Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
恭喜曬已經下載咗免費43頁溝女書嘅巴打們，相信你已經開始明白10樣女人暗地裡想你知道嘅秘密。
如果你仲未下載嘅話，可以㩒一下片中description嗰條link，或者去manthefvckup.com/freebook 去下載呢本書。
如無意外今集係我哋Man The Fvck Up嘅第100集， 好多謝每日聽我哋channel嘅各位巴打兄弟，你哋畀我嘅問題，你哋俾我嘅感謝信，你哋願意投資係自己身上，係令到我每一日為你創造更多價值嘅動力。
其實Man The Fvck Up嘅任務好簡單：
就係建立一隊100,000名男人組成嘅軍隊，協助有野心有大志有理想+願意勇敢為自己付出打拼嘅精英巴打，即係你，得到各自想要嘅夢想。
所以今日想講一條比較深入比較宏觀嘅人生問題，希望能夠協助到你繼續每一日征服屬於你嘅道路。
之前有位巴打同我講話佢喺我身上學到其中一樣最重要嘅嘢就係Self-Love，對自己的自愛。
冇錯，自愛係好重要，但係今日我分享畀你嘅好可能作為男人嘅你更加重要。
如果你依家係廿零三十歲，又或者啱啱大學畢業，甚至係啱啱先至攞完身份證，你好可能某個時候曾經問過自己：
『究竟我將來真正想做啲乜嘢呢？ 究竟我嘅夢想係乜嘢呢？究竟有冇乜嘢嘅工作係真真正正屬於我，令我能夠每一日都愛上我呢一份有意義嘅工作呢？
究竟我嘅Vision願景係乜嘢呢？我作為男人嘅Mission又係乜嘢呢？我最終嘅人生目的Life Purpose會係乜嘢呢？』
好好嘅一啲問題，亦都係好困惑好多比較後生嘅成年人，尤其是係一啲對自己理想有抱負嘅男人。
但係問以上有質素嘅問題只係第一步，好可惜地好多人成世都只會問完問題就會忘記咗件事，做嘢得個講字，佢哋係唔會付諸行動去發掘屬於自己嘅人生目的。
所以你要小心，千祈唔好因為呢一刻『你唔知道／你唔清楚／你唔肯定』你將來做啲乜嘢，而比一個藉口自己呢一刻去頹廢，去hea，去曬時間日日喺度煲劇食花生。
真相就係：如果呢一刻你連一步都唔踏出去嘗試做你呢一刻認為『最正確』嘅事，咁樣你只係不斷畀藉口自己去懶去bullshit自己。
你依家唔清楚你嘅人生目的，so fvcking what?
你只需要記住『洋蔥的故事』，冇錯我知『洋蔥』好好聽，但係我唔撚係講緊楊宗緯個首歌！
我講緊嘅係，你嘅人生目的你嘅人生任務你嘅願景等等，其實就好似一層一層嘅洋蔥。
當你能夠大約向著你『高地位』嘅道路進發，喺你面前嘅第一樣嘢，喺你面前你覺得有機會係屬於你嘅工作，你就應該去征服佢先。
因為當你能夠dominate佢，你個人亦都會隨之成長進化 ，
而好可能一年三年五年之內，你第一層嘅任務就會完成，呢層表面嘅洋蔥皮亦都會剝落，第二層嘅任務亦都會出現。
我唔理你依家幾多歲，依家讀咗幾耐書，依家做咗幾耐嘢，喺你面前你認為最適合你嘅東西就係一種徵兆，話你知你係需要立即take action去搞掂佢。
當你征服完佢之後，你就會進化，你就會好似蛇咁樣脫咗舊嗰層皮，獲得新嘅一層皮，你就會得到另一趟嘅『英雄旅程』。
你咁樣每次征服完一樣嘢再征服另一樣嘢，你每次就會越嚟越接近洋蔥嘅核心。
到時嗰一個就係最深入你靈魂，最接近你calling，最啟發到你嘅願景，最令你興奮由早到晚去做嘢嘅人生任務，你將會愛上每一秒嘅生命。
但係，你係永遠唔能夠去到嗰一點，除非呢一刻你take huge fvcking ACTION，除非呢一刻你開始付諸行動去做眼前最適合你嘅工作。
所以呢一刻你冇一種好insipiring嘅願景咩？
That’s okay，願景呢樣嘢根本就唔suppose係清晰完美嘅；
你需要做嘅係根據呢一刻你人生嘅位置，去首先輕易達成某一啲任務或目標，咁樣你就至少行去新嘅方向，得到新嘅啟發，進化做新嘅人。
我讀小學中學大學嘅時候都冇諗過我會選擇唔做lawyer，走去成立ManTheFvckUp Brotherhood，冇諗過會整咁多訓練課程，冇諗過會每日拍片同你講溝女，講成功，講人生意義！
你試下回想番三年前五年前十年前嘅你，你會唔會曾經諗過你會去到今日嘅位置？
Fvck No Bro!
呢一刻，我同你都唔能夠想像五年後三年後甚至短短嘅一年後我哋嘅成就會係點樣；
但係我可以好肯定同你講，
如果你今日唔開始做當下你認為最適合你嘅東西，
如果你今日唔開始踏出第一步just get fvcking started，
如果你今日唔開始積極增值自己擴闊自己視野，
你一年後三年後五年後十年後去到死嗰一日仍然會係原地踏步；
可能仍然係面對買唔到樓嘅問題…
可能仍然係面對溝唔到女嘅問題…
可能仍然係面對冇精神冇魄力去闖蕩嘅問題…
可能仍然係面對好憎一世打工搵唔到錢嘅問題…
你想唔想呢啲情況出現啊？
我自己就唔想喇，而我亦都相信你加入得我哋ManTheFvckUp，你都唔想係咁樣。
所以下一步係點呢？
下一步就係Get Fvcking Started，利用你面前呢一個『暫時性機會』作為你嘅平台，令你可以彈到下一層level，咁樣你每一次升呢去下一關，你就會更加接近你嘅人生目的！
畀心機，如果你鍾意今集嘅話， 你可以share畀一個人你認為重要嘅人。