分類: 成功秘訣

無人鐘意活一種悶爆嘅life，我哋都想早啲刺激啲，極端啲，有挑戰性啲，滿足到情感同心靈上需要嘅事情。

社會會典型地叫你專注學業，搵份收入穩定嘅工，跟住結婚生仔照顧家庭…

如果你滿意一種平庸嘅life嘅話，你照咁做係冇問題嘅；但如果你想人生精彩啲，將來有多啲故事分享嘅話，以下有5樣各位巴打必須要盡快經歷的事情，因為你做咗嘅話先會改變到你嘅世界觀。

如果你鍾意今日呢啲topic嘅話，就請你即刻LIKE同訂閱我哋嘅YT channel，follow我manupmanson嘅IG，睇完後留言話我知你嚟緊想睇咩內容啦！

＃1 你必須盡快一個人去旅行！

如果你驚一個人去旅行嘅話，咁樣好大機會你而家係無移民嘅諗法；但如果你夢想喺想將來環遊世界嘅話，自己一個去一個短trip其實係一種好好練膽量嘅方法。

喺外國無人無物無朋友嘅經歷，係一種好好嘅experience去發掘自己性格嘅另一面，你會更加了解自己，你會發現你嘅靈魂想要咩。

未必係要去working holiday嘅，儲到錢嘅話，自己一個plan去5-10日嘅trip，你就會好快學識咩叫做獨立。

如果可以嘅話，試下自己一個住係外國幾個月，因為你會學識點樣唔依靠父母朋友生存；呢啲經歷，絕對唔係學校喺書本上可以學到！

＃2 你必須盡快自己一個人住！

如果你做到第一點嘅話，基本上第二點你都會做到。

但就算你成世無去過旅行，當你自己一個人搬出去住，你都會發覺你有更多空間同時間去了解自己，去沉思自己嘅人生，去依靠自己處理問題，係每個男仔成長成為男人必須經歷嘅成人禮！

千祈唔好做嗰啲結咗婚都要住係父母屋企，甚至叫條女搬埋過嚟自己屋企嘅人；你一日無自己嘅independence，你一日都唔會培養到自己自豪嘅自信！

＃3 你必須盡快失敗多啲，因為失敗就係成功嘅腳踏石

正如我係第72集Man Talk所講，只有你跌落谷底忍受夠煎熬，你先會有更大動力去爬起身變成一個傳奇人物。

當然你穩穩定定打工結婚生仔嘅話，你一世都可能唔會感受過失敗；

但如果你想人生擁有更多嘅話，你就要經歷一啲身體同心理上嘅大挑戰，透過不斷嘅失敗課堂，去累積智慧創造成功。

所以我推介各位年輕巴打用你嘅創意，去嘗試免費或者最多幾千至幾萬蚊內創業，提供透過你嘅服務解決市場上嘅需要，試下唔依靠一份工搵到少少錢。

當你成功創業搵到幾十蚊嘅時候，你就會有全新嘅insights去睇咩叫做『工作』，你就會得到啟發去脫離傳統打工嘅思維。

＃4 你必須盡快脫離城市，親身感受大自然！

科學家透過腦掃描發現，當我哋放自己喺大自然嘅時侯，我哋嘅情緒會平靜穩定啲，會更有能力去愛去身同感受，精神爽利啲，同埋無咁大壓力。

咁所以每個星期或者至少每個月，你都要盡量放自己係市區外嘅位置，讓你感受到自己有幾咁渺小，令你更有perspective平靜地看待你日常嘅小事。

如果你想進一步刺激啲嘅話，爬山／滑真嘅雪／露營／潛水呢啲都會讓你發掘更多世界有趣嘅一面。

＃5 你必須盡快被女hurt經歷傷心嘅痛楚！

冇錯，雖然MTFU教你嘅嘢就係防止你做啲兩性錯誤嘅嘢；但如果你無戀愛經驗嘅話，你係好難明白我所教你嘅智慧。

咁所以與其你睇唔到呢啲智慧同價值，不如我鼓勵你盡快fvck up你第一段初戀關係，等自己痛不欲生幾個月甚至一兩年先，咁樣將來你先會準備好改變自己Beta嘅行為。

所以試下愛上錯嘅女人，試下俾女cheat嘅感覺，咁樣你將來就唔會再驚呢啲情感，你先會意識到男女對弈喺需要根據潛規則去玩，你先會可以攞到你想要嘅嘢！

＃6 Anyway巴打，我同你都想要精彩嘅人生。

以上呢到都係擴闊你視野，成為一個更強男人必須經歷嘅事情。無論你十幾定係四十幾歲，未做過嘅話就快撚啲去試下啦，做完之後返嚟話我知你嘅體會！

你鍾意睇多啲今集相關嘅topic嘅話，就請你即刻LIKE同訂閱我哋嘅YT channel，follow我manupmanson嘅IG啦，

有咩問題就下面留言話我啦，我哋下集見！

最近無意中睇到一封3月份嘅email，見到一位叫阿Keith嘅巴打們問我關於時間管理嘅嘢。

簡單講，佢好好奇點解我做嘢可以咁有效率，咁密出片，每日又寫全新嘅newsletter，又有咁多咁正嘅trainings，又有時間coach咁多Kingsman巴打等等。

唔知阿Keith你而家係咪睇緊呢段片啦，但如果巴打你都想有效率做多啲嘢，想快啲成功嘅話，我諗今日分享比你最簡單嘅小tricks可以幫到你。

如果你鍾意今日呢啲溝女以外嘅特別topic嘅話，就請你即刻LIKE同訂閱我哋嘅YT channel，follow我manupmanson嘅IG，睇完後留言話我知你嚟緊想睇咩內容啦！

＃0 首先係我分享最簡單實用嘅方法之前，我想巴打你明白成功嘅其中一大秘密，認真係講緊你點樣看待+有效率地善用你嘅時間。

大部份人都低估咗自己時間嘅價值，唔願意認真投資時間係正確嘅地方，最後就犧牲自己無限嘅夢想。

每個成功嘅人都會對於『點樣成功』都有唔同方法渠道或者意見，但全世界所有人嘅共通點，都係大家每日只有24小時。

咁所以無可爭議嘅真理就係：你點樣花你嘅時間係一定會決定你嘅將來。

如果連你自己都唔重視唔珍惜唔保護你嘅人生財產嘅話，咁你覺得你條女／你嘅朋友／出面嘅陌生人又會唔會呢？

咁所以無論你而家幾多歲，唔好再怨恨你30年前點樣虛度人生，犯過啲咩錯，因為呢啲嘢都唔重要，唔好再嘥時間做therapy講你嘅過去。

你想成為有價值有吸引力嘅somebody，你想成為人生贏家嘅話，我而家就分享3個白痴方法去倍增你做嘢嘅效率！

＃1 你平時所謂『放工／得閒／空餘／available』嘅自由時間，至少一半都應該係投資係一啲令你成長嘅活動裡面。

Free Time並唔係free time嚟架，你運用嘅每一分每一秒都係有機會成本，都係擁有潛在價值。

睇Netflix，打機，睇AV，睇蘋果動係好好玩好好笑嘅，但係呢啲『嗜好活動』除咗比你即時嘅多巴胺快感之外，根本俾唔到長遠有意義嘅回報比你。

你想成功嘅話，科學都證明咗你要有能力去『捨棄即時享樂』，去delay instant gratification。

咁所以我自己係無做以上嘅嘢已經N年，我嘅所謂Free Time，唔係去做gym學拳，就係睇工具書學嘢，又或者上course上seminar，又或者同其他成功嘅人傾計交流。

巴打你如果能夠將你平時『得閒』嘅兩三個鐘都咁樣做嘅話，你成長得快，自然做嘢效率都會增加。

＃2 唔該唔好再每10分鐘就撳電話！

每一次你係度聽電話，玩電話，撳下app，覆下messages，你記得都係將你嘅集中力完全摧毀，將原本行動緊嘅momentum消滅。

咁有咩解決方法呢？就係將你電話調較去靜音模式，同埋有需要就較去飛行模式，跟住將你部電話掉轉螢幕向下，甚至放喺10米範圍外嘅位置，一個鐘後搞掂某個task先去check。

坦白講：你而家唔係重要到秒秒鐘幾百萬上落，冇嘢係唔可以等一個鐘後先注意或者回覆…

搵得你嘅人，99.9%都唔會因為得唔到你即時嘅注意力而會死，甚至某啲根本就係嘥時間嘅人。

所以唔好比機會人哋浪費你生命，你一定要搞掂你當日最重要令你有進展嘅工作之後，你先好係特定時間回覆呢啲次要嘅嘢。

唔好奉旨俾時間人哋，你唔重視嘅話，你嘅life就會係咁先。

＃3 第三個小策略就係：每晚瞓覺前花10分鐘plan好你第二日嘅3大目標，起身後再發5分鐘熟讀你當日嘅時間表。

唔好睇少呢樣好似好簡單嘅嘢，因為每次我無咁做去focus喺某幾樣目標嘅時候，我嗰一日都會好似遊魂咁樣，乜撚嘢都做唔到。

學校做得啱嘅地方，就係由細培養有schedule做嘢守時嘅習慣。

咁所以你而家出嚟做嘢，你都要有個人嘅schedule，將你每日最重要嘅嘢做先，然後將時間斬件去處理特定嘅細tasks。

看待你嘅時間就要好似見客或者business meeting一樣咁認真，因為你時間用得啱就係令你更快有錢嘅方法。

ANYWAY，總結就係：全世界人類都係得24小時，你點樣運用你嘅人生資源就會決定將來過咩日子。

好好利用以上3種最簡單嘅方法，你就會可以係限時之內更有效率做更多。

如果你鍾意睇多啲今集相關嘅topic嘅話，

就請你即刻LIKE同訂閱我哋嘅YT channel，follow我manupmanson嘅IG啦，下面留言話我知你仲有冇咩管理時間嘅困難啦，我哋下集再見！

巴打，睇緊今日呢段片嘅你，好可能係廿歲左右階段嘅年青才俊。

係呢個階段，你可能間唔中就會問下自己究竟人生意義係啲乜嘢？唔知道自己嚟緊要做乜，每日都好迷惘，有好多疑問同挑戰。

事實係：廿歲左右既男仔，好多時都好迷失唔知自己將來要做乜。

父母社會老師朋友都甚少鼓勵佢哋勇敢行自己嘅路，好多時都係叫你人云亦云讀書搵工結婚生仔。

雖然我唔可以代替你解答『你人生應該做啲咩』，你一定要靠自己搵到答案；但今日我想同你分享3大原因點解你呢一刻咁迷失，讓你更清晰下一步可以做啲咩。

如果你鍾意今日特別啲嘅topic嘅話，就請你即刻LIKE同訂閱我哋嘅YT channel，follow我manupmanson嘅IG，睇完後留言話我知你嚟緊想睇咩內容啦！

＃1 你迷網最常見嘅原因，係因為你利用學校／讀書作為藉口，逃避係現實社會工作打拼。

好多人都會講話『想整靚份CV』所以想繼續讀書，搞到廿幾三十歲都未做嘢；

但現實係：僱主或者市場係唔care你讀咗咩degree，最重要嘅係你做到成績幫公司搵到錢，或者係市場上解決到問題創造價值。

好多人讀master或者phd，完全係因為驚脫離學術世界之後唔知自己做到啲乜嘢；

但你想成功，你想盡快搵到人生意義嘅話，你就要出嚟了解搵錢賺錢究竟係一回咩事，因為冇嘢係比起現實攞經驗更加實用。

所以除非你好清晰你將來搵錢嘅方法係需要某某degree，比如醫生律師會計師，否則你再讀書都係嘥時間。

＃2 第二種你迷網最常見嘅原因就係掉返轉，你可能唔太care你嘅學業成績，但係就沉迷於紙醉金迷嘅娛樂世界。

意思姐係話：你變成一個極端嘅消費者，你知道晒所有吃喝玩樂嘅潮流，你睇晒最近有咩最hit嘅電視電影劇集，你完全知道邊個明星巡迴演唱會，或者電音節幾時喺邊度舉行…

有咁樣嘅觸覺唔係壞事，至少你個人咁好玩都大機會啲溝女；但不知不覺地你就會成為consumer而唔係producer，你唔識得生產嘅話，你永遠就唔會活一個成功+有意義嘅生命。

所以每次你要做決定嘅時候，試下問下自己：『究竟呢樣嘢係咪令到我變得更有自信，令我更快達到我嘅個人目標呢？定係呢種行為即係係度止緊血，繼續逃避唔去成為我想成為嘅人呢？』

咁樣你就知道咩對你長遠有益或者無益。

#3 第三種你迷網嘅常見原因，就係因為你進入咗錯嘅男女關係裡面

Relationships就係會消耗你嘅能量時間，兩樣都係你人生最重要嘅資產。

太多年輕男仔都係未了解兩性遊戲之前，就盲中中進入排他性嘅拍拖關係，不斷虛耗能量時間係一個『以為會一生一世』嘅女人上面。

唔好彩嘅話，廿幾歲就做爸爸，最後你一生嘅夢想都會因為『家庭責任』而毀於一旦。

坦白講，廿幾歲嘅你99%嘅時間都係會揀錯女人，你會誤以為『鍾意有feel』就代表條女係合適嘅長遠伴侶。

再加埋你拍拖每次分手嘅dramas，你廿幾歲嘅歲月就係咁樣虛度過，最後就會出現迷惘唔知自己做乜嘅惡果。

＃4 咁所以講左咁耐，巴打你應該做啲咩去脫離呢啲迷失嘅狀態呢？簡單講：

第一，你要對自己坦白，抽時間坐係度睇下自己究竟鍾意啲乜嘢／關心啲乜嘢，跟從你好奇有興趣嘅嘢發掘自己，塑造自己個人嘅使命。

究竟你死之前想做啲咩呢？如果你有一億身家嘅話，你而家會即刻做啲咩呢？如果你可以將你嘅熱誠化為事業，你又會做啲咩呢？

第二，你要學識同時享受當下，又要計劃未來。

好有效嘅一個方法就係問下自己：如果我仲有50年命，我會點樣塑造我嘅lifestyle呢？與此同時，如果我得返50日命，我又會做啲乜嘢令自己死而無悔呢？

然後以兩種截然不同嘅態度去同時生活。

第三，擁抱改變，擁抱不確定性，無信心都要繼續行動繼續試繼續行。

達到夢想係需要時間，成功成就係需要耐性。

唔好妥協於yolo fvckboy嘅嬉皮士生活，唔好妥協於淨係讀書做嘢賺錢無life嘅生活，更加唔好妥協於未如理想嘅兩性感情。

繼續捱苦前進，繼續勤力打拼，繼續好高騖遠地做啲少人做嘅嘢，你先可以離開羊群，你先可以離開中產嘅average，你先會改變到自己同人哋嘅生命。

今集好長，如果巴打鍾意並且想我講多啲類似今集內容嘅topic嘅話，就請你即刻LIKE同訂閱我哋嘅YT channel，follow我manupmanson嘅IG啦，下集見！

恐懼失敗嘅感覺，好多時都係恐怖過失敗嘅嗰一刻。

如果你未開始做你想做嘅嘢，容許『恐懼失敗嘅感覺』支配自己行動力嘅話，咁樣你永世都唔會成功。

究竟我哋可以點樣征服呢種『害怕失敗』嘅感覺呢？

今日我就會分享最直接嘅方法解決呢個問題，幫你重新詮釋『失敗』嘅意思，明白failure嘅珍貴之處！

如果你鍾意今日特別啲嘅topic嘅話，就請你即刻LIKE同訂閱我哋嘅YT channel，follow我manupmanson嘅IG，睇完後留言話我知你嚟緊想睇咩內容啦！

＃1 失敗嘅出現，其實係用嚟測試你幾有決心擁有某樣嘢。

如果無失敗嘅話，我哋就搵唔到邊啲人嘅慾望係真，邊啲只係吹水狗噏下。

咁所以你人生遇上嘅所有『圍牆』係有目的嘅；

無論係女人嘅shittest，定係你未成功嘅事業，定係你未達到6舊腹肌嘅目標…

…難以攀越嘅高牆，就係用嚟證明你有幾想一樣嘢，去阻嚇一啲唔認真嘅人，去分開一啲真正想成功嘅人。

下次遇上失敗嘅時候，請巴打記住呢個畫面，你就會知道呢幅牆係用嚟啟發你穿過佢，而唔係叫你後退返屋企。

＃2 失敗經歷嘅功能，係用嚟俾你將來分享有啟發性嘅故事。

成功故事固然係好聽，但當我哋知道某啲天生有缺憾，或者處於劣勢嘅人由低谷走到頂峰嘅話，我哋就會覺得更加激發人心。

如果JK Rowling唔係單親媽媽嘅話，哈利波特唔會咁好賣。

如果愛因斯坦四歲都唔識得講嘢，以前嘅老師唔係話佢『一無是處』或嘅，我哋就唔會咁欣賞呢位天才。

如果肯德基伯伯唔係六十二歲先至創業成功嘅話，我哋都唔會覺得佢係傳奇。

所以如果巴打你而家所謂『失敗緊』或嘅，你要知道呢種劣勢同時亦都係一種優勢，係一種動力逼你快撚啲去做緊多去贏。

輸到貼地，亦都代表你無嘢再輸；咁你咁貼地都唔利用佢彈返起身嘅話，幾時先會？

＃3 失敗其實係所有成功人士嘅共通點！

所有家傳戶曉嘅傳奇人物，基本上未出名之中都經歷過無數失敗。

愛迪生試咗超過一千次先至整到電燈膽…

二戰大戰英國首相邱吉爾原本係一個被人認為係痴線嘅政客，直至佢擊敗希特拉…

華納迪士尼原本係報館被主編輯批評為缺乏創意，直至佢整咗Disney嘅王國…

Michael Jordan係中學校隊被淘汰，直至佢被認為係史上最偉大嘅籃球員…

咁所以失敗其實只係話你知你所做嘅嘢係難係有價值，係你繼續學習成長進步嘅機會；只要你唔放棄並且改變策略嘅話，長遠你先會成功。

Anyway巴打，無論我同其他成功故事點樣啟發你，最重要都係你要問自己幾條問題：

就係你口講嘅目標究竟有幾重要呢？

究竟你願意付出幾多去堅持，去不斷失敗不斷試直至成功呢？

究竟你願意放棄幾多藉口，去get shit done直至見到成績呢？

你真心唔滿意現狀，你真心受夠嘅話，你就會搵到無限原因去繼續行，你就會忙到『唔記得咗驚失敗』嘅感覺，你就會achieve到你想要嘅嘢。

如果你鍾意今集嘅topic嘅話，就請你即刻LIKE同訂閱我哋嘅YT channel，follow我manupmanson嘅IG，之後留言話我知你嚟緊想睇咩內容啦，我哋下集再見！

有毒嘅朋友，無論佢哋對你幾好或者幾咁關心你，都係對你嘅人生有負面影響。

雖然某啲毒性朋友有時會令你開心快樂，可能會add到少少value落你到，但長遠都會製造更多麻煩，唔值得keep。

今日就想分享7種你唔應該有嘅仆街毒性朋友，讓你知道點解唔好要佢哋。

如果你鍾意今日嘅topic嘅話，就請你即刻LIKE同訂閱我哋嘅YT channel，follow我manupmanson嘅IG，睇完後留言話我知你嚟緊想睇咩內容啦！

毒性朋友＃1 永遠都係講負面嘢嘅人

無論有咩好事發生係你身上，呢種人總係鐘意指向有咩負面嘢發生。

你升職嘅話，佢會同你講嚟緊會忙爆好大壓力；你有女嘅話，佢會令你記得以前你點樣係情場上失敗；你買咗新車嘅話，佢會話你投資錯誤應該買第二款。

總之你好開心講咩正面嘢，佢都會一盤冷水淋落你嘅熱火，搞到你冇晒mood；所以呢種咁negative嘅朋友唔要好過！

毒性朋友＃2 極度自我中心嘅人

雖然每個人都係自私顧自己，但呢種毒性朋友就係將所有對話聚焦係自己身上嘅人。

無論大家傾啲咩，佢仲係覺得自己嘅人生重要過你，而你就要成日聽佢講自己嘢。

呢種根本唔係朋友，因為佢根本對你嘅life冇興趣，所以你無需要keep住呢啲泛泛之交嘅關係。

毒性朋友＃3 成日講大話嘅人

朋友嘅關係係建基於信任，如果你發現你所謂嘅friend係有講大話嘅習慣；無論佢係對住其他人講定係對住你講，佢永遠都唔會成為誠實可以信任嘅好朋友。

因為面對著呢啲『冇句真』嘅人，你永遠都要估估下，你永遠都唔可以係危難時依賴佢幫手，咁所以對住啲『病態大話精』又點會做到朋友呢？

毒性朋友＃4 只有問你攞嘢，但唔會作出回報嘅人

朋友之間係唔應該計較咁多嘅，而你識朋友亦都應該以一種行先give value嘅心態去做friend。

但有時你會遇上一啲淨係想take value嘅人，有時要求就搵你幫手，但好多時又唔見佢點樣對返你好，甚至次次都expect你幫佢。

咁所以當你發現give咗幾次value人哋，佢都唔會俾返少少價值你嘅話，咁你就要避免value sucker嘅人。

毒性朋友＃5 (好重要!) 同你爭女嘅人！

如果你身邊有『朋友妻咪走雞』嘅仆街嘅話，你根本就唔使諗應該斬斷呢啲毒性關係。

因為男人之間係行榮譽制，而真正嘅朋友係會幫你係你條女面前美言你嘅事跡，而唔係仆街地笑下你／陰毒地中傷貶損你名聲／甚至搵機會偷走你嘅女人。

所以你發覺你條女同你某個男性friend太close嘅話，呢條友絕對唔係你嘅朋友！

毒性朋友＃6 咩都矯正你嘅人

巴打你有冇遇過一啲成日係你身上矯枉過正嘅人呢？

無論係你講錯咗某啲嘢，定係你搞錯咗某啲details，呢種不斷fact check你說話正確性嘅人係好撚煩。

佢之所以咁做，可能係因為佢需要不斷顯示自己嘅知識智慧，所以佢鍾意指出他人錯誤去成為『全知全能』嘅人。

對住呢啲大事小事都要矯正你嘅煩膠，換個啲心理平衡啲朋友啦！

毒性朋友＃7 八公嘅朋友

所有係你背後講你食完嘢嘅八婆八公，中意用你嘅私人分享作為社交話題嘅賤嘴，絕對係一啲守唔到秘密嘅仆街。

佢哋係唔會對你忠誠，因為佢哋鍾意令到自己cool啲，所以你同佢講過嘅任何嘢將來都會成為其他人嘅話柄，佢絕對冇資格同你交心！

Anyway 巴打，以上就係7種男人唔應該keep嘅毒性朋友。

隨著你成長，你會發現其實好多以前你enjoy一齊玩嘅人，都唔係一啲對自己身心健康嘅人，甚至喺隨時會背叛你嘅危險人物。

好嘅朋友唔需要多，一兩個永遠會撐你，永遠唔會背叛你，有需要時會幫你嘅人已經好難得。

所以快啲檢視下你而家嘅friendlist啦，好可能有7/8成都係需要切割分離！

如果你鍾意呢個topic嘅話，就請你即刻LIKE同訂閱我哋嘅YT channel，follow我manupmanson嘅IG，之後留言話我知你嚟緊想睇咩內容啦！

下集見，peace！

回望返過去10年，我發現自己都學咗唔少關於人生嘅大小課堂；某啲課堂喺我自己返過嘅錯，某啲就係睇住其他人犯錯而學精咗。

今日我分享俾你嘅人生4大課堂，正嘅地方就係因為呢啲原則喺可以應用喺你人生各方面：

健康，溝女game，mindset，情感狀態，做生意搵錢等等。

所以你醒目嘅話，就好好細心咀嚼今日教你嘅嘢；而如果你鍾意今集呢啲特別topics嘅話，

就係即刻LIKE同訂閱我哋嘅YT channel，follow我manupmanson嘅IG，最後留言話我知你嚟緊想睇咩內容啦！

人生課堂＃1 每個你遇上嘅人都只係過客

一樣好痛苦必須接受嘅現實，就係隨著你嘅成長，你會開始發現自己身邊嘅人有時會好頑固地唔肯改變。

你要學識接受嘅喺：你喺無辦法逼人哋去改變，你喺無辦法影響一啲唔想被影響嘅人。

無論喺你嘅父母親戚，兄弟姊妹，朋友…就算你有好嘅意圖去希望啟發佢改善自己嘅life，如果佢唔想嘅話，你都喺無辦法迫到佢『為自己改變』。

咁所以你要學識：如果你比起對方更加關心佢嘅利益嘅話，你只會喺自討沒趣，你只喺令自己嘥時間徒勞無功。

成長就係需要你放下某啲舊關係，只有你接受『幾乎所有人都唔會陪你走到最尾』，你先會珍惜大家相處過嘅時間，你先會真正接受每個人嘅好與壞。

人生課堂＃2 原則喺重要過技巧

無論喺做gym，定係學溝女，定係社交識朋友，定係工作賺錢，定係學功夫打交，每一個範疇都係有通用嘅原則去令你成功。

只有你知道某啲principles，你就會創造到無限techniques；但如果你淨係得技巧而唔明白背後原則，你就好難成功。

譬如話溝女：唔好whatsapp得咁密／搞笑揶揄佢／要有身體接觸等等呢啲喺技巧；

但溝女嘅原則，就係你嘅行為唔好needy，因為只有你唔需要條女喺身邊，佢先會更加想留喺你身邊。

又或者做gym，出面有十萬個workout program教你用咩技巧去增肌；

但大隻嘅原則，就係漸進性超負荷／progressive overload，隨著時間慢慢喺訓練之中比身體多啲負荷。

有時同一範疇都會有一啲對立嘅原則（譬如話一方面唔好追女仔，另一方面要果斷行動誘惑佢返嚟）；

巴打你嘅責任，就係學識平衡呢啲令人困惑嘅矛盾，識得變通喺唔同時候用唔同原則，你先會真正master嗰一門學問。

人生課堂＃3 成功嘅道路永遠唔係向上嘅直線！

無論喺做生意／溝女／運動成績，你一定會遇上高高低低坐過山車咁樣嘅cycle。

有時你會唔知點解『狀態特別勇武』，成日或者成個月都贏通街：做gym爆PB，又贏咗兩張拳賽，又食咗多咗三條女，公司開多咗10張單，投資又賺多咗幾十萬，一切都好癲好順利。

但有時你可能成年都好黑仔：父母又病，自己又無做運動肥咗10磅，啱啱失業要搵工，

你無運用MTFU教你嘅嘢而令到條女cheat，行街又無啦啦比人鬥身份證跟住扣留你48小時…一切仆街嘅嘢都擁著過嚟。

但巴打你記住：喺人生巔峰好風光嘅時候就要準備迎接谷底，而喺谷底嘅時候就要有希望，知道自己準備會向上爬返起身更上一層樓。

呢一種搖搖板嘅cycle永遠都會重複發生，所以你就要接受一切好壞都係暫時性；

只要你繼續行動做你應該做嘅嘢，學識平靜接受任何好與壞，你先會搵到平衡點去穿過所有呢啲時刻。

人生課堂＃4 理想嘅人生就係互補嘅人生

意思姐係話：你改善人生某一範疇嘅時候，你其他範疇亦都會改善；

掉返轉，如果你某一方面fuck up，你其他方面亦好大機會fuck up。

譬如話：當你減肥增肌嘅時候，你嘅吸引力就會增加容易溝女，性生活亦都會更加美滿；

而當你性生活滿足，你同條女嘅關係又會得到改善，令到佢更愛你；而當你感情搞得好，你搵錢又會更專心，你嘅工作效率又會增加。

咁所以你嘅人生範疇並唔係獨立斬件嘅，你做每一個決定都會影響整體大局。

呢個就係點解MTFU就係著重你每一方面嘅進步：有樣有身材，有型有健康，有女有性有愛，有錢有地位有影響力，

有社交有朋友，有得當下玩同享受，又有工作使命有將來。

咁所以你想要更多女嘅話，你就一定要成個package咁樣upgrade自己，應該純粹學game學技巧。

唔好成為一個日日做4個鐘gym，唔可以大飲大食，包晒瘡冇life嘅大隻佬；

唔好成為一個喺度狂daygame，成個人生淨係識講自己食過幾多條女嘅pickup傻仔；

唔好成為一個淨係做嘢搵錢，但係缺乏女人缺乏好玩社交嘅有錢人；

你個人唔夠多元化，你唔每一範疇都進步，你都唔係一個最有吸引力嘅男人。

Anyway巴打，今集好詳細地教咗你一系列嘅做人智慧，希望呢啲人生課堂能夠讓你有更多嘅insights，去重新審視自己嚟緊條路點樣行

如果你鍾意今集呢啲特別topics嘅話，就係即刻LIKE同訂閱我哋嘅YT channel，follow我manupmanson嘅IG，

最後留言話我知你嚟緊想睇咩內容啦！下集見！

由我哋細個開始，我哋已經被社會文化每日洗腦。

我哋呢一刻喺生存緊喺一個過度雌性化嘅社會裡面，充斥著一種『感受重要過事實』嘅氣氛。

今日想教導各位巴打極重要比較deep啲嘅嘢，我會為你揭穿5大嘅社會謊言，讓你真真正正地變得更加貼地，知道世界嘅遊戲點樣玩。

如果你鍾意今集呢啲特別啲嘅topics嘅話，就係即刻LIKE同訂閱我哋嘅YT channel，follow我manupmanson嘅IG，最後留言話我知你嚟緊想睇咩內容啦！

謊言＃1 命中注定嘅嘢，就會發生

『一切隨緣』呢句說話喺好好聽令人好舒服，但如果你信一切都係『緣份』嘅bullshit話，你就會失去自我行動嘅執行力。

冇嘢喺會就咁發生嘅，幾乎所有嘢都係有因果。你嘅life喺唔會神奇地自我修復嘅，你唔出去打拼嘅話，你嘅生活質素就一定唔會有改善。

你想要女嘅話？就要出去識女溝女。

你想要有林寶嘅話？就要出去發揮創意搵錢賺佢返嚟。

你唔肯take action行動完成工作嘅話，冇嘢會為你而發生！

謊言＃2 你天生就係一個特別嘅人

呢一刻世界有超過75億嘅人，或者有0.0001%嘅人天生就係天才嘅，咁你信唔信自己真係嗰個咁特別嘅人呢？

現實喺：無人天生就係special；你眼見所有好成功『好特別』嘅人，都係花咗幾十年嘅努力，去變成Top 0.1%，之後世人先會稱讚佢喺天才。

無錯，愛因斯坦可能真係天生聰明啲，泰臣李小龍可能真係天生身體結構好打啲，莫札特可能5歲玩音樂已經勁過你35歲…

咁但係每個人生出來都會抽到唔同嘅牌，你都會被賦予某啲『天賦』，之後就視乎你有無陪養運用佢哋，去令自己真正變成『特別』嘅人。

咁所以你有咩特別容易上手架呢？有咩你願意花數十年時間磨練呢？你肯擺effort落去嘅話，你都會成為特別嘅人。

謊言＃3 放靚女人上神台跪拜

我諗我唔需要再多講：過去70-80年嘅男士都喺幾乎由母親養大，缺乏強勁嘅雄性角色去參照，繼而令到自己出現仰慕供奉女人嘅心理病。

再加上傳媒電視電影嘅渲染，女人就係美麗與智慧嘅象徵，男人就係一啲無能／弱智／戇鳩留係屋企做住家男嘅廢柴。

簡單講，女人一樣有優劣，女人一樣會屙屎；如果你覺得佢可以解決問題嘅話，你就係問題。

學識做一個高價值Alpha男，唔好被女人誘惑你離開你嘅道路，你先能夠活出精彩嘅人生。

謊言＃4 世界喺會好關心你

殘酷嘅真相喺：世界喺無人會care你嘅死活。

冇錯，少數嘅屋企人或朋友會關心你；少數嘅同路人會喺危難時為你伸出緩手。

但世界嘅本質就係一個又凍又冷漠唔會原諒你犯錯嘅地方。

如果你唔level up自己，你就會被淘汰；

如果你等人哋去拯救你，你就係等死；

如果你等政府國家制度改變令自己生命改變，你就係痴心妄想。

世界喺無欠你任何嘢，一切你想要嘅嘢，都要靠你自力更生去賺取佢哋返嚟：

包括你嘅健康，你嘅感情生活，你嘅財富，你嘅影響力，你嘅自由等等。

只有你記得呢樣嘢，你先會成熟接地開始果斷行動，去賺取你嘅夢想返嚟。

#5 總結就係巴打：可能你呢一刻仍然相信緊呢啲謊言，要接受遊戲規則嘅真相喺好困難；

但當你能夠內化以上嘅內容，用全新嘅角度去睇世界，你先會喺人生嘅遊戲之中贏得多啲。

唔好純粹接受一啲『令你feel good舒服』嘅嘢，要學識accept what it is，完全擁抱人性與大自然無情嘅現實，咁樣你將來先會突圍而出。

你鍾意今日呢啲比較特別嘅內容嘅話，就即刻LIKE同訂閱我哋嘅YT channel，follow我manupmanson嘅IG，

最後留言話我知你嚟緊想睇咩新片啦！下集見！

做一個social嘅人，其實喺唔需要完全扭曲自己嘅性格，變成一個好假好虛偽嘅人。

做一個social嘅人，絕對可以真誠地去認識陌生人，睇下大家啱唔啱傾最後決定會否再進一步聯絡。

但可能我哋細個會因為某啲成長原因，令到我哋變得缺乏自信同人交流，最後習慣以一個特定唔social嘅模式去溝通。

我以前細個都唔係一個social嘅人，咁所以今日想同各位巴打分享，點樣可以唔需要點樣改變性格下去真實地social認識新朋友。

如果你鍾意今集topic嘅話，請你依家率先LIKE同訂閱我哋嘅channel，並且睇完之後留言話我知你想我教你啲咩啦！

＃1 第一步就係：你出去社交時要學識自我娛樂。

你social時最常犯嘅錯誤，就係嘗試講或做太多嘢去嘗試impress對方，嘗試令人覺得你好型／好搞笑／好醒目等等嘅感覺。

但係其實你嘗試打動對方，好多時都會搞到你個人好假好虛偽，最後你就會講或者做咗啲同你本質不合嘅事情。

你嘅身體語言或者其他subcommunication可能就會出賣你，最後你『好想人認同你』嘅感覺就會令人反感。

所以你嘅focus並唔應該去做騷證明自己，相反你應該去講或做一啲會令自己笑或享受嘅嘢先，令自己感覺愉快開心先，之後你就會更加自然流露自己係一個好玩，容易相處嘅人。

＃2 第二步就係：你自己正面快樂後，就可以分享呢啲正能量

當你做好第一步嘅自我娛樂，你就會set up到一個好玩正面嘅框架；下一步，就係去share呢啲正能量畀其他人。

無論係簡單嘅微笑，定係主動搞個gag去令氣氛輕鬆啲，你呢啲好玩隨和嘅vibe都會吸引到新朋友。

你唔需要擔心對方會唔會有正面反應，你需要嘅喺give more；如果其他人喺鍾意嘅話，佢哋就會pick up你嘅正能量去玩埋一份，跟住慢慢形成你哋嘅小圈子。

社交並唔係強迫人哋去接受你，社交只係提供一個機會比其他人一齊玩；如果佢無興趣或者唔知做乜鳩好撚嬲唔鐘意玩嘅話，就move on去下一個人！

＃3 最後第三步就係：接受自己，接受其他人

好多巴打好驚嘅一樣嘢，就喺社交期間會唔小心冒犯其他人。

Well，呢樣嘢有時喺冇得避免嘅，你有時的確會講左或者做咗啲人哋唔認同嘅嘢，甚至會引起一啲小衝突。

咁但係唔好因為呢啲影響氣氛嘅拗撬而驚咗social呢件事，你亦都未必需要為你嘅信念或者意見致歉。

遇上呢啲情況，最好嘅拆解方式並唔係去繼續爭論邊個啱邊個錯，或者嘗試理性討論去說服對方你嘅觀點。

最好嘅方法喺你控制自己嘅情緒，控制自己想說服人嘅話語，然後站喺對方立場去理解接受佢嘅諗法，認同佢嘅情感，最後盡快求同存異move on。

喺社交嘅時候你越喺認真探討問題，你個人就越悶越唔受歡迎。

所以casual輕鬆啲，集中自我娛樂集中輕鬆地玩，你先會更加容易識新朋友！

鍾意今集嘅話就請你LIKE同訂閱我哋嘅channel，之後留言話我知你想我教出咩片啦，下集見！

你想做一個平庸嘅人嘅話，最好就係跟返社會比大眾嘅建議。

無論係叫你一星期淨係做3次30分鐘嘅帶氧運動，定係叫你感情要專一啲要寵女仔，定係穩定啲打份好工等跳point就足夠…

當你問點解嘅時候，你身邊嘅人可能就會好nice地同你講：『我唔想見你咁痛苦啊，hurt到自己就唔好啦…』

但佢哋真正嘅意思喺『屌，你咁勤力將來成功咗嘅話，又有身材又有女又有錢，咁咪顯得我好渺小？梗係叫你抖下啦！』

咁所以『民主』對國家可能好，但對於個人個體嚟講就係最廢最冇效率嘅概念；你下下要問10個人嘅意見你先至為自己做決定嘅話，咁你就一世都唔係領袖。

＃1 我以上講嘅嘢同今日topic『我好自卑…點算？』有咩關係呢？

Well 因為最近有位巴打同我講自己做人有啲自卑，問我應該點樣解決自己嘅自卑感。

佢話自己以前讀名校，大學都係讀專科…但見到個個成績咁勁，覺得自己好難成功過佢哋；

而且出面有啲讀書唔叻嘅人溝女好似好多咁，所以自己好似邊方面都冇乜信心可以突圍而出，唔知點算？

巴打, 解決自卑感嘅唯一方法，就係要變成一個有優越感嘅人。

要做有優越感嘅人，就除咗要重視自己價值之外，更加要實質地行動去建立你嘅價值，去build value去變成一個卓越嘅人上人。

＃2 所謂嘅『人人平等』嘅概念，根本就係為免hurt到玻璃心嘅社會大話。

任何部落任何有人嘅地方，就係弱肉強食，就係有競爭，就係有高低之分，就係有少數Alpha大量Beta。

咁所以如果你真係討厭自己嘅自卑感嘅話，咁就唔該你空閒嘅時候與其諗咁多，不如做多啲成為多啲去become better。

如果你咩都唔做嘅話，你又細粒又無體能又唔識打交，又樣衰又毒又唔打扮，又懶又窮又唔肯大膽識女仔嘅話，

邊個見到你都會鄙視你，笑鳩你，蝦鳩你，揼柒你啦係咪？

咁所以呢唔想自卑？

就爽手啲執行你嘅行動大計，忽視其他大眾喺度hea嘅人，去各方面upgrade你自己，令到你變成一個有資格受尊重嘅人！

對於男人嚟講，尊重唔係天生嘅特權；對於男人嚟講，尊重喺必須透過奮鬥完建立到實質價值，你先會賺取到女人同世人嘅尊重！

＃3 當你見到強過你，勁過你，叻過你，型過你，有魅力過你，有錢過你成功過你嘅人嘅時候，你有兩種選擇：

一，討厭佢哋，一味批評佢哋有咩缺點，晚晚開live做一個KOL評論員。

二，對佢哋嘅成就產生好奇感，諗下究竟點解佢哋可以咁全能咁勁？思考下人哋表面咁風光，背後喺付出咗啲乜嘢？同埋你又可以點樣從呢啲特質之中學習，令自己都變得更加強？

世界只有兩種人：一種喺繼續自閉嘅懶人，

另一種好似我哋The Kings Club裡面嘅皇者，選擇刻苦耐勞，選擇不斷行動，選擇變成有優越感有自信有substance嘅人。

巴打，你又會點樣選擇呢？

Like完之後喺下面留言話我知，我哋下一集再見。

有潛質當然喺好事啦，但任何嘅talents都只能夠比你有更前嘅起跑線開個靚頭；最後你贏唔贏到，都係視乎你過程有幾勤力捱苦地去操練，先至有機會贏。

今日嘅片，就係想簡單地解釋俾各位巴打聽，點解對於大部分人嚟講，hard fucking work喺重要過所謂嘅天賦天資。

＃1 任何有價值可以得到嘅嘢，都係需要將隻遊戲調教到crazy mode打大佬，你先至可以獲得罕有嘅成就。

好多時我哋人生遇上嘅都有3種人：天生有talent嘅人，一啲比你早起步磨練高技術嘅人，同埋一啲純粹靠意志操練有慾望某日成為贏家嘅人。

頭兩種嘅人都係一啲比你早起步嘅人，但喺如果佢哋唔能夠長時間辛苦地繼續堅持落去，佢哋一樣唔會贏。

所有贏家嘅共通點，就可係佢哋無論有幾多或者幾少嘅潛能，佢哋都係願意長時間捱苦，長時間磨練，長時間年復年咁樣行動，最後先會成為勝出嘅人！

＃2 咁所以有潛質只係bonus，但係潛質喺唔能夠代替痛苦嘅磨練。

好多時，只有一啲心知道自己天生無優勢嘅人，佢哋先會有動力去比起其他幸福嘅人發奮圖強，先會願意喺冇咩光明出路下去捱苦，最後透過時間打贏一啲原本有天生優勢嘅人。

當然一個有潛質又肯捱嘅人，就會成為勁人之中嘅勁人啦；但係純粹依靠天賦喺唔足夠。

＃3 史丹福大學心理學教授Carol Dweck 喺著作《心態致勝》呢本書裡面講過話人有Fixed Mindset 定型心態 VS Growth Mindset 成長心態。

定型心態嘅人相信能力或者本質喺固定，而成功喺一早注定；相反，成長心態嘅人就認為成功可以透過努力同培訓，隨時間逐漸發展得嚟。

咁所以fixed mindset嘅人畏懼並且無法面對失敗，所以佢哋會避開新挑戰同機會；但growth mindset嘅人就願意從挫折中學習，唔會喺困難／機會面前退縮，最終成功。

巴打你嘅mindset又喺邊種呢？你相唔相信可以透過努力改變，忍受痛楚，最後會成功呢？

＃4 咁所以巴打，今集嘅重點好簡單：如果你天生背景無咩優勢／體格又唔係特別高大威猛，而你又想各方面贏嘅話；

你就更加無籌碼去懶去hea去頹，你就更加要 live in urgency，每日有危機感地去快速行動，努力地打拼你先可以反敗為勝！

喺最高level嘅比賽或者爭鬥之中，好多有天賦嘅人未必能夠『遇上極艱難時期需要長時間捱苦堅持』，但你勤力打拼捱慣苦嘅話，你喺呢啲關鍵時刻就可能贏到佢。

好好勤力品嚐痛苦嘅過程啦，因為勞苦工作同成功永遠都有密切關係！