標籤: 夜蒲

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

恭喜曬已經下載咗免費43頁溝女書嘅巴打們，相信你已經開始明白10樣女人暗地裡想你知道嘅秘密。

 

如果你仲未下載嘅話，可以㩒一下片中description嗰條link，或者去manthefvckup.com/freebook 去下載呢本書。

 

今日有兩條溝女Q&A想分享畀你，係我開始之前，我嘅第六感話我知你今日好似打扮得特別靚仔咁樣。

 

Welldone，果然每日聽住MTFU喺有用嘅，多謝你咁醒目識得為自己堅持落去，咁我哋事不宜遲即刻開始！

 

今日嘅第一條問題係由Alvin所提供：『Yo Man，多謝你之前講腥message嗰一啲片啊。

 

好有用好正，我以前聽啲PUA講texting好似講到好大劑咁樣，其實成日諗點樣whatsapp女仔真係好撚嘥時間！

 

Anyway，我記得你講過腥message嘅唯一功能係用嚟確實同女仔出街嘅時間地點。

 

但係我都想知道點樣可以喺出街之前嗰一段時間，或者有時忙有好幾個星期都見唔到嗰幾個禮拜，可以點樣stay on her radar?

 

點樣可以係見唔到嘅時候，仍然令到佢繼續對你有吸引力？Thanks！』

 

Ok長嘅一條問題呀，各位巴打，等我而家馬上創造價值比你！

 

以下係我嘅回覆：『Yo Alvin，

 

你話『腥message嘅唯一功能係用嚟確實同女仔出街嘅時間地點』。

 

呢一句有少少唔啱，呢個唔係whatsapp唯一功能，呢個只係主要功能，所以如果你會有一段時間見唔到個女仔，有時你都會想stay in touch。

 

BTW，你同我講話想『stay on her radar』，即係話令你自己喺佢雷達視線範圍之內；

 

我會同你講，應該係佢諗下點樣『stay on YOUR radar』，佢應該諗下點樣可以留喺你嘅雷達範圍之內！

 

所以我唔會專登為咗佢令『知道有我嘅存在』而去text佢；

 

我比較鍾意『無啦啦地』text女仔，因為本身我都鍾意人與人之間嘅connection，尤其是嗰啲我有好感嘅人。

 

所以有時你可以text一啲超短嘅message。

 

例如可能你啱啱發生一啲好搞笑嘅嘢，你可以腥張相過去；例如可以就咁『Yo, Ur Awesome.』

 

重點係佢哋要短而精簡，以一種少少玩嘢嘅方式去give value，同埋最重要嘅係你啲message一定要係『唔expect佢會回覆你！』

 

你whatsapp佢嘅目的唔係用嚟得到佢嘅validation，唔係用嚟得到佢對你嘅認可；你只係用嚟同一啲似乎好玩嘅人分享value。

 

好諷刺係，當你咁樣做，對方係會更加想要啲正嘢，更加會覆你！』

 

好，第一條問題搞掂，下一條係由Leo提供嘅，佢問我：『Hey Man，多謝你咁多集Youtube拍嘅片，貼士好有用！

 

想問你條問題，咁我之前識左個女仔，我哋之後都有時會text下大家。

 

咁有次我因為忙所以叫佢一個鐘後再whatsapp我，但係依家改咗成個禮拜佢都冇覆我 ，我應唔應該再text佢定係忘記佢好？ Leo』

 

以下我嘅回應：『 BRO！等我分享三條規則畀你聽！

 

＃1 永遠都唔好叫個女仔喺某個時候再text番你，呢樣嘢會令到你非常needy+insecure嘅。

 

＃2 永遠都唔好將你所有嘅籌碼放曬喺一個女仔嘅身上，唯一一個人你應該投資賭博盡嘅係你自己！

 

＃3 你可以任何時候text個女仔，講你任何想講嘅嘢，喺現實世界裏面冇話一加一一定等於二嘅結果嘅。唔好讓太多所謂嘅諗法規限自己，出面係好自由㗎！
快靚正，完！』

 

No subtitles this time.

 

Please refer everything is the following video 😉

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

你應該知道，我最近寫完一本免費43頁嘅溝女書，讓你學識10樣女人暗地裡想你知道嘅秘密。

 

你仲未下載嘅話，可以㩒一下片中description嗰條link，或者去www.manthefvckup.com/freebook 去下載呢本書。

 

返返嚟今日嘅主題：

 

喺呢幾年我教唔同男士嘅時候呢，我發覺當佢哋仲係新手，開始明白男女吸引力之間點樣運作嘅時候，佢哋要溝所謂『6,7』分嘅女仔好快變都冇難度。

 

但係當個女仔變成為佢哋眼中嘅『8,9,10』，佢哋好似心理上開始有啲阻滯， 唔識點樣去『game』個女仔。

 

咁因為好多巴打都好鍾意我寫嗰一本免費溝女書啦，反應比我想像中更加熱烈，佢哋問我有冇更多嘅技巧／高level tips去再幫佢哋自己再『升呢』。

 

醒目嘅你當然知道醒目嘅我有咁多天才嘅智慧分享畀你啦，其實有十一條最重要嘅原則你係必須要遵守嘅，如果你想溝嗰啲『8,9,10』。

 

但係因為製作嗰課程都需要時間，所以今日等我分享一個bonus tip畀你，協助你溝呢啲高level嘅索女。

 

其實我都非常surprised竟然會有咁多男人忽略咗以下呢一點，因為其實真係好簡單，個tips就係：

 

無論你係同條索女傾電話又好，同佢whatsapp又好，同佢真人傾計又好，又或者你cold approach左個女仔跟住坐佢隔離開始conversation都好啦…

 

你一定要做『首先離開』『首先完結對話』嗰一個人！

 

點解呢？

 

就係因為某啲神奇原因，索女係非常之aware你哋之間嗰一個Context，而佢係唔太在乎你哋之間嘅Content。

 

佢哋係非常著重當時嘅整體環境／你哋之間嘅『脈絡』，但係佢哋唔會太理你哋講過啲乜嘢 。

 

例如你坐低同條索女食飯，佢係唔會care你哋成餐飯講過啲乜嘢，但係佢會留意嘅係：

 

你係咪約佢出街嗰一個人？你哋係咪其實淨係普通friend咁樣食餐飯？究竟係佢對你有興趣啲，定係你對佢有興趣啲？

 

呢啲就係佢成程不斷問自己嘅問題，亦都係因為咁樣，你呢一刻開始需要明白嘅嘢，令你終生受用嘅嘢有兩點：

 

＃1 對於索女嚟講，你哋之間所談論嘅話題其實真係唔太重要，甚至有啲 irrelevant。

 

你哋嘅subcommunications，當時嘅氣氛同埋整體嘅context先至係重點。

 

＃2 當你永遠做『結束』嗰一個人，電話又好whatsapp又好傾偈又好，你就係令到成個context變成好似個女仔追緊你咁樣。

 

你end先，你離開先，即使事實唔係咁樣都好，你就會係成為『睇落冇咁有興趣』嗰一個人。

 

你咁樣做，條索女就好肯定你係結束嗰一個先，佢都覺得似乎係佢對你有興趣多啲。

 

好多男人犯嘅最大錯誤，就係喺度hea，喺度纏繞著佢希望可以留耐啲！

 

即係你哋好好傾，個氣氛營做得好好，傾電話傾得好high，但係當去到個『高潮位』嘅時候（你係絕對知道我講緊咩高潮位嘅），呢啲男人就嘗試繼續keep going。

 

冇錯，我有叫過你喺人生道路上keep fvcking going，

 

但係喺溝女呢一個CONTEXT，就係一個好大嘅錯誤，會令到你哋之間好好嘅vibe慢慢減退，之後就變得好奇怪。

 

等個女仔去end你哋之間嘅interaction係一個『低地位』行為，所以你一定要做完結嗰個先！

 

你係有一個abundant mindset，你係有大把貨，你係一個付諸行動嘅精英，所以你好忙你要繼續去征服你嘅道路。

 

『你離開先』，你就畀一個空間佢去『自己總結』佢有幾鍾意你，明唔明？

 

 

呢個亦都係點解前幾日我講《死亡之吻》MV嘅時候，關楚耀唔應該做『望住女仔走』嗰一個，亦都係其中一個佢溝唔到條女既原因。

 
如果你仲未睇嗰段溝女分析片，咁你就快啲睇喇！

 

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

你應該知道，我最近寫完一本免費43頁嘅溝女書，讓你學識10樣女人暗地裡想你知道嘅秘密。

 

你仲未下載嘅話，可以㩒一下片中description嗰條link，或者去www.manthefvckup.com/freebook 去下載呢本書。

 

返返嚟今日嘅主題，有唔少巴打問我，攞完個女仔電話之後，第一句最好點樣text佢呢？

 

我畀你嘅答案，會係出奇地唔刺激。答案就係，只要你講一句係短+精簡同埋顯示你唔會咁快投資落佢身上，你點樣text佢都ok。

 

你whatsapp佢嘅第一個目的都係去確定個電話係咪真嘅，並且同時令佢攞到你電話。

 

最重要係，喺你攞佢電話之前嗰一個interaction，真人對答嘅時候你要製造吸引力，唔係嘅話你再風趣幽默嘅texting，你最多只會淪為佢嘅texting buddy。

 

所以你知道佢嘅名叫Tina嘅時候，你就可以直接腥『Tina!!!』咁樣。

 

如果你哋傾計嘅時候你有畀個花名佢，咁你就直接send嗰一個花名。

 

又可以直接腥：『Hey great meeing you. – Andy』

 

又或者如果你哋傾計嘅時候講過話佢最鍾意飲Snowball，你可以腥：『Snowball.』。

 

要短，要精簡，要顯示你唔係咁快就投資落佢身上。

 

每次你諗住腥一啲又長，又特別，又以為好聰明，又好似莎士比亞寫書咁樣嘅長message， 你就會fail咗。

 

因為大部分女仔每日收到嘅message好可能多過你成個月，你嘅message有幾醒都係冇意思，其他九成嘅男仔都係咁樣做，所以你並唔會突出到自己。

 

相反，真人嘅時候你表現得好，texting嘅時候『冇乜興趣+ 冇乜投資』反而能夠突出到你。

 

要記得，當大部分男仔都係諗住『追女仔』嘅時候，你嘅行為一定要係調返轉等女仔追返你。

 

當你溝女進階少少嘅時候，或者認識呢啲『唔愁溝女』嘅高地位男人，如果你問佢哋講咗啲乜嘢先可以同個女仔瞓，佢哋好可能會答你，其實佢自己都唔清楚。

 

就係因為當你高level嘅時候，你已經唔會喺度諗下一句要講啲乜嘢。

 

因為你營造嘅嘅氣氛，當時個vibe，你哋之間嗰種『玩嘢』，之間嘅互相挑戰，你做嘅takeaways，呢一咋嘢全部已經係自動化。

 

而你到時亦都知道， 比較重要嘅係佢講啲乜嘢，同埋讓佢投資落你到，讓佢去證明自己值得你嘅attention。

 

而你嘅focus，到時就會係logistics，就會係諗緊點樣可以帶佢由A點去到B點，B點再去C點。

 

你知唔知道『馬伕』或者clubbing嘅organizers 或者Dan Bilzerian點諗嘢啊？

 

佢哋係唔會嘗試『贏得某女士嘅芳心』，佢哋咁高價值又點會去咁樣做呢。

 

遊戲事實就係女人根本就鐘意去『贏得男人芳心』，

 

社會意識形態／電影電視／傳統觀念同你講嘅『娶得美人歸』只係適用於losers。

 

唔好相信呢一啲好似電影Matrix裏面嘅虛擬世界，

 

你想要有大把女就一定要跟返『真正有大把女』嘅人嘅諗嘢方式同埋行為模式！

 

 

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

你應該知道，我最近寫完一本免費43頁嘅溝女書，讓你學識10樣女人暗地裡想你知道嘅秘密。

 

你仲未下載嘅話，可以㩒一下片中description嗰條link，或者去www.manthefvckup.com/freebook 去下載呢本書。

 

返返嚟今日嘅主題，前幾日有位巴打問我關於佢嘅ex嘅問題。我哋來回傾咗幾次，佢就明白咗要放手冷靜一排先，並且同時增值自己的吸引力。

 

跟住佢問我：

 

『Man，想問下如果就算同朋友幾開心都好，都係一剎那間自己一個，又會覺得世界得番自己一個好空虛寂寞，係咪要找下自己既野做就解決到？』

 

咁我相信聽緊嘅你同呢個topic會好有共鳴嘅，所以想同你分享我比佢嘅回答， 以下就係我嘅回覆：

 

『Very good，有聽書 🙂

 

要學識Loneliness同埋Aloneness嘅分別。

 

我哋每個人都必定會有自己一個人嘅時刻，

 

尤其是當我哋對自己生活有要求，當你唔想做一個『平庸大眾』，當你想成功成為Top1%，我哋必須要做『大部份嘅人』都唔會做嘅嘢，

 

所以『孤單感』係一定會存在。

 

但係『孤單感』唔等於『孤獨』，

 

只要我哋不斷去擴闊自己視野，擴大自己朋友圈，增加自己喺世界上嘅影響力；就算係陌生人，你都會感受到大家之間嘅『愛』同『溫暖』。

 

長遠嘅解決方式，係要不斷成為一個喺世界上有價值嘅人，去幫世界add value，去守護你相信你嘅價值。

 

咁樣嘅話，不但你會知道自己生命有意義，心底裏覺得好滿足，而且其他人係會感激你嘅貢獻， 世界上嘅人亦都好難去忘記你 。

 

就好似，世人好難忘記李小龍／李光耀／孫中山／甘地／曼德拉／德蘭修女／馬丁路德金／昂山素姬／喬布斯／比爾蓋茨／孔子／耶穌／牛頓等等嘅對世界作出重大改變嘅人。

 

有冇聽過Osho奧修？

 

我非常推介你去睇佢嘅書，佢有一本叫做『Love, Freedom, and Aloneness』／『愛．自由與單獨』

 

非常適合感覺孤獨嘅人，你睇完之後絕對會『大開眼戒』。加油！』

 

 

各位巴打，要成為最有質素嘅Top1%係要付出架；

 

其中一樣最重要嘅，就係要識得點樣喺單獨嘅時候，自己繼續keep fvcking going；

 

 

並且知道同邊一啲『對你理想最有益』嘅人繼續相處，放棄同一啲會『令你原地踏步』嘅人繼續平庸。

 

 
學識點樣『 一個人也很滿足』係令到你冇咁needy嘅好好練習，對你無論溝女或者成功方面，都係有無限嘅好處！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

你應該知道，我最近寫完一本免費43頁嘅溝女書，讓你學識10樣女人暗地裡想你知道嘅秘密。

 

你仲未下載嘅話，可以㩒一下片中description嗰條link，或者去www.manthefvckup.com/freebook 去下載呢本書。

 

返返嚟今日嘅主題，今日想幫一位讀緊大學嘅巴打解答問題，佢問我：

『 Hello Man，自從升左上U之後遇到ok多溝女問題。

 

因為我個樣本身比較童顏，而家year1但睇落似form 4 , 你覺得可以透過咩方法望落成熟，可能追到嘅女都係同校，所以冇呢個問題。

 

同埋一開始start conversation(假設唔識嘅同學)  , 點先可以做到pull push嘅效果。

 

因為我本身讀男人科，靠sit堂去多女嘅科practice , 當佢知你唔同major都黎sit堂yo人，界心大左好多。多謝！』

 

以下就係我嘅回覆：

 

『Hello,如果個樣比較細個，除咗可以試下戴眼鏡，最重要著衫一定要成熟啲，感覺好似出咗嚟做嘢嗰一種。

 

即係著smart嘅恤衫+牛仔褲，比起casual高一個level嘅衫褲。唔好著咁多波鞋，試下著loafers／ boots，帶番隻錶。

 

至於一開始傾計，嘗試喺頭一兩分鐘搵地方去disagree／challenge佢嘅立場（無論你心裏面真心同意都好），咁樣佢先感受到你另一種雄性能量，呢個就係push。

 

至於pull，其實一開頭識佢嘅時候唔好做得咁明顯住，但係用你嘅eye contact去『穿透佢』，並且佢講嘢嘅時候略略smirk／奸笑，咁佢其實都會get到你對佢有興趣。

 

大學溝女要小心，因為你太明顯嘅話會好快『傳通街』，影響你嘅reputation。

 

讀U呢幾年比較好嘅方式，係你要建立一個好玩嘅social circle，等人哋去幫你宣傳『啊，原來呢個男仔咁好玩，平時搞咁多正嘅活動』，咁樣好多女仔就會自動搵你。

 

總之任何東西可以增加你自己嘅『social status』，令到女仔覺得你係leader，咁樣就好容易『不斷有貨』。』

 
各位讀緊大學甚至係DSE嘅巴打，畀心機加油，溝女之外亦都記得要畢到業啊 🙂

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

你應該知道，我最近寫完一本免費43頁嘅溝女書，讓你學識10樣女人暗地裡想你知道嘅秘密。

 

你仲未下載嘅話，可以㩒一下片中description嗰條link，或者去www.manthefvckup.com/freebook 去下載呢本書。

 

返返嚟今日嘅主題，有時候你落club或者bar，同某啲女仔係可以傾得好埋，大家由頭到尾嗰一vibe好正，之間亦都有好多火花。

 

但係究竟有冇方法可以令佢對你嘅好感，由原本嘅7分短時間地升到去10分呢？

 

作為醒目嘅你，梗係估到作為醒目嘅我有計啦 😉

 

個方法就係叫做takeaway，

 

你要喺你哋之間好好傾嘅『高潮位』突然走人，突然後退離開佢嘅視線，製造一種『突然之間失去你，佢想要更多』嘅感覺。

 

譬如：你喺間bar或者club果度，同佢傾計傾得興高采烈， 你可以同佢講：『啊，我唔記得咗我有個任務同個friend要做，你玩住先，我一陣返嚟搵你。』 跟住你走人。

 

用呢一招要注意嘅係：

 

＃1 一定要喺傾得好high嘅嗰一個高潮位走人， 咁樣係可以即刻製造好有威力嘅sense of loss，令佢深刻感受損失咗一啲正嘢。

 

你都記得，人係只會珍惜『失去咗嘅嘢』，所以你會頓時十倍增加佢對你嘅慾望。

 

＃2 其實佢想要返你嘅原因，仲有另外一個；

 

就係你喺呢一個咁正面咁high嘅狀態之下離開佢嘅時候，你係會『騰出空間』畀佢『自己總結』你比其他男仔『堅正』十倍。

 

要記住：

 

其中一條人類行為嘅原則，就係聰明嘅人幾乎唔會相信『人哋話畀佢哋聽嘅嘢』，但係佢哋會永遠深信『佢哋自己總結嘅嘢』。

 

當你喺個女仔面前表現得好正嘅時候，跟住你走人去做其他嘢，你就能夠『騰出空間』畀時間佢去回憶番啱啱發生咗啲咩事。

 

如果你有勤力地聽ManTheFvckUp，並且follow我哋天才嘅建議，

 

咁呢個女仔呢幾分鐘就會『自己總結』，同自己講：『啊，好撚正呀呢條仔，我幾鍾意佢，我想要多啲…』

 

跟住佢就會『自己總結』你係『堅正』，更加會有機會令佢自己行過嚟搵返你。

 

最後，有啲私人嘢要同聽緊今集嘅你講…

 

係呀同你講緊呀，我想你知道，我好感激你依家喺呢度。

 

我好感激你睇曬每一集嘅片，閱讀每一集嘅ManTheFvckUp巴打嘅私人newsletter，有啲更加識得投資喺我哋嘅trainings令你自己提升更多溝女嘅技能。

 

我亦都好感激你願意挑戰自己，擴闊自己嘅極限， 迫自己去進步。

 

因為我知道你啲朋友好多都唔會咁做，你好多屋企人親戚都唔會咁做；而你肯咁樣做嘅時候，有時個感覺好似好孤單好寂寞。

 

但係我話畀你聽，你唔係『孤身上路』嘅。

 

我過去呢幾年都經歷過呢啲成長必須經過嘅階段，而到咗今時今日，我每一日依然係堅持去push我嘅comfort zone，挑戰更高嘅極限，釋放自己更多嘅潛能。

 

因為生命其實好簡單：如果你唔係成長緊，你就係死亡緊。

 

1995年經典電影《Braveheart》《勇敢的心》，裏面飾演蘇格蘭民族英雄William Wallace嘅男主角，都講過一句說話：

 

『Every man dies. Not every man really lives.』

 

『每個人都會死，但唔係每個人都真正地活過。』

 

所以我唔會有停嘅一刻，唔會有所謂『退休』嘅一刻。

 

你都唔好有停止你自己成長嘅一日，因為一個 brotherhood，目的就係我哋支持大家去繼續進步，繼續進發，去實現我哋各自嘅理想。

 

喺我哋面前嘅『理想生活』， 喺我哋面前偉大崇高嘅『遠景』，喺我哋面前更高質素嘅『可愛女人』…

 

只要我哋肯繼續付諸行動， 繼續『冒險闖蕩』，繼續『賭博』喺你自己身上，我哋想要嘅嘢一定會一一實現喺我哋眼前。

 

 

『777』未必會幫到你去實現呢件事，但係你會為你自己慢慢逐一實現嘅，係唔係？

 

 
多謝你對自己嘅承諾，我哋繼續喺『獅子山下』共同進退，共挽之，Peace!

 

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

你應該知道：我最近寫完一本免費43頁嘅溝女書，讓你學識10樣女人暗地裡想你知道嘅秘密。

 

你仲未下載嘅話，可以㩒一下片中description嗰條link，或者去www.manthefvckup.com/freebook 去下載呢本書。

 

琴日關楚耀嗰集係咪好正呢，你仲未睇嗰17分鐘嘅溝女分析我建議你快啲睇，所以今日只有好短嘅兩個重點想帶出嚟：

 

＃1 唔好介意自己嘅行為兩極化少少

 

其中一樣有吸引力嘅人識得嘅，就係佢哋唔會嘗試令到『每個人』都鍾意自己。

 

相反，佢哋嘅專注力係放係釋放更多面，更多角度，更多層次，更多version嘅自己。

 

冇錯，咁樣做你一定會同時吸引到唔鍾意你嘅haters，因為佢地唔鍾意你咁有意見，唔鍾意你咁突出。

 

但係如果你肯『擺你自己上台』，如果你肯為你自己相信嘅嘢『企起身』，你就會吸引到一啲真正愛你嘅人係身邊。

 

以下有兩樣嘢畀你揀，你會點樣揀呢？

 

A）你有10個所謂『朋友』，但係佢哋都唔係好認識你真正嘅你，因為你一直都收收埋埋。

 

B）你有5個好憎你嘅人，但係亦都有5個好愛你嘅人，因為你做人夠率直。

 

根本唔使諗到知揀邊個。

 

當然我唔係叫你為咗『極端』而『極端』， 為咗『有意見』而『有意見』啦！

 

因為你為咗人哋嘅注目去做一件事，到頭來又係變咗approval-seeking, 又係一個想人哋like你而冇立場嘅人。

 

係溝女上面，我叫你『兩極化』少少，意思係你要有時否定或者challenge個女仔，視乎佢嘅反應，推佢走愈泥愈遠。

 

咁樣佢先可以感受到你全面嘅masculine spark，佢先至會對你有多種唔同嘅感覺。

 

＃2 你行為都要開始unpredictable少少，唔好咁容易畀女仔估到你嘅『下一步』。

 

你知唔知大部份嘅感情嘅死因係乜嘢呀？

 

就係因為雙方變得越嚟越『預測得到』，個女仔完全估到曬你諗乜，你做嘅任何嘢都完全冇驚喜。

 

女人係鍾意砌puzzle嘅，佢哋係鍾意去『發現／發掘』新嘅嘢；

 

當佢認為佢已經完全『get到你』，你就成為一個悶蛋，佢好自自然然就會去第二度再砌puzzle。

 

（翻譯番畀你聽：佢係會出去識其他男仔，去figure him out。）

 

咁所以點解我成日講話『neediness』/一個依賴佢嘅男人，係毀滅你男性吸引力嘅頭號殺手呢？

 

就係因為當你嘅行為表現得『依賴佢』嘅時候，佢就會知道佢已經『完全擁有』你，你就已經變成一個『冇新意』嘅玩具，好快會俾佢擺埋喺另一邊。

 

所以你要同自己講…

 

唔好喇，我哋而家一齊講：

 

『依家或者將來，我都唔需要任何嘅女人去令我完全地快樂。我自己一個人亦都可以係完整。』

 

喂！有冇跟住我講啊？

 

無嘅話，我勸喻你再講多次：

 

『依家或者將來，我都唔需要任何嘅女人去令我完全地快樂。我自己一個人亦都可以係完整。』

 

正！你一定要將呢種信念烙印喺自己個腦到。

 
喺女人被你吸引之前，你一定要首先感受到自己一個都快樂。

 

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

你應該知道：我最近寫完一本免費43頁嘅溝女書，讓你學識10樣女人暗地裡想你知道嘅秘密。

 

你仲未下載嘅話，可以去㩒一下片中description嗰條link，或者去www.manthefvckup.com/freebook 去下載呢本書。

 

返返嚟今日嘅主題。

 

Disclaimer:

#1 I love the MV, good melody

FYI：https://www.youtube.com/watch?v=kSATNZZZ-RU

 

#2 Totally depict high level girl，Kwan is good player as well, but the girl is even higher

 

#3 We will NOT focus on lyrics

Be open-minded, have fun, don’t get too caught up with right/wrong

 

-> Seduction is complicated and can’t always be explained logically.

 

Day1：某一日，見到條索女，不過都冇乜理佢

 

Day3：隔日，撞到佢，第一次見面，條女主動，好正確地有打招呼，亦都好gentleman地讓佢行先，識咗佢。可能有一刻佢關楚耀都唔想諗咁多

 

Day11： 隔咗個零禮拜，主動約佢，第二次見面，第一次正式約出嚟食lunch，有講有笑，幾好feel，有幾秒係諗緊長遠啲嘅嘢。

 

潛在錯誤位：雖然大家有講有笑啦，但係關楚耀有可能冇喺個interaction度challenge個女仔，令到個女仔覺得佢有少少好容易就得到呢個男人。

 

呢個位有得拗：個女仔主動say byebye，而個男仔望住佢走，呢個細微位有機會瀨嘢。

 

我發現好多時如果你係主動離開先嗰一個，你無論係你自己心理上，定係個女仔嘅感覺上，都會顯得你相對『高價值』少少，會顯得你冇咁『由下而上仰慕佢』嗰一種感覺。

 

女仔：開心嘅，不過…

 

Day14: 開始瀨嘢

 

#1 女人永遠唔可以凌駕於你嘅任務之上

開會check電話，畀女人影響你喺你嘅道路闖蕩。你亦都會因為佢，而開始影響自己心情／情緒。

 

個女仔已經知道你鍾意佢，隻手唔小心掂到少少，個女仔係完全溝緊你，腥晒signals比你。

 

去飲嘢

 

又腥signals畀你 lol

 

#2 假設第一次拖佢，呢個動作太過『明顯你鍾意佢』，通常如果你第一次正式拖佢嘅時候，比較好嘅方法係搵啲『藉口』去做呢件事。

 

例如過馬路拖佢十零秒，跟住放手。逢係有身體上嘅接觸，你都應該係『行前兩步，退後一步』，唔好升溫得太快。

 

但係呢條女真係高手嚟，十秒繼續喺度色誘關楚耀 LOL

 

＃3 玩手，喺佢準備first kiss嘅時候， 佢冇嘗試challenge佢，例如扮錫佢跟住喺佢耳邊講嘢再拉返後。

 

＃4 你可以睇到個女仔表情，側咗個頭一面，覺得你輸咗。LOL

 

關楚耀愕然，心裏面o咗嘴，好似暗地裏問緊點解佢唔比佢錫得咁樣。

 

=》如果將來你會遇到呢啲高手女仔，當佢用任何方式去『reject』你嘅時候，你一定要控製到你自己嘅心理狀態，你一定要保持unreactive，唔可以對自己有絲毫『失去信心』嘅感覺畀到佢。

 

唔係嘅話呢，就會好似呢度咁樣，個女仔覺得同緊『小DD玩』，佢摸住你塊面，完全係表示緊佢佔有咗你，而你卻無力反抗，佢繼續望住你，覺得你呢個小朋友真係好得意。

 

跟住佢望走，有少少不肖，繼續飲埋杯嘢，跟住走人！（見到關楚耀好嬲個樣）

 

＃5 個女仔呢一招 『takeaway』！所以你望到關楚耀有啲『想點呀』個樣，繼續畀佢玩緊。

 

=》 最終死亡位：唔忿氣，打畀佢搵佢，想問清楚原因。

 

個女仔當然唔理你呢個Beta-Male啦，繼續保持笑容，好可能去溝第二個Beta-Male。

 

最後， 關楚耀都算叻仔，好快知道自己今次輸咗，都算recover得快。至於佢買外賣係咪返屋企，係因為佢已經有家室定係佢買畀自己食，就同今次我哋嘅分析無咩關係喇。

 

如果要總結，帶走嘅重點係：

 

＃1 女人永遠唔可以凌駕係你嘅purpose，你嘅人生任務之上。

 

所以你唔可以因為佢哋而妥協到你自己嘅mission，唔可以將女人放為你嘅第一位。（遲啲開多一集再講呢個topic）

 

＃2 身體接觸嘅升溫，一條general rule係你要『2 step forward 1 step back』，『行前兩步退後一步』，千祈唔好係咁escalate，令到女仔覺得你好chur好猴擒，有被壓迫嘅感覺。

 

＃3 成個MV都見唔到關楚耀有challenge個女仔，基本上佢嘅行為都係『表示自己有興趣』，而無嘗試『push away』個女仔。

 

你應該知道，seduction永遠都係有推有放，喺邊一個階段，你永遠都要保持『會challenge／挑戰佢』嘅vibe，唔可以不斷有講有笑／淨係同佢玩，要有push亦都有pull，要做一啲『好似對佢有興趣，但係又好似對佢冇興趣』嘅mixed signals。

 

女仔係好叻呢樣嘢嘅，所以你都要學識佢哋嘅招數。

 

＃4 逢係遇上『被拒絕／rejection』，你一定一定要繼續保持你嘅鎮定 ，表現到係冇乜嘢，完全unreactive。

 

即使你唔講嘢問佢點解都好啦，千祈唔好好似一個小朋友咁，用可憐嘅眼神望住個女仔心裏面問緊『點解我唔可以XYZ』咁樣。

 

因為呢啲位好多時係女人畀你最後嘅shittest，最後去確認一下你係咪真係一個高價值男人，如果呢個位你輸咗，你之前所有嘅功夫都會白費，好難補救。

 

Anyway, hope you had fun and learnt a lot here！

 

High quality girls can be challenging, but that’s where the fun lies.

 

Do not make the mistakes above, all the best！

 

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

你應該知道：我最近寫完一本免費43頁嘅溝女書，讓你學識10樣女人暗地裡想你知道嘅秘密。

 

你仲未下載嘅話，可以去㩒一下片中description嗰條link，或者去www.manthefvckup.com/freebook 去下載呢本書。

 

返返嚟今日嘅主題：好多男士同女仔傾計嘅時候都會遇到一個問題 ，就係唔知道可以點樣令個conversation不斷延伸，怕有『唔知講咩好』嘅情況出現。

 

我今日就會教你一個對話技巧，令到你想傾幾耐都得！

 

我教你呢一招叫做『Conversational Threading』，即係點樣利用對方畀你嘅資料，製造無限嘅脈絡去傾計，並且同時唔會令大家有『好chur』『好唔自然』嘅感覺。

 

首先講下好多男士犯錯嘅地方先，就係佢哋會一問一答，或者不停問佢問題嘅方式去同女仔傾偈。

 

例如：個男仔會問：『依，你成日都嚟玩㗎？』跟住個女仔話：『唔係呀』

 

跟住個男仔就話：『哦，平時鍾意做啲咩呀？』 跟住個女仔話：『跳下舞，做下運動，睇下書囉。』

 

跟住個男仔就話：『哦，你做邊行㗎？』跟住個女仔就開始炆炆地hea答佢：『 Finance囉。』

 

跟住個男仔仲要唔知死繼續問：『哦，幾好呀，你係邊度返工架？』跟住個女仔就會西面唔撚理你！

 

點解呢？

 

就係因為呢啲咁空洞無物嘅對話，根本就唔會產生任何一啲『火花』或者『連繫』令到個女仔覺得同你有connection。

 

你係咁interview人哋，更加會令到佢燥底覺得你好撚煩膠！

 

對話就好似織衫咁樣，你係需要巧妙地利用簡單容易嘅『原材料』去製造一樣靚靚嘅『製成品』。

 

你需要做嘅，就係利用佢講嘢時候某一part嘅字句，用嗰一個小資料去繼續。

例如：

 

個女仔同你講：『我好鍾意去希臘㗎， 果度好靚。』

 

即使你未去過，你都可以講：『啊，Santorini好似好正囉，嗰度啲人好似好chill好寫意咁。』或者你都可以講：『係咩，希臘有咩令你特別鍾意㗎？』

 

聽落好似普普通通嘅一啲對話，但係就係因為咁樣，你顯示到你係有留心聽佢講嘢， 並且嘗試去將佢講嘅嘢+你嘅經驗去連繫一齊。

 

你既可以顯示你對希臘嘅好奇，你亦都可以分享你對希臘的印象，或者點解你都咁熱愛呢個地方。

 

你點樣做，都係嘗試將一件事連繫到你同佢之間可以relate到嘅情感上面。

 

進階少少呢，你可以留意返佢頭先講嗰一句 『我好鍾意去希臘㗎， 果度好靚。』，其實係有四樣嘢你可以講嘅。

 

嗰四個部分就係： ＃1我好鍾意 ＃2 去 ＃3 希臘 ＃4 果度好靚

 

跟住你就去連繫呢啲『對話材料』：

 

＃1我好鍾意 ：你就可以講，『點解你咁鍾意嗰度嘅？』或者『我都好鍾意㗎，係我其中一個暑假最愛去嘅地方。』

 

＃2 去 ：你就可以講，『除咗希臘之外，你仲有去過邊度呀？』或者『 你係咪成日去㗎？』

 

＃3 希臘 ：你就可以講，『我覺得希臘都好舒服 。』或者『我就未去過希臘嘞，嗰度有咩咁正呢？』

 

＃4 果度好靚：你就可以講，『我都覺呀，嗰度真係好靚好浪漫，好適合影婚紗相。』或者『係咩？你覺得有咩特別靚香港冇㗎？』

 

總之每一次佢講嘢，每一句句子總會有一啲小資料畀你繼續flow落去。

 

你需要做嘅，就係細心聆聽，之後揀其中一個 thread，嘗試連繫到你自己嘅睇法或者感受，嘗試去emotionally relate落佢度。

 
多啲練習，你就可以無限loop，同個女仔不斷『雞啄唔斷』，你哋就可以傾成晚計喇！