Welcome to <A Billion Wicked Thoughts/十億個邪惡的念頭> Ep.5， 今集我哋會講下呢本書嘅Ch.3：男性嘅性慾喺點樣形成，究竟有咩因素令男人產生性慾等等。
重點＃1：就好似公雞喺會迷戀母雞嘅紅色雞冠一樣，或者雄性狒狒迷戀雌性狒狒嘅鮮紅色臀部一樣；生物學家發現，原來男人都會迷戀一系列女人嘅身體部位。
男人嘅性幻想，喺比起女人更加『視覺性』，佢哋會比起女人更加記得性愛時嘅『視覺畫面』；男作家所寫嘅色情故事，通常都比起女作家多啲『視覺性嘅描述』。
咁所以男人嘅大腦設計，喺比係女人更加接受『視覺嘅性愛刺激』。
喺男人嘅大腦，Amygdala／杏仁核喺主宰情緒嘅，而Hypothalamus／下丘腦就係主宰性慾。當男女都睇咸片，男人呢兩個部份都會比女人有更加強烈嘅啟動反應，令男人更加集中。
簡單嚟講：視覺信號喺會激活男人嘅性慾，男人嘅大腦設計就係會『物化女人』，見到索女就會激起自己性慾！
重點＃2：究竟全球嘅男人最鍾意女人嘅咩部位呢？
點解有人迷戀紅卜卜嘅烈焰紅唇，有人迷戀腳趾，有人迷戀大籮柚，有人迷戀纖腰，有人迷戀細腳，有人迷戀大波呢？
Well，作者舉出咗個日本例子(zettai ryouiki／絕對領域)，顯示男人對身體部位可以有幾瘋狂。
所謂嘅『絕對領域』，就係一種御宅族嘅次文化用語，講緊『穿著迷你裙與膝上襪時大腿暴露出來的部份』，就係你喺女僕咖啡廳見得到嘅短裙。
作者解釋：某啲男人會用『1－10分』去劃分女人，某啲男人會鍾意36-24-36去形容女人；
而『絕對領域』嘅fans，就會量度『短裙：大髀肌膚：膝頭以上嘅絲襪』嘅比例，劃分E-A等級，E = 太多肉太多裙，A = 少少肉極短裙；
而標準黃金比例就係4：1：2.5（即8：2：5）。
重點係：作者發現呢種癖好主要出現喺日本男人之中，而每個地方嘅文化都會影響男人鍾情於邊一部位，
就好似印度男人鍾情於女人嘅腰部，維多利亞時代嘅男人就鍾情於腳踝，某啲地方就就鍾情於長頸或者大嘅耳窿。
但係根據作者嘅資料搜集，全世界嘅男人最普及中意嘅就有三個部位：胸，籮柚，同埋腳。點解某啲部位喺有普及性，某啲就無呢？
重點＃3：有兩位心理學家 Joseph Plaud +James Martini，佢哋做咗一系列實驗，將一個叫plethysmograph嘅儀器，綁喺男人嘅陰莖；
然後不斷比唔同嘅相片佢哋睇，譬如裝有錢嘅錢罌，有著衫嘅女人，赤裸嘅女人等等，去量度佢哋有幾多血流落陰莖。
實驗目的喺去睇下男人嘅性慾望，係咪好似Ivan Pavlov／巴夫洛夫嘅古典制約／Classical Conditioning嘅原理一樣，可以慢慢將無關痛癢嘅嘢condition落男人嘅性慾到，令佢對一啲原本無性慾嘅嘢，都會變得有性慾。
最後發現：2／3嘅男人，最後會對錢罌產生性慾，顯示視覺嘅制約喺會影響男人嘅性慾。至於social conditioning／社會制約，就大部份時候唔會。
因為作者解釋，『胸，籮柚，腳』嘅性慾望，好多時都係跟住男人一世；但係對錢罌產生性慾嘅效果，過咗幾星期後就會大幅減退，出現extinction／消退嘅心理現象。
好多時，男人嘅性迷戀，通常都係出現喺『某一次嘅接觸』之中，而唔係『不斷重複嘅接觸』之中。
而且，幾乎所有嘅性癖好，都係出現喺男人青春期嘅時期，科學家稱果段黃金時間之為『critical period／關鍵期』。
『關鍵期』究竟喺講咩？點解以上提及嘅女性部位咁吸引？
點解某啲男人特別鍾意平胸或者肥妹？背後又有啲咩原因？
我哋聽日第6集就會講埋Ch.3嘅下半部份！
有咩問題，就Like呢段片，訂閱我地MTFU嘅channel，然後下面留言比我知啦，下集見！