分類: 型男

上癮 = 你無法自制地不斷做某樣嘢，而呢樣嘢過量消耗你嘅精神能量／集中力，令你變得平庸，無法獲得非凡嘅理想生活

上癮，唔一定講緊你濫藥；

任何令你『花勁多時間沉迷 + 無咗佢唔得會想死』嘅嘢，都喺你嘅癮。

所以無論係K仔，飲酒，睇AV打飛機，食物，打機，賭錢，叫雞，購物，狂睇IG等等…全部都有機會成為你嘅癮。

如果你有興趣戒掉某啲癮，今日我就想分享4部曲點樣去做。

＃1 你要學識善用痛苦同快感嘅心理機制，而唔係被痛苦同快感嘅感受去支配你！

你想戒除毒癮，你就要意識到繼續做呢樣嘢，喺痛苦過放棄做呢樣嘢

所以問下自己：究竟呢種上癮令我點樣受損呢？而呢樣嘢同時又比到咩快感我呢？

之後好重要，就係再問下自己：如果我唔改變嘅話，我會為你啲癮付出乜嘢嘅沉重代價呢？如果我成功戒掉佢嘅話，我會得到幾多好處收穫同快感呢？

當你能夠深入地去寫低呢一堆資料，感受下唔改變嘅短期長期代價，同埋感受下改變後嘅短期長期收穫，你就會有更多情感支援去行動戒咗某啲癮！

＃2 要知道 + 斬斷一啲會觸發你毒癮嘅嘢

譬如話：係咪因為我好悶好孤獨無女留喺屋企，而老豆老母又出咗去，所以我睇到啲索女性感相嘅時候，搞到我想打飛機呢？

又或者係咪因為我對自己無乜希望，唔知自己要做乜，所以選擇將啲錢去澳門倒晒佢落海呢？

定係還是因為某啲氣味／視覺刺激／歌曲聲音令我諗起條女，最後搞到我好撚beta咁想乞求佢同返我一齊呢？

你一定要搵到某種官能上或心理上嘅triggers，你先會知道點解自己情感上被某啲嘢操控，你之後先會有能力斬斷某啲毒癮。

＃3 你要製造令你舒服有快感嘅新活動，去取代原本嘅毒癮

我個人會建議你做一啲改變身體嘅活動，因為幾乎任何上癮，都可以透過physical activities去將你抽離開你脆弱嘅大腦mind，改為集中去強化自己嘅身體body。

無論係出去公園行個圈，去河邊跑返5km，定係做gym打拳發洩下…

當你用一啲健康嘅習慣去釋放安多芬嘅話，你就可以減低透過毒癮得到快感嘅需要，慢慢將佢摧毀

＃4 最重要嘅，控制你嘅環境

你身邊嘅人，你身處嘅地方環境，同埋你上癮嘅嘢，喺有密切嘅關係。

如果你身邊全部都係吸毒賭錢叫雞嘅人，咁你好難唔會做晒呢啲嘢。

你一日繼續同佢哋接觸，你一日都會受佢哋薰陶，繼續做返嗰一類人。

無論係親人定係朋友定係同事定係你條女，你都要審視你而家最常接觸緊啲咩人，同埋佢哋啲樣潛意識地影響緊你嘅思維同行為。

你唔斬斷某啲關係，或者大大降低同佢哋個接觸頻密度，然後level up你身邊嘅人嘅話，你就會滯留喺現時嘅位置，永遠都唔會進步。

＃5 以上就係戒除任何毒癮嘅4條原則，嚴重嘅話當然你可能要搵醫生或者治療師幫手啦。

但如果你有決心嘅話，以上呢啲練習將會幫到你好多，無論係你想戒丁／戒煙／戒賭／戒嫖妓等等。

只要你搵到你想改變嘅情感原因，只要你喺忍受夠自己而家嘅狀態，只要你擁有MTFU嘅價值觀嘅話…你就可以征服任何毒癮，你嘅人生就會有無限希望。

如果你想額外有一班support你嘅高價值兄弟，同埋有我親自協助你溝女人生各方面有所突破嘅話，

歡迎你去我哋嘅官網www.manthefvckup.com查詢點樣加入我哋最強嘅The Kings Club 皇者俱樂部啦。

我哋下集再見！

恐懼被拒絕，就係你呢一刻得唔到美滿戀愛生活嘅原因。

恐懼被拒絕，就係摧毀你結識異性，約會更多，享受性愛嘅原因。

究竟你幾時先可以消除溝女上一系列嘅恐懼呢？

今日我就會剖析最常見嘅溝女問題，並者教你實用嘅解決方案，去幫你征服自己恐懼被拒絕嘅難關，提升你嘅社交戀愛生活嘅成功率！

所以如果你鍾意今集嘅話，就請你依家率先LIKE同訂閱我哋嘅YT channel，follow我manupmanson嘅IG，並且睇完片之後留言話我知你下集想睇咩內容啦！

＃1 第一個常見問題就係：你害怕埋身接近囡囡搭訕

所謂嘅接近恐懼症，就係講緊同你嘗試行過去同條女傾偈時，喺心口或者腹部位置感受到一啲焦慮不安嘅感覺，最後搞到你完全零行動，傾唔到計，識唔到女。

要解決呢個問題，最直接就喺你一定要train到自己第一眼見到條女就要命令身體即刻行過去；

就算唔知講咩，都要毫不猶疑地郁咗雙腳先，向著條女嘅方向行過去先。

只有你咁樣訓練得多，你先會習慣身體行動快過思考，令你慢慢唔受負面思維抑壓行動力。

＃2 第二個常見問題就係：你溝女時嘅感覺喺有尋求條女認同／批准嘅感覺。

所謂嘅approval-seeking，相信好多MTFU嘅長期粉絲都聽過我講，但點解我仍然需要三番四次提醒你呢啲重點呢？

原因就係因為就算你game到條女係咁笑好enjoy，女人喺可以從你嘅sub-communications之中feel得到你嘅行為舉止背後，其實係咪想『得到佢嘅認同』去取悅佢。

每次你要條女approve你先覺得自己有價值或者開心feel good嘅話，你就係將條女放喺權威位置，自己做狗Beta化自己。

所以解決方法就係：永遠都要自己率先approve自己先，自己認同取悅自己先，幻想自己喺大哥哥，批准你內心嘅6歲細佬去做佢想做嘅任何嘢。

當你咁樣自我娛樂，容許批准自己去have a great time，容許自己對住條女say no，你先會喺一個有吸引力有領導力嘅男人！

＃3 第三個常見問題就係：你溝女時太睇少自己，太無自信覺得自己現時太無價值，最後就settle落一啲你唔太被吸引嘅女仔。

當然我哋喺應該有自知之明嘅，喺你未build up到自己最有吸引力嘅一面時，某啲女的確喺暫時高level過自己嘅。

但係你嘅心態必須有一種『過份甚至妄想錯覺般嘅自信』，就算客觀事實喺你好似未夠強都好，溝女時都要好高騖遠啲嘗試溝一啲令你心跳加速嘅索女。

記住呢句說話：Shoot for the moon. Even if you miss, you’ll land among the stars. 

亦都姐係話：當你訂下奔向月亮嘅遠大志向，就算到達唔到，你都會躋身於繁星之中。

唔好驚目標太遠太高，你要首先相信自己並且盡力以赴地行動，你先會有意想不到嘅收穫！

所以巴打，匿埋喺屋企咩都唔做喺溝唔到女嘅；

好好運用以上嘅策略去解決你嘅溝女問題啦，你行動得夠快，任何嘅恐懼都會驚咗你！

鍾意今集嘅話，就請你LIKE同訂閱我哋嘅YT channel，follow我manupmanson嘅IG，跟住留言話我知你下集想睇咩內容啦！

下集見！

要用你嘅魅力迷倒女人，你就要學識根據自己嘅強項去展示你有吸引力嘅一面。

唔少巴打曾經問過我點樣溝一啲大過自己嘅姐姐，覺得女人通常鍾意一啲年紀大過自己嘅成熟男人，所以覺得好似冇乜優勢去溝佢哋。

但其實如果你年紀細過條女，其實你可能留意唔到自己喺有一系列嘅優點去善用，咁所以今日我就會分享幾招教你點樣成事。

如果你鍾意今集嘅話，就請你依家率先LIKE同訂閱我哋嘅channel，並且睇完之後留言話我知你想下一集嘅內容喺啲咩啦！

＃1 首先你要知道，溝姐姐或者溝妹妹其實過程都係無咩分別；你一開頭都係要建立吸引力，透過你好玩有挑戰性嘅揶揄捉弄佢，令佢對你好奇有興趣。

事實上，你溝任何女嘅第一步，都係要有少少調皮搗蛋玩下嘢嘅感覺，一切都喺輕鬆唔認真。

而你年紀細過條女，你喺supposed本身就有好玩調皮嘅一面，所以呢種充滿活力嘅能量，好多時就係年紀大嘅男士缺乏嘅嘢。

你明白咗之後，你就會知道點解有時女人都鍾意細個自己嘅男仔；就係因為你擁有一種更加正面好玩嘅態度，令到佢有煥然一新嘅感覺。

＃2 但係點解女人多數都鍾意成熟大過自己嘅男人呢？

原因就係大過佢嘅男人通常都更加知道自己喺咩人，更加知道自己想要咩，更加清晰自己未來會想點，更加有領導能力。

咁所以你要溝姐姐嘅話，除咗好玩之外，你都要同時擁有有自信有目的性有大志理想嘅特質，清晰自己想要咩同埋做緊咩，而唔係純粹喺度嘻嘻哈哈吃喝玩樂嘅低能fvckboy。

呢種嘅成熟好少喺年輕男仔身上見到，咁所以你有咁嘅自信同清晰度嘅話，將會喺非常有吸引力。

＃3 最後第三就係：無論係本地定係外國，唔少嘅熟女都係暗暗地鍾意幼齒男；因為從年輕男性身上得到注意力，好多時都會令到女人感到sexy。

咁所以如果你想溝大過你嘅姐姐，只要你正常地透過你嘅眼神同其他方法增加性愛張力，你一樣可以令到佢feel good繼而對你產生興趣。

無論喺咩原因，你都唔需要特登因為年紀而limit咗自己嘅性愛選擇；因為下下淨係溝妹妹嘅話，你就會損失好多其他機會。

如果姐姐喺正而大家又有feel嘅話，咁無論喺幾短幾長嘅關係，又何樂而不為呢？

鍾意今集就請你LIKE同訂閱我哋嘅channel，之後留言話我知你想我下次出咩片啦，下集見！

如果男人喺坦白嘅話，佢一定會承認自己喺鍾意溝好多條女，亦都想擁有超過一個女朋友。

但係即使呢種喺天性，好多男士都唔相信自己可以做到呢樣嘢，亦都好驚自己咁樣試，會俾人標籤成為花心玩家或者狗公。

另一方面，有啲咁樣做緊嘅男士，就覺得永遠要靜靜雞去做，用盡一切方法去隱瞞佢多段嘅關係，直至所有嘢穿崩。

今日我就會同你分享，點樣可以溝幾條女都唔會令到囡囡嬲！

如果你鍾意今集嘅話，就請你依家率先LIKE同訂閱我哋嘅channel，並且睇完之後留言話我知你想下一集嘅內容喺啲咩啦！

＃1 首先你係應該由Day 1開始讓條女總結你喺一個有選擇嘅人。

大部分女人唔鍾意嘅，喺你一開頭講到自己好撚鍾意佢，扮到淨係鍾意佢一個；但過咗一段時間之後，先至隱隱悔悔俾佢知原來你出面有其他女。

你可能唔會相信，但如果你認識佢嘅時候佢feel到你喺一個不斷溝到女嘅人，佢將來要接受你有其他女人就會相對容易。

所以第一樣嘢，就係你何時何地，遇上任何女人，都唔好令佢覺得你『真命天女』地鍾意佢。

＃2 第二，喺你哋約會期間，你散發出嚟嘅vibe，一定要喺一種casual輕鬆，無打算要排他性關係嘅感覺。

如果條女feel到你喺好玩受女人歡迎嘅人，而你又實質地忙緊去打拼自己嘅任務嘅話；就算佢把口話淨係looking for relationship都好，佢身體上有時都會接受你同佢嘅親密。

只要你嘅vibe你嘅感覺唔係一啲『好撚認真要快啲拍拖』嘅話，佢都唔會咁快要expect你咁多嘢；所以唔好成日覺得女人真係要搵relationship，好多時呢啲只係market自己嘅手法。

＃3 第三，就係你看待多重關係嘅態度，一定要改變。

如果你嘅思維喺『我希望我條女唔會發現…或者我希望條女發現咗唔會嬲啦…』嘅話，條女就一定會鬧爆你。

但係如果你嘅態度喺『呢個就係我嘅天性，呢種就係我想要嘅lifestyle，我鍾意同你一齊，但亦都鍾意擁有其他女人；如果你唔能夠接受我全部嘅話，或者我哋都唔啱大家，你可以走。』嘅話，你就會保持你嘅吸引力，條女亦會更有可能接受你。

點解咁都得？原因就係因為：即使條女會俾說話你聽，但佢始終都不得不尊重一個知道自己想要咩，並且會隨著自己理想嘅男人。

所以呢中唔怕會輸，唔怕失去佢嘅自信，就係你keep住條女嘅方法。

#4 你會發現：某啲女有時甚至會因為咁而更加落力去討好你，希望可以打贏其他女人得到你；但某啲女人就無咩所謂，因為其實佢可能都係玩玩下，唔太介意你點樣花你嘅時間。

當然巴打，以上只係溝幾條女嘅表面基本功，仲有好多學問我只會留待喺皇者俱樂部 The Kings Club裡面分享俾其他巴打；

你有興趣升呢去到最高level嘅話，就去我哋官網www.manthefvckup.com索取會籍詳情喇。

但只要你根據以上嘅三樣小貼士去做，你至少唔會扮晒君子喺度呃住條女食其他女，你至少都係一個正直嘅玩家。

鍾意今集就請你LIKE同訂閱我哋嘅channel，之後留言話我知你想我下次出咩片啦，下集見！

面對著一個有興趣嘅女仔，好多巴打嘅大腦都會hang機，平時明明好聰明好多嘢講，但對住被吸引嘅囡囡就唔知講咩。

識得點同女仔講嘢其實唔難，最重要你要學識點樣改變『你同條女講嘢』嘅mindset心態。

只要你改變『同囡囡講嘢』嘅思維，你就會講得成件事冇咁大壓力。

咁所以我哋今日就會簡單教你點樣扭轉搭訕呢個mindset，令你容易開口容易對話。

如果你鍾意今集嘅話，就請你依家率先LIKE同訂閱我哋嘅channel，並且睇完之後留言話我知你想下一集嘅內容喺啲咩啦！

＃1 首先好多男士見到具吸引力嘅囡囡嘅時候，興奮完兩秒之後，就會開始搵藉口防止自己行過去say hi接觸佢。

可能佢會假設對方咁索一定有男朋友，或者假設對方好忙，又或者假設對方一定睇唔上自己。

到佢真係鼓起勇氣走過去搭訕嘅時候，佢都會用一種『希望條女會鍾意我』嘅態度去講嘢，最後呢種渴求被接受嘅感覺就會令條女更加唔鐘意你。

＃2 咁所以如果你真係想停止呢啲負面信念或思維不斷充斥你大腦，阻止你行動嘅話；你就要集中你嘅大腦去講一啲鼓勵你同條女傾計嘅說話。

例如每次你開始諗條女可能有仔，或者佢好似好忙嘅時候，你就掉番轉同自己講：

『佢一定好悶厭倦咗係咁識啲廢男啦，我有責任令佢知道世界仲有好正嘅高價值Alpha，等我俾個機會佢先。』

又或者每次你覺得佢好索好正，你就開始諗：

『冇錯，佢表面喺好正嘅，但係佢仲有咩可以offer比我呢？佢個人搞唔搞笑有冇幽默感呢？』跟住行過去發掘真相。

又或者每次你有種『希望佢鍾意我』嘅感覺出現，令到條女攞晒power令你變得越嚟越needy嘅時候，你就要調番轉諗：

『屌你啊，我咁努力進修工作，我先喺皇者，我先喺獎品，我行去傾計只係去睇下同佢夾唔夾啱唔啱feel，有無嘢發生最終都係我嘅選擇！』

＃3 呢一系列嘅思維改變，目的都係令你攞翻你應有嘅power，令到條女去證明自己比你，而唔係你證明俾條女睇。

當你應用呢種嘅框架去同條女對弈嘅話，你就會投射更多嘅自信出去，並且令對方感覺你喺一個高價值男人。

詳細關於frame呢樣技術，我哋最新嘅training《牢不可破Alpha Frame! 如何不被女人突破界線？》喺有詳細教導各位巴打嘅；

所以如果你有興趣嘅話，你可以去我哋官網www.manthefvckup.com嘅課程部分索取。

但今日嘅重點喺：『我希望條女鐘意我』呢個觀念喺一種令你收皮嘅諗法；

當你喺現實之中有實質行動去變成一個有substance嘅男人，再加埋今日教你嘅全新思維出去同多啲女傾計，你就會發覺溝女成個過程簡單好多，你自自然然就會識得對住囡囡講啲咩，問啲咩，態度應該喺啲咩。

各位巴打繼續努力work on yourself 然後溝女啦，鍾意今集就請你LIKE同訂閱我哋嘅channel，之後留言話我知你想我下次出咩片啦，下集見！

做一個social嘅人，其實喺唔需要完全扭曲自己嘅性格，變成一個好假好虛偽嘅人。

做一個social嘅人，絕對可以真誠地去認識陌生人，睇下大家啱唔啱傾最後決定會否再進一步聯絡。

但可能我哋細個會因為某啲成長原因，令到我哋變得缺乏自信同人交流，最後習慣以一個特定唔social嘅模式去溝通。

我以前細個都唔係一個social嘅人，咁所以今日想同各位巴打分享，點樣可以唔需要點樣改變性格下去真實地social認識新朋友。

如果你鍾意今集topic嘅話，請你依家率先LIKE同訂閱我哋嘅channel，並且睇完之後留言話我知你想我教你啲咩啦！

＃1 第一步就係：你出去社交時要學識自我娛樂。

你social時最常犯嘅錯誤，就係嘗試講或做太多嘢去嘗試impress對方，嘗試令人覺得你好型／好搞笑／好醒目等等嘅感覺。

但係其實你嘗試打動對方，好多時都會搞到你個人好假好虛偽，最後你就會講或者做咗啲同你本質不合嘅事情。

你嘅身體語言或者其他subcommunication可能就會出賣你，最後你『好想人認同你』嘅感覺就會令人反感。

所以你嘅focus並唔應該去做騷證明自己，相反你應該去講或做一啲會令自己笑或享受嘅嘢先，令自己感覺愉快開心先，之後你就會更加自然流露自己係一個好玩，容易相處嘅人。

＃2 第二步就係：你自己正面快樂後，就可以分享呢啲正能量

當你做好第一步嘅自我娛樂，你就會set up到一個好玩正面嘅框架；下一步，就係去share呢啲正能量畀其他人。

無論係簡單嘅微笑，定係主動搞個gag去令氣氛輕鬆啲，你呢啲好玩隨和嘅vibe都會吸引到新朋友。

你唔需要擔心對方會唔會有正面反應，你需要嘅喺give more；如果其他人喺鍾意嘅話，佢哋就會pick up你嘅正能量去玩埋一份，跟住慢慢形成你哋嘅小圈子。

社交並唔係強迫人哋去接受你，社交只係提供一個機會比其他人一齊玩；如果佢無興趣或者唔知做乜鳩好撚嬲唔鐘意玩嘅話，就move on去下一個人！

＃3 最後第三步就係：接受自己，接受其他人

好多巴打好驚嘅一樣嘢，就喺社交期間會唔小心冒犯其他人。

Well，呢樣嘢有時喺冇得避免嘅，你有時的確會講左或者做咗啲人哋唔認同嘅嘢，甚至會引起一啲小衝突。

咁但係唔好因為呢啲影響氣氛嘅拗撬而驚咗social呢件事，你亦都未必需要為你嘅信念或者意見致歉。

遇上呢啲情況，最好嘅拆解方式並唔係去繼續爭論邊個啱邊個錯，或者嘗試理性討論去說服對方你嘅觀點。

最好嘅方法喺你控制自己嘅情緒，控制自己想說服人嘅話語，然後站喺對方立場去理解接受佢嘅諗法，認同佢嘅情感，最後盡快求同存異move on。

喺社交嘅時候你越喺認真探討問題，你個人就越悶越唔受歡迎。

所以casual輕鬆啲，集中自我娛樂集中輕鬆地玩，你先會更加容易識新朋友！

鍾意今集嘅話就請你LIKE同訂閱我哋嘅channel，之後留言話我知你想我教出咩片啦，下集見！

Game，尤其所謂日光日白嘅Daygame，其實喺一啲隱藏式秘密行動嘅行為。

可能巴打你曾經喺YT睇過好多所謂pickup或者daygame嘅真實片，又或者你睇過唔少街訪嘅片，覺得用一啲好搞笑特別嘅方法竟然都會溝到女，跟住你就可能會嘗試做相同嘅嘢。

但係如果你嘅目的喺想溝女食女有女朋友，多過做騷俾觀眾或者你嘅wingman睇嘅話，

其實你喺絕對唔需要咁浮誇華麗地去出招溝女，因為好多時誘惑嘅過程表面睇喺平平無奇，好似冇乜啲特別咁。

＃1 雖然溝女的確喺有方法同技術去增加你溝通嘅效率，但其實最重要做嘅，永遠都係：

喺網上街上或者任何場合放自己出去，盡量同大量有興趣嘅女士傾計，

有講有笑可能有一兩句讚賞，傾幾分鐘知道佢少量背景資料後有興趣嘅話就攞電話，以便之後約會…就係咁簡單。

你絕對唔需要花幾十分鐘喺度傾計，係咁令到條女笑，係咁好似表演緊去entertain條女，然後覺得自己啲招數好勁。

因為娛樂條女或者娛樂成班女，同你令佢有吸引力同連繫，繼而有興趣同你進一步發展喺兩件事。

＃2 我想巴打你記住：溝女喺一種你同條女『秘密地』一對一進行嘅行為。

如果你喺一個social嘅人講到少少笑，之後令女傾計時feel到同你有連繫（方法最近我喺皇者俱樂部分享咗），

最後透過你嘅性意圖令條女feel到你嘅sexual vibe，咁樣你就會攞到佢電話，約到佢出嚟，最後將佢變成你其中一個性愛選擇。

如果佢無相同感覺嘅話，都唔緊要，你攞唔攞佢電話/IG都無所謂，因為依家至少你唔會浪費時間喺佢身上。

＃3 溝女過程一啲都唔華麗嘅原因，就係因為兩性誘惑全部都係透過subcommunication／隱藏式通訊去做。

亦都姐係講緊你嘅行為表現，你透過雙眼流露著咩感覺，你嘅動作姿勢，你說話嘅聲音聲調等等。

咁所以就算你表面講一系列正常嘢，但係當你透過你嘅vibe，透過兩者之間嘅vibe去讓條女知道你get到遊戲點玩，

而你亦都喺一個高價值嘅sexy男人嘅話，你就唔需要點樣諗出咩招都自然地溝緊女。

就算某啲pickup片喺真，你都唔需要特登做啲浮誇嘢去溝女。

下次見到條女，就簡簡單單行過去，講一啲觀察性嘅嘢，或者比少少讚賞，然後就可以正常地傾計，最後攞電話。

試下唔好咁gamey，你嘅溝女成績就會更加理想。

鍾意今集嘅話就請你LIKE同訂閱我哋嘅channel，有咩想我教就留言話我知，下集見！

無論你喺吸引緊一個長遠嘅女朋友甚至老婆，定係你累積緊SP值去了解女人，學習兩性遊戲都係需要長時間訓練同練習。

如果你想快速增加自己嘅溝女成功率嘅話，以下我就會分享成功玩家嘅5個溝女小習慣，等你自己可以培養呢啲好嘅habits。

如果你鍾意今集topic嘅話，請你依家率先LIKE同訂閱我哋嘅channel，並且睇完之後留言話我知你想我教你啲咩啦！

習慣1：成功玩家喺會善用每一個機會去溝女或者練習溝女

你要溝女勁，你就要訓練自己嘅直覺見到機會就即刻行動。

就好似成功嘅商家一樣，佢哋喺知道市場成日都波動，唔能夠預測每一秒會發生咩事；但係喺呢啲波動裡面正正就隱藏唔少搵錢機遇，所以佢哋會冒險投注，去嘗試得到某個deal賺錢。

喺溝女層面上面，你就應該有機會就去接近OPEN你有興趣嘅囡囡，喺網上／社交場合／朋友聚會／喺某地方學嘢上堂／日常生活去跟某地方時花幾分鐘所謂daygame，每次你見到有機會你都應該把握。

只要你有咁樣keep住行動識女仔，並且同時知道仲有勁多機會喺出面，你就會進步得快。

習慣2：成功玩家一留意到興趣訊號，就會馬上行動

我哋以前已經講過唔少關於IOI嘅例子，今日唔重複；雖然我依然會建議你『假設條女被你吸引』嘅心態去對弈，但如果你真係見到興趣訊號，而你合眼緣嘅話，你就更加無藉口唔去認識條女。

因為成功玩家喺一啲會比較『眼利』get到發生緊啲咩事，所以遇上呢啲咁明顯嘅機會，你就必須行動爭取，唔係你將來就會後悔！

習慣3：成功玩家有一種支配性嘅感覺，尤其對住條女

雄性男人就係具支配性嘅男人，即使你係尊重欣賞條女。

除咗你嘅身體語言，你同條女傾計把聲，同埋你行為之外，最重要就係你做決定是夠果斷，即使你唔肯定做得啱唔啱。

譬如話：你同條女second date飲咗兩杯嘢，身體有接觸但你仲未肯定佢係咪真係想要你，你都一定要嘗試領導佢轉場／開房／返屋企；到佢話做啲咩嘅時候，你就求其搵藉口話睇齣戲玩通宵。

就算成件事最後喺失敗咩都無發生，至少你嘅行為話咗俾佢知你喺對自己肯定，你喺會領導成段關係走去下一步。

咁樣做至少會令條女尊重你，令到之後更加容易成功。

巴打，做一個成功嘅玩家就係咁簡單：你要習慣有機會就行動，你要習慣眼利啲活在當下偵測興趣訊號，你要習慣對弈時夠支配性。

你會留意得到所有嘅習慣都係集中喺你嘅actions，因為不斷行動就係唯一一樣保證你會贏嘅方法，無論喺溝女定係做嘢。

鍾意今集嘅話就請你LIKE同訂閱我哋嘅channel，有咩想我教就留言話我知，下集見！