作者: Man神

巴打，相信你都應該知道要由一個朋友身份提升去有性愛情人身份呢一個過程係極之困難，亦都係點解你唔應該同條女扮friend跟住嘗試溝佢嘅原因。

如果你唔想放自己落friend zone嘅話，或者你唔想扮曬對條女冇性趣但係又唔想太過aggressive地溝佢嘅話，你又應該點樣製造性吸引力呢？ 

呢個就係我哋今集探討嘅溝女內容，如果你鍾意呢個topic嘅話，就請你依家率先畀一個like呢條片，因為咁樣係可以支持到我繼續製造價值畀你！ 

＃1 首先，如果你想條女視你為一個sexual option，有機會搞嘢嘅對象嘅話，你就必須停止present自己成為佢嘅朋友或者交心知己。

你越係留得耐喺嗰一個友誼位置，你就越會令到女人覺得同你之間冇性愛上嘅化學反應，佢就只會越當你係好好傾嘅姊妹去看待。

點解？因為簡單講，無論係雙性戀嘅男人定女人，每次我哋望到異性嘅時候，我哋各自都會開始偵測對方一系列嘅興趣信號同埋大家嘅兼容性，都會喺頭幾秒一分鐘之內潛意識地決定面前呢一位異性有冇性愛上發展嘅可能性。

咁所以如果你所投射出嚟嘅訊號，完全係一種純粹友誼platonic，毫無性慾無咩慾望嘅感覺嘅話，你就係其實已經自己斬斷咗性關係嘅可能性。

但係調返轉，如果你投射出嚟嘅訊號係一種獨立得嚟又自我滿足，並且係一種有足夠自尊心去果斷行動摘取你想要嘅嘢嘅話，咁條女第一眼望到你feel到你想要佢嘅時候，好自然地佢都會開始以比較sexual嘅角度去睇你。

女人嘅天性係唔鍾意太過feminine軟弱地抑壓自己性慾嘅男士，咁所以如果你能夠更加有勇氣，至少喺你嘅腦海之中果敢地投射出較為sexual嘅vibe，女人除咗會覺得你係更強更無畏無懼之外，有時佢更加會開始幻想你好可能可以喺性愛上滿足到佢。

＃2 咁我哋又可以點樣唔creepy地製造呢種性吸引力，令女人感覺到有feel？以下有一系列嘅簡單招數你可以運用。

－ 首先就係頭先我所講嘅，你要留意一下自己依家投射緊出去嘅vibe／氣氛味道係點樣。雖然實質地形容咩叫做氣氛係比較難，但係你問下自己，你畀人嘅感覺係咪一個有自信，好玩得嚟，又冇咩顧慮暢快嘅人呢？定係你成日情感上都令到人好頹好down，搞到其他人唔係好想黐住你呢？

－ 第二就係，雖然我唔鼓勵你依靠IOI先至去行動溝女，但係你同條女傾計對弈期間，你有feel唔feel到佢係咪暗中send緊訊號畀你呢？佢係咪越嚟越貼近你，望住你成日都會不自覺地微笑，間唔中搵藉口摸你呢？

－ 第三樣好重要嘅就係，你唔好太過質疑自己嘅判斷或者能力，因為每次你等得太耐都唔行動，你嘅大腦就會開始搵到一系列淆底嘅原因，令到你冇自信地繼續溝佢。 

所以就算你有可能會fvck up呢次接觸或者關係，你都要冒著風險assert你想要嘅嘢，你都要嘗試去領導大家去到有性愛嘅位置，無論只係輕輕攞佢電話contact，定係今次第三次約會你想帶佢去開房。

要記住，尷尬地或者樣衰地被拒絕，總會好過你以後一輩子後悔冇行動而唔知道結果。習慣冒險行動，你先至唔會再畀呢啲不確定性搞到你一次又一次失去你嘅目標女性。

咁所以簡單講：如果你想同條女瞓嘅話，你就完全自豪shameless地去嘗試做呢件事，唔好自卑地隱藏你嘅性意圖。

當然我唔係叫你做埋啲超級低俗地周街摸女人呢啲變態佬行為啦；我所講嘅係你要present自己成為一個知道自己想要咩，然後會果斷勇敢行動去爭取嗰樣嘢，並且會領導大家去到你想去嘅位置。 

如果你能夠簡簡單單做到咁樣嘅話，你就會好自然地喺你想要嘅女人面前製造到性吸引力，女人亦都會覺得你更加sexy！

如果巴打覺得今集有價值嘅話，就請你Like呢段片，訂閱我地MTFU嘅channel並且分享出去喇！

因為你嘅支持喺能夠幫到我哋成長，繼續製造更多價值比你。 

有咩問題，就下面留言比我知啦，我哋下集再見！

巴打，唔知道『愛情』呢兩個字會令你諗起咩畫面呢？

你會唔會即刻喺腦海浮現出一對拍咗拖五年嘅男女，喺海邊拖住手漫步嘅畫面呢？

定係你會見到一對經歷咗50年老夫老妻，同佢嘅子子孫孫影全家福，個個睇落都開開心心嘻哈大笑嘅溫馨畫面呢？

Well，相信你曾經對L.O.V.E.呢個字都有一定程度嘅憧憬，你會幻想戀愛總會係甜甜蜜蜜開開心心，你會幻想同你一齊得嘅人一定係會愛你所有嘢，你甚至會幻想眼前呢個情人將會點樣同你一齊建立家庭，生兒育女，供書教學，最後兒孫滿堂。

如果你都有過呢一系列電影電視中投射過喺你大腦海出現過嘅畫面話，我今日需要同你分享一個會令你非常唔舒服嘅真相。 

咁所以如果巴打你鍾意類似嘅戀愛topic嘅話，就請你而家率先LIKE咗呢段片，同訂閱我地MTFU嘅頻道先；因為你嘅支持喺能夠幫到我哋成長，繼續製造更多價值比你！ 

＃1 好，究竟呢個令好多男士都痛心嘅真相係啲乜嘢呢？

答案就係：女人並唔係你想像中咁浪漫嘅人，好多時只係男人浪漫化一系列關於感情嘅嘢，然後誤以為女人就係想要嗰啲嘢。

再深入少少地講，其實好多男人都係一啲表面實際內裏浪漫嘅人，但係女人先至係一啲表面浪漫內裏實際嘅人。

咁講係即係咩意思呢？以上所講嘅嘢其實意味住一個殘酷嘅真相，就係：

女人係唔會無條件地愛一個男人，相反女人係會非常功利地去檢視你有冇足夠嘅價值提供到畀佢，佢之後先至會開始以佢嘅方式去愛你。

正如女人係冇辦法理解到男人為佢付出過犧牲過嘅嘢，女人亦都冇辦法可以無條件地以男人理想化浪漫化嘅方式，去無條件愛一個男人。 

＃2 可能巴打你聽到呢度你會覺得好灰好嬲甚至好費解，唔明白點解女人唔係嗰一種你一直誤以為『充滿愛嘅生物』。

但係我唔想你因為咁樣而仇恨女人，因為你想溝女成功嘅話，你就要客觀地明白：

女人一直以嚟身體物理上都係屬於較弱嘅性別，所以佢要自保嘅話，佢喺必需挑剔地選擇一個最有力量最有吸引力最有性價值嘅男人，先至會開始愛佢忠誠於佢。

若然女人真係大愛無私地個個都愛，同時選擇咗一個廢男去照顧自己嘅話；除咗佢嘅生存率會大大降低之外，佢下一代嘅生存率亦都會大大降低，所以女人係一定會挑選最優勝嘅男士。 

你理解咗呢樣嘢之後，下一個問題就係：既然大自然交配遊戲係咁樣玩嘅話，我地應該點樣更有智慧地去看待愛情，提升自己嘅交配價值同繁殖率呢？

＃3 答案好簡單：既然女人係唔會無條件去愛你，既然現實世界並唔係愛情宣傳片之中描述得咁純情嘅話；咁你身為男人想交配繁殖成功，你咪需要首先接受殘酷嘅現實，然後upgrade自己變得更加強，更加有力量有吸引力，去塑造自己成為一個『值得去屌值得去愛』嘅男人，令到女人冇辦法唔去揀你囉！

你要記住：女人並唔係缺乏能力去愛你，我哋講緊嘅係，女人只係缺乏以一種『被男人理想化嘅愛情觀』咁樣去愛你。

咁所以如果你願意首先放下大部分不切實際嘅『浪漫愛情畫面』，唔好咁理想化去看待兩性關係，實際少少功利少少將自己進化成為一個『唔屌唔得，唔愛唔得』嘅筍盤嘅話，咁樣你就會有更大能力吸引更多你想要嘅女人。

所以年青嘅巴打，唔好再嘗試喺女人身上尋找『無條件嘅愛』，因為『無條件嘅愛』永遠都係只能夠你自己俾自己，又或者你仲係bb仔嘅時候父母畀你。

你依家已經大個仔㗎喇，當你識得無條件地愛自己之後，就唔該你畀心機去賺取其他人對你嘅愛，去賺取女人想要你嘅慾望返嚟啦！ 

如果巴打你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇！

因為你嘅支持喺能夠幫到我哋成長，繼續製造更多價值比你。 

有咩問題，就下面留言比我知啦，我哋下集再見！

歡迎嚟到《The Chemistry Between Us/我們之間的化學反應》Ep.09，今集我哋會講呢本書嘅Ch.8嘅The Infidelity Paradox／出軌怪圈，解釋點解出軌其實喺進化論上係有佢嘅需要，解釋點解不忠係一夫一妻制裏面喺其中一樣不可或缺嘅元素，係所有動物都會有嘅正常天性。 

如果巴打你鍾意呢個topic或者想明白更多點解我哋唔應該咁輕易道德批判呢啲出軌cheating行為嘅話，就請你而家率先LIKE咗呢段片，同訂閱我地MTFU嘅頻道先啦！

重點＃1 一夫一妻制嘅矛盾之處，就係其實社交social上嘅一夫一妻制，同性愛sexual上一夫一妻制係有分別！可惜嘅係，大部分的社會就夾硬將social monogamy同sexual monogamy混為一談，令到好多人將性慾同愛誤解成為同一樣嘢。

大部分『喺現有感情出面搞嘢』嘅人，其實都係希望將性生活同佢哋所擁有嘅社交鍵／social bonding分隔開；整體嚟講， 超過六成曾經有婚外情嘅男士，都表示自己從來都無想像過會咁樣做，直至呢一樣嘢發生咗。

當然某啲嘅我哋係有動力特登去追隨更多性伴侶啦，但係其實大部分人都係好想忠誠於自己主要嘅伴侶，並唔希望輕易分開。

重點＃2 其實Infidelity不忠，並唔係由鬆懈或者死板嚴格嘅社會風俗習慣導致；相反，人類想額外得到性愛既慾望其實一直都處於我哋大腦嘅programming之中。 

譬如話生物學家會用伴侶偷獵 ／mate poaching呢個term，去形容唔少嘅男男女女喺會好似動物咁樣嘗試去偷走其他人嘅配偶，同佢短暫偷食。

假設世界上嘅婚姻有30至40%係會出現不忠，大概50%既不忠係會出現喺未結婚但排他性嘅關係上面嘅話，咁世界上其實就有大概10%嘅人嘅爸爸，並唔喺真正血脈相連嘅父親！ 

咁所以Infidelity一直都係人類行為其中一種嘅特質，

即使經過幾千年社會文化嘅教化，宗教政治制度嘅恐嚇或者羞辱，嘗試強迫將social monogamy同sexual monogamy變成同一樣嘢…又或者即使婚姻制度係嘗試透過特定嘅結構同埋法律規則去管制人類嘅性行為都好… 

好多人面對呢啲壓抑最後仍然係會選擇偷食，明知嚴重後果嘅時候，仍然冇辦法超越本身大腦裏面對性愛追求嘅強大推動力。

咁所以問題就係，當人類不斷受各方面壓力去防止cheating嘅時候，當主流媒體不斷宣傳同你講話『婚姻就係提供所有快樂同滿足感嘅終極方法』嘅時候，究竟係有啲乜嘢更強嘅力量驅使人類選擇cheating呢？

重點＃3 人類天生就係傾向於及時行樂，想得到即時獎勵而放棄一啲更長遠嘅目標，譬如話選擇短暫嘅性愛機遇，而有可能放棄維繫長遠嘅感情。 

咁但係當慾望同理性推論兩者發生衝突嘅時候，我哋嘅大腦裏面嘅PFC同 NAcc + VTA就會出現一種叫做negative signalling 嘅訊號；呢條link越強，我哋就會越自我克制；但係當呢條link越弱，我哋就會越放鬆想享受短暫嘅嘢。

意思即係話：即使男人已經同某條女pairbond咗，佢會為自己條女保護頭家都好，但係當新嘅索女氣味喺佢身邊出現嘅時候，男人嘅性衝動就會好容易被turn on好想去交配。

咁既然都係交配，點解唔留喺屋企同條女做，但係要冒險同新嘅女做呢？

原因就係大自然有少少玩緊我哋：每逢我哋識咗條新女，開頭幾星期都會好想日日做愛，做得多就會自然地想進入排他性monogamous關係；過咗幾個月之後，男女之間就會開始形成一種companionate同伴形式嘅關係，男士嘅睾丸酮會下降，佢想追隨性愛嘅動力就會下降，令到雙方做愛次數亦都開始下降，開始settle down。

呢種嘅適應係有好處嘅，因為呢啲相對溫和嘅男士係比較好嘅爸爸之後去湊仔，而唔係不斷投資健康或者資源去嘗試搞下一條女。

但係最天意弄人嘅地方就係，每逢有其他既有吸引力又心甘情願同你搞嘅陌生索女出現嘅時候，男人嘅性慾同性能力又會再一次大大增加，呢個就係著名嘅柯立芝效應／Coolidge Effect。 

就係講緊：一，幾乎所有人類都會感受到『激情漸漸消逝』嘅感覺；當肉體激情失去嘅時候，兩人嘅關係就開始疏遠。 二，不忠誠係能夠提供到好奇新鮮感，係能夠激活番性慾同性表現，所以人類或動物都會有極大慾望尋求刺激感。 

所以一啲大膽鍾意探險冒險尋求新意嘅男人就會出去搵女人，而女人亦都想從擁有呢一系列特質嘅贏家男士身上攞到佢哋嘅基因，去製造更優秀嘅下一代。

重點＃4  濫交呢種特性，似乎係可以遺傳，某啲人天生係的確會較容易傾向，尋求更多性愛。

簡單講，研究人員發現人類大腦有一隻叫做DRD4嘅受體，係會傾向影響人去變得更外向，更大膽，更鍾意社交同埋更鍾意尋求新鮮感。 

你越係擁有得多DRD4嘅受體，你就會越冒險去闖蕩，無論係你特別好動想玩，定係接觸黃賭毒呢啲嘢。

天性就係天性，因為大自然係唔會講道德唔道德。 

當世界係艱難同埋充滿未知數嘅時候，人類嘅社會就係需要一啲大膽有冒險性嘅人；但係喺平靜資源充裕嘅時代，呢種嘅需要就會少啲。

換句話嚟講，大自然本身就喺人類身上製造左一種對立嘅張力，令到男人女人都係social bonding社會聯繫／同sexual drive性慾兩方面存有利益衝突，令到我哋根據環境嘅變化而選擇最適合我哋嘅行為模式。

一方面我哋又想要穩定交心充滿愛嘅伴侶，但係另一方面我哋又想要激情刺激嘅性享受。 

呢個就係點解我鼓勵巴打你 Be The Man She Wants To Fvck And Love嘅原因，因為愛與激情一向都係兩種截然不同嘅概念；你想喺性愛市場上面成功，你就要同時提升你短期同長期嘅交配價值。

正正就係呢個原因，我先至會成立MTFU Insider嘅內部兄弟幫，去為各位有大志嘅巴打短期長期嘅戀愛提供最全面嘅支援。 

咁所以如果你想了解Insider適唔適合自己嘅話，你就腥email去 support@manthefvckup.com 查詢關於Insider嘅詳情喇！

最後，你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇，因為你嘅支持喺能夠幫到我哋成長，繼而製造更多價值比你。 

我哋下一集就會講Ch.9 Rewriting The Story of Love／重寫愛情故事，將會係我哋最後一個chapter，咁所以萬勿錯過，我哋下集再見！

巴打，無論你係傳統地喺酒吧夜店識女 ，定係平時閑日喺街上面或者上完堂識女 ，定係你透過交友app識女；相信你都試過遇上一啲攞完對方電話，諗住條女對你有興趣，但係之後佢又唔係點樣熱情地同你whtsapp傾計，最後冇咗下文嘅個案。

究竟點解女人會畀自己IG/TG/WA你，但係你搵佢嘅時候佢又唔係點應你呢？其實佢哋當時係咪已經決定咗唔會理你，定係其實之後發生咗啲事先會導致到咁樣呢？

Well，如果你鍾意我為你解答類似嘅溝女topic嘅話，就請你依家率先畀一個like呢條片，因為咁樣係可以支持到我繼續製造價值畀你！ 

＃1 首先你要明白嘅現實就係：雖然隨著你嘅個人價值增加同埋溝女game越嚟越純熟，你的確係會大大提升你溝女嘅成功率；但係同時你都要謙卑地承認，我同你永遠都係冇辦法100%溝到所有女，而總有某部分嘅女係點都覺得你唔係佢杯茶。

溝女成個過程係充斥住未知數嘅，你係絕對冇辦法100%控制曬調情後之後會出現嘅結果；咁所以有陣時女人肯畀自己IG/TG/WA你，其實佢只係出於禮貌，而唔係代表佢對你有興趣。

點解呢？因為如果屋企有家教嘅女仔，大部分時候都係教導佢哋要做一個有禮貌，尊重其他人，溫文爾雅嘅女仔。

咁所以呢啲女仔係唔會當面對住你同你講話『Sorry喎，我對你冇興趣喎，咁所以我係唔會畀電話你㗎，就算我畀咗都唔會覆你加架，就算我覆你都唔會同你出街㗎，咁所以你仲想唔想我contact呢？』之類嘅說話，但係就會喺你背後冇乜壓力嘅對質下靜靜雞咁做。

＃2 巴打你聽到呢度可能會心諗『屌！唔鍾意咪直接啲出聲囉，最憎人就係鬼鬼鼠鼠古古惑惑嘥我時間，點解女人唔可以坦白啲呢？』。

Well，你係MTFU嘅粉絲嘅話你就會明白，女人係鍾意用暗喻暗示等等細微嘅訊號同人間接地溝通，而男人就鍾意直接了當講清講楚嘅形式去溝通。

咁所以基本上絕大部分女人都係會咁做，同你繼續傾計有陣時未必係對你有興趣，畀電話你未必係想認識你，肯同你whatsapp未必代表想同你出街，肯同你約會亦都唔代表最後想同你搞嘢。

溝女成個過程永遠都係充斥住呢啲一個個可預見但係又充滿未知數嘅障礙，咁我哋又可以點樣對抗呢啲唔能夠全面控制嘅事呢？ 

＃3 Well，最簡單嘅方法就係 ：與其你成日諗某條女係咪鍾意你自己，你不如聚焦少少諗下自己係咪真係咁鍾意呢條女！

意思即係話，你下次行去認識一條陌生囡囡嘅時候，你試下唔好太過集中去度點樣game條女令佢鍾意你；

相反，你不如試下Focus返喺自己度，問下自己『究竟我覺得佢個人有咩地方係有趣架呢？我同佢短短對弈嘅呢段時間，我搵唔搵到兩三個令我討厭佢嘅原因呢？究竟除咗佢外表之外，佢仲有冇其他地方係可以吸引到我呢？基於種種嘅因素，我對佢嘅興趣仲淨番幾多呢？』

咁做嘅原因，係因為你要記住：成個認識更多女溝緊多女嘅過程，好重要嘅因素就係佢發掘一下呢條女適唔適合你自己。 

溝女嘅過程並唔係要令到所有女都鍾意自己，而係當你首先鍛煉自己變得更強更有吸引力更有影響力之後，你作為領導角色去篩選條女值唔值得你去鍾意。

如果巴打你真係明白我以上教你嘅逆轉思維，同埋能夠應用喺你成個溝女過程之中嘅話，你以後就唔會再為『囡囡喺IG/TG/WA唔覆你』嘅小事化大，唔會再咁concern呢啲遊戲過程會發生嘅小插曲！

如果你覺得今集有價值嘅話，就請你Like呢段片，訂閱我地MTFU嘅channel並且分享出去喇！

因為你嘅支持喺能夠幫到我哋成長，繼續製造更多價值比你。 

有咩問題，就下面留言比我知啦，我哋下集再見！

歡迎嚟到新一集嘅溝女Q&A，我喺呢度每星期都會協助MTFU嘅巴打，簡單地解答佢哋嘅溝女戀愛問題。

如果巴打你想我更詳盡地提供兩性策略畀你嘅話， 你可以查詢關於MTFU Insider大家庭嘅詳情，因為你喺裡面喺可以得到我為你度身訂做嘅訓練課程，讓你解決所有關於溝女／約會／性愛／感情上嘅問題。

你有興趣嘅話，就腥email去support@manthefvckup.com 索取詳情，睇下自己適唔適合報讀啦。

============================

Hi Manson. 認識這位同事J已經半年了。J剛加入公司時，我已經知道她有一個九年嘅男友。慢慢和她聊天，偶爾互相串對方，到大家約一齊放工，行一兩個鐘。大家由只不過傾公事，到無所不談，on9白痴乜都傾，甚至通宵whatsapp，唯獨是不會和她聊她的男友。大概一來是因為不應這樣做，二來是自己都未必有呢個mental power去處理。

==》＃1 你同佢相識半年，並且已經開始無所不談，證明你哋已經進入一段極好朋友但永遠冇性嘅關係，咁所以喺佢眼中你只係一個好好傾嘅女性知己，而唔係一個令佢濕曬想屌嘅男士。 

============================

二月從IG裏得知，J正式同佢嘅男友同居，心入面當然好難受，但當然唔可以做出嚟。於是，我有時發覺佢唔係好鐘意返屋企，所以一個禮拜都有兩三日大家OT完都會一齊食晚飯，偶爾會一齊睇exhibition，對外人來說我地係公司情侶，因為大家都覺得我地有自己嘅花名，自己嘅笑話，自己嘅語言，彷彿活喺兩個人嘅世界。

⇒ ＃2 J小姐同佢9年嘅男朋友同居住，你之所以會難受，係因為你覺得自己好似冇咗機會；好大程度地你一直都係希望佢同條仔會分手，之後你就可以靜靜雞鬼名正言順地同條女一齊。 

咁所以Barry，你呢種咁柔和浪漫嘅心態同語調，係好多內心軟弱唔敢行動嘅Beta男擁有嘅特質；而一切發生嘅嘢，永遠都好似愛情小說中嗰一種虛無飄渺嘅感覺，但係永遠喺現實都得唔到你想要嘅嘢。 

============================

前排係我last day，J仲送左一本佢通宵畫左幾晚嘅一幅畫。之後，喺farewell party，佢飲醉左，喺另一間房喊。聽人講，佢好似唔太開心，唔知係同男友嘅無力感定係咩，凌晨時份，佢whatsapp同我講佢會因為我走左唔開心，佢會掛住我。我知道有好多同事都勸我哋考慮對方，當然我唔知佢點諗。

==》＃3 佢送咗幅畫畀你，係因為佢當你係好朋友；而佢Whatsapp你同你講話因為你走咗唔開心會掛住你，就算我哋假設佢所講嘅嘢係100%正確，佢所掛住嘅都只不過係一個啱傾大家一齊玩咗好耐嘅同性友人，而唔係有性嘅情人！ 

============================

而家，我哋已經唔再喺同一個office做野。雖然呢半年係對個人嘅耐性嘅一個鍛練，我唔知應唔應繼續同佢keep住出嚟，因為好似有啲無計可施。究竟我係輸畀九年嘅感情，輸畀timing，定輸喺自己度？可能三樣都有吧，呵呵。

==》＃4 Barry你要明白，你同佢keep住出嚟就係一種純粹友誼嘅朋友關係出嚟，因為你過去大半年已經明明確確地set咗呢個框架，好難改變。

雖然外在因素都有影響，但係你真正輸嘅係你唔能夠果斷地執行任務，唔能夠果斷行動爭取你自己想要嘅嘢！ 

============================

Manson你係我，你會點做？我知道表白會即刻burn，所以一直都唔會all in. 呢半年我有做過好beta嘅行為。我慢慢學識修正自己，有意無意都嘗試走出comfort zone，做自己唔敢做嘅野，學做一個alpha male，成為一個辦公室受歡迎嘅人，反而吸引到自己唔太鍾意嘅女仔。

不過，總係希望自己有一日有機會同J一齊，人真犯賤。我應否繼續落去？P.S. 撬牆腳X街我知嘅。P.S.S. 聽左你半年，多謝你半年一直陪住唔少聽眾。Thanks! Barry

==》＃5 我會做嘅就係斬斷所有令自己懦弱唔行動嘅垃圾藉口，然後遇上任何想要嘅嘢嘅時候，唔好諗太多領導自己立即去馬！

你想做Alpha嘅話，你就要習慣冒險去喺充滿不確定成嘅因素下果斷行動；就算你驚會fvck up成件事，你都要盡快有限嘅資訊下以當時最好嘅策略做啲嘢。

你develop到呢一種領導特質嘅話，你溝女做嘢等等各方面先可以得到你想要嘅嘢！ 

============================

Anyway，今集嘅溝女人生Q＆A告一段落啦。 

如果你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇，因為你嘅支持喺能夠幫到我哋成長，繼而製造更多價值比你。 

有咩問題，就下面留言比我知啦，我哋下集再見！

巴打，唔知道你細個嘅時候有冇曾經同自己講過，話一定要留番你嘅first kiss比你第時最鍾意嘅女仔，又或者大個少少之後，同自己講話要留返你嘅處畀你將來嘅老婆呢？

你又有冇曾經聽過一啲好似好合邏輯嘅推論，話如果你嘅性愛係有價值嘅話，你就一定要好好保護佢，然後將來等到一個啱自己互相適合嘅人嘅時候，你先至會終於比sex對方呢？

Well，巴打你有試過嘅話你都唔需要羞愧嘅，因為曾經我都有出現過呢啲『堅決唔搞嘢，直至將來結咗婚先搞嘢』嘅理想化毒性思想； 

咁所以如果你鍾意呢個topic或者想明白點解處男並不吸引嘅話，就請你依家率先畀一個like呢條片，因為咁樣係可以支持到我繼續製造價值畀你！ 

＃1 首先你要明白一個現實就係：所有過咗青春期睾丸酮指數正常嘅男士，冇一個係唔想搞嘢，而且冇一個男仔嘅身體喺想等N年先至可以感受到咩叫性愛。

咁所以所有嘗試說服自己話要『等到某一個將來結咗婚之後先至搞嘢』嘅男士， 其實佢哋有意無意地都係用緊Beta男嘅策略去溝女。 

點解？原因就係因為，有呢種信念嘅男士，其實就係相信自己處男呢一個status，係一個吸引女人好好嘅賣點，覺得一種『性愛純潔』嘅狀態係可以突出自己。

換句話嚟講，佢哋就係嘗試用『處男』呢個selling point，去嘗試同女人講話『我並唔係好似大部分嘅男仔咁咸濕淫賤架，只要你肯將來同我一齊，我係願意犧牲我嘅慾望，將我嘅處留畀特別嘅你！』，嘗試說服女人要揀自己 。

可惜嘅係，呢一堆Beta男冇諗過自己咁樣嘅行為，其實潛台詞就係叫緊條女同佢結婚，嘗試透過自己嘅童貞去令到條女會做你老婆…咁所以你又覺得條女，會唔會畀你咁嘅行為嚇親呢？

＃2 第二樣嘢就係，你想同女人親密搞嘢令到佢愛上你嘅話，其實本身兩個人就要性慾上係有吸引力，本身兩個人都忍唔住想屌對方。

咁所以如果你真係想搵到一個值得結婚或者長遠生活落去嘅伴侶嘅話，你就更加必須認識開頭階段開始有性關係，睇下大家性愛上係咪相容，係咪sexually compatible。

你想有神聖嘅婚姻嘅話，你就更加需要有邪惡禁忌嘅性愛，兩者係絕對無得分開，絕對唔可以割席。

咁所以你越係唔食禁果嘅話，你就越唔能夠分辨出邊個先至係你命中註定嘅終生伴侶，咁所以你又係唔係會咁樣違反天命呢？

＃3 當然聽得多MTFU嘅巴打，你都知道所謂嘅禁果係唔會令你食完之後慘遭天譴，而世界上面所謂值得結婚嘅終生伴侶，亦都需要你去從眾多嘅選擇之中挑選，你先至會搵到可能十分一合適嘅人。

重點係：尤其當巴打你係一個乖慣聽話慣唔反叛慣嘅人，你就要更加小心自己墮入呢種『留住自己嘅處，將來比一個特別嘅女仔』嘅天真思維！

因為你咁樣做除咗會突顯你自己一系列真命天女症嘅Beta心態之外，你更加係話畀女人知你缺乏能力經驗滿足佢嘅性需求，咁樣嘅狀態又點可以令條女對你產生慾望呢？ 

Anyway巴打，最終你係咪要堅守『結咗婚之後先搞嘢』嘅原則都係你嘅決定，但如果你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇！

因為你嘅支持喺能夠幫到我哋成長，繼續製造更多價值比你。 

有咩問題，就下面留言比我知啦，我哋下集再見！

歡迎嚟到《The Chemistry Between Us/我們之間的化學反應》Ep.08，今集我哋會講呢本書嘅Ch.7嘅 Addicted To Love／深愛成癮，

解釋點解人類墮入愛河嘅時候，其實就好似放咗一把槍喺自己嘅腦袋出面，隨時都係令自己上癮玩命。

當巴打你知道今集所講嘅一系列荷爾蒙反應之後，希望你有更大嘅意識去控制自己將來點樣戀愛。

如果巴打你鍾意呢個topic或者類似呢本書嘅系列嘅話，就請你而家率先LIKE咗呢段片同訂閱我地MTFU嘅頻道先啦！

重點＃1 雖然作者認為戀愛係一個恰當並且進化論上健康嘅適應，但係其實love同藥物一樣，兩者都係用相同嘅途徑令人類上癮，只不過濫藥嗰種嘅威力係更重更強勁。 

人類之所以會對愛情或者藥物上癮，好大程度都係因為多巴胺／Dopamine不斷被釋放嘅反應，令我哋好想繼續追隨嗰種high嘅感覺。

但係隨住我哋對藥物或者性愛嘅耐受性提升，我哋就需要更多先至可以維持到嗰種難以抑壓嘅渴求；

最後無論係想要更強劑量嘅藥品又或者睇更多更裸露嘅索女相或影片一樣，我哋就會慢慢進入一種需要更刺激更興奮嘅上癮狀態。 

重點＃2 你可能會問，既然呢種多巴胺反應令我哋更有動力去解決我哋嘅飢渴，點解長遠地係對我哋有害呢？ 

答案就係：因為上癮者最後係會進入一種叫做negative motivation嘅狀態；

佢原本相對正面嘅期待／快感／同埋衝動，最後係會演變成極度緊張／煩躁不安／同埋強迫症嘅感覺，佢需要不斷強迫自己食更多藥先至可以防止恐懼發生，先至可以舒緩壓力。

咁所以真正嘅癮君子，其實繼續濫藥並唔係想high或者感覺良好，

而係已經演變成短暫定逃避惶恐不安嘅恐怖心理狀態，所以先會不能自製地越食越多藥，就算解毒成功都會好容易舊病復發，一步步摧毀自己一切。

重點＃3 雖然戀愛嘅感覺並無濫藥咁嚴重，但係兩者嘅刺激對人都有相近嘅影響。

譬如話：當人類嘅感情變得沉悶嘅時候，分手或者分開就會好容易出現，令到人突然覺得自己生存冇意義，令到我哋陣容易出現一啲憂鬱嘅行為，好想避世唔想社交所面對其他人。

點解墮入愛河就好似用支槍指住自己腦袋咁危險呢？

原因就係因為每次分手分開嘅時候，一系列嘅負面情感就會突然爆出嚟，隨時攞你命。 

同濫藥一樣，每次當你食食下藥想停嘅時候，放喺你腦袋側邊嗰支槍就會突然開槍，令你極速感覺辛苦極不快，最後令到你冇辦法唔繼續濫藥；

成個過程就好似令到好多啱啱分手嘅人冇辦法唔返返去繼續同返ex一齊一樣，明知道對自己有害都冇辦法忍受痛楚割席，而繼續留喺一段毒性關係之中。

重點＃4 可能你會好奇：究竟男人出現抑鬱症多啲，定係女人出現抑鬱症多啲呢？答案係各有各慘。

一方面，大部分男人都會將自己情感上嘅投資放曬喺自己嘅女性伴侶身上，而女人通常都會放感情喺佢嘅屋企人親戚或者朋友身上；

咁所以每次女人身邊重視嘅人出事嘅話，佢都可能會有更多機會憔悴抑鬱，令到佢傷心悲哀。

但係另一方面，正正亦都係因為大部分男人投資所有嘅感情喺佢嘅女伴身上，而女人通常都有一班姊妹支持自己；

咁所以每次分手嘅時候，男人好可能就會更加受苦，因為女人就係佢人生嘅一切。

咁所以無論係男人定女人分手都好，喺呢啲階段佢哋就會更加容易同佢哋嘅Ex或者新歡透過上床去治療情傷，釋放更多催產素去抑壓身體裏面嘅壓力反應。 

 Anyway巴打，你明白今集Ch.7所講嘅嘢嘅話，我希望你亦都明白以上所描述嘅男士係大部分嘅男士，亦都即係話大部分喺兩性感情上缺乏意識嘅男士。

既然巴打你知道大部分男士會因為缺乏意識下而遇上嘅慘痛經歷同埋遭受惡果嘅話，你又會點樣面對自己嘅戀愛感情呢？ 

正如我喺MTFU一直教你：你會唔會將自己所有情感投資咁快放曬喺一條女身上？

你會唔會無知地為咗追求更多性快感，而繼續同一個錯嘅女人因為怕悶而一齊呢？ 

更重要嘅係，你會唔會有意識地去建立自己嘅social support group，去同一班可以信賴『並非女人就是自己人生一切』嘅兄弟共同進退呢？

以上嘅問題我相信你識得點樣答，亦都係正正呢一個原因，

我先至會成立MTFU Insider嘅內部兄弟幫，去為各位有大志嘅巴打提供戀愛上最全面嘅支援。 

咁所以如果你明白brotherhood嘅重要性，有興趣想了解Insider適唔適合自己嘅話，

你就腥email去 support@manthefvckup.com 查詢關於Insider嘅詳情喇！  

最後，你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇，

因為你嘅支持喺能夠幫到我哋成長，繼而製造更多價值比你。 

我哋聽下一集就會講Ch.8 The Infidelity Paradox／出軌怪圈，將會有好多你想學嘅正嘢，所以萬勿錯過，我哋下集見！

巴打你會唔會成日覺得吸引女人呢門學問好似好難呢？

又或者如果人哋問你究竟女人鍾意啲咩嘅時候，你又能否即刻列出一系列全世界女人都通用嘅吸引力特質呢？

我咁樣問係因為有時我留意得到某啲巴打太過著重溝女技巧，而忽略咗某一啲基本令你有吸引力嘅行為態度；

咁所以為咗鞏固各位巴打嘅基本功，我今日將會簡單地列出9種令女人覺得你有吸引力嘅基本特質，希望各位巴打盡量都培養做到以下咁多點！

如果你鍾意呢個topic嘅話，就請你依家率先畀一個like呢條片，因為咁樣係可以支持到我繼續製造價值畀你。 

好！以下就係一系列令女人被你吸引嘅特質，如果巴打你有對於邊一項有問題嘅話，就請你喺下低留言話我知啦。 

＃1 你係一個會主動向前採取行動嘅領袖，尤其喺社交場合嘅時候，你甚少係會喺度等，同大部分男士一樣喺度做follower。

＃2 你係有自己熱愛做嘅passions同埋清晰嘅做人目的purpose，你每一日起身都係充滿興奮地執行任務打拼生命，而唔係隨波逐流地唔知道自己喺度做乜撚嘢。

＃3 你同任何人相處嘅時候都有自己boundaries，而你係會堅守捍衛自己嘅界線，絕不容許女人有特權去剝削侵略你。

譬如話：如果你係唔能夠接受女人臨時甩底嘅話，無論佢有幾靚都好；

除非佢有死人冧樓嘅原因同埋佢有無限致歉嘅話，否則你絕對唔可以縱容呢啲毫無尊重嘅行為，然後一世都要cut走佢。

＃4 你係一個唔需要呢條女，但係你都有性慾望想要佢嘅男人。

所以你照樣會直接行動去果斷認識，你唔會太過友善地隱藏你覺得佢有吸引力，你會照樣攞佢嘅IG/電話跟住約佢出嚟。

但係如果過程佢唔係享受呢種互相調情嘅感覺話，你亦都完全唔care無所謂。

＃5 你係一個會冒險唔怕fvck up結果嘅勇士，咁所以你係會冒著『被拒絕或者失敗』嘅風險去大膽推前做某啲行為。

譬如話你會喺適當嘅時候開始身體觸摸佢，又或者簡簡單單你會定期轉髮型或者試下著另一款style嘅衫，不斷實驗一下點樣upgrade你嘅形象令到最多女人被你吸引。

＃6 你明白溝女除咗明白女人心理同埋學識一系列技巧之外，好重要嘅一個元素就係你能否製造一種『女人想加入』嘅lifestyle讓佢哋成為你生活嘅一小部分。

意思即係話：男人就好似不斷前進嘅火車一樣，你係會不斷行你想行嘅路，不斷盡量去更多更好玩更精彩嘅地方；

而女人就只係乘客，佢哋係會有自由上上落落去參與你嘅生命。

咁所以問題就係，你係咪每日都不斷努力進步緊，令自己越嚟越有力量可以創造到一種『女人期待想參與』嘅lifestyle呢？

＃7 你係一個首先接受自己唔完美不足嘅一面，舒服地接受自己嘅imperfect self先嘅人；

但係同時，你之後亦都會利用你嘅不滿同埋仇恨，去盡快行動upgrade自己，令自己更有能力享受更高層次階段嘅人。

呢點聽落好似好矛盾，所以如果巴打你有興趣學得更深入嘅話，我將會喺MTFU Insider嘅精英兄弟幫探討更多，

你有興趣嘅話就腥email嚟support@manthefvckup.com查詢一下課程係咪幫到你喇。

＃8 你係一個既引人對你有趣，但係同時亦對條女有興趣想了解佢多啲嘅人。

意思即係話：你約會條女嘅時候，除咗你會可能有兩至三成嘅時間講自己嘢，令佢對你產生好奇之外；

你會花大概七至八成嘅時間畀條女講自己，細心聆聽佢嘅故事同埋佢溝通嘅潛台詞，從而令你知道究竟佢背後係一個咩人，令你暗地裏篩選佢係咪一個有質素你想邀請佢進入你精彩生命嘅人。 

咁所以你講嘢嘅時候雖然會帶領主導成個對話嘅方向，但係你就唔會不斷講嘢令條女冇辦法欲抒發自己情感。

＃9 最後好重要嘅一點就係： 你係深深知道自己有選擇，並且會透過行動持之而行地不停製造選擇嘅男人！ 

即係話：你會嚴格控制自己嘅情感，訓練自己喺女人嘅美色蒙蔽之下仍然能夠做出理性嘅決定，即使你感覺到你嘅情感正在被佢影響。

更重要嘅就係，你知道當你越係有選擇嘅時候，你就越難被某一條女影響到自己。

咁所以你每一個星期都會搵方法去結識異性，盡量增加自己接觸女人嘅機會，盡量唔好咁快進入排他性嘅關係，

直至你有足夠嘅性經驗同埋試過大量sample size，你先至會開始考慮邊啲女先至係真正有質素可以比佢哋繼續留住。 

Anyway巴打，以上呢9種令女人覺得你有吸引力嘅基本特質，究竟你現時又擁有幾多種呢？

如果你發現咗自己某啲位置有缺失嘅話，你又會等到幾時先開始行動彌補自己嘅缺點呢？

巴打如果你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇！

因為你嘅支持喺能夠幫到我哋成長，繼續製造更多價值比你。 

有咩問題，就下面留言比我知啦，我哋下集再見！