真係有興趣啲嘅女仔。

 

但係喺間唔中嘅時候，可能廿個有一個同你真係特別connect得到，咁你都可以同佢講類似

 

『我已經唔係成日攞女仔電話，但係啱啱同你傾完偈，我感覺你有啲特別，我唔知啦，但係呢一刻我覺得我哋臨走之前應該交換電話，因為我哋嚟緊都可能會約出嚟再做XYZ…』

 

你有咁樣類似嘅講法，唔單止可以令佢知道你有幾揀擇，亦都可以令佢知道你對佢嘅感覺並唔係單純在於佢嘅外表，咁你哋之後再whatsapp大家嘅時候，佢都幾乎唔會咁冇禮貌唔應機。

 

#3 你應該都聽過 “A Picture Is Worth A Thousand Words”架喇?

 

同埋你最近都應該留意到好多社交媒體都crossover咁樣有唔同嘅function, whatsapp近排亦都推出咗 “Whatsapp Status”，畀你好似係IG咁樣擺story既一個新功能。

 

雖然我唔主張你去花咁多時間去日日update你個profile, 但係你應該留意得到好多女仔都鍾意玩呢啲野, 所以你都可以間唔中擺下相,擺下video, 間接令你電話中嘅女仔都見到你有咩好玩嘅活動發生緊。

 

相同video都係比較能夠觸動女仔嘅emotions, 所以你有時間嘅時候都應該間唔中update下自己有咩新搞作。

 

以上就係你需要知道腥message嘅大約style,

 

要記住: 攞佢電話最主要嘅目的係約佢出街,係一個虛擬世界裏面係咁腥無限個whatsapp係冇用嘅！

 

 

 

Yo! 歡迎嚟到新一集嘅Man The Fvck Up,協助你創造一個你想要嘅戀愛生活。

 

又係一個美麗嘅星期一, 我相信你嚟緊呢個星期都會好忙, 咁不如今日就等我畀5個random小貼士你，點樣溝女溝快啲!

 

#1 有一句好正嘅嘢, 你可以今日用嚟揶揄個女仔, 就係同佢講話, “啊,你個人咁天真,咁無辜嘅!” 又或者係,”啊,同你講嘢真係要家長指引先得囉!”

 

呢兩句嘢其實暗示佢個人太過safe,太過束縛;

 

當你咁樣評論佢嘅時候,好多時佢會有個自然反應去反抗你呢個標籤。

 

咁你覺得安全,個人好繃繃緊嘅相反係乜嘢呀?

 

就係一個又開放,又有冒險精神, 又open-minded嘅女仔, 呢個仲唔係你想要嘅佢? 😉

 

#2 唔該你開始做多啲你鍾意做嘅嘢, 減少做一啲你唔鍾意做嘅嘢。

 

聽落好似好簡單,”阿媽係女人”嘅一句, 其實好多人都唔明白當中嘅意思。

 

意思就係:

 

呢一刻有邊3-5樣嘢係你做嘅時候你成個人覺得好開心, 你就應該放多啲時間呢啲活動度;

 

相反,一啲會帶走你快樂或者正能量嘅人或事物, 你就應該減少接觸佢哋。

 

你肯慢慢主動地改變你日常生活中接觸嘅嘢, 你就會慢慢製造一個大部分時間都開心快樂既lifestyle, 乜呢樣嘢唔係你都想成日experience架咩?

 

#3 承接第二點, 你要記得你放乜人喺身邊,係會對你將來有最大影響!  

 

You are the average of the 5 people you spend most time with, 你係你5個花最多時間喺身邊嘅人嘅平均值!

 

你將會不自覺潛意識地慢慢pick up佢哋嘅信念系統, 佢哋嘅諗法, 佢哋嘅mindset, 佢哋嘅行為舉動, 佢哋嘅形象, 甚至係佢哋嘅結果!

 

如果你想學溝女學得快啲, 如果你想你溝通技巧進步得快啲, 如果你想快啲成為一個成功嘅人, 咁你就應該盡量花時同一啲喺某一方面叻過你嘅人hang out.

 

因為當你能夠親身目擊,感受呢啲屈機嘅人in action, 你嘅世界觀將會唔一樣。

 

#4 如果呢一刻你身邊有啲唔鍾意你嘅人,或者當你想嘗試進步,但係有啲人總係想拉住你等你失敗, 我想你以一個體諒,同情嘅心態去繼續愛佢哋。

 

當然你唔需要做任何嘢去愛佢哋, 但係喺你嘅腦海之中, 要明白呢啲haters其實同時間面對緊一啲佢哋唔識解決嘅問題,所以先至會”葡萄”你嘅進步人生。

 

唔需要太理會佢哋, 你只需要繼續專注喺你嘅道路, 每一日繼續成為一個awesome human being!

 

#5 Be FREE, 容許自己自由啲!  

 

做你想做嘅嘢, 講你想講嘅嘢, 成為你想成為嘅人。

 

永遠記住:

 

當你首先解放自己, 你就會成為人哋嘅啟發,人哋嘅希望容許佢哋解放佢哋最美好嘅自己。

 

呢樣就係『生命影響生命』, 呢樣就係你點樣改變世界,留下你嘅掌印。
下一集再見 🙂