分類: 成功

上癮 = 你無法自制地不斷做某樣嘢，而呢樣嘢過量消耗你嘅精神能量／集中力，令你變得平庸，無法獲得非凡嘅理想生活

上癮，唔一定講緊你濫藥；

任何令你『花勁多時間沉迷 + 無咗佢唔得會想死』嘅嘢，都喺你嘅癮。

所以無論係K仔，飲酒，睇AV打飛機，食物，打機，賭錢，叫雞，購物，狂睇IG等等…全部都有機會成為你嘅癮。

如果你有興趣戒掉某啲癮，今日我就想分享4部曲點樣去做。

＃1 你要學識善用痛苦同快感嘅心理機制，而唔係被痛苦同快感嘅感受去支配你！

你想戒除毒癮，你就要意識到繼續做呢樣嘢，喺痛苦過放棄做呢樣嘢

所以問下自己：究竟呢種上癮令我點樣受損呢？而呢樣嘢同時又比到咩快感我呢？

之後好重要，就係再問下自己：如果我唔改變嘅話，我會為你啲癮付出乜嘢嘅沉重代價呢？如果我成功戒掉佢嘅話，我會得到幾多好處收穫同快感呢？

當你能夠深入地去寫低呢一堆資料，感受下唔改變嘅短期長期代價，同埋感受下改變後嘅短期長期收穫，你就會有更多情感支援去行動戒咗某啲癮！

＃2 要知道 + 斬斷一啲會觸發你毒癮嘅嘢

譬如話：係咪因為我好悶好孤獨無女留喺屋企，而老豆老母又出咗去，所以我睇到啲索女性感相嘅時候，搞到我想打飛機呢？

又或者係咪因為我對自己無乜希望，唔知自己要做乜，所以選擇將啲錢去澳門倒晒佢落海呢？

定係還是因為某啲氣味／視覺刺激／歌曲聲音令我諗起條女，最後搞到我好撚beta咁想乞求佢同返我一齊呢？

你一定要搵到某種官能上或心理上嘅triggers，你先會知道點解自己情感上被某啲嘢操控，你之後先會有能力斬斷某啲毒癮。

＃3 你要製造令你舒服有快感嘅新活動，去取代原本嘅毒癮

我個人會建議你做一啲改變身體嘅活動，因為幾乎任何上癮，都可以透過physical activities去將你抽離開你脆弱嘅大腦mind，改為集中去強化自己嘅身體body。

無論係出去公園行個圈，去河邊跑返5km，定係做gym打拳發洩下…

當你用一啲健康嘅習慣去釋放安多芬嘅話，你就可以減低透過毒癮得到快感嘅需要，慢慢將佢摧毀

＃4 最重要嘅，控制你嘅環境

你身邊嘅人，你身處嘅地方環境，同埋你上癮嘅嘢，喺有密切嘅關係。

如果你身邊全部都係吸毒賭錢叫雞嘅人，咁你好難唔會做晒呢啲嘢。

你一日繼續同佢哋接觸，你一日都會受佢哋薰陶，繼續做返嗰一類人。

無論係親人定係朋友定係同事定係你條女，你都要審視你而家最常接觸緊啲咩人，同埋佢哋啲樣潛意識地影響緊你嘅思維同行為。

你唔斬斷某啲關係，或者大大降低同佢哋個接觸頻密度，然後level up你身邊嘅人嘅話，你就會滯留喺現時嘅位置，永遠都唔會進步。

＃5 以上就係戒除任何毒癮嘅4條原則，嚴重嘅話當然你可能要搵醫生或者治療師幫手啦。

但如果你有決心嘅話，以上呢啲練習將會幫到你好多，無論係你想戒丁／戒煙／戒賭／戒嫖妓等等。

只要你搵到你想改變嘅情感原因，只要你喺忍受夠自己而家嘅狀態，只要你擁有MTFU嘅價值觀嘅話…你就可以征服任何毒癮，你嘅人生就會有無限希望。

如果你想額外有一班support你嘅高價值兄弟，同埋有我親自協助你溝女人生各方面有所突破嘅話，

歡迎你去我哋嘅官網www.manthefvckup.com查詢點樣加入我哋最強嘅The Kings Club 皇者俱樂部啦。

我哋下集再見！

做一個social嘅人，其實喺唔需要完全扭曲自己嘅性格，變成一個好假好虛偽嘅人。

做一個social嘅人，絕對可以真誠地去認識陌生人，睇下大家啱唔啱傾最後決定會否再進一步聯絡。

但可能我哋細個會因為某啲成長原因，令到我哋變得缺乏自信同人交流，最後習慣以一個特定唔social嘅模式去溝通。

我以前細個都唔係一個social嘅人，咁所以今日想同各位巴打分享，點樣可以唔需要點樣改變性格下去真實地social認識新朋友。

如果你鍾意今集topic嘅話，請你依家率先LIKE同訂閱我哋嘅channel，並且睇完之後留言話我知你想我教你啲咩啦！

＃1 第一步就係：你出去社交時要學識自我娛樂。

你social時最常犯嘅錯誤，就係嘗試講或做太多嘢去嘗試impress對方，嘗試令人覺得你好型／好搞笑／好醒目等等嘅感覺。

但係其實你嘗試打動對方，好多時都會搞到你個人好假好虛偽，最後你就會講或者做咗啲同你本質不合嘅事情。

你嘅身體語言或者其他subcommunication可能就會出賣你，最後你『好想人認同你』嘅感覺就會令人反感。

所以你嘅focus並唔應該去做騷證明自己，相反你應該去講或做一啲會令自己笑或享受嘅嘢先，令自己感覺愉快開心先，之後你就會更加自然流露自己係一個好玩，容易相處嘅人。

＃2 第二步就係：你自己正面快樂後，就可以分享呢啲正能量

當你做好第一步嘅自我娛樂，你就會set up到一個好玩正面嘅框架；下一步，就係去share呢啲正能量畀其他人。

無論係簡單嘅微笑，定係主動搞個gag去令氣氛輕鬆啲，你呢啲好玩隨和嘅vibe都會吸引到新朋友。

你唔需要擔心對方會唔會有正面反應，你需要嘅喺give more；如果其他人喺鍾意嘅話，佢哋就會pick up你嘅正能量去玩埋一份，跟住慢慢形成你哋嘅小圈子。

社交並唔係強迫人哋去接受你，社交只係提供一個機會比其他人一齊玩；如果佢無興趣或者唔知做乜鳩好撚嬲唔鐘意玩嘅話，就move on去下一個人！

＃3 最後第三步就係：接受自己，接受其他人

好多巴打好驚嘅一樣嘢，就喺社交期間會唔小心冒犯其他人。

Well，呢樣嘢有時喺冇得避免嘅，你有時的確會講左或者做咗啲人哋唔認同嘅嘢，甚至會引起一啲小衝突。

咁但係唔好因為呢啲影響氣氛嘅拗撬而驚咗social呢件事，你亦都未必需要為你嘅信念或者意見致歉。

遇上呢啲情況，最好嘅拆解方式並唔係去繼續爭論邊個啱邊個錯，或者嘗試理性討論去說服對方你嘅觀點。

最好嘅方法喺你控制自己嘅情緒，控制自己想說服人嘅話語，然後站喺對方立場去理解接受佢嘅諗法，認同佢嘅情感，最後盡快求同存異move on。

喺社交嘅時候你越喺認真探討問題，你個人就越悶越唔受歡迎。

所以casual輕鬆啲，集中自我娛樂集中輕鬆地玩，你先會更加容易識新朋友！

鍾意今集嘅話就請你LIKE同訂閱我哋嘅channel，之後留言話我知你想我教出咩片啦，下集見！

你想做一個平庸嘅人嘅話，最好就係跟返社會比大眾嘅建議。

無論係叫你一星期淨係做3次30分鐘嘅帶氧運動，定係叫你感情要專一啲要寵女仔，定係穩定啲打份好工等跳point就足夠…

當你問點解嘅時候，你身邊嘅人可能就會好nice地同你講：『我唔想見你咁痛苦啊，hurt到自己就唔好啦…』

但佢哋真正嘅意思喺『屌，你咁勤力將來成功咗嘅話，又有身材又有女又有錢，咁咪顯得我好渺小？梗係叫你抖下啦！』

咁所以『民主』對國家可能好，但對於個人個體嚟講就係最廢最冇效率嘅概念；你下下要問10個人嘅意見你先至為自己做決定嘅話，咁你就一世都唔係領袖。

＃1 我以上講嘅嘢同今日topic『我好自卑…點算？』有咩關係呢？

Well 因為最近有位巴打同我講自己做人有啲自卑，問我應該點樣解決自己嘅自卑感。

佢話自己以前讀名校，大學都係讀專科…但見到個個成績咁勁，覺得自己好難成功過佢哋；

而且出面有啲讀書唔叻嘅人溝女好似好多咁，所以自己好似邊方面都冇乜信心可以突圍而出，唔知點算？

巴打, 解決自卑感嘅唯一方法，就係要變成一個有優越感嘅人。

要做有優越感嘅人，就除咗要重視自己價值之外，更加要實質地行動去建立你嘅價值，去build value去變成一個卓越嘅人上人。

＃2 所謂嘅『人人平等』嘅概念，根本就係為免hurt到玻璃心嘅社會大話。

任何部落任何有人嘅地方，就係弱肉強食，就係有競爭，就係有高低之分，就係有少數Alpha大量Beta。

咁所以如果你真係討厭自己嘅自卑感嘅話，咁就唔該你空閒嘅時候與其諗咁多，不如做多啲成為多啲去become better。

如果你咩都唔做嘅話，你又細粒又無體能又唔識打交，又樣衰又毒又唔打扮，又懶又窮又唔肯大膽識女仔嘅話，

邊個見到你都會鄙視你，笑鳩你，蝦鳩你，揼柒你啦係咪？

咁所以呢唔想自卑？

就爽手啲執行你嘅行動大計，忽視其他大眾喺度hea嘅人，去各方面upgrade你自己，令到你變成一個有資格受尊重嘅人！

對於男人嚟講，尊重唔係天生嘅特權；對於男人嚟講，尊重喺必須透過奮鬥完建立到實質價值，你先會賺取到女人同世人嘅尊重！

＃3 當你見到強過你，勁過你，叻過你，型過你，有魅力過你，有錢過你成功過你嘅人嘅時候，你有兩種選擇：

一，討厭佢哋，一味批評佢哋有咩缺點，晚晚開live做一個KOL評論員。

二，對佢哋嘅成就產生好奇感，諗下究竟點解佢哋可以咁全能咁勁？思考下人哋表面咁風光，背後喺付出咗啲乜嘢？同埋你又可以點樣從呢啲特質之中學習，令自己都變得更加強？

世界只有兩種人：一種喺繼續自閉嘅懶人，

另一種好似我哋The Kings Club裡面嘅皇者，選擇刻苦耐勞，選擇不斷行動，選擇變成有優越感有自信有substance嘅人。

巴打，你又會點樣選擇呢？

Like完之後喺下面留言話我知，我哋下一集再見。

有潛質當然喺好事啦，但任何嘅talents都只能夠比你有更前嘅起跑線開個靚頭；最後你贏唔贏到，都係視乎你過程有幾勤力捱苦地去操練，先至有機會贏。

今日嘅片，就係想簡單地解釋俾各位巴打聽，點解對於大部分人嚟講，hard fucking work喺重要過所謂嘅天賦天資。

＃1 任何有價值可以得到嘅嘢，都係需要將隻遊戲調教到crazy mode打大佬，你先至可以獲得罕有嘅成就。

好多時我哋人生遇上嘅都有3種人：天生有talent嘅人，一啲比你早起步磨練高技術嘅人，同埋一啲純粹靠意志操練有慾望某日成為贏家嘅人。

頭兩種嘅人都係一啲比你早起步嘅人，但喺如果佢哋唔能夠長時間辛苦地繼續堅持落去，佢哋一樣唔會贏。

所有贏家嘅共通點，就可係佢哋無論有幾多或者幾少嘅潛能，佢哋都係願意長時間捱苦，長時間磨練，長時間年復年咁樣行動，最後先會成為勝出嘅人！

＃2 咁所以有潛質只係bonus，但係潛質喺唔能夠代替痛苦嘅磨練。

好多時，只有一啲心知道自己天生無優勢嘅人，佢哋先會有動力去比起其他幸福嘅人發奮圖強，先會願意喺冇咩光明出路下去捱苦，最後透過時間打贏一啲原本有天生優勢嘅人。

當然一個有潛質又肯捱嘅人，就會成為勁人之中嘅勁人啦；但係純粹依靠天賦喺唔足夠。

＃3 史丹福大學心理學教授Carol Dweck 喺著作《心態致勝》呢本書裡面講過話人有Fixed Mindset 定型心態 VS Growth Mindset 成長心態。

定型心態嘅人相信能力或者本質喺固定，而成功喺一早注定；相反，成長心態嘅人就認為成功可以透過努力同培訓，隨時間逐漸發展得嚟。

咁所以fixed mindset嘅人畏懼並且無法面對失敗，所以佢哋會避開新挑戰同機會；但growth mindset嘅人就願意從挫折中學習，唔會喺困難／機會面前退縮，最終成功。

巴打你嘅mindset又喺邊種呢？你相唔相信可以透過努力改變，忍受痛楚，最後會成功呢？

＃4 咁所以巴打，今集嘅重點好簡單：如果你天生背景無咩優勢／體格又唔係特別高大威猛，而你又想各方面贏嘅話；

你就更加無籌碼去懶去hea去頹，你就更加要 live in urgency，每日有危機感地去快速行動，努力地打拼你先可以反敗為勝！

喺最高level嘅比賽或者爭鬥之中，好多有天賦嘅人未必能夠『遇上極艱難時期需要長時間捱苦堅持』，但你勤力打拼捱慣苦嘅話，你喺呢啲關鍵時刻就可能贏到佢。

好好勤力品嚐痛苦嘅過程啦，因為勞苦工作同成功永遠都有密切關係！

巴打你係咪一個和平理性嘅人呢？

你會唔會習慣溫順地同人相處，因為你覺得憤怒anger喺衰嘢，唔應該有呢啲負面情感呢？

Well，我今日有個秘密話你知…

就係憤怒其實喺男人最大嘅行動力量，關鍵喺你要識得轉化你嘅anger去落手落腳做一啲有意義嘅嘢，而唔係得個嬲字跟住發完癲就算數！

亂咁發脾氣當然喺細佬仔行為啦，喺唔適當場合爆人seed當然亦未必喺最佳選擇；

但係你能夠控制你嘅憤怒，然後轉化呢種anger去做其他嘢，你就會achieve到無限嘅嘢。

比如話：你以前有無人同你講話你讀書廢，一世都唔會成功成大器呢？

好好利用你嘅憤怒去賺更多錢，跟住買起條仆街間公司同成層樓，等佢失業冇屋住！

又或者：你以前有無試過因為自己細粒瘦削比人欺凌俾人打，無辦法保護自己呢？

維持道德正義喺需要暴力嘅，咁所以好好利用你嘅憤怒去强身健體練拳，將來唔怕同人打交。

又例如：以前有無你鍾意嘅女仔白眼睇你唔起，話你咁核突咁廢一世都唔會鍾意你呢？

好好利用呢樣呢啲受盡屈辱嘅憤怒，去develop自己三大範疇嘅吸引力，將來等佢追返你乞求你屌佢，

跟住等佢準備高潮時即刻蚊番出嚟，同佢講話其實都唔鐘意佢，然後走人 lol

重點係：Anger喺一種好勁好強大嘅能量去完成工作，你識得channel呢種憤怒，你就會有無限動力去捱苦達成任何目標，成為一個強勁有吸引力嘅男人！

咁所以巴打，你滿唔滿意你自己而家嘅身材或者健康呢？你滿唔滿意身邊嗰條女，或者現時嘅性生活呢？

你滿唔滿意搵錢嘅收入，自己累積嘅資產淨值呢？你滿唔滿意自己居住環境，或者身邊相處嘅人呢？

唔滿意嘅話，就唔該好好感受呢種dissatisfaction／唔滿意嘅感覺，

好好感受人哋後生你十年但係勁你十倍嘅現實，跟住你嘅憤怒每日轉化成為行動力量，創造／打拼／征服更多嘢！

長期嬲爆爆同意喺心理唔健康啦，但你識得利用憤怒去做嘢嘅話，你今年各方面就會突飛猛進！

『Man神，我唔知道我嘅人生目的喺啲乜嘢，無迷惘啊…』

『Man神，我好唔開心啊，三四十歲人好似都無咩成就，點算？』

『Man神，點解女人唔鍾意我？點解溝女咁難咁辛苦？』

Well巴打，如果你曾經問過我類似嘅問題，我就會問番你：『究竟你人生做過啲咩，achieve過啲咩，建立過啲咩呢？』

冇呀？唔怪得知你咁冇自信咁無吸引力啦！

＃1 男人嘅人生責任，就係不斷去打拼更多，征服更多，建立更多。

我哋唔 DO SHIT，我哋人生就係shit。

你想唔想像到自己又唔讀書又唔做嘢嗰個頹廢嘅撚樣呢？

冇錯，真係好撚樣衰，一啲都無啟發性。

男人唔繼續做嘢，佢就會失去自己嘅靈魂，失去自己嘅魅力同吸引力。

所以你見到所有遊手好閒嘅男人，最後就會成為淨係識捉棋睇新聞嘅維園阿伯；一邊鬧政府無能無醫療津貼，但係一邊就繼續星期五晚去深水埗叫雞。

你係咪想自己嘅將來變成咁？

＃2 你可能同我講：『唔係喎Man神，我45歲就賺夠錢退埋休添可以環遊世界喎，點解仲要咁辛苦？』

Well，恭喜你咁成功啊年長嘅巴打。

或者頭幾個月頭幾年，你的確好enjoy唔做嘢嘅生活嘅…但5年後呢？10年後呢？

你退休咁耐以來，有無發覺自己失去咗生命某種原動力呢？你有冇發覺自己越無嘢做，越喺淨係日日吃喝玩樂，你個人嘅靈魂好似越空虛孤獨呢？

＃3 你坦白嘅話，你係絕對會發現自己人生缺乏咗某啲嘢…

因為我已經一開頭同你講咗：令男人快樂令男人充滿生命力嘅唯一方法，就係keep住去征服更多！

特朗普七十幾歲人都繼續做世上最忙碌最重要嘅美國總統，李嘉誠九十幾歲人都繼續做番個真香港人唔退休，呢啲咪就係成功嘅秘訣囉！

你就一味諗住幾時可以退休放鬆，但係成功有吸引力嘅男人就係不斷諗點樣可以征服更多，你仲get唔到勝利嘅秘訣？

＃4 咁所以巴打，你想快樂嘅話，你就必須一世繼續征服更多。

無論係鍛鍊更強嘅體格，定係征服更多女人，定係建立更多唔同嘅生意，定係爬越嚟越高嘅山…

不斷前進征服更多，就係男人嘅生存目的；亦係令你變得有魅力，通往榮華富貴嘅黃金鎖匙。

你咁樣做，你每一日都會充滿生命力，你每一日都會過得精彩有意義。

巴打，你今日又會打拼啲咩？征服啲咩？建立啲咩呢？

請你 LIKE 完 Subscribe完之後，下面留言話我知啦！下集見！

同人爭論同人鬧交，有時喺好好玩嘅。

不斷挑釁啲死人頭，叫佢除gear隻抽，互相仇視互相胸大家，你睇見呢啲騷一定覺得好過癮。

但喺巴打如果你想成功嘅話，你就要知道所謂嘅『理性辯論』或者普通嘅鬧交，

九成九嘅時候都係無辦法說服對方，繼而取得任何實質嘅結果！

＃1 點解呢？

原因就係因為人類嘅行為甚少喺純粹以理性主導，

幾乎所有人嘅決定都係基於某種情感受到衝擊，而做出某種決定，最後再用啲聽落好似好合理嘅辯解去解釋自己嘅行為。

咁所以無論你喺同老竇老母因為屋企問題鬧交，定係同條女因為感情嘢鬧交，定係同啲green或者yellow object鬧交…

如果你喺想雙方對某件事有進展嘅話，激烈辯論／嚴苛嘅指責全部都唔係搵到solution嘅方法。

＃2 你細心諗下：你人生有邊一次喺因為辯論鬧交，而創造到實質嘅成果呢？

你有邊一次喺能夠透過摧毀對方嘅自尊心，而令到對方心服口服地認同你呢？

你唔係洗人腦迫佢坐老虎凳嘅話，呢種方法喺平時嘅生活根本唔會work。

當然我唔係講緊辯論或者鬧交無娛樂價值啦，但係你想影響對方令佢自願改變行為嘅話，強而有力嘅邏輯論證加埋無限嘅論據，好多時都喺零作用。

＃3 咁所以巴打，你遇上人哋同你爭論某啲嘢，嗌乜鬼嘢交啊？

嗌交真係最嘥時間嘅行為，嗌完半粒鐘都係無結論無成果嘅…

遇上呢啲『啊！你個人咁鍾意溝女咁狗公架！你個人咁自私淨係識搵錢！你咁大男人架，咩都要控制我…

…你個人咁蠢架！你個人咁多要求架！唔譴責呢啲暴徒就喺錯！』blah blah blah嘅語言攻擊…

你醒目有腦有更重要嘅嘢去做嘅話，你就知道無需要同對方嘥時間辯解更多；

你強勁嘅對手喺唔會聽你講，所以佢挑釁你嘅時候你就要冷靜唔好墮入情緒圈套同佢拗。

講咁撚多嘢不如做更多嘢，因為只有透過你自身嘅行為同成績，你先會有機會改變到其他人！

就算改變唔到佢，so what?

你唔浪費時間喺啲losers身上，你花時間成為人生大贏家，到時你都唔需要說服佢呢啲人啦！

完。