Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。
想問你一條問題, 你知唔知我每日喺條街四周圍望嘅時候,我會望到啲乜嘢?
我會望到一個又一個嘅索女, 間唔中仲望到有啲好清新好fresh嘅跑步或者yoga女, 呢啲咁令人精神為之一振嘅景象, 真係好慶幸自己生於香港,長於香港 🙂
認真啲! 你真係估下我每一日喺度望到乜嘢?
我望到嘅係一大班痛恨自己生命嘅男人,一群暗暗地被社會淘汰嘅男人…
冇錯, 可能佢哋廿靚三十歲嘅時候都曾經衝刺過, 但係去到某一個位,突然之間好似踩break咁樣停落嚟…
佢哋停止博盡啲…
佢哋停止令自己聰明啲…
佢哋停止增值學習新嘅事物…
佢哋停止挑戰自己嘅極限…
佢哋停止追隨佢哋想要嘅嘢…
佢哋停止提高自己嘅要求…
佢哋開始接受一啲所謂”現實”…
佢哋開始甘願成為隨波逐流,平庸嘅人…
佢哋開始做事情嘅”果”, 唔再做事情嘅””因”…
佢哋開始放棄自己…
Ai…一講呢啲咁冇啟發性嘅行為簡直想嘔!!
Helen Keller (海倫·凱勒), 一位雖然因急性腦炎令到佢失明失聰連嘢都講唔到, 但係最後成為其中一位最偉大嘅嘅美國社會運動家…
佢曾經講過: “Life is either a daring adventure or nothing at all.”
中文意思係: “生命要不然你就無畏無懼大膽啲冒險，要不然你就一無所有,乜撚都唔係!”
我唔理你依家幾多歲, 讀緊U又好, 出咗嚟做咗十幾年嘢又好, 退撚咗休都好, 梁啟超都同你講過, “學如逆水行舟，不進則退。”
每一日起身, 其實你都有兩個選擇:
Option A, 就係成為一個又悶,又典型, 又預計得到你會做咩, 又政治正確嘅所謂”星斗市民”。
可能你係一個奉公守法,社會大眾接受嘅良好市民, 自從聽聽話話讀完書, 出嚟社會做嘢受老細氣,做咗40幾50年, 終於退休但係冇乜錢淨…
跟住覺得自己同社會脫節, 漫無目的地每一日憂柴憂米, 只能夠同自己講慳住使,希望仔女養你, 等政府畀生果金你, 捱得一日得一日咁樣喺度等待死亡嘅日子…
或者Option B, 就係每一日放你自己係現有嘅舒適範圍/comfort zone之外少少, 每一日貼近你既極限, 讓你自己不斷成長,不斷無休止地進步!
係呀,你冇聽錯, 我講緊嘅係每一日都要咁樣做, 而每一日你咁唔咁樣去推高你嘅極限都係你嘅選擇 。
每一日冒險地活你嘅生命, 每一日反叛地活你嘅生命; 容許你內心嘅野獸咆哮,解開你內心嘅枷鎖, 讓你自己每一日都活得自由開心精采!
Getting better every single day 已經係我個人嘅座右銘, 亦都係我已經打算無論將來活到幾多歲都會做嘅嘢, 更加係我好期待嘅嘢 。
你幻想一下,如果你每一日只係進步1%, 即是我哋連compound effect都唔計埋, 一年後你已經係比依家強勁3.65倍, 你想唔想像到10年後20年後見你係有幾charming,有幾成功, 有幾有錢, 有幾受更多女仔歡迎!?
男人就係有呢個優勢, 只要你keep住自己嘅不斷向上爬嘅心, 只要你每一日都比琴日進步少少, 我哋男人嘅value係會隨著時間不斷幾何級咁樣增加!
可能曾經有啲仆街可能同你講過, “放棄吧啦, 你已經輸在起跑線上, 咁努力做乜啫?”
我同你講, Diu佢老母, 佢要繼續擦鞋食屎受人氣係佢嘅選擇。
未到終點都未知邊個輸贏, 更重要係, 每個人都係同自己嘅潛能比賽。
唔撚死理啲三姑六婆,
只要你唔甘心做一個less than who you’re capable of 嘅人,
只要你每日lean towards your edges,
只要你每日keep fvcking going,
每日嘅一小步一定會帶到你去到理想嘅地方!
