巴打，我相信你都試過好努力地去重燃一段愛火，好有衝動去『追』番你條ex返黎，因為你唔捨得放手，因為你覺得大家仲有機會。
但係你應該都發現，要突然令到ex被你吸引返喺好難，尤其是喺佢出動提出分手。
我之前喺『點解女人分手後咁快忘記ex？同其他男人一齊？』嘅集數裡面教過各位巴打，女人對男人之所以可以咁無情，喺因為古代社會嘅男人好容易死，
所以女人嘅進化機制要令到佢哋有一種『可以盡快move on去新男人身上』嘅心理，佢先至可以有效地繼續生存。
所以女人分手後，絕對可以冷漠地望都唔再望你一眼；
就算你同佢曾經經歷過一系列嘅回憶，諗住『以往嘅感情』可以留住佢，佢都可以完全斬斷晒呢啲浪漫嘢，對你零興趣，跟住去咗第二個男人身邊。
喺咁樣嘅現實下，你又可以點樣所謂『贏返你條前度』返黎呢？
＃1 除咗我以前教你嘅招數之外，你最好出招嘅時機就係當你feel到條女行為上開始有變，感覺大家關係走緊下坡嘅時候，你就要先發制人。
因為女人想同你分手並唔係一朝一夕嘅事，如果你同佢都一齊咗至少兩年嘅話，好大機會你都會有一個月到出現一系列唔尋常嘅警號，比你去留意到有咩唔對路。
所以第一步就係：你要留意條女有冇唔尋常嘅行為變化。
譬如：突然極少／唔想同你搞嘢；開始極慢唔覆你msg；佢望住你嘅時候無咩真實嘅笑容；佢同你講嘢把聲非常平淡，無晒以前好女仔充滿情感嘅聲調；佢會唔會出現一啲鄙視嘅眼神；佢係咪唔再同你playful／淘氣地同你互相揶揄調情等等。
你留意到呢啲危險警告訊號嘅話，你就知道好大機會條女喺諗緊分手。
＃2 第二步就係：你絕對要保持冷靜，唔好比你擔心／緊張嘅情感操控自己，扮到你仲未留意到佢嘅陰謀。點解？因為你之後喺需要『突襲佢』，你之後要先發制人首先抽離。
譬如話：突然減少你哋facetime嘅次數；突然唔再打電話俾佢；同佢真人講嘢時繼續好似『友善地』同佢講，但係佢問你嘢嘅時候，你就含糊少少地答佢，唔好比太多specific嘅詳細答案佢；唔好太關心佢；佢態度唔好時，你就當佢細佬咁笑下佢。
重點係：你表面上一定要扮到無乜嘢，但係你嘅subcommunication就要比佢猶疑一下『你係咪好似有啲唔同咗』嘅感覺。
＃3 當你咁樣令到條女自己好奇困惑嘅時候，佢就會開始質疑自己『原本諗住同你分手』嘅決定，佢就會好大機會突然想返番嚟你身邊。
點解？因為你唔係好似大部份Beta弱雞咁樣，見勢色唔對就發晒癲，極度受害者咁喺度嗌條女唔好同自己分手咁樣衰。
Instead，只有真正強嘅Alpha先會對自己充滿自信，先會知道條女根本無動力去離開，而就算佢離開嘅話根本就唔重要，都係佢最大嘅損失，因為你仲有另外10條女晚晚嗌你去屌佢哋。
＃4 咁所以巴打你要用呢招嘅話，你就一定要睇準時機，你一定要小心留意條女嘅行為係咪出現持續嘅變化，並且喺條女『親口同你講話想要啲空間』之前，你就要先發制人。唔係嘅話，要扭轉局勢就會變得好難。
如果咁唔好彩真係被分手嘅話，你最重要做嘅嘢：就係之後嘅一個月，無論咩情況下都要絕對唔可以同你嘅ex傾計！
你一定要狠心等佢走，斬斷所有溝通嘅橋樑，去增加佢嘅情感損失。
因為過咗一個月嘅關鍵期嘅話，如果條女後悔，佢絕對會想搵返你。你表現得越喺冷淡不在乎嘅話，越喺已經move on咗溝緊其他女嘅話，你條ex先會越想返番嚟。
巴打如果你個人遇上困難，需要更多關於拍拖／男女朋友等題材嘅幫忙嘅話，歡迎你腥email去support@manthefvckup.com 去索取關於MTFU Insider嘅章程喇。
因為我喺裏面每日都會教導內部巴打更加深入嘅題材嘅，你有興趣話就嚟喇。
如果巴打你鍾意今集嘅話，就Like呢段片同訂閱我地MTFU嘅channel喇；
有咩問題，就下面留言比我知啦，下集見！