Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
我哋琴日講咗，點解你依賴needy嘅行為喺絕對會令到你絕子絕孫；
今日我哋就講下點解咁多男人都咁needy ，同埋你可以做啲乜嘢去慢慢消滅呢種依賴性！
首先你要明白：
Neediness嘅出現，係因為我哋心裏覺得有一種需要，
需要一啲外在嘅嘢入嚟／出現去充滿我哋內心，去『充滿』我哋成個人。
喺現今嘅社會，雖然我哋大部份都唔會對食物或者資源太過needy，
但係絕大部分人嘅情感依然係needy，
佢哋有一種emotional neediness，需要其他人去令佢哋得到『情感上嘅滿足』。
所以平時你有幾獨立呢？你對住其他人嘅時候有幾依賴呢？
你能唔能夠一個人生活仍然生活愉快呢？會唔會一個人就會覺得好孤獨呢？
你仲需要幾多個其他人去『充滿／滿足』你嘅生命呢？
事實就係：
如果你獨立嘅時候唔覺得『完滿／完整』，唔能夠complete in yourself，
需要其他人去令你開心，需要其他人『認同你／話你知你有價值／話你知你值得被愛』，
咁樣你就仍然係一個唔成熟，一個未長大，一個仍然根本地依賴／needy嘅低吸引力嘅小男孩，
而唔係一個吸引女人嘅雄性男人。
點解現今嘅男人咁多都咁依賴呢？
簡單嚟講：
其實人類一出世，成為bb嘅時候，我哋係必需『依賴』先至能夠生存。
BB仔係無能力保護自己，佢哋係絕對需要成年人去保護照顧，需要『被愛』，需要呵護擁抱。
（Btw，你應該聽過，BB仔一出世係需要即刻比佢媽媽擁抱，有肌膚嘅接觸，唔係嘅話佢哋會死亡！）
所以我哋由bb仔果一刻開始，needy喺我哋身理上心理上必須擁有嘅特質，我哋係需要第三者先至能夠生存。
但係去到幾歲變成小朋友開始，無人真係教過我哋要預備去變得non-needy。
仲係bb仔嘅時候，我哋做任何嘢賴屎賴尿，全世界都會話我哋好得意，唔會責怪你。
但係去到好幾歲嘅時候，你就開始知道，
原來屙屎係要自己抹乾淨，原來你『唔做某啲行為』你老豆老母係會鬧你。
所以去到某一個位，你潛意識地就會學識『原來我要做個乖仔先會得到愛』，
所以我哋就會開始學識去討好／奉承其他人，讓自己感受愛。
Anyway，重點就係：
你同我同全世界嘅人都必須經歷needy嘅階段，
但係你長大後，能唔能夠成為一個獨立／唔依賴／有吸引力嘅成熟男人，
就取決你有冇意識去努力清除你嘅neediness。
醒目嘅你而家可能會問，你應該做啲乜嘢先至能夠消滅自己嘅Neediness呢？
好問題！
解決嘅方法包括：
－你要仔細思考一下自己嘅價值觀／Values，同埋做人原則／Principles；
－發掘自己嘅底線／Boundaries，知道有乜嘢你係接受人哋做，有乜嘢你係絕對唔會接受人哋做；
－你一定要首先投資喺自己身上，invest in yourself FIRST，
對自己好啲先，照顧好自己先，增加自己價值先，之後先至好協助其他男人女人得到更精彩嘅生命；
－同埋最重要嘅係，要有一個清晰嘅Purpose，你生存做人嘅目的，一個比起你個人利益更加宏大嘅原因去生存；
並且同時建立一個充滿激情，充滿passion，充滿energy嘅精彩生活；
當你有做以上嘅嘢，當你建立一種充滿生命力嘅lifestyle，你原本嘅neediness就會開始自然地消失，
到時你就只需要學習簡單嘅flirting skills，咁樣你唔需要點樣去『溝女』，越來越多嘅囡囡會自動被你嘅魅力吸引過嚟。
所以你能唔能夠終於明白，點解MTFU唔係好似PUA咁，純粹教你X+Y=Z嘅溝女技巧呢？
原因就係，教導一啲needy／依賴嘅男仔溝女，就好似教一啲精神病人點樣用機關槍！
最後佢除咗傷害自己，亦都傷害其他人；
更加有可能會製造更多唔健康needy嘅寄生關係嘅relationship，甚至連累下一代。
坦白講，今時今日大部份嘅情侶／夫妻，
其實都係因為互相嘅neediness而喺埋一齊，用錯嘅原因選擇同一個錯嘅人喺錯嘅時候一齊。
Anyway，呢啲嘢遲啲再講 LOL
希望你今日能夠明白『點解咁多男人都咁依賴 + 如何消滅自己嘅Neediness』，
我哋聽日就會講下如何表達自己的Non-Neediness！