冇錯巴打…你遙遠見到呢條女，好撚靚，好撚正，完全令你嘆為觀止…
條女只係係你十米範圍外行過，都已經令到你個心卜卜咁跳…
點解我哋每個男人都會有咁樣嘅經歷呢？
點解每次我哋見到呢啲美麗動人嘅索女，都會突然極難冷靜落嚟，唔能夠以對住一啲5/6/7分嘅囡囡嘅心態，去輕鬆傾計呢？
好一段時間之前，我曾經為喺MTFU Daily Newsletter裡面免費解答過巴打，比咗3樣表面簡單，但極有效嘅策略教你點樣克服你嘅搭訕恐懼。
（BTW，如果你從未入嚟嘅話，你喺miss out咗好多高價值嘅通訊同故事；你想學更多嘅話，就記得去www.manthefvckup.com 免費索取啦！）
Anyway，我之前同某啲巴打分享我嘅實戰例子時都講過：
Approach Anxiety（AA）喺唔會跌到落去零，你唔會去到一個『一世都feel到溝女時心跳加速緊張』嘅位置，因為呢個生理過程喺必然。
咁所以點解8-10分嘅女感覺上喺比起6-7分嘅女難10倍去溝？點解每逢去到8分以上嘅女，我哋就會有種『被女淹沒』嘅感覺呢？
Well，最簡單嘅原因：就係因為你嘅角度／perception開始被扭曲！
所謂8分以上嘅女，其實就係由於我哋主觀地覺得佢『特別索特別迷人』，我哋就魯莽地總結佢一定喺更加難傾偈，更加難溝到搞到。
但事實係，好多時其實8分以上嘅女喺無你『想像般咁難溝』，佢哋被『溝』嘅次數好可能同6/7分嘅女差唔多；
因為太多男士就係因為被佢外表『震懾』而自我放棄，最後令到溝到佢嘅『困難程度』同正常靚嘅女根本差唔多。
重點係：溝到8分以上嘅索女喺好取決於你點樣改變自己嘅角度。
點樣去做？以下有好簡單但最基本嘅策略去應對：
＃1 認真地深呼吸 x 3-5下
當我哋被女人美態『震懾』時，九成時候我哋都會突然閉氣忘記呼吸，呢個就係你變得越來越緊張嘅主要原因。
所以第一件事，就係逼你自己吸入更多嘅氧氣落你嘅大腦，令到你即時可以思維清晰啲，諗嘢冷靜理性啲。
＃2 用幾秒時間記得返自己嘅價值
另一樣我哋淆底唔去識條女嘅原因，就係因為我哋會突然變得『自尊心低』，覺得自己『唔值得／未夠好』去溝條女，最後自我放棄。
所以，當你深呼吸幾下後，第二步就係即刻記得返自己喺一個咩人。
假設你喺根據我哋MTFU其中一個主要價值觀去做人，每日都積極地行動喺人生三大範疇上打拼（健康，女人，財富）…
你就可以記得返自己喺一個有價值嘅男人，記得返你喺一個會付諸行動take action嘅皇者，記得返你喺一個女人想贏你返嚟嘅獎品。
其中一樣成為男人嘅過程：就係學識點樣盡量唔被女人嘅外表影響自己嘅行動。
記住：女人嘅美感喺用嚟inspire你去行動，唔應該停止男人內心想做某啲行為！
＃3 即刻郁你雙腳行去佢身邊！
第一二步只會用你少於十秒嘅時間，咁所以條女絕對仲會喺你附近。
呢個時候，就係你唔可以再猶疑嘅最後一步；你再諗多幾秒嘅話，我保證你一定會說服自己唔去approach佢。
事實係：當你有一系列approach前嘅foundations (e.g. 衣著／身材等等視覺感官性嘅準備），其實8分以上嘅女，好多時都會同其他6/7分嘅得意可愛女差唔多地nice。
最大嘅敵人，並唔係索女嘅resting bitch face；最大嘅敵人，喺我哋嘅大腦不斷mindfvck自己，令我哋『合理化』點解我哋呢一刻『唔夠好去溝嗰條索女』。
咁所以唔好完全相信你大腦發著嘅危險訊號，我哋並唔係『我哋嘅思想』，我哋預設值嘅mind好多時都唔係我哋嘅朋友。
請你積極行動，請你呢個星期內感受恐懼，然後『戰戰兢兢』地行動令你有心跳感覺嘅囡囡！
