喺你溝女嘅路途上,
我想你記住一樣嘢…
一樣點樣都唔好忘記嘅嘢..
一樣只要你唔去破壞你嚟緊幾十年都會幸福快樂嘅嘢…
呢一樣嘢, 就係無論如何,喺任何情況之下, 你永遠都唔好係女人面前破壞你自己嘅個人法規 Personal Code.
咁當然, 呢樣嘢唔代表你同佢flirt緊嘅時候, 你唔可以略略美化或者點綴你的故事或者自己嘅個人經歷.
我嘅意思係,
當你同女人講話你會做某一樣嘢嘅時候, 你最好就真係做咗佢, 兌現你曾經講過會做嘅事情嘅嘢 。
因為你有自己嘅Personal Code個人法規係唔係?
咩叫做Personal Code 個人法規?
Personal Code 包括:
A) 你對自己嘅期望/預期
B) 你對人哋嘅期望/預期
而且女人係好想知道你係有自己一套嘅Personal Code.
咁當然你唔會喺一個下晝同佢飲緊咖啡,食緊tea 嘅時候無啦啦list 列出你自己嘅code啦…
女人係想從你嘅言行舉止,談吐言語之間,你所相信嘅嘢,等等自己去發現你嘅個人法規。
而當佢發現咗你嘅Personal Code, 佢係會expect 你任何時候100% 都會依據你自己嘅code of conduct去做人。
當出現一啲非常重要嘅情況之下, 如果你破壞咗自己嘅Personal Code, 佢就會開始對你嘅信任或者誠信作出猶豫 。
當然, 如果係一啲好雞毛蒜皮嘅事情上, 有時係需要一啲走棧位。
但係如果係一啲大是大非, 你咁樣破壞自己既code…
佢就會望住你, 心裏面諗, “ 等陣先… 如果佢面對住一啲咁重要嘅嘢, 都唔對面自己嘅承諾, 佢仲有啲乜嘢係唔誠實呢!?”
你會唔會想你嘅女人問佢自己一啲咁樣嘅問題呀?
我諗你唔會啦。
當女人發現你做嘅嘢同講嘅嘢並唔一致嘅時候, 佢係可以好無情地唔再相信你嘅為人。
所以我成日教學生永遠都唔好對住女人講大話, just don’t fvcking do it okay?
事實上你應該係完全相反, 向另一面行, 即係絕對既誠實。
絕對既誠實 Brutal Honesty 係一樣好有吸引力嘅特質。
朋友係會對你既率直,你既坦率感到佩服;
女人係會覺得你直話直說, 你一針見血既尖銳呢一樣嘢好正,好free 同埋好sexy…
因為佢覺得佢可以相信你呢個人。
最後喺呢一個禮拜裏面, 我想你用呢一句同3個女仔flirt。
係啱嘅時候, 我想你用講笑嘅語氣, 直接咁同佢講 “ 唔…女仔嚟講…你都算幾得意嘅…”
用完之後, 再話我知你氹得佢幾開心啦 😉