作者: Man神

Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。

 

你嘅”自我價值/self-worth”其實同你嘅”自我評價/self-appraisal”有好大關係, 大部分人會唔會重視你/尊重你,好大程度係取決於你自己有幾重視自己,尊重自己。

 

好消息係,你有絕對嘅自由去決定你對自己嘅自我形象, 而自戀呢個mindset其實好多成功嘅人都需要有, 先至可以達到佢哋宏大嘅目標。

 

例如, 某一日你去飲嘢, 你唔係同自己講, “ 阿! 呢一隻whiskey實在太好味啦!”

 

相反, 你應該同自己講, “ 阿! 呢隻whisky咁好味都竟然比我留意到, 我真係太醒啦!” 🙂

 

聽落去雖然好似好白痴, 但係當你可以製造到一個屬於自己嘅現實, 活係一個自我陶醉嘅真空狀態裏面, 喺你嘅世界裏面感受到嘅所謂”現實”, 都會係證明你依家嘅生命有幾豐盛, 證明你呢個人有幾正。

 

又例如有個女仔行過, 你就同自己講,“嘩, 呢條女行喺我面前行到扭扭擰擰, 擺到明想色誘我啦, 今時今日嘅女仔真係吖!”  

 

任何時候, 只要你可以將一件事物詮釋成為一啲對你好笑嘅事情, 你都可以製造一個自戀嘅空間, 讓自己更加熱愛生命。

 

如果你諗唔到嘅時候, 你可以嘗試問下自己, “唔! 點解呢一件事係暗地裏證明我係一個amazing human being, 一個筍盤呢?”

 

當你擁有呢一個自娛嘅mindset, 再加返少少self-awareness/自我意識, 同埋你嘅個人魅力, 咁你日常生活都會變得更有趣,更愉快。

 

雖然有時你真係可以用口講埋你呢種自high嘅句子出嚟, 但係你要留意:

 

就係當你用言語表達任何關於你有幾愛自己,或者好自戀嘅說話嘅時候呢, 你一定唔可以為咗嘗試seek reaction,或者想講完人哋有反應而去講!!

 

即係話, 你講完嗰一句“我真係好醒” 之後, 你唔應該去等人哋有反應, 或者睇下人哋會唔會因為你講完呢句喺度笑, 或者去等人回應你嗰一句嘢!

 

你講呢啲自戀嘅嘢係為咗自high一下, 並唔係為咗去seek reaction, 叫人畀反應你, okay?

 

咁正嘅一集都畀我諗到,真係天才, 所以你都不妨聽多一次, 我哋下一集再講, byebye!

 

 

 

Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。

 

今日想好快回答其中一位巴打email嘅問題。

 

總結嚟講,呢位巴打某一日喺大學嘅校園之中行過, 佢就見到有個幾cute嘅女仔自己坐咗喺度玩緊電話, 但係佢唔知點樣去approach佢。

 

因為佢同我講佢唔知應該講啲乜嘢, 所以佢想問我點樣去 approach一個自己坐喺度玩緊電話嘅女仔, 因為佢驚講完開場白之後唔知講啲乜嘢會dead air。

 

好, 第一樣我需要糾正你嘅係, 你唔好咁撚驚個conversation會慢慢熄滅咗, 呢一個mindset係唔會幫到你。

 

相反, 你應該擔心嘅係, “ 阿…我嘅磁場會唔會太強呢? 我個人咁正, 唔知呢個女仔承唔承受得到, 會唔會令到佢自卑喎 ;p”

 

如果將來有機會同你練習, 你能夠eye-to-eye望住一個好索又唔識嘅女仔一分鐘, 讓自己沉醉於喺呢一種嘅sexual tension之中。

 

你handle到呢樣嘢, 你以後就唔需要擔心怕唔知講啲乜嘢。

 

個女仔見到你個人咁冷靜咁鎮定, 佢都會覺得喺你身邊好舒服, 佢會總結你係一個高地位嘅男人, 並且開始對你產生吸引, 會期待你去領導佢去展開一個精彩嘅探險。

 

第二,  好多男人都成日驚對住一個吸引佢嘅女人, 唔知自己應該講啲乜嘢。

 

但係你有冇留意過其實你個腦, 無時無刻都突然之間有一啲思想, 一啲ideas, 一啲諗法係會自動出現呢?

 

如果你試過冥想/meditation你就知㗎喇, 係非常之困難去停止同自己講唔去諗嘢。

 

因為嗰一刻你叫自己唔好諗嘢, 其實就喺度諗緊點樣唔好諗嘢, 係咪好撚矛盾複雜呢? Lol

 

所以根本問題唔係在於你諗唔到有乜嘢同人哋講, 問題的癥結, 係在於你唔夠自由,唔夠free去100%毫無保留地表達自己!

 

所以只要你願意去讓自己freeflow, 唔好成日諗住plan要講啲咩, 並且視乎當時嘅場合環境去講一啲發生喺嗰一個時間空間嘅事物, 成個conversation會係自然流露好多!

 

第三,  你明白咗我以上嘅兩點, 咁我依家就教你點樣用一個”萬用嘅開場白”, 令你喺任何場合都可以同一個陌生女仔打開話題 🙂

 

記住, 雖然你可以參考我以下教你嘅句子, 但係最好你都係擁有一個屬於你自己嘅萬用開場白。

 

咁等我用返聽眾畀我個場合做例子啦。通常我嘅所謂 “go-to line”其實好簡單, 唔需要好似啲PUA將成件事複雜化, 搞到你個人咁鬼緊張,咁鬼生硬…

 

就係, 我通常第一句就會講, “Hi”, 同時間保持住我之前成日教你嘅嘴角微微向上翹起的奸笑,成個身體唔好傾向前,應該傾番後少少, 最重要係放鬆啲…

 

咁無論喺咩場合,尤其是當佢坐喺度或者企喺度撳電話, 依個女仔通常都會望一望你同你say個hi.

 

跟住你可以同佢講, “我知道有少少random, 不過啱啱見到你喺度玩電話, 覺得你幾cute, 所以想好快過嚟同你say hi.”

 

咁跟住佢應該會同你say hello, 或者佢會講話”Oh, 多謝曬.”

 

雖然呢個時候佢都係唔係太講嘢, 但係你要明白,佢啱啱先由佢玩電話嘅狀態,恢復意識同一個陌生人傾計, 所以你唔可以expect得太多。

 

你之後就可以講, “係囉, 其實我有一條規則㗎, 當我見到一個幾cute嘅女仔嘅時候, 如果我覺得佢性格應該都幾好,我就至少需要行過去同佢say hi…”

 

你係呢一句說話, 其實開始導入一啲好玩並且有挑戰性嘅元素, 因為呢個女仔潛意識地覺得佢要證明畀你睇,佢嘅性格都真係幾好 😛

 

咁呢度,有幾個可能出現嘅狀況:

 

第一, 如果佢好好玩地同你講, “haha係咩,你又知道我好性格?’

 

你就可以搭返佢, “好簡單啫, 物以類聚吖嘛, 所以我實feel到格。”

 

第二, 如果佢challenge你, “唔係喇, 我性格好差㗎…”

 

你就可以搭返佢, “Uh, 你唔好咁講, 你真係唔好咁講, 你應該都知道, 性格差嘅女仔比性格好嘅女仔更吸引:P”  

 

第三, 如果呢條女好有自信地同你講, “係囉, 你啲taste都幾好喎, 因為好多男仔都咁樣同我講過。”

 

呢個時候, 你就可以搭返佢, “哈! 你都幾識吹架喎, 我諗我要重新評估你呢個人 :P”  

 

當然, 我再重複多次, 無論你點樣答佢,都係保持嗰種好玩加有挑戰性嘅structure去大家互相揶揄, 冇壓力地互相挑逗下。

 

呢個就係你可以用到嘅萬用開場白, 並且知道開完頭之後可以點樣flow落去。

 

如果你唔想講咁多嘢, 又夠膽出去玩放啲, 咁當你見到一個女仔,自己坐喺度或者企喺度玩緊電話嘅時候…

 

你可以斯斯然行過去佢隔離 (唔係正面對住佢呀!), 戚起你嘅奸笑, 可以等佢望你或者未望你嘅時候, 同佢講, “點呀, 個男仔覆咗你未呀 :P”

 

我相信十個有九個女仔都會即刻笑咗, 咁你又開咗個充滿magic moment充滿emotion嘅靚開場白喇!  

 

 

Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。

 

今日想share畀你聽咩先至係真正嘅調情, 可能呢一刻嘅你未必get度我講咩。

 

但係一個月,三個月,或者一年後嘅今日, 只要你keep住每一日,每一個星期都進修自己嘅social skills, 練習自己嘅說話技巧, 踏出自己嘅comfort zone/舒適範圍之外, 你就會成為一個識得flirting嘅男人。

 

我以前啱啱開始嘗試去同女仔調情嘅時候, 我會以為我講說話嘅字眼/詞語係最重要, 所以會成日自己喺度諗應該講啲乜嘢, 應該搵”所謂正確”嘅話題去同人哋傾計。

 

但係隨著我學習得越多, 我先至發覺原來最啱feel嘅flirting, 其實都係講返你同佢之間,喺當時嗰一個moment嘅眼神交流, 大家之間能量嘅互動,

 

同埋有時你可能講緊正常嘢,但係你個腦諗緊其他嘢, 跟住你陰陰嘴笑嗰種曳曳嘅感覺。

 

例如, 假設你出去行街, 你去到某一間鋪頭/商店裏面, 可能個女sales會行埋嚟問你, “Hello, 你好, 有冇嘢可以幫到你?”

 

如果你仲係停留喺“應該講啲咩?”嘅層面嘅時候, 你當然可以好風趣地咁回答佢,

 

“冇呀, 我今日出街其實諗住睇下搵唔搵到女朋友, 但係我行勻成間舖頭, 都好似冇一個適合嘅女仔囉 :(“  

 

你咁樣講呢句當然佢會喺度笑, 可能甚至繼續同你講笑, 跟住你哋嘅conversation就可以繼續隨著個flow走落去。

 

但係, 高層次嘅玩法, 並唔係倚賴你嗰一句嘢有幾精警。

 

你其實可以就咁望住佢, 用你穿透性,肯定嘅眼神直視佢嘅靈魂, 陰陰嘴笑, 冷靜地同回答佢講, “冇呀, 我諗我搵到我想要嘅嘢啦。” 😉

 

你嗰一個位做得夠流暢, 夠自然, 其實同你講一啲好聰明嘅說話嘅效果係差唔多, 你都會喺個女仔身上引出相同嘅emotion.

 

你之後仲可以繼續望住佢, 繼續有小小嘴角翹起嘅奸笑, 加埋你強勁嘅body language,問返佢, “咁你呢? 你今日幾好嗎?” 🙂

 

成個feel就好似電影嗰種有少少浪漫嘅感覺, 所以你講啲乜嘢去調情其實唔太重要…

 

如果你畀人嘅感覺係好頹廢, 成個vibe一個唔識得愛錫自己嘅人, 你無論講啲幾聰明嘅嘢都係冇嗰一種feel。

 

我再提醒你多一次, 調情絕大部分係講緊你嘅 sub-communication, 你同佢之間energy嘅交流, 而表面上你聽到對話嘅內容只係其次。

 

Btw, 呢樣嘢都係點解one night stand唔係想像中咁正, 因為最令人身心舒暢嘅性愛sex, 係需要有情感, 有emotion, 大家有feel嗰種嘅能量交流先至係最正。
如果冇呢一種好獨特,好有哲學味道,天人合一嘅”神交”, 咁世界亦都唔需要有男人女人呢兩種有趣嘅生物,大家都可以各自返屋企睇thisav玩玩具喇…(<- Fvck That Shit!)

 

Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。

 

其中一個最重要嘅元素令女人愛上你, 係首先令佢感覺佢可以相信你。

 

點樣先可以快啲同佢建立信任?

 

其中一個好有威力並且心理學已經證實嘅方法係叫做Commitment & Consistency (承諾+連貫性/統一性)。

 

即係話, 當你叫人幫你做少少嘢, 如果佢真係幫你做嘅話, 佢之後係會back-rationalize, 對啱啱幫你做嘢呢件事,自己作反一個合理解釋…

 

佢哋係會同自己講, “唔! 如果我啱啱幫呢個人做嘢, 咁即係話我一定係鍾意或者相信呢個人喇!”

 

又或者你可以用Benjamin Franklin, 即係美國著名政治家, 其中一個美國革命時重要的領袖富蘭克林嘅一招…

 

就係問某個人借少少嘢, 同佢講你會邊一日還返俾佢;

 

到嗰一日真係還番畀佢, 你喺嗰一個 moment就會成為一個”有口齒,有信用”嘅人, 當你之後請求一啲大嘅嘢係會容易好多。

 

第三招,係同某個人分享一個秘密, 並且同佢講, “喂, 我話個秘密畀你知呀, 不過你唔好同人講呀, 我信你先講㗎渣…”

 

當你讓你嘅目標人物知道你深深相信佢哋, 佢哋好自然亦都感到必須去相信你。

 

最後一招就叫做有策略嘅絕對坦白 🙂

即係話, 有時傾計傾到某一個位, 你會透露一啲好個人,好personal嘅嘢,一啲大部人都從來唔想透露嘅嘢。

 

嗰個人聽到你咁講, 佢就會覺得, “頂, 呢個人咁撚坦白嘅!? 佢個人咁真, 我都應該可以相信佢…”

 

當然呢個方法你唔可以出cheat啦! 你真係需要真誠,坦白,打開個心去透露你所講嘅嘢, 唔係就會唔work㗎喇!

 

因為對方, 尤其係女人,絕對有能力去感覺你喺度講緊真話定假話。

 

Radical honesty係呢一個世代係一個好罕有亦都好吸引嘅嘅特質。
Be real, be raw, be open and vulnerable, 咁樣你無論係溝女定係做人都會舒服好多!

 

 

Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。

 

一個真正朝著自己人生目的進發嘅男人, 一個選擇自己道路,自己目標,自己任務嘅男人, 係會令到佢生命嘅每一part,每一樣嘢都in alignment。

 

無論你嘅個人目標係咩都好, 其中一樣必須貫通成一致就係你嘅飲食習慣。

 

有質素有營養嘅食物, 就等於擁有足夠嘅能量, 清晰嘅頭腦, 強烈嘅專注去創造你想要嘅結果。

 

垃圾食物, 就等於你係一個好憎自己嘅大仆街。

 

Self-love自愛, 係其中一樣溝女同快樂必須先有嘅原素。

 

所以你放入口嘅所有食物, 90%嘅時間都應該係最有營養,最健康,最製造到能量比你嘅quality food.

 

可能你會問我通常食啲乜? 其實我都幾揀飲擇食, 意思係我好少出街為食而食。

 

我通常食嘅都係一啲超低鹽,超低油,超低糖嘅住家飯, 食好多菜, 盡量食白肉例如雞, 食下魚, 配埋一碗多少少嘅紅米糙米飯, 有時有隻荷包蛋, 就已經係好感恩,好滿足,最美味的一頓飯。

 

平時再食下蘋果,香蕉,藍莓,奇異果等等嘅生果就已經好足夠。

 

你咁樣做已經係達到 above average嘅健康, 你想再講究少少, 煮嘢嘅時候可以用椰子油, 平時可以食下維他命C, Omega-3 魚油, 綠茶精華, 白藜蘆醇等等輔助嘅supplements。

 

你想再快少少減肥? 你可以玩埋intermittent fasting/斷食, 即係平時一星期可以搵幾日甚至每一日起身頭嗰4-6個鐘唔食嘢, 等你身體不斷燃燒脂肪, 肚餓嘅時候淨係飲清水。

 

咁你幾個禮拜咁樣做,就已經會開始見到體重好大嘅改善。

 

要健康,要有ok嘅身型其實真係唔太難。

 

最重要嘅係, 你嘅健康你嘅體力你嘅魄力係對你溝女同任何一方面都有直接嘅影響, 而你嘅health and fitness至少七,八成都係由你每日嘅飲食習慣斷定。

 

食物係應該提供能量畀你, 而唔係食完佢之後suck your energy away.

 

我會選擇energy多過tasty,我會選擇每日照顧好自己身體, 我會選擇每天愛自己多一些, 你呢?

 

 

Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。

 

哈! 有冇聽過有啲PUA嘅仆街同你講, 千祈唔好問女仔一啲好似interview嘅問題, 例如佢哋喺邊度嚟, 佢哋做啲乜等等呢?

 

佢哋建議你咁做, 主要嘅原因係因為好多男人遇上deadair嘅時候, 佢哋為咗避免尷尬, 就會開始係咁問問題去fill in the silent void。

 

佢哋根本就唔care問嗰個女仔嗰條問題, 佢根本唔係真係聆聽緊佢嘅答案, 又或者個女仔搭完佢, 佢根本就冇興趣再follow up.

 

事實係, 其實只要你知道自己問嗰條問題有咩目的, 問完之後大約點樣去follow up,  問啱嘅問題係一個好有威力嘅方法去了解面前呢個女仔。

 

另外你需要注意嘅係, 第一, 當你問呢啲問題嘅時候, 記得唔好用嗰種向上嘅聲調。

 

即係話千祈唔好用”你喺邊度嚟?” 向上seeking rapport既 vocal tonality, 你係應該用好似老闆問員工嗰種嘅向下breaking rapport既聲調”你喺邊度嚟?”去問個女仔嘢。

 

呢一種向下breaking rapport既聲調係其中一樣我上一集教你展示自己 high status/高地位嘅一種方法, 因為實在太多男人講嘢嘅時候都係好似乞衣 ai人咁樣, “你可唔可以同情我啊?” 嗰種嘅聲調, it’s just too pussy-repelling!

 

第二, 當你問完女仔問題嘅時候 , 你嘅回應千祈唔好係嗰一啲 “哦”,”係咩”, “正喎”, “原來係咁”, 呢啲hea鳩人嘅回應!

 

你咁樣應人,你係即刻刪咗原本可以擴展落去嘅conversational thread.

 

相反, 你應該從佢嘅說話當中, 抽取某一啲資料, relate/關聯返一啲你自己人生嘅經歷裏面。

 

例如, 如果個女仔同你講佢係做物理治療師 , 咁你通常可以好好玩地同佢講,

 

“物理治療師? 咁通常你會唔會幫一啲你啱啱識嘅男人做massage㗎? 因為而家我個膊頭都好攰 =P”

 

又或者同佢講一個你以前整親做物理治療嘅故事, 甚至係講以前的歷史嘢, 例如:

 

“物理治療師? 我仲記得我以前讀U嘅時候, 有個module係講關於人體運動學嘅, 真係悶到PK…lol”

 

又或者你可以直接問佢, 做物理治療師係點樣㗎? 佢最鍾意佢自己嘅職業嘅邊一部分?

 

之後慢慢仲可以瀨落去, 問佢做物理治療師係咪佢細個嘅志願等等比較深入嘅問題。

 

呢啲就係一個擁有良好對話技巧嘅人嘅特質, 你要學識點樣從佢畀你嘅 information 之中去emotioanlly relate/以情感嘅方式去關聯落你自己嘅經歷經驗之中。

 

當你不斷練習呢種嘅對話模式, 你就可以同任何女仔無限loop, 傾幾個鐘計都唔會悶喇!   

 

 

Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。

 

今日想好快澄清一下究竟所謂status/地位係咪真係可以吸引到女人呢?

 

我不妨開門見山同你講, 女人係真係對一啲有高地位嘅男人感到吸引嘅。

 

呢樣嘢我相信你知我知大家都知,進化論或者中國皇帝嘅歷史又或者Game of Thrones裏面嗰個Drogo都同你講話一個社群之中嘅alpha領袖係可以diu曬部落所有女人…

 

但係你要小心一樣嘢就係: 所謂status/地位並唔係嗰一啲過眼雲煙,象徵式嘅嘢, 並唔係消費者主義consumerism 話你知需要嘅靚車,靚樓,首飾珠寶或者其他物質嘅嘢。

 

雖然之前你都可能睇過有段片,話一個男人揸住林寶堅尼定係法拉利, 喺條街問女仔叫佢哋上車, 係有唔少嘅女仔真係會上車嘅。

 

雖然呢個可能都係事實, 我哋唔可以否認有錢,有豐裕嘅物質係可以畀到你一個入場券去識女仔。

 

但係當個女仔上咗嚟架車之後, 冇人會話你知, 其實個女仔會去篩選查探一下你係咪真係高地位/high status,  定係只係一個裝模作樣,扮撚曬嘢嘅垃圾狗公!

 

意思係: 真正嘅地位/status,係由你既身體行為或者行動actions而去決定!

 

係講緊你嘅body language, 你嘅eye contact, 你講嘢嘅聲線vocal tonality有幾肯定自己, 你做人嘅態度attitude, 你釋放散發出嚟嘅energy, 你所用嘅詞語字眼等等。

 

因為呢啲sub-communication係好難去呃人嘅, 女人係可以從你哋之間嘅interaction去決定你係喺度扮緊高地位, 定係你真係一個對自己擁有certainty嘅男人。

 

佢會喺度諗, 你對自己有冇無限嘅self-love呢? 當你有啲嘢想要嘅時候, 你會唔會為咗自己做決定去fvcking get the thing you want呢?  

 

因為好多時候, high status 並唔係講緊呢一刻嘅你有幾有錢或者呢一刻嘅你喺社會上亦幾有power.

 

High Status 係講緊, 你對自己想要嘅嘢/想做嘅嘢有幾清晰, 你有幾能夠控制自己嘅情緒, 你有幾講得出就做得到…

 

係講緊你做人有幾in alignment i.e. 你嘅思想thoughts, 你嘅話語words, 你嘅行動actions 係唔係三者貫通成一致?

 

當你做人成個方向, 都係向某一個目標進發緊嘅時候, 你就會develop personal power, 你就會對任何嘢都有standards, 你就會向世界釋放一個 “我知道自己做緊乜撚嘢” 嘅訊息。

 

呢個時候你表現出嚟嘅行為, 同一個已經成功咗已經擁有一切嘅高地位男人係一模一樣, 你哋兩者都係擁有女人眼中嘅 High Status.

 

 

Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。

 

今日想分享我上個禮拜去咗一個情人節派對學到嘅嘢。

 

咁其實我原本係冇plan到去嗰一個event嘅,但嗰一日做嘢做到悶悶哋, 我就發覺我需要自娛一下,出去social識下人咁樣玩下。

 

但係好慶幸我嗰日有參加呢個活動, 因為嗰晚除咗識咗好多女仔之外, 更重要嘅係我把握到嗰幾個鐘,去不斷練習自己嘅conversational skill, 去enjoy同唔同嘅人傾計。

 

所以有時出去同陌生人傾計嘅時候, 唔好太著重自己溝唔溝到女, 反而你每個禮拜都不斷keep住認識唔同嘅人, 你自自然然就識得成為一個有吸引力,有領導能力嘅男人。

 

Anyway, 講番我經過呢個party之後反思,學習到嘅三堂課,同埋你點樣可以應用到喺你生活之中先:

 

第一, 同任何女仔interact嘅時候, 你係應該首先創造價值, bring her value先。

 

喺出去認識或者吸引女人嘅時候, 最差勁嘅男人就係嗰啲需要女人令佢哋開心,令佢笑或者將傾偈嗰一個包袱放喺佢度。

 

要記住, you DON’T need her for anything.你唔需要喺佢身上得到任何嘢。

 

就好似你係一個太陽咁樣, 無論何時何地,你都係咁樣燃燒著,燦亮著世界。Your cup is always full, 你係好滿意自己呢個人, 有額外嘅女人係你生命當已經係好啦,但係你唔需要佢去令你生命更加精彩。

 

所以嗰晚喺個party裏面, 我好醒目地一開頭就主動不斷同唔同嘅人傾計。男又好,女又好,冇興趣又好, 有興趣又好, 不斷練習唔同嘅開場白 , 將你observe到嘅嘢講出嚟, 咁就好快同人有話題傾計。

 

就好似有一道我喺度執緊嘢飲,  見到一開頭同我傾計嘅男人, 寒暄咗兩句, 跟住有個女仔行過 , 咁我就即刻同佢講 , “嘩你塊面咁紅嘅, 你啱啱飲完飲咗好多酒呀?”

 

就係咁樣, 佢就笑咗一下, 講話佢其實係嗰日去行完山。咁簡單我就打開咗話題,  之後同咗佢傾幾分鐘 , 跟住介紹咗畀第二個男人認識, 因為咁kiu嗰個男人又係嗰日行完山。

 

咁樣做, 一嚟我add value幫到呢一男一女認識大家, 二嚟搞到我好似係成個host/搞手咁樣, 喺嗰個場合嘅value係比其他人高, 完全係一個三贏的局面 🙂

 

仲有另一招就係, 當你同一個人傾緊計嘅時候 , 如果有個女仔喺你附近, 你可以即刻問佢, “咁你認唔認同呀?”

 

將佢帶入你哋嘅conversation之中, 又係一個好簡單令佢冇乜壓力嘅情況下去同你傾計。咁樣做, 你係將嗰個女仔帶到你嘅世界裏面, 跟住一齊講下笑,咩都講下,咩都玩下, 又係唔小心製造咗吸引力嘅一個好方法。

 

第二, 就係記得喺呢啲social嘅場合, 你鍾意講乜話題就講乜話題。

 

你唔係去講政治又或者講啲好凝重嘅人生哲理,因為 girls really just want to have fun. 放完工仲要講一啲你返工做啲咩嘅話題真係悶到仆街!  

 

女仔係想同一個唔care佢哋有咩諗法嘅男仔傾計, 同一個已經having their own fun嘅人去interact, 佢哋係想去join 一啲好玩嘅野。

 

所以喺呢啲social event最理想嘅情況係, 你第一句開口係一啲唔太make sense, 唔合邏輯, 亂鳩咁噏嘅bullshit。

 

因為其實去吸引女人係唔關你講嘅嘢字詞/話題事, 係講緊你有幾 free-flowing, 有幾自然流露,好玩並且唔care自己鳩噏啲乜嘢, 完全係一個自high嘅狀態, 咁樣女人係覺得你好好笑,好好玩,好想繼續黐住你。

 

呢啲就係所謂嘅vibe, 女人係鐘意good vibes, 好玩嘅氣氛, 而唔係下下講啲好正經好logical嘅嘢。

 

再加上,呢個係一個好好嘅篩選機制。因為如果個女仔唔識同你咁樣玩,你都唔需要再投資任何時間喺佢身上, 你又可以”下一位唔該!” 🙂

 

第三, 溝女要長遠溝得好, 你一定要開始同多啲好玩,最好都係幾靚女嘅女士做朋友。

 

因為當你身邊都係一啲好玩,個樣又唔錯嘅女仔friend嘅時候, 溝女真係易好多。尤其係當你去出去識新朋友嘅時候, 你帶住三四條索女, 你喺任何人嘅眼中嘅value都會即時提升十倍!

 

呢啲就係心理學嘅social proof, 唔識你嘅人睇落去會覺得你已經係 pre-selected咗。

 

意思係:  當其他女仔見到你身邊已經有幾個索女同你一齊, 佢哋就會自然總結你係一個有高價值嘅男人, 你係一個安全嘅人可以去認識, 唔係嘅話呢幾條女都唔會同你咁close啦!

 

最重要嘅係, 當呢啲外面嘅女人覺得其他女人都想要你嘅時候,佢哋就自自然然好想爭埋你一份。

 

所以親愛的巴打, 係你溝女嘅時候,記得去同時建立你女性嘅social circle朋友圈啦!

 

 

Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。

 

眨下眼就已經嚟到二月中間, 即係話我哋已經踏入新一年嘅第46日, 亦都即係話我哋已經過咗2017年嘅8分之1, 唔知聽緊你仲記唔記得新一年你曾經對自己有咩嘢承諾呢?

 

如果你過去呢兩個月都好勤力地聽我哋Man The Fvck Up, 應用你學到嘅嘢, 你想像一下你自己依家有幾大嘅轉變?

 

例如你有幾明白女人…

例如你有幾大信心去設計同創造一個充滿熱情,充滿激情,充滿慾望嘅新生活…

例如你而家講嘢有幾聰明, 你講故事嘅能力,你溝通嘅技巧等等…

 

短短一至兩個月你就開始體驗到你自己有幾進步, 你想唔想像得到,如果你keep住每一日每一個星期都一小步一小步咁樣去upgrade自己, 不久將來嘅你係會有幾吸引?

 

所以依家我想你作出一個承諾。

 

並唔係對我作一個承諾, 亦都唔係對Man The Fvck Up或者將來可能推出嘅任何trainings作承諾…

 

我想你呢一刻向自己承諾, 承諾你會不斷學習, 永遠都唔會停止進步 – 無論係關於你嘅溝女技巧, 溝通技巧, 感染說服人嘅技巧, 床上技巧等等…

 

承諾自己去成為一個the best version of yourself you’re supposed to be, 一個不斷去擴闊expand自己, 冇人能夠阻止嘅 motherfvcking badass!

 

如果你唔係”今天的我打敗昨天的我”, 咁你而家喺度做乜春?

 

你係咪願意繼續好似其他人咁樣fit in, 做一個漫無目的, 人云亦云, 得過且過,零意識每日活喺謊言之中嘅平庸大眾?

 

FVCK THAT!

 

定係你想成為嗰一啲成世都stay係同一個level, 甘於妥協, 甘於成為一個社會架構嘅奴隸, 每一日都重複做返十年前相同嘅嘢?

 

FVCK THAT SHIT!

 

定係你願意犧牲自己想做嘅嘢, 去做一個人哋expect你做嘅自己?

又或者犧牲自己想講嘅嘢, 淨係去講一啲大眾接受嘅嘢?

又或者犧牲自己真正嘅感覺, 而淨係去抒發”所謂合乎道德標準”嘅感受?

 

FVCK THAT HARD!

 

我想講一個秘密畀你聽呀巴打, 一個關於你嘅秘密, 你想唔想聽?

 

我梗係知你想聽啦 :p

 

個秘密就係:

 

喺你溝女嘅路途上面, 喺你成為一個擁有無限選擇嘅道路上面, 喺你學識點樣吸引/誘惑女人,知道任何時候應該講啲咩,做啲咩,點樣做既達人嘅過程上面…

 

呢一條路, 呢一趟旅程, 其實係唔關女人事, it’s all about YOU!

 

係關於你將會成為一個更加好,更加醒目,更加強壯,更加大膽,更加熱愛生命,充滿激情嘅男人。

 

係關於你將會成為最有力量,最有自信,最唔怕失敗勇於嘗試嘅一個版本嘅自己。

 

對於我嚟講, 學識點樣去成為一個具有魅力識得溝女嘅男人, 係最快,最即時見到效果, 最具挑戰性既一項活動,去清晰反映自己係一個點樣嘅人。

 

所以點解我好樂意去分享我每一日喺呢個dating market嘅最前線學到嘅嘢。

 

記住呢樣嘢:

 

當你願意踏出第一步容許自己成為一個更加自由,更加有吸引力,更加充滿激情版本嘅自己, 你就會間接令其他人亦都容許佢哋自己咁樣去忠於自己。

 

你係為咗你自己而做, 而唔係為咗其他人嘅認同而去做。

 

所以無論如何, 由今日開始, 你要承諾自己去釋放你內在嘅野心, 你嘅慾望, 你嘅理想。

 

容許你心中嗰團火不斷燃燒, 遇到任何困難阻滯, 你都會keep fvcking going.
咁樣你就正正式式成為一個 Man The Fvck Up 英勇嘅士兵,  將來成為一個擁有自己的帝國嘅真.男.人!

 

Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。

 

今日想好快分享一位聽眾琴日問我嘅一條問題, 我相信佢問嘅問題都可以幫到而家聽緊嘅你嘅。

 

咁我哋事不宜遲, 以下係A先生嘅來信:

 

您好Man,

早兩日係youtube到搵到您個channel, 聽左兩集覺得好inspiring,使我重拾生命中那份熱情,係一日內就聽哂你成個channel

咁我既問題係有時想追一些比自己higher value既女仔,而覺得自己唔夠value

你可唔可以比D方向,方法去提高男性自己既value,令自己個frame更加強呢?

 

A先生

 

咁首先好多謝A先生啦, 一來我搞Man The Fvck Up都係想喺香港make a positive impact, 令男士更加有自信去相信自己有能力去創造佢哋想要嘅生活質素。

 

第二就係當 A先生你講話 “我令你重拾生命中那份熱情 “, 對我嚟講係好感動同欣慰嘅, 因為我相信我哋每一個人, 都希望我哋自己嘅工作能夠感染其他人令佢哋更加積極面對人生, 去實現自己嘅夢想,所以多謝你咁有勇氣send email嚟問我問題 🙂

 

好, 以下係我對你條問題嘅回覆 :

 

其實value呢樣嘢, 一半係關於自己喺世界真正嘅影響力/power, 另一半係關於你嘅mindset/心態, 你嘅self-esteem/自尊, 同埋你對自己有幾肯定(self-belief)。

 

雖然我唔知你幾多歲啦, 但係如果你係in your 20s or 30s, 咁你個focus係應該盡快搵到自己嘅 mission, 自己嘅purpose, 建立你自己嘅帝國。

 

(雖然你嘅life purpose係會隨著時間而改變, 但最重要係有乜嘢喺呢一刻對你好有共鳴? 有乜嘢你係好想去做呢?)  

 

同時間, 亦都唔好太快buy into 任何價值觀/觀念/concept/idea/philosophy/覺得係啱或者錯嘅嘢等等,  盡量要open-minded一啲, 大膽啲嘗試多啲唔同嘢, 去冒險一下, 去闖蕩一下, 咁先知道有咩對自己係真正重要, 有咩對自己先有價值。

 

如果你係in your 40s/50s, 其實亦都好後生,而你其實係有年紀/經驗/成熟的優勢。

 

但如果你遇到一啲細過你十幾廿年嘅女士, 你可以按照佢哋嘅大約年紀, 帶領番佢哋有一種playful好玩啲既experience,但同時亦都有少少mentor feel, 分享你自己咁多年學到啲乜。

 

點都好, 你覺得某啲女仔比自己高value, 可能有一半係現實。

 

(i.e. 社會意識形態話你知男人女人應該係點, 例如: 如果個女仔係又靚,又有身材,又有錢,又有事業,又認識上流社會人士,又可能係半個明星/ig女神/model, 大部分男人都會覺得溝唔到佢, which may be true because she DOES have a lot of “life experience” that you cannot offer right now.)

 

但如果問心講,佢唔係真係去到嗰一種級數, 佢只係你眼中覺得好仰慕,好sexually attractive,好fresh嘅女仔, 咁你就要明白對絕大部分女仔嚟講嘅value,  都係關於你可唔可以令到佢有feel, 你可唔可以trigger到令到佢感受a wide range of emotions.  

 

記住, 溝女係要push + pull, 要經常都有一種playful但challenging既vibe, 要令佢覺得你好神秘, 唔肯定你係咪真係鍾意佢, 好似係又好似唔係嘅feeling。

 

最緊要係, 當佢係shit test/質疑你嘅立場, 如果係喺一啲重大嘅事情或者對你好重要嘅東西上面 , 你就一定要stand firm, 表明你嘅立場 , 永遠都唔好犧牲你自己嘅底線/frame.

 

希望以上可以幫到你!

 

Man

 

BTW, 其他聽緊嘅brothers, 聽日係情人節喇, 如果你係單身嘅, 唔該聽日出下街, 識下女仔, 夜晚出去玩下, 話唔定你會有意外收穫!

 

情人節係一個女人比男人更加猴擒嘅日子, 所有單身嘅女士都幾乎想要sex and relationship,情人節係一個perfect嘅日子去bar, 去club, 去商場, 去街識女仔。
而當你喺嗰日識到佢, 佢更加可能會對你充滿幻想, 覺得你哋之間好有緣分等等。