分類: 溝女

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

【宣布：由於最近收咗唔少嘅private coaching clients同埋有時會一日收到近50封email問題，所以我係需要一段時間先至覆到大家嘅問題；

 

各位巴打絲打請見諒同畀啲耐性，我係會喺7-10日覆返你嘅，唔該曬！:-)】

 

講故事要講得引人入勝，其實係一種高層次嘅技術，係需要不斷練習鍛鍊。

 

你可能都會知道，

 

如果你有能力透過講故事得到其他人嘅專注力，對你溝女事業社交等等方面亦都係有莫大嘅幫助。

 

今日就想分享講故事嘅七大基本小貼士，令你成為一個唔再犯低級錯誤嘅說故事高手。

 

Tip＃1：講故事嘅時候，唔好再有呢啲umm/errr/ehhh等等。

 

基本上，

 

無論係你說話定係講故事，所有umm/errr/ehhh都係一啲不必要嘅聲音，係會令到人哋對你講嘢失去興趣。

 

因為用umm/errr/ehhh嘅潛意識就係，你想用一啲聲音去爭取時間，令自己諗到下一句講乜嘢；

 

但係如果你段speech長期有呢啲噪音，就會令到人哋覺得好煩。

 

所以instead你要做嘅就係…

 

Tip＃2：你要學識善用pauses／停頓位。

 

一個啱時機嘅停頓位，一個係重點之前出現嘅停頓位，

 

係能夠令到聽眾突然留心好奇，專注地期待你下一句所講嘅嘢。

 

善用pauses係好多公開演講者或者聰明嘅政治人物會用嘅方法，

 

如果你能夠精通呢種技巧，你已經比出面九成嘅人講嘢更加有感染力。

 

Tip＃3：記住講任何嘢，都要放鬆自然流露自己嘅emotions，釋放自己嘅情感。

 

你說話嘅時候記得要speak with PASSION，

 

如果連你自己都對你所講嘅嘢冷淡冇感情，就算你所講嘅內容非常有趣，聽嘅人都只會同你一樣覺得好撚悶失去興趣。

 

所以你要記住嘅嘢好簡單，

 

從呢一秒開始，speak with EMOTIONS and PASSION！

 

Tip＃4：有策略地運用自己嘅eye contact。

 

無論係對住女人定係對住一大班聽眾，當你係望住對方講嘢嘅時候，對方係會更加留心你所講嘅東西。

 

所以細個阿媽都可能教過你，講嘢係要應該望住人講嘢，so true。

 

當然間唔中有策略地望其他地方／removing your attention，喺一招溝女好好用嘅策略，

 

但係呢啲高級技巧我遲啲再share俾大家。

 

Tip＃5：善用你嘅手勢／gesture！

 

你有冇見過一啲人，講嘢嘅時候成程兩隻手係完全放喺兩邊或者後面呢？

 

你會唔會感覺佢有啲生硬僵硬甚至有啲唔自然呢呢？

 

要記住，body language係佔communication溝通超過50%，

 

所以你運用自己嘅手勢去表達所講嘅嘢，其實就係雙倍增加自己有效溝通嘅能力。

 

再加上，人類嘅眼球係會被一啲郁動嘅嘢／movements吸引，

 

所以如果你嘅聽眾係一大班人，你更加要運用你嘅gestures去令佢哋集中喺你身上。

 

Tip＃6：講故事記得要善用自己嘅面部表情！

 

你嘅facial expressions越係豐富，越係expressive，

 

其他人越係會覺得你搞笑生動有趣，佢哋就會越係留心專注你所講嘅故事。

 

尤其是當你能夠善用自己面部表情，去表露某啲情感嘅時候，女人就能夠更加感受你故事背後表達嘅emotions。

 

Tip＃7：講故事必須注意你聲調嘅高低抑揚／Vocal Tonality

 

最簡單去令人哋突然對你集中注意力，就係突然之間改變你自己嘅聲調。

 

機械人式R2D2嘅毒男單聲道喺會好似professor催眠你，令到所有人想tune out想瞓覺。

 

所以唔該你由今日開始，講嘢嘅時候記得用返多啲唔同類型嘅vocal tonality喇！

 

希望今集幫到你！

 

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

【宣布：由於最近收咗唔少嘅private coaching clients同埋有時會一日收到近50封email問題，所以我係需要一段時間先至覆到大家嘅問題；

 

各位巴打絲打請見諒同畀啲耐性，我係會喺7-10日覆返你嘅，唔該曬！:-)】

 

嚟到超男之道系列嘅第46集，今集叫做 Breathe Down the Front，從身體正面呼吸下去！

 

＃1 作者意思係：大部分男人身體嘅正面，由頭到腳總會有一啲blockages，

 

如果你唔維持一種全面公開open嘅body，你係好難完全地征服世界同女人。

 

而最基本嘅方法去『打開自己』，就係透過深刻深切放鬆嘅呼吸，

 

從你嘅身體正面draw energy落去，令到自己能夠從神經質嘅憂慮之中轉移視線並且放鬆。

 

＃2 當你感到緊張嘅時候，你嘅肚腩附近就會收緊。

 

當你唔開心嘅時候，你可能喉嚨附近就會出現一啲繃緊嘅狀態。

 

當你感受被威脅嘅時候，你嘅太陽神經叢／心窩肌就會感到心神不定。

 

當你好用力思考嘅時候，你嘅額頭就會露出皺紋。

 

當你為不確切嘅將來憂慮嘅時候，你就會收緊自己下巴口部兩側嘅位置。

 

所以每一日大部分嘅時間，你都係不斷收緊／tense up緊／收窄自己身體正面任何器官嘅部分。

 

＃3 但係你要明白，你身體嘅正面，尤其是你肚腩belly附近，其實就係你嘅能量同世界嘅能量相遇嘅位置。

 

當你身體正面維持open開放／relax放鬆嘅狀態嘅時候，

 

你嘅力量先至可以自由地流動，你先至可以將你嘅存在感滲透房間嘅每一個角落；

 

你先至可以command attention，就算無咩點樣做某啲特別嘢，都會透過你嘅磁場令到身邊所有人被你吸引。

 

呢種就係你見到有魅力放鬆posied／泰然自若嘅人能夠做到嘅事情。

 

＃4 所以如果你咁多年嚟身體正面係累積好多tension／張力嘅話，你就其實一直限制緊自己嘅能量同世界接軌；

 

你嘅consciousness／意識亦都被限制，令到你只能夠每日鑽牛角尖淨係諗到一啲self concern嘅嘢。

 

所以而家請你留意一下，究竟你依家嘅呼吸係咪腹式呼吸，能夠深入地呼吸落下腹部位置呢？

 

你係咪可以幻想到自己能夠breathe into your BALLS，將氧氣能夠帶落你嘅男性性器官下面呢？

 

如果你嘅呼吸唔能夠reach到咁低，你就唔能夠真正地充電，

 

你就會感覺到自己嘅虛弱並且成日都唔肯定應該點做，你就唔能夠釋放你真正嘅潛能同影響力。

 

＃5 你嘅呼吸就係你個人力量其中一個主要嘅expression，主要嘅途徑去分享自己嘅禮物比世界。

 

你係可以透過你自己平靜嘅深呼吸，去打開其他人嘅tension／張力，

 

令到原本緊張嘅人都能夠跟隨你變得平靜放鬆，透過你嘅意識去協助其他人提升佢哋嘅存在意識。

 

＃6 當你能夠打開自己嘅身體正面，經常提醒自己有一個open嘅body language，

 

你先至能夠容許自己最大嘅力量去擴大出去，滲透每一個房間嘅角落，滲透每一個人嘅心，滲透整個世界。

 

對女人亦都一樣，你係必須利用自己嘅呼吸去打開女人嘅身同心，

 

透過你嘅愛去感受佢嘅身體就等於你嘅身體，透過你嘅呼吸去『入侵』佢，

 

令到佢原本緊張嘅tension都能夠喺你嘅帶領之下放鬆。

 

你而家明白咗深呼吸嘅重要性之後，

 

你又會唔會開始練習，每一分每一秒提醒自己要深呼吸呢？

 

希望今集幫到你！

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

【宣布：由於最近收咗唔少嘅private coaching clients同埋有時會一日收到近50封email問題，所以我係需要一段時間先至覆到大家嘅問題；

 

各位巴打絲打請見諒同畀啲耐性，我係會喺7-10日覆返你嘅，唔該曬！:-)】

 

＃1 之前有好幾位巴打問過我應該點樣kiss女仔，又或者點知幾時先可以錫佢，

 

所以今日好快教你同女仔錫錫嘅兩大重點。

 

＃2 首先就係，一個順利過渡嘅kissing，最重要都係timing；

 

就算女仔對你有興趣，如果你錫佢嘅時機唔啱，又或者你等得太耐，你最後就會錯過咗成個機會。

 

另外就係，你一定要學識閱讀女仔畀你嘅signals，因為佢哋係會暗示畀你聽佢想你錫佢嘅。

 

所以你想成功錫到女仔，你就要注意以下兩大重點。

 

＃3 第一樣嘢就係：Kissing正唔正，好多時都係關於你一開頭嘅buildup，

 

關於你點樣慢慢將大家嘅氣氛升溫，增加性緊張感，最後透過kissing釋放男女之間嘅sexual tension。

 

所以做嘅方法，就係你必須增加感官性嘅身體接觸，增加你掂女仔嘅頻率。

 

＃4 例子就係：

 

－當你傾計嘅時候，掂佢手臂去強調某一點

 

－掂佢隻手去問下佢帶住嘅飾物有咩歷史

 

－掂佢嘅頭髮，問下佢最近係咪剪咗髮／染咗髮

 

－聞佢嘅頭髮／頸部位置，話佢隻洗頭水／香水好香

 

－如果你做到以上嘅嘢嘅時候，你就試下傾計期間輕輕捉住佢雙手

 

－之後試下大力少少撳下佢隻手，如果佢撳番你隻手，好可能代表佢想被kiss

 

－之後要慢慢唔好講嘢，停一停，側側頭望住佢，如果佢仍然感到舒服，就係好大嘅signal話你知佢想你錫佢。

 

如果呢個時候你錫佢，但係佢擰轉面嘅話，唔緊要，

 

你就可以錫佢臉旁，再慢慢錫佢條頸，令佢更加high更加turn on，佢之後就好大機會令擰番轉面錫你咀。

 

＃4 第二樣嘢就係：喺你一路進行身體觸碰嘅升溫，你必須一路建立一種sexual vibe／充滿性愛嘅氣氛。

 

做咩方法就係：

 

－開始增加你穿透性嘅眼神

 

－講嘢嘅語調節奏越嚟越慢，越嚟越低沉，越來越流暢

 

－你望住佢雙眼期間，幻想你同佢已經除曬衫交流緊，令自己進入一個sexual state；

 

－再望下佢嘅嘴唇，睇下佢會唔會又望下你嘴唇，如果會就代表佢幻想緊自己想錫你。

 

＃5 最後就係，有時你可能都唔需要做咁多嘢，如果女仔想錫你嘅話…

 

－佢好可能會捉緊你隻手

 

－佢會時不時望住你嘴唇

 

－佢會唔覺意掂到你心口

 

－佢會喺雙方唔講嘢嘅期間，仍然保持同你深刻嘅眼神交流

 

所以下次你同女仔單獨相處嘅時候，如果出現咗以上所講嘅徵兆，

 

作為男人嘅你又係咪應該make the move，製造一個讓大家難忘嘅回憶呢？ 😉

 

希望今集幫到你！

 

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

【宣布：由於最近收咗唔少嘅private coaching clients同埋有時會一日收到近50封email問題，所以我係需要一段時間先至覆到你嘅問題；

 

各位巴打絲打請見諒同畀啲耐性，我係會喺7-10日覆返你嘅，唔該曬！:-)】

 

＃0 你可能都會知道，人類嘅communication，過半係關於你點樣運用自己嘅身體語言去溝通；

 

好多時就算你講嘢有幾甜言蜜語天花龍鳳，如果你嘅body language同你嘅話語唔一致，

 

畀人嘅感覺就係你個人完全唔congruent，感覺你唔可信，好似有啲嘢唔對路。

 

所以今日想好快分享五種你可以即時運用嘅身體語言tips，令到你馬上成為一個有吸引力嘅男人。

 

＃1 第一樣嘢就係：當你企喺度嘅時候，記得你係要stand grounded，

 

幻想自己的腳底係牢固地連繫著地球的根部，紮實而不可動搖。

 

另外將你嘅雙腳站立得稍為畀你嘅膊頭闊少少，佔據多少少空間，唔好左搖右擺。

 

咁樣你就能夠感覺自己好紮實好堅固，

 

就好似一啲習武嘅人一樣，擁有一個solid base，擁有一個牢固嘅基礎。

 

＃2 第二樣嘢就係：Stop fidgeting！

 

唔好係咁坐立不安，亂咁旭嚟旭去，週不時將隻手不自控地掂自己塊面或者條頸。

 

女仔或者其他人望到你周身旭望嚟望去，感覺就係你好緊張，完全控制唔到自己。

 

Instead，你雙手平時應該放喺左右兩旁，手指公掂住自己隻食指或者中指，

 

咁樣你就唔會不斷係咁覺得兩手fing fing，需要搵啲嘢搞。

 

＃3 第三樣嘢就係：唔好係咁望地下，望住你部dumbphone！

 

智能電話係令到你弱智，

 

佢係不斷訓練你成為一個望向下，毫無自信，對生命毫無激情，需要沉迷喺虛擬世界嘅fvcking beta male！

 

唔該你保持你個頭至少喺水平線向前望甚至少少向上，

 

如果你有需要望其他地方，唔該你唔好將個頭向下移，記得要向上或者水平線地橫掃過去。

 

因為每一次你低頭向下望就係其實一種submissive順從嘅表現，只有自認為弱者或者覺得自己唔及對方嘅人先至會咁卑躬屈膝。

 

＃4 第四樣嘢就係：唔好好似成隻雞咁樣，不斷亂咁旭你個頭；

 

你所有頭部嘅旭動都要係slow movements。

 

無論係電影或者做國際生意或者上流社交活動，

 

高地位男人其中一樣共通點就係佢哋嘅movements／移動通常都係比較慢比較流暢。

 

要望向其他地方嘅時候，佢哋都係會慢慢流暢地望過去，而唔係不能自控地震動抽搐自己個頭望嚟望去。

 

James Bond嘅行為舉止，就係有吸引力嘅身體語言嘅典範，

 

你會發覺佢所有旭動都係非常流暢，完全唔會被外界震動搞到自己唔知點郁。

 

＃5  最後第五點就係：如果你飲緊嘢嘅時候，唔好將你杯嘢飲放喺心口，你係應該放喺自己身旁。

 

原因就係，你放喺自己心口面前，

 

其實潛意識地就係代表想搵一啲嘢去保護自己心口附近最重要嘅身體器官，意味著你喺嗰一個環境場合好緊張唔能夠放鬆。

 

但係如果你放喺身旁，感覺上就係你係一個open+處之泰然嘅男人，

 

你將會畀其他人有更好嘅第一印象，對你溝女或者認識新朋友都有莫大幫助。

 

以上就係attractive body language嘅五大貼士，

 

請你挑選你最鍾意嘅一至兩樣，今個禮拜開始練習運用喇！

 

希望今集幫到你！

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

【宣布：由於最近收咗唔少嘅private coaching clients同埋有時會一日收到近50封email問題，所以我係需要一段時間先至能夠覆到你嘅問題；

 

所以各位巴打絲打見諒同畀啲耐性，我係會喺7-10日覆返你嘅，唔該曬！:-)】

 

＃1 最近各位巴打應該聽到我講過話，你出去任何場合social認識新朋友嘅期間，最重要嘅集中focus：

 

就係首先讓自己have fun，令到自己覺得好玩興奮，

 

之後先至再去協助其他人have fun，

 

最後先至決定嗰個人符唔符合你自己嘅standards，值唔值得你真係去認識connect佢。

 

如果你用以上嘅mindset／心態去處理自己社交溝女嘅生活，

 

你唔單止會終於能夠放鬆自己享受當下，你更加能夠塑造自己成為一個有吸引力non-needy嘅男人，慢慢地吸引女人埋身。

 

＃2 今日就會再根據以上我教你嘅attraction mindset，擴展到去教你一個高地位嘅男人係點樣溝女。

 

正如我以上所講，喺任何一個社交場合，

 

你七至八成嘅主要focus，係首先令到自己have fun開心自high，令到你進入一個快樂滿足正面嘅狀態。

 

所以你想飲嘢就飲嘢，你想跳舞就跳舞，你想著得靚啲就著得靚啲，

 

一切都係為咗自己內在情感而去做。

 

＃3 想容易啲進入開心嘅狀態？

 

你只需要展露多啲笑容，跟住不斷問自己：

 

『Wow，點解呢一刻我覺得咁幸福開心愉快嘅？究竟依家我有咩可以欣賞呢？』

 

只要你不斷問你嘅大腦合適嘅問題，你嘅大腦就會畀到相應合適嘅答案你，令到你發現原來自己係咁幸福快樂。

 

當你進入狀態之後，你可以做嘅就係做一個任何成功人都會做嘅socializing，

 

協助其他人更加開心地have fun，提升其他人嘅內在情感，

 

透過mirror neurons／鏡像神經元嘅效力，令到其他人都開心好玩。

 

＃4 當你用咗七八成嘅集中力做到以上兩點之後，

 

你就可以用剩餘一至兩成嘅focus去開始嘗試make connections，

 

嘗試睇下大家有冇共同嘅興趣，嘗試睇下對方（男男女女）符唔符合你選擇朋友／囡囡嘅條件。

 

要明白，

 

高地位嘅男人係唔會嘗試impress對方，唔會嘗試sell自己，唔會嘗試令到對方鍾意自己。

 

因為高地位男人係明白，

 

自己係有實在嘅value，自己係有對人生嘅標準，冇需要透過其他人去證明自己內在價值。

 

所以當你係一早having fun並且協助其他人have fun，你又四處不斷同人social傾偈，

 

你就好容易令到其他人想同你傾計，並且進一步去發掘對方適唔適合你。

 

＃5  當你主要同次要目的都達成之後，

 

你可能2-3%嘅focus先至係諗可能關於用咩技巧，應唔應該轉場去下一個地方，又或者想嘗試新學嘅社交technique等等。

 

因為你愈係喺現場analyze／分析唔同嘅可能性，你越係困難認真地投入當時嘅氣氛，令到自己進入唔到開心享受嘅狀態。

 

＃6 你可能會問我，如果一切都好順利，同個女仔好有feel好好傾，

 

突然之間有條仔行過嚟想加入我哋嘅conversation，咁點算好？

 

首先，你唔好覺得其他男人就係你嘅威脅，如果你咁容易就insecure嘅話，女人係會馬上對你失去吸引力。

 

所以記住，處理嘅方法就係仍然記得去have fun + help others have fun。

 

當你友善地同條仔打咗招呼，協助佢提升佢嘅mood之後，

 

佢好快就會『露出狐狸尾巴』，你好快就會知道佢行過嚟真正有咩意圖。

 

＃7 如果佢係一個正常嘅social guy，而你又befriend佢，基本上佢過幾分鐘之後就會識做行開，你哋之後就可以再傾計。

 

但係如果佢嘗試忽略你係咁同條女傾偈，

 

你就可以同個女仔講：『喂，想唔想去識我其他friend呀？／喂，去飲杯嘢喎。』之後你就可以拖住佢行去第二個地方。

 

呢個方法有效，係因為你原本同個女仔係好好玩好好傾，

 

但係當個男仔加入嘅時候，你冇太大反應，你反而友善地協助佢have fun；

 

到條仔開始唔係想have fun，想拆散你哋搞破壞嘅時候，你先至行動做嘢，

 

一切只會顯得你係唔容忍佢咁無禮貌，咁無social intelligence，所以你就可以帶個女仔去其他安全嘅地方。

 

＃8 另外一樣可能會出現嘅情況就係：如果你同條女好好玩好好傾，你亦都可以開頭問下佢：『咦，你其他friend呢？』 ，跟住叫佢介紹畀你認識。

 

咁樣做嘅原因，就係你能夠『先發制人』，好social地叫條女介紹更多朋友畀你認識。

 

你主動地同佢哋have fun，主動地social，主動地connect，

 

睇下佢班朋友奉符合你嘅standards，你就有更大嘅機會令到佢嘅朋友去buy你嘅為人。

 

咁樣嘅話，佢嘅朋友就唔會點樣去阻住你同條女之後有咩『額外活動』，佢嘅朋友都會『批准』個女仔去認識你。

 

以上就係一個高地位social嘅男人會採用嘅溝女策略，

 

唔知醒目嘅你又睇唔睇到以上巧妙之處，並且開始運用喺自己身上面呢？

 

希望今集幫到你！

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

【宣布：由於最近收咗唔少嘅private coaching clients同埋有時會一日收到近50封email問題，所以我係需要一段時間先至能夠覆到你嘅問題；

 

所以各位巴打絲打見諒同畀啲耐性，我係會喺7-10日覆返你嘅，唔該曬！:-)】

 

＃1 喺過去呢九至十個月，周不時我喺MTFU嘅Youtube channel／email問題，都見到好多年青嘅小朋友完全誤解男女吸引力嘅真相。

 

我經常都會聽到佢哋有無限個不安嘅藉口，話自己點解溝唔到女。

 

唔靚仔唔高大冇錢冇車『冇樓冇高潮』就係一啲最普遍嘅excuse，

 

一啲社會話畀你知嘅bullshit，令到你不斷嘗試追隨一啲虛幻嘅material things，

 

令你不斷去買唔同嘅外在事物，嘗試去證明自己終於有價值可以溝到女。

 

＃2 Well，我絕對唔否認，

 

如果你係又靚仔又有名氣又高大又有腦又有錢有地位，你當然係有好撚大嘅優勢，

 

你當然係比正常人有更容易嘅機遇，你當然有更高嘅access to opportunities（無論係女人定係工作機遇）。

 

我更加唔否認，喺每一個國家社會文化，尤其是係一線被西化嘅城市，

 

總會有一部分嘅女人喺gold diggers，貪慕虛榮，你冇錢佢就唔會show你。

 

因為事實就係，呢一班嘅女人，

 

其實都係畀背後嘅消費主義／consumerism，背後各大公司品牌嘅marketing洗緊腦；

 

覺得有錢可以買多啲嘢就會買到真正嘅快樂，買到人哋嘅認同感，買到自己嘅自尊心，買到自己嘅價值，買到心靈上嘅滿足感。

 

＃3 我當然唔反對你同我去搵緊多錢，為世界貢獻更多價值，享受得到嘅成果，

 

並且增加自己嘅財富能力，去進一步擴大自己對世界嘅contribution啦！

 

但係社會上大部分嘅男女，每一日嘅生活都係被人蒙騙，

 

每日都活喺一個『自己以為自己想要嘅』生命之中，

 

直至佢哋得到曬外在嘅事物，發現原來一切都唔係咁滿足，發現原來自己一直勞勞碌碌地做野根本都唔知為咗啲乜。

 

＃4 Anyway，重點就係，

 

你依家溝唔到女，好多時都係因為你誤信讒言，

 

你個腦有太多被人灌溉嘅bullshit諗法，令到你成為一個好needy好依賴好擔心嘅空虛靈魂。

 

咁究竟有啲乜嘢嘅myths，係一直影響緊你溝唔到女呢？

 

＃5 第一樣嘢就係，你嘅外表『靚唔靚仔』，其實係冇你想像中咁重要。

 

當然，你個人必須著衫乾淨整齊，做好基本嘅梳洗grooming，著嘅衫係fit你自己嘅骨架，

 

唔好成個啱啱瞓醒嘅毒撚咁樣，唔係癡肥，有少少嘅personal style，

 

你就基本上已經係一個well-presented 嘅 good-looking guy。

 

因為你點樣present自己比世界，好多時都反映你點樣去重視自己，你點樣value自己，你覺唔覺得自己係一個有自尊有價值嘅人。

 

但係你需唔需要一定要做到好似吳彥祖／余文樂／Chilam／彭于晏／金城武／宋仲基／GD同Top咁撚樣嘅男神先至溝到女呢？

 

Fvck no！

 

＃6 原因就係：男人嘅反應係based on VISUAL cues，我哋眼見到索女嘅時候，我哋就會有生理反應，令到我哋誤以為女人都係純粹睇靚仔。

 

但係真相就係：女人睇靚仔雖然都會心曠神怡，但係真正對你嘅反應喺based on BEHAVIORAL cues！

 

女人篩選男人，係會觀察佢嘅行為舉動，佢點樣講嘢，佢點樣行點樣企，

 

觀察男人點樣喺世界上點樣立足，以乜嘢嘅態度去行走世界，點樣去處理自己內在的情緒等等。

 

＃7 第二樣嘢就係：女人嘅情感，女人嘅emotional state，喺從外界環境吸收（所以點解佢哋咁鍾意聽歌跳舞去演唱會去clubbing）；

 

相反，男人嘅情感， 男人嘅emotional state，就喺從自己內在散發出去，

 

所以你必須學識點樣精通控制自己嘅情感，學識點樣自己一個都可以好high。

 

＃8 就係因為女人嘅state通常都係被外界嘅刺激影響，

 

所以都係點解佢嘅情感就好似過山車咁樣上上落落，時冷時暖，有時平靜有時發癲，有時好美麗有時好嚇人；

 

更加係點解，女人係會被一個平靜鎮定+情感完全受自己控制嘅男人吸引，因為男人係唔需要依靠外界去證明自己嘅內在價值。

 

＃9 第三樣嘢就係：如果你依家同我講你個人好驚，好冇自信，好容易受人唆擺嘅小男孩，咁應該點算？

 

答案就係：我會建議你，唔好嘗試扮晒有自信，

 

因為真實嘅confidence好多時只能夠透過不斷重複練習去鍛鍊。

 

相反，你應該集中去develop自己嘅indifference，去鍛鍊自己嘅不在乎，去鍛鍊自己無拘無束嘅carefreeness。

 

＃10 只有當你真真正正地意識到，其實任何女人或者任何人對你有咩批評見解建議，去到人生嘅盡頭呢啲嘢全部都係輕於鴻毛，

 

根本都唔重要，人哋點諗你根本你從來都控制唔到。

 

你想我袋錢落你袋嗎？

 

想嘅話你就同我記住呢樣嘢：

 

你要由『溝唔到女』，過渡到去『溝到女』，最大嘅技巧最大嘅分別…

 

就係你能唔能夠擁有一種indifference／一種毫不在乎／一種人哋最終畀咩反應都唔會否定我自己價值嘅心態。

 

喺你下一次留言或者腥email問我問題之前，你不如問下自己：

 

究竟我呢種溝唔到女嘅行為，其實係咪因為我未夠indifferent／不在乎呢？

 

你將會答到自己好多嘅問題，

 

希望今集幫到你！

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

【宣布：由於最近收咗唔少嘅private coaching clients同埋有時會一日收到近50封email問題，所以我係需要一段時間先至能夠覆到你嘅問題；

 

所以各位巴打絲打見諒同畀啲耐性，我係會喺7-10日覆返你嘅，唔該曬！:-)】

 

＃1 其中一個最大女仔對你有興趣嘅signals，就係當你能夠順利地拖住佢隻手穿越人群。

 

好多時候，如果你搵到『藉口』去捉住女仔隻手一陣，帶領佢去某一個地方，

 

而佢又冇點樣反抗嘅話，基本上你都唔需要再問佢對你有冇好感。

 

但係捉住女仔隻手，尤其是係一開頭嘅interaction，未必係一個可以成日做到嘅動作，

 

所以究竟有冇方法可以暗地裏領導女人，令佢知道你係leader呢？

 

＃2 咁醒目嘅你問我咁醒目嘅問題，咁醒目嘅我當然會有答案啦！

 

方法就係：由呢刻開始，我想開始見到你習慣性地利用你嘅身體語言／gestures，去暗地裡提供一個方向畀你經過嘅人走動。

 

E.g. 當你有朋友去到餐廳，你就可以用手勢示意佢坐邊個位。

 

E.g. 當你幫某個女仔開門，你就可以用手勢示意佢行先。

 

＃3 呢種嘅行為模式，你喺能夠從好多好識得social嘅人身上觀察得到。

 

佢哋係能夠令到『成件事』睇落好流暢，而領袖嘅特點就係能夠『指揮交通』，引導其他人去某個特定方向。

 

＃4 咁樣做嘅原因，喺因為如果你用口講話：『喂，let’s go，我哋走囉！』嘅時候，

 

你可能會遇上一啲阻力，因為大部分人都係唔鍾意聽直接嘅order／命令。

 

所以調返轉，你就可以同女仔一邊輕柔地講話我哋會去邊度，

 

一邊利用你嘅手勢示意佢開始行，暗地裏引導佢。

 

＃5 譬如你哋喺酒吧裏面傾得唔錯，你想移動個女仔去下一個場地，

 

你咁樣做嘅時候可能個女仔會問你『我哋去邊度？』

 

呢個時候，你就可以問佢肚唔肚餓。

 

如果佢話yes，你就話『Great，我哋一齊去食啲嘢啦。』

 

如果佢話no，你就可以playfully哋講話：『唔緊要呀，你可以睇住我食啦。』；

 

如果你已經同佢係有attraction + rapport，加埋你嘅微笑，女仔基本上都係唔會託你手踭嘅！

 

所以好好善用『利用手勢指揮交通』呢一招，今個星期慢慢玩下啦！

 

希望今集幫到你！

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

嚟到超男之道系列嘅第45集，

 

今集叫做 Ejaculation Should Be Converted or Consciously Chosen，射精應該有意識地選擇！

 

＃1 作者意思係：如果男人控制唔到自己嘅射精，佢係無法滿足女人情感同性嘅需要。

 

因為女人知道佢可以隨時虛脫男人，弱化男人，將男人嘅生命力虛耗。

 

當男人太過容易射精，女人就會感覺自己未必能夠完全相信佢；

 

因為佢同世界可以好輕易就能夠將個男人耗盡同化，慢慢暗中顛覆男人喺世界上嘅行動。

 

＃2 你可能都留意得到，如果你日常生活儲咗好多壓力／張力／tension，射精係能夠帶畀你暫時嘅釋放同放鬆。

 

但係隨著你每一日生活越嚟越有目的性／purpose，你每一日就唔會儲咁多壓力／張力／tension，

 

你就會發現原來射精，大部分時候都其實係不斷消耗虛／脫脫／弱化自己。

 

＃3 過量嘅射精，其實暗地裏係減少自己去冒險嘅勇氣，無論係專業上事業上定係靈性上。

 

因為射精係會浪費自己『cutting through／過五關斬六將』嗰一種嘅能量，

 

令你唔能夠不斷勇猛地衝刺take action，去闖蕩世界帶畀你一個又一個嘅難關。

 

＃4 大部分女人都可以感受多次+越來越深入嘅性高潮，所以佢哋嘅性器官同佢哋嘅心係有一種自然嘅連繫。

 

相反，當你射完精失去咗勃起嘅能力，

 

你就係剝奪女人能夠完全地接收你不斷嘅penetration，令到佢再感受唔到你勇猛嘅穿插。

 

＃5 當然講緊嘅唔係純粹身體上嘅穿插啦！

 

女人最想感覺到嘅penetration，就係你透過愛去穿透佢，係關於感受你完完整整嘅presence／存在感，

 

透過你嘅意識入侵佢，讓佢完全陶醉喺你嘅存在之中。

 

＃6 女人嘅一部份當然好開心能夠令到你射精，佢當然好開心你能夠放鬆享受自己。

 

但係女人嘅另一部分其實會感到少少失望，

 

因為你容許自己選擇一啲暫時性嘅抽搐享受，放棄咗不斷享受佢同世界嘅慾望。

 

＃7 其實心底裏，男人女人最想得嘅喺對方嘅愛。

 

所以如果你唔強加自己嘅需要喺佢身上，讓你嘅愛去穿透深刻嘅佢，佢就能夠接收到你嘅愛。

 

慢慢地，透過你身體之間嘅溝通／意識同關懷，

 

你哋就能夠感受到大家性能量嘅混合，佢就能夠開始相信你真係愛佢。

 

＃8 每一次女人能夠令你不能控制地射精，女人就係征服咗你，控製到你，完全將你掌握喺手掌之中。

 

佢旭一旭條脷，佢銷魂嘅呻吟，佢上下旭動盤骨，就能夠輕易地消耗你一切嘅生命力。

 

＃9 但係如果你係一個超級男人，你係有能力自我選擇幾時去射精，你係能夠透過自己嘅雄性性別，去決定擴大自己嘅愛。

 

就算女人喺床上測試你，如果你能夠選擇自己幾時射精，佢就能夠感受你嘅完整性，你嘅力量，你嘅愛。

 

＃10 所以總結就係：每次你嘅射精如果唔係自己有意識嘅選擇，你嘅女人就會知道佢係喺性方面控制緊你。

 

只要當佢知道自己話緊事，佢就唔能夠完全地相信你，佢就唔能夠完全放鬆自己浸淫喺你嘅愛之中；

 

而好多時候，亦都代表世界係接收唔到你真正嘅禮物。

 

只有當你有強化自己選擇射精嘅能力，

 

你先至能夠強化自己有意識地喺世界闖蕩嘅能力，製造一個同女人世界美滿嘅生活。

 

希望今集幫到你！

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

喺酒吧或者clubs嘅setting裡面，一切嘅power都係傾向女人嘅。

 

所以大部分去夜場嘅女人，其實都係存在戒心，雖然好想被溝，但係又唔想要唔適合嘅人去靠近佢。

 

所以今日想好快分享，幾樣男人喺酒吧好基本唔應該做嘅事情。

 

大忌＃1 企喺度唔知做乜q嘢！

 

我可以向你保證，你喺度戇企最後嘅結果，

 

就係第二朝會發覺自己唔知洗咗幾多錢，有啲hangover頭暈，並且後悔琴晚冇同啲女仔傾計。

 

所以你一定要做一個proactive嘅人，

 

一定要不斷做嘢take action，採取主動同唔同嘅人傾計，

 

採取主動首先自己have fun，跟住協助其他人have fun，你嗰一晚先至會過得精彩！

 

大忌＃2 攞住成大支酒唔知係度做乜撚嘢！

 

（呢樣嘢可能你會有時喺club見到某啲有錢仔開枱嘅時候見到。）

 

首先你咁樣做，其實就係一個防衛機制，令你感覺手上揸住一祿嘢安心啲。

 

第二就係，你攞住啲酒，喺會阻礙你一陣同女仔傾計嘅時候有身體接觸。

 

第三就係，你長期揸住一啲凍飲，你隻手就會變得冰冷僵硬，而你每次去掂女仔嘅時候，都會令到佢哋感覺好唔舒服。

 

所以無論如何，請你唔好再咁低b攞住支酒四圍fing喇！

 

大忌＃3 同女仔講野講得太快

 

（你可能自己唔察覺，但係每逢你緊張，你講嘢嘅速度都會突然提升，令到對方聽唔到你講咩。）

 

所以記住：請你將你說話嘅語速同埋身體嘅旭動減慢一半！

 

呢樣嘢雖然好簡單，但係將會大大提升你嘅自信，唔好忽略咗佢。

 

BONUS 大忌＃4  同條女喺度面試！

 

要記住你嘅focus喺have fun，跟住協助對方have fun。

 

所以頭幾分鐘你喺唔應該問佢太多問題，唔係嘅話，個感覺就好似無啦啦喺玩嘅場合畀人質問身世，悶死人！

 

只要你防止自己做以上嘅白痴嘢並且集中去玩去social，你就好容易能夠自由享受嗰一個晚上；

 

無論最後認識到幾多條女，you still have a fvcking great night！

 

希望今集幫到你！

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

＃1 各位巴打有冇試過，原本你target個條女同你打得火熱，發展得幾好，

 

但係因為佢某某嘅煩膠朋友嘅出現，最後令到你哋兩個做唔到你哋想做嘅嘢？

 

無論係另外嗰條女飲醉酒，定係嘗試喺度保護佢個frd，

 

定係佢情緒低落需要你嘅target陪，又或者係佢要早走第二日返工，

 

你總會遇上某個阻住你同你嘅target進一步發展嘅麻煩女人。

 

＃2 你要明白嘅喺：

 

係每一個小圈子裏面，你嘅target總會有一個當時最重要嘅朋友，

 

而呢個當時最重要最關鍵嘅朋友，將會係最大程度地影響你目標嘅一舉一動。

 

所以今集就想好快教你點樣確認邊個先係你target嘅『關鍵朋友』。

 

＃3 首先你要知道嘅就係：女仔幾乎都係會一班人出去玩，但係好消息就係你未必需要嗰班人每一個人都鍾意你；

 

只要你賺取到佢當時某一兩個『最關鍵嘅frd』嘅芳心，你之後做嘅嘢將會順利好多。

 

＃4 點樣去搵邊個先係『關鍵朋友』呢？ 畀一啲例子你參考下。

 

如果係某某人生日，某某人就係當時嘅關鍵人物。

 

如果佢其中一個女仔frd果晚玩得唔開心， 佢就會成為當時嘅關鍵人物。

 

如果你嘅target係遊客而另外一個係local嘅朋友，佢local嘅frd就會係關鍵人物。

 

如果其中一條女第二朝要早起身返工，但係你嘅target唔係，咁要早走嗰條女就會係關鍵人物。

 

 

＃5 重點就係： 當你嘅target見到另外一個女仔『犧牲自己時間』同你social，咁你嘅target都會覺得冇問題同你social；

 

所以你就要睇下，有邊個人同你相處嘅時候，係會『犧牲』較多呢？

 

＃6 E.g. 如果佢嘅friend無咁靚，但係決定同你social，

 

佢係會知道如果你之後溝佢嘅friend，佢自己係會有好大風險一陣自己一個，佢就會『犧牲』較多。

 

E.g. 如果聽朝要早返工嘅姊妹決定同你哋繼續一齊玩，

 

咁你嘅target就會完全覺得冇問題，因為佢聽朝唔使返工，唔會點樣『犧牲』。

 

＃7 所以當你搵到佢『關鍵嘅朋友』嘅時候，你就要首先賺取佢對你嘅好感，之後先至慢慢喺你嘅target身上出招。

 

希望今集幫到你！