歡迎嚟到新一集嘅溝女Q&A，我喺呢度每星期都會協助MTFU嘅巴打，簡單地解答佢哋嘅溝女戀愛問題。
如果巴打你想我親自聆聽你嘅問題，提供更詳盡嘅兩性策略畀你嘅話， 你可以報名加入我哋MTFU Insider嘅大家庭，
因為你喺裡面喺可以得到我為你度身訂做嘅訓練課程，讓你解決所有關於溝女／約會／性愛／感情上嘅問題。
你有興趣嘅話，就腥email去support@manthefvckup.com 索取詳情，睇下自己適唔適合報讀啦。
============================
Hi manson, 我自問都算你既忠實聽眾(睇咗你過300條片）, 已經大概領略到好多基本兩性關係知識同how to be a self-dominaned man! 今次想問既係如何渡過低能量情緒既時期呢？
我social circle唔算大, 近排有交往只得2條女, 唔算多; 但總算control到 self-neediness, 大部分時間唔會太對女needy。
但一遇上工作/生活諸事不諸/突然間發生不愉快既事情，受到挫折既時候個生活節奏就好似比人打亂咁。個人好frustrated好唔開心，turns out 個人好低能量，好中意亂諗野！
係呢啲情況，就會好不自覺地想向女人分享自己嘅負能量，想比女人安慰，想seek attention ，個人突然間會變得好needy e.g. 會突然間想打電話俾條女傾計，但我都只係想，冇咁做。
因為知道男人唔可以暴露太多自己弱點比女人知，尤其係溝緊既女人，否則會可能friend zone 咗！
其實呢啲我都明，但有時壓力太大 ，人生低潮真係會不自覺變得軟弱，個人變得冇魅力反而想將情感寄託落女人。
我知道咁樣唔得所以我選擇方法係自己死頂，不停聽歌/自己獨處思考自己不足再諗下點改。
但我真係好辛苦，有時覺得做男人真係太難，好辛苦，再放棄做cool guy alpha male 好似咩都要忍住咁。成日要忍住自己嘅情感流露。
唔知manson有冇曾經遇過呢啲問題? 想知你會點樣解決呢個問題呢？仲有想知我咁樣係咪正常 定係 得我係咁…？
By 正處於人生低谷的Joffrey
同埋想問吓做咗人男友有咩要注意？（關於維繫感情同維持吸引力方面）
係呀冇錯:) 我成功溝到人生第一條女啦 哈哈，一切都要多謝manson你lol thx a lot!
============================
首先要恭喜呢Joffrey巴打溝到人生第一條女，因為你咁努力睇咗超過300段MTFU免費片最後得到回報，就證明你嘅付出係冇白費嘅；
咁所以請你繼續畀心機，繼續努力學習並且應用我教你嘅任何嘢。
至於你問我嘅幾條問題，其實全部都好好，我以下有幾點同你分享：
＃1 你講得好啱嘅，每逢你遇上一啲唔如意嘅事情，而你身邊又冇乜朋友兄弟或者其他可以信賴嘅人傾訴嘅時候，你就會好自自然然地想同你條女訴苦。
而矛盾嘅嘢就係，你亦都知道雖然女人都唔會即刻見你軟弱就離開你；
但係每逢你習慣性地畀條女睇到你軟弱嘅一面，隨著時間比女人感覺得到你缺乏自信覺得自己冇能力排除萬難嘅話…
咁樣愛你嘅女人都會不經意地開始覺得你情緒上冇乜力量，最後一定會對你失去吸引力。
＃2 咁所以Joffrey你要明白嘅就係：長期吸引到女人其中一個好多人都忽略嘅元素，其實就係你唔可以花太多時間同條女一齊！
意思即係話：溝到女前或者溝到女後嘅你，其實你都應該著重多啲同其他志同道合嘅男人去hang out做男人鍾意做嘅嘢，
去透過一個冇女人嘅環境去吸收並且互相補足大家嘅雄性力量，令到大家記得返自己性別嘅根。
你要知道，每逢一個男人花過量嘅時間同女人一齊嘅時候，兩者嘅polarity／極性就幾乎一定會開始互相中和；
男人就變成女人，女人就變成男人，搞到大家都失去passion，最後就演變成好似好多『結咗婚30年老夫老妻，但係就對對方失去性慾嘅好朋友關係！』
＃3 咁所以其實Joffrey你遇上呢啲低潮負能量嘅情緒，我哋每一個人都會定期經歷緊。
問題係，除咗你自己要學習點樣鍛鍊自己暫時忽略你嘅情感，去繼續行動執行任務之外；你有冇一班可以信賴嘅男性朋友，一齊去hang out去商討對策呢？
如果冇嘅話，坦白講，我哋MTFU Insider呢個內部兄弟幫就係正正適合你呢類巴打。
雖然我唔需要喺度hardsell你話你知加入咗之後你會得到有咩好處，但係MTFU Insider嘅美麗之處，就係提供一系列全方位嘅支援比各位巴打，
讓你可以每日隨時隨地同我同埋其他精英兄弟，一對一溝通解決曬你所有溝女／約會／性愛／感情上嘅個人問題，令你每日都有動力繼續前進打拼。
詳細嘅嘢我唔喺度講，但如果Joffrey你或者其他巴打有興趣咁樣快速升呢嘅話，令你情緒上繼續正面穩定地做你應做嘅事情嘅話，
你哋就send email去support@manthefvckup.com 查詢一下詳情，睇下呢個課程係咪適合自己喇。
＃4 最後一點你問我關於做咗男朋友之後有咩注意，其實都有頗多：
除咗基本你要make sure你係按照正確嘅程序去做所謂嘅『男朋友』之外，好重要嘅元素就係你永遠都要畀女人感覺得到你係有無限選擇。
更重要嘅係，你要學識點樣性愛上滿足到條女，令到條女想搞嘢嘅慾望仲多過你想同佢搞嘢嘅慾望。
我聽日嗰段片就會教你9種令女人繼續覺得你有吸引力嘅基本特質，請你記得收睇並且根據指引立即採取行動啦！
Anyway，今集嘅溝女人生Q＆A告一段落啦。
如果你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇，
因為你嘅支持喺能夠幫到我哋成長，繼而製造更多價值比你。
有咩問題，就下面留言比我知啦，我哋下集再見！