分類: 兩性智慧

巴打，今集嘅MTFU比較特別，因為過去呢幾個月，相信你都可以感受到世界喺可以有幾咁邪惡無恥，比你睇到人類美麗與醜陋嘅一面。

咁所以我係度諗：如果今日嘅我只有17,18歲，但我能夠擁有咁耐以來累積嘅知識，智慧，經驗與認知，我又會比自己邊3大建議，去做一系列嘅嘢去position自己十幾二十年後去到最理想嘅位置呢？

所以今集可以話喺我自己寫俾自己嘅信，希望當中嘅內容協助到各位巴打有策略地繼續打拼自己生命，唔好因為短暫嘅黑暗而放棄選擇光明。

＃1 首先第一個我想各位巴打明白嘅重點就係：去到終極關頭嘅時候，無人喺可以保護或者關心到你；就算有幾多有心嘅同路人都好，去到臨界點嘅時候，你生唔生存到，最後都只能夠依靠你自己。

記住: No one can give a fvck about you MORE than you can for yourself. 

無論係你身體肉體上嘅安危，定係你同女人嘅感情處理，定係你建立到幾多財富或者影響力，一切嘅終極責任都係取決於你自己。

唔好天真地誤以為人類喺超越咗動物世界嘅規則，事實係：人類就係食物鏈上最頂尖嘅獵食者，而社會上某一類人喺絕對會透過欺凌殘暴不仁嘅手段去剝削你。

咁所以第一大嘅建議比各位巴打就係：由今日開始，你必須奉獻你自己人生嘅一部分時間去鍛煉『打交』，去學識點樣自衛同攻擊！

我知道近排已經有好多人咁講，但我想你知道嘅係：

功夫並唔係一時三刻學得識嘅事，亦都喺一樣你學完絕對唔想應用嘅技能；但係無論係本地定係外國旅行，仲有一日你會遇上有意圖傷害你生命嘅恐怖分子，咁所以喺嗰啲關鍵時刻，你所學嘅格鬥術或者情景意識會好可能就係拯救你同你愛嘅人生命嘅轉捩點。

5年前世界已經夠仆街，今日已經喺明目張膽地肆無忌憚；如果巴打你身為男人，今日都唔開始的起心肝學識保護自己嘅話，5年後你同你屋企人又會點樣被人魚肉呢？

＃2 第二個我想各位年青巴打帶走嘅重點就係：當你下決心每日征服自己physical嘅一面嘅時候，下一步就係要征服自己對兩性遊戲嘅認知，學識男女各自嘅不同動機。

點解明白女人竟然喺第二步，而唔係首先明白點樣搵大錢建立社會權力先呢？

原因就係：世界上喺充斥著有錢有權有勢，但係心理上完全被女人操控，兩性關係上搞得一團糟嘅億萬富豪！

呢一類型嘅強勢Beta男喺最危險最唔可靠，因為去到緊急嘅關頭，佢哋好可能就會因為某條索女嘅心理影響下，做出一啲反常行為去出賣自己或者你！

佢哋建立咁多嘢嘅目的，好多時底層都係希望最終得到女人嘅認同／validation，希望自己咁辛苦拚搏最終會得到女人對自己嘅愛。

好多呢啲強勢Beta男都係極不穩定嘅計時炸彈，去到某一點就會爆煲，就好似現實鐵甲人Elon Musk 或者亞馬遜創辦人 Jeff Bezos 兩個事業強人，最後都係因為『女人』而搞到自己情緒極痛苦抑鬱，同埋因為離婚而冇咗幾百億身家！

咁所以第二樣17,18歲年輕巴打要做嘅事，就係開始認真研究女人兩性嘅topic，大量地不斷練習實戰，唔好令自己變成一個將來會被女人支配，或者被其他人透過女人操控你嘅Alpha男人！

＃3 最後第三樣我想各位年青巴打帶走嘅重點就係：喺呢個年代你喺無咁嘅luxury去做一個平庸或者所謂『樣樣ok唔太差嘅中產』，因為你想生存或者享受到自由嘅話，你無最大嘅財富同影響力喺無人會理你嘅意見！

喺巴打你問我點做之前，我想你冷靜客觀地諗一諗：

如果唔係我哋幾代人過去百幾年不斷爭氣，如果我哋現時嘅領土唔係擁有特殊嘅國際地位，如果我哋唔係因為自己有value（或者講得衰啲有利用價值）在先嘅話，你估下世界其他地方會唔會咁高度關注我哋嘅事態發展呢？

你估下我哋會唔會有幸成為其他國家嘅談判籌碼，直接間接地幫我哋止到一陣血呢？

巴打，殘酷嘅現實就係：我哋如果自己無value在先嘅話，好大可能根本無人有意慾去care我哋嘅安危，我哋好可能亦一早就已經被人屠城死撚晒。

我絕對明白有錢有權唔一定令你開心快樂，但我哋更加要明白：出面喺有一堆人將會故意惡意地某一日搞戇你剝削你；如果你唔主動去累積自己嘅社會力量嘅話，你就會無奈無辜地變成被屠宰嘅羔羊。

喺極端嘅時候，無團體／制度／法律／道理喺可以完善地保護到你；面對野蠻嘅惡人，你最後都係只能依靠你累積嘅資源去反擊。

咁所以巴打，男人條命就喺永遠唔可以鬆懈，永遠都需要進步level up自己各方面，從而藉此希望可以生存到，保護到你自己，你嘅資產，同埋你愛嘅身邊嘅人。

我相信你可以深切地feel到世界有幾fvcked up，你亦都感受到情勢有幾嚴峻…

咁所以我邀請各位巴打爭氣，無論嚟緊呢條路有幾長，無論我哋嘅屋企最終會否被吞噬殲滅…

希望你都可以嚟緊每一日都緊記『恐怖／兇殘／邪惡其實一直都喺你我現實身邊』，然後利用呢種『不安嘅畫面』成為每日嚴苛操練自己嘅推動力，每日打拼我以上比你嘅三大建議。

如果巴打你有興趣MTFU內部嚟緊嘅新動向，你可以腥電郵去support@manthefvckup.com 查詢我哋Insider內部兄弟幫嘅課程睇下幫唔幫唔到你。

最後祝願你同你身邊嘅人平安，勿忘初衷，永不放棄，永遠唔好被懶惰妥協版本嘅你打敗自己！

巴打，唔知道你有冇試過為咗溝女，而不斷思考究竟有啲乜嘢共同嗜好可以一齊去做，令到你容易啲溝女或者維繫感情呢？

又或者你會唔會主動尋找某啲所謂『大家好夾』嘅女人成為自己女朋友，諗住如果大家都有好多類近諗法或者共同嗜好嘅話，咁樣先至可以形成長遠好嘅男女關係呢？

Well，雖然我唔否認如果大家都有共同嗜好鍾意玩嘅嘢，的確係可以有多啲機會同條女一齊玩一齊去旅行一齊去探索新事物等等…

但係其實所謂嘅共同嗜好，對於兩性吸引力嚟講係冇直接關係，甚至有陣時係會損害你哋之間嘅吸引力，點解呢！？

＃1 第一樣巴打你要留意嘅嘢就係，如果你依靠擁有『共同嗜好』嘅mindset去溝女嘅話，好多時喺底層，

其實你就係嘗試將自己鑑定為『同條女好似』嘅同類，透過『大家好夾』希望條女會欣賞你鍾意你嘅心態去溝女。 

呢種就係首先做friend，扮曬對條女冇性慾；

之後慢慢爬過去溝佢，畀條女知道原來望住佢嘅時候自己條撚都有反應，傳統Beta間接形式淆底地溝女嘅行為。

巴打你應該知道呢一招除咗成功率極低，你會浪費極多時間精神能量同佢做埋啲無謂嘢之外；

你亦都應該知道就算你真係所謂同條女一齊咗拍拖，你咁樣set落嘅frame最後都係會出現極多畀女人恰嘅行為，咁所以我絕對唔建議你咁樣做。

＃2 第二樣嘢就係，巴打你好簡單睇一睇Dan Bilzerian嘅IG就知道，究竟佢係做一啲男士嘅嗜好多啲，定係做一啲女士嘅嗜好多啲呢？

雖然佢擺嘅相背後都係想推銷某啲嘢，但係你可以見得到：

有吸引力嘅男士會花主要嘅時間去做一啲男人通常鍾意做嘅嗜好，譬如話做gym打拳，玩槍鬥車，衝浪搵大錢坐郵輪喺私人飛機食雪茄等等嘅行為；

而唔係花主要嘅時間玩女人嘢，喺度扮曬『同條女好啱傾好夾』咁間接咁鬼鼠地去吸引異性。

咁所以你千祈唔好白痴仔地諗住為咗溝女，而學埋玩埋一啲你自己根本冇興趣嘅嘢：

可能譬如話學瑜珈跳舞烹飪，對信仰冇興趣但係又去教會溝女，又或者暫時無咩意慾幫人但係就特登做義工做善事跟住去識女仔。 

呢啲活動本質上冇問題，但係如果你嘅初心並唔係因為有興趣所以去嘗試嘅話，你就要知道呢啲活動根本唔係你自己真正熱愛嘅passions，女人係會feel到你純粹喺度獵食。

＃3 最後一點就係，好多人可能會覺得『共同嗜好』係用嚟維繫感情關係嘅方法，當大家有共同信念並且共同鍾意嘅嘢嘅話，將來好多嘢都可以比較一致。 

雖然我哋唔可以完全否定呢個觀點嘅道理，但係巴打你要記住：

男女之間有冇吸引力係取決於sexual polarity，而性愛極性亦都係講緊男人同女人之間性格上／本質上／行為上有幾多差異。

換句話嚟講，正正就係因為你同條女有根本性嘅不同之處，有唔同嘅性格行為傾向，唔同嘅強項弱點，唔同鍾意嘅嘢等等，你哋先至可以拆出更多激情嘅火花！

每一次當男人同女人變得越嚟越似對方，變得越嚟越多相似之處，變得越嚟『形影相對夫妻相』咁樣嘅話，

其實你哋雙方都係鋪緊路進入緊一段已經再冇意慾想搞嘢，但係又變成好好朋友嘅中和關係。

呢啲咁樣嘅狀態，聽落去好似好浪漫，好似好『人大咗睇化咗世事』；

但係呢啲時刻就係最常出現『夫妻深愛對方，但係不得不出去偷食』嘅必然事實。 

＃4 咁所以你唔想你嘅感情某一日去到嗰個位嘅話，你就唔好再過份高估『共同嗜好』嘅重要性，唔好過份斟酌大家『夾唔夾』。

因為好多時真正健康嘅兩性關係，其實係一啲火星撞地球嘅關係；女人想要嘅，亦都係一個有別於佢令佢好奇嘅人物。 

所以巴打，你明白咗以上嘅教導嘅話，你從今以後又會點樣看待你嘅嗜好，點樣有策略地善用你嘅空餘時間做你鍾意嘅事情呢？

如果巴打你有興趣透過今集嘅內容學得更深嘅話，你可以電郵去support@manthefvckup.com，去查詢關於我哋MTFU Insider嘅完整深入課程喇，

因為除咗我哋會教導你關於兩性關係同埋成功嘅技術之外，

我哋亦都會講及一系列類似今集關於兩性嘅知識，令你更加了解自己，繼而吸引到你想要嘅女人。 

如果你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇；

因為你嘅支持喺能夠幫到我哋成長，繼而製造更多價值比你。 

有咩問題，就下面留言比我知啦，我哋下集再見！

巴打絲打，過去呢幾個月我收到唔少絲打聽眾嘅支持，除咗開始follow MTFU之外，佢哋都寫咗一系列嘅email問我關於兩性嘅問題。

雖然我哋MTFU呢個channel主要都係集中協助男士，但係今日我都想好快分享少少建議畀大家，讓巴打或者絲打你明白點解男人同女人嘅成功係有分別，點解喺進化交配嘅層面係無平等呢個概念，同埋最重要你哋可以點樣確保自己將來真正幸福快樂。

咁所以如果聽緊嘅巴打絲打你鍾意呢個話題嘅話，就請你而家率先LIKE咗呢段片同訂閱我地MTFU嘅頻道先啦！ 

＃1 首先想講嘅就係，喺近三四十年我哋嘅社會都越嚟越宣傳『男女平等』概念， 鼓勵女性喺工作上面闖蕩，去自力更新，去唔需要靠男人為自己爭氣。

呢種嘅風氣原本的確係好事嚟嘅，因為前幾代某一啲嘅女性的確係曾經被某部分男人用強權暴力欺凌， 甚至比一啲變態嘅人喺屋企裏面毒打或者出面強暴，呢一系列嘅行為絕對不能接受。

所以隨著男女平等呢種嘅風氣蔓延，漸漸地我哋就接受咗『工作女強人』嘅概念，好多專業嘅女士就開始相信佢可以『擁有一切』：又有自己嘅事業財富，又有一個比佢更聰明更醒目更成功嘅老公錫自己，甚至造成一種越嚟越多住家男人喺屋企湊仔讚女人喺出面打江山嘅畸形現象。 

＃2 但係好多人忽略咗嘅就係：喺呢個表面女性尊嚴崛起嘅正面現象，背後其實係違反男人同女人生理心理上嘅天性。

因為當女人大學畢業後可能已經廿一二歲，讀埋個master或者甚至doctor就去到25/26歲，再出嚟做好幾年嘢，賺取到佢嘅專業資格或者地位，搵到一個相對成功嘅薪金好可能已經去到30幾歲。

如果佢用男人嘅方式去集中令自己成為一個專業人士，但係呢段時間一直都係單身或者冇咩點諗感情嘢嘅話，佢好可能就會成為一個事業成功，但係dry爆無男人想要佢嘅孤獨寡婦。

＃3 點解？原因好簡單，因為你同我都知道全世界嘅男人都係『窈窕淑女君子好逑』，有得揀都係會傾向揀18/22嘅青春索女多過30幾40歲嘅女人。

所以殘酷你未必想接受嘅真相就係：如果女人一直透過工作盲目自己，而忽略佢嘅兩性關係同感情生活嘅話，呢條路係絕對唔能夠帶畀佢內心一直想要嘅幸福快樂！ 

如果你用十幾年嘅青春成為一個專業嘅上流人士，諗住自己咁樣就可以越嚟越有資格去吸引一啲高價值嘅男人，你就係絕對用錯策略。

因為男人普遍係唔太care女人搵幾多錢或者佢份工做咩；吸引男人嘅嘢並唔係女人嘅地位或者財富，而係首先佢視覺上有幾索，性愛上有幾available，之後有價值嘅男人係會考慮你嘅性格品德同埋言行舉止！

＃4 喺呢個動物性嘅世界，兩性各自嘅標準係會定義對方點樣先有價值。

譬如話：女人係會決定何謂一個有吸引力嘅男人，係女人決定男人應該有咩特質，先會同佢交配或者嫁畀佢。相反，男人亦都會決定何謂一個有吸引力嘅女人，係男人決定女人應該有咩特質先至會提供保護，同埋應否投資資源落條女到。

正如男人係無需要怨恨投訴女人話佢哋多多要求，話佢哋三心兩意又想要一個Alpha型男嘅基因，但係又想要一個夠Beta會提供資源嘅男人一樣；

女人亦都冇需要怨恨投訴男人話佢哋『膚淺表面／用條撚諗嘢』，嘗試說服男人話最重要嘅係內在美而唔需要理會外在美，又或者喺度話呢個世界冇『好男人／真男人』，但係以前有咁嘅人出現嘅時候自己又話無feel唔揀對方。

因為事實就係男人就係會物化女人，以性愛工具去篩選女人；而女人亦都會物化男人，以成功工具去篩選男人。

所以女人係性愛市場上面最大嘅籌碼，自古以嚟都係透過佢哋嘅＃1 樣貌身材嘅外表美色 ＃2 能否滿足男人嘅性慾 ＃3 性格品格心地，係咪會忠誠於自己男人嘅女人。

當然我唔係鼓勵女人唔好讀書或者努力工作啦…我只係講緊如果你太過沉迷事業工作而忽略咗自己性愛上真正價值之處嘅話，你好可能將來就會發現自己投資咗喺錯嘅交配策略上，最後直接影響你一生嚮往嘅家庭式幸福快樂。 

依家可能學業事業上好成功一帆風順嘅絲打，你又意唔意識到自己嘅身體或者內心其實想要啲咩呢？ 其他聽緊嘅巴打，你收唔收到呢種現實點樣影響你未來嘅策略呢？

如果巴打你有興趣透過今集嘅內容學得更深嘅話，你可以電郵去support@manthefvckup.com，去查詢關於我哋MTFU Insider嘅完整深入課程喇，

因為除咗我哋會教導你關於兩性關係同埋成功嘅技術之外，我哋亦都會講及一系列類似今集關於兩性嘅知識，令你更加了解自己，繼而吸引到你想要嘅女人。 

如果你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇；因為你嘅支持喺能夠幫到我哋成長，繼而製造更多價值比你。 

有咩問題，就下面留言比我知啦，我哋下集再見！

巴打，我有少少好奇啊，就係我想問下，究竟你依家心目中嘅女神係點樣架呢？

你會唔會係好想搵到一個會冇條件愛你嘅人，一個願意接受你唔完美但會『做番自己』嘅你呢？ 

又或者你會唔會好想要嗰種好純真好浪漫充滿愛嘅愛情，希望雙方可以坦誠溝通，希望佢可以理性地同你有商有量，然後就咁樣和睦共處地一齊走埋下半生呢？

Well巴打，如果你腦海裏面仍然有呢種幻想中理想化浪漫化嘅女人嘅話，我只能夠同你講：

呢一刻嘅你仍然係充滿住好深厚嘅Beta思維，你仍然係期待得到電影迪士尼童話式裏面所描繪嘅純真愛情。

你聽得多我喺MTFU裡面教你嘅嘢，我相信你都明白女人口中所講嘅嘢10次有11次都唔係表面嘅意思；

好多時你都係要觀察佢語言偽術嘅弦外之音，你要留意當中嘅潛台詞，你先至會get到女人所講嘅真正意思。

但係如果你坦白地問自己，你其實內心係咪唔多唔少都好想女人係一個絕對誠實，絕對理性，絕對知道自己想要乜，然後同你講得清清楚咗嘅生物呢？ 

每次我透過一系列Beta男犯錯嘅案例去警惕你唔好犯錯，去教導你全新嘅思維行為模式去同女人對弈嘅時候，你當時係咪意識上係明白我所講嘅嘢；

但係去到你自己遇上某條女嘅時候，又會突然之間唔知點樣畀佢落咗魔咒，好容易又重蹈覆轍做番你以前慣性嘅Beta行為呢？

我今日之所以問你一系列問題，係因為過咗咁耐，仍然有巴打間唔中問我『究竟女人想要咩？』 類似嘅問題，仍然有巴打唔明白點解佢鍾意嘅嗰條女唔鍾意自己，

甚至有啲巴打唔明白點解我哋唔可以簡單直接地聽女人講話佢想要咩，就提供啲咩畀佢哋，繼而得到我哋想要嘅嘢。

Well，其實呢條問題係好簡單㗎咋…

『究竟女人想要咩』呢條問題之所以會困惑咗咁多知識份子咁多年，原因就係：

一係女人根本冇咁樣嘅自我意識能力或者自我坦白，去勇敢承認大部分女人整體上想要咩男人；

又或者一係某啲女人其實知道自己想要咩，但係佢哋就故意喺唔同公開或者私人場合誤導身邊嘅男人，盡量唔畀大部分男人知道自己行為背後嘅真正動機，透過咁樣嘅形式去篩選一啲真真正正『唔使講都get到佢想要咩』嘅男士。 

我嘅意思係：咁多男人之所以唔能夠準確地解答到『究竟女人想要咩』呢條問題，原因就係兩性之間嘅生存與繁殖本身就存在利益衝突；

所以越少男人明白兩性之間嘅遊戲點樣玩，女人就能夠越有機會喺呢個遊戲暗地裏勝出。 

女人想要啲咩？

答案就係：女人最想要嘅就係男人唔知道佢擁有雙重嘅交配策略，佢一方面想短期地同一啲大隻靚仔好玩夠曳夠支配性夠多女爭嘅性感型男上床搞嘢；

但係另一方面又想長期地塑造自己係一個好乖好pure嘅鄰家女孩，希望吸引到一啲有錢有資源有社會地位品格良好，會錫佢會陪佢會願意無條件愛佢嘅『好丈夫／好爸爸』，去照顧佢自己同佢嘅骨肉一生一世。

而女人之所以唔會同你講得咁白咁清楚，

原因就係因為女人係可以瞞著自己男朋友或者丈夫同一個性感型男搞嘢得到佢嘅優質精子，確保咗後代有優質基因之後，就返返去佢嘅老公身邊繼續落迷藥，等佢有錢嘅老公繼續幫手湊一個唔屬於佢嘅骨肉！

咁所以係一個大部分男人都係以『好丈夫／好爸爸』努力工作賺錢養家嘅mindset做人嘅時候， 女人有點可能冒險畀你知道佢其實未必係真正愛你呢？

又或者佢就算係比你嘅愛打動，心裡面知道你喺一個好男人，佢又點可能冒險同你講話其實對你冇性慾，其實佢想被其他型男屌自己，令到一個好愛佢嘅人有機會同佢分手離婚呢？

所以女人最想要嘅，就係佢想你『繼續努力賺錢成功，去做一個有用嘅人』，但係就完全冇意識唔知道我以上同你講嘅內容，希望你繼續活喺你嘅荷里活迪士尼戀愛世界裡面，

然後一輩子都好似電影Matrix裡面嘅大部分人咁樣，繼續活喺一個嘻嘻哈哈愛情純真嘅虛擬世界裏面，協助佢達到佢嘅背後嘅目的。

巴打你要帶走嘅，並唔係要痛恨女人背後竟然有咁樣嘅目的，因為坦白講，呢個只係女人作為一種表面相對弱勢嘅生物，需要傳宗接代最好嘅策略。

你無需要痛恨呢個兩性遊戲真正嘅玩法，你需要做嘅就係透過今集知道遊戲規則之後，思考一下點樣根據呢啲大自然嘅規律，

去盡量position自己去到一個較為優越嘅位置，令到女人冇辦法唔根據佢嘅交配策略去揀你。

如果巴打你有興趣透過今集嘅內容學得更深嘅話，你可以電郵去support@manthefvckup.com，去查詢關於我哋MTFU Insider嘅完整深入課程喇，

因為除咗我哋會教導你關於兩性關係同埋成功嘅技術之外，我哋亦都會講及一係類似今集關於心理學嘅知識，令你更加了解自己，繼而吸引到你想要嘅女人。 

如果你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇；

因為你嘅支持喺能夠幫到我哋成長，繼而製造更多價值比你。 

有咩問題，就下面留言比我知啦，我哋下集再見！

巴打，唔知道你有冇留意得到好多兩性關係上失敗嘅男士，無論係溝唔到女定係溝咗女之後被女恰被女剝削，

往往都係一啲內心極度仇恨女人呢種生物，潛意識地想報復嘅男人呢？ 

又或者當巴打你開始明白兩性關係嘅遊戲點樣玩，慢慢開始得到成績之後，

總會發覺愛上你嘅女人成日都想攞你更多時間，想一個人獨霸你，唔多唔少都影響咗你嘅生活模式甚至阻礙你繼續打拼你嘅夢想呢？

如果你想明白女人咁錯綜複雜自相矛盾嘅行為嘅話，其實你只需要代入佢哋嘅世界，明白佢哋嘅現實真相；

你就會能夠理解佢哋嘅行為動機，睇得到佢哋點解有陣時可以咁美麗但係又可以咁邪惡，然後甚至可以開始慢慢化解你對佢哋嘅怨恨。 

＃1 譬如話：男人同女人兩性之間之所以會出現咁多矛盾同衝突，好多時都係因為我哋兩種生物嘅生理結構係有極大嘅差異。

如果你有一直支持開MTFU訂閱咗我哋嘅頻道，

或者醒目地去咗manthefvckup.com/7dayfreecourse 上咗我哋嘅免費兩性課程，

你係應該知道女人嘅人生高峰期永遠都係佢青春美麗三十幾歲前嘅階段；

而大部分男人嘅人生高峰期往往都係過咗三十幾四十歲之後，建立咗自己各方面實力權力影響力之後，先至會終於享受到人生。

＃2 原因就係因為女人只有極短暫十幾年嘅生育能力，但係男人keep得好嘅話，佢喺可以擁有40幾50年嘅生育能力。

基本上，女人去到30歲，佢嘅生育能力好可能已經比起十八歲嘅時候跌咗超過一半；

而過咗40歲，佢嘅生育能力好可能淨係得番少於10%，所以你會見得到好多女士去到30幾40歲係極難生到bb，而且生到都好高風險。

但係調返轉，男人肯透過飲食運動健康keep住自己副誡，調整自己嘅荷爾蒙水平等等嘅話，好多去到50幾60歲嘅男士都係仍然可以生到仔。

＃3 咁所以喺呢個殘酷嘅生理現實裏面，你又點可以預期女人唔去透過自己嘅青春美色，盡量吸引高價值高質素嘅男人，然後透過心理手段收服佢呢？

大部分嘅男士，又點可以預期自己後生廿幾歲嘅時候，可以同大部分女人一樣得到相同嘅社會優待，並且係呢場對弈之中贏得到呢？ 

更加重要嘅就係，你又點可以畀自己咁短視，唔去建立你自己嘅技能／社會價值同人生閱歷，去為自己將來數十年鋪路；

甚至廿零三十歲頭咁快就愚昧地commit落某條已經去到人生頂峰嘅女到，將自己將來更加豐盛嘅可能性一次過毀滅呢？

＃4 從以上嘅例子，各位巴打你都可以睇得到：男人同女人根本就係喺唔同嘅時間線上面玩緊唔同嘅game。

去到25歲後嘅女人之所以咁想男人commit落自己到，係因為佢知道自己嘅青春美色已經開始下降，生育能力亦都急速下降緊…

所以佢再唔用一切正邪手段將佢吸引到最Alpha嘅男人變成Beta嘅話，佢將來好可能成為一個冇人要冇人錫嘅孤獨寡婦。

而調返轉，雖然男士係有較長嘅時間線讓自己變得更高性價值，

但係如果男士後生嘅時候浪費青春喺度YOLO，唔願意投資時間能量去提升自己各方面嘅能力嘅話…

佢後生嘅時候一樣會因為低價值而溝唔到女，

而去到中年嘅時候亦都會因為缺乏實力／能力／成就等等而繼續一敗塗地溝唔到女，將來好可能就會繼續冇仔送終。

＃5 所以講到尾：男人同女人各自都有自己嘅苦衷，各自都有自己最理想嘅短期長期吸引異性策略， 去令到自己喺進化論上面成功傳宗接代。

男人要明白點解女人面對一個低價值嘅你可以咁無情冷漠；

但係睇得你上眼嘅時候，佢就可以咁開放去透過自己嘅性魅力同心理手段，競爭贏得到你芳心。

女人亦都要明白，點解佢唔應該痛恨投訴一啲年少氣盛有壞男孩味道嘅玩家食家；

而當一個男人成功嘅時候，佢會咁挑剔你嘅外貌身材，點解佢覺得你性格唔好嘅時候佢可以唔鳩理你感受，而且點解佢更有慾望擁有多條索女。

無論聽緊嘅你係男人定女人，每次你指責對方嘅時候，

你不妨代入對方嘅性別同情況，感受下佢哋背後嘅行為動機…

因為如果你係佢嘅話，其實好可能你都會做相同嘅決定。 

巴打絲打如果你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇；

因為你嘅支持喺能夠幫到我哋成長，繼而製造更多價值比你。 

有咩問題，就下面留言比我知啦，我哋下集再見！

巴打，唔知道依家聽緊嘅你係咪一啲80後或者更早嘅巴打呢？

如果你90年代已經出咗世嘅話，你好可能係曾經睇過一出叫做《Friends》嘅美劇，

內容係講及年輕嘅三男三女點樣可以好好朋友地住埋一齊，一齊喺紐約面對不同嘅處境，而《Friends》當年亦都係風魔一時非常流行嘅電視劇。

如果巴打你有追開MTFU嘅片，你係應該知道我曾經講過話男人女人之間係冇可能做到純精神友誼柏拉圖式嘅無性朋友；

就算你見到街上有好多男女friends都好，男女嘅友誼永遠都係不及男男同性嘅友誼。

點解呢？原因有好幾個。

＃1  男女之間嘅友誼之所以唔能夠好似男男同性之間嘅友誼咁坦誠咁對等咁牢固，原因就係男人同女人係會以唔同嘅思維模式去看待友誼。

譬如話假設你依家有個女性朋友，去到將來某一點佢係會親密地同第二個男人一齊。

喺嗰一個時刻友誼好多時都會開始腐爛，因為九成九嘅時候佢都會捨棄你，令自己親密嘅關係成長。

調返轉，當你同某條女變得親密嘅時候，佢就一定會開始逐一審問關於你所謂『女性朋友』嘅個人底細，最後亦會因為佢嘅妒忌同懷疑，而令到你同女性朋友嘅關係逐步消失。

講到底，男女之間之所以唔能夠做到交心朋友，原因就係因為男人同女人本質上根本就唔同，各自都有本質上嘅利益衝突。

因為基本上男人揀得嘅女性朋友，極少係會揀一啲樣衰嘅豬扒做朋友；

男人揀得嘅都係一啲佢睇得上眼有性趣，但會抑壓自己性慾去維持純友誼關係嘅女人。 

咁所以男女之間一日存有『性慾想屌對方』嘅暗湧，一日佢哋之間嘅所謂友誼都唔係100%純真，佢哋始終唔能夠去到盡成為交心朋友；

雖然呢一樣嘢聽落好似好白痴，但係呢一樣嘢都係人類生理機制限制我哋嘅兩性真相。

#2 當然我咁講唔係話你唔可以同女性平水相逢地接觸，或者有一啲女性嘅泛泛之交，或者唔能夠同其他女同事工作上合作啦！

男人同女人絕對係可以喺唔同範疇上面合作，你亦都冇需要無禮貌地忽視所有『你屌唔到／唔想攪』嘅女…

但係性別嘅差異，的確係會直接影響友誼之間嘅質素。

就算你真心對你嘅女性朋友無任何非份之想，你其他親密嘅兩性關係，亦都絕對會因為呢種『異性友誼關係』而受到限制，因為兩性之間永遠都會存有sex嘅可能性。

巴打你諗下，

如果你條女同另一個所謂『男性朋友』非常親密地花有質素嘅時間一齊，

你又會唔會有少少妒忌，並且有少少懷疑佢哋之間嘅親密程度係咪真係純粹友誼式嘅親密呢？

調返轉，當你好好嘅『女性朋友』某一日同另一個男人非常親密，佢開始對你嘅注意力下降，佢開始需要捨棄你哋嘅關係，

你又會唔會因為呢種友誼嘅變質感到失望，甚至希望自己先至係嗰一個佢性愛上會親密嘅男人呢？

＃3 今集講咗咁耐，我希望巴打你帶走嘅重點係：

你嘅女性朋友永遠都冇可能成為你身邊真正可以信賴嘅兄弟。 

好嘅兄弟係會教你點樣性愛上成功，但係你最好嘅女性朋友永遠都唔會教你點樣食更多女；

因為如果你真係變得更有魅力有吸引力嘅話，點解佢自己又唔獨霸享受你呢？

巴打你要小心嘅係，小心自己身邊有太多女人受女人影響；

因為你長時間淨係同女人一齊嘅話，你都會潛意識地被女人同化，以女人嘅思維模式做人，而忘記咗點樣做返一個雄性男人。

所以你唔需要妒忌一啲同女人玩得好埋嘅男人，因為雖然佢哋表面上好似好風光咁，

但係其實好大機會嗰班女人只係當呢條仔係一個基frd，佢哋性愛上係絕對同佢扯唔上任何關係！

巴打你覺得今集有價值鍾意嘅話，就Like呢段片，訂閱我地MTFU嘅channel並且分享出去喇。

有咩問題，就下面留言比我知啦，我哋下集再見！

女人之所以話男人蠢，其實有時佢哋都講得好啱。

大部分嘅男人都係一啲頭腦簡單非常容易受女人擺佈嘅動物， 好容易因為『曾經承諾過某啲嘢』而一尾盲目地『忠誠於錯嘅人／錯嘅事情』上面，甚至因為英雄主義而愚昧地選擇犧牲自己。

喺兩性嘅context上面，『承諾／忠誠／奉獻／commitment』呢啲嘅形容詞，大部分嘅人都會覺得係理所當然『兩性之間應該要有嘅特質』；

而基本上世界任何一個社會，都係會批評一啲有『承諾恐懼症』嘅人，貶損佢哋為一啲缺乏道德唔成熟嘅『player玩家食家』，透過社會恥辱／social shaming去將呢啲男人妖魔化。

所以喺咁樣嘅社會意識形態下，好多男人都有意無意地被呢種社會壓力改變自己嘅行為，捨棄自己嘅慾望同利益，令到佢哋好容易就commit落一啲理想主義，

commit去成家立室，commit去紀律部隊，或者commit去某一個未必最愛自己嘅女人上面，然後commit落婚姻制度裏面等等。 

巴打，我明白『承諾／忠誠／奉獻／commitment』呢啲概念聽落都係非常正義崇高，令到我哋有一種好想 do the right thing嘅衝動。

但係如果你肯退一步理性思考一下嘅話，你就可以為自己諗一諗：

當你喺一段已經冇愛冇激情冇性愛嘅男女關係裏面，究竟你『繼續忠誠於你嘅伴侶留喺呢段破裂感情之中』嘅commitment係重要啲呀…

定係你『忠誠於自己嘅快樂幸福，忠誠於對自己夢想嘅承諾，忠誠於對自己好啲，揀返一啲高質素會愛你嘅女人』 嘅commitment重要啲呢？

究竟你盲目忠誠於一段男女關係或者婚姻重要啲，定係忠誠於你自己嘅身心快樂幸福重要啲呢？

我明白呢啲哲學道德問題係比較難思考嘅，亦都未必有一個確實嘅答案； 但係今日我想巴打你帶走嘅智慧喺： 

每一次你因為曾經嘅『約定或者承諾』而綁死自己，唔能夠對住某一個人或者某件事say no嘅時候；其實你就係成為嗰一個人或者嗰一件事嘅奴隸。

譬如話：假如你之前係選擇咗同女朋友進入一段排他性嘅關係，大家都有共識唔去吸引異性；但之後你意識到原來呢條女並唔係你自己想要嘅女人嘅時候，（無論係咩原因都好），

如果呢條女仍然係100%忠誠於你嘅話，你又應唔應該打破曾經嘅承諾呢？

如果你咁做，你又算唔算係一個缺乏道德缺乏糧之喪心病狂嘅人呢？

調返轉，如果你唔咁樣做，繼續選擇同一個唔係自己想要嘅女人一齊，完全忽視自己個人嘅身心健康同快樂嘅話，你又係唔係一個自欺欺人對住自己講大話嘅人呢？

巴打，我今日之所以問你一系列需要用腦嘅問題，原因就係因為太多男人盲目地遵守N年前嘅commitment，而放棄曬自己內心想要嘅將來。

例如好多男士可能之前覺得某條女就係佢哋一直想要嘅女人，但係就算之後發現原來條女只係利用佢，佢都未必有能力即刻斬斷關係，去為自己鋪路得到更好嘅未來。

所以如果你問我應該點做嘅話，你就需要問下自己一條問題：

如果你只有一條命，只有一次寶貴嘅人生去做自己鍾意做嘅嘢，去盡量令自己開心快樂過得豐盛滿足嘅話… 

你會覺得為咗『遵守承諾而遵守承諾』重要啲呀？

定係永遠忠於自己嘅學習，忠於自己不斷嘅進步演化，而根據最新嘅現實情況打破舊有思維選擇新嘅options重要啲呢？

變幻才是永恆。

如果巴打你想確保自己將來都係幸福快樂嘅話，你就要極度小心唔好愚昧地被『過去嘅自己綁死將來嘅自己』，無論係你嘅兩性關係上定係你嘅事業成就上。 

希望今集能夠擴闊各位巴打嘅思維，小心別人利用你嘅commitment操控自己。 

鍾意今集嘅話，就Like呢段片，訂閱我地MTFU嘅channel並且分享出去喇。

有咩問題，就下面留言比我知啦，我哋下集再見！

巴打你可能知道純品乖仔通常都比『曳／調皮／反叛甚至壞壞地』嘅男仔更難溝到女，但係背後嘅原因又係點解呢？

雖然我哋知道女人係鍾意badboy多過nice guy，但係又有無咩科學原因解釋呢個現象呢？答案原來係有嘅。

＃1 其中一個分辨出純品乖仔同曳曳地嘅男仔嘅特徵：就係乖仔識女仔嘅時候甚少會顯示自己嘅性意圖，佢哋會盡量將自己想搞嘢嗰種嘅慾望抑壓，盡量desexualize自己。

但係比較曳嘅男仔通常較少會咁做，唔會為自己嘅sexuality感到慚愧，需要特登收收埋埋扮到對條女無性趣。

點解會有咁唔同嘅傾向呢？

原因就係Beta底嘅男士，就係相信溝女係需要『將自己變得同女人更加相似』，變得同佢『同一口徑』，大家好夾好啱傾，咁樣先可以溝到女。

但係以下我就想同各位巴打從荷爾蒙層面探討兩性，等你明白到點解你嘅性意圖係對溝女咁重要。

＃2 首先，我哋每個人喺兩性對弈嘅唔同階段 － 吸引力，性慾，做愛前，做愛後－，原來我哋血液裡面嘅荷爾蒙指數都會有所唔同。

一個擁有健康睾丸酮指數嘅男人，平時係會將女人物化，係會將女人當成『性物件』看待。但係當男人高潮後，睾丸酮就會被催產素/oxytocin中和，令到男人無咁有性衝動。

換句話嚟講：睾丸酮就係主要負責我哋嘅性慾同較有侵略性嘅衝動行為，而催產素就係同一啲信任，舒服，照料等等嘅情感有關。

咁所以，做完愛高潮後之所以咁舒服放鬆，其實只係因為催產素急升，令男士嘅睪丸酮指數有所緩衝，令到男士冷靜落嚟想放鬆啲；而呢種『舒服』嘅感覺，亦都會增加女人嘅emotional attachment, 令佢對男人有更多情感嘅依戀，令兩性都想更加信任對方而成為配偶。

＃3 另一個科學家做過嘅荷爾蒙實驗，就發現原來擁有類近基因型嘅人（譬如話有血緣關係嘅近親），兩者係較難對對方性慾，確保生物多樣性，係大自然防止近親相交嘅現象。

最後一個實驗，就係『出汗T恤』嘅研究，去叫女人聞下唔同男人著過嘅T恤，之後係睇唔到個男人嘅情況下，比一個rating決定邊個男人最有吸引力。

最後發現，女人係會覺得擁有高睾丸酮嘅男士較令自己有性慾，更想同佢哋生育。

Anyway，以上咁多關於荷爾蒙嘅科學研究，對我哋溝女嚟講又有咩作用呢？

＃4 你要帶走嘅就係：高睾丸酮嘅男士，除咗喺氣味上更加有吸引力之外，佢哋亦都會更加自信堅定地去溝條女返嚟。如果你睾丸酮低嘅話，你就係損害緊你自己嘅交配機會。

第二就係：『緊張／性慾／性愛嘅急切性』，係高潮前嘅狀態；但『舒服／信任／放鬆』嘅感覺，係高潮後嘅狀態。

咁所以如果你溝女時係無緊張性慾嘅感覺，而你又好似好多乖仔咁抑壓自己嘅性慾，去特登製造『舒服／信任／放鬆』嘅感覺嘅話，你就係掉轉晒次序溝女！

溝女時緊張係正常；你見到索女想同佢搞嘢，之後行去認識佢嘅動機亦都係正常。

請你唔好打咁多飛機搞到自己無晒動力，你更唔應該溝女時特登『無性化』，因為女人暗地裡被一啲想同佢搞嘢嘅男人更加吸引！

巴打如果你想學習更多點樣應用呢啲兩性智慧係你嘅sex life上面嘅話，你就腥email去support@manthefvckup.com查詢加入Insider嘅詳情喇，因為我喺裡面會教各位內部巴打更多出面唔會提及嘅資訊。

鍾意今集嘅話，就Like呢段片同訂閱我地MTFU嘅channel喇；有咩問題，就下面留言比我知啦，下集見！

巴打，你有冇嘗試過透過自嘲或者自我貶低嘅行為，去希望可以博取女人同情，令佢鍾意自己呢？

又或者，你有冇見過某啲男人想溝番自己ex嘅時候，會打一大段嘅充滿自責嘅深情message：

話自己之前唔應該做呢樣做果樣／話自己之前好自私無理會佢感受／話自己諗咗好耐反省咗好多晚好後悔，知道自己太悶太needy太唔成熟，已經知道自己之前有幾柒幾廢幾樣衰，跟住道歉話自己以後會改，最後希望條女可以原諒自己再比多次機會大家呢？

#1 Well 巴打，無論將來你點樣溝女／分手／被分手，請你以後都唔好做類似嘅嘢。

請你永遠都唔好嘗試透過一系列嘅自責／自嘲／自我貶低嘅行為，去博取女人『明白你』嘅同情，希望佢會可憐受傷坦誠認錯嘅你，去比你第二次機會！

點解用呢種『我係一個會反省自己改變自己嘅人，請你再次愛我』嘅態度，喺唔會令條女想要返你呢？

原因就係：因為你講得出以上咁核突嘅深情說話，都已經證明你唔覺得自己喺一個有高價值嘅獎品；而你成個態度都係說服緊條女『同情你有幾可憐蟲』，無條件地去愛你呢條廢柴，咁樣又點會係一個Alpha會做嘅事情！？

#2 我並唔係講話女人無同情之心，而係講緊當你咁乞兒嘗試ai女大發慈悲收留你嘅時候，女人係會鄙視你咁樣去剝削佢自然嘅同情之心！

所以自責／自嘲／自我貶低嘅行為，永遠都唔係你溝女嘅方法。

雖然你唔需要下下都勁認真，永遠唔可以講笑自我娛樂一番；

但係就算你要笑下自己，你都要有一種『哈哈係囉，我都承認好多女人覺得我仆街架…但仆街得嚟都值得嘅…』讚番自己嘅自大感覺，你先可以保持你嘅吸引力。

無錯，喺適當嘅時候同場合，你喺可以謙虛少少同承認錯誤，尤其你想跟大佬學習嘅時候；

但係溝女嘅時候，過度嘅謙虛好多時就係缺乏自信嘅表現，你係度『踩自己』喺絕對唔會令女人更加欣賞尊重你！

＃3 Anyway巴打，今集嘅重點好簡單：

由Day 1開始去到尾，女人都係想要一啲能幹，有自信甚至過度自信，果斷肯冒險行動嘅男人！就算你嘅形象喺一個『自把自為嘅自大狂仆街』，咁嘅形象都會好過你係一個『好可愛好sweet好浪漫進入女人心』嘅暖男。

當你猶疑唔知應該nice啲定係仆街啲嘅時候，永遠問自己『假設我係一個極高價值過度自信大把女人選擇嘅男人嘅話，我對住呢條女又會點做？我又會有咩行為呢？』

你咁做嘅話，你就永遠都唔會再犯上『你可唔可以愛我呀？』嘅廢柴錯誤！

巴打如果你明白我今集教你既內容，想學習點樣開始position自己內外變得更有吸引力嘅話，你就腥email去support@manthefvckup.com查詢加入Insider嘅詳情喇。

因為我喺會喺裡面，將會教各位內部巴打更多高階嘅資訊。

鍾意今集嘅話，就Like呢段片同訂閱我地MTFU嘅channel。

有咩問題，就下面留言比我知啦，下集見！

巴打你有冇試過被女人拒絕後，好想好想將來報仇呢？

你又有冇因為好嬲而諗過『將來要好好教訓呢條女』，可能諗住呃佢氹佢上床之後趙完鬆，又或者將來成功後要奚落返佢呢？

＃1 Well 巴打，我奉勸你唔好踏上呢條不歸路，因為社會已經充斥著好多『因為為愛情而輕生』嘅失敗者；

如果你一味諗住報仇嘅話，你好容易會走火入魔，最後因為『初戀舊愛唔理你』，而極端地殺人放火甚至好似外國啲痴線靚仔喺度校園大屠殺。

我咁樣講，並唔係叫你要『任由女人去欺凌你／濫用你／操控你』，更加唔係叫你做人要好似神人咁樣咁無私奉獻犧牲自己嘅利益。

Instead，你之所以唔應該『因為女人而報仇』，係因為你肯花時間精力去策劃報仇，不如你花呢啲時間學習點樣upgrade自己，令你將來唔會再遇上呢啲痛苦嘅拒絕！

＃2 你一日因為被女人拒絕而喺度諗報仇，你一日都係活喺被拒絕嘅情感陰影下，你一日都喺一個被束縛上鎖嘅囚犯，你一日所做嘅決定都係唔理智唔實際。

我明白當女人reject你，甚至係你面前出軌令你戴綠帽令你尊嚴掃地，你係會覺得世界好唔公平，好想爭取自己嘅『公義』…

但你要明白嘅係：你一路繼續諗住報仇，你就係一路將嗰對仆街狗男女放喺第一位，你就係一路忽略緊將自己利益放係第一位。

你想成功嘅話，你要諗嘅並唔係要報仇，並唔係要『令條女將來後悔』，而係將所有時間精神血汗力量資源等等，集中喺為自己建立更多女人嘅選擇，建立更多令你自由嘅財富同人際關係，並且完全忽視distract你嘅舊人舊事。

你咁樣嘅話，你先至喺真正嘅報仇！

#3 點解？因為你越喺比集中力去諗你嘅敵人，你就會越喺令到敵人變得強大，你所見到嘅問題只會越嚟越難解決。

如果你instead比集中力去將自己磨練成為更有價值更有吸引力更成功嘅人嘅話，你先會grow bigger than your problem, 你先會殲滅到當年嘅小問題。

#4 我想你而家做一個小實驗，去驗證點解呢招先係最有效嘅報仇方法。

你諗下，小學嘅時候，你有冇曾經鍾意過一條女，但係佢當年睇唔起你，甚至取笑你呢？又或者中學嘅時候，有無一啲曾經被成間學校稱為女校花嘅索女，喺對你不瞅不睬呢？

假設你有，你有冇試過過咗三五七年後某一日見番佢，又或者唔知點樣透過FB/IG/朋友口中聽到佢嘅最新狀況，跟住你一開頭睇相嘅時候完全唔認得佢，

因為佢變到又飛又老又核突，完全唔係當年果條索女，令你而家極度反感呢？

#5 Well 巴打，可能你同我一樣，每次睇番以前自己鍾意嘅囡，你都會發覺自己唔再鍾意佢。

小學五年班鍾意個條女，屌，上到中三已經走晒樣。

中三你第一次送禮物比嘅個條女，屌，上到大學已經覺得核突。

上到大學第一次令自己破處嘅嗰條校花女，屌，返工後幾年就覺得自己年少無知。

#6 如此類推嘅經驗，相信巴打你都有試過唔少次，但我想你帶走嘅重點係：

女人而家唔要你？屌佢老味啦。但係，唔好因為咁而比佢操控你之後十年八年嘅決定，影響你做任何嘢嘅動機或成績。

點解？因為喺任何時候，你都要將自己變成你第一樣嘅mental focus，

最好嘅報仇方式，就係令自己變得10倍100倍1000倍地更加有價值，更加成功，更加有吸引力。

#7 當你咁做，去到嗰個神級嘅位置嘅時候，你就已經唔會再記得5年前10年前被拋棄嘅小事。

到將來某一日你發現有條友係咁喺IG like 你嘅嘢，係咁DM你 say hi，

之後你諗咗5分鐘終於記得原來佢就係個條仆街Mary，你就可以望一望佢走咗幾多樣，望一望自己而家身家多咗幾多10個零，手頭上多咗幾多百條女…

…之後你笑一笑，跟住撳個block掣，

之後繼續集中地打理你百億嘅事業王國，

繼續whatsapp叫你女朋友4號同7號喺別墅二號準備今晚嘅晚餐，

繼續plan好下星期同杜拜王子玩鎗開百人船P嘅計劃…

你有咁嘅能力嘅時候，你仲會唔會care N年前唔撚理你嘅嗰條女呢？

巴打如果你明白我今集教你既內容，想學習點樣開始position自己內外變得更有吸引力嘅話，你就腥email去support@manthefvckup.com查詢加入Insider嘅詳情喇，因為我喺會喺裡面，將會教各位內部巴打更多高階嘅資訊。

鍾意今集嘅話，就Like呢段片同訂閱我地MTFU嘅channel喇。有咩問題，就下面留言比我知啦，下集見！