Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
今日好快解答巴打X關於識女仔時應該用咩心態嘅問題， 佢問我：
『每日為巴打增值的Man:
你好!我就少奉承,
事實既野你知我知大家知,多謝你. 情景如下:
1.Alpha male想講就講想做就做。溝女要想到做乜就做，唔好諗咁多野，”諗得多,只是你腦中的東西”。
2.要CHALLENGE d女，等佢賺取你認同。
見到正女，正常雄性都係想溝佢，正女真正乜底蘊一回事，就算佢唔係真係咁”女神”咁完美，都係溝左先算。
講真，走去條女度埋身出招，又要PUSH & PULL，那不是太假嗎(雖然係咁玩)？
我唔想溝佢點會埋佢身？去得個D場合埋得身，雙方都知乜事吧！
發展友誼，咪自欺欺人啦。
問題係：見到條正女想溝個心態（行動另計,如PUSH & PULL）。如果唔係”我想溝你”，係乜野？要有心態，行動自會自然流露。
“我要溝你”和”唔知你抵唔抵溝”不是互相衝突嗎？
兩者在我之中並存的心態是甚麼？
謝謝，大家一齊朝朝向上~
巴打X』
我必須講，Great fvcking question，所以聽緊嘅你，如果有問題想問我，其實有兩點要注意：
＃1 以精簡嘅形容話我知你嘅情況，同埋你想知道啲乜嘢。
＃2 你越奉承我得多，搞到我愈high，你得到嘅回覆將會更快更詳細！:D
以下就係我回覆巴打X嘅內容：
『Yo 巴打X，
奉承多啲都冇問題㗎，我接受到 😉
你講嘅兩點都講得冇錯。至於你話『行得過去都知道想溝佢』，其實比較合適嘅說法，喺『行得過去，都代表我哋有興趣』，但係至於會唔會『溝』就唔一定啦。
因為你都要喺傾計嘅時候去睇下佢係咪真係適合你，亦都係點解我叫你哋需要qualify佢嘅原因。
冇錯佢係睇落好正，但係如果一開口傾偈發覺佢冇乜內涵，我諗真正嘅alpha male都唔會點揀佢，所以就要視乎自己嘅standards係咪單純外表正就接受到喇。
至於你話見到正女想行過去嘅時候應該有咩心態，好問題！
其實個mindset好簡單，就係：
『依，條女表面幾正喎，但係我有啲好奇你仲有啲乜嘢可以offer到我，等我行過去發掘一下先。』
如果你以『我想溝你』嘅心態去approach佢，咁樣你嘅vibe/energy就會有一種『從下而上』嘗試得到某啲嘢outcome-based嘅感覺。
相反，如果你以一個好奇嘅心態，去睇下『呢一張臉嘅背後係一個點樣嘅人』嘅角度，
你除咗唔會有咁大壓力去approach，無咁容易AA，你亦都唔會表現咁needy，能夠放鬆啲去enjoy成個interaction喇。
得架啦，唔使客氣。:-)
聽緊嘅你，如果有咩私人問題想問，就直接send email去manthefvckuphelpdesk@gmail.com啦，聽日同樣時間再見！