分類: 溝女

Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。

 

應唔應該係情人節同女人上床!? 咩問題黎我嫁lol…

 

你係咪問緊我, 如果你同一個未上床嘅女仔係情人節出街, 你應唔應該同佢上床?  

 

定係你問緊我, 你同一個已經上過床嘅女仔出街, 應唔應該係情人節再執番劑?

 

第一樣嘢, 如果你未同佢上過床,  你係唔應該約佢喺情人節出街!

 

情人節同一個唔熟識嘅女人出街感覺係好奇怪, 你哋雙方都會有好大嘅壓力, 因為大家都唔知情人節當日係以咩身份關係去出街。

 

第二, 假設你真係同佢出街, 應唔應該係情人節嘗試同佢上床?

 

OF COURSE!  情人節呀大佬, 係男係女都想搞嘢啦!

 

冇一個女仔特登同你喺情人節出街係唔想幻想同你搞嘢囉, 你仲需要幾多hints先get到呢? 佢擺到明係想同你瞓啦!

 

所以如果你情人節有街出, 你無論如何都要去嘗試lead佢去上床…

 

如果你唔咁樣做, 你根本就唔尊重自己同女性,你根本就唔理會大家都想要嘅嘢!

 

如果佢真係唔願意, 當然你都唔好迫佢啦, 唔係你就強姦犯啦…

 

但係過咗嗰一日,你要問下自己, 如果一個表面好似好冧你嘅女人,情人節都唔肯同你好close好親密上床, 呢個女人仲值唔值得你花時間同佢 hangout呢?

 

 

Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。

 

情人節其中一啲普遍問題,就係我應唔應該帶條女出街食飯? 又或者嗰日應該花幾多錢好? 我應唔應該有咩特別慶祝呢?

 

我畀你嘅意見就係: 做你想做嘅嘢, 花你想花嘅錢。唔係因為你覺得你”需要”去做呢樣嘢, 但係係你真心覺得”想”去做。

 

你想出街? 出囉。 你想睇戲? 睇囉。 你想食好嘢? 食囉。

 

唔係因為你驚佢唔開心, 唔係因為你驚佢會話你寒酸, 而係你自己”想”去做。

 

對男人嚟講,冇乜嘢係應該唔應該做, 你要為自己所做嘅事感到自豪, 有自己一套嘅標準,想做某啲嘢就just fvcking do it!  

 

去返情人節先, 如果你可能識左個女仔無耐,你對佢有少少好感, 你更加唔好花錢喺佢身上。

 

又或者你date左佢好幾個月, 但係佢冇主動問你你哋之間係咩關係, 你亦都唔好花錢喺佢身上。

 

記住一樣嘢: Women want what they can’t have. 女人係想要一啲佢哋要唔到嘅嘢!

 

如果你唔畀太多嘢佢, 佢哋就唔會expect 太多嘢喺你身上, 令佢經常覺得佢仲有好多嘢未喺你身上攞到, 咁樣佢就會有一個更加想追你,得到你更多嘅感覺。

 

紅酒,香檳,食海鮮,鋸扒,朱古力,玫瑰,首飾,去旅行等等嘅嘢,好簡單,你想畀嘅時候就畀佢,你唔想畀嘅時候就唔好畀佢!

 

你仲要問下自己, “其實條女喺你身上貢獻過啲咩? 佢有咩應該係幫我做? 佢應該帶我去邊度食好嘢?佢應該送咩禮物畀我?”   

 

浪漫係雙向嘅, 愛情係雙向嘅,最好嘅性愛亦都係雙向嘅。

 

除咗男人可以幫女人做嘢之外,女人亦都必須幫男人做返至少相同程度地嘅嘢, 咁樣先可以有一個大家開心雙向嘅情人節!

 

 

Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。

 

就快又喺度一年一度最搵男人笨嘅節日, 就係我哋2月14號嘅西方情人節。

 

如果你係single,呢一日又會溫馨提示你自己有幾多孤獨。

 

如果你有伴, 好可能你又畀個女人逼你花幾千蚊同人迫餐死,食埋一啲垃圾食物,又或者買賣一啲癡肥嘅朱古力,甚至幾日就會爛嘅嘅玫瑰花上面。

 

其實情人節嘅原意係乜嘢呢!? 詳細你可以上wikipedia睇下, 但係略略嘅原意係去慶祝男女雙方互相嘅感情, 而大家會互相送禮物。

 

但係好可惜嘅係, 近呢十幾年,情人節已經演變為女性嘅節日, 焦點已經變做男人送女人禮物, 好似唔關男人事咁樣。

 

年年tvb嘅新聞, 都會喺度影啲幾千蚊嘅戇鳩花, 又會訪問啲男人送咗啲咩畀女朋友等等, 塑造一個情人節係女人大曬嘅日子咁, WTF?

 

好多女人對情人節係充滿expectations, 而佢哋嘅expecations亦都有以前嘅, “Baby,我諗我哋情人節應該靜靜地一齊食飯,有埋張卡就仲好啦!” ,

 

去到而家嘅, “Baby, 我想要靚袋 , 我想買新鞋, 我想要呢對耳環, 我想fine dining, 我想去旅行…”  

 

每一年嘅情人節, 男人就好似要做一啲比之前更貴,更高級,更奢侈嘅活動, 冇撚病呀你?

 

點解?

 

因為當你係拍緊拖又或者in a relationship, 無論係一個禮拜, 一個月,一年,五年,十年, 每一日一齊都係應該去慶祝你哋嘅 relationship。

 

如果你真係想去慶祝你哋之間嘅感情,乜唔係應該喺 anniversary 搞大啲嘅咩? 關2月14號乜撚事!?

 

你哋根本唔需要好似平庸大眾,人云亦云,咁話畀世界知你有幾愛你個女人!

 

再加上好重要嘅嘢係, 女人好鍾意同其他女人friend比較, 鍾意比較各自嘅男朋友/老公/兵s 為佢哋做啲乜嘢。

 

佢哋得到越多男人嘅注意,佢哋就會覺得自己價值越高, 贏曬佢其他friend, 呢個係佢哋自我認同嘅一個方式。

 

記住: 女人係需要外在嘅validation/認同, 先可以確立到自己嘅價值。

 

咁你幻想下呢個情況, 情人節嗰一日, 你可能花咗幾百至一千蚊食好嘢, 買咗少少禮物, 做咗啲特別嘢, 過咗一個美麗嘅晚上, 你女朋友當時可能好開心, 佢甚至話你知你畀咗個最難忘嘅情節佢。  

 

第二日你女人返工, 啲女人就喺度gossip, 大家比較大家做咗啲乜,得到啲乜。

 

女人Michelle就話, “哎呀, 我琴晚一返到屋企, 我嘅baby一早已經幫我預備好玫瑰泡泡浴等我 relax啦, 之後佢仲surprise我送咗一對Tiffany嘅耳環畀我… 其實我已經好滿足㗎喇, 點知佢仲靜靜雞book咗同我下個月去日本京都lor, 佢真係好衰嘅啫…”

 

你話你女朋友聽到呢一段說話, 無論佢有幾識諗, 佢會唔會有少少唔開心, 有少少妒忌呀喇? 你估佢會唔會將你同其他男人比較, 覺得你做嘅野唔夠呀喇?

 

好啦,咁佢嗰晚返到屋企喇, 你feel到佢有少少唔開心, 你問佢做咩, 佢又話冇嘢。你再問多幾句, 佢就開始講,

 

“冇呀, 你知道我哋公司嗰個 Michelle㗎喇, 今日佢喺度講話佢男朋友又幫佢預備玫瑰泡泡浴, 又送咗一對Tiffany嘅耳環畀佢, 之後仲話下個月去京都喎… 唔知呢… 我都知道咁樣諗唔係好啱㗎喇… 但係好似我哋好耐都冇一齊去旅行lor…”

 

跟住你心諗, “Diu, 琴晚先同你開開心心慶祝, 今日又想去旅行, 咁撚煩㗎你…”

 

ANYWAY, 我哋講番情人節啦。我覺得好多人太過重視情人節, 為咗慶祝而慶祝, 而你係冇需要喺呢一日去特別做一啲特別嘢。

 

如果將來你想避免有呢啲情況出現, 最好就一開始喺個relationship 講清楚, 話畀佢知,

“我唔係一個隨波逐流嘅人, 我覺得冇需要特別慶祝情人節, 唔該你唔好有太大的期待。但係如果你真係好想有一啲浪漫嘅嘢喺情人節出現, 我諗出面有好多細路會僕心僕命幫你做, 門口係嗰度, 或者你可以出去識下佢哋。“

 

當你肯咁樣一早情人節之前一兩個月警告咗佢, 你就可以防止好多不必要唔理智嘅大眾消費。

 

咁當然如果你真係想慶祝情人節嘅話 , 又或者一啲其他特別情況你真心想嗰日同佢慶祝,呢啲問題我哋留待聽日嗰幾集再探討!  

 

 

Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。

 

我哋每個男人都可能做過一個nice guy:

 

可能我哋做過嗰一個耐心聆聽女人訴苦嘅男人,但係你約佢出街嘅時候,佢總會有其他事做拒絕你…

 

又或者你係嗰一個好努力去討好女朋友/老婆嘅好男人, 但係你嘅戀愛生活, 你嘅婚姻始終畀唔到你情感上嘅,心靈上嘅,肉體上嘅滿足…

 

又或者你係嗰一個可以依靠,有義氣,放朋友在先嘅好朋友,會經常幫人,但係自己嘅生活就好坎坷…

 

如果你同時認為, 只要你做一個”好人”, 只要你經常做對的事, 咁你就會被愛,你生活上所有嘅煩惱就會消失…

 

如果你真係相信咁樣嘅謊言, 你可能中咗一種叫”Mr. Nice Guy, 好男人”嘅毒。

 

想問你一條問題, 當你同一個好靚嘅女仔出街, 你望住佢嘅時候, 你係咪真係望緊真正嘅佢呢?

 

定係你係望緊一個你幻想中, 毫無瑕疵, 諗緊點樣可以同佢長遠發展,塑造佢成為你ideal partner呢?

 

如果你好似大部分嘅男人, 你都會畀當時嗰種嘅chemistry,嗰種嘅氣氛, 令你遮蓋曬呢位女士嘅瑕疵,缺點,問題,或者其他公主病嘅嘢…

 

而你個腦就只係識諗, “Wow, 我哋一齊咗之後, 生活將會好美滿…” , 你不斷自己喺度 final fantasy…

 

呢一刻, 你開始有一個扭曲嘅視野, 覺得佢係”The One”, 覺得佢係屬於你, 覺得自己冇咗佢就會死…

 

你開始左度右度, 做任何嘢都係為咗達到某啲目的,而忘記咗享受過程…

 

你開始不斷製造一啲你哋將來一齊有幾開心畫面…

 

唉…親愛的巴打, 以上所有嘢都係bullshit,呢啲fantasy全部都唔係基於事實。

 

乜你唔記得咗佢係冇乜女仔friend㗎咩? (which is 好大嘅警號!)

 

乜你唔記得咗佢失業, 冇乜嘢做,但係好似成日有錢使嘅? (意思係: 啲錢喺邊度嚟,你就自己慢慢發掘下啦!)

 

乜你唔記得咗佢同你食飯嘅時候, 佢對個waiter 態度有幾差?

 

又或者傾計嘅時候, 佢有幾負能量成日投訴呢樣投訴嗰樣?

 

又或者你諗住問佢一啲deep啲嘅問題, 佢總會左閃右閃,唔想打開個心同你傾計?

 

不過唔好意思巴打, 即使之後你泥足深陷, 受到傷害嘅係你, 都係因為你自己一開頭唔願意坦白面對佢係真正一個點樣嘅人!  

 

你只係選擇性地去睇你想睇嘅嘢, 而忽略全面真正嘅事實。

 

你所做嘅,淨淨係一啲 “nice guys”會做嘅…

 

你喺度投射緊一個 perfect image喺呢條女身上, 一個根本唔存在嘅 image, 你話你咁樣做有幾殘忍同仆街呀喇?

 

可能你會問, 點解我做 “nice guy” 就係 仆街?

 

答案好簡單, 就係因為 “nice guy” 係最吝嗇,最刻薄,最操控人地嘅生物!

 

因為”nice guy”係唔誠實, 佢哋嘗試避免爭執, 淨係講一啲佢哋認為人哋想聽嘅說話, 一味抑壓自己真正嘅諗法同感受…

 

因為”nice guy”對你好, 只係因為暗地裏想得到一啲嘢, 想得到你對佢嘅認同, 想得到女人對佢嘅愛慕… 而佢哋得唔到嘅時候, 就會好嬲,埋怨人哋點解唔識得報答返佢!

 

如果你真係想得到曬你想要嘅嘢 – 無論係女人,自由,權力,健康等等…

 

Instead of nice, 你以後見到任何人, 你都係應該 BE REAL, 去睇面前呢個人係真正一個點樣嘅人 – 所有好嘅嘢,所有壞嘅嘢, 所有醜陋嘅嘢,去發掘真相!

 

尤其係面對女人,當你發現自己再投射一啲完美嘅質素喺佢身上, 你就要停低同自己講,

 

“唔得, 我唔可以再淨係片面地睇佢有幾完美。我要睇下佢有咩缺點,佢嘅全面, 我先至可以真正了解面前呢位女士, 我先至可以真實清楚自己同佢夾唔夾, 我先至可以客觀分析佢值唔值得我花時間精神落去…”

 

你唔可以再對自己咁唔誠實, 你唔可以再因為面前呢個女人嘅外表咁靚, 而去忽略佢真正係一個點樣嘅人。

 

唔好再咁”nice”喇,  唔好再因為佢靚而欺騙自己唔去睇佢其他嘅缺點, 唔好再咁仆街投射一啲個唔存在嘅畫面幻想喺面前呢個人到。

 
當你客觀地認識真正嘅佢, 你就可以決定繼唔繼續同呢個人有聯絡。

Yo, 新年快樂! 歡迎嚟到新一集嘅Man The Fvck Up, 協助你創造一個你想要嘅戀愛生活。

 

小弟學習marketing嘅時候呢, 我嘅mentor曾經教過我, “當一個人可以自己總結佢哋將會從自己投資嘅嘢裏面,得到10倍價值或者回報,佢哋就會馬上take action去做嗰件事。”

 

個重點係: 佢哋一定要自己得出呢個總結!

 

因為如果你話畀佢哋知佢哋將會有10倍價值或者回報,佢哋係未必會相信你;

 

但係當佢哋感覺自己得出呢個結論, 佢哋係會相信自己, 然後去 take action.

 

溝女亦都一樣, 如果你同佢講, “我性經驗好豐富, 我會令到你一晚十次高潮, 你會high到爆,快啲同我上床啦…” 佢係只會當你係戇鳩嘅!

 

所以即使你真係性愛專家,你都唔可以直接同佢咁講, 佢哋一定要自己去總結。

 

而女人係會憑佢哋嘅感覺, 直覺去判斷;

 

憑佢同你相處嘅時候, 睇下你係咪一個好玩, 夠challenging, 夠dominant, 夠不在乎…

 

睇下你識唔識玩eye contact, 講嘢語調有幾肯定, 同埋佢見到其他人對你嘅反應等等呢啲嘅行為舉動, 佢就會自己總結你係咪一個可以上床嘅對象。

 

咁可能你會問,點先知道條女對你有冇興趣?

 

以下係一啲常見嘅徵兆:

 

#1 佢同你傾計嘅時候玩頭髮。

 

#2 佢問你一啲比較私人嘅問題 (personal questions), 你feel到佢想認識你呢個人。

 

#3 你哋大家之間會互寸, 你玩下佢, 佢又會玩下你。

 

#4 你望住佢嘅時候, 佢會同你hold eye contact.

 

#5 你哋high five嘅時候, 你哋雙手係會有幾秒捉住,扣住大家嘅。

 

#6 佢同你傾計嘅時候, 佢有時會咬嘴角。

 

#7 當你講緊自己嘅理想願景嘅時候, 你見到佢好陶醉迷惑地咁樣望住你。

 

#8 當你講笑嘅時候, 即使係爛gag, 佢都可能照樣咁樣笑…

 

#9 佢可能會叫你player, 或者暗暗投訴你成日溝女, 或者任何一啲signal表示佢知道有好多其他女人鍾意你…

 

咁當然你要記住, 逢係我哋觀察身體語言,講嘢嘅聲調等等, 我哋都要知道當時係一個乜嘢嘅 context/環境。

 

譬如, 你有一個識咗 5,6年嘅 Anna, 你成日都同佢出街, 佢成日都笑你嘅爛gag, 呢樣嘢梗係唔代表佢愛上咗你啦, 好朋友都會互寸, 互相笑大家嘅7嘢…

 

所以記住要睇 CONTEXT!

 

咁我頭先畀咗你9樣女仔對你有興趣嘅signs, 第10樣而且最重要嘅係乜嘢呢?

 

#10 第十樣, 就係當佢去掂你,摸你,觸碰你。

 

一個對你冇興趣嘅女人係幾乎唔會去摸你嘅,

 

無論佢係輕輕喺你隻手附近擦過, 或者佢掂你大髀, 或者佢不經意掃到你個身, 甚至”唔小心個胸撞到你LOL”…

 

呢啲都係佢對你有興趣, 都幾撚明顯嘅徵兆。

 

咁當然, 如果你發覺佢真係太快,太明顯咁樣去攪你, 咁你就要小心啲, 佢好可能另有目的, 想喺你身上攞著數,

 

例如之後扮口渴,暗示叫你買嘢飲,跟住就搵藉口消失走人…

 

咁所以以上呢十個既attraction signs, 記得要睇埋環境場合, 用埋你嘅common sense同 gut feeling, 去判斷佢係咪真係對你有興趣。

 

千祈唔好比你嘅情感影響你嘅決定, 完!

 

Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。

 

你識唔識點樣令到女人好想喺你面前剝曬佢自己啲衫?

 

喺我教你之前, 唔該你應承我唔好濫用呢一招, 應承我你只會正當地用喺適當嘅女人身上面, okay?

 

咁我哋開始… 嗰情境係, 你知道條女著緊衫, 你亦都知道佢著衫襯得好好睇, 但你覺得佢喺床度冇曬衫褲會更好睇, 咁你可以點樣令到佢自己想除衫呢?

 

呢一招 , 我哋畀個名佢, 叫做”著多件衫” LOL

 

咁通常用呢一招嘅時候, 你係已經開始同個女仔有身體接觸, 大家kiss緊大家, 所以呢樣嘢係可以係幾分鐘至到一個鐘內發生嘅事。

 

又或者係一個本身都同你親密開嘅女仔, 你可以喺任何場合例如bar, club, 酒店,屋企客廳,睡房等等地方用呢一招。

 

假設當你哋身體掂住大家, 你隻手就喬住佢條腰, 你捉住佢件衫, 慢慢拉佢上嚟…

 

但係你要注意, 你唔好拉超過幾吋, 唔係嘅話佢就有機會阻止你, 拉番件衫落去…

 

因為對某啲女仔嚟講, 即是佢想同你做, 除衫係一大步邁向上床,所以佢嘅自然反應係點都想反抗一下先…

 

所以當你慢慢拉佢件衫上幾吋, 你就可以即刻拉番件衫去一個比之前更低嘅位置, 跟住講話, “ 唔得唔得… 呢件嘢要繼續留喺度…”

 

呢個時候佢應該會喺度爆笑,但係同時亦都更加畀你撻著, 因為以往幾乎冇男人會咁樣叫佢著返件衫 LOL

 

咁佢當然知道你喺度講笑啦, 同時間亦都證明你係一個唔依賴, 好玩, 對性有自信, 知道女人情感係點樣work 嘅男人。

 

當你過多幾分鐘再次嘗試過剝佢衫嘅時候, 佢係幾乎零反抗 , 因為佢已經等咗好耐好心急等你剝佢衫 🙂

 

Btw, 除咗衫之外,你亦都可以試下皮帶, 褲呀, 甚至你自己嘅衫,都可以係咁樣嘅玩法。

 

譬如, 你可以捉住佢雙手, 引導佢去你條腰度, 跟住引導佢去除你嘅衫, 跟住你去阻止佢, 拉返你件衫落去, 跟住同佢講, “ 喂! 你以為自己做緊乜呀? 今晚你冇可能除到我呢件衫…”  

 

你估下,當你同女人講話佢唔可以做某啲嘢嘅時候,佢會有咩反應?

 

佢係絕對會獸性大發撕開你啲衫褲食咗你! LOL

 
你快啲用下今日學到嘅秘密, 之後再話我知嗰晚有幾好玩啦 😉

 

Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。

 

喺我回答應唔應該稱讚女人外表好靚呢條問題之前, 我想再次提醒你一件事:

 

如果呢一刻嘅你,仲未有一個令你每一日起身好興奮嘅遠景vision, 未知道自己嘅生活嘅目的purpose, 未搵到自己一樣好想爭取嘅事物,唔該你盡快去探索尋找呢樣嘢。

 

因為一個冇purpose嘅男人就等於一個規撚咗嘅男人, 漫無目的咁樣喺人海之中漂浮, 你係好難去喺世界留低你嘅足印。

 

同埋如果你feel到自己有啲迷失, 開始畀一啲垃圾電視劇, AV,或者其他一啲唔用腦嘅entertainment 而令到自己分心, 你係時候cut撚曬佢哋。

 

所有為迎合大眾口味嘅資訊, 基本上都係令你繼續又肥又毒又蠢, 係唔會幫到你去到新一個level, 所以唔該你嚟緊兩個星期, 唔好再將你寶貴嘅精神投放喺呢啲低價值嘅information裏面。

 

你多餘嘅時間, 係應該投資係你身上面, 令你變成一個更進步更加有edge嘅人, 一個女人會尊重, 羨慕,渴望得到你嘅人。

 

第二, 答返你今日嘅問題, 就係點解我通常都建議你唔好直接稱讚女人嘅外表, 而你係應該稱讚佢其他更重要嘅嘢例如:

 

佢嘅聰明才智, 佢對你或者其他人嘅忠誠, 或者我之前教過你, 去稱讚佢理想中嚮往嘅自我形象self-image, 稱讚佢心裏面想點樣去畀人睇。

 

但係如果喺某一啲情況, 你真係真心覺得佢嘅外表好有啟發性, 好inspire到你去稱讚佢個樣, 咁你就可以用我以下呢條formula:

 

就係無論你想讚佢乜嘢, 你都要記得係之前加“呢一刻嘅你…XYZ”。

 

我之所以話建議你唔好讚佢嘅外表, 係因為佢之前已經聽咗好多三唔識七,三尖八角嘅人講同一番說話,一啲新意都冇,所以你唔想畀佢標籤為係同嗰啲同一類人。

 

另外一個原因, 係因為當你講話 “你好靚女”嘅時候,你會講到好似係一個永恆嘅事實咁樣…

 

即係嗰啲, “我要永遠同你一齊”, “我會愛你一生一世”, “你係我所見過世界上最靚嘅女人” 等等呢啲假到仆街嘅廢話, 唔會再work㗎喇。

 

同埋講真,即使呢一刻你好想同佢永遠一齊,你係冇可能預知未來會發生嘅嘢。如果佢第時係個偷曬你啲錢嘅仆街,係咁講大話呃你,你仲想唔想同佢一齊?

 

你一講呢啲帶有永恆不變意思嘅句子, 你就即刻輸咗!

 

所以我教你用呢一句 “呢一刻嘅你…XYZ”。

 

例如: “ 呢一刻嘅你…睇落好靚。”

 

“呢度有好多女仔, 有啲都幾靚, 但係唔知點解呢一刻我淨係想望住你… “

 

“呢一刻嘅你都幾好玩,個人夠open-minded嘅…”

 

當你識得用呢條formula去讚女仔嘅時候, 你唔單止會令到佢覺得開心, 你亦都暗地裏set咗個challenge, 令佢潛意識知道自己要保持呢種你讚佢嘅特質, 佢先有機會繼續同你一齊, 係咪好邪惡呢? 😉

 

Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。

 

女人係鐘意一個有標準有standard嘅男人。我講緊嘅唔係話, “我要條女好索!” 平庸大眾都會講嘅標準, 呢啲係男人都識講既唔叫做standard。

 

一啲比較好嘅例子,我自己會作為篩選條件嘅,係以下呢一啲你可以參考嘅指標:

 

#1 條女係咪對external validation, 人哋對佢嘅認可,上咗癮呢?

 

尤其是, 佢係咪係嗰啲為咗呃like 而係個 Facebook/ IG/ Snapchat 成日影靚相,放新post呢?

 

如果佢係一類型, 咁佢可以係咁先,下一位唔該。

 

#2 佢係咪一個有意識去反思自己嘅人呢? 係咪知道自己做緊乜, 去緊邊一個方向嘅人呢?

 

佢會唔會重視去develop 自己先?  佢會唔會花時間去了解自己?  

 

#3 佢係咪一個有腦諗嘢嘅人, 定係佢係一個人云亦云, 人講乜佢就講乜, 人做乜佢就做乜follower?

 

#4 佢錫唔錫自己嘅身體, 會唔會做下運動, 做下yoga呢?

 

其實嗰list可以好長, 仲有好多其他例子嘅, 不過重點係:

 

當你自己喺dating上面越有經驗, 同越嚟越多嘅女仔interact, 你就會越嚟越清晰自己真正想要或者唔要啲乜嘢, 你就會知道邊啲quality對你最重要。

 

另外你要記得嘅一樣嘢係, standard唔係得個up字, 你係必須履行你自己嘅一早些set嘅standards.

 

你揀女人有標準,係因為你愛自己,你會將有質素嘅嘢留畀自己。當你同女人傾計嘅時候,佢係可以feel到呢樣嘢。

 

當佢聽到你好清晰知道自己想要咩類型嘅女人, 好清楚自己唔會要邊類型嘅人喺身邊,呢位女士就會好想變做符合到你標準嘅女人, 嗰一個贏到你心嘅女人。

 

但如果呢一刻你仲未知道自己嘅standard, 咁你最好就返幾分鐘去諗一諗, 例如:

 

喺你過往嘅經歷, 有乜特質係真正好深刻咁樣吸引到你? 有乜嘢你係好憎人哋做嘅?  

 

冇人可以話畀你知你想要啲乜嘢, 但係我可以同你講, 當你明確地知道自己想要乜,唔想要乜, 當你有一個真實,可信,可靠,確切嘅標準…

 

你就會feel到啲女好似突然之間湧埋嚟,你之前好似搵唔到嗰一type嘅女人就會開始喺你面前出現…

 

所以唔需要為自己有高嘅要求而妥協, 喺任何情況下都唔好犧牲你自己嘅標準, kun一件你唔想kun嘅嘢。

 

你除咗會開心好多之外, 你都會令到其他女人想符合到你嘅標準, 畀你揀成為你嘅女人。:)

 

今集嘅功課係, 而家請你列出5至10樣你任何情況下都唔會容許嘅野。

 

你呢一個list就係你嘅底線, 當女人踩到嘅時候, 你就要out咗佢, 佢一定要走,冇得傾!!!

 

第二個list, 就係請你列出5至10樣你自己理想中女人身上要嘅特質。

 

雖然要符合曬呢啲條件係可能比較難,而且符合唔到嘅女人亦都唔代表你要即刻踢走佢…

 

但係你都要開始知道自己想要咩類型嘅女人喺你身邊, 所以呢一個list 亦都係好重要,將會幫你篩選到好高質素嘅人。

 

今日就係咁多, 唔該你依家鐘花幾分鐘去做功課, 下集再講。

 

 

Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。

 

今日想教你一個將會對你一生受用嘅concept, 咁因為你可能都知道啦, 無論係做嘢, 或者溝女,或者打波做gym, 當你係入咗狀態嘅時候,所有嘢都零舍順利啲,容易啲。

 

問題係, 點樣先可以訓練到自己盡快進入狀態呢?

 

好重要嘅一點你要記住嘅係:

 

第一, 你最常處於嘅狀態將會成為你嘅內定值, default setting。即係話, 一日裏面, 你花最多時間喺某一個狀態, 嗰一個狀態就會成為你嘅baseline, 你狀態嘅基線。

 

而且, 如果你想推高或者製造一個更好嘅狀態, 你係需要至少21-30日先可以reset嗰一個新嘅內定值; 如果你想佢變成持久幾乎唔變嘅baseline,你需要甚至需要90日。

 

所以如果你一日裏面,大部分嘅時間都係坐喺辦公室cubicle, 做埋一啲好悶嘅paperwork, 成日喺度望住個鐘等放工 , 咁呢一個狀態, 呢一個state 就會成為你嘅狀態基線…

 

所以你每一日起身, 你出去搭車返工, 就會好似一個好悶,睇落成個機械人咁樣嘅狀態。

 

又或者當你出去識女仔,或者見返以前啲friend, 你又會係一個木木獨獨機械人咁嘅死樣去同人social。

 

就係因為你個狀態內定值係一個好悶對生命冇熱誠嘅人, 所以當你正正常常唔察覺嘅時候, 你都係會以嗰一個冇創意性, 唔識講笑, 冇passion嘅造型佢同其他人溝通。

 

而state 狀態係一個好有感染性嘅嘢嚟嘅, 所以當你黐得最多嘅人都係一啲沒精打采嘅人, 你係會不知不覺咁樣被佢哋呢種低能量負能量感染, 令到你自己都好頹廢。

 

咁所以我係好著重我身邊圍繞著我嘅人係乜嘢質素, 我盡量都放自己係一啲 the best of the best 嘅精英裏面, 因為我知道佢哋係會直接影響我嘅standard, 我認為係可能嘅事情等等。

 

第二樣嘢想你今日攞走嘅係:

 

你係有力量可以即時改變你當下呢一刻所感受嘅狀態。

 

而最快的方法去正面影響你嘅state狀態, 就係去改變你身體嘅motion, 去移動你身體嘅姿勢 。

 

雖然你而家睇唔到我啦, 但係我係成日都會令自己旭嚟旭去, 行出行入, 有時做做下嘢feel到自己有啲悶有啲呆滯…我就會聽一啲好high嘅EDM電子音樂, 等自己跟住啲音樂跳下舞, 旭下個身做少少運動, 同下其他人傾偈等等。

 

你可以幻想到, 當我每一日都有意識地去將我嘅 default state 狀態內定值,慢慢調教去一個更加正能量,更加活潑,更加專注,更加自由,更加興奮自high嘅狀態… 長時間咁樣, 我係會任何時候都可以令自己好有活力去做任何嘢。

 

好奇妙嘅一樣嘢就係,當你係一個咁有活力去做任何嘢嘅人嘅時候, 你係會令到身邊嘅人好想痴住你… 因為你嘅正能量實在太吸引, 我哋每個都想黐住一啲正面, 好玩嘅朋友因為佢哋令到我哋更加開心興奮。

 

所以我絕對建議你開始咁樣做, 開始有意識地去觀察著自己每一刻嘅狀態… 當你意識到自己唔係最巔峰嘅時候, 你就可以改變你身體嘅姿勢; 旭下你嘅body, 自high幾分鐘 , 跳返隻開心舞,走下叫下, fing下你個身;

 

總之做一啲身體嘅動作, 改變你既biochemistry, 改變你嘅血液流動, 從而咁樣去改變你嗰一刻嘅心理質素同情感狀態。

 
你肯咁樣做, 我保證你唔需要再講任何特別嘅lines, 都可以吸引到有質素嘅女人同新朋友埋你身邊, 你到時就可以有選擇去揀同邊一啲人去長遠發展喇!

 

 

Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。

 

今集個topic你一睇都知道好撚凝重, 但係我都想分享畀你呢一篇我最近睇咗嘅文章, 從而希望可以啟發到你去開始活出你自己選擇嘅生命。

 

呢一篇文章, 係5,6年前一位外國護士喺醫院記錄低臨死嘅病人最常見嘅遺憾, 之後佢寫咗一本書叫做 “The Top Five Regrets of The Dying”.

 

咁我以下會好快分享書裏面嘅節錄, 跟住我會再教你點樣曲線利用呢篇文,成為你下次帶女仔走嘅一個話題 :p

 

第一個遺憾就係, “I wish I’d had the courage to live a life true to myself, not the life others expected of me.”  “我希望之前有多啲勇氣去忠於自己, 活出我自己嘅生命, 而唔係做一個人哋期待我應該係點嘅我。”

 

書中作者就話畀我哋知, 好多人去到生命嘅盡頭,回望返, 先至發覺自己原來有好多未完成嘅夢想; 去到臨死嘅一刻, 先至知道原來係佢哋做咗某一啲嘅決定, 又或者冇做到某一啲嘅決定, 導致到今日佢哋大部分嘅夢想都破滅。

 

第二個遺憾係, “I wish I hadn’t worked so hard.” 我希望我冇咁努力工作…

 

作者話, 呢個係好多男病人同佢講嘅原因。好多男人都好掛住佢哋小朋友嘅童年或者佢哋嘅伴侶關係, 所以好後悔花太多時間為工作而工作。

 

第三個遺憾係, “I wish I’d had the courage to express my feelings.” 我希望我之前有多啲勇氣去表達我嘅感受。

 

原來好多人都為咗以和為貴,而抑壓自己嘅感受; 結果佢哋妥協並且安於平庸嘅生活, 永遠都唔能夠成為佢哋潛能嘅自己。

 

而好多人亦都因為咁樣嘅壓抑,導致佢哋生活非常痛苦同埋帶有好多怨恨…

 

第四個遺憾係, “I wish I had stayed in touch with my friends.” 我希望我之前多啲同朋友保持聯絡。

 

作者話, 好多人臨終嘅時候,先至會發覺明白老朋友嘅重要性, 但係去到嗰一個階段嘅時候, 已經唔能夠再搵番佢哋。

 

好多人都因為生活忙碌, 而忽略咗佢哋當年前嘅朋友關係,後悔冇畀到足夠嘅時間同力度去keep in touch.

 

最後第五個遺憾係, “I wish that I had let myself be happier.” 我希望我之前容許自己開心一啲。

 

作者話, 原來好多人都唔知道開心係一個選擇, 但係好多人都被困喺舊有嘅模式同習慣, 令到佢哋太過安於現狀, 令到佢哋活喺自己嘅舒適範圍comfort zone太耐。

 

就係因為太舒服,佢哋心底其實係好驚有任何改變, 所以佢哋會扮俾自己同其他人睇, 佢哋係好滿足現有嘅生活質素。

 

咁好啦, 以上就係人死前五大遺憾, 你又可唔可以從中學識點樣開始忠於自己, 趁有時間嘅時候, 勇敢地去創造一個你真正想要嘅生活?

 

你聽得我哋Man The Fvck Up, 我相信你都係一個有大志嘅人…

 

所以等我以下去獎勵你嘅勇氣,教你點樣可以想帶女仔走嘅時候, 涉及啱啱呢一篇文嘅話題。:)

 

假設你識左個女仔, 大家好好傾, 你想帶佢去另一個地方, 咁你可能會講話, “喂, 我有啲肚餓, 我哋走去食嘢囉…”

 

咁佢可能呢個時候會唔太肯定跟唔跟你走, 佢會講好多點解唔可以就跟你走住嘅原因等等。

 

喺呢個時候, 你就可以話, “ 呀, 我最近睇咗篇好感動嘅文。

 

佢就講有一個醫院嘅護士, 係照顧一啲臨死嘅病人, 佢做咗好多年,喺呢一段期間佢會問佢啲病人, 佢哋最大既人生遺憾係乜嘢?

 

咁呢個護士就喺過去工作嘅三十幾年,編輯咗五個最大最常見嘅死前遺憾,你知唔知呀排第一嘅答案係乜嘢呀…”

 

咁個女仔梗係會問你係乜嘢啦, 喺呢個時候, 你就可以略略露出嚟嘅奸笑, 用講笑嘅語氣同佢講, “ 排第一嘅, 就係當一個又靚仔又有魅力嘅男士,去畀機會邀請你去探險嘅時候, 你冇去到。”

 

喺呢個時候佢就應該會笑, 並且話,”好煩呀你, 你講大話!”

 

咁你就可以話,”你仲煩呀, 走啦 。”跟住你就可以拖住佢隻手, 離開嗰個場地喇。:)