Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
恭喜曬已經下載免費43頁溝女書嘅巴打們，相信你已經明白10樣女人暗地裡想你知道嘅秘密。
仲未下載嘅話，可以㩒一下片中description嗰條link，或者去manthefvckup.com/freebook 去下載呢本書。
你有冇試過望到一個人，男人或者女人都好，跟住心裏面諗：『呢個人好靚仔，好靚女呀，佢人生一定好美好順利嘞！』
又或者，你平時行街見到一啲高大威猛又靚仔嘅model型男，你會唔會即刻覺得佢一定溝死女呢？
又或者當你見到一個索女嘅時候，你心裏面有一種衝動想去approach佢，但係兩秒之後你嘅恐懼就同你講：
『唉…算啦…佢咁靚女一定有好多人追／佢咁正一定已經有男朋友／佢咁索一定好臭串/佢咁高level對我嚟講一定遙不可及啦…』等等嘅自我fantasy呢?
如果你有試過做過以上任何嘢，咁即係話你有機會患咗『Pretty Envy』嘅徵狀，你係有一種妒忌人哋外表嘅傾向。
『Pretty Envy』嘅人通常都會比較以貌取人，跟住就對嗰個人作出批判，所以好多呢類型嘅男人會因為咁樣嘅自我保護意識而唔去做approaching。
但係，即使我哋心裡面知道唔應該『以貌取人』，點解有時我哋都潛意識地去對於陌生人作出批判？
原因好可能就係由美國哈佛大學心理學教授Edward Thorndike 命名嘅『Halo Effect光環效應』嘅theory。
佢發現原來我哋個大腦係有一種『認知嘅捷徑／盲點』去令我哋好快決定一樣嘢係好定係壞。
Halo Effect係講緊，我哋每個人都會根據我哋對一個人／公司／品牌嘅印象，去對嗰個人嘅品質或者特性作出一個以偏概全嘅主觀印象，
所以你嘅 first impression係對你人生任何一方面嘅成功有絕對性嘅影響。
講返溝女先：
亦都係因為Halo Effect同埋因為男人係首先被視覺性嘅嘢吸引，
所以你會好容易將一個睇落幾靚嘅女人『女神化』，覺得佢係完美無缺點零瑕疵嘅天使，之後覺得自己一定襯唔起佢。
咁你可以點樣解決你嘅approach anxiety呢？
其實真係需要不斷練習，由簡單嘅情況開始做起。
你要用一種叫做『Progressive Desensitization』嘅行為技巧去令自己慢慢適應『恐懼』。
例如你有嚴重嘅社交恐懼症，有可能你需要首先同屋企人傾到計，之後開始同朋友傾計，
再之後就開始喺公眾場合同阿伯阿婆傾偈，之後同其他男人傾計，之後同唔靚嘅女人傾計，最後先慢慢升呢去到同一個『8,9,10』嘅索女傾計。
當然如果你真係有心理問題或者病，你應該諮詢醫生或者心理學家嘅意見。
但係對於大部分嘅我哋，同陌生人social只係一種需要鍛鍊嘅技能，
當你每個星期都schedule好有一兩次要同陌生人接觸，咁樣隨著你嘅不斷練習，你嘅approach anxiety亦都會慢慢減退。
最後就係，approach anxiety係永遠都唔會完全消失，
而你一段時間唔去練習嘅時候，你嘅approaching skills又會慢慢退步。
所以正如我一向所講，長遠嘅辦法係要建立一個active嘅social circle，每個星期至少有一次喺會認識一啲陌生男女。
咁樣嘅話，你任何學到嘅溝女技巧先至能夠不斷練習進步，你亦都唔會因為某一位『索女』而令到你被佢嘅『光環』halo咗你嘅判斷喇！