分類: 超男之道

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

嚟到超男之道系列嘅第43集，

 

今集叫做 Never Allow Your Desire to Become Suppressed or Depolarized，別容許自己慾望被淡化！

 

＃1 作者意思係：每當男人否定自己對雌性女人嘅慾望，無論係透過自己選擇又或者因為太過親密熟悉大家，

 

你就有被去極化／depolarized嘅跡象。

 

＃2 去極化／Depolarization嘅意思，

 

就係當男人同女人相處得太耐嘅時候，男人就會慢慢失去咗自己嘅edge，

 

失去咗自己嘅雄性力量／masculinity，變得越嚟越似『女人』，同伴侶越嚟越相似。

 

最後因為雙方都失去咗自己原先嘅極性／polarity，所以失去咗大家關係之間嘅激情／passion。

 

＃3 但係要知道，作為男人嘅你係有責任去培養一個polarized嘅關係，一個雄性雌性分明嘅relationship，咁樣你哋雙方先至會保持到對大家嘅吸引力。

 

唔係嘅話，你就會開始埋怨世界同女人，你就會開始損害自己分享禮物嘅能力。

 

＃4 當然一個全新嘅女人／工作，係會令到你暫時性地興奮；

 

但係如果你純粹為咗追求新鮮感嘅刺激，呢種嘅excitement係永遠唔會維持得耐，你最後又喺希望得到更加新嘅女人／工作。

 

＃5 要記住就係：Familiarity／熟悉親密，係會同化／neutralize咗男女嘅極性，令到雙方出現depolarization（去極化現象），

 

變得越嚟越似大家，慢慢失去自己原本嘅極性。

 

最後因為『男人唔似男人，女人唔似女人』，

 

原本嘅愛人就會怨恨大家唔再似係當初嗰個有吸引力嘅人，互相輕視對方嘅存在。

 

＃6 當女人感覺到你無咗雄性果種『穿透性』，無咗雄性嘅目的性／purpose，無咗雄性嗰種不斷衝鋒嘅penetration，

 

佢就唔再能夠感受到你雄性嘅sexual energy，繼而損害咗自己雌性嘅radiance／燦爛，你亦都會覺得佢越嚟越唔吸引。

 

＃7 你將來留意到有depolarization嘅時候，

 

你留意到自己開始太過舒服太過安於現狀嘅時候，

 

你留意到同女人嘅關係開始失去passion嘅時候，應該要點做呢？

 

＃8 要明白嘅係：出現depolarization嘅原因，好多時都係因為你自己停止咗『搏盡無悔／不斷進步打拼』嘅精神，

 

好多時都係因為你自己開始hea，開始得過且過開始人云亦云，所以女人同世界都停止去回應你嘅需求。

 

＃9 所以解決方法就喺，你必須再次重整你嘅生命，以你當下最啟發到你嘅life purpose再次活著，重新定義你嘅人生目的。

 

只有當你再次燃起自己對生命嗰一團火，

 

你先至能夠再次帶領女人從黑暗中走出嚟，

 

你先至能夠利用自己嘅存在感去啓發女人對你嘅熱愛，

 

你先至能夠激發大家想要大家嘅慾望。

 

希望今集幫到你！

 

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

嚟到超男之道系列嘅第42集，今集叫做 Turn Your Lust Into Gifts，轉化性慾成為禮物！

 

＃1 作者意思係：當男人見到索女嘅時候，身體好自然地就會感受到一種能量，我哋通常會詮釋佢為一種性慾望。

 

但係男人應該學識點樣circulate／循環佢呢種突然增加嘅能量，而唔係透過自己嘅fantasy去釋放energy。

 

佢應該學識點樣透過呼吸，係令到當時嗰種嘅energy 喺身體各個部位循環，

 

因為呢種嘅heightened energy係能夠治癒並且令你更加恢復精神有活力。

 

＃2 當你學識咁樣做嘅時候，你嘅性慾就會被轉化為一種充滿愛嘅滿足感，你嘅慾望就會被轉換成一種對人類嘅服務。

 

因為你並唔係否定自己對女人嘅sexual attraction，你只係完全地享受佢，之後透過意識將呢種能量喺身體循環，然後透過自己嘅心帶返比世界。

 

＃3 如果你可以大部分男人，你嘅sexual energy通常都會被direct去你嘅頭腦或者你嘅性器官。

 

但係你上面個頭+下面個頭，只係你身體嘅北極同南極。

 

一個超男係能夠circulate呢種性慾，散發到去身體各個部分，

 

而唔係純粹淨係識得喺個腦裏面fantasize個女人，或者令到自己扯旗。

 

＃4 Sexual Desire／性慾嘅目的，就係creation／創造。 Reproduction／繁殖，只係生理上創造嘅一小部分。

 

身為男人，你嘅人生目的絕對唔係純粹為咗繁殖下一代。

 

就好似女人唔係純粹為咗生理上繁殖下一代，佢哋亦都係可以啟發一啲藝術性，社交同靈性上嘅創意。

 

＃5 如果你係男人，你可能都會發現自己某啲時候被女人啟發做人。

 

係女人帶領佢哋嚟到呢個世界，係女人令到佢哋決定創造並且服務人類，係女人令到佢哋對世界充滿好奇同興趣。

 

＃6 但係你要學識點樣有規律地逐步加強並且釋放自己嘅sexual tension／性張力，你先至可以持續不斷地培養增大你嘅靈感。

 

 

＃7 認真地去感受一下你嘅性慾，你就能夠感受你一種強烈慾望去同女人聯合一齊，去接受佢嘅光芒去滋潤你雄性嘅靈魂；

 

而你亦都會完全地畀晒你自己佢，讓大家完全陶醉地享受大家嘅釋放。

 

＃8 所以每次你感受到性慾嘅時候，學識點樣深深地呼吸並且讓呢種感覺放大。

 

唔好將呢種能量鎖喺你嘅上面或者下面嘅頭，

 

但係嘗試將呢種energy recirculate去身體各個部分，令到每一個細胞得到滋潤。

 

吸氣入你嘅心臟，並且透過你嘅心去呼氣，感受一下世界就好似你嘅情人一樣。

 

＃9 透過呢種方式，你就能夠容許女人嘅性感，協助你發掘自己嘅禮物；

 

而唔係被佢嘅美麗誘騙咗你，去不斷得到身體上嘅刺激同虛耗。

 

希望今集幫到你！

 

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

嚟到超男之道系列嘅第41集，今集叫做 Allow Older Women Their Magic，讓年長女士展現魔法！

 

＃1 作者意思係： 男人係應該支持年長女士，欣賞佢哋嘅智慧，力量，直覺，同治癒嘅能力；

 

男人絕對唔應該將年長女士降級，並且將佢哋好似年青女士一樣比較。

 

任何年紀嘅女士都有自己嘅價值，而佢哋表面的光芒過渡到深刻嘅光輝，係一個無可避免的過程。

 

＃2 從多種層面嚟講，你好大機會都係對一啲比較年青嘅女士有性趣，

 

行街嘅時候你個頭總係會望一啲十零廿歲嘅靚妹，多過六七十歲嘅年長女士。

 

呢種係好自然嘅生理反應，但係要明白雌性力量係包含比起sexual attraction更加大層面嘅事情。

 

青春充滿性慾嘅吸引力，只係一啲暫時嘅層面，

 

令女士過渡到將來更深層次更加基礎嘅雌性力量，就係radiance／光輝。

 

＃3 Feminine Radiance 並唔係純粹講緊女人皮膚有幾又白又滑，女性的光輝其實正正代表生命力嘅光輝。

 

女人真正嘅radiance，將會透露佢內在特質有幾咁公開，信任，連繫世界，同充滿愛；

 

佢越係能夠去愛其他人或事物，佢嘅身體越係會被呢種生命力推動。

 

＃4 女人年青嘅時候，佢表面上係會散發更多光芒，所以你通常會被佢外在外表而蒙蔽。

 

但係隨著年齡增加，隨住佢嘅肌膚開始失去青春嘅能力，剩低嘅就係佢真正深層次嘅美麗。

 

＃5 嗰種深層次嘅女性美，其實先至係最吸引你嘅特質。

 

如果你望住佢雙眼嘅時候，你係會感受到一種令人屏息嘅深層次同情心，深層次嘅大愛，同埋解釋唔到嘅神秘感。

 

呢度深層次嘅女性美，係唔會隨著年紀減少，而係會隨著年紀增大並且增加光芒。

 

＃6 如果你本身唔係根據自己嘅雄性目的／purpose同意識／consciousness去做人，你就唔能夠睇到深層次嘅女人美。

 

你只會睇到膚淺的表面，你亦都只會膚淺地被青春嘅面紗蒙蔽，永遠追隨一啲會隨時間流逝嘅表面事物。

 

＃7 當然你冇需要去否定年輕女士自然嘅性感美啦！

 

但係你要知道，一個女人由心出發深層次嘅光輝，

 

係能夠停止你嘅思維，擴闊你嘅心，讓你嘅身體驚嘆呢種神秘女性嘅優雅。

 

＃8 女性嘅大愛／光輝，同埋暫時肉體嘅性感，都係一種祝福。

 

你要留意自己每一刻，每一年，究竟係留意讚賞緊女人邊一種嘅特質。

 

＃9 年長有智慧嘅女士，係能夠更加準確地閱讀自然嘅徵兆，佢嘅直覺係會更加精準。

 

超級男人係會尊敬並且欣賞呢種神奇力量，並且知道呢種能力係能夠協助到佢將來實現自己嘅成就。

 

＃10 最後，年長嘅女士係唔會容忍你嘅bullshit嘅。

 

如果你嘅目的係想令到自己更加自由，並且同世界分享你嘅禮物，

 

咁樣一個spiritually mature/靈性上成熟的女人，就會係一個完美嘅夥伴，同你一齊喺你嘅旅程上打拼。

 

希望今集幫到你！

 

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

嚟到超男之道系列嘅第40集，今集叫做 The Feminine Is Abundant，

 

女性嘅力量其實係非常豐富，四周圍都有。

 

＃1 作者意思係： Life／生命本身就係一種feminine嘅形態，所以雌性嘅力量其實係遍佈每一個角落。

 

如果男人感覺佢生命冇足夠嘅女人，或者覺得自己得唔到想要嘅生命，

 

好多時係因為佢自己拒絕咗去接收feminine嘅能量。

 

＃2 要明白：我哋每一個人都係活係一個充斥著feminine energy嘅地球上面。

 

Feminine energy其實正在充滿你身體上每一個細胞，讓你能夠呼吸，讓你有心跳。

 

所以如果你覺得自己好飢渴，冇女性嘅滋潤，其實係你拒絕embrace身邊嘅feminine energy 同女人。

 

＃3 作者再講話：如果你感覺空虛，請你嘗試感受當下呢個moment其實就好似一個女人咁樣。

 

試下感覺自己每一下嘅呼吸，其實係不斷吸入女人迷人嘅香氣，

 

讓你嘅身體去享受雌性力量的味道，滋潤緊你雄性男人嘅靈魂。

 

＃4 只有當你能夠放鬆自己嘅身體，你先至能夠感受到身邊充斥著feminine energy。

 

Feminine energy除咗以女人嘅化身存在之外，

 

佢係會以不同嘅形態／不同嘅form存在，不同嘅聲音／不同嘅光線都有佢嘅出現。

 

你一定要利用自己嘅意識同存在感，intention同presence，你先至能夠體會到佢。

 

＃5 同一個道理，係可以運用喺真實女人身上。

 

唔好純粹當女人哋係朋友同事或者親戚家姐細妹，試幻想佢哋係以一種祝福嘅能量喺度行走。

 

打開你嘅呼吸，打開你嘅身體，完整地接收女人獨特不同嘅feminine energy。

 

咁樣嘅話，你先至能夠放鬆感受到無窮無盡嘅雌性力量，你先至唔會感到心靈嘅飢渴。

 

希望今集幫到你！

 

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

嚟到超男之道系列嘅第39集，

 

今集叫做 She Needs Your Consciousness to Match Her Energy，女人需要你嘅意識去match番佢嘅能量！

 

＃1 作者意思係：男人一定要有能力利用自己嘅consciouness／意識，去match到女人相應嘅energy／能量。

 

無論喺光明定黑暗，每當女人去測試你嘅時候，你都要有相應嘅masculine capacity去應付佢。

 

＃2 你可能都會知道，同一位女人，有時佢可以喺一個可怕嘅巫婆，有時佢可以喺光明嘅女神，

 

有時佢可以喺充滿愛心嘅媽媽，有時佢可以喺邪惡嘅化身，

 

有時佢可以喺有智慧嘅導師，有時佢可以喺不能被控制嘅野獸。

 

基本規則就係，女人係會不斷以同一種『你唔能夠應付』嘅能量去測試你，直至你應付到為止。

 

＃3 例如：如果你成日畀女人激嬲嘅話，你就會發覺個女人就會成日做一啲激嬲你嘅嘢，

 

佢就會以一種『energy of anger』去測試你，直至你有能力去轉化佢嘅anger成為passion。

 

＃4 所以只有當你有意識地去沉著應戰，唔好咁緊張，唔好咁容易被觸怒，

 

提供一個清晰嘅意識畀佢去『穿越／penetrate佢當下嘅壞心情』，佢先至會最終回復返美麗柔和radiance嘅一面。

 

＃5 而你去match女人嘅energy嘅秘密，就係透過你身體／body去顯示，你嘅勇氣同愛佢嘅表達必須透過身體發出。

 

意思就係，

 

你嘅身體語言／說話語調／望住佢嘅眼神必須係擁有開放性／肯定性／穿透性，佢先至能夠相信你『同緊佢一齊』。

 

如果佢仍然係封閉，你就必須行去用手抱起佢，深深地錫佢，讓佢感受到你嘅愛，利用你嘅身體打開佢嘅身體，而唔係純粹用語言叫佢open啲。

 

＃6 女人嘅情緒同情感，並唔係純粹讓你去奉承佢；

 

相反，你係透過呢種機會，去學識點樣利用自己嘅意識同愛，去穿透女人同世界。

 

＃7 你嘅女人係比起任何人更加清楚你嘅弱點；

 

同時間，佢亦都畀你任何人更加知道你係有好大嘅潛能去成為一個完整自由嘅男人。

 

所以如果佢係一個好女人，佢就會利用自己黑暗嘅情緒去測試你，

 

直至你嘅意識成熟到可以抵受任何女性嘅challenge。

 

只有當你去到嗰一點，你先能夠真真正正地征服任何世界帶俾你嘅挑戰。

 

希望今集幫到你！

 

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

嚟到超男之道系列嘅第38集，今集叫做 She Wants the “Killer” in You，女人想要你殺手的一面！

 

＃1 作者意思係： 男人嘅fearlessness／無畏無懼，

 

男人將自己死亡嘅恐懼昇華至『願意為愛犧牲』，係一種最終雄性男人禮物嘅典範。

 

＃2 女人係想要你有『殺手』嘅一面，

 

而唔係見到曱甴老鼠就會驚死，或者半夜三更聽到有怪聲嘅時候,要個女人一齊同佢出去睇下發生咩事。

 

雖然女人唔係真係想你『殺人』，但係佢係想你有capacity to kill，有需要嘅時候去毀滅某樣嘢。

 

原因就係，雖然佢唔想你成為殺人兇手，

 

但係佢想感覺到你有能力面對死亡的威脅，同時你有賦予死亡嘅能力。

 

咁樣當某一日touch wood有啲痴線佬闖入你屋企威脅謀殺你孩子嘅時候，

 

佢先會感覺到你有『黑暗勇士嘅力量』，喺必要時面對死亡並且消除威脅嘅能力。

 

＃3 雖然今時今日嘅潮流係去抑壓雄性雌性嘅黑暗面，製造咗一班非常弱雞非常有禮貌嘅平民；

 

但係如果你嘅對人擁有雌性嘅本質，佢係絕對想感受到你嘅fearlessness。

 

因為佢想感受到你有能力去面對佢嘅封閉，佢嘅憤怒，佢嘅情緒，而唔係每逢危難當前即刻淆底走佬。

 

佢想感受你能夠堅持地愛，感受佢嘅情緒波動唔會嚇走你，感受你唔會因為佢黑暗嘅一面而害怕佢。

 

＃4 作為一個勇士，你知道自己隨時死亡嘅真相，係能夠令到你更加謙厚，更加讓你珍惜仍然能夠愛嘅自由。

 

所以當你擁有死亡與愛嘅知識，

 

你就唔會再依附喺所謂嘅『安穩』之中，你就能夠勇敢地踏向更多嘅未知數，面對更多嘅uncertainty。

 

＃5 女人想要你殺手嘅一面，其實係想要一個明白『生命係一個不斷透過死亡而找到自己嘅過程』嘅男人。

 

只有當你放棄你嘅恐懼，你嘅心先至可以脫離封閉嘅狀態。

 

咁樣嘅話，就算三更半夜有人入屋打劫，

 

你嘅女人都能夠安心地知道，你係一個因為愛而願意放棄一切放手一搏嘅雄性男人！

 

希望今集幫到你！

 

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

嚟到超男之道系列嘅第37集，今集叫做 Own Your Darkest Desires，你需要學識擁有自己嘅黑暗面。

 

＃1 作者意思係：

 

只有當男人同時擁有光明與黑暗嘅雄性一面，佢先至能夠完全自由地善用佢嘅雄性力量，去創造去想要嘅結果。

 

如果你逃避你自己嘅黑暗面，你就會削弱自己雄性嘅能力，喺死亡面前無畏無懼地+有意識地活你嘅生命。

 

唔能夠面對自己黑暗面嘅男人，佢係唔能夠面對未知數／unknown，唔能夠腳踏實地，更加唔能夠以愛由心出發去做人。

 

＃2 你對上一次陶醉銷魂地享受你嘅女人係幾時呢？

 

你對上一次好動物性地同女人有親密嘅聯繫係幾時呢？

 

如果你唔能夠自由地喺適當嘅場合express自己嘅dark passions，你黑暗嘅慾望就會離開你嘅心，令到你心理開始變得唔平衡。

 

你就會開始諗埋啲變態嘢，你就會開始因為抑壓，而有意無意地做出一系列令人髮指嘅行為。

 

＃3 男人想陶醉女人嘅慾望，其實係想突破女人嘅resistance／抵抗，從而打開佢既心同身，希望能夠解放佢喺傳統觀念嘅枷鎖同壓抑，令到佢喺大愛面前『投降』。

 

但係如果你呢一種陶醉女人嘅慾望唔係由心出發，你所做嘅行為就會變得暴力同強迫性。

 

＃4  事實上，雌性女人嘅黑暗面，其實有一種慾望係被強迫去投降；

 

就好似雄性男人嘅黑暗面，有一種想穿透女人抵抗嘅慾望。

 

重點就係：強姦／rape，同陶醉打開女人／ravishment嘅最大分別，就係當中大家之間有冇愛。

 

你嘅女人願意投降去接受你『愛的穿透』，或者你以愛嘅方式『強迫』你嘅女人投降繼而享受更大嘅快感，就係ravishment嘅基礎。

 

但係如果你哋兩個並唔係以愛同幽默嘅方式，去一齊探索各自嘅黑暗面，呢種就唔係ravishment。

 

#5 Sexual Energy／性愛能量就係生命根源嘅基礎，你哋之間能唔能夠自由地去ravish大家，將會透露你哋同大自然生命的關係。

 

如果女人害怕完全地投降接收你嘅愛，佢亦都會害怕接受大自然神聖嘅大愛，佢就會透過暴飲暴食／瘋狂購物／ 同其他人gossip去填補自己嘅空虛。

 

相反，如果男人害怕喺女人面前以愛嘅方式釋放自己，你亦都會害怕喺神聖嘅自由面前完全釋放自己；

 

你會感受到自己身體嘅張力tension， 最後透過睇電視睇戲／瘋狂工作／打飛機等等去填補自己嘅空虛。

 

＃6 所以你一定要學識喺你嘅女人面前完全let go，你對於自己嘅sexual desire必須好似對自己嘅spiritual desire同樣地無畏無懼，咁樣你先唔會失去自己。

 

下次你同女人做愛嘅時候，好好感受你同佢肉體上情感上嘅連繫，

 

好好感受自己係佢裡面旭動，感受佢嘅呼吸，佢哋移動，佢嘅情感。

 

感受大家嘅界線，感受大家之間忘我哋陶醉喺大愛之中，以你放鬆自由嘅身體去深刻地穿透佢。

 

＃7 係呢種同時係spiritual又係animalistic嘅性愛之中，

 

你就會越嚟越有意識知道自己真正係咩人，你就會意識到世界係連繫著你，你就會知道自己呢一刻代表啲咩。

 

就係呢種無畏無懼嘅穿透性，將會為你找到最神聖最真實最有意識嘅自己。

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第36集，今集叫做 You Are Always Searching for Freedom，男人永遠都會追求更多自由。

 

作者意思係：＃1 雄性男人嘅快感，喺會發生喺『從限制／約束／抑壓中得到解放』嘅嗰個moment。

 

呢樣嘢包括面對死亡威脅但係最後成功生存 e.g. extreme sports (skydiving/跳傘, paragliding/滑翔傘，以前嘅打獵）

 

亦都包括從激烈競爭中得到勝利 e.g. 打仗，任何sports運動比賽 etc.

 

#2 所以雄性男人嘅motivation／動力，好多時都係嘗試『從壓抑中得到釋放』，從而感受對面海嘅自由。

 

亦都係點解咁多男人都沉迷性愛，就係因為男人嘅高潮就係射精，而射精之前就係包括一系列張力嘅buildup；

 

你會感受到前列腺附近越嚟越繃緊，去到最後你嘅水壩被衝破，你射精嗰一刻就係所有張力，所有tension，所有能量，所有energy釋放嘅一刻，令到你感受到無比嘅快感。

 

高潮過後，你就會得到一種類似死亡嘅平靜，呢種空虛嘅感覺，亦都帶畀你一種極樂般嘅滿足。

 

＃3 男人之所以咁鍾意睇波／參與球類運動，就係因為大部分嘅運動都包括一種『從壓抑中得到釋放』嘅元素。

 

譬如踢波嘅挑戰，就係嘗試突破對方嘅防線，將個波寫入門框裡面，從得到『自由』。

 

達到呢一種『自由』 之後，男人就會高聲吶喊，歡呼喝采，因為呢種『突破』就代表『自由』，亦都係雄性男人做任何嘢好想達到嘅目標。

 

＃4 Orgasm／性高潮，喺法文嚟講喺代表『微小的死亡』，亦都意味著性高潮嘅感覺，就係能夠帶畀你一種瞬間死亡嘅自由同解脫；

 

亦係點解一隊球隊『摧毀』另一隊球隊，令對方『死亡』，會令到咁多人咁開心嘅原因。

 

＃5 『雄性男人對自由嘅慾望』，亦都可以衍生去一啲比較黑暗嘅層面，例如打仗。

 

男人之所以咁鍾意睇打交打仗嘅動作片，就係因為好多時，主角都會被嚴峻嘅情況迫埋一角，

 

最後因為死亡嘅威脅／或者受到比自己個人利益更加大嘅崇高理念嘅推動，最後激發男人嘅潛能，越過所有挑戰，最後成功達到目標，平安回家。

 

＃6 所以你想得到靈性上／spiritual嘅自由，你就必須擁有面對死亡嘅能耐。

 

你想擁有一個自由嘅靈魂，你就必須願意面對自己嘅恐懼，並且放棄任何限制自己大愛嘅東西。

 

記住呢樣嘢：你越喺依附喺所謂『舒服comfort』同『安全感security』，你越係限制自己嘅能力去得到靈魂嘅解放！

 

The more you ATTACH to comfort and security, the more you LIMIT your spiritual freedom。

 

＃7 所以如果你想得到最終嘅自由，你就必須超越你嘅『自我／ego』，明白你自己嘅『個體』其實係同世界連接；

 

You are CONNECTED to the world，你只係世界嘅一小部分，之後昇華你嘅恐懼，以你嘅直覺去做你想做嘅人類。

 

＃8 相反，雌性女人並唔係嘗試尋找自由。

 

雌性女人嘅快感，喺佢能否得到完整性；

 

佢達到fullness嘅途徑，並唔係透過釋放／release，而係透過surrender／佢嘅投降從而得到愛。

 

＃9 去到尾，雌性女人尋找嘅『愛』，雄性男人尋找嘅『自由』都係殊途同歸，達到相同嘅目的地：

 

就係無壓抑地／無窮無盡地做返最真實嘅自己，以絕對嘅愛與自由活著。

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第35集，今集叫做 She Wants to Relax in the Demonstration of Your Direction，女人係想喺你嘅方向領導下，放鬆自己。

 

作者意思係：#1 你想女人變得更加雌性溫柔？

 

咁佢一定要完全相信你嘅雄性領導，完全相信你嘅leadership，完全相信你能夠take charge，女人先至能夠放鬆自己嘅『雄性一面』，放鬆自己嘅emotions，慢慢打開自己。

 

＃2 Desire to guide direction，想做主導嘅慾望－e.g. 決定食咩，去邊度玩，睇咩戲，去邊度旅行－都係一種masculine quality。

 

所以如果你唔step up ＆ take the LEAD，你就係迫女人用佢哋嘅雄性力量同你相處，佢就唔能夠以『美麗嘅東方女性美』與你相處。

 

＃3 重點：作為男人，你想你嘅女人relax，你想你嘅女人let go，你想你嘅女人變得更溫柔／優雅／燦爛／閃閃發光，你就必須make DECISIONS + take charge，知道大家去跟咩方向（無論係微觀／宏觀）。

 

＃4 當然唔係叫你好似老闆咁樣點佢做牛做馬啦！It only means 你要知道『你哋去跟邊』，你哋會用咩『途徑』去邊，唔好咩都『是但／無所謂』。

 

＃5 如果你有long term嘅伴侶，而你而家面對財政困難；即使你未必需要下下都年薪過千萬，但係你要有責任地知道自己會點樣處理自己嘅財政，點樣達到未來嘅目標。

 

＃6 重要嘅未必係final results，重要嘅喺你有用自己嘅智慧，清晰肯定地（certainty）知道自己嘅direction並且take action；

 

咁女人先至可以relax，先至可以知道你代表咩，先至可以知道你嘅plans，先至可以感受到你嘅integrity／完整性，從而放鬆相信你嘅領導。

 

＃7 另外女人亦需要知道你靈性上／spiritual嘅direction。

 

佢會想知道大家嘅relationship其實係去緊邊？你哋之間嘅lives會點樣發展？同你一齊其實將來會代表啲咩？究竟你哋之間會否一齊經歷高低潮而一齊成長？

 

＃8 All in all，做一個負責任嘅男人 = 知道自己最deep嘅人身目的，知道自己代表啲咩values，知道自己嘅方向，之後忠於自己嘅purpose，繼而相應地take action to make your dream happen。

 

＃9 男人就好似一架火車，你想邀請美麗動人嘅女人同你一齊經歷精彩嘅旅程，一齊感受世界各地嘅experiences？

 

你就要負責任地知道自己架車去緊邊到，令女人放鬆信任你嘅direction。

 

＃10 女人比你賺更多錢係無關係，甚至係喺關係之中賺晒錢到冇所謂；

 

重要嘅係，女人能夠FEEL到感受到，你充滿愛嘅clarity／清晰度，你嘅wisdom／智慧，同埋你為大家未來方向嘅certainty／肯定性。

 

咁樣嘅話，佢就能夠放鬆relax翻喺自己嘅femininity，以最女性嘅一面對待你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第34集，

 

今集叫做 Your Excellent Track Record Is Meaningless to Her，

 

男人以往紀錄無論有幾乾淨有幾好，對雌性女人都係零意義！

 

作者意思係：

 

你可以過去十年都做一個完美嘅好男人，

 

但係如果今日你有做一個30秒嘅仆街，女人都可以當你永遠係一個仆街。

 

原因就係，

 

雌性女人會對每一個moment嘅能量有所反應，所以佢係會忘記咗男人以往歷史紀錄嘅行為表現。

 

男人嘅舊有行為，對於女人當下嘅感受係冇關係。

 

雖然男人係會觀察其他男人以往歷史嘅行為表現，並且會根據track record去斷定某啲嘢，

 

但係對女人嚟講一切都唔重要，只有當下嘅feelings先至重要。

 

所以如果你同你老婆原本約咗同其他人食飯，但係你做嘢忙到都唔記得咗。

 

之後你致歉自己遲到，因為你遇上一個好唔尋常好忙嘅工作日，

 

並且解釋平時自己都唔會遲，但係今日迫不得已。

 

對女人嚟講，你今日遲到就係今日遲到，

 

就算你以往100次都信守承諾，100次都冇遲到，

 

但係你今日遲到就係唔啱，佢就可以好嬲你！

 

你冇需要提醒女人你曾經有幾美麗嘅track record，你以往做過幾多次好事，又或者你一直都冇犯錯；

 

如果你今日令佢失望，你就係令到佢呢個當下感受到失望，你以往做過幾多好嘢都冇關係。

 

Your past successes don’t mean shit to her present feeling of you as a failure!

 

你呢一刻嘅失敗，係唔能夠利用以往嘅成功，去彌補佢嘅心靈損傷！

 

所以你要做嘅並唔係解釋，而係馬上改變你哋之間嘅能量流動，改變你哋之間嘅energy。

 

既然你嘅成功咁快被女人忘記， 你呢一刻嘅失敗亦都會好快被佢忘記，

 

只要當你見到佢準備唔開心嘅時候，馬上change her mood，假設一切都好開心。

 

例如利用你的幽默令佢笑，慢慢錫佢頸部位置，

 

無啦啦抱起佢扮KingKong，或者任何以愛嘅方式去surprise佢。

 

咁樣你頭先嘅失敗，就會馬上被呢一刻嘅成功取代，

 

你就能夠回復你哋之間嘅愛與快樂！

 

希望今集幫到你！