Yo！我喺MTFU嘅Man神啊。
各位巴打你比我更加清楚，呢一期小弟都成為眾多人嘅討論焦點：
無論係一啲故意中傷我嘅人話我根本淨係識吹水而現實溝唔到女，
又或者有啲人又話我成日講『提升自我價值』根本就係冇意義，最好都係出去實戰玩game…
所以可能食緊花生嘅巴打你，
無論係支持或者反對咗MTFU幾耐，我相信你都會有多少疑惑：
點解小弟一直所focus講嘅嘢，
都唔係講太多關於techniques／技術／『點樣做呢個動作，點樣講果句嘢』等等嘅事情，但係就成日叫你做一個唔依賴social嘅人；
又或者你一直都疑惑：
究竟Man神所講嘅『自我提升』，成日喺度講啲masculinity／雄性力量同埋self-improvement虛無縹緲嘅嘢，成日喺度講自我成長…
其實係咪呢個方法只可以五年十年後先至令到你溝到女呢？
只係做一場煙幕令到你暫時唔需要擔心自己依家冇女，呃你十年八年呢？
Well，你會質疑我我都明白嘅，你開始對我有少少信心動搖我都明白嘅；
不過唔緊要，不如等我今日首次分享我自己咁多年一啲好尷尬嘅故事，
等我首次公開地講一啲好多屋企人同朋友都唔知道關於我自己曾經覺得好羞愧嘅黑歷史畀你睇，
等你自己再決定MTFU值唔值得你繼續去睇…
＃1 首先想講嘅就係：小弟由細個小學到中學讀名校，其實都係嗰啲成績中上，但係操行又成日攞A，老師好鍾意嘅『乖乖仔』嚟嘅。
咁所以好多左鄰右裡嘅auntie，又或者啲唔知邊個阿姨都成日都問我拍拖未，未嘅話就介紹啲女畀我識 lol
Anyway，重點係：
小弟頭嗰十幾廿年嘅人生，其實幾乎每一年都會有啲女仔鍾意自己嘅，亦都我會好容易鍾意女仔；
但係就係因為細個淆底，
同埋成日覺得『都係等到大個讀好書考上好大學搵份好工』先啦，咁所以每一年我都同自己講話要係名校讀好啲書先，將來先至拍拖…
每一年我都掛住補習而錯過機會…
每一年我都淨係做一個好nice嘅『聆聽者』去聽身邊嘅女仔話自己嘅男朋友有幾衰』…
每一年我都同自己講將來一定要做世界上最好嘅男朋友…
每一年我總會有時無啦啦『送生日／聖誕小禮物比女仔或者無啦啦表白，希望佢鍾意我』等等嘅小動作。
＃2 直至小弟去咗外國讀law，開始有更多嘅自由，小弟下面嘅細佬終於話佢都厭倦咗我嘅左右手，
咁所以小弟終於嘗試主動溝女，終於親密地接觸女人。
其實間唔中我都會唔知點解吸引到啲女仔嘅，
但係好可惜嘅係，我漸漸發覺自己咁多年嚟每一次溝到女成功咗，又或者每一次當同個女仔親密地接觸嘅時候…
…我總會突然之間變得好依賴佢， 我總會突然之間令原本自然出現嘅吸引力瞬間消失；
咁所以就算我食到女，我一直都唔知道自己每一次嘅死因。
＃3 但係六七年前我『好好彩』，我開始接觸到PUA呢個世界，
開始睇呢啲關於pickup嘅暗黑技術同心理學，開始以為自己知道咗一啲不可告人嘅溝女秘密。
咁你估下，對於一個精力旺盛嘅靚仔嚟講，佢啱啱接觸到呢啲『地下秘密』會有幾興奮呢？
咁所以接住嗰兩三年，當我學咗呢啲嘅pickup嘢嘅時候，
當我唔想再做nice guy跌落friend zone嘅時候，
我就開始將自己放咗去另一個極端，嘗試去扮一個badboy做啲仆街嘢，
我就好撚興奮地諗住可以好似喜愛夜蒲地晚晚去獵女。
咁所以無論係外國定係本地，
無論係玩apps定係daygame，
無論係去朋友邀請嘅生日party定係去蘭桂坊落club溝女…
我幾乎每一次有機會就會投放最多嘅時間精力日溝夜溝，
同步whatsapp十幾廿條女，嘗試一日set up幾個date，
食完呢個唔鍾意就飛咗佢去食第二個，呢個唔應約唔鍾意我我就block咗佢…
成個過程喺有時都好好玩嘅，
有時的確係可以中出即飛某啲女嘅，
有時都覺得自己『搞其他有男朋友嘅女』喺好撚型好撚Alpha嘅，
有時都覺得自己同其他frd分享自己『可以幾多分鐘之內喺廁所口爆佢或者帶條女去開房』係好撚威嘅…
＃4 一部分嘅我當然係已經走火入魔喺呢個情慾世界之中啦，
但係每一晚game完之後，
每一次我享受完呢啲表面嘅歡愉之後，
每一次我喺過程傷害咗某啲女人嘅之後，
我另一部分嘅自己，其實係覺得好慚愧好空虛…
我係覺得自己好empty唔知道做咁多嘢搞咁多嘢係為乜…
我感覺得到『唔知點解無論有幾多更索嘅女鍾意我或者願意打開雙腳畀我』，
我都覺得自己嘅為人好fvcking disgusting …
我覺得自己好迷失，我更加覺得自己嘅內心好支離破碎，已經唔知道自己係一個咩人…
而喺呢一個過程之中，當時嘅我係察覺唔到，
為咗溝女，我係放棄咗幾多自己嘅個人健康同理想；
我係放棄咗幾多曾經嘅朋友，
我係嚇怕咗幾多朋友嘅女仔friend，因為我成日做埋啲好柒嘅creppy嘢去嘗試玩pickup溝佢哋…
＃5 咁所以當小弟喺自己嘅pickup高峰期嘅時候，
當我嘅ego正在享受好多虛榮或者其他人羨慕嘅時候，
其實冇人知道暗地裏我係正值人生嘅低潮；
因為接觸我嘅女人或者其他人根本唔知道我真正嘅為人係點，
我只係利用呢個『假Alpha萬能匙』嘅面紗，去代替我原本『nice guy好人』嘅面紗…
＃6 慶幸嘅係，喺我迷失方向嘅時候，我遇上好幾位曾經都係沉迷pickup但係最終能夠抽身嘅mentors…
…同我分享點解pickup呢條路根本就係一個無底深潭，
點解我哋永遠都推走啲好女仔但係就吸引啲壞女人，
同埋點解pickup係根本提供唔到我哋內心真正想要嘅嘢。
咁所以我之後就開始不斷研究人類嘅心理學，
甚至呢大半年嚟我更加開始接觸關於trauma，關於human needs，關於psychopath，關於relationships，關於therapy等等嘅題材。
＃7 簡單嚟講：我終於明白到，好多好男人由Day 1開始之所以對pickup有興趣，之所以好想得到女人嘅認同同愛慕，
其實好多時都係因為我哋細個嘅True Self，我哋最真實版本嘅自己，被屋企人或者老師朋輩社會制度等等去欺凌。
漸漸地，我哋就發展出一系列嘅adaptive selves：
某啲嘅我哋就會選擇做一個pleaser／achiever，嘗試透過奉承人或者創造成績希望得到其他人嘅愛戴認同；
某啲嘅我哋，就會選擇做一隻hermit／寄居蟹，做一個宅男因為佢唔想再面對咁可怕嘅世界；
最後某啲嘅我哋，就會選擇做一個反叛者／rebel，同老豆老母社會唱反調，做一個硬心腸嘅『壞男孩』。
但係無論你點樣去演變，其實我哋內心最大嘅恐懼：
就係好驚冇人會愛冇人會錫冇人會接受我哋真實版本唔完美嘅自己！
所以都係點解有咁多人，去嘗試透過外在嘅成就
－無論係練到好撚大隻，定係嘗試溝好多女，定係嘗試搵好多錢－，
佢哋都係好想透過呢啲一系列『令人仰慕』嘅achievements去認同自己嘅存在價值！
＃8 Anyway，呢個topic係非常之深奧，
小弟仍然係不斷努力鑽研緊，如果巴打你有興趣夠成熟想學呢啲topics嘅話，就請你話我知。
重點就係：
我Man神之所以冇乜點教你一啲表面嘅實戰技巧，
我之所以成立MTFU，
我之所以會講一啲你可能覺得好虛無飄渺，好理論式，好似同溝女冇乜直接關係嘅嘢，
原因就係：Pickup嘅嘢雖然有少部分係有用，我亦都可以好膚淺淨係教你一啲what to do／how to do嘅技巧；
但係其實我暗地裏一直都好希望你唔會重蹈我嘅覆轍，
我好希望你夠成熟去明白浪費自己好幾年嘅人生去傷害女人／去食更多女，原來最終只係一個指標唔治本嘅方法，
我好希望你能夠一開始就了解到自己點解咁needy，咁想要女人或者朋友嘅認同；
一開始就了解到其實做一個最有吸引力嘅男人係需要integrate／整合自己多重嘅性格，將自己遺棄咗嘅每一面領導返佢哋返嚟，
成長成為一個心理健康並且唔會因為自己某部分而感到羞恥或者shameful嘅男人！
＃9 我唔知道各位巴打明唔明我以上所講嘅嘢，
我亦都唔知道各位巴打會唔會覺得我只係喺度利用一個bullshit去掩蓋另一個bullshit。
我唔會去嘗試說服你任何嘢，
所以如果你覺得我只係喺度鳩噏嘅話，that’s okay…
我衷心希望你會unfollow我，並且全心全意地花三五年嘅時間，
去跟其他你覺得『好似講得好有自信，好似佢搞到我好想跟佢學嘢』嘅人去學習。
因為坦白講，某啲嘢你係必須自己嘗試下，
嘗試撞下板，嘗試感受挫敗，
嘗試感受痛楚空虛嘅滋味，你先至會意識到自己真正想要啲乜嘢。
咁所以如果你係呢一類人，
請你出去學一啲『你認為想學嘅嘢』，三五年後你先至再決定需唔需要改變一下策略。
＃10 至於其他思維上比較成熟嘅巴打，或者選擇支持我嘅巴打，我真係好感激你明白我今日所講嘅嘢。
我希望你明白點解我唔願意去教你一啲表面嘅pickup嘢，
我希望你明白點解『你想溝女嘅動機其實並唔係純粹為咗要性愛，其實係你想有個人可以接受擁抱你有瑕疵嘅每一面』，
我希望你明白點解我喺盡緊力塑造一批『既唔會被女人傷害，但又唔會濫用女人對你嘅信任去傷害女人；
能夠篩走一啲利用你嘅壞女人，吸引一啲除咗外表合乎你口味但係最重要內心善良品格良好嘅好女仔』，咁樣形式嘅全新雄性男人。
我一個人係做唔到呢件事，我一個人係保護唔到所有被傷害嘅男人或者女人；
所以我希望巴打你能夠step up去同我一齊做一件事，
去同我一齊做一個有吸引力但仍然會保護『好嘅女人』嘅雄性男人。
以上就係我Man神咁多年經歷咗咁多嘢而令到我建立MTFU嘅原因，
你想支持我嘅話就請你LIKE，留言，並且share呢段片畀一啲你認為值得睇嘅人，
希望嚟緊咁多集都睇到你嘅出現，peace。
VIDEO
