作者: Man神

巴打，我哋有一段時間冇咩點講關於溝女game嘅嘢，而我亦都留意到某啲巴打將溝女學所講嘅Kino太過複雜化甚至太過神化呢種技術，

咁所以今日想好快為各位解釋一下點樣運用你嘅肌肉知覺或者動覺，喺你同女人溝通上面。

＃1 首先我想講嘅係，其實所謂嘅Kino，根本就係講緊人與人透過皮膚或者肢體嘅觸摸觸碰，去讚賞對方或者去認同對方嘅正常行為動作。

BB仔如果出世之後一直都無畀阿媽摸過嘅話，其實佢就會唔能夠透過肌膚之親，觸發佢荷爾蒙嘅化學改變，嚴重降低BB仔嘅生存幾率。

而小朋友或者其他哺乳類動物亦都一樣，身體接觸係我哋天生好自然會做嘅嘢；

無論係家人畀你嘅擁抱，定係輕輕摸你個頭去讚賞你， 又或者你去輕輕撫摸老人家或者貓貓狗狗，身體接觸都係能夠刺激更多安多酚釋出，令到我哋感到舒服幸福快樂。

＃2 咁所以簡單休閒casual嘅身體接觸，其實係潛意識地釋出善意嘅舉動，目的都係令到對方感到舒服，從而慢慢地互相接受大家。

當然唔同文化或者習俗，都會有唔同程度身體接觸嘅接受性喇；

太多摸嚟摸去嘅動作又或者太多親密嘅動作，係錯誤嘅場合拍當然會有反效果，令到對方唔舒服啦…

就好似如果一個啱啱認識你嘅女仔一嚟就摸你大髀內側嘅話，就算你對佢有興趣，你都會多少有啲唔舒服，突然多咗好多警戒心，係咪？

所以運用Kino去溝女嘅重點就係：你嘅身體接觸要畀人感覺得到你係casual自然得嚟，又唔會太過親密或者畀人感覺你太過needy地『為咗摸而摸／為咗出招而出招』；

如果你盡量以一種隱藏少少嘅方式去同女人溝通，小心選擇你嘅言語措辭，

有意識地透過你嘅身體語言聲線或者表情潛意識地溝通，小心運用你嘅身體觸摸嘅話，女人就會完全get到你內含嘅潛台詞。 

＃3 咁我哋又可以點樣有策略地運用Kino溝女，令女人會接受甚至愛上我哋嘅身體觸摸呢？

好簡單嘅方法就係：當女人做咗一啲你想要嘅行為，你就透過Kino去輕輕讚賞佢欣賞佢；

但係當佢做咗一啲你唔鍾意嘅行為，你就即刻斬斷你對佢嘅Kino，唔好再畀呢啲good feelings佢。

你要明白嘅，Kino其實只係其中一種建立你支配性嘅方法。

喺你運用Kino之前，你絕對要首先畀人感覺你係一個高價值有性魅力條女想得到嘅男人；

唔係嘅話，你太快缺乏context下摸佢，你就會令你好容易變成一個變態狗公隨街摸人嘅非禮王！

所以你唔想無啦啦上東張西望嘅話，你就最好首先建立少少value先，之後先開始你對你想認識嘅女士作出簡單身體接觸。 

重點係：溝女其實就好似跳舞一樣，互相暗地裏溝通，互相雙向地合作緊。

只要你係主導領導成個interaction，你見得到條女又真係願意reciprocate，肯同你一齊跳呢隻舞，甚至透過佢嘅身體觸動同你交流嘅話，咁你就會知道呢一次嘅互相誘惑係成功緊，你就可以一路慢慢升溫上去。

所以喺你同條女傾計期間，如果你能夠透過touching有策略地獎勵你嘅目標嘅話，你嘅身體觸摸就能夠令條女感覺舒服，令到佢有一種『被接受被認同』嘅感覺！

如果巴打你有興趣透過今集嘅內容學得更深入嘅話，你可以電郵去support@manthefvckup.com，去查詢關於我哋MTFU Insider嘅完整深入課程；

因為除咗我哋會教導你關於兩性關係同埋溝女成功嘅技術之外，我哋亦都會講及一系列關於心理學嘅知識，令你更加了解自己，繼而吸引到你想要嘅女人。 

巴打如果你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇；

因為你嘅支持喺能夠幫到我哋成長，繼而製造更多價值比你。 

有咩問題，就下面留言比我知啦，我哋下集再見！

巴打，我有少少好奇啊，就係我想問下，究竟你依家心目中嘅女神係點樣架呢？

你會唔會係好想搵到一個會冇條件愛你嘅人，一個願意接受你唔完美但會『做番自己』嘅你呢？ 

又或者你會唔會好想要嗰種好純真好浪漫充滿愛嘅愛情，希望雙方可以坦誠溝通，希望佢可以理性地同你有商有量，然後就咁樣和睦共處地一齊走埋下半生呢？

Well巴打，如果你腦海裏面仍然有呢種幻想中理想化浪漫化嘅女人嘅話，我只能夠同你講：

呢一刻嘅你仍然係充滿住好深厚嘅Beta思維，你仍然係期待得到電影迪士尼童話式裏面所描繪嘅純真愛情。

你聽得多我喺MTFU裡面教你嘅嘢，我相信你都明白女人口中所講嘅嘢10次有11次都唔係表面嘅意思；

好多時你都係要觀察佢語言偽術嘅弦外之音，你要留意當中嘅潛台詞，你先至會get到女人所講嘅真正意思。

但係如果你坦白地問自己，你其實內心係咪唔多唔少都好想女人係一個絕對誠實，絕對理性，絕對知道自己想要乜，然後同你講得清清楚咗嘅生物呢？ 

每次我透過一系列Beta男犯錯嘅案例去警惕你唔好犯錯，去教導你全新嘅思維行為模式去同女人對弈嘅時候，你當時係咪意識上係明白我所講嘅嘢；

但係去到你自己遇上某條女嘅時候，又會突然之間唔知點樣畀佢落咗魔咒，好容易又重蹈覆轍做番你以前慣性嘅Beta行為呢？

我今日之所以問你一系列問題，係因為過咗咁耐，仍然有巴打間唔中問我『究竟女人想要咩？』 類似嘅問題，仍然有巴打唔明白點解佢鍾意嘅嗰條女唔鍾意自己，

甚至有啲巴打唔明白點解我哋唔可以簡單直接地聽女人講話佢想要咩，就提供啲咩畀佢哋，繼而得到我哋想要嘅嘢。

Well，其實呢條問題係好簡單㗎咋…

『究竟女人想要咩』呢條問題之所以會困惑咗咁多知識份子咁多年，原因就係：

一係女人根本冇咁樣嘅自我意識能力或者自我坦白，去勇敢承認大部分女人整體上想要咩男人；

又或者一係某啲女人其實知道自己想要咩，但係佢哋就故意喺唔同公開或者私人場合誤導身邊嘅男人，盡量唔畀大部分男人知道自己行為背後嘅真正動機，透過咁樣嘅形式去篩選一啲真真正正『唔使講都get到佢想要咩』嘅男士。 

我嘅意思係：咁多男人之所以唔能夠準確地解答到『究竟女人想要咩』呢條問題，原因就係兩性之間嘅生存與繁殖本身就存在利益衝突；

所以越少男人明白兩性之間嘅遊戲點樣玩，女人就能夠越有機會喺呢個遊戲暗地裏勝出。 

女人想要啲咩？

答案就係：女人最想要嘅就係男人唔知道佢擁有雙重嘅交配策略，佢一方面想短期地同一啲大隻靚仔好玩夠曳夠支配性夠多女爭嘅性感型男上床搞嘢；

但係另一方面又想長期地塑造自己係一個好乖好pure嘅鄰家女孩，希望吸引到一啲有錢有資源有社會地位品格良好，會錫佢會陪佢會願意無條件愛佢嘅『好丈夫／好爸爸』，去照顧佢自己同佢嘅骨肉一生一世。

而女人之所以唔會同你講得咁白咁清楚，

原因就係因為女人係可以瞞著自己男朋友或者丈夫同一個性感型男搞嘢得到佢嘅優質精子，確保咗後代有優質基因之後，就返返去佢嘅老公身邊繼續落迷藥，等佢有錢嘅老公繼續幫手湊一個唔屬於佢嘅骨肉！

咁所以係一個大部分男人都係以『好丈夫／好爸爸』努力工作賺錢養家嘅mindset做人嘅時候， 女人有點可能冒險畀你知道佢其實未必係真正愛你呢？

又或者佢就算係比你嘅愛打動，心裡面知道你喺一個好男人，佢又點可能冒險同你講話其實對你冇性慾，其實佢想被其他型男屌自己，令到一個好愛佢嘅人有機會同佢分手離婚呢？

所以女人最想要嘅，就係佢想你『繼續努力賺錢成功，去做一個有用嘅人』，但係就完全冇意識唔知道我以上同你講嘅內容，希望你繼續活喺你嘅荷里活迪士尼戀愛世界裡面，

然後一輩子都好似電影Matrix裡面嘅大部分人咁樣，繼續活喺一個嘻嘻哈哈愛情純真嘅虛擬世界裏面，協助佢達到佢嘅背後嘅目的。

巴打你要帶走嘅，並唔係要痛恨女人背後竟然有咁樣嘅目的，因為坦白講，呢個只係女人作為一種表面相對弱勢嘅生物，需要傳宗接代最好嘅策略。

你無需要痛恨呢個兩性遊戲真正嘅玩法，你需要做嘅就係透過今集知道遊戲規則之後，思考一下點樣根據呢啲大自然嘅規律，

去盡量position自己去到一個較為優越嘅位置，令到女人冇辦法唔根據佢嘅交配策略去揀你。

如果巴打你有興趣透過今集嘅內容學得更深嘅話，你可以電郵去support@manthefvckup.com，去查詢關於我哋MTFU Insider嘅完整深入課程喇，

因為除咗我哋會教導你關於兩性關係同埋成功嘅技術之外，我哋亦都會講及一係類似今集關於心理學嘅知識，令你更加了解自己，繼而吸引到你想要嘅女人。 

如果你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇；

因為你嘅支持喺能夠幫到我哋成長，繼而製造更多價值比你。 

有咩問題，就下面留言比我知啦，我哋下集再見！

歡迎嚟到《The Chemistry Between Us/我們之間的化學反應》Ep.04，今集我哋會講呢本書嘅Ch.3 The Power of Appetide/性慾魔力；

解釋點解世界上會有咁多大大小小嘅性醜聞，點解人類咁多時都會捨棄自身利益，為咗性愛而放棄跟隨社會規則／大眾預期／甚至自己多年嘅信仰；

同埋點解其實每個人都有自己大小程度獨特嘅性癖好，就算係有權力有知識理智成功嘅人，佢哋有時一樣會好多時都會屈服喺自己嘅性慾望之下，做一啲反常嘅行為； 

如果巴打你鍾意呢個topic或者類似呢本書嘅系列嘅話，就請你而家率先LIKE咗呢段片同訂閱我地MTFU嘅頻道先啦！

重點＃1 巴打請你諗一諗，過咗幾千年嘅法律與社會規則，道德嘅教化同行為規範，又或者一啲律己以嚴嘅個人原則，點解我哋有陣時都唔明能夠抑壓自己想要性愛嘅慾望呢？ 

點解我哋大腦『想要嘅嘢』同『應該要嘅嘢』之間成日都出現矛盾呢？無論係性愛又或者普通食嘢，點解人類總會有某啲行為，係極難有規律地做出一啲理性行為呢？ 

經濟行為學家George Loewenstein形容呢種現象叫做『hot cold empathy gap／冷熱同理差距／情緒差異』，講緊嘅就係你喺凍嘅狀態，你通常就能夠運用你有意識嘅頭腦去咗出一系列決定；

但係當你被一系列內在因素影響嘅時候，你就會進入一個熱嘅狀態，你就會比較難抵抗誘惑，做出一啲不理智將來可能會後悔慚愧嘅行為。

問題係點解我哋都會有呢種嘅drive／動力呢？呢種嘅非理性，又可以帶畀我哋有咩好處呢？想明白嘅話，我哋就要了解一下自己嘅大腦結構。

重點＃2 當我哋有食慾或者性慾嘅時候，我哋大腦嘅Reticular Activating System／腦部網狀刺激嘅系統就會被激活，產生一系列feel good嘅良好感覺；

由於RAS係可以命令大腦集中喺特定嘅感官訊號，而忽略其他感官訊號，

所以RAS有時係可以透過『固執沉迷』，控制人類做出一啲自我摧毀嘅行為，無論係暴飲暴食，定係為咗性愛嘅快感而犧牲飲食睡眠直至死亡。 

以上就係科學家從白老鼠嘅實驗得出嘅結論。

佢哋發現咗，就算老鼠天生係一夫多妻制；當一隻雌性老鼠對特定嘅雄性老鼠產生偏好嘅時候，佢係會基於嗅覺偏向繼續選擇同一隻雄性老鼠交配。 

同樣地，當人類透過性愛或者藥物享受到快感嘅時候，人類亦都會偏向繼續留喺嗰一個特定場合位置上，繼續癡癡迷迷地迷戀嗰一種色情嘅快感，繼續想留喺嗰一個地方繼續接收特定嘅感官信號。

換句話嚟講，人類同白老鼠一樣，我哋都係會特別記得自己享受到快感嘅第一次，然後我哋就會將嗰一個環境同快感associate／關聯埋一齊，

然後呢種嘅動力有時係可以推翻凌駕我哋原本嘅傾向，令我哋嘅性傾向或者行為有所改變。 

譬如話：當一隻雄性老鼠第一次嘅性經驗喺同一隻帶有檸檬味嘅雌性老鼠搞野，咁樣佢將來有得揀嘅時候係好大機會，會揀返帶有檸檬味嘅雌性老鼠。

人類亦都一樣，我哋喺邊度享受過最正最難忘嘅性愛，我哋亦都會對於相應嘅地方產生偏好，即使嗰啲地方可能係好噏耷，譬如話時鐘酒店或者某啲奇怪地方。

呢種就係叫做reward-based learning／以獎勵為基礎嘅學習過程，令到男人同女人都學識點樣work for sex，

為得到性愛而做事，無論係變得更加浪漫／學識調情／買花買禮物／著衫打扮得性感暴露啲／模仿對方鍾意嘅口味／定係努力搵錢等等。

所以當你將某啲嘢associate為可以獲得性愛嘅途徑，咁『嗰啲嘢』就會成為你嘅trigger／觸發點，令你有動力地去做嗰樣嘢，從而得到令你流曬口水嘅性愛獎勵。

我哋點樣設計一個環境，係會絕對影響我哋嘅性慾同埋動力。

重點＃3 聽到呢度，巴打你又能唔能夠根據以上嘅知識，明白到性癖好又係點樣形成嘅呢？

Well，頭先我哋未講嘅就係，Dopamine／多巴胺係可以將到我哋嘅Prefrontal Cortex／前額葉皮質區『滅聲』，令到我哋暫時嘅所有註意力喺曬自己嘅性慾上面。

酒精藥物或者做完大量用腦嘅工作，都係可以令到我哋嘅前額葉皮質區放鬆，令到我哋冇咁抑壓控制自己嘅性慾。

當人類每次透過性交感受到強烈嘅性滿足嘅時候，每一次我哋都係prime緊自己透過嗰次經歷嘅環境信號得到快感；我哋越喺透過呢啲性交得到滿足，我哋對附近環境嘅關聯就會變得越強。

久而久之，呢啲射精與高潮嘅性愛經驗就會開始改變我哋嘅大腦，我哋就會開始對特定嘅女人或者環境產生極強烈嘅偏好，最後有可能成為極端嘅性癖好。

所以就算從進化學上嚟講，雖然呢啲性癖好未必會令到我哋會繼續揀返一啲樣貌對稱，擁有低腰股比例嘅索女；但係我哋之所以會做一啲白痴嘢，係有陣時我哋純粹想滿足我哋嘅性癖好，繼續做返一啲曾經得到過獎賞嘅行為。

咁所以喺極端嘅實驗裏面，就算白老鼠同人類一樣係會極厭惡死屍嘅臭味，但係如果嗰隻老鼠第一次搞嘢係聞著呢啲腐屍味，怎樣佢將來好可能搞嘢嘅時候都想繼續尋找臭屍味！

又或者如果佢第一次嘅射精係透過皮褸嘅觸感令到自己射精，皮褸就會好可能成為挑起性慾嘅信號，最後透過皮褸嘅觸感令自己再次高潮。

重點係：當我哋嘅大腦做某樣嘢嘅時候釋放得越多多巴胺，我哋就會越有動力去達到任何形式嘅目標，無論背後嘅代價係啲乜嘢。 

咁所以巴打，你又可以透過乜嘢形式嘅獎賞，去比自己更多動力做你想做嘅嘢呢？

如果你明知性愛快感係可以咁有威力地影響你之後嘅行為，你又可以點樣有策略地利用你每次做愛嘅session，鋪排你之後擁有更多非比尋常嘅意志，去得到更多成就呢？ 

你又可唔可以諗到一啲方法，專登設計特定嘅系統，特登令到自己要去work for sex，令到你每一次嘅性愛都特別身心暢快呢？

如果巴打你鍾意呢個系列嘅話，請你記得LIKE呢段片，訂閱我地MTFU嘅頻道，同埋分享呢段片出去啦！因為你嘅支持喺能夠幫到我哋成長，製造更多價值比你。 

我哋聽下一集就會講Ch.4，The Mommy Circuit／母性回路，解釋一系列荷爾蒙點樣影響女人產生母愛，你阿媽點樣影響你成長嘅嘢；

所以萬勿錯過，我哋下集見！

巴打，唔知道你有冇留意得到好多兩性關係上失敗嘅男士，無論係溝唔到女定係溝咗女之後被女恰被女剝削，

往往都係一啲內心極度仇恨女人呢種生物，潛意識地想報復嘅男人呢？ 

又或者當巴打你開始明白兩性關係嘅遊戲點樣玩，慢慢開始得到成績之後，

總會發覺愛上你嘅女人成日都想攞你更多時間，想一個人獨霸你，唔多唔少都影響咗你嘅生活模式甚至阻礙你繼續打拼你嘅夢想呢？

如果你想明白女人咁錯綜複雜自相矛盾嘅行為嘅話，其實你只需要代入佢哋嘅世界，明白佢哋嘅現實真相；

你就會能夠理解佢哋嘅行為動機，睇得到佢哋點解有陣時可以咁美麗但係又可以咁邪惡，然後甚至可以開始慢慢化解你對佢哋嘅怨恨。 

＃1 譬如話：男人同女人兩性之間之所以會出現咁多矛盾同衝突，好多時都係因為我哋兩種生物嘅生理結構係有極大嘅差異。

如果你有一直支持開MTFU訂閱咗我哋嘅頻道，

或者醒目地去咗manthefvckup.com/7dayfreecourse 上咗我哋嘅免費兩性課程，

你係應該知道女人嘅人生高峰期永遠都係佢青春美麗三十幾歲前嘅階段；

而大部分男人嘅人生高峰期往往都係過咗三十幾四十歲之後，建立咗自己各方面實力權力影響力之後，先至會終於享受到人生。

＃2 原因就係因為女人只有極短暫十幾年嘅生育能力，但係男人keep得好嘅話，佢喺可以擁有40幾50年嘅生育能力。

基本上，女人去到30歲，佢嘅生育能力好可能已經比起十八歲嘅時候跌咗超過一半；

而過咗40歲，佢嘅生育能力好可能淨係得番少於10%，所以你會見得到好多女士去到30幾40歲係極難生到bb，而且生到都好高風險。

但係調返轉，男人肯透過飲食運動健康keep住自己副誡，調整自己嘅荷爾蒙水平等等嘅話，好多去到50幾60歲嘅男士都係仍然可以生到仔。

＃3 咁所以喺呢個殘酷嘅生理現實裏面，你又點可以預期女人唔去透過自己嘅青春美色，盡量吸引高價值高質素嘅男人，然後透過心理手段收服佢呢？

大部分嘅男士，又點可以預期自己後生廿幾歲嘅時候，可以同大部分女人一樣得到相同嘅社會優待，並且係呢場對弈之中贏得到呢？ 

更加重要嘅就係，你又點可以畀自己咁短視，唔去建立你自己嘅技能／社會價值同人生閱歷，去為自己將來數十年鋪路；

甚至廿零三十歲頭咁快就愚昧地commit落某條已經去到人生頂峰嘅女到，將自己將來更加豐盛嘅可能性一次過毀滅呢？

＃4 從以上嘅例子，各位巴打你都可以睇得到：男人同女人根本就係喺唔同嘅時間線上面玩緊唔同嘅game。

去到25歲後嘅女人之所以咁想男人commit落自己到，係因為佢知道自己嘅青春美色已經開始下降，生育能力亦都急速下降緊…

所以佢再唔用一切正邪手段將佢吸引到最Alpha嘅男人變成Beta嘅話，佢將來好可能成為一個冇人要冇人錫嘅孤獨寡婦。

而調返轉，雖然男士係有較長嘅時間線讓自己變得更高性價值，

但係如果男士後生嘅時候浪費青春喺度YOLO，唔願意投資時間能量去提升自己各方面嘅能力嘅話…

佢後生嘅時候一樣會因為低價值而溝唔到女，

而去到中年嘅時候亦都會因為缺乏實力／能力／成就等等而繼續一敗塗地溝唔到女，將來好可能就會繼續冇仔送終。

＃5 所以講到尾：男人同女人各自都有自己嘅苦衷，各自都有自己最理想嘅短期長期吸引異性策略， 去令到自己喺進化論上面成功傳宗接代。

男人要明白點解女人面對一個低價值嘅你可以咁無情冷漠；

但係睇得你上眼嘅時候，佢就可以咁開放去透過自己嘅性魅力同心理手段，競爭贏得到你芳心。

女人亦都要明白，點解佢唔應該痛恨投訴一啲年少氣盛有壞男孩味道嘅玩家食家；

而當一個男人成功嘅時候，佢會咁挑剔你嘅外貌身材，點解佢覺得你性格唔好嘅時候佢可以唔鳩理你感受，而且點解佢更有慾望擁有多條索女。

無論聽緊嘅你係男人定女人，每次你指責對方嘅時候，

你不妨代入對方嘅性別同情況，感受下佢哋背後嘅行為動機…

因為如果你係佢嘅話，其實好可能你都會做相同嘅決定。 

巴打絲打如果你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇；

因為你嘅支持喺能夠幫到我哋成長，繼而製造更多價值比你。 

有咩問題，就下面留言比我知啦，我哋下集再見！

巴打，唔知道你會唔會覺得坊間好多教你溝女嘅pickup games好似好低b，唔係太適合你嘅年紀去運用呢？

又或者會唔會覺得去到你呢個年紀，仲要喺條街上面無所事事地喺度識女仔，成個感覺好似好唔自然呢？ 

Well，你嘅擔心係可以理解嘅，因為當你去到30幾40歲呢個年紀，你的確行為上係唔應該好似一個靚仔咁樣咁低b咁yolo，咩都唔理淨係喺度game女；

社會上亦對你有一系列嘅expectation，係會預期你以某一種形象去示人。

咁所以巴打如果你係年紀相對大嘅青年或者踏入壯年嘅時候，你又應該點樣溝女結識異性呢？ 以下有兩招同各位分享。

＃1 第一樣最重要嘅元素，就係你要盡量比女人感覺到你係一個有權威有authority嘅男人。

所謂嘅authority，就係講緊你喺一啲高壓力嘅情況或者對質情況下，你係畀人感覺你有權威去控製成個情況點樣發生，你係清晰地知道下一步應該點做。

雖然喺呢個年代某部分嘅紀律部隊一啲都唔自律，但係假設你係一個正義嘅執法者，

當你見到有人超速駕駛嘅時候，你係知道自己有權威去整停架車，跟住叫個司機熄匙落車身份證唔該嘅。 

運用返呢一個概念係你溝女上面，你其實係有幾樣嘢可以做，令女人覺得你成熟有權威嘅。

譬如話：你喺任何社交場合上面結識異性，好重要嘅就係你嘅衣著服裝係畀人感覺『成功／有成就／有社會地位』。

去到你呢個年紀，一套度身訂做嘅西裝，又或者一啲fit你身材嘅恤衫西褲，加埋一對高質素嘅皮鞋，其實係頗為重要。

雖然我唔係叫你每次溝女都要著得咁formal，

但係巴打你的確係可以透過你嘅外觀同衣著大大增加你嘅權威性同埋成熟程度，令男人女人至少都會自動尊重你。

咁所以喺呢個年紀嘅巴打，你係應該開始模仿一啲典型嘅成熟型男，譬如話60年代外國嘅Dean Martin, Frank Sinatra 同埋花花公子創辦人Hugh Hefner，

又或者現代少少嘅李安納度，佐治古尼，Johnny Depp，Brad Pitt…

又或者亞洲裔嘅金城武，高以翔，車勝元，郭富城，吳彥祖，古天樂，張晉，謝霆鋒，余文樂等等令女人垂涎三尺嘅成熟型男形象，去睇下佢哋散發出嚟嘅味道點解會迷倒萬千少女。 

＃2 第二樣同樣重要嘅事情就係：年長嘅巴打你係應該要有一種『我已經見識過好多女人』嘅態度同mindset去同女人對弈。

意思即係話：好多30幾40歲嘅巴打都忘記咗，去充分利用自己嘅成熟程度同人生智慧去溝一啲相對細個年青嘅女士。

女人的確係傾向鍾意一啲俾自己mature嘅男士，

咁所以你就要有一種『我已經見識過女人千千萬萬嘅溝仔技倆，所以條女講啲乜嘢做啲乜嘢都唔重要，大家都其實只係一齊享受緊呢個誘惑遊戲啫』牢不可破嘅框架！

你係知道佢玩緊，你係知道溝仔溝女其實都係得意game，你今晚喺度淨係想have fun，所以你唔需要諗多咗過份詮釋每一樣事情嘅細節。 

巴打你唔好誤會，呢種『已經見識咗好多女人』啲態度並唔係叫你扮到超級高傲冷漠，又或者特登扮對條女冇興趣。

所講嘅其實係：雖然你都係一個會少少淘氣調皮地approach女人友善嘅男人，

但係因為你暗地裏知道『女人所講所做嘅嘢背後嘅潛台詞』，所以你內心係覺得呢啲重複又重複出現嘅事情好搞笑。 

如果你唔識點運用呢招嘅話，其實你只需要想像你眼前嘅呢條女，係一個八九歲嘅小妹妹。

你係唔會太過在意佢高傲嘅態度，亦唔會太過在意佢高低起伏冷冷暖暖嘅情緒反應。

佢畀正面反應你嘅時候你唔會覺得好出奇，因為你已經經歷太多；

相反佢畀負面反應你嘅時候，你亦都唔會有太大反應，因為你已經見識過好多類似短暫嘅shittest。 

呢種就係一啲有知識有閱歷識得點樣handle女人嘅成熟程度，亦都係好多年輕女人暗地裏希望透過成熟男人得到嘅感覺。

假設巴打你現時嘅體能身材都係keep得好好，亦都建立到一定程度嘅財富地位，其實你現時年長成熟嘅形象，係可以比起你十幾廿歲嘅時候有吸引力多幾百倍。 

唔知巴打你又會唔會立即開始透過呢兩招，去吸引你想要嘅女人呢？

如果你想學習得更多更深入嘅話，就記得去www.manthefvckup.com/7dayfreecourse呢個網址裏面開始我為你製作嘅七日嘅免費課程啦。 

巴打如果你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇；

因為你嘅支持喺能夠幫到我哋成長，繼而製造更多價值比你。 

有咩問題，就下面留言比我知啦，我哋下集再見！

歡迎嚟到《The Chemistry Between Us/我們之間的化學反應》Ep.03，今集我哋會講呢本書嘅Ch.2 The Chemistry of Desire／性慾背後的化學反應，

解釋點解荷爾蒙嘅變化，係會直接影響男人同女人各自嘅性慾，讓你明白點解好多嘅愛情感覺其實都係一系列化學反應作怪。 

如果巴打你鍾意呢個話題或者類似呢本書嘅系列嘅話，就請你而家率先LIKE咗呢段片同訂閱我地MTFU嘅頻道先啦！

重點＃1 點解好多男仔細個嘅時候對女仔可能冇乜興趣，但係去到十零歲青春期嘅時候，見到一啲性感女人嘅時候，就會突然之間好有性興趣，跟住開始咗自己打飛機嘅生涯呢？

原因其實好簡單，可能巴打你都知道，就係因為男仔去到青春期嘅時候，身體就會突然之間製造大量嘅睾丸酮，令到男人嘅大腦無時無刻都係諗住性愛想搞野。

呢種嘅睾丸酮激活係可以維持好耐， 只要男士嘅健康良好，佢去到人生後期先至會開始下降減少性慾。

另一方面，其實當女仔開始第一次排卵嚟M嘅時候，女仔都會好似男仔被呢啲青春期嘅荷爾蒙搞到自己開始有性幻想。

雖然女人身體嘅荷爾蒙指數每一個月都為準備懷孕而有升有跌，導致佢哋通常比起男人無咁每一秒都想做愛；

但呢啲強勁嘅化學物質唔單止會影響咗我哋點樣睇世界，佢亦都會大大影響我哋平時嘅行為舉動。

重點＃2 究竟呢啲荷爾蒙變化會點樣影響女人嘅行為呢？

原來當女人進入排卵期（最容易受孕）嘅時候，佢潛意識地係會更加願意冒險同陌生人上床，更加主動同男人調情，更加願意睇咸片，

更加prefer一啲粗曠型嘅型男多過一啲樣子唔錯嘅『好仔』，會避免接觸自己嘅老豆，會食少啲嘢keep fit，會更著重買衫買鞋化妝整靚自己等等。

遇上一個心儀嘅男人嘅時候，佢可能自己都唔為意會成日整自己頭髮，會側著頭同男人傾計，間唔中喺度玩自己耳環，擺手指係自己嘴裏面，有時甚至坐喺度都會傾前同男人傾偈，因為潛意識地佢係想透過自己嘅胸部令男人更加注意自己；

而且就算佢最近同男朋友去過旅行，佢可能都會無意地淨係講話同朋友去旅行，無意地令到自己男朋友被消失。

呢啲嘅行為變化女人有時自己都未必察覺得到，但係當佢哋排卵嘅時候，好多時佢哋都係會更加主動令其他人知道自己嘅availability。

咁所以喺排卵期啱啱開始，排卵期間，同埋排卵期之後短短嘅呢段period，呢啲荷爾蒙嘅改變唔單止會令到女人出現生理變化；

佢嘅大腦亦都會同時影響佢嘅行為，從而增加佢受孕嘅機會率，令到佢唔會嘥咗粒卵子。 

咁所以女人睇呢段時間就會想要『短暫嘅刺激』，多過透過邏輯去揀一個『長遠嘅好爸爸』；佢會著重揀一個『充滿自信支配性嘅贏家』，多過揀一個『品格良好對佢無私奉獻嘅好伴侶』，呢段時間佢唔會太過care你係咪一個勤力用心工作忠誠嘅男人。 

簡單講，女人想唔想放鬆享受性愛好大程度地都取決於佢雌激素／estrogen嘅指數。

當佢嘅雌激素夠高嘅時候，女人就會感覺更加安全；

而作者話紅酒／燭光晚餐／同埋浪漫音樂有陣時之所以會有效地調情，其實只係因為呢啲氣氛可以減低女人嘅緊張程度，令到女人可以聆聽自己身體裏面高昂嘅雌激素，從而享受性愛。 

重點＃3 點解男人長期都諗住性愛，見到索女隨時都ready好去搞嘢，而女人唔需要做啲咩都可以搞到男人欲仙欲死呢？ 

原因就係：大部分男人之所以咁easy易溝，係因為我哋嘅雄激素受體／androgen receptors長期都被撻着， 令到雄性嘅捕乳類動物隨時都可以同一啲排卵中嘅雌性動物交配。

尤其是當我哋十零廿歲卜卜脆後生嘅時候，我哋嘅睾丸酮指數係喺人生嘅巔峰；

精子係唔值錢嘅，我哋每日都製造過千萬粒嘅精子，所以我哋嘅睾丸酮就好似煲熱水一樣，隨時可以候命開水喉爆出嚟，隨時都有性慾ready好去交配。

咁所以聽到呢度，巴打你應該意識到你嘅睾丸酮指數有幾重要。

因為研究發現咗，原來男人做咗爸爸之後，或者當佢要湊小朋友嘅時候，佢嘅睾丸酮就會急速下降。

原因係因為照料看護嘅工作係會降低睾丸酮，令到大腦可以集中照顧小朋友，而令男人無咁兇猛勇武想打交，個人冇咁嬲，並且冇咁大意欲出去搵女人做愛搞嘢。 

另外一啲有趣嘅發現就係：當我哋支持嘅球隊輸波或者打輸仗嘅時候，我哋嘅睾丸酮係會下降；當我哋揸一啲家庭式舊車嘅時候，或者長期結婚嘅男人，或者啱啱畀老闆炒魷魚嘅男人，佢哋嘅睾丸酮都會下降。 

調返轉，當我哋贏嘅時候，無論係打波打仗定係捉棋選舉贏咗，我哋嘅睾丸酮都會增加令到我哋更加有自信；而有自信嘅時候，亦都會增加我哋下一次贏嘅機會率。

揸名貴跑車，聞到身邊有排卵中嘅索女，同索女傾計等等呢啲全部都會增加睾丸酮。

研究人員之前就係脫衣舞夜總會做實驗，發現咗排卵中嘅女人永遠都會收到更多tips；

原因就係男人嘅身體係有能力透過嗅覺，透過聆聽女把聲，透過身體觸碰同埋觀察女人有自信嘅行為，確認一啲處於排卵期嘅女人。

而當男人偵測到呢樣嘢嘅時候，佢嘅身體就會增加睾丸酮，令到佢自我感覺更良好，最後更有動力畀多啲貼士。 

最後重點＃4 其實女人炫耀自己嘅青春同埋生育能力，唔單只係為咗想吸引男人，原來同時間都係想散發訊號比其他競爭對手。

意思係：其實女人之間都係激烈地互相競爭，當佢哋排卵期遇上心儀型男嘅時候，佢都要知道自己係有能力擊敗其他女人得到呢條仔。

咁所以每逢佢去到一啲個個著得靚嘅場合，女人都會特登揀啲更性感嘅服裝去暗地裏競爭，確保自己係最有吸引力。

而每逢女人嘅對手越係有威脅，佢就越有壓力打扮得更索，去增加自己交配嘅成功率。 

調返轉，每逢男人感覺到自己女人進入排卵期嘅期間，男人都會傾向出現一啲『保護配偶／mate guarding』嘅行為，會問女朋友去咗邊度同咩人見面，會變得更加妒忌，會更加主動花時間同條女一齊，會更加流露對佢嘅愛與忠誠。

Anyway巴打，如果你明白今集Ch.3所講嘅嘢嘅話，你就會明白點解你需要提升你自己現時嘅睪丸酮指數，同埋點樣透過以上嘅資訊增加自己吸引力。

所以當你知道呢啲化學反應點樣影響你嘅性慾之後，你又會點樣喺溝女兩性關係上面突圍而出呢？

巴打你鍾意呢個系列嘅話，請你LIKE呢段片，訂閱我地MTFU嘅頻道，同埋分享呢段片出去啦！

我哋下一集就會講Ch.4，The Power of Appetite/性慾魔力，萬勿錯過，我哋下集見！

巴打，唔知道依家聽緊嘅你係咪一啲80後或者更早嘅巴打呢？

如果你90年代已經出咗世嘅話，你好可能係曾經睇過一出叫做《Friends》嘅美劇，

內容係講及年輕嘅三男三女點樣可以好好朋友地住埋一齊，一齊喺紐約面對不同嘅處境，而《Friends》當年亦都係風魔一時非常流行嘅電視劇。

如果巴打你有追開MTFU嘅片，你係應該知道我曾經講過話男人女人之間係冇可能做到純精神友誼柏拉圖式嘅無性朋友；

就算你見到街上有好多男女friends都好，男女嘅友誼永遠都係不及男男同性嘅友誼。

點解呢？原因有好幾個。

＃1  男女之間嘅友誼之所以唔能夠好似男男同性之間嘅友誼咁坦誠咁對等咁牢固，原因就係男人同女人係會以唔同嘅思維模式去看待友誼。

譬如話假設你依家有個女性朋友，去到將來某一點佢係會親密地同第二個男人一齊。

喺嗰一個時刻友誼好多時都會開始腐爛，因為九成九嘅時候佢都會捨棄你，令自己親密嘅關係成長。

調返轉，當你同某條女變得親密嘅時候，佢就一定會開始逐一審問關於你所謂『女性朋友』嘅個人底細，最後亦會因為佢嘅妒忌同懷疑，而令到你同女性朋友嘅關係逐步消失。

講到底，男女之間之所以唔能夠做到交心朋友，原因就係因為男人同女人本質上根本就唔同，各自都有本質上嘅利益衝突。

因為基本上男人揀得嘅女性朋友，極少係會揀一啲樣衰嘅豬扒做朋友；

男人揀得嘅都係一啲佢睇得上眼有性趣，但會抑壓自己性慾去維持純友誼關係嘅女人。 

咁所以男女之間一日存有『性慾想屌對方』嘅暗湧，一日佢哋之間嘅所謂友誼都唔係100%純真，佢哋始終唔能夠去到盡成為交心朋友；

雖然呢一樣嘢聽落好似好白痴，但係呢一樣嘢都係人類生理機制限制我哋嘅兩性真相。

#2 當然我咁講唔係話你唔可以同女性平水相逢地接觸，或者有一啲女性嘅泛泛之交，或者唔能夠同其他女同事工作上合作啦！

男人同女人絕對係可以喺唔同範疇上面合作，你亦都冇需要無禮貌地忽視所有『你屌唔到／唔想攪』嘅女…

但係性別嘅差異，的確係會直接影響友誼之間嘅質素。

就算你真心對你嘅女性朋友無任何非份之想，你其他親密嘅兩性關係，亦都絕對會因為呢種『異性友誼關係』而受到限制，因為兩性之間永遠都會存有sex嘅可能性。

巴打你諗下，

如果你條女同另一個所謂『男性朋友』非常親密地花有質素嘅時間一齊，

你又會唔會有少少妒忌，並且有少少懷疑佢哋之間嘅親密程度係咪真係純粹友誼式嘅親密呢？

調返轉，當你好好嘅『女性朋友』某一日同另一個男人非常親密，佢開始對你嘅注意力下降，佢開始需要捨棄你哋嘅關係，

你又會唔會因為呢種友誼嘅變質感到失望，甚至希望自己先至係嗰一個佢性愛上會親密嘅男人呢？

＃3 今集講咗咁耐，我希望巴打你帶走嘅重點係：

你嘅女性朋友永遠都冇可能成為你身邊真正可以信賴嘅兄弟。 

好嘅兄弟係會教你點樣性愛上成功，但係你最好嘅女性朋友永遠都唔會教你點樣食更多女；

因為如果你真係變得更有魅力有吸引力嘅話，點解佢自己又唔獨霸享受你呢？

巴打你要小心嘅係，小心自己身邊有太多女人受女人影響；

因為你長時間淨係同女人一齊嘅話，你都會潛意識地被女人同化，以女人嘅思維模式做人，而忘記咗點樣做返一個雄性男人。

所以你唔需要妒忌一啲同女人玩得好埋嘅男人，因為雖然佢哋表面上好似好風光咁，

但係其實好大機會嗰班女人只係當呢條仔係一個基frd，佢哋性愛上係絕對同佢扯唔上任何關係！

巴打你覺得今集有價值鍾意嘅話，就Like呢段片，訂閱我地MTFU嘅channel並且分享出去喇。

有咩問題，就下面留言比我知啦，我哋下集再見！