分類: 真男人系列

喂巴打，你最近係咪啱啱被分手好傷心呢？要

今日拍呢條片比你唔係係度陣慶，呢種痛心嘅感覺我好多年前都經歷過，逼我學識一切我今曰係MTFU教你嘅嘢。

但係你知唔知點解其實分手嘅呢一刻係最值得高興呢？今日就想帶你宏觀啲睇下你嚟緊嘅感情道路，讓你終於明白塞翁失馬，焉知非福嘅道理！

如果你鍾意今日呢啲topic嘅話，就請你即刻LIKE同訂閱我哋嘅YT channel，follow我manupmanson嘅IG，睇完後留言話我知你嚟緊想睇咩內容啦！

＃1 好，首先最值得高興嘅事情，係因為你終於有機會摧毀『真愛／真命天女／靈魂伴侶』呢種毒性思維！

好多人之所以會有True Love嘅概念，完全係因為初戀嘅感覺好天真奇妙，第一次愛／被愛就假設咗對方就係世上唯一一個會咁做嘅人。

就好似Katy Perry首歌一樣，好多人好鍾意分手後就代入失戀角色，形容對方就係The One That Got Away。

但真相只係，呢個男人當時無第二個選擇，佢覺得自己冇能力吸引其他有吸引力+對佢好嘅女人，所以先會神化自己嘅EX。

咁所以喺巴打你準備進化之前，你要首先知道你呢一刻終於有機會消滅你True Love呢種Beta毒，絕對值得高興。

＃2 第二個值得高興嘅原因，就係因為你而家終於『開眼』，終於有機會再次接觸成千上萬可能適合大家嘅女人。

我哋一萬年前嘅祖先可能一生淨係見過幾十個女人，100年前嘅前人可能得幾百個，但今時今日你真係隨時有機會接觸到幾千甚至幾十 萬嘅女性。

如果你仲咁白痴注視喺一條女身上，如果你仲咁戇居淨係容許自己鍾意一條女／容許一條女鍾意你，咁你對唔對得住你嘅列祖列宗？

唔好再咁無知單純活係100年前嘅社會，相信『一生人只會遇上一個真愛』嘅謊言；

無女人係會完美地match到你，『真愛』係會有好撚多個，分手後你好快就會遇上另一個True Love，所以唔好再嘥時間喺失去咗嘅嘢裡面。

＃3 講到呢度，可能巴打你擔心嘅係，當你再次『愛』另一條女嘅時候，你又會再次被佢hurt，好驚又再次失去佢。

Well…除咗建議你要各方面upgrade自己先為一個最有吸引力版本嘅自己，令到條女無可能走之外；

你想喺兩性關係上有你想要嘅嘢，你就唔好玩『唔會輸』嘅防守遊戲，你要更加積極去玩『遲早會贏』嘅進攻遊戲！

愛與被愛都係有時間性，你要學識打開心去享受當下，然後真係勁老土地『不在乎天長地久，只在乎曾經擁有』嘅態度去相處。

人類之所以會痛苦，係因為我哋ATTACH／依附喺某一種人與事上面，痴心妄想地想永恆不變地擁有某樣嘢。

只有你學識放下呢種執著，然後放膽去愛得幾耐就幾耐，然後隨時可以move on嘅話，你同對方先會真係永恆地快樂。

＃4 Anyway，唔講咁多佛偈喇…

重點係：你人生遇上嘅每一個女人，都會畀到唔同形式嘅愛你；你永遠唔會搵到同上一條女一樣嘅愛，你同唔同女人都會製造出唔同嘅感情經歷。

所以每段性與愛感情都係特別，每條女都係special，只有你打開自己去感受嘅話，你先會無窮無盡地愛與被愛。

所以巴打恭喜你，而家分手嘅你又有更多時間去識女溝女，係時候睇下邊個喺下一條幸運嘅真愛啦！

你鍾意今集相關嘅topic嘅話，就請你即刻LIKE同訂閱我哋嘅YT channel，follow我manupmanson嘅IG啦，下面留言話我知下集想睇咩內容啦，我哋下集再見！

巴打，睇緊今日呢段片嘅你，好可能係廿歲左右階段嘅年青才俊。

係呢個階段，你可能間唔中就會問下自己究竟人生意義係啲乜嘢？唔知道自己嚟緊要做乜，每日都好迷惘，有好多疑問同挑戰。

事實係：廿歲左右既男仔，好多時都好迷失唔知自己將來要做乜。

父母社會老師朋友都甚少鼓勵佢哋勇敢行自己嘅路，好多時都係叫你人云亦云讀書搵工結婚生仔。

雖然我唔可以代替你解答『你人生應該做啲咩』，你一定要靠自己搵到答案；但今日我想同你分享3大原因點解你呢一刻咁迷失，讓你更清晰下一步可以做啲咩。

如果你鍾意今日特別啲嘅topic嘅話，就請你即刻LIKE同訂閱我哋嘅YT channel，follow我manupmanson嘅IG，睇完後留言話我知你嚟緊想睇咩內容啦！

＃1 你迷網最常見嘅原因，係因為你利用學校／讀書作為藉口，逃避係現實社會工作打拼。

好多人都會講話『想整靚份CV』所以想繼續讀書，搞到廿幾三十歲都未做嘢；

但現實係：僱主或者市場係唔care你讀咗咩degree，最重要嘅係你做到成績幫公司搵到錢，或者係市場上解決到問題創造價值。

好多人讀master或者phd，完全係因為驚脫離學術世界之後唔知自己做到啲乜嘢；

但你想成功，你想盡快搵到人生意義嘅話，你就要出嚟了解搵錢賺錢究竟係一回咩事，因為冇嘢係比起現實攞經驗更加實用。

所以除非你好清晰你將來搵錢嘅方法係需要某某degree，比如醫生律師會計師，否則你再讀書都係嘥時間。

＃2 第二種你迷網最常見嘅原因就係掉返轉，你可能唔太care你嘅學業成績，但係就沉迷於紙醉金迷嘅娛樂世界。

意思姐係話：你變成一個極端嘅消費者，你知道晒所有吃喝玩樂嘅潮流，你睇晒最近有咩最hit嘅電視電影劇集，你完全知道邊個明星巡迴演唱會，或者電音節幾時喺邊度舉行…

有咁樣嘅觸覺唔係壞事，至少你個人咁好玩都大機會啲溝女；但不知不覺地你就會成為consumer而唔係producer，你唔識得生產嘅話，你永遠就唔會活一個成功+有意義嘅生命。

所以每次你要做決定嘅時候，試下問下自己：『究竟呢樣嘢係咪令到我變得更有自信，令我更快達到我嘅個人目標呢？定係呢種行為即係係度止緊血，繼續逃避唔去成為我想成為嘅人呢？』

咁樣你就知道咩對你長遠有益或者無益。

#3 第三種你迷網嘅常見原因，就係因為你進入咗錯嘅男女關係裡面

Relationships就係會消耗你嘅能量時間，兩樣都係你人生最重要嘅資產。

太多年輕男仔都係未了解兩性遊戲之前，就盲中中進入排他性嘅拍拖關係，不斷虛耗能量時間係一個『以為會一生一世』嘅女人上面。

唔好彩嘅話，廿幾歲就做爸爸，最後你一生嘅夢想都會因為『家庭責任』而毀於一旦。

坦白講，廿幾歲嘅你99%嘅時間都係會揀錯女人，你會誤以為『鍾意有feel』就代表條女係合適嘅長遠伴侶。

再加埋你拍拖每次分手嘅dramas，你廿幾歲嘅歲月就係咁樣虛度過，最後就會出現迷惘唔知自己做乜嘅惡果。

＃4 咁所以講左咁耐，巴打你應該做啲咩去脫離呢啲迷失嘅狀態呢？簡單講：

第一，你要對自己坦白，抽時間坐係度睇下自己究竟鍾意啲乜嘢／關心啲乜嘢，跟從你好奇有興趣嘅嘢發掘自己，塑造自己個人嘅使命。

究竟你死之前想做啲咩呢？如果你有一億身家嘅話，你而家會即刻做啲咩呢？如果你可以將你嘅熱誠化為事業，你又會做啲咩呢？

第二，你要學識同時享受當下，又要計劃未來。

好有效嘅一個方法就係問下自己：如果我仲有50年命，我會點樣塑造我嘅lifestyle呢？與此同時，如果我得返50日命，我又會做啲乜嘢令自己死而無悔呢？

然後以兩種截然不同嘅態度去同時生活。

第三，擁抱改變，擁抱不確定性，無信心都要繼續行動繼續試繼續行。

達到夢想係需要時間，成功成就係需要耐性。

唔好妥協於yolo fvckboy嘅嬉皮士生活，唔好妥協於淨係讀書做嘢賺錢無life嘅生活，更加唔好妥協於未如理想嘅兩性感情。

繼續捱苦前進，繼續勤力打拼，繼續好高騖遠地做啲少人做嘅嘢，你先可以離開羊群，你先可以離開中產嘅average，你先會改變到自己同人哋嘅生命。

今集好長，如果巴打鍾意並且想我講多啲類似今集內容嘅topic嘅話，就請你即刻LIKE同訂閱我哋嘅YT channel，follow我manupmanson嘅IG啦，下集見！

恐懼失敗嘅感覺，好多時都係恐怖過失敗嘅嗰一刻。

如果你未開始做你想做嘅嘢，容許『恐懼失敗嘅感覺』支配自己行動力嘅話，咁樣你永世都唔會成功。

究竟我哋可以點樣征服呢種『害怕失敗』嘅感覺呢？

今日我就會分享最直接嘅方法解決呢個問題，幫你重新詮釋『失敗』嘅意思，明白failure嘅珍貴之處！

如果你鍾意今日特別啲嘅topic嘅話，就請你即刻LIKE同訂閱我哋嘅YT channel，follow我manupmanson嘅IG，睇完後留言話我知你嚟緊想睇咩內容啦！

＃1 失敗嘅出現，其實係用嚟測試你幾有決心擁有某樣嘢。

如果無失敗嘅話，我哋就搵唔到邊啲人嘅慾望係真，邊啲只係吹水狗噏下。

咁所以你人生遇上嘅所有『圍牆』係有目的嘅；

無論係女人嘅shittest，定係你未成功嘅事業，定係你未達到6舊腹肌嘅目標…

…難以攀越嘅高牆，就係用嚟證明你有幾想一樣嘢，去阻嚇一啲唔認真嘅人，去分開一啲真正想成功嘅人。

下次遇上失敗嘅時候，請巴打記住呢個畫面，你就會知道呢幅牆係用嚟啟發你穿過佢，而唔係叫你後退返屋企。

＃2 失敗經歷嘅功能，係用嚟俾你將來分享有啟發性嘅故事。

成功故事固然係好聽，但當我哋知道某啲天生有缺憾，或者處於劣勢嘅人由低谷走到頂峰嘅話，我哋就會覺得更加激發人心。

如果JK Rowling唔係單親媽媽嘅話，哈利波特唔會咁好賣。

如果愛因斯坦四歲都唔識得講嘢，以前嘅老師唔係話佢『一無是處』或嘅，我哋就唔會咁欣賞呢位天才。

如果肯德基伯伯唔係六十二歲先至創業成功嘅話，我哋都唔會覺得佢係傳奇。

所以如果巴打你而家所謂『失敗緊』或嘅，你要知道呢種劣勢同時亦都係一種優勢，係一種動力逼你快撚啲去做緊多去贏。

輸到貼地，亦都代表你無嘢再輸；咁你咁貼地都唔利用佢彈返起身嘅話，幾時先會？

＃3 失敗其實係所有成功人士嘅共通點！

所有家傳戶曉嘅傳奇人物，基本上未出名之中都經歷過無數失敗。

愛迪生試咗超過一千次先至整到電燈膽…

二戰大戰英國首相邱吉爾原本係一個被人認為係痴線嘅政客，直至佢擊敗希特拉…

華納迪士尼原本係報館被主編輯批評為缺乏創意，直至佢整咗Disney嘅王國…

Michael Jordan係中學校隊被淘汰，直至佢被認為係史上最偉大嘅籃球員…

咁所以失敗其實只係話你知你所做嘅嘢係難係有價值，係你繼續學習成長進步嘅機會；只要你唔放棄並且改變策略嘅話，長遠你先會成功。

Anyway巴打，無論我同其他成功故事點樣啟發你，最重要都係你要問自己幾條問題：

就係你口講嘅目標究竟有幾重要呢？

究竟你願意付出幾多去堅持，去不斷失敗不斷試直至成功呢？

究竟你願意放棄幾多藉口，去get shit done直至見到成績呢？

你真心唔滿意現狀，你真心受夠嘅話，你就會搵到無限原因去繼續行，你就會忙到『唔記得咗驚失敗』嘅感覺，你就會achieve到你想要嘅嘢。

如果你鍾意今集嘅topic嘅話，就請你即刻LIKE同訂閱我哋嘅YT channel，follow我manupmanson嘅IG，之後留言話我知你嚟緊想睇咩內容啦，我哋下集再見！

『應唔應該溝你好朋友嘅前度女友』呢條問題，之前有啲巴打都問過我。

Well…基本上，你兄弟掂過嘅女人，只要你知道佢哋曾經嘅關係，你都唔應該再掂。

因為男人係有領土意識嘅，我哋係唔鐘意身邊嘅人攞走我哋感覺屬於自己嘅嘢；

當你嘅兄弟決定捨棄某啲冇價值既野，你有道義嘅話你係絕對唔會執二攤，冒險破壞你同你兄弟嘅關係。

出身入死嘅好兄弟係極難建立，但正嘅女人係相對容易搵到，所以99%嘅情況你都唔需要諗，唔好咁做，溝其他女好過。

但係有1%嘅灰色地帶係你咁做未必有問題，而你嘅兄弟亦可能無所謂。

究竟係邊啲例子呢？以下就會列舉一係列特殊情況比你！

＃1 呢條女只係你朋友普通Casual性關係嘅女人

如果呢條女只係你個frd其中一個唔認真嘅SP，大家只係玩玩下嘅話；咁你同你嘅frd可能都無所謂分別溝呢條女。

＃2 呢條女係你朋友嘅小學中學同學

如果呢條女係你個frd N年前嘅一條女，一個舊到連佢自己都唔記得嘅初戀情人，咁樣可能佢都無乜所謂你溝佢。

但係如果呢條前菜係一個最近同你frd分手嘅人嘅話，咁就唔好咁做，因為成件事就好有出賣朋友嘅感覺，幾年都唔好同嗰條女有任何形式嘅關係啦。

＃3 任何傷過你朋友心嘅女人，你都唔應該掂。

正如頭先所講，除非過咗5年10年你嘅朋友已經對條女冇感覺不在乎；否則短期內你搞條女，就係背叛你嘅frd，千祈唔好做呢啲嘢。

但係如果掉返轉係你朋友好開心地分手唔要條女嘅話，或者你之後溝條女就相對ok。

＃4 一定唔可以掂嘅，就係一個同你frd結過婚嘅女人。

如果你朋友戇居居同某條女結咗婚，雖然佢係白痴，但佢基本上以前一定係非常鍾意條女。

咁所以就算佢哋離咗婚，你之後勾前義嫂，成件事感覺都有啲錯。除非你朋友委託你去報復，否則都唔好做呢件事。

Anyway 巴打，講左咁多幾時可以溝，幾時唔好溝嘅特殊例子，其實最重要都要問自己一個問題：

世界上咁多女，點解係都要溝／搞你朋友掂過嘅女人呢？

坦白問下自己：你係咪真係同嗰條女特別夾，定係根本只係你懶唔去識其他女，貪就手就搞附近嘅女呢？

即使係某啲特殊情況你同你個frd都認真無所謂，你有選擇嘅話，又使乜咁複雜去煩去諗溝唔溝呢條女呢？

你重視你嘅友誼，你想維繫兄弟情嘅話，就100%唔好搞任何你朋友掂過嘅女人。

每次你知道呢啲前度關係，就即刻next咗條女去揀其他；

咁樣嘅話，你先至係一個可信賴有價值嘅朋友，咁樣你先可以同其他男人繼續建立更多更珍貴嘅嘢。

如果你鍾意呢個topic嘅話，就請你即刻LIKE同訂閱我哋嘅YT channel，follow我manupmanson嘅IG，之後留言話我知你嚟緊想睇咩內容啦！

下集見，peace！

上年我就出過一段片叫做 “為何『做返自己』令你溝唔到女？”，解釋點解『做返自己』喺唔能夠令你溝到女，因為你會好容易喺度鳩等條女，覺得上帝早已為你預備你嘅人生。

今日我就想進一步同各位巴打解釋，喺咩時候應該做返自己，但咩其他時候唔好做返自己，讓你學識平衡兩者嘅狀態，有效正面地得到你人生想要嘅嘢。

咁所以如果你鍾意呢啲deep啲嘅topic嘅話，就請你即刻LIKE同訂閱我哋嘅YT channel，follow我manupmanson嘅IG，睇完後留言話我知你嚟緊想睇咩內容啦！

＃1 『做返自己』呢個建議，其實喺同時最好亦都喺最差嘅建議。

因為如果你仲係一個30歲甚至35歲以下嘅青年才俊，或者啱啱讀完書出嚟做嘢，如果你真係聽人講類似『溝女最更要做返自己』嘅話…

你就會下意識搵好多藉口繼續懶惰，繼續唔去改善自己每一方面，未來數十年繼續滯留喺同一位置。

但係如果你喺一個已經主動努力地行動咗十多年去改善自己嘅人，有積極貫徹MTFU嘅價值觀去令自己成為一個擁有實質價值嘅男人嘅話，

咁樣『做返自己』可能就適合你，因為你已經有行動改善嘅習慣。

＃2 譬如話：對住一個18歲嘅年輕男仔講話『做返自己唔好理啲女就會溝到佢』，就係最差嘅建議。

因為呢條𡃁仔好可能喺一個又唔理會自己健康，又毒淨係識打機，又鍾意洗晒啲錢去買潮牌，又覺得無需要學習兩性對弈智慧嘅人；

你叫佢『做返自己』嘅話，佢就唔會有一種growth mindset／成長心態，佢就會繼續做一個一無是處嘅真廢青。

咁所以叫一啲人生唔成功嘅人『做返自己』嘅話，根本就係比藉口佢唔去改變，咁佢又點會投資時間金錢去強化自己身體，去學習操控自己情緒，去整型自己溝多啲女，去學習唔同嘅技能增加搵錢嘅能力等等呢？

所以『做返自己』喺絕對唔足夠嘅，你未去到成功贏盡一切嘅一日，你都要盡力去演化成長，去upgrade自己身體，大腦思維，兩性智慧，情感控制，生活質素，社交圈子等等嘅元素。

＃3 掉返轉，當你已經開展咗10幾年嘅自我進修嘅道路，你好可能已經喺愛上呢種不斷進步嘅習慣，你好可能已經習慣每日做運動，

有自己嘅生意，有繼續game女並且keep住幾個忠誠嘅女朋友，有繼續學習人類心理等等…

…喺咁樣長時間嘅浸淫下，叫佢『做返自己』就會喺一個唔錯嘅建議。

因為對於呢啲差唔多上到岸嘅成功人士，有時佢哋就要學識放鬆啲，否則佢哋太過沉迷變得完美嘅話，

好多時就會失去活在當下去享受一下嘅能力，最後再老啲就會miss out好多珍貴嘅回憶。

去到嗰啲階段，你就可以更加接受自己，接受自己永遠唔會完美，接受釣勝於魚，學習去放下結果，享受更多過程。

＃4 重點係巴打：人生就係充滿矛盾，你一方面要向住目標努力打拼，另一方面都要學識享受捱苦嘅過程；

你一方面學習時要謙虛，另一方面又要有『過份自信』嘅心態去溝女。

所以你就要學識『做返自己』，將自己唔好咁假成日戴面具溝女或做人；

但同時亦唔好『做返自己』，要好似做戲咁樣去act as if 你係一個比起你而家更成功更有吸引力嘅男人，咁樣你先會擴闊到自己嘅性格同能力，將來先會真係習慣有吸引力地『做返自己』。

唔好完全唔改變一事無成，亦都唔好太沉迷改變而忽略當下嘅一刻；

永遠要改善，同時要永遠接受唔完美嘅自己；

你可以將呢啲矛盾嘅概念並存嘅話，你就可以真真正正成為最強版本嘅自己！

你鍾意今集mindfvck你大腦嘅特別topics嘅話，就係即刻LIKE同訂閱我哋嘅YT channel，follow我manupmanson嘅IG，最後留言話我知你嚟緊想睇咩內容啦！我哋下集見！

回望返過去10年，我發現自己都學咗唔少關於人生嘅大小課堂；某啲課堂喺我自己返過嘅錯，某啲就係睇住其他人犯錯而學精咗。

今日我分享俾你嘅人生4大課堂，正嘅地方就係因為呢啲原則喺可以應用喺你人生各方面：

健康，溝女game，mindset，情感狀態，做生意搵錢等等。

所以你醒目嘅話，就好好細心咀嚼今日教你嘅嘢；而如果你鍾意今集呢啲特別topics嘅話，

就係即刻LIKE同訂閱我哋嘅YT channel，follow我manupmanson嘅IG，最後留言話我知你嚟緊想睇咩內容啦！

人生課堂＃1 每個你遇上嘅人都只係過客

一樣好痛苦必須接受嘅現實，就係隨著你嘅成長，你會開始發現自己身邊嘅人有時會好頑固地唔肯改變。

你要學識接受嘅喺：你喺無辦法逼人哋去改變，你喺無辦法影響一啲唔想被影響嘅人。

無論喺你嘅父母親戚，兄弟姊妹，朋友…就算你有好嘅意圖去希望啟發佢改善自己嘅life，如果佢唔想嘅話，你都喺無辦法迫到佢『為自己改變』。

咁所以你要學識：如果你比起對方更加關心佢嘅利益嘅話，你只會喺自討沒趣，你只喺令自己嘥時間徒勞無功。

成長就係需要你放下某啲舊關係，只有你接受『幾乎所有人都唔會陪你走到最尾』，你先會珍惜大家相處過嘅時間，你先會真正接受每個人嘅好與壞。

人生課堂＃2 原則喺重要過技巧

無論喺做gym，定係學溝女，定係社交識朋友，定係工作賺錢，定係學功夫打交，每一個範疇都係有通用嘅原則去令你成功。

只有你知道某啲principles，你就會創造到無限techniques；但如果你淨係得技巧而唔明白背後原則，你就好難成功。

譬如話溝女：唔好whatsapp得咁密／搞笑揶揄佢／要有身體接觸等等呢啲喺技巧；

但溝女嘅原則，就係你嘅行為唔好needy，因為只有你唔需要條女喺身邊，佢先會更加想留喺你身邊。

又或者做gym，出面有十萬個workout program教你用咩技巧去增肌；

但大隻嘅原則，就係漸進性超負荷／progressive overload，隨著時間慢慢喺訓練之中比身體多啲負荷。

有時同一範疇都會有一啲對立嘅原則（譬如話一方面唔好追女仔，另一方面要果斷行動誘惑佢返嚟）；

巴打你嘅責任，就係學識平衡呢啲令人困惑嘅矛盾，識得變通喺唔同時候用唔同原則，你先會真正master嗰一門學問。

人生課堂＃3 成功嘅道路永遠唔係向上嘅直線！

無論喺做生意／溝女／運動成績，你一定會遇上高高低低坐過山車咁樣嘅cycle。

有時你會唔知點解『狀態特別勇武』，成日或者成個月都贏通街：做gym爆PB，又贏咗兩張拳賽，又食咗多咗三條女，公司開多咗10張單，投資又賺多咗幾十萬，一切都好癲好順利。

但有時你可能成年都好黑仔：父母又病，自己又無做運動肥咗10磅，啱啱失業要搵工，

你無運用MTFU教你嘅嘢而令到條女cheat，行街又無啦啦比人鬥身份證跟住扣留你48小時…一切仆街嘅嘢都擁著過嚟。

但巴打你記住：喺人生巔峰好風光嘅時候就要準備迎接谷底，而喺谷底嘅時候就要有希望，知道自己準備會向上爬返起身更上一層樓。

呢一種搖搖板嘅cycle永遠都會重複發生，所以你就要接受一切好壞都係暫時性；

只要你繼續行動做你應該做嘅嘢，學識平靜接受任何好與壞，你先會搵到平衡點去穿過所有呢啲時刻。

人生課堂＃4 理想嘅人生就係互補嘅人生

意思姐係話：你改善人生某一範疇嘅時候，你其他範疇亦都會改善；

掉返轉，如果你某一方面fuck up，你其他方面亦好大機會fuck up。

譬如話：當你減肥增肌嘅時候，你嘅吸引力就會增加容易溝女，性生活亦都會更加美滿；

而當你性生活滿足，你同條女嘅關係又會得到改善，令到佢更愛你；而當你感情搞得好，你搵錢又會更專心，你嘅工作效率又會增加。

咁所以你嘅人生範疇並唔係獨立斬件嘅，你做每一個決定都會影響整體大局。

呢個就係點解MTFU就係著重你每一方面嘅進步：有樣有身材，有型有健康，有女有性有愛，有錢有地位有影響力，

有社交有朋友，有得當下玩同享受，又有工作使命有將來。

咁所以你想要更多女嘅話，你就一定要成個package咁樣upgrade自己，應該純粹學game學技巧。

唔好成為一個日日做4個鐘gym，唔可以大飲大食，包晒瘡冇life嘅大隻佬；

唔好成為一個喺度狂daygame，成個人生淨係識講自己食過幾多條女嘅pickup傻仔；

唔好成為一個淨係做嘢搵錢，但係缺乏女人缺乏好玩社交嘅有錢人；

你個人唔夠多元化，你唔每一範疇都進步，你都唔係一個最有吸引力嘅男人。

Anyway巴打，今集好詳細地教咗你一系列嘅做人智慧，希望呢啲人生課堂能夠讓你有更多嘅insights，去重新審視自己嚟緊條路點樣行

如果你鍾意今集呢啲特別topics嘅話，就係即刻LIKE同訂閱我哋嘅YT channel，follow我manupmanson嘅IG，

最後留言話我知你嚟緊想睇咩內容啦！下集見！

上癮 = 你無法自制地不斷做某樣嘢，而呢樣嘢過量消耗你嘅精神能量／集中力，令你變得平庸，無法獲得非凡嘅理想生活

上癮，唔一定講緊你濫藥；

任何令你『花勁多時間沉迷 + 無咗佢唔得會想死』嘅嘢，都喺你嘅癮。

所以無論係K仔，飲酒，睇AV打飛機，食物，打機，賭錢，叫雞，購物，狂睇IG等等…全部都有機會成為你嘅癮。

如果你有興趣戒掉某啲癮，今日我就想分享4部曲點樣去做。

＃1 你要學識善用痛苦同快感嘅心理機制，而唔係被痛苦同快感嘅感受去支配你！

你想戒除毒癮，你就要意識到繼續做呢樣嘢，喺痛苦過放棄做呢樣嘢

所以問下自己：究竟呢種上癮令我點樣受損呢？而呢樣嘢同時又比到咩快感我呢？

之後好重要，就係再問下自己：如果我唔改變嘅話，我會為你啲癮付出乜嘢嘅沉重代價呢？如果我成功戒掉佢嘅話，我會得到幾多好處收穫同快感呢？

當你能夠深入地去寫低呢一堆資料，感受下唔改變嘅短期長期代價，同埋感受下改變後嘅短期長期收穫，你就會有更多情感支援去行動戒咗某啲癮！

＃2 要知道 + 斬斷一啲會觸發你毒癮嘅嘢

譬如話：係咪因為我好悶好孤獨無女留喺屋企，而老豆老母又出咗去，所以我睇到啲索女性感相嘅時候，搞到我想打飛機呢？

又或者係咪因為我對自己無乜希望，唔知自己要做乜，所以選擇將啲錢去澳門倒晒佢落海呢？

定係還是因為某啲氣味／視覺刺激／歌曲聲音令我諗起條女，最後搞到我好撚beta咁想乞求佢同返我一齊呢？

你一定要搵到某種官能上或心理上嘅triggers，你先會知道點解自己情感上被某啲嘢操控，你之後先會有能力斬斷某啲毒癮。

＃3 你要製造令你舒服有快感嘅新活動，去取代原本嘅毒癮

我個人會建議你做一啲改變身體嘅活動，因為幾乎任何上癮，都可以透過physical activities去將你抽離開你脆弱嘅大腦mind，改為集中去強化自己嘅身體body。

無論係出去公園行個圈，去河邊跑返5km，定係做gym打拳發洩下…

當你用一啲健康嘅習慣去釋放安多芬嘅話，你就可以減低透過毒癮得到快感嘅需要，慢慢將佢摧毀

＃4 最重要嘅，控制你嘅環境

你身邊嘅人，你身處嘅地方環境，同埋你上癮嘅嘢，喺有密切嘅關係。

如果你身邊全部都係吸毒賭錢叫雞嘅人，咁你好難唔會做晒呢啲嘢。

你一日繼續同佢哋接觸，你一日都會受佢哋薰陶，繼續做返嗰一類人。

無論係親人定係朋友定係同事定係你條女，你都要審視你而家最常接觸緊啲咩人，同埋佢哋啲樣潛意識地影響緊你嘅思維同行為。

你唔斬斷某啲關係，或者大大降低同佢哋個接觸頻密度，然後level up你身邊嘅人嘅話，你就會滯留喺現時嘅位置，永遠都唔會進步。

＃5 以上就係戒除任何毒癮嘅4條原則，嚴重嘅話當然你可能要搵醫生或者治療師幫手啦。

但如果你有決心嘅話，以上呢啲練習將會幫到你好多，無論係你想戒丁／戒煙／戒賭／戒嫖妓等等。

只要你搵到你想改變嘅情感原因，只要你喺忍受夠自己而家嘅狀態，只要你擁有MTFU嘅價值觀嘅話…你就可以征服任何毒癮，你嘅人生就會有無限希望。

如果你想額外有一班support你嘅高價值兄弟，同埋有我親自協助你溝女人生各方面有所突破嘅話，

歡迎你去我哋嘅官網www.manthefvckup.com查詢點樣加入我哋最強嘅The Kings Club 皇者俱樂部啦。

我哋下集再見！

恐懼被拒絕，就係你呢一刻得唔到美滿戀愛生活嘅原因。

恐懼被拒絕，就係摧毀你結識異性，約會更多，享受性愛嘅原因。

究竟你幾時先可以消除溝女上一系列嘅恐懼呢？

今日我就會剖析最常見嘅溝女問題，並者教你實用嘅解決方案，去幫你征服自己恐懼被拒絕嘅難關，提升你嘅社交戀愛生活嘅成功率！

所以如果你鍾意今集嘅話，就請你依家率先LIKE同訂閱我哋嘅YT channel，follow我manupmanson嘅IG，並且睇完片之後留言話我知你下集想睇咩內容啦！

＃1 第一個常見問題就係：你害怕埋身接近囡囡搭訕

所謂嘅接近恐懼症，就係講緊同你嘗試行過去同條女傾偈時，喺心口或者腹部位置感受到一啲焦慮不安嘅感覺，最後搞到你完全零行動，傾唔到計，識唔到女。

要解決呢個問題，最直接就喺你一定要train到自己第一眼見到條女就要命令身體即刻行過去；

就算唔知講咩，都要毫不猶疑地郁咗雙腳先，向著條女嘅方向行過去先。

只有你咁樣訓練得多，你先會習慣身體行動快過思考，令你慢慢唔受負面思維抑壓行動力。

＃2 第二個常見問題就係：你溝女時嘅感覺喺有尋求條女認同／批准嘅感覺。

所謂嘅approval-seeking，相信好多MTFU嘅長期粉絲都聽過我講，但點解我仍然需要三番四次提醒你呢啲重點呢？

原因就係因為就算你game到條女係咁笑好enjoy，女人喺可以從你嘅sub-communications之中feel得到你嘅行為舉止背後，其實係咪想『得到佢嘅認同』去取悅佢。

每次你要條女approve你先覺得自己有價值或者開心feel good嘅話，你就係將條女放喺權威位置，自己做狗Beta化自己。

所以解決方法就係：永遠都要自己率先approve自己先，自己認同取悅自己先，幻想自己喺大哥哥，批准你內心嘅6歲細佬去做佢想做嘅任何嘢。

當你咁樣自我娛樂，容許批准自己去have a great time，容許自己對住條女say no，你先會喺一個有吸引力有領導力嘅男人！

＃3 第三個常見問題就係：你溝女時太睇少自己，太無自信覺得自己現時太無價值，最後就settle落一啲你唔太被吸引嘅女仔。

當然我哋喺應該有自知之明嘅，喺你未build up到自己最有吸引力嘅一面時，某啲女的確喺暫時高level過自己嘅。

但係你嘅心態必須有一種『過份甚至妄想錯覺般嘅自信』，就算客觀事實喺你好似未夠強都好，溝女時都要好高騖遠啲嘗試溝一啲令你心跳加速嘅索女。

記住呢句說話：Shoot for the moon. Even if you miss, you’ll land among the stars. 

亦都姐係話：當你訂下奔向月亮嘅遠大志向，就算到達唔到，你都會躋身於繁星之中。

唔好驚目標太遠太高，你要首先相信自己並且盡力以赴地行動，你先會有意想不到嘅收穫！

所以巴打，匿埋喺屋企咩都唔做喺溝唔到女嘅；

好好運用以上嘅策略去解決你嘅溝女問題啦，你行動得夠快，任何嘅恐懼都會驚咗你！

鍾意今集嘅話，就請你LIKE同訂閱我哋嘅YT channel，follow我manupmanson嘅IG，跟住留言話我知你下集想睇咩內容啦！

下集見！