歡迎嚟到新一集嘅溝女Q&A，我喺呢度每星期都會協助MTFU嘅巴打，簡單地解答佢哋嘅溝女戀愛問題。
如果巴打你想我親自聆聽你嘅問題，提供更詳盡嘅兩性策略畀你嘅話，
你可以報名加入我哋MTFU Insider嘅大家庭，因為你喺裡面喺可以得到我為你度身訂做嘅訓練課程，讓你得到所有關於溝女／約會／性愛／感情嘅全方位支援。
你有興趣嘅話，就腥email去support@manthefvckup.com 索取詳情啦！
============================
Ethan C: 遇到追求對象既男朋友WhatsApp爆粗鬧我，點做？
例如我追緊一個女仔，果時我唔知佢有男朋友，傾傾下無耐，收到一個不明msg，係佢個男朋友爆粗鬧我，叫我唔好騷擾佢條女⋯
我同佢講，「好啦！甘我唔騷擾佢啦！」之後仲問我電話幾號？我無覆佢，因為我唔想理佢，加上我都唔再騷擾果條女（我本身對果條女唔係太大興趣）
佢又覆我「唔應我？」（我諗：我唔識佢，又爆粗鬧我，仲問我攞電話，係咪有病呀？我當然唔覆佢msg啦,佢介意我唔應佢，有呢種心態既既人都會溝到女咩？都唔知佢用咩方式溝到果條女？）
想問啦！如果想同一個女仔深入發展，突然有個疑似佢男朋友既人用msg鬧我⋯我應該唔理呢個男仔，覆都唔好覆佢？加上要放棄追果條女，搵另一目標？
============================
＃1 我一向都唔建議各位巴打知道咗條女有男朋友之後，你再去繼續溝佢嘅。遇上女人同你講佢有男朋友嘅情況，可以有陣時係真，有陣時只係shittest。
請巴打喺我哋嘅channel搜尋返《女人同你講佢有男朋友? (三種處理方式!) 》嘅video ，
你就會識得點樣處理唔同類型嘅情況。
＃2 Ethan你要知道，無啦啦收到不明message，絕對唔係一件無啦啦巧合嘅事；極大機會係嗰條女搵條仔去搞鳩你。
咁所以從呢一點嚟睇，擺到明條女就係對你冇興趣，甚至覺得你麻煩痴身，所以佢先至會透過第三者去趕走你甚至恐嚇你；
所以喺呢啲情況，你根本唔需要考慮點溝佢。
＃3 嗰條友係咁message你傾計爆粗鬧你，你當然唔使理佢啦。既然你都知道呢條女喺背後有少少『出賣你私隱』，你都知道佢唔係一個善男信女。
所以無論嗰個係佢條仔，定係普通一個beta男性朋友都好，只要你block鳩條友同埋條女，好大機會之後都唔會再有事，而你亦都當然需要去溝其他女啦！
============================
KWP Ki：Hello man神，我都睇左你啲影片一段時間,我上個月同條女分左手，原因係我暪住佢去蒲，我用左你啲影片入面既做法，斷絕曬所有聯絡方式，我地係同一間中學嘅同班同學，之前一直冇講野，但佢呢排開始撩返我講野，我都有比啲反應佢寸下佢，咁樣係咪代表佢想同翻我一齊？希望你可以解答一下。
==》就咁睇，我唔係好明白呢位巴打嘅情況，因為我有好幾個問題需要問你。
譬如話：點解出去蒲咁小事就要搞到分手呢？究竟係你分手呀，定係被條女分手呢？
你話你哋係中學同班同學，點解拍拖咁耐又一直冇講嘢咁奇怪㗎呢？係咪因為你哋扮唔識跟住搞地下情呢？
跟住你話佢近排聊返你講嘢，表面上的確係好似想攞番你注意力嘅，咁所以從以上嘅事件推斷，我估計巴打你同條女應該係初中學生，先至會玩埋呢啲小學雞嘅嘢。
咁所以好可能你之前所講嘅拍拖，其實都係一啲冇搞過嘢但係又話一齊咗嘅情況。
由於你係中學生，你所謂嘅蒲好可能都唔係落club飲酒溝女嗰啲嘢，可能淨係同班friend出下夜街睇齣戲。
咁所以係咁樣嘅context下，你知道你嘅拍拖唔係真正嘅拍拖，分手亦都唔係真正嘅分手；
你絕對可以當條女係想要返嚟，你亦都可以繼續同佢玩呢啲小學雞遊戲，因為你哋兩個並唔係玩緊成年人dating嘅遊戲，無需要太過擔心。
============================
Chun Man Lai：點樣先可以快啲放低？自從分手之後，Ex好快同左個player一齊，之後又撒左。
朋友同返我講，個player係男model黎，係某電視台演員個仔。之後我個ex就黎鬧我做乜打聽佢咁多野，話我咩左比唔上個player，甚至話個player先係佢初戀咁，令到我好介意，覺得自己係佢心目中跟本咩都唔係咁。
我點先可以唔介意？ 點先可以快啲move on呢？
============================
＃1 首先關於『分手』呢個topic我之前已經講咗好多次，咁所以請巴打你喺我哋嘅youtube channel搜尋『分手』呢個關鍵字，你就可以搵到相應嘅題材。
所以我建議你去睇返嗰一啲片，
＃2 呢條女根本就係一個仆街含撚食家，所以見到一個表面上高價值高地位小小嘅靚仔，就會略飯應揼低你，跟住繼續拍散拖食新腸。
咁所以當呢條賤婦喺度中傷你嘅時候，雖然表面上可能你真係冇嗰條仔咁成功，你又何需中呢條女嘅心理圈套，覺得自己真係零價值呢？
＃3 呢一刻嘅你係將自己嘅自尊心同埋自我價值，掛鉤喺一個八婆女人嘅意見上面。
我相信你係一位年輕嘅巴打，咁所以你要學習嘅係將自己嘅self-worth掛鉤喺自己嘅內在特質同埋外在成就上面，自己成為唯一嘅批判者決定自己係咪有價值。
當你係自己首先接受唔完美嘅自己，然後用盡一切方法提升自己各方面嘅力量同實力嘅話，你將來遇上任何女人先唔會畀佢哋有意無意地貶低你，被佢哋嘅垃圾造詞影響你嘅自信。
咁樣你先至可以從呢啲小事之中move on，長遠地增加自己吸引力，溝到更多畀呢條八婆更索更高質素嘅女人！
你介意人哋睇唔起你嘅話，就唔該你首先透過行動做一啲你會睇得起自己嘅行為，去首先成為一個自己會尊重自己嘅人，ok！？
Anyway，今集嘅溝女人生Q＆A告一段落啦。
如果巴打你覺得唔夠喉，想我更貼身更快地解答你嘅兩性問題嘅話，
你就記得send email去support@manthefvckup.com 查詢關於加入Insider成為精英兄弟嘅詳情啦！
我哋下一集再見！