分類: 成功

無人鐘意活一種悶爆嘅life，我哋都想早啲刺激啲，極端啲，有挑戰性啲，滿足到情感同心靈上需要嘅事情。

社會會典型地叫你專注學業，搵份收入穩定嘅工，跟住結婚生仔照顧家庭…

如果你滿意一種平庸嘅life嘅話，你照咁做係冇問題嘅；但如果你想人生精彩啲，將來有多啲故事分享嘅話，以下有5樣各位巴打必須要盡快經歷的事情，因為你做咗嘅話先會改變到你嘅世界觀。

如果你鍾意今日呢啲topic嘅話，就請你即刻LIKE同訂閱我哋嘅YT channel，follow我manupmanson嘅IG，睇完後留言話我知你嚟緊想睇咩內容啦！

＃1 你必須盡快一個人去旅行！

如果你驚一個人去旅行嘅話，咁樣好大機會你而家係無移民嘅諗法；但如果你夢想喺想將來環遊世界嘅話，自己一個去一個短trip其實係一種好好練膽量嘅方法。

喺外國無人無物無朋友嘅經歷，係一種好好嘅experience去發掘自己性格嘅另一面，你會更加了解自己，你會發現你嘅靈魂想要咩。

未必係要去working holiday嘅，儲到錢嘅話，自己一個plan去5-10日嘅trip，你就會好快學識咩叫做獨立。

如果可以嘅話，試下自己一個住係外國幾個月，因為你會學識點樣唔依靠父母朋友生存；呢啲經歷，絕對唔係學校喺書本上可以學到！

＃2 你必須盡快自己一個人住！

如果你做到第一點嘅話，基本上第二點你都會做到。

但就算你成世無去過旅行，當你自己一個人搬出去住，你都會發覺你有更多空間同時間去了解自己，去沉思自己嘅人生，去依靠自己處理問題，係每個男仔成長成為男人必須經歷嘅成人禮！

千祈唔好做嗰啲結咗婚都要住係父母屋企，甚至叫條女搬埋過嚟自己屋企嘅人；你一日無自己嘅independence，你一日都唔會培養到自己自豪嘅自信！

＃3 你必須盡快失敗多啲，因為失敗就係成功嘅腳踏石

正如我係第72集Man Talk所講，只有你跌落谷底忍受夠煎熬，你先會有更大動力去爬起身變成一個傳奇人物。

當然你穩穩定定打工結婚生仔嘅話，你一世都可能唔會感受過失敗；

但如果你想人生擁有更多嘅話，你就要經歷一啲身體同心理上嘅大挑戰，透過不斷嘅失敗課堂，去累積智慧創造成功。

所以我推介各位年輕巴打用你嘅創意，去嘗試免費或者最多幾千至幾萬蚊內創業，提供透過你嘅服務解決市場上嘅需要，試下唔依靠一份工搵到少少錢。

當你成功創業搵到幾十蚊嘅時候，你就會有全新嘅insights去睇咩叫做『工作』，你就會得到啟發去脫離傳統打工嘅思維。

＃4 你必須盡快脫離城市，親身感受大自然！

科學家透過腦掃描發現，當我哋放自己喺大自然嘅時侯，我哋嘅情緒會平靜穩定啲，會更有能力去愛去身同感受，精神爽利啲，同埋無咁大壓力。

咁所以每個星期或者至少每個月，你都要盡量放自己係市區外嘅位置，讓你感受到自己有幾咁渺小，令你更有perspective平靜地看待你日常嘅小事。

如果你想進一步刺激啲嘅話，爬山／滑真嘅雪／露營／潛水呢啲都會讓你發掘更多世界有趣嘅一面。

＃5 你必須盡快被女hurt經歷傷心嘅痛楚！

冇錯，雖然MTFU教你嘅嘢就係防止你做啲兩性錯誤嘅嘢；但如果你無戀愛經驗嘅話，你係好難明白我所教你嘅智慧。

咁所以與其你睇唔到呢啲智慧同價值，不如我鼓勵你盡快fvck up你第一段初戀關係，等自己痛不欲生幾個月甚至一兩年先，咁樣將來你先會準備好改變自己Beta嘅行為。

所以試下愛上錯嘅女人，試下俾女cheat嘅感覺，咁樣你將來就唔會再驚呢啲情感，你先會意識到男女對弈喺需要根據潛規則去玩，你先會可以攞到你想要嘅嘢！

＃6 Anyway巴打，我同你都想要精彩嘅人生。

以上呢到都係擴闊你視野，成為一個更強男人必須經歷嘅事情。無論你十幾定係四十幾歲，未做過嘅話就快撚啲去試下啦，做完之後返嚟話我知你嘅體會！

你鍾意睇多啲今集相關嘅topic嘅話，就請你即刻LIKE同訂閱我哋嘅YT channel，follow我manupmanson嘅IG啦，

有咩問題就下面留言話我啦，我哋下集見！

最近無意中睇到一封3月份嘅email，見到一位叫阿Keith嘅巴打們問我關於時間管理嘅嘢。

簡單講，佢好好奇點解我做嘢可以咁有效率，咁密出片，每日又寫全新嘅newsletter，又有咁多咁正嘅trainings，又有時間coach咁多Kingsman巴打等等。

唔知阿Keith你而家係咪睇緊呢段片啦，但如果巴打你都想有效率做多啲嘢，想快啲成功嘅話，我諗今日分享比你最簡單嘅小tricks可以幫到你。

如果你鍾意今日呢啲溝女以外嘅特別topic嘅話，就請你即刻LIKE同訂閱我哋嘅YT channel，follow我manupmanson嘅IG，睇完後留言話我知你嚟緊想睇咩內容啦！

＃0 首先係我分享最簡單實用嘅方法之前，我想巴打你明白成功嘅其中一大秘密，認真係講緊你點樣看待+有效率地善用你嘅時間。

大部份人都低估咗自己時間嘅價值，唔願意認真投資時間係正確嘅地方，最後就犧牲自己無限嘅夢想。

每個成功嘅人都會對於『點樣成功』都有唔同方法渠道或者意見，但全世界所有人嘅共通點，都係大家每日只有24小時。

咁所以無可爭議嘅真理就係：你點樣花你嘅時間係一定會決定你嘅將來。

如果連你自己都唔重視唔珍惜唔保護你嘅人生財產嘅話，咁你覺得你條女／你嘅朋友／出面嘅陌生人又會唔會呢？

咁所以無論你而家幾多歲，唔好再怨恨你30年前點樣虛度人生，犯過啲咩錯，因為呢啲嘢都唔重要，唔好再嘥時間做therapy講你嘅過去。

你想成為有價值有吸引力嘅somebody，你想成為人生贏家嘅話，我而家就分享3個白痴方法去倍增你做嘢嘅效率！

＃1 你平時所謂『放工／得閒／空餘／available』嘅自由時間，至少一半都應該係投資係一啲令你成長嘅活動裡面。

Free Time並唔係free time嚟架，你運用嘅每一分每一秒都係有機會成本，都係擁有潛在價值。

睇Netflix，打機，睇AV，睇蘋果動係好好玩好好笑嘅，但係呢啲『嗜好活動』除咗比你即時嘅多巴胺快感之外，根本俾唔到長遠有意義嘅回報比你。

你想成功嘅話，科學都證明咗你要有能力去『捨棄即時享樂』，去delay instant gratification。

咁所以我自己係無做以上嘅嘢已經N年，我嘅所謂Free Time，唔係去做gym學拳，就係睇工具書學嘢，又或者上course上seminar，又或者同其他成功嘅人傾計交流。

巴打你如果能夠將你平時『得閒』嘅兩三個鐘都咁樣做嘅話，你成長得快，自然做嘢效率都會增加。

＃2 唔該唔好再每10分鐘就撳電話！

每一次你係度聽電話，玩電話，撳下app，覆下messages，你記得都係將你嘅集中力完全摧毀，將原本行動緊嘅momentum消滅。

咁有咩解決方法呢？就係將你電話調較去靜音模式，同埋有需要就較去飛行模式，跟住將你部電話掉轉螢幕向下，甚至放喺10米範圍外嘅位置，一個鐘後搞掂某個task先去check。

坦白講：你而家唔係重要到秒秒鐘幾百萬上落，冇嘢係唔可以等一個鐘後先注意或者回覆…

搵得你嘅人，99.9%都唔會因為得唔到你即時嘅注意力而會死，甚至某啲根本就係嘥時間嘅人。

所以唔好比機會人哋浪費你生命，你一定要搞掂你當日最重要令你有進展嘅工作之後，你先好係特定時間回覆呢啲次要嘅嘢。

唔好奉旨俾時間人哋，你唔重視嘅話，你嘅life就會係咁先。

＃3 第三個小策略就係：每晚瞓覺前花10分鐘plan好你第二日嘅3大目標，起身後再發5分鐘熟讀你當日嘅時間表。

唔好睇少呢樣好似好簡單嘅嘢，因為每次我無咁做去focus喺某幾樣目標嘅時候，我嗰一日都會好似遊魂咁樣，乜撚嘢都做唔到。

學校做得啱嘅地方，就係由細培養有schedule做嘢守時嘅習慣。

咁所以你而家出嚟做嘢，你都要有個人嘅schedule，將你每日最重要嘅嘢做先，然後將時間斬件去處理特定嘅細tasks。

看待你嘅時間就要好似見客或者business meeting一樣咁認真，因為你時間用得啱就係令你更快有錢嘅方法。

ANYWAY，總結就係：全世界人類都係得24小時，你點樣運用你嘅人生資源就會決定將來過咩日子。

好好利用以上3種最簡單嘅方法，你就會可以係限時之內更有效率做更多。

如果你鍾意睇多啲今集相關嘅topic嘅話，

就請你即刻LIKE同訂閱我哋嘅YT channel，follow我manupmanson嘅IG啦，下面留言話我知你仲有冇咩管理時間嘅困難啦，我哋下集再見！

巴打，睇緊今日呢段片嘅你，好可能係廿歲左右階段嘅年青才俊。

係呢個階段，你可能間唔中就會問下自己究竟人生意義係啲乜嘢？唔知道自己嚟緊要做乜，每日都好迷惘，有好多疑問同挑戰。

事實係：廿歲左右既男仔，好多時都好迷失唔知自己將來要做乜。

父母社會老師朋友都甚少鼓勵佢哋勇敢行自己嘅路，好多時都係叫你人云亦云讀書搵工結婚生仔。

雖然我唔可以代替你解答『你人生應該做啲咩』，你一定要靠自己搵到答案；但今日我想同你分享3大原因點解你呢一刻咁迷失，讓你更清晰下一步可以做啲咩。

如果你鍾意今日特別啲嘅topic嘅話，就請你即刻LIKE同訂閱我哋嘅YT channel，follow我manupmanson嘅IG，睇完後留言話我知你嚟緊想睇咩內容啦！

＃1 你迷網最常見嘅原因，係因為你利用學校／讀書作為藉口，逃避係現實社會工作打拼。

好多人都會講話『想整靚份CV』所以想繼續讀書，搞到廿幾三十歲都未做嘢；

但現實係：僱主或者市場係唔care你讀咗咩degree，最重要嘅係你做到成績幫公司搵到錢，或者係市場上解決到問題創造價值。

好多人讀master或者phd，完全係因為驚脫離學術世界之後唔知自己做到啲乜嘢；

但你想成功，你想盡快搵到人生意義嘅話，你就要出嚟了解搵錢賺錢究竟係一回咩事，因為冇嘢係比起現實攞經驗更加實用。

所以除非你好清晰你將來搵錢嘅方法係需要某某degree，比如醫生律師會計師，否則你再讀書都係嘥時間。

＃2 第二種你迷網最常見嘅原因就係掉返轉，你可能唔太care你嘅學業成績，但係就沉迷於紙醉金迷嘅娛樂世界。

意思姐係話：你變成一個極端嘅消費者，你知道晒所有吃喝玩樂嘅潮流，你睇晒最近有咩最hit嘅電視電影劇集，你完全知道邊個明星巡迴演唱會，或者電音節幾時喺邊度舉行…

有咁樣嘅觸覺唔係壞事，至少你個人咁好玩都大機會啲溝女；但不知不覺地你就會成為consumer而唔係producer，你唔識得生產嘅話，你永遠就唔會活一個成功+有意義嘅生命。

所以每次你要做決定嘅時候，試下問下自己：『究竟呢樣嘢係咪令到我變得更有自信，令我更快達到我嘅個人目標呢？定係呢種行為即係係度止緊血，繼續逃避唔去成為我想成為嘅人呢？』

咁樣你就知道咩對你長遠有益或者無益。

#3 第三種你迷網嘅常見原因，就係因為你進入咗錯嘅男女關係裡面

Relationships就係會消耗你嘅能量時間，兩樣都係你人生最重要嘅資產。

太多年輕男仔都係未了解兩性遊戲之前，就盲中中進入排他性嘅拍拖關係，不斷虛耗能量時間係一個『以為會一生一世』嘅女人上面。

唔好彩嘅話，廿幾歲就做爸爸，最後你一生嘅夢想都會因為『家庭責任』而毀於一旦。

坦白講，廿幾歲嘅你99%嘅時間都係會揀錯女人，你會誤以為『鍾意有feel』就代表條女係合適嘅長遠伴侶。

再加埋你拍拖每次分手嘅dramas，你廿幾歲嘅歲月就係咁樣虛度過，最後就會出現迷惘唔知自己做乜嘅惡果。

＃4 咁所以講左咁耐，巴打你應該做啲咩去脫離呢啲迷失嘅狀態呢？簡單講：

第一，你要對自己坦白，抽時間坐係度睇下自己究竟鍾意啲乜嘢／關心啲乜嘢，跟從你好奇有興趣嘅嘢發掘自己，塑造自己個人嘅使命。

究竟你死之前想做啲咩呢？如果你有一億身家嘅話，你而家會即刻做啲咩呢？如果你可以將你嘅熱誠化為事業，你又會做啲咩呢？

第二，你要學識同時享受當下，又要計劃未來。

好有效嘅一個方法就係問下自己：如果我仲有50年命，我會點樣塑造我嘅lifestyle呢？與此同時，如果我得返50日命，我又會做啲乜嘢令自己死而無悔呢？

然後以兩種截然不同嘅態度去同時生活。

第三，擁抱改變，擁抱不確定性，無信心都要繼續行動繼續試繼續行。

達到夢想係需要時間，成功成就係需要耐性。

唔好妥協於yolo fvckboy嘅嬉皮士生活，唔好妥協於淨係讀書做嘢賺錢無life嘅生活，更加唔好妥協於未如理想嘅兩性感情。

繼續捱苦前進，繼續勤力打拼，繼續好高騖遠地做啲少人做嘅嘢，你先可以離開羊群，你先可以離開中產嘅average，你先會改變到自己同人哋嘅生命。

今集好長，如果巴打鍾意並且想我講多啲類似今集內容嘅topic嘅話，就請你即刻LIKE同訂閱我哋嘅YT channel，follow我manupmanson嘅IG啦，下集見！

恐懼失敗嘅感覺，好多時都係恐怖過失敗嘅嗰一刻。

如果你未開始做你想做嘅嘢，容許『恐懼失敗嘅感覺』支配自己行動力嘅話，咁樣你永世都唔會成功。

究竟我哋可以點樣征服呢種『害怕失敗』嘅感覺呢？

今日我就會分享最直接嘅方法解決呢個問題，幫你重新詮釋『失敗』嘅意思，明白failure嘅珍貴之處！

如果你鍾意今日特別啲嘅topic嘅話，就請你即刻LIKE同訂閱我哋嘅YT channel，follow我manupmanson嘅IG，睇完後留言話我知你嚟緊想睇咩內容啦！

＃1 失敗嘅出現，其實係用嚟測試你幾有決心擁有某樣嘢。

如果無失敗嘅話，我哋就搵唔到邊啲人嘅慾望係真，邊啲只係吹水狗噏下。

咁所以你人生遇上嘅所有『圍牆』係有目的嘅；

無論係女人嘅shittest，定係你未成功嘅事業，定係你未達到6舊腹肌嘅目標…

…難以攀越嘅高牆，就係用嚟證明你有幾想一樣嘢，去阻嚇一啲唔認真嘅人，去分開一啲真正想成功嘅人。

下次遇上失敗嘅時候，請巴打記住呢個畫面，你就會知道呢幅牆係用嚟啟發你穿過佢，而唔係叫你後退返屋企。

＃2 失敗經歷嘅功能，係用嚟俾你將來分享有啟發性嘅故事。

成功故事固然係好聽，但當我哋知道某啲天生有缺憾，或者處於劣勢嘅人由低谷走到頂峰嘅話，我哋就會覺得更加激發人心。

如果JK Rowling唔係單親媽媽嘅話，哈利波特唔會咁好賣。

如果愛因斯坦四歲都唔識得講嘢，以前嘅老師唔係話佢『一無是處』或嘅，我哋就唔會咁欣賞呢位天才。

如果肯德基伯伯唔係六十二歲先至創業成功嘅話，我哋都唔會覺得佢係傳奇。

所以如果巴打你而家所謂『失敗緊』或嘅，你要知道呢種劣勢同時亦都係一種優勢，係一種動力逼你快撚啲去做緊多去贏。

輸到貼地，亦都代表你無嘢再輸；咁你咁貼地都唔利用佢彈返起身嘅話，幾時先會？

＃3 失敗其實係所有成功人士嘅共通點！

所有家傳戶曉嘅傳奇人物，基本上未出名之中都經歷過無數失敗。

愛迪生試咗超過一千次先至整到電燈膽…

二戰大戰英國首相邱吉爾原本係一個被人認為係痴線嘅政客，直至佢擊敗希特拉…

華納迪士尼原本係報館被主編輯批評為缺乏創意，直至佢整咗Disney嘅王國…

Michael Jordan係中學校隊被淘汰，直至佢被認為係史上最偉大嘅籃球員…

咁所以失敗其實只係話你知你所做嘅嘢係難係有價值，係你繼續學習成長進步嘅機會；只要你唔放棄並且改變策略嘅話，長遠你先會成功。

Anyway巴打，無論我同其他成功故事點樣啟發你，最重要都係你要問自己幾條問題：

就係你口講嘅目標究竟有幾重要呢？

究竟你願意付出幾多去堅持，去不斷失敗不斷試直至成功呢？

究竟你願意放棄幾多藉口，去get shit done直至見到成績呢？

你真心唔滿意現狀，你真心受夠嘅話，你就會搵到無限原因去繼續行，你就會忙到『唔記得咗驚失敗』嘅感覺，你就會achieve到你想要嘅嘢。

如果你鍾意今集嘅topic嘅話，就請你即刻LIKE同訂閱我哋嘅YT channel，follow我manupmanson嘅IG，之後留言話我知你嚟緊想睇咩內容啦，我哋下集再見！

『應唔應該溝你好朋友嘅前度女友』呢條問題，之前有啲巴打都問過我。

Well…基本上，你兄弟掂過嘅女人，只要你知道佢哋曾經嘅關係，你都唔應該再掂。

因為男人係有領土意識嘅，我哋係唔鐘意身邊嘅人攞走我哋感覺屬於自己嘅嘢；

當你嘅兄弟決定捨棄某啲冇價值既野，你有道義嘅話你係絕對唔會執二攤，冒險破壞你同你兄弟嘅關係。

出身入死嘅好兄弟係極難建立，但正嘅女人係相對容易搵到，所以99%嘅情況你都唔需要諗，唔好咁做，溝其他女好過。

但係有1%嘅灰色地帶係你咁做未必有問題，而你嘅兄弟亦可能無所謂。

究竟係邊啲例子呢？以下就會列舉一係列特殊情況比你！

＃1 呢條女只係你朋友普通Casual性關係嘅女人

如果呢條女只係你個frd其中一個唔認真嘅SP，大家只係玩玩下嘅話；咁你同你嘅frd可能都無所謂分別溝呢條女。

＃2 呢條女係你朋友嘅小學中學同學

如果呢條女係你個frd N年前嘅一條女，一個舊到連佢自己都唔記得嘅初戀情人，咁樣可能佢都無乜所謂你溝佢。

但係如果呢條前菜係一個最近同你frd分手嘅人嘅話，咁就唔好咁做，因為成件事就好有出賣朋友嘅感覺，幾年都唔好同嗰條女有任何形式嘅關係啦。

＃3 任何傷過你朋友心嘅女人，你都唔應該掂。

正如頭先所講，除非過咗5年10年你嘅朋友已經對條女冇感覺不在乎；否則短期內你搞條女，就係背叛你嘅frd，千祈唔好做呢啲嘢。

但係如果掉返轉係你朋友好開心地分手唔要條女嘅話，或者你之後溝條女就相對ok。

＃4 一定唔可以掂嘅，就係一個同你frd結過婚嘅女人。

如果你朋友戇居居同某條女結咗婚，雖然佢係白痴，但佢基本上以前一定係非常鍾意條女。

咁所以就算佢哋離咗婚，你之後勾前義嫂，成件事感覺都有啲錯。除非你朋友委託你去報復，否則都唔好做呢件事。

Anyway 巴打，講左咁多幾時可以溝，幾時唔好溝嘅特殊例子，其實最重要都要問自己一個問題：

世界上咁多女，點解係都要溝／搞你朋友掂過嘅女人呢？

坦白問下自己：你係咪真係同嗰條女特別夾，定係根本只係你懶唔去識其他女，貪就手就搞附近嘅女呢？

即使係某啲特殊情況你同你個frd都認真無所謂，你有選擇嘅話，又使乜咁複雜去煩去諗溝唔溝呢條女呢？

你重視你嘅友誼，你想維繫兄弟情嘅話，就100%唔好搞任何你朋友掂過嘅女人。

每次你知道呢啲前度關係，就即刻next咗條女去揀其他；

咁樣嘅話，你先至係一個可信賴有價值嘅朋友，咁樣你先可以同其他男人繼續建立更多更珍貴嘅嘢。

如果你鍾意呢個topic嘅話，就請你即刻LIKE同訂閱我哋嘅YT channel，follow我manupmanson嘅IG，之後留言話我知你嚟緊想睇咩內容啦！

下集見，peace！

有毒嘅朋友，無論佢哋對你幾好或者幾咁關心你，都係對你嘅人生有負面影響。

雖然某啲毒性朋友有時會令你開心快樂，可能會add到少少value落你到，但長遠都會製造更多麻煩，唔值得keep。

今日就想分享7種你唔應該有嘅仆街毒性朋友，讓你知道點解唔好要佢哋。

如果你鍾意今日嘅topic嘅話，就請你即刻LIKE同訂閱我哋嘅YT channel，follow我manupmanson嘅IG，睇完後留言話我知你嚟緊想睇咩內容啦！

毒性朋友＃1 永遠都係講負面嘢嘅人

無論有咩好事發生係你身上，呢種人總係鐘意指向有咩負面嘢發生。

你升職嘅話，佢會同你講嚟緊會忙爆好大壓力；你有女嘅話，佢會令你記得以前你點樣係情場上失敗；你買咗新車嘅話，佢會話你投資錯誤應該買第二款。

總之你好開心講咩正面嘢，佢都會一盤冷水淋落你嘅熱火，搞到你冇晒mood；所以呢種咁negative嘅朋友唔要好過！

毒性朋友＃2 極度自我中心嘅人

雖然每個人都係自私顧自己，但呢種毒性朋友就係將所有對話聚焦係自己身上嘅人。

無論大家傾啲咩，佢仲係覺得自己嘅人生重要過你，而你就要成日聽佢講自己嘢。

呢種根本唔係朋友，因為佢根本對你嘅life冇興趣，所以你無需要keep住呢啲泛泛之交嘅關係。

毒性朋友＃3 成日講大話嘅人

朋友嘅關係係建基於信任，如果你發現你所謂嘅friend係有講大話嘅習慣；無論佢係對住其他人講定係對住你講，佢永遠都唔會成為誠實可以信任嘅好朋友。

因為面對著呢啲『冇句真』嘅人，你永遠都要估估下，你永遠都唔可以係危難時依賴佢幫手，咁所以對住啲『病態大話精』又點會做到朋友呢？

毒性朋友＃4 只有問你攞嘢，但唔會作出回報嘅人

朋友之間係唔應該計較咁多嘅，而你識朋友亦都應該以一種行先give value嘅心態去做friend。

但有時你會遇上一啲淨係想take value嘅人，有時要求就搵你幫手，但好多時又唔見佢點樣對返你好，甚至次次都expect你幫佢。

咁所以當你發現give咗幾次value人哋，佢都唔會俾返少少價值你嘅話，咁你就要避免value sucker嘅人。

毒性朋友＃5 (好重要!) 同你爭女嘅人！

如果你身邊有『朋友妻咪走雞』嘅仆街嘅話，你根本就唔使諗應該斬斷呢啲毒性關係。

因為男人之間係行榮譽制，而真正嘅朋友係會幫你係你條女面前美言你嘅事跡，而唔係仆街地笑下你／陰毒地中傷貶損你名聲／甚至搵機會偷走你嘅女人。

所以你發覺你條女同你某個男性friend太close嘅話，呢條友絕對唔係你嘅朋友！

毒性朋友＃6 咩都矯正你嘅人

巴打你有冇遇過一啲成日係你身上矯枉過正嘅人呢？

無論係你講錯咗某啲嘢，定係你搞錯咗某啲details，呢種不斷fact check你說話正確性嘅人係好撚煩。

佢之所以咁做，可能係因為佢需要不斷顯示自己嘅知識智慧，所以佢鍾意指出他人錯誤去成為『全知全能』嘅人。

對住呢啲大事小事都要矯正你嘅煩膠，換個啲心理平衡啲朋友啦！

毒性朋友＃7 八公嘅朋友

所有係你背後講你食完嘢嘅八婆八公，中意用你嘅私人分享作為社交話題嘅賤嘴，絕對係一啲守唔到秘密嘅仆街。

佢哋係唔會對你忠誠，因為佢哋鍾意令到自己cool啲，所以你同佢講過嘅任何嘢將來都會成為其他人嘅話柄，佢絕對冇資格同你交心！

Anyway 巴打，以上就係7種男人唔應該keep嘅毒性朋友。

隨著你成長，你會發現其實好多以前你enjoy一齊玩嘅人，都唔係一啲對自己身心健康嘅人，甚至喺隨時會背叛你嘅危險人物。

好嘅朋友唔需要多，一兩個永遠會撐你，永遠唔會背叛你，有需要時會幫你嘅人已經好難得。

所以快啲檢視下你而家嘅friendlist啦，好可能有7/8成都係需要切割分離！

如果你鍾意呢個topic嘅話，就請你即刻LIKE同訂閱我哋嘅YT channel，follow我manupmanson嘅IG，之後留言話我知你嚟緊想睇咩內容啦！

下集見，peace！

上年我就出過一段片叫做 “為何『做返自己』令你溝唔到女？”，解釋點解『做返自己』喺唔能夠令你溝到女，因為你會好容易喺度鳩等條女，覺得上帝早已為你預備你嘅人生。

今日我就想進一步同各位巴打解釋，喺咩時候應該做返自己，但咩其他時候唔好做返自己，讓你學識平衡兩者嘅狀態，有效正面地得到你人生想要嘅嘢。

咁所以如果你鍾意呢啲deep啲嘅topic嘅話，就請你即刻LIKE同訂閱我哋嘅YT channel，follow我manupmanson嘅IG，睇完後留言話我知你嚟緊想睇咩內容啦！

＃1 『做返自己』呢個建議，其實喺同時最好亦都喺最差嘅建議。

因為如果你仲係一個30歲甚至35歲以下嘅青年才俊，或者啱啱讀完書出嚟做嘢，如果你真係聽人講類似『溝女最更要做返自己』嘅話…

你就會下意識搵好多藉口繼續懶惰，繼續唔去改善自己每一方面，未來數十年繼續滯留喺同一位置。

但係如果你喺一個已經主動努力地行動咗十多年去改善自己嘅人，有積極貫徹MTFU嘅價值觀去令自己成為一個擁有實質價值嘅男人嘅話，

咁樣『做返自己』可能就適合你，因為你已經有行動改善嘅習慣。

＃2 譬如話：對住一個18歲嘅年輕男仔講話『做返自己唔好理啲女就會溝到佢』，就係最差嘅建議。

因為呢條𡃁仔好可能喺一個又唔理會自己健康，又毒淨係識打機，又鍾意洗晒啲錢去買潮牌，又覺得無需要學習兩性對弈智慧嘅人；

你叫佢『做返自己』嘅話，佢就唔會有一種growth mindset／成長心態，佢就會繼續做一個一無是處嘅真廢青。

咁所以叫一啲人生唔成功嘅人『做返自己』嘅話，根本就係比藉口佢唔去改變，咁佢又點會投資時間金錢去強化自己身體，去學習操控自己情緒，去整型自己溝多啲女，去學習唔同嘅技能增加搵錢嘅能力等等呢？

所以『做返自己』喺絕對唔足夠嘅，你未去到成功贏盡一切嘅一日，你都要盡力去演化成長，去upgrade自己身體，大腦思維，兩性智慧，情感控制，生活質素，社交圈子等等嘅元素。

＃3 掉返轉，當你已經開展咗10幾年嘅自我進修嘅道路，你好可能已經喺愛上呢種不斷進步嘅習慣，你好可能已經習慣每日做運動，

有自己嘅生意，有繼續game女並且keep住幾個忠誠嘅女朋友，有繼續學習人類心理等等…

…喺咁樣長時間嘅浸淫下，叫佢『做返自己』就會喺一個唔錯嘅建議。

因為對於呢啲差唔多上到岸嘅成功人士，有時佢哋就要學識放鬆啲，否則佢哋太過沉迷變得完美嘅話，

好多時就會失去活在當下去享受一下嘅能力，最後再老啲就會miss out好多珍貴嘅回憶。

去到嗰啲階段，你就可以更加接受自己，接受自己永遠唔會完美，接受釣勝於魚，學習去放下結果，享受更多過程。

＃4 重點係巴打：人生就係充滿矛盾，你一方面要向住目標努力打拼，另一方面都要學識享受捱苦嘅過程；

你一方面學習時要謙虛，另一方面又要有『過份自信』嘅心態去溝女。

所以你就要學識『做返自己』，將自己唔好咁假成日戴面具溝女或做人；

但同時亦唔好『做返自己』，要好似做戲咁樣去act as if 你係一個比起你而家更成功更有吸引力嘅男人，咁樣你先會擴闊到自己嘅性格同能力，將來先會真係習慣有吸引力地『做返自己』。

唔好完全唔改變一事無成，亦都唔好太沉迷改變而忽略當下嘅一刻；

永遠要改善，同時要永遠接受唔完美嘅自己；

你可以將呢啲矛盾嘅概念並存嘅話，你就可以真真正正成為最強版本嘅自己！

你鍾意今集mindfvck你大腦嘅特別topics嘅話，就係即刻LIKE同訂閱我哋嘅YT channel，follow我manupmanson嘅IG，最後留言話我知你嚟緊想睇咩內容啦！我哋下集見！

回望返過去10年，我發現自己都學咗唔少關於人生嘅大小課堂；某啲課堂喺我自己返過嘅錯，某啲就係睇住其他人犯錯而學精咗。

今日我分享俾你嘅人生4大課堂，正嘅地方就係因為呢啲原則喺可以應用喺你人生各方面：

健康，溝女game，mindset，情感狀態，做生意搵錢等等。

所以你醒目嘅話，就好好細心咀嚼今日教你嘅嘢；而如果你鍾意今集呢啲特別topics嘅話，

就係即刻LIKE同訂閱我哋嘅YT channel，follow我manupmanson嘅IG，最後留言話我知你嚟緊想睇咩內容啦！

人生課堂＃1 每個你遇上嘅人都只係過客

一樣好痛苦必須接受嘅現實，就係隨著你嘅成長，你會開始發現自己身邊嘅人有時會好頑固地唔肯改變。

你要學識接受嘅喺：你喺無辦法逼人哋去改變，你喺無辦法影響一啲唔想被影響嘅人。

無論喺你嘅父母親戚，兄弟姊妹，朋友…就算你有好嘅意圖去希望啟發佢改善自己嘅life，如果佢唔想嘅話，你都喺無辦法迫到佢『為自己改變』。

咁所以你要學識：如果你比起對方更加關心佢嘅利益嘅話，你只會喺自討沒趣，你只喺令自己嘥時間徒勞無功。

成長就係需要你放下某啲舊關係，只有你接受『幾乎所有人都唔會陪你走到最尾』，你先會珍惜大家相處過嘅時間，你先會真正接受每個人嘅好與壞。

人生課堂＃2 原則喺重要過技巧

無論喺做gym，定係學溝女，定係社交識朋友，定係工作賺錢，定係學功夫打交，每一個範疇都係有通用嘅原則去令你成功。

只有你知道某啲principles，你就會創造到無限techniques；但如果你淨係得技巧而唔明白背後原則，你就好難成功。

譬如話溝女：唔好whatsapp得咁密／搞笑揶揄佢／要有身體接觸等等呢啲喺技巧；

但溝女嘅原則，就係你嘅行為唔好needy，因為只有你唔需要條女喺身邊，佢先會更加想留喺你身邊。

又或者做gym，出面有十萬個workout program教你用咩技巧去增肌；

但大隻嘅原則，就係漸進性超負荷／progressive overload，隨著時間慢慢喺訓練之中比身體多啲負荷。

有時同一範疇都會有一啲對立嘅原則（譬如話一方面唔好追女仔，另一方面要果斷行動誘惑佢返嚟）；

巴打你嘅責任，就係學識平衡呢啲令人困惑嘅矛盾，識得變通喺唔同時候用唔同原則，你先會真正master嗰一門學問。

人生課堂＃3 成功嘅道路永遠唔係向上嘅直線！

無論喺做生意／溝女／運動成績，你一定會遇上高高低低坐過山車咁樣嘅cycle。

有時你會唔知點解『狀態特別勇武』，成日或者成個月都贏通街：做gym爆PB，又贏咗兩張拳賽，又食咗多咗三條女，公司開多咗10張單，投資又賺多咗幾十萬，一切都好癲好順利。

但有時你可能成年都好黑仔：父母又病，自己又無做運動肥咗10磅，啱啱失業要搵工，

你無運用MTFU教你嘅嘢而令到條女cheat，行街又無啦啦比人鬥身份證跟住扣留你48小時…一切仆街嘅嘢都擁著過嚟。

但巴打你記住：喺人生巔峰好風光嘅時候就要準備迎接谷底，而喺谷底嘅時候就要有希望，知道自己準備會向上爬返起身更上一層樓。

呢一種搖搖板嘅cycle永遠都會重複發生，所以你就要接受一切好壞都係暫時性；

只要你繼續行動做你應該做嘅嘢，學識平靜接受任何好與壞，你先會搵到平衡點去穿過所有呢啲時刻。

人生課堂＃4 理想嘅人生就係互補嘅人生

意思姐係話：你改善人生某一範疇嘅時候，你其他範疇亦都會改善；

掉返轉，如果你某一方面fuck up，你其他方面亦好大機會fuck up。

譬如話：當你減肥增肌嘅時候，你嘅吸引力就會增加容易溝女，性生活亦都會更加美滿；

而當你性生活滿足，你同條女嘅關係又會得到改善，令到佢更愛你；而當你感情搞得好，你搵錢又會更專心，你嘅工作效率又會增加。

咁所以你嘅人生範疇並唔係獨立斬件嘅，你做每一個決定都會影響整體大局。

呢個就係點解MTFU就係著重你每一方面嘅進步：有樣有身材，有型有健康，有女有性有愛，有錢有地位有影響力，

有社交有朋友，有得當下玩同享受，又有工作使命有將來。

咁所以你想要更多女嘅話，你就一定要成個package咁樣upgrade自己，應該純粹學game學技巧。

唔好成為一個日日做4個鐘gym，唔可以大飲大食，包晒瘡冇life嘅大隻佬；

唔好成為一個喺度狂daygame，成個人生淨係識講自己食過幾多條女嘅pickup傻仔；

唔好成為一個淨係做嘢搵錢，但係缺乏女人缺乏好玩社交嘅有錢人；

你個人唔夠多元化，你唔每一範疇都進步，你都唔係一個最有吸引力嘅男人。

Anyway巴打，今集好詳細地教咗你一系列嘅做人智慧，希望呢啲人生課堂能夠讓你有更多嘅insights，去重新審視自己嚟緊條路點樣行

如果你鍾意今集呢啲特別topics嘅話，就係即刻LIKE同訂閱我哋嘅YT channel，follow我manupmanson嘅IG，

最後留言話我知你嚟緊想睇咩內容啦！下集見！

由我哋細個開始，我哋已經被社會文化每日洗腦。

我哋呢一刻喺生存緊喺一個過度雌性化嘅社會裡面，充斥著一種『感受重要過事實』嘅氣氛。

今日想教導各位巴打極重要比較deep啲嘅嘢，我會為你揭穿5大嘅社會謊言，讓你真真正正地變得更加貼地，知道世界嘅遊戲點樣玩。

如果你鍾意今集呢啲特別啲嘅topics嘅話，就係即刻LIKE同訂閱我哋嘅YT channel，follow我manupmanson嘅IG，最後留言話我知你嚟緊想睇咩內容啦！

謊言＃1 命中注定嘅嘢，就會發生

『一切隨緣』呢句說話喺好好聽令人好舒服，但如果你信一切都係『緣份』嘅bullshit話，你就會失去自我行動嘅執行力。

冇嘢喺會就咁發生嘅，幾乎所有嘢都係有因果。你嘅life喺唔會神奇地自我修復嘅，你唔出去打拼嘅話，你嘅生活質素就一定唔會有改善。

你想要女嘅話？就要出去識女溝女。

你想要有林寶嘅話？就要出去發揮創意搵錢賺佢返嚟。

你唔肯take action行動完成工作嘅話，冇嘢會為你而發生！

謊言＃2 你天生就係一個特別嘅人

呢一刻世界有超過75億嘅人，或者有0.0001%嘅人天生就係天才嘅，咁你信唔信自己真係嗰個咁特別嘅人呢？

現實喺：無人天生就係special；你眼見所有好成功『好特別』嘅人，都係花咗幾十年嘅努力，去變成Top 0.1%，之後世人先會稱讚佢喺天才。

無錯，愛因斯坦可能真係天生聰明啲，泰臣李小龍可能真係天生身體結構好打啲，莫札特可能5歲玩音樂已經勁過你35歲…

咁但係每個人生出來都會抽到唔同嘅牌，你都會被賦予某啲『天賦』，之後就視乎你有無陪養運用佢哋，去令自己真正變成『特別』嘅人。

咁所以你有咩特別容易上手架呢？有咩你願意花數十年時間磨練呢？你肯擺effort落去嘅話，你都會成為特別嘅人。

謊言＃3 放靚女人上神台跪拜

我諗我唔需要再多講：過去70-80年嘅男士都喺幾乎由母親養大，缺乏強勁嘅雄性角色去參照，繼而令到自己出現仰慕供奉女人嘅心理病。

再加上傳媒電視電影嘅渲染，女人就係美麗與智慧嘅象徵，男人就係一啲無能／弱智／戇鳩留係屋企做住家男嘅廢柴。

簡單講，女人一樣有優劣，女人一樣會屙屎；如果你覺得佢可以解決問題嘅話，你就係問題。

學識做一個高價值Alpha男，唔好被女人誘惑你離開你嘅道路，你先能夠活出精彩嘅人生。

謊言＃4 世界喺會好關心你

殘酷嘅真相喺：世界喺無人會care你嘅死活。

冇錯，少數嘅屋企人或朋友會關心你；少數嘅同路人會喺危難時為你伸出緩手。

但世界嘅本質就係一個又凍又冷漠唔會原諒你犯錯嘅地方。

如果你唔level up自己，你就會被淘汰；

如果你等人哋去拯救你，你就係等死；

如果你等政府國家制度改變令自己生命改變，你就係痴心妄想。

世界喺無欠你任何嘢，一切你想要嘅嘢，都要靠你自力更生去賺取佢哋返嚟：

包括你嘅健康，你嘅感情生活，你嘅財富，你嘅影響力，你嘅自由等等。

只有你記得呢樣嘢，你先會成熟接地開始果斷行動，去賺取你嘅夢想返嚟。

#5 總結就係巴打：可能你呢一刻仍然相信緊呢啲謊言，要接受遊戲規則嘅真相喺好困難；

但當你能夠內化以上嘅內容，用全新嘅角度去睇世界，你先會喺人生嘅遊戲之中贏得多啲。

唔好純粹接受一啲『令你feel good舒服』嘅嘢，要學識accept what it is，完全擁抱人性與大自然無情嘅現實，咁樣你將來先會突圍而出。

你鍾意今日呢啲比較特別嘅內容嘅話，就即刻LIKE同訂閱我哋嘅YT channel，follow我manupmanson嘅IG，

最後留言話我知你嚟緊想睇咩新片啦！下集見！

今日想同各位巴打講啲比較deep嘅人生哲學，就係：

你嘅人生之所以未如理想，就係因為你諗太多，講太多，做得唔夠多。

無論你要喺兩份工之中揀一份，定係你有三條溝緊嘅女你要揀今個星期約邊個，定係你諗緊應該跟邊個教練做gym學拳，定係簡簡單單揀去邊間黃店食lunch…

我保證你，有超過九成嘅時間，你都係會諗多咗，諗太多，諗太耐。

而呢一種都市人『不斷思考不斷諗』嘅運作模式，就係令到佢哋最後唔成功既原因。

＃1 點解不斷思考唔係解決問題嘅方法呢？點解我哋唔應該用腦去多角度分析問題，然後搵出一個最合適嘅解決方案呢？

原因就係：無論你做任何嘢，成功嘅秘訣並唔係好似根據考試marking scheme咁『答啱晒所有嘢』先會成功；

成功好多時都係睇你行動做得有幾快，錯得有幾快，恢復改正得有幾快，最後就係多重嘅內外原因下成功得有幾快。

如果你太過『讀書模式』咁樣去小組討論，去聽所有人比你四方八面嘅意見，然後逐一列出好處壞處，再慢慢計算72個方案之中邊一個有最大嘅利益或成功率嘅話，

你成世都唔駛行動，你嘅現實仍然喺原地搭步。

＃2 但係人生喺有死線：你嘅身體顧住食嘢唔郁就會飛，你隻腳跑得唔夠快就會比人飛擒大咬屈斷你手臂，

你溝緊條女唔升溫佢就會對你失去興趣，你生意唔銷售更多就會執笠，你唔增值更多就會被社會淘汰…

所以無論你思考得幾耐幾詳盡，你都必須做決定；決定後，你就必須行動去實踐果樣野出嚟。

點解諗太多就係你所有問題嘅根源呢？

原因就係：無論你點樣徹夜難眠左思右想都好，你人生之中所做嘅每一個決定，每次做完你都係會有一種『驚做錯決定而後悔』嘅感覺。

無論係揀衫揀褲揀鞋，揀讀咩科做咩工，揀女揀朋友，揀居住環境，揀旅行地點等等…

如果你諗太多嘅話，你都會製造一系列不必要嘅思維情感束縛，令你失去一種心理精神上嘅自由。

#3 但你問問自己：無論喺咩經歷都好，有幾多次喺因為你諗太多而令到結果有好轉或改善；又有幾多次你發現原來諗咁多都係嘥氣，早知唔好折磨自己咁耐，一早乾乾脆脆做決定呢？

我相信，十居其九，你都會發現自己一早唔需要諗咁多。

事實就係巴打：大部分嘅決定，即使我哋做錯咗，或者揀唔到一個完美選擇…

呢啲決定到唔會中短期內令到我哋死亡，佢哋只會比到另一種嘅人生閱歷我哋去經歷。

既然我地幾乎喺無法預知未來每一步，我哋喺當下又使乜花過多嘅mental energy去折磨我哋嘅大腦同情緒，去擔憂一系列嘅未知數呢？

#4 做人要有plan要有方向，但同時你都要學識『唔好諗咁多』，唔好墮入分析癱瘓／Analysis Paralysis嘅陷阱，分析過多可能性而無法做決策，令到自己失去執行力而注定失敗！

更神奇嘅係：其實你內心好可能喺一早知道答案要做乜。

你喺知道自己體格弱，喺需要開始做gym跑步練體能；

你喺知道自己缺乏溝女經驗，喺需要開始任何地方都要game多啲練習多啲。

你喺知道自己未有足夠財力去對抗黑暗，喺需要搵多份parttime同埋開始創業。

你嘅身體已經知道你要做咩，唯一嘅障礙就係你被你嘅mind支配咗自己，搞到你咩都唔做。

咁所以巴打，你同成功嘅距離，就係取決於你有幾快可以忽略你嘅無限思考習慣，幾快可以身體力行去do shit take action，做你知道需要做嘅工作。

你諗少啲，講少啲，做多啲嘅話：我保證你各方面嘅人生都會有10倍更多嘅進展。

Get到我今日講咩嘅話，就係唔好諗咁多即刻LIKE同訂閱我哋嘅YT channel，

follow我manupmanson嘅IG，最後留言話我知你下集想睇咩內容啦！下集見！