Yo！我喺MTFU嘅Man神啊，激發男士雄性力量，感受更多愛與激情！
Q&A: Hello Man神, 有一個問題諗左好耐都諗唔通。
有一個女仔好鐘意我，每日都會主動whsapp我、會主動約我出黎。佢性格好好、大家既興趣都好似、價值觀同好多想法都同我一樣、個樣又唔算太差。所以同左佢一齊幾月。但唯一問題就係佢既外表唔係我鐘意果類型。但平時同佢約會都係開心、平日有陣時都會念起佢、掛住佢。但同佢一齊就係冇果種好鐘意會心跳既感覺。
佢會為左我做好多野，佢知我鐘意某類型電影，就算自己係超級唔鐘意，但都會主動去睇，想同我有共同話題。平時好多野都會好就我，就算我話一、佢一定唔會話二。我成日串佢、玩佢，佢都會覺得好開心。其實到呢一刻我真係揾唔到佢有咩缺點。
我都好肯定我自己鐘意果類型女仔係佔好少數，而且佢地又必未會同我一齊。就算同我一齊，都一定唔會好似呢個女朋友付出咁多。
好多人都話結婚果個唔會係你鐘意果個，其實呢句說話係咪真既? 依家呢個年代有幾多人會係咁? 會揾一個唔係自己最鐘意既人結婚?
同一個適合自己既人結婚真係咁重要? 但如果同一個我鐘意既人結婚，為左少D嗌交，所有野就哂佢、最多自己辛苦少少咪得囉，起碼呢個人係自己鐘意，每日都想見到佢。另外，Man神如果你係我，你會點揀呢? 好多謝你既解答~ Eric