溝女最大嘅精髓，喺你以一種睇落『唔似追女仔唔似太在乎佢』嘅方式，一步步將條女收復番嚟。
每次你花大量時間溝條女返嚟，我保證你100次有99次都係失敗告終；
就算有1次咁好彩成功，你都喺付出過量嘅時間精神去做成件事，整體而言你都係輸。
咁所以點樣先可以令女仔追你呢？今日就會教你一樣好多人都唔想做，但做咗就一定成功嘅方法！
＃1 要囡囡追你嘅方法好簡單：就係喺佢眼中，佢喺覺得你喺一個高價值有substance嘅男人，喺一個同佢身邊另外9個想追嘅男人與眾不同！
所謂嘅『高價值有substance嘅男人』，唔一定喺講緊你日日揸林寶，晚晚食高檔貴嘢，每個星期落club開枱，每個月開遊艇party同其他明星玩嘅人，雖然你有能力當然可以咁做。
所謂嘅『高價值有substance嘅男人』，其實喺講緊你對自己有高要求，你喺人生各方面都挑戰緊自己，你喺有野心會行動成功嘅人，
你除咗勤力之外亦都鍾意social去玩，成日都會試唔同有趣活動嘅人！
＃2 點解呢啲特質咁重要？
因為只要你各方面唔係地底泥，你做好基本功嘅話，女人好多時喺唔太care你現時嘅生活狀態或者生活指數；
佢care嘅喺你係咪一個有潛質嘅行動者，佢care嘅喺半年後，1年後，3年後嘅你，係咪真係會比起而家更加強，更加好玩，更加有能力！
所以如果你想女人覺得你『高價值有substance』，
你就要實質地一早做緊一啲高價值男人會做嘅行為，亦都係我喺The Kings Club教導皇者巴打打拼嘅人生三大範疇。
＃3 當你真係becoming一個高價值男人，你有目的性有意義地活你嘅人生，你正面地喺自己道路上衝鋒陷陣，
你分享同朋友或者自己間唔中玩嘅有趣活動，咁樣已經可以令條女煥然一新。
無論喺講下你最近參加咗啲乜嘢興趣班，定係你加入咗某隊球隊，定係你準備去嘅旅行地方，定係你最近做完嘅義工，
定係你最近探索咗啲乜嘢新奇刺激好玩嘅嘢，定係你最近經歷咗乜嘢好睇嘅人生挑戰…
…只要你喺你嘅life有不斷do shit，喺現實世界儲成就，而唔係喺虛擬世界打機攞假嘅成就，
咁你就係女人眼中高價值令佢會尊重你，想追你返嚟嘅獎品。
#4 咁所以巴打，成功溝女嘅前提，喺你要有實質value；唔係嘅話，你學幾多心理技巧都係無用，因為無女人喺想搶一個樣衰嘅毒撚乞衣。
所以請你Like完呢段片之後，下面留言話我知：
你會點樣建立你嘅價值呢？你會點樣結識有質素嘅朋友呢？你嘅野心又係啲乜嘢呢？
你會點樣喺現實世界去玩，去做啲有趣嘅活動，認識有趣嘅人，令你嘅life變得更加interesting呢？
我期待你嘅答覆，下一集再見！