分類: 成功

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

由今日起，

 

我哋會一連3集講下依家2017年同埋嚟緊2018/19/20年打後最危險，最有毒，最摧毀男人雄性力量嘅五大元兇，

 

同埋有乜嘢方法，可以防止自己被『現今社會認為係正常嘅行為』殲滅。

 

呢幾集所講嘅五大元兇，全部都係一啲大部分99% 男人幾乎每一日都中曬毒去做嘅嘢 ，

 

同埋我哋會講下點解呢啲行為咁上癮，點解佢哋長遠嚟講係毀滅緊你，

 

同埋有啲乜嘢方法可以終於令自己脫離被『暗地裏溫水煮蛙』，被殲滅嘅呢種魔咒！

 

首先我需要講：

 

呢五大元兇之所以咁上癮，你做嘅時候之所以咁high感覺咁身心愉快，

 

原因係因為呢種行為係會令你腦部不斷釋放Dopamine／多巴胺，一種製造『舒服感覺』嘅神經遞質／neurotransmitter。

 

喺古代嘅時候呢，呢種high只會限制於喺某幾種有限行為先會出現，去增加自己生存嘅機率。

 

例如你去求偶搞嘢嘅行為，出去打獵跟住搵到嘢食嘅行為，出去好開心搵到香蕉樹跟住食蕉嘅行為等等。

 

但係到咗今日，能夠觸發Dopamine／多巴胺釋放嘅嘢實在太多。

 

例如提供垃圾食物嘅快餐，網上打機電子遊戲，社交媒體social media等等都會提供短暫嘅high比你，但係換嚟嘅長遠後果就係：

 

你唔再能夠去delay gratification，有耐性去延遲你嘅享樂。

 

喺1960至1970年代，史丹福大學一位教授做過一個棉花糖實驗，佢就搵咗一班四至六歲嘅小朋友。

 

他們每人獲派發一粒棉花糖，佢哋可以選擇即刻一口食咗佢；

 

又或者如果佢哋忍住唔食住，十五分鐘後佢哋就可以獲派多一粒。

 

呢十五分鐘對小朋友嚟講係好乸長嘅等待，但有些小朋友真的做到了。

 

實驗室人員繼續追蹤這群小朋友，一直到他們長大成人，

 

結果發現那些能等上十五分鐘的小孩，長大後心理上更能自我調整，為人更可靠，自我動機motivation更強，高中嘅成績明顯更加好。

 

所以你嘅等待／你嘅耐性，是意志力的訓練。

 

世界上最美好嘅嘢，幾乎都必須花時間去準備，並且有耐性地付上努力先至能夠獲得。

 

Anyway，重點就係：

 

你有冇能力去delay gratification，你有冇耐性／自製能力去延遲你嘅享樂，

 

將會係決定你係咪能夠成為一個優秀嘅運動員／企業家／成功人士嘅必要條件。

 

雖然我哋今時今日嘅社會物質非常充裕，所有嘢都係隨手可得 ，

 

但係亦都係因為有咁多樣嘢都能夠觸發Dopamine／多巴胺／快樂荷爾蒙嘅釋放，

 

社會係有意無意地製造咗一大班非常懶惰，非常淆底，非常軟弱嘅男人。

 

所以如果你想成為一個更加有power，更加有控制權，更加全面嘅男人，以下嘅五大元兇你絕對必須戒晒佢哋！

 

第一樣嘢就係：AV／睇咸片！

 

對於大部分男人嚟講，世界上幾乎冇一樣嘢比起睇AV更加上癮。

 

大家都知道依家嘅科技不斷鑽研virtual reality／虛擬現實，所以將來嘅鹹片係絕對會更加上癮。

 

但係中AV毒絕對唔係好似垃圾食物咁樣，你食到咁上下會覺得飽，睇AV係可以好似追劇咁樣，睇成日都有新嘢睇。

 

再加上，AV世界能夠提供無限嘅種類選擇畀大家揀，好多現實世界唔會出現嘅變態極端嘢，男人都能夠喺咸片裏面FF。

 

亦都係因為咁，

 

好多男人透過AV取代佢哋『需要求偶』嘅慾望，對住電腦就誤以為能夠解決佢哋真正嘅sexual desire，

 

最後導致好多『因為咸片而不舉』嘅porn induced erectile dysfunction (PIED)。

 

過去嘅十幾年已經有好多研究發現，

 

點解好多年輕男人對住一個真嘅女人嘅時候扯唔到旗，

 

就係因為佢哋嘅大腦，已經唔能夠分辨『對住一個真嘅索女=係時候仆野=應該扯旗』嘅生理反應。

 

你越係睇得AV多，

 

你越係會訓練你嘅大腦去『對住電腦螢幕+裸女=扯旗』，

 

你越係見到真人嘅時候冇咗勃起嘅反應。

 

Anyway，講咗咁耐，究竟有咩可以做去解決呢種非常邪惡嘅毒癮呢？

 

 

Well，我自己不嬲自製能力都比較好嘅，所以都冇依靠過任何額外嘅嘢都停止咗呢個陋習。

 

 

但係你有需要額外嘅資訊，

 

你可以去首先睇下Gary Wilson喺2012年講嘅Ted Talk『The great porn experiment』，

 

跟住去佢個網站 www.yourbrainonporn.com 索取更多相關戒毒嘅資訊。

 

各位巴打，

 

你想長遠有慾望／有動力去溝女做人嘅話，係時候停止你睇AV嘅習慣，

 

我哋聽日再講下其餘毀滅男人嘅五大元兇！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第16集，今集叫做 Stop Hoping for Your Woman to Get Easier。

 

意思係：

 

女人喺會不斷不斷不斷測試男人嘅『真相Truth』同『目的Purpose』，並且每次睇下你能否繼續保持鎮定，唔受佢嘅煩擾。

 

佢之所以會測試你，係因為佢想感覺『男人嘅自由』，

 

感覺你『愛嘅深度』，並且希望你仍然繼續係一個可以信賴嘅男人。

 

女人嘅測試係可以有好多唔同嘅方式，

 

例如去投訴你，挑戰你，三心兩意無啦啦改變自己原本嘅諗法，懷疑你，騷擾你，甚至有意無意地暗中顛覆你嘅人生目的Life Purpose。

 

所以各位巴打，非常重要我想你今日帶走嘅重點係：

 

你永遠都唔應該希望某一日女人唔會再測試你，而你終於可以輕輕鬆鬆過日子。

 

你要識得去appreciate/欣賞女人不斷俾你嘅測試，

 

因為佢咁樣做係代表佢想感受你嘅strength毅力意志力，你嘅integrity正直誠實，你嘅openness坦誠開放。

 

女人最想要嘅係你最深入真相嘅愛，隨著你嘅成長，佢對你嘅測試亦都有所成長。

 

作者繼續講話：

 

女人嘅存在係對你嘅永遠測試，

 

而對女人嚟講，其中一樣最有快感最high嘅嘢，就係去首先測試你，之後感受你唔會因為佢嘅challenge而有所動搖。

 

對女人最色情嘅一刻，就係去感受你神聖嘅雄性力量：

 

一種絕對不能被穿透，

 

一種絕對冷靜，

 

一種絕對充滿愛嘅活在當下嘅masculinity。

 

女人絕對唔能夠『移動』你，

 

因為你已經一早係being who you are，無論有冇佢喺身邊，你仍然係做番最真實嘅你自己。

 

佢唔能夠嚇走你，因為你已經一早無畏無懼以愛嘅方式，去penetrate／穿透佢個心同身。

 

佢又唔能夠令你分心，因為你係永遠唔會妥協自己人生真相嘅承諾／commitment。

 

當佢能夠感受你呢種『愛與自由』，佢就可以相信你，跟住向你投降，聽曬你話，任由你擺佈。

 

但係每當佢再想感受你嘅雄性力量，佢又會再次去測試你。

 

譬如：你努力花咗好多個月或者好多年，終於賺到過億身家，非常開心，感到非常滿足同成功。

 

跟住你好開心地返屋企同你嘅女人分享，同佢講話你終於搵到一億啦，

 

點知跟住個女人冇咩表情地同你講：『哦，係咩？幾好呀。』

 

跟住你就好大反應同佢講番：『咩話？幾好？你知唔知我呢三年嚟，幾乸辛苦先做到咁嘅成績呀！？』

 

個女人跟住答返你：『我知，我呢大半年嚟都好少見你啦。啊！你記唔記得今朝我叫你返屋企之前要買盒牛奶啊？』

 

跟住你講：『係喎，sorry我唔記得咗。但係算啦！我哋依家成間牛奶公司都買到啦！』

 

跟住個女人好嬲地同你講：『我明明今朝提咗你三次，下晝仲whatsapp埋你，你咁都唔記得！？』

 

Damn，究竟發生咩事，

 

點解女人會喺唔適當嘅時候，做埋啲咁白痴嘅嘢？

 

點解成日都要喺啲興高采烈嘅時刻振掃你興？

 

答案就係：

 

女人咁樣去challenge你，係因為你嘅成功對佢嚟講係冇意義，除非你同時間仍然保持你嘅自由同愛（freedom ＆ love）。

 

意思係：

 

無論你將來嘅外在成就有幾巴閉，

 

你無論如何都必須保持你嘅detachment from outcome，唔會太過依賴某一種外在嘅成就，

 

仍然保持你嘅不羈同無憂無慮carefreeness，女人先至唔能夠dook到你嘅弱點。

 

再講多次，女人之所以咁樣做係因為佢想感受你嘅雄性力量。

 

佢好想感受『你嘅快樂』並唔會依附喺佢畀你嘅回應，或者依附喺外在嘅成就，佢想感受你係一個超越世俗嘅超級男人。

 

我知道你要做到咁『灑脫自由』係好難，你可能亦都希望喺你低潮嘅時候你嘅女人可以俾你抖下氣；

 

問題係，

 

如果你係真係想完全地釋放你所有嘅潛能，活喺自己嘅邊緣，喺困難之中成長，你係絕對應該想女人去測試你嘅能耐。

 

你可能唔會鍾意佢嘅測試，

 

但係如果你係愛佢嘅話，你都唔想佢同一個一厥不振嘅廢柴一齊，要同一個痴身依賴嘅寄生蟲一齊㗎？

 

所以無論係高潮低潮，順境逆境，

 

只要你係同你人生任務連成一致，align with your mission，你就仍然能夠保持心境快樂。

 

你唔需要有女人去讚賞你，你都能夠完成你嘅使命。

 

你已經大個仔啦，你已經唔需要『媽咪讚你乖仔叻仔啦』，你身邊嘅女人更加唔想成為你媽咪，實在太嘔心！

 

如果你嘅女人係軟弱，佢可能會妥協於一個軟弱嘅男人，繼續去讚你叻仔令你開心。

 

但係如果你嘅女人係一個高質素嘅好女人，佢就絕對唔會容忍你幼稚『需要畀人讚』嘅行為；

 

一個好嘅女人雖然會間唔中鍾意『單純天真嘅你』，但係佢唔想你嘅童年陰影限制你嘅潛能，佢想你任何嘅決定都係依據你嘅deepest truth去下決定。

 

所以秘密就係：

 

高質素嘅好女人一日在乎你一日愛你嘅話，佢一日都會去測試你嘅能耐，去確保你仍然係一個可以信賴嘅男人。

 

佢唔會settle for less，佢唔會接受你嘅bullshit，因為佢知道真實嘅你係可以更加自由，可以做得更加好。

 

所以各位巴打，

 

為咗你自己嘅大能，為咗你愛嘅女人，

 

請你都唔好settle for less，每一日都要搏盡無悔去繼續為自己選擇嘅使命精彩地打拼！

 

希望今集幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第15集，今集叫做 Don’t Get Lost in Tasks and Duties。

 

意思係 ：

 

無論你人生目的嘅細節係乜嘢，你都要小心沉迷／墮入喺某一種瑣碎嘅細節裏面；

 

因為講到尾，其實你人生最後都只係關於你每一個當下，每一個moment最深入最deep嘅真相。

 

所以男人係應該每隔一段時間，就要做一啲meditation／靈修去清晰自己，

 

每隔一段時間去一個短短嘅旅行，refresh自己嘅頭腦，令自己繼續睇到bigger picture，睇到大啲嘅畫面。

 

各位巴打，尤其係我哋呢啲有野心會take action去創造理想嘅男人，我哋好多時會發現自己唔小心墮進一個『doing mode』，

 

係咁不斷前進，好專注地去搞掂一個task再去搞掂另外一個task，唔想有其他人騷擾我哋。

 

我哋能夠focus自己去完成當下嘅工作係非常重要，但係男人呢一種嘅優點同一時間亦都係我哋嘅弱點。

 

能夠有discipline／紀律性去為自己嘅purpose打拼絕對係好嘅事，

 

但係正當我哋每日完成一啲小目標／一啲日常工作，

 

我哋亦都要小心自己成為一個眼光狹隘嘅人，小心自己成為一隻不斷喺倉鼠籠跑輪上面跑嘅倉鼠仔。

 

就好似呢一刻你可能好專注地聽緊MTFU，非常投入。

 

但係如果你呢一刻touchwood心臟病發死咗嘅話，你覺得你人生最後嘅一個moment會係有乜嘢感覺呢？

 

你係咪會感覺到宇宙存在嘅神秘，所以你人生最後一刻仍然充滿著驚嘆同感恩呢？

 

你嘅心係咪完全打開，所以你人生最後一刻係會被完美愛情之中融化呢？

 

定係你會太過投入工作，

 

而忽略咗原來死亡係每一刻都有機會發生喺自己身上， 所以你無啦啦瞬間死咗嘅時候，先至發覺原來你一無所有？

 

所以作者嘅重點就係：

 

你能唔能夠讓自己投降於『自由同愛』並且死亡

 

－因為你知道自己在生嘅時候，已經盡力去分享你嘅禮物同以你嘅真相去做人－

 

就係對你能否每一刻完整地充滿自己嘅測試。

 

The test of your fullness in every moment is your capacity to die in free and loving surrender。

 

你有冇盡力去愛呢？

 

定係你收埋自己嘅感受，所以你最後一刻有所遺憾呢？

 

你會否放鬆自己去為世界嘅神秘驚嘆呢？

 

定係因為你被你嘅工作完全吞併，所以忘記咗每一刻都係一種奇蹟？

 

工作雖然重要，但係冇任何一種責任，係比起你嘅愛，你嘅自由，你嘅完全意識／知覺更加重要。

 

『Doing／做嘢』係你身體嘅特性，

 

如果你想你嘅身體繼續運作，你就一定要繼續食嘢瞓覺呼吸，你就一定要工作，照顧屋企人，刷牙洗面等等。

 

但係『Doing』只係喺地球上一啲機械式嘅嘢，並唔能夠讓你意識到自己『Being』嘅絕對真相。

 

當你正確地完成你嘅工作，佢就能夠釋放你生命嘅能量，讓你終於可以留意並且處理真正重要嘅嘢：

 

就係去調查一下並且發現咩先至係真正嘅自由／true freedom。

 

你而家嘅工作係咪為你『鋪路』去尋找自己嘅真相呢？

 

如果唔係嘅話，你一定要儘快放棄佢並且尋找另一種『更加expand你』嘅工作。

 

正當好多女人浪費時間喺一啲情感上嘅激流波動，好多男人亦都浪費時間去『不斷完成工作』。

 

日以繼夜，夜以繼日地成為一個淨係識得做嘢嘅機械人。

 

有咩解決辦法，去處理呢種『需要生活但係又唔想忘卻真正人生意義』嘅兩難呢？

 

答案就係：

 

喺你處理日常鎖碎事件嘅同時，

 

你亦都要schedule／計劃一啲每隔一段時間騷擾自己嘅refreshers，plan好一啲能夠『迫自己停一段時間去仔細思考』嘅period。

 

喺呢啲『唞氣／放假嘅日子』，你一定要想像一下自己死亡嘅一刻。

 

再次提醒自己『最想成為一個點樣嘅人』，讓自己去探索一下宇宙嘅奧秘，放鬆自己喺一啲深刻偉大嘅愛之中。

 

咁樣你就會記得生命嘅無限，

 

咁樣你就會記得以一種宏觀嘅視野去睇你嘅當下，

 

咁樣你就會記得你唔係Star Wars裏面被洗腦嘅複製人，

 

 

繼續以一種勇敢嘅態度，去實踐你願景嘅每一日細節。

 

希望今集幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第14集，今集叫做 Don’t Use Your Family As an Excuse。

 

意思係 ：

 

千祈唔好用『屋企或者家人』，成為你搵唔到你自己人生目的嘅藉口，

 

因為你咁樣做係會削弱自己嘅核心，你係會失去一種深度同存在感。

 

作者舉咗一個好到肉嘅例子，

 

就係好多現今嘅男人都係個一種『好好住家男人』，會留喺屋企煮飯洗衫照顧小朋友，做一個廿四孝老豆。

 

照顧小朋友同打理屋企係絕冇問題嘅，

 

但係如果你係放棄自己True Purpose而去咁樣做，其實你唔係真正幫緊任何人。

 

『照顧小朋友』，正如其他任何有責任嘅commitment，係需要你超越自己嘅個人偏好，

 

去為更大嘅承諾效勞，去因為愛而提供不求回報嘅服務。

 

 

所以『照顧小朋友』呢件事無可否認係好偉大，亦都作為家長應該做；

 

但係如果一個男人，需要放棄自己最深層次嘅人生目的先至能夠做到呢樣嘢，

 

你係會感到非常憔悴，非常苦惱，

 

因為心底裏你係知道自己正在『減少緊你自己大能』，你係背叛咗自己嘅潛能。

 

 

而你嘅女人同你嘅兒女係會感受到你嘅 『自我辭職』，佢哋係會感覺到你嘅軟弱；

 

 

你嘅女人就會開始不情願地領導成個家庭，正正係因為你唔能夠領導自己；

 

 

你嘅兒女就會開始challenge你嘅權威，正正係因為你都唔能夠真誠地忠於真實嘅自己。

 

 

你會發覺，你屋企嘅任何嘢好似就開始成為你嘅敵人，

 

不斷挑戰你嘅能耐，而你最終亦都會注定輸得一敗塗地。

 

當然，作為父親或者一個屋企管理者，你係想畀你嘅愛／技能／能量／時間俾你屋企人；

 

呢樣嘢係係必要，亦都係一種需要。

 

但係你必須明白嘅係：

 

Feminine／雌性特質嘅priority，

 

係睇緊感情之間有冇愛嘅流動，係關於the flow of love in relationship。

 

 

Masculine／雄性特質嘅priority，

 

係一個邁向自由嘅任務使命，係關於the mission which leads to freedom。

 

最終嘅目的地，姐係真正嘅『自由』同『愛』係一模一樣，

 

但係雄性雌性各自嘅旅程，各自嘅journey係絕對唔同！

 

 

所以你問下自己，究竟你最深切嘅人生目的係乜嘢呢？

 

某啲男人，可能佢哋真心覺得佢哋嘅人生目的就係佢哋嘅屋企人，

 

所以佢做住家男人係做得非常之心甘情願嘅。

 

但係對於絕大部份雄性男人嚟講，無論佢哋有幾愛佢嘅屋企人，

 

佢哋係可以feel到有一種『上天嘅召喚』，

 

有一種講不出聲嘅deeper calling，

 

有一種形容唔到命運嘅呼喚。

 

 

如果佢唔遵從佢嘅calling去做人，佢係會感覺到自己嘅虛弱，

 

成日悶悶不樂，

 

成日周身唔聚財，

 

成日硬係好似有啲嘢未完成。

 

 

但係如果你係知道自己方向，並且每日遵照佢去做，你就會感覺到你嘅core好有生命力並且好強壯。

 

你會有一種絕對嘅清晰度，

 

一種強烈嘅存在感，

 

一種肯定自己價值嘅自信。

 

 

你知道嗎？

 

小朋友係以osmosis／滲透作用，喺佢屋企人身上學習得最多；

 

佢哋係對情感非常敏感，係會潛移默化地照抄你最經常出現嘅emotional state。

 

如果你唔係living in your core，無論你花幾多時間喺佢身邊，

 

佢都會感覺到你係『自欺欺人』，浪費緊生命。

 

所以唔該你唔好再利用屋企人作為藉口，放棄自己嘅purpose。

 

如果你真係愛你屋企人嘅話，你更加需要去commit落自己嘅purpose上面，

 

跟住搵方法同時間擁抱你嘅屋企人。

 

只有咁樣你嘅愛先至係最全面，

 

只有咁樣你每一次對住老婆或者仔女先至係最present最真實。

 

希望今集幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第13集，今集嘅主題就係叫做 Be Willing to Change Everything in Your Life。

 

意思係：

 

一個男人一定要有心理準備，某啲時候佢必須100%根據當時嘅purpose去活佢嘅生命，將生活嘅每一部分都同佢『當下嘅目的』連成一致；

 

但係去到某一個階段，

 

佢有可能需要100%放棄佢任何特定嘅生活方式，100%放棄原本佢辛辛苦苦建立嘅野，跟住重新嚟過。

 

佢一定要有能力去適應一啲『完全唔知道自己想做啲咩』嘅階段，

 

進入一個『不可預知／睇唔清楚』嘅period，去尋找『下一個願景』或者『下一個人生目的』。

 

呢啲cycle，

 

呢啲某段時間『強而有力／有目的性地take action』，

 

但係之後某段時間『唔太清楚下一步應該做咩』嘅循環，係對於一個不斷進化嘅男人嚟講會好自然出現嘅事。

 

你應該記得我之前同你講過『洋蔥的比喻』啊呵？

 

我同你講過，當你係活喺自己嘅邊緣，你就會開始搵到自己某個階段嘅人生目的／人生任務；

 

 

而當你能夠大約向著你『高地位』嘅道路進發，

 

喺你面前嘅第一樣嘢，喺你面前你覺得有機會係屬於你嘅工作，你就應該去征服佢先。

 

因為當你能夠dominate佢，你個人亦都會隨之成長進化，

 

而好可能三五七年之內，你第一層嘅任務就會完成，

 

呢層表面嘅洋蔥皮亦都會剝落，第二層嘅任務亦都會出現。

 

 

當你征服完佢之後，你又會再次進化，

 

你就會好似蛇咁樣脫咗舊嗰層皮，獲得新嘅一層皮，你就會得到另一趟嘅『英雄旅程』。

 

 

你咁樣每次征服完一樣嘢再征服另一樣嘢，你每次就會越嚟越接近洋蔥嘅核心，如此類推。

 

 

好多時，我哋讀書期間或者啱啱出嚟做嘢冇耐嘅所謂『purpose』，

 

其實係由我哋老豆老母或者童年經歷人哋賦予比我哋嘅一啲ideas。

 

 

譬如你係出生於一個醫學世家，所以你身邊嘅人甚至你自己都覺得，你應該都做返『拯救生命』嘅醫生。

 

 

又或者相反地，正正喺忍受住咁多年咁多人逼你做一啲唔係你意願嘅嘢，你就專登去做一個『傷害生命』嘅反叛者。

 

 

無論呢一刻你喺幾多歲，或者去到邊一個階段，

 

你係好清楚有啲乜嘢係心裏面好想好想做，有啲乜嘢係好想好想嘗試，

 

又或者好似對某啲嘢特別好奇，特別有興趣，特別有耐性等等。

 

你一定要開始回應你自己心裡面嘅calling，

 

你先至能夠真正『從心出發』，以你最真實嘅deep purpose，彰顯你嘅人生價值。

 

所以點解你見到咁多人，尤其係香港，

 

係搵到好多錢，係得到好多物質享受，係得到好多社會『接受／標籤嘅所謂成功』，

 

但係佢哋心靈好空虛，從工作得唔到滿足感。

 

原因就係：

 

佢哋當時嘅成功即使畀到佢哋一剎那嘅開心，呢種感覺都唔會維持好耐，

 

因為佢哋仲未正式邁向自己真正嘅deep life purpose；

 

又或者佢哋嗰一個階段嘅purpose已經完成，佢哋係時候『重新出發』，尋找下一個可以令自己成長嘅人生目的。

 

譬如話：

 

你可能細個嘅時候好鍾意打籃球嘅，所以由六歲開始你就不斷練習，不斷進步，由校隊打到去港隊，勁到18歲打埋CBA。

 

 

但係去到某啲位，可能到你25歲嘅時候，你發覺籃球已經唔再係你既passion；

 

可能你發覺原來咁多年你都好dry，未溝過一條女，你會突然之間對溝女好有興趣，

 

之後發覺學習溝女先至係你嘅passion，呢個時候『精通你嘅溝女skills』就會變成你生嘅purpose。

 

到你三十幾歲嘅時候，可能突然之間你會對『拯救動物』特別有感覺，feel到上天好似呼喚你去做啲嘢，

 

咁樣到時候『拯救動物』又會慢慢成為你新嘅life purpose。

 

 

換言之，每過五／七／十年，一啲原本你好有熱情嘅嘢，可能會突然之間變得無咁有啟發性，冇咁有興趣；

 

你可能係嗰個『大project』之中嘅使命已經完成，

 

你可能覺得對呢個『大project』已經無憾，

 

你可能甚至會好期待呢個『大project』快啲完結，

 

呢啲全部都係好大嘅徵兆，

 

話畀你知你係時候乾乾淨淨地『準備清場』，為自己下一個layer嘅『洋蔥層』做準備，迎接下一個興奮嘅使命。

 

可能會有段時間你係會『漂流』，呢個階段係唔需要太急，

 

因為你要畀少少時間自己去沉澱一下，等待下一個啟發你嘅遠景。

 

你需要保持open-minded嘅心態，用一個開放嘅態度，迎接你下一個任務。

 

而當佢嚟到嘅時候，佢好多時未必係100%清晰，

 

但係你會feel到佢係能夠觸動你嘅心，所以你都應該take action去慢慢develop呢種『你感覺係正確嘅衝動』。

 

 

就係咁樣，呢種嘅cycle每隔幾年就會重複，直至你去到最底層嘅洋蔥核心；

 

 

到時嗰一個就係最深入你靈魂，

 

最接近你calling，

 

最啟發到你嘅願景，

 

最令你興奮由朝到晚去做嘢嘅人生任務，

 

你將會愛上每一秒嘅生命。

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

琴日就教咗各位巴打點樣去篩選女人同朋友啦，

 

上個禮拜就教咗你咩叫做Screening Frame，篩選人嘅框架；

 

今日就想教各位巴打點樣去Qualify人哋，

 

即係點樣令到人哋被你暗地裏篩選完之後，取得資格同你相處之後，從而得到一種良好嘅感覺。

 

簡單嚟講，qualify人哋其實就喺類似去讚賞人哋；

 

但係你之唔可以一開頭就讚賞人，係因為你三唔識七就去讚人哋，會顯示得自己好膚淺，

 

完全冇內涵冇standards，甚至有啲低價值有啲desperate，你嘅行為有啲擦鞋feel。

 

重點就係：You have to make people EARN your compliemnt。

 

你要令到人哋去賺取你嘅讚賞返嚟。

 

當對方要某程度上下過苦工做過一啲嘢，而你睇到佢哋嘅背後嘅付出辛勞，

 

你之後先至讚賞佢哋，會顯得成個compliments有意義有價值。

 

所以之前嗰幾集我教你點樣首先screen人哋，用一啲大嘅open-ended questions，

 

對方就會仔細諗下呢條問題，會投資落呢條有質素嘅問題，跟住再畀一個有質素嘅答案你。

 

所以佢嘅答覆愈係詳盡詳細，有思考過，你之後嘅讚賞／qualification可以越有威力。

 

無論你點樣讚賞佢哋，記住包括呢句句子：『啊，我都幾鍾意你咁XYZ喎。』

 

例如：你問個女仔最鍾意去邊個國家旅行，個女仔同你講話佢最鍾意去西班牙；

 

跟住你問佢西班牙邊一個地方佢最鍾意，跟住佢就講係巴塞羅拿；

 

你就問佢嗰個地方帶畀佢乜嘢感覺

 

（BTW，同女仔傾計，最重要係focus問佢一啲關於Feelings／感覺／感受嘅嘢，咁樣你先至能夠喚醒佢某一啲嘅情感。）

 

例如：佢第一次去睇Casa Mila米拉之家有咩感覺呢？

 

當地嘅clubbing夜生活又係點樣呢？

 

跟住佢好興奮講完一大輪之後，就算你未去過西班牙，你都可以開始用相同嘅經歷RELATE落佢度。

 

例如：你可以講番你嗰次去韓國clubbing有幾好玩，又或者你嗰次去冰島當地嘅人原來都咁熱情等等。

 

但係去到呢個位呢，即是你哋識得大家簡單連繫大家，

 

呢條女仲未正式愛上你嘅，呢種只係朋友之間好好傾嘅connection。

 

所以你一定要表達你嘅appreciation，你對佢嘅欣賞。

 

譬如：佢話佢自己一個好癲地跟咗一班新識嘅friend，去咗某個local嘅屋企食飯飲酒，

 

之後大家一齊去落clubbing玩，玩到朝早六七點，瞓咗幾個鐘之後又即刻去第二個city探索。

 

咁樣你就可以簡單同佢講話：

 

『Wow，聽落都幾癲喎，我都幾鍾意你個人夠瘋狂夠大膽去試唔同新嘅嘢，真真正正去感受生命。』

 

 

你咁樣去set up一個情況令佢表達自己，之後先至再去讚賞佢嘅個人特質，

 

成件事就會顯得真誠真摯好多，而佢亦都會對你嘅compliments感到真正嘅開心。

 

 

就係咁簡單一句『啊，我都幾鍾意你咁XYZ喎』，

 

再加埋輕輕嘅身體觸碰，拍下佢嘅手臂外面，或者坐喺度嘅時候佢大髀外面，

 

咁樣你就能夠同時將『正面開心嘅情緒』同『舒服嘅身體接觸』combine埋一齊喇。  

 

所以如果你係一個老闆，你喺好應該用呢種方式去讚賞你嘅員工；

 

 

又或者你係一個員工，當老闆同你講一啲比較私人嘅嘢時候，喺適當嘅時候你亦都可以表達你對佢嘅appreciation；

 

 

咁樣就能夠好快增加大家之間嘅personal connection，並且讓對方愛上同你相處喇。

 

 

希望呢幾次關於social技巧嘅集數幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

呢排你都應該知道我講咗好多關於social嘅技巧，同埋點解你應該小心選擇朋友；

 

所以今日想教你點樣去一開頭認識新朋友嘅時候，有智慧地去篩選佢。

 

所謂嘅Screening，除咗能夠令人哋感覺你係一個有standard嘅男人，

 

人哋亦都會感覺得到你係評估緊大家適唔適合大家繼續來往，或者呢一刻應唔應該繼續花時間溝通傾計。

 

正如我之前所講，高價值高地位高成就嘅人，喺會絕對嚴謹地保護自己嘅attention同埋時間，

 

因為佢哋知道佢哋嘅注意力同energy係有幾咁珍貴。

 

 

所以Screening嘅技巧其實好簡單，

 

就係你需要去發掘一下，目前呢個人有冇一啲特質一啲qualities係你想要嘅。

 

而第一步你要做嘅，

 

就係好白痴地首先諗下有乜嘢quality traits係你自己想要嘅！

 

所以今日想同你做個小練習，唔該你一陣停咗呢段片，攞一張紙同筆出嚟，

 

跟住寫低十種你想人哋擁有嘅性格特質（唔包括外表啊！），

 

呢個包括你理想嘅女人，同埋你理想嘅新朋友。

 

所以依家唔該停咗呢條片，花兩三分鐘寫低十種嘅quality traits。

 

 

Okay，歡迎再次返到嚟！

 

 

咁呢一刻你有咗十種嘅性格特質，

 

 

第二同第三步就係，

 

我依家就想你再諗下十個你享受傾偈嘅話題，同埋你覺得自己擁有嘅十種（非外表嘅）性格特質。

 

 

咁唔該你再次停咗呢段片，花4-5分鐘寫低佢哋。

 

 

Okay，再次歡迎光臨吖LOL

 

 

你做完以上嘅練習之後，依家你就有三十種嘢可以去用嚟篩選人喇。

 

因為依家你知道你想要嘅女人或者朋友有乜嘢性格特質，

 

你知道自己係屬於邊類嘅人，所以會容易啲搵到可能嘅的共通點，

 

同埋你知道有乜嘢傾計嘅topics係能夠令你有興趣地講嘢。

 

畀個例子你，

 

例如我身邊嘅女人／朋友必須係正面，non-needy，誠實，識得點樣去be present而唔係成日喺度撳電話打機， 佢哋係著重健康同自己嘅成長等等。

 

至於我鍾意講嘅topics，

 

包括創業嘅思維，溝女，提升自己能量嘅優質食物，EDM嘅歌或者近排有咩正DJ，成功之道，做gym或者關於fitness嘅嘢，行山去旅行好去處等等。

 

 

Anyway，咁你依家有以上30種嘅材料之後，你嘅策略就係簡單地問一啲『令人哋打開自己』嘅問題。

 

 

譬如話去旅行，

 

instead of 問人哋『啊，你鍾唔鍾意去旅行？』呢類嘅yes/no question，

 

你應該問一啲較大嘅open-ended questions，例如：『啊，你最鍾意去邊度旅行呀？』

 

呢條問題暗藏少少嘅潛台詞：

 

＃1 你係一個鍾意成日去旅行探險嘅人，

 

而平時你身邊嘅朋友都係果種『會去旅行嘅人』，所以你都假設面前呢條女都應該鍾意去旅行。

 

＃2 你淨係畀一個選擇佢，問佢最鍾意去邊一度。

 

咁樣係因為通常成日去旅行嘅人，都幾乎唔記得晒自己去過邊度，

 

所以只有無咩去旅行嘅人先會問一啲『你去過邊個國家？』呢類型嘅問題。

 

咁所以你條問題『啊，你最鍾意去邊度旅行呀？』其實係一種positive assumption，

 

一種利用正面嘅假設去問人哋問題，假設人哋同你一樣都鍾意同一樣嘢。

 

又例如，如果你個人好鍾意arts嘅話，你就可以問『啊，你最鍾意邊類型嘅arts呀？』，

 

咁樣就能夠正面假設呢條女都係同你一樣咁有藝術氣質喇。

 

 

另外一樣重點就係，你又可以點樣偵測到人哋，有冇你想要嘅十種性格特質呢？

 

除咗你可以利用頭先講嘅positive assumption嘅方法之外，你都可以嘗試問下自己一個問題，

 

就係：『 啊，如果呢個人有呢一種嘅性格特點，有啲乜嘢證據或者表徵係可以透露得到呢？』

 

例如：如果你想要一個聰明不懂撒嬌的女人，

 

咁可能佢需要讀過Master/PHD，或者有一份好pro好高級嘅工作，咁樣佢就可能係一個聰明女。

 

又或者你想要一個會上進嘅朋友，

 

咁佢可能係一種好鍾意睇書上course學習嘅人，又或者同你傾計嘅時候鍾意討論一啲ideas，而唔係喺度講是非八卦嘢。

 

 

Anyway，以上提供咗足夠嘅彈藥去幫助你篩選有質素嘅女人同朋友，

 

 

請你由呢一刻開始，攞住你嗰三十種嘅資料，去睇下有咩人係適合你帶領佢哋去自己嘅生命裏面喇。

 

 

希望今集幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第12集，亦都係我哋MTFU一直強調嘅一條做人嘅宗旨，

 

就係叫做 If You Don’t Know Your Purpose, Discover It Now。

 

你必須盡快搵到你人生嘅目的，活著嘅意義。

 

一個冇意識，冇自己選擇嘅使命，冇屬於自己purpose嘅男人，

 

其實係一隻隨處漂流迷失嘅小羔羊。

 

佢唔能夠主動地去『製造事件』，

 

佢只能夠去『適應事件』，只能夠跟住社會節奏／世界大事去飄浮。

 

所以一個無life purpose嘅男人，係過住一種好弱雞嘅生活，

 

擁有一種好虛弱嘅存在感，

 

而最終亦都好可能真係變得性無能，或者只能夠得到機械式嘅性愛。

 

男人嘅purpose就係你人生嘅core，你做人嘅核心價值。

 

喺你生命嘅任何一樣嘢，由你嘅飲食到你嘅工作，都必須同你嘅purpose連成一致，

 

咁樣你先至能夠連貫性地+正直完整地喺世界上面立足。

 

所以當你知道自己嘅purpose，自己最深層嘅慾望，你嘅生命就會變得好簡單：

 

你成功嘅秘密，

 

就係有紀律地將所有行為行動，變成一啲支持你人生目的嘅材料，並且同時盡量減低外界令你分心嘅騷擾。

 

但係如果你唔知道自己最深層嘅慾望，你就唔能夠 live in alignment。

 

如果你嘅工作並唔係連接你自己嘅purpose，你返工就只會係打工，只係為咗搵錢嘅途徑，

 

所以你每一日都會覺得非常無意義，虛度緊自己人生。

 

如果你係漫無目的地為咗見下屋企人或者朋友而去見下佢哋，

 

咁樣你哋其實相處嘅每一刻，都係『為見而見』，並唔係有威力地令大家得到更深層次嘅連繫。

 

所以每逢你同你嘅core失去連接，你就會感到成個人好虛弱。

 

一種空虛嘅感覺唔單止會暗中破壞你喺世界上嘅『立足』，

 

而你見到你心愛嘅女人嘅時候，亦都好可能陽痿扯唔撚到旗。

 

相反，你知道自己人生嘅核心價值，亦都係你最深層次嘅慾望，

 

咁樣每一刻每一個moment你都能夠係完全表達最真實嘅自己。

 

每一刻嘅工作，每一刻嘅親密，全部都係充滿你內心有目的性嘅能量，

 

you’re living in your TRUTH.

 

最後就係，一個超級男人並唔係透過工作／女人去得到滿足感／成就感；

 

對於超男嚟講，工作同親密關係只係一種機會去分享佢對世界嘅禮物，

 

而佢亦都會喺呢一種分享嘅快樂之中，慢慢隨風消失。

 

 

希望今集幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第11集，

 

今集嘅concept亦都係好多男人比較難接受嘅一種挑戰，

 

就係叫做Enjoy Your Friends’ Criticism，你要學識去享受朋友對你嘅批評。

 

一個男人能唔能夠容納另一個男人嘅直接批評，係一種量度去睇下佢有冇咁嘅能耐，去接受雄性嘅力量。

 

如果男人同雄性力量冇一種良好的關係（例如佢同佢父親嘅關係唔好），

 

呢個男人就好容易成個女人咁樣，聽到其他男人對佢嘅批評嘅時候，佢就會好容易受到傷害或者變得非常防衛保護自己。

 

所以作者建議我哋，

 

大約每星期一次，我哋都應該坐低同我哋身邊最親密嘅男性朋友，討論一下大家近排有咩搞作，並且同大家坦白講自己有乜嘢喺好驚去做。

 

跟住你嘅朋友就應該畀一個行為實驗你做，一啲action steps去揭露一啲關於自己內心嘅嘢，從而協助你得到更多自由。

 

譬如你可能同你嘅朋友講：

 

『我好想同我嘅秘書Denise搞嘢啊，但係我又好驚會傷害我嘅老婆囉，我好驚我老婆會之後發現我出軌…』

 

咁你嘅朋友可能會challenge你講：

 

『屌，你講Denise都講咗半年啦，你知唔知你自己其實係嘥緊你嘅能量係呢啲fantasy之中架？

 

一係你就聽晚約佢出嚟扑9佢，一係你就徹徹底底放棄呢個念頭，唔撚好再同我哋講同一番說話，okay？』

 

雖然聽落好un耳，但係作為雄性男人嘅你，你必須接受其他男人嘅challenge，

 

因為其實佢哋喺幫緊你，去解決你平庸嘅猶豫不決。

 

你考慮清楚之後就可以回答：『屌，你都講得啱嘅，我決定唔會咁做啦。

 

仔細諗下，其實我覺得我同老婆嘅婚姻係比起我對Denise嘅慾望更加重要，

 

所以我會放棄出軌呢個念頭，將我嘅focus放返喺其他priorities上面啦，多謝你巴打。』

 

所以你最close嘅男性朋友，喺應該願意去challenge你平庸嘅諗法，

 

並且建議一種實質嘅行動令你可以離開呢個『無限loop嘅漩渦裏面』，咁樣你先至能夠move on行返一條屬於你嘅道路。

 

而你亦都絕對需要去願意接受冷酷嘅真相，咁樣你先至能夠徹底成長。

 

好朋友係唔應該容忍對方嘅平庸，所以如果你係『活喺自己能力的邊緣』，

 

你其他男性朋友應該尊重你，但係你頹嘅時候亦都唔可以縱容你。

 

佢哋應該尊重你嘅恐懼，但係亦都必須因為佢哋對你嘅『兄弟情』，佢哋需要繼續去間接地『鞭策你』去超越自己。

 

所以如果呢一刻你唔鍾意其他男仔friend對你嘅挑戰，好可能係因為你同你父親有一啲『未解決嘅問題』，無論你爸爸仲在唔在生。

 

『父親嘅力量』就係一種tough love，一種因為愛你所以挑戰你並且引導你嘅能量。

 

如果你生命冇呢一種嘅masculine force，你人生嘅方向就會好模糊，

 

你亦都會因為你嘅『模棱兩可／優柔寡斷／遲疑不決』不斷迂迴曲折地唔知自己走去邊度。

 

所以你身邊最close嘅男仔friend，係應該能夠協助你提供一種光明，令你更加清晰自己想行嘅方向。

 

Btw，各位巴打，

 

曾經一位同佢嘅學生總共製造過千億財富嘅business mentor同我講：

 

Show me your friends and I’ll show you your future.

 

意思係：

 

你只需要畀我睇到你圍繞喺你身邊嘅朋友係乜嘢質素，我就能夠預測得到你將來嘅成就。

 

『近朱者赤，近墨者黑』呢條道理我相信你同我小學都已經開始聽過，

 

但係你又有冇認真地篩選你身邊嘅朋友呢？

 

你嘅朋友係咪因為『大家住得近／大家讀同一間中學大學』所以一直keep住聯絡？

 

定係你係有意識地因為大家有類似嘅宏大目標+有益嗜好，

 

大家都願意push大家一齊進步，大家都願意喺危難嘅時候協助大家，大家鍾意正面嘅mindset鍾意不斷令自己成長，

 

所以先至一直keep住聯絡呢？

 

你想成功嘅話，

 

你喺絕對需要選擇一啲同你一樣都係『願意活喺自己邊緣』嘅男性朋友，一啲願意勇敢面對自己恐懼，並且不斷擴闊自己舒適範圍嘅男人。

 

只有呢一種嘅男人先至能夠一邊『愛你』，一邊『唔會太過保護你』去讓你接受現實嘅挑戰。

 

 

所以喺呢一個禮拜，請你重新審視一下，

 

你身邊最親密嘅三至五個男性朋友，究竟係拖緊你落水『維持現狀』，

 

定係令你不斷進步raise you up，一齊去到各自理想嘅彼岸。

 

 

希望今集幫到你！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日六四咁特別嘅日子，所以必須首先同各位巴打update下先。

 

由於唔少巴打都幾鍾意超男之道系列裏面嘅內容，

 

所以我發覺如果一個星期先得一集好似少咗啲，同埋要等成年先至正式完結成本書。

 

所以我決定嚟緊每逢禮拜六日都會出一集《超男之道》，

 

咁樣我哋就應該能夠喺2017年裏面完成呢本充滿智慧，充滿高層次價值嘅書，協助各位巴打盡快爆發自己嘅雄性潛能！

 

好，我哋今日嚟到超男之道系列嘅第10集，

 

如果你有聽過五六個月前MTFU開頭嗰幾集，

 

你就應該會聽過我著名地講話『你點樣穿透征服世界，就係你點樣穿透征服女人』，

 

How you penetrate the world should be the same way you penetrate your woman。

 

你之所以咁硬班班勇猛地去穿透你嘅女人，

 

其實唔係純粹為咗個人嘅得著或者快感，但係其實係為咗擴大愛，公開性，同埋大家之間嘅深度。

 

所以下一次喺你『有性地』擁抱你嘅女人時，

 

請你嘗試感受一下你最終極嘅慾望，喺你生命裏最深層次嘅慾望。

 

 

感受一下點解你會做某一樣嘢，感受一下點解呢一刻你同你嘅愛人親密地連繫埋一齊。

 

大部分男人做任何嘢最終嘅原因，

 

其實都係想發掘自己最深層次嘅真相，享受絕對嘅自由同埋愛，並且同世界分享佢哋最大獨有嘅禮物。

 

好可惜嘅係，好多嘅男人會settle，會去到某一個位想『安頓落嚟』。

 

例如，可能有啲男人同個女人做愛嘅時候，頭幾次大家開心share咗幾次性高潮，幾次情感上嘅深刻連繫，

 

之後佢哋可能又會回復返以前嘅本性，又繼續『無意識地為咗忙碌而忙碌地工作』。

 

又例如，可能有啲男人原本諗住征服世界，

 

但係去到某個『成功位』就開始變得平庸，開始自滿自大，可能每個月搵到廿零三十萬就覺得好足夠，

 

就停止再去將自己嘅價值擴大，之後嗰十幾二十三十年都維持喺呢一個狀態裏面，令自己覺得好似冇咩點浪費生命。

 

事實係：好少好少男人真係願意認真地成為世界級，成為一個傳奇人物，

 

並且一直保持一個『學海無涯』嘅心態，去解放佢哋嘅女人同世界，去達到更深一個層次嘅真相，大愛，同公開性。

 

極少數嘅男人真係願意每一日 『搏盡無悔地』以佢哋最雄性嘅力量去穿插世界，

 

所以當佢哋遇上猶疑恐懼或者不確定性嘅因素，當佢哋剛剛好攞咗少少快感同舒適感，

 

佢哋就會停止自己嘅expansion，最後又跌返落去一個空虛嘅虛擬世界裏面。

 

重點係：其實要進入女人雌性嘅心，或者完全地進入世界，兩者係冇分別。

 

兩種嘅『水乳膠融』，兩種嘅『交配』，

 

都係需要你擁有敏感度，擁有隨機性，擁有同你內心最深切嘅真相深刻地連繫，

 

咁樣你先能夠完全穿透征服所有嘅困難，所有嘅混亂，或者一切原本關閉嘅嘢。

 

女人或者世界都係充滿不能預測嘅因素，

 

佢哋兩個好多時都睇落好似想拒絕你真摯嘅禮物，並且會重複又重複地測試你嘅能耐。

 

所以你有兩種方法去面對女人同世界。

 

＃1  正式宣佈放棄同女人嘅親密性關係，或者與世隔絕放棄所有世俗嘅嘢。

 

你可以收埋自己喺深山裏面修煉，放棄所有七情六慾，

 

每日念經，防止任何可能令你分心嘅娛樂，

 

跟住揀一條你想行嘅路，決絕地放棄女人同世界嘅接觸。

 

＃2 用你穿透性嘅雄性力量去『屌』晒佢哋，

 

將所有潛在困難化為碎片，令佢哋陶醉喺被你嘅愛征服，面對所有嘅『爭執打鬥』都仍然選擇去分享你最真誠嘅禮物。

 

只有當你用你嘅公開性，你嘅自由，你嘅大愛去『用力猛推』，

 

你同女人或者世界嘅『交配』先有可能成為留畀後世嘅珍貴『遺產』。

 

 

所以各位巴打，如果將以上嘅concepts講得白啲，就係：

 

你做任何嘢，一係就唔好嘥時間半桶水地hea做，浪費自己同人哋嘅精神力量，浪費地球資源；

 

一係就去到盡一盡，

 

用你最深刻嘅本質去打開女人嘅心，

 

用你最強烈嘅性慾望去抽插女人，

 

用你最大嘅影響力喺世界上留下歷史性嘅足跡，創造改變生命最大嘅衝擊。

 

你當然可以選擇去『隱世』，去脫俗成為一個所謂『睇透世事但係對世界零貢獻嘅高人』；

 

但係如果你想你嘅生命，充滿女人同世界一次又一次嘅『性高潮』，

 

咁你做任何嘢都必須hold nothing back，

 

選擇後者嘅方法，支配性地去fvck them hard。

 

 

今集非常重要並且深奧，我建議各位巴打聽多幾次，希望今集幫到你！