分類: 成功

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第9集，亦都係我哋MTFU其中一條做人嘅宗旨，

 

就係叫做Lean Just Beyond Your Edge。

 

要輕輕推過自己嘅comfort zone／舒適範圍， 要以一種傾過自己極限邊緣嘅態度去活你嘅生命。

 

如果你好懶，太過滿足於現狀，永遠滯留喺一個安全舒服嘅景況裏面，其實你係自我毀滅緊；

 

因為life is either growing or dying，如果你唔係成長進步緊，你就係死亡近。

 

另一方面，你亦都唔應該太過『不自量力／好高騖遠』哋嘗試太勇猛地衝破自己嘅極限；

 

因為咁樣你咁樣做，只會無謂地比好大壓力自己／不理智地『自殘』做一啲根本呢一刻你未鍛煉到有足夠能力去做嘅嘢。

 

所以最好嘅平衡點，就係lean just beyond your edge，

 

就係做一啲超過你呢一刻能力範圍外少少嘅嘢，有一種少少唔舒服+少少緊張嘅感覺就係最好。

 

咁樣你先能夠以最快嘅速度去成長，去擴闊自己嘅能力，去一步一步轉化你嘅恐懼成為你嘅好朋友。

 

好少男人係能夠誠實地面對自己真正嘅極限，並且每日練習點樣去輕輕擴闊自己嘅極限。

 

大部分男人一係成世甘於係一條平庸簡單嘅道路上settle，一係有勇無謀地選擇一條超難嘅道路上。

 

佢哋之所以咁極端，係因為前者嘅insecurity令到佢哋懷疑自己能力，唔夠膽think big act big，

 

所以淆底連自己嘅極限／潛能／上天賦予俾佢哋嘅禮物都唔敢面對並且好好善用；

 

相反，後者嘅insecurity就會令到佢哋狂妄自大地push-push-push，因為內心嘅空虛而不斷搵新嘅方法／途徑去達到勝利。

 

兩種情況其實都係逃避現實，逃避自己面對恐懼嘅真相；

 

如果你好有壓力地不斷搵藉口唔面對自己嘅恐懼，你就唔能夠放鬆自己成為一個『無畏無懼』嘅人。

 

點解？

 

因為你嘅恐懼就係最能夠顯示最真實嘅你，最能夠反映你係一個真正點樣嘅人。

 

你一定要將恐懼『化敵為友』，你先至唔會再對住佢咁唔舒服。

 

事實上，你係應該每一日都搵方法去感受恐懼，

 

咁樣就代表你係輕輕超越緊自己嘅極限，容許自己嘅進化transformation慢慢進行。

 

你既不是懶惰，亦不是狂妄。

 

你係真實地面對每一刻，而唔係搵藉口扭曲事實，你係living in your authentic truth。

 

因為驚某啲嘢發生而『未發生先驚』，你就永遠活喺一個框框裏面，你永遠都唔能夠達到你潛能賦予俾你嘅可能性。

 

『因為驚而驚』係會推你去一個虛擬嘅世界，

 

一個令你唔能夠完全感受生命嘅世界，

 

一個到你臨走嗰一日會充滿後悔嘅世界。

 

只有你完完全全感受每一刻，feel this moment，包括你嘅恐懼，

 

你先至能夠創造一種aliveness，一種充滿生命力既生活。

 

你必須準備好完全擁抱任何嘅『不確定性』／uncertainty，

 

以同情心同大愛去challenge自己嘅極限，

 

以一個開放嘅心離開你嘅安全地帶，赤裸裸地，有意識地站喺呢一個『不可預知嘅現實裏面』。

 

Own Your Fear，接納你嘅恐懼，唔好再嘗試逃避佢，

 

咁樣你先至能夠由今日開始，彰顯你生命每一小部份嘅潛在價值。

 

 

希望今集幫到你！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

近幾日呢，我發覺自己有少少懶惰，有少少stuck，唔太想繼續做嘢。

 

好好彩嘅係，我好快catch到自己少少向下沉嘅徵兆，所以我就馬上用番我之前學過嘅嘢，去增加自己工作嘅動力。

 

你有冇試過發現自己越來越懶，即使你知道有啲嘢需要做，但係自己唔係好想take action去做嘢呢？

 

今日將會同你分享一條由一位專喺研究人類procrastination，最頂尖嘅科學家Dr. Piers Steel所寫嘅motivation方程式，

 

協助你令自己變得冇咁懶，唔好再拖延你嘅夢想。

 

以下就係Dr. Piers同我哋講動力方程式：M = E x V／I x D

 

意思就係：Motivation = Expectancy 乘 Value，除 Impulsivity 乘 Delay。

 

喺我哋解釋各項名稱之前，你首先要知道，

 

如果你想有好大嘅motivation動力，你嘅分子（Expectancy同Value）就要整大啲，但係你嘅分母（Impulsivity同Delay）就要整細啲。

 

首先，＃1 Expectancy其實意思就係你嘅自信心，

 

如果你『expect』預期某一件事係有可能發生，並且覺得自己應該都可以做得到，咁樣你就有更大嘅動力。

 

換句話嚟講，如果你嘅目標太過大，大到連自己都覺得完全冇可能發生，咁樣你就需要首先去簡化一下你嘅目標；

 

Set返低啲先，等自己做到一個較細嘅目標之後，建立更大自信之後，你再去攻擊下一個level嘅目標。

 

有野心係絕對好事，你亦都應該長期stay hungry，令自己不斷有更大嘅嘢去追隨；

 

但係如果目標太過遙遠，對於呢一刻嘅你太過難達到嘅話，你就需要輕微調整返少少，讓自己容易少少成功先，下次『升呢』之後再去打大佬。

 

＃2 Value就係講緊，其實你心底裏係咪真係好想達到嗰一個目標，你set嘅target係咪真係自己好想要。

 

呢種就係所謂你有冇一個burning desire，你有冇一種燃燒緊嘅慾望去做到嗰樣嘢，

 

如果有，你先至會有更大嘅motivation動力去take action。

 

所以我成日教你，你任何想做到／得到嘅嘢，

 

你一定要首先搵出你背後嘅原因，搵出你嘅emotional reasons，搵出你嘅WHY。

 

譬如你依家set咗個目標話『三年內要買到樓』，你都要問清楚自己：

 

點解我想買到樓先？

 

點解我一定要買樓先？

 

其實『買樓買車結婚生仔』呢啲概念係咪真係適合我想要嘅生活先？

 

我係咪真係想搵到錢就即刻令自己成為20年嘅樓奴？

 

定係其實我想投資呢筆錢去環遊唔同國家，感受世界有幾大呢？

 

＃3 Impulsivity就係講緊，當你真係有一種好想要嘅目標之後，你能唔能夠集中精神每一日去實踐最重要嘅事項呢？

 

定係每一次你大髀feel到電話震，或者聽到最新嘅email alert，又或者接收到一啲好似好得意嘅訊息嘅時候，

 

你會衝動地去令自己分心，跟住將你最重要嘅工作延期，遲啲先做？

 

你嘅Impulsivity越高，你越唔能夠自制，你做正經嘢嘅動力將會越低。

 

所以你必須搵方法去減低甚至完全消除所有嘅distractions，如果你工作時唔能夠好集中地focus，你係冇可能達到你嘅理想位置。

 

＃4 最後，Delay就係講緊你距離達到目標嘅時刻有幾遙遠，

 

越係長先至達到目標嘅話，你做嘢嘅動力將會越低。

 

所以綜合曬以上所講嘅野，有咩方法可以令到自己keep住有motivation做嘢呢？

 

答案就喺： 你要開始create micro goals，每一日製造一啲微型嘅目標。

 

你要學識將大型遙遠嘅目標『斬件』，

 

令你每一日都有一啲微型既target達到，每日都製造一啲small wins『小勝利』，令自己知道每日都係邁向緊正確嘅方向。

 

咁樣嘅話你就有更大嘅動力去keep fvcking going！

 

另外，因為你今日打扮得咁靚仔，所以等我畀多個bonus tip你 😉

 

我哋頭先講咗，Motivation = Expectancy 乘 Value，除 Impulsivity 乘 Delay。

 

雖然Dr. Piers呢條動力方程式寫得好好，但係我個人覺得motivation需要乘多一樣嘢先至完整，就係你嘅Energy Level！

 

所以條方程式正確嚟講應該係：

 

Motivation = ENERGY 乘 (Value 乘 Expectancy / Impulsivity 乘 Delay)

 

如果你本身成個身體都冇乜能量，

 

如果你touch wood最近做完手術依家瞓喺醫院度休養生息，

 

又或者如果你琴日通完頂已經冇瞓30個鐘，

 

你呢一刻係好難以一個『有動力嘅心態』去睇呢個世界。

 

所以每一日你優先必須做嘅，

 

你嘅No.1 Priority一定係首先去『優化』自己嘅energy level，去『叉足電』迎接每一天。

 

除咗有7－8小時充足睡眠呢啲基本嘢之外，最重要嘅你放咩落你個口度食，

 

你每日身體有冇足夠嘅旭動，你呼吸平時嘅方式係咪腹式呼吸，又或者你工作範圍係咪充滿著滋擾等等。

 

 

如果你真係想增加自己嘅動力，

 

由今日開始，請你好好認真地調節自己嘅energy，

 

並且善用以上嘅motivation equation，一步一步邁向『在你遙遠的附近』嘅偉大目標！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第8集，

 

亦都係我最鍾意嘅一集，因為今集嘅主題係叫做Your Purpose Must Come Before Your Relationship！

 

亦都即係我成日講嘅，你人生嘅目的／你嘅任務／你每日活著嘅原因，一定要凌駕你其他任何嘅人際關係。

 

因為每一個雄性男人，

 

當佢哋仔細沉思嘅時候，其實佢哋都知道，

 

佢哋人生最大嘅目的，唔可能係純粹為咗有一段精彩嘅relationship；

 

更加絕對唔可能將整個人生縮小到淨係維持某一種關係，無論係父母／女人／朋友／子女定係其他任何形式嘅relationship。

 

每次佢將自己嘅relationship凌駕於佢嘅life purpose，

 

佢就係衰弱緊自己嘅大能，亦都係同時傷害緊整個宇宙，

 

因為佢冇盡佢嘅責任，擴大自己係世界上正面嘅影響力。

 

所以各位巴打，

 

喺你整個人生會有無限次嘅引誘或者測試，你將會好多時被放喺一個兩難嘅位置：

 

你一係可以選擇一個所謂『完美嘅親密關係』，又或者你可以選擇去追隨你最高嘅人生目的；

 

而如果你想最能夠彰顯自己生命，

 

你每一次必須選擇喺你嘅purpose上面成功，你嘅relationship無論如何都唔可以成為你嘅首選。

 

你嘅mission一定要係你嘅priority，

 

因為每當你嘅mission唔係同你嘅生命規劃成一致，

 

其實你嘅core，你嘅內心係會有一種空虛感，有一種講不出聲嘅失落感。

 

所以當你下一次發現自己『為咗女人妥協某啲基本原則』，

 

又或者『為咗陪女人』將你嘅任務延期，

 

甚至係所謂『為咗女人開心』而否定屬於自己嘅true purpose，

 

 

巴打，你就一定要停止繼續否定你嘅calling。

 

你可以同你嘅女人講你好愛佢，但係你唔能夠因為咁樣，而掩蓋住自己嘅心裏面知道正確要做嘅事。

 

你可以同佢講，

 

我接下來半個鐘（或者任何特定時間）都會100%同你一齊，畀曬所有嘅注意力你；

 

但係過咗之後，我必須返去喺屬於我嘅任務打拼，我必須繼續行屬於我嘅道路。

 

如果你真係喺嗰半個鐘裏面100%全心全意同佢一齊每一刻，你嘅女人係會比起你『一齊出街食飯睇戲六個鐘，但係兩個人冇乜溝通，成日喺度各自玩電話』更加滿足。

 

要記住：

 

每次你花時間同女人一齊，你每一秒都係應該當時真心想同佢一齊；

 

而唔係因為大家想搵盤hea時間，

 

互相浪費青春，

 

互相『人在心不在』，

 

互相無意識地隨波逐流，跟住社會大眾節奏走。

 

 

所以各位巴打，同有質素嘅女人一齊互相去感受世界係好開心嘅，

 

你亦都好應該去擴闊同唔同女人嘅experience；

 

但係去到某個位，

 

當你自己feel到好似總係有少少空虛感，

 

好似硬係有啲嘢欠缺咗，

 

好似個心同你講仲有啲其他更大嘅嘢想做，

 

喺呢一刻，喺呢一個時刻，就係好好嘅跡象話你知：

 

你喺時候返去追隨番屬於你嘅人生任務，

 

你喺時候接受生命賦予畀你更大嘅project，

 
你喺時候勇敢地踏進新一趟具挑戰性嘅旅程，希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

Mr Harry Potter：

 

『Hi man又係我 今次都幾多問題下 我盡量 cut short

 

問題1 最近我發覺對住條女有啲淆底，唔太敢望住佢對眼。

 

其實我成日聽到你講用穿透視眼神望住佢，其實啫具體係點lol

 

唔敢同佢講啲deep啲嘅野，只係日日得f+c， c都唔知係咪真係c，畢竟我都唔係好清楚c具體係點，

 

anyway，我就係唔敢望住佢講deep野啦，可以點做？

 

問題2 最近佢仲煩緊野，我msg佢佢都唔理，口講唔在意其實心理上都有種不爽嘅感覺，有咩意見可控制下我個心態。

 

我有試過同其他女develop下，但佢表示呷醋，唔理佢又好似好衰咁。

 

畢竟佢都唔似前線個啲咁諗野，但我都係有啲在意係msg到，求支援。

 

問題3 我有心但有時唔敢take action，真心對唔住巴仔同你。

 

我知到我要out zone，我知道take action，先有用有利於我。

 

但我少左個動力，我嘅藉口，考試就嚟到啦，諗咁多做咩，唔該你鬧醒我。

 

問題4 一條無咁deep嘅問題，但都應該幾多巴仔煩惱過嘅野，就係生日禮物or就咁想送禮物。

 

唔知呢啲野你會唔會做呢，但係我唔太知送咩好，你平時會送咩架，我想俾個surprise佢，俾啲好玩啲嘅建議。

 

盡左力架啦，最短啦，辛苦你啦man，等你嘅回覆。』

 

Yo Harry，

 

#1 Watch this:『氣場』同『堅定眼神』點樣練到？[溝女Q＆A]

 

呢個係咪你女朋友？點解會驚望住佢嘅？想知道你咁做嘅時候你心裡面當時有咩感覺。

 

好簡單嘅challenging方法可以係『行動』上嘅challenge，

 

例如唔係成日得閒同佢出街，

 

例如唔好做永遠搵女仔嘅第一個，

 

例如有時夜晚先覆佢whatsapp，

 

例如暗地裡讓佢知道有其他女追近你，

 

例如你每個禮拜都會出去social並且好自然地識到女仔etc

 

 

總之你唔係永遠available，你唔係『隨傳隨到』，你唔係『樣樣都say yes』，咁樣你就永遠都係女人眼中嘅challenge！

 

 

#2 小心，你嘅行為開始變得needy，佢忙嘅話就由佢忙，唔好搵佢住，直到佢搵你，trust me。

 

佢呷醋，that’s exactly what you want!!!

 

佢呷醋=佢在乎，一定要比佢知你有market，可以隨時『next 佢』。

 

同其他女仔flirt應該係你生活嘅一部份，呢一點一定要堅持，保持你嘅frame！

 

#3 動力唔係經常有，我明白嘅，我都唔撚係。

 

最好方法係build action habits，定時『自動』執行action，無論咩感覺都要執行。

 

例如，social方面，我一早已經plan好曬嚟緊6－8個禮拜嘅weekend會玩咩group activities，令我每個星期都識到新人，所以我唔需要禮拜五諗星期六日玩咩／點識女仔。

 

 

MTFU方面，我每一日都一早set好schedule，無論如何都要拍到幾多段片／寫到幾多篇newsletter／plan好下一個進階training。

 

 

你都見得到我而家每日出片，坦白講，成日諗咩講都好撚challenging，我都唔係日日『想做』。

 

但係呢，我起身都會提醒自己揀咗嘅mission，

 

我會提醒自己我想創造嘅impact，

 

我會提醒自己我要首先lead到自己去『捱過呢啲冇咩動力嘅tough days』，我先能夠啟發到大家去追隨各自嘅夢想。

 

因為你都知道，夢想成真都必須努力苦幹，

 

任何有價值嘅嘢都係需要『有策略地捱返嚟』，搵大錢／溝索女／練大隻全部都係。

 

所以你都要搵番你想做某件事背後嘅purpose目的同原因，再加埋你每日持之以恆嘅mini actions，你就能夠去到你想去嘅地方。

 

記住：Reasons come first, answers come second.

 

當你知道做某樣嘢嘅背後目的，當你知道自己嘅『WHYs』，你就有長期take action嘅燃料！

 

#4 生日禮物問題，視乎你哋嘅relationship去到咩程度。

 

有一本由Gary Chapman寫嘅書叫做《The 5 Love Languages》／《愛的五種語言》，係每個想同伴侶能夠長遠『感受到愛』必睇嘅書。

 

我需要坦白從寬，我係未睇晒嘅；

 

不過書裡面大約講，每個人都會有唔同嘅primary love language『主要愛的語言』，你要用嗰種語言同伴侶『溝通』佢哋先可以感受到你嘅愛。

 

嗰五種嘅『愛的語言』就係：

 

－Words of Affirmations 肯定嘅言語。e.g. 鼓勵的話語、仁慈的話語、謙遜的話語。

 

－Quality Time 有質素嘅時間。e.g. 把注意力集中在對方身上，全心全意跟對方一起作些他喜歡的事，

 

－Receiving Gifts 接受禮物 e.g. 把自己當成禮物，當對方需要你時，你就在那裡陪伴，或是購買禮物，但禮物不需要是昂貴的。

 

－Acts of Services 服務的行動。e.g. 藉著為對方服務來表達愛意，如: 幫忙作家事、溜狗、洗車、做一餐美味的菜餚。

 

－Physical Touch 身體的接觸。e.g.伸手撫摸他們，如:用手梳理對方的頭髮、撫摸背部、牽手、擁抱、按摩對方的腳。

 

所以講返你，如果你同佢已經訓咗幾次，亦都已經所謂正式『男女朋友』咗，咁送少少唔太名貴嘅生日禮物都無咩問題。

 

 

但係，如果只係『溝緊』輕鬆causal嘅階段，咁送生日禮物就唔太建議喇。
What a long episode, hope this helps!

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

可能有好多巴打都曾經問過自己：

 

唔知幾時先算係學完溝女呢？

 

唔知幾時先算係學習嘅道路上『畢業』呢？

 

唔知幾時先可以『放鬆落嚟，終於咩都唔使諗去享受人生』呢？

 

如果你係咁樣諗，我有個壞消息要話你知啊…

 

呢條道路係去到你死嗰一日先至會完結！

 

史丹福大學嘅心理學女教授Carol Dweck，喺2006年寫咗一本書叫做《 Mindset：How You Can Fulfill Your Potential》。

 

Carol同我哋講：呢個世界上只有兩種人，第一種人擁有Fixed Mindset，第二種人擁有Growth Mindset。

 

第一種擁有Fixed Mindset嘅人，佢哋覺得所有嘢都係整定嘅，並且覺得佢哋已經係一件『完成品』。

 

佢哋已經過咗學習嘅階段，而因為佢哋已經『成咗人』，所以佢哋已經唔能夠改變佢哋嘅未來。

 

相反， 第二種擁有Growth Mindset嘅人，

 

佢哋睇嘅世界係一個永遠唔會完，永遠都有得進步，永遠都可以進化改變嘅一個世界。

 

所以佢哋覺得自己永遠係『work in progress』，係一件『正在被打造嘅事物』，佢哋係唔會有完嘅一日。

 

喺佢哋眼中，life is either growing or dying；

 

如果你唔係成長緊，你就係死亡緊。

 

所以去返我哋一開頭嘅問題，究竟『溝女』會唔會有學完嘅一日呢？

 

又或者係套用其他任何嘅技能，究竟『學炒股』會唔會有學完嘅一日呢？

 

究竟『學打網球』會唔會有學完嘅一日呢？

 

究竟『學英文／普通話／西班牙文』會唔會有學完嘅一日呢？

 

究竟『學人類大腦構造』會唔會有學完嘅一日呢？

 

究竟『學唱歌跳舞拉小提琴』會唔會有學完嘅一日呢？

 

個答案當然係No啦！

 

任何一種你想精通嘅技能，

 

任何一種需要花時間每一日去練習嘅skills，

 

任何一種需要重複又重複又重複做相同嘅嘢去達到mastery世界級水平嘅東西，

 

都係唔會有完嘅一日！

 

歷史可以話畀我哋知：人類喺不停進化，係會將『以往認為無可能做到嘅事物』逐一實現。

 

無數嘅奧運紀錄，攀山紀錄，潛水紀錄，或者任何世界健力士大全嘅紀錄，

 

都話咗畀我哋知『人類係有能力不斷擴闊自己嘅極限』。

 

無論你想精通任何一種技能，

 

包括學溝女／學新嘅語言／學計數／學功夫／學機械工程／學滑雪／學做運動／學做間諜黑客等等，

 

所有嘢都有下一個關，所有嘢都有更勁嘅level，所有嘢都有更進階嘅技巧去學習。

 

你想成為世界上嘅Top1%，你就一定要保持『終生學習』呢一種嘅edge，呢一種嘅優勢。

 

唔好諗住讀完大學／讀完master／係law firm做到partner／係銀行做到亞洲區CEO，你之後就諗住停止學習。

 

每逢你自滿，

 

每逢你覺得『識曬所有嘢』，

 

每逢你覺得生活一切過得特別『舒服滿足』，

 

你就係正正步向一個黑暗嘅未來，

 

正正被眼前嘅『名成利就』蒙蔽，

 

正正暗地裏被其他人超越你原本擁有嘅優勢。

 

問題係：呢一刻你擁有Fixed Mindset定係Growth Mindset呢？

 

當你開始發覺自己溝到女，越來越多女仔鍾意你嘅時候，你又會唔會自滿而放棄繼續精通呢一門學問呢？

 

你又會唔會喺你人生其他嘅任何一方面，永遠抱著一個謙虛學習嘅心，永遠準備放棄舊有嘅觀念同自我意識，

 

去迎接新嘅資訊，迎接新嘅改變，迎接新嘅自己呢？

 
你咁勤力每日聽得我哋MTFU，我相信你喺識得點樣揀嘅，

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

曾經喺日本有一個好得意嘅研究我今日想好快同你分享嘅：

 

個實驗嘅過程，就係研究人員首先蒙著學生雙眼，

 

跟住同佢哋講話佢哋嘅右手搽咗一啲有毒植物嘅液體；

 

咁過咗一段時間，全部嘅學生隻右手真係出現咗典型嘅敏感反應，

 

譬如痕癢／腫痛／發炎甩皮等等；

 

但係事實嘅係，其實研究人員只係搽咗一隻無害普通嘅植物喺佢哋嘅右手到。

 

更搞笑嘅係，

 

研究人員同時間喺佢哋左手搽咗真係有毒嘅植物液體，但係同佢哋講話係冇毒嘅；

 

結果13個學生只有兩個隻左手出現敏感嘅反應！

 

係咪好神奇呢？

 

點解搽一樣冇毒嘅嘢可以令到人出現『中毒』嘅反應？

 

但係搽一樣真係有毒嘅嘢反而冇事呢？

 

呢一種就係心理學家所講嘅Expectant Theory，

 

即係話你大腦所製造嘅預期，係可以同現實生活中所出現真正嘅嘢，有等同嘅真實感。

 

呢一種就係我哋嘅creation process， 我哋點樣將『未發生嘅嘢』轉化成為『真實發生嘅嘢』。

 

我哋生命絕大部分嘅嘢都係由自己直接或者間接創造，而你創造嘅嘢好多時都係由你預期／expect嘅嘢所形成。

 

Expectation係好多Creation嘅始祖，

 

如果你一開頭已經唔預期你會做到某啲嘢，好自自然然你都唔會take action去製造嗰一種結果出嚟。

 

例如：

 

如果你唔預期自己減到肥，你做運動嘅時候都冇咁落力，你亦都唔會節制你嘅飲食。

 

如果你唔預期自己嘅優點／價值值得畀面前呢個女仔認識，你亦都唔會行去同佢打招呼。

 

如果你唔預期自己勇敢創業係可以長遠地帶畀你真正嘅自由，你幾乎必定會繼續逗留喺一份你唔願意做嘅工作裏面。

 

咁所以今日嘅action step就係：

 

寫低你其中一樣嘅Positive Expectation，正面嘅預期。

 

 

跟住問下自己，我要進行乜嘢嘅『行動』，要經歷乜嘢嘅『過程』，可以增加呢樣結果出現嘅可能性呢？

 

 

寫低之後，你就一路付諸行動，一路觀察今日慢慢會出現嘅現象啦！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日想好快同你分享你必須有嘅五種行為特質，令你可以建立自己嘅帝國，成為現代嘅皇帝。

 

因為你都知道，要增加自己嘅實力，要建立自己嘅軍隊，要成為一個更好嘅領袖係需要磨練，

 

所以以下分享嘅behavioral traits相信都會幫到你。

 

＃1  Deep Breathing，複式嘅深呼吸

 

如果你有一路聽開我哋MTFU，或者閱讀過我寫俾你嘅免費溝女書，或者訂閱埋我哋嘅免費newsletter，

 

你應該好熟悉我講過嘅聽過『Breathe into your belly, breathe into your balls。』

 

點解深呼吸落你個腹部，甚至幻想自己將空氣呼吸落你兩個蛋蛋下面，係咁重要呢？

 

原因就係，今時今日嘅社會意識形態或者文化，都係好主張我哋花好多時間用頭腦去諗嘢，而忽略咗我哋對自己身體嘅意識。

 

咁樣係好容易令到我哋患上抑鬱症，或者為一啲小事而非常緊張，或者諗好多無謂嘢，呢啲問題其實都可以用『deep breathing』解決。

 

點解咁多人都唔相信自己嘅直覺／gut feelings呢？

 

點解咁多人都會被自己嘅情感／emotions支配呢？

 

原因就係因為我哋唔熟識自己嘅身體。

 

如果你想成為一個真正嘅皇帝，

 

你一定要stay grounded，你一定要對自己嘅身體心理狀況有確實嘅掌握，你一定要除咗識得聰明時候之外，亦都要相信自己嘅直覺。

 

而最簡單嘅開始方式，就係每日花時間去深呼吸，幻想自己嘅腳底同地球連繫著，咁樣你先至能夠真正『腳踏實地』，創造你嘅理想。

 

#2 Healthy Movement，你每日都必須郁下你個身體，做啲有益身心嘅動作。

 

當然我唔係講緊要每日喺個gym到花兩三個鐘係咁舉重跑步啦，除非你係職業運動員，唔係嘅話過多嘅運動係會適得其反，好容易整傷自己。

 

我講緊嘅係，我哋要搵一啲能夠郁動身體嘅movements，去支持自己嘅身體機能運作同埋lifestyle。

 

其實男女老少都需要某程度嘅strength training負重運動，

 

但係喺你開始之前，你亦都需要建立一個強壯嘅foundation，打好個骨骼同埋深層肌肉嘅根基。

 

唔係嘅話，你就會好似好多健身嘅人咁，雖然睇落好多肌肉，但係其實佢哋都有一個fvcked up posture，佢哋靜止／行路嘅時候嘅姿勢係完全錯誤；

 

一係寒背伸唔直條頸，

 

一係前後肌肉比例唔均衡，成隻大猩猩咁樣行路，

 

一係佢哋『外強內衰』，食埋一啲淨係為咗健美比賽大隻嘅野，但係內部身體機能其實係好差。

 

個重點係，一個真正嘅皇帝係唔會有一個好差／唔啱比例嘅身體姿勢，亦都唔會淨係得個樣；

 

佢哋著重嘅係由內而外嘅身心健康，佢哋同時都有良好嘅flexibility柔韌性，

 

並且會著重增加functional muscles，肌肉嘅增長係為咗增加佢哋『運動員嘅能力』，而唔係純粹為咗好睇或者鬥大嚿而去鍛煉。

 

＃3 Mastery，你需要精通某一啲嘅技能。

 

作為一個皇帝，你係需要為自己同你嘅子民服務。

 

當你去精通某一類嘅技能，你就係努力去為你自己同你嘅人民謀求更多福祉，為大家創造更多『溫飽』。

 

最理想嘅skills當然係一啲你本身已經有興趣／熱愛嘅技能啦，

 

但係有時候你都需要建立一啲你未必鍾意，但係能夠協助你實現你願景嘅技能，嗰啲你都需要盡量精通佢。

 

Anyway，當你能夠master a skill，並且能夠教導其他人你認識嘅嘢，

 

你就係『授人魚不如授人以漁』，令佢哋自己有能力去餵飽自己同其他人。

 

＃4 Self-Love，亦都係我經常強調嘅『自愛』。

 

你一定要首先成為愛你自己嘅第一個，你先至會有機會令到人哋愛上你。

 

所以點解你一定要首先照顧好自己嘅身心健康，你先至有最大嘅能力出去為世界服務，出去吸引有質素嘅女人去你生命。

 

最簡單自愛嘅方式，可以係每日比自己有充足6-8鐘嘅睡眠，每日食一啲最健康最有營養嘅食物，每日花10-20分鐘做冥想靈修meditation；

 

每日為自己去主動原諒一啲曾經傷害過你嘅人或事情，每日投資30-60分鐘去進修增值自己等等。

 

要記住：

 

如果你唔能夠首先幫助自己，增加自己既power影響力，你係冇可能最有效率地幫到最多嘅人。

 

#5  Take Huge Fvcking Action，馬上付諸最大嘅行動。

 

以上所講嘅任何一種嘅行為特質都係冇用㗎，除非你將你學識嘅嘢take action。

 

我哋已經擁有太多知識，我哋已經聽過太多knowledge，我哋已經學過太多方法strategies去點樣提升自己，

 

但係我哋仍然係非常缺乏會take action嘅人。

 

你見唔見到有好多非常高學歷嘅『學者』或者『金融專家』或者『最有權威嘅經濟學教授』係窮到仆街嘅咩？

 

你見唔見到有多鍵盤戰士／haters好鍾意喺度講一大堆道理，引經據典，專係搵埋啲無關痛癢嘅位去質疑點解你嘅方法唔work，批評個領導層應該點樣做等等，但係自己永遠唔會step up去實踐佢所講嘅ideas咩？

 

正所謂『知而不行，是為不知』，

 

世界係唔會獎勵一啲淨係有ideas，淨係講而不做，淨係有智慧匿埋喺深山嘅『大師』架。

 

你見得到最成功嘅人，最建設到現實理想生活嘅企業家，

 

全部都係一啲最踴躍最快嘅action-taker，佢哋係會用『實際行動』去引證佢哋嘅諗法啱唔啱，犯錯之後就會course-correct，再搵其他方法嘗試。

 

所以我喺好多謝你咁支持我哋MTFU每一集嘅，但係我都需要問你：

 

你聽咗咁耐，學咗咁多嘢，得到咁多價值，有幾多嘅advice建議你係已經付諸行動架呢？

 

人嘅習慣係需要慢慢一小步去改變嘅，你又有冇每一日去略略踏出你嘅舒適範圍，喺現實生活中做一啲嘢，慢慢改變自己生命呢？
喺你聽下一集之前， 希望你能夠從今日開始，對以上兩條問題say yes！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第5集，今集嘅主題係叫做Know Your Real Edge and Don’t Fake it！

 

意思就係，我哋需要知道自己真正嘅極限，知道有啲乜嘢我哋係真係冇可能做得到，而同時間擴闊我哋現有嘅技能同能力，增加自己嘅感染力。

 

雖然一個敢於面對自己恐懼，面對阻力繼續向上游，活喺佢嘅舒適範圍之外嘅男人係好值得仰慕；

 

有時候我哋都必須承認，作為人類，你同我都有一啲限制，你同我都有唔同嘅成長限度，我哋都有各自各嘅命運等待我哋去踏上。

 

譬如，你雄心壯志想征服喜馬拉雅山，但係你連獅子山都未行過，你咁樣去挑戰你就一定死硬；

 

你一定要逐步逐步嚟，慢慢增加自己嘅skills level，先有機會達到目標。

 

又或者你好想好似Elon Musk咁有大志去令人類上火星，但係你連自己第一個startup business都未賺到錢，你係唔會有足夠嘅skills level去應付更大嘅困難。

 

所以我哋冇需要特登去扮我哋比呢一刻真正嘅我哋聰明，去扮我哋比其他人更加有遠見，呢一個就係第一點。

 

第二點就係，即使你要有謙卑嘅心，

 

你亦都唔應該因為『唔好意思』而喺度扮廢，喺度『留力』，喺度『讓賽』，唔全力以赴做到最好。

 

譬如，你依家做緊某樣工作賺緊錢。

 

你要問下自己：『其實有啲乜嘢恐懼，正在限制緊我去進一步貢獻人類更多，或者進一步創造更多價值賺更多錢，或者進一步去以一種創意享受嘅方法去賺錢呢？』

 

假設你係完全零恐懼，咩都唔怕，你估你呢一刻會唔會仍然淨係搵咁多錢呢？

 

（BTW，我哋之所以用錢做例子，只係因為錢可以量化，容易啲畀你get到你係咪真係實現緊自己所有嘅潛能。）

 

個重點係：

 

你嘅edge／你暫時能力嘅邊緣，正正係阻止緊你去全面發揮你嘅潛能，令到你妥協於你可以為世界帶來最好禮物嘅能力。

 

換句話講：你有冇因為自己嘅一啲恐懼，而限制limit咗自己真正能夠做到嘅事情呢？

 

其實你比任何人更加清楚自己有咩驚，例如好驚去冒險，好驚會失敗，甚至好驚會成功等等；

 

但係你依家覺得生活都幾舒服，所以你好驚如果你放棄現時嘅工作，搭隻腳出去自己創業，你嘅lifestyle將會改變到比之前更差；

 

即使你已經想創業想咗十幾年，即使你知道依家份工唔係最適合你，即使你內心知道自己有更大嘅熱情同潛能喺另一方面；

 

但係由於你好驚會做得比之前差，你選擇妥協，繼續生活喺一個表面相對安全，表面相對舒服，但係內心同靈魂已經死亡嘅一種無生氣嘅生活方式。

 

你有冇見過一啲人所謂『返工』嘅時候係充滿活力，充滿激情，充滿啟發性嘅能量去創造結果啊嗱？

 

有呢一種energy嘅人，正正係一個living in his edge嘅人嘅特徵，

 

佢係充滿自我動力，佢係願意勤力工作因為佢熱愛佢做嘅嘢，佢亦都係一個你可以信賴嘅人。

 

一個知道自己極限嘅人，並且同時願意繼續lean towards his edge，活喺佢極限邊緣，每日將自己放喺恐懼之中嘅人係最能夠信任同有啟發性嘅。

 

千祈唔好做果一個因為恐懼而放棄嘅人，

 

一個每次遇到困難就會瑟縮番自己嘅comfort zone之中嘅人，一個唔願意每一日都嘗試體驗一啲啲恐懼嘅人。

 

一個真正自由嘅男人，係擁有絕對自由去承認自己嘅恐懼；

 

但係即使係咁，

 

佢仍然會繼續將自己放喺恐懼嘅邊緣，

 

仍然繼續每日係屬於佢嘅道路take action，

 

仍然繼續創造自己最想要嘅生活。

 

喺恐懼面前，喺自己極限面前，喺唔熟識嘅挑戰面前，你又會唔會咁樣做呢？

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日想好快教你一條方程式，點樣去將你嘅夢想變為現實，

 

咁因為你聽得我哋MTFU，我相信你都係一個鍾意令自己進步嘅人，所以我以下落嚟分享畀你嘅嘢，你應該都會鍾意。

 

咁喺美國紐約大學嘅一位心理學教授Gabriele Oettingen，佢係專門研究，究竟有冇科學根據可以令到我哋學識『夢想成真』嘅science呢？

 

咁佢就開2014年嘅時候，寫咗一本書叫做《Rethinking Positive Thinking》，

 

同我哋講話淨係做visualization，淨係用vision-board去幻想自己嘅理想生活係唔足夠嘅。

 

雖然你嘅願景你嘅vision係好重要，但係我哋都要同現實接軌，所以佢就發明咗一條叫做WOOP嘅方程式去令我哋夢想成真。

 

簡單嚟講，

 

W就係Wish，

 

O就係Outcome（或者你嘅背後原因／Why），

 

另一個O就係Obstacles，最

 

後P就係Plan。

 

首先第一步就係 Wish。

 

你要問自己你究竟想要啲乜嘢呢？

 

如果你有一支神奇魔法棒，你會想變啲乜嘢結果出嚟呢？

 

如果你可以完成得到任何嘢，你會想要啲乜嘢願望呢？

 

第二步就係當你嘅願望成真嘅時候，你嘅現實Outcome會變成點，亦都係你會得到乜嘢好處。

 

你夢想成真會有乜嘢見到呢？

 

你對自己嘅生活有乜嘢感覺呢？

 

每日起身見到自己想見嘅嘢，做一啲自己想做嘅嘢，同一啲自己想同嘅人一齊，會有乜嘢feel呢？

 

第三步就係好重要嘅Obstacles，你一定要知道喺呢一個『夢想成真』嘅過程，你會遇上乜嘢嘅困難呢？

 

要喺人生任何一方面成功，無論你嘅健康／事業／學業／感情／身家／朋友／人生意義等等，你都必須承認你一定會受到不同程度困難嘅挑戰。

 

接受咗呢種現實之後，就嚟到我哋第四部嘅Plan，亦都係一啲叫做Implementation Intentions／『執行意向』嘅東西。

 

你係需要首先去預期你會受到乜嘢嘅挑戰，會遇到大約咩形式嘅困難，然後你要首先Plan好『當X發生嘅時候，我就會做Y。』

 

例如，當我感覺自己好懶唔想去做gym嘅時候，我就會首先換衫著鞋跟住踏出門口一步。

 

 

或者，當我感覺到自己想去approach個女仔但係個心無啦啦僕僕跳，我就知道我唔係緊張，我只係好興奮去好奇睇下呢個女仔適唔適合我。

 

 

或者，當我唔識得點樣再進一步grow我嘅business，我就知道係時候要搵我嘅mentor，諮詢下佢嘅意見等等。

 

 

所以你又有乜嘢Plan去處理嚟緊嘅Obstacles，令到自己可以得到將來有好處嘅Outcomes，從而將你嘅Wish實現出嚟？

 

記住呢個字：WOOP，Wish Outcome Obstacle Plan，

 

佢就係令你夢想成真嘅方程式。

 

 

用完之後，你就根據你嘅計劃去take action將夢想變為現實！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第4集，今集嘅主題係叫做Live As If Your Father Were Dead！

 

聽落去非常有爭議性，但係係一個非常之有威力嘅定律你必須遵守，因為佢正正hit得中生命嘅真相。

 

即使你好愛你嘅父親，如果你想成為一個真正自由嘅成熟男人，你都必須放棄『為你daddy俾你嘅預期或者批評』而去活你嘅生命。

 

大部分男人都係live in a quiet desperation，默默地喺一種絕望之中生活。

 

每一日都係好似隻倉鼠咁樣重複做同一樣嘢，潛意識地跟住大部分人做佢以為應該做嘅嘢，好似一隻喪屍咁樣『夢遊』佢嘅人生…

 

原因就係因為佢哋潛意識地，仍然好驚佢爸爸會批判佢。

 

好驚老豆會批評佢嘅選擇，好驚老豆會話佢嘅成就唔夠好， 好驚佢哋嘗試做任何嘢都會畀老豆reject或者鬧，

 

所以一直以嚟佢都係以一種『討好老豆嘅方式』去活佢哋嘅生命。

 

有啲更極端嘅例子，就係某啲男人會非常反叛，嘗試去180度調返轉做佢老豆叫佢唔好做嘅嘢。

 

但係其實佢哋都係仍然被動地圍繞著『父親』而活佢嘅生命，而唔係主動地為自己規劃佢真正想要嘅生命，

 

佢嘅父母仍然係控制緊佢。

 

所以今日嘅重點就係：

 

你必須假設你爸爸已經死咗，即使你好愛佢，你都必須咁樣做。

 

你幻想一下如果你Daddy已經走咗，你會唔會有一種唔需要再比佢批評，放鬆咗嘅感覺呢？

 

你會唔會覺得有一種唔需要再討好你父親嘅感覺呢？

 

你會唔會覺得有一種唔需要再特登證明自己叻過佢嘅感覺呢 ？

 

喺接下來嘅72小時，我想你至少做一樣活動，一樣因為你爹哋嘅存在，而你嘗試抑制或者放棄嘅活動。

 

你要開始練習點樣唔好再活喺佢嘅陰影之下，唔好再因為佢對你嘅期望或者批評而去做決定。

 

即使你有可能會感到恐懼，感到自卑，或者感到壓力，

 

你都要學識點樣放下呢啲心理負擔， 讓內心真正嘅自己慢慢呈現出嚟。

 

只有咁樣嘅抽離，只有咁樣嘅方法，

 

先至可以令你真正得到解脫，先至能夠讓你自己活喺屬於你嘅『真相』之中。

 

唔係你Daddy嘅『真相』，唔係你Mammy嘅『真相』；

 
係你嘅『真相』，係你嘅『道路』，今集慢慢咀嚼下！